ഒഴുകൂരിൽ സ്‌കൂൾ വാൻ താഴ്ചയിലേക്ക് മറിഞ്ഞു; ഡ്രൈവർക്കും അധ്യാപികയ്ക്കും കുട്ടികൾക്കും പരിക്ക്

മലപ്പുറം:മൊറയൂർ ഒഴുകൂർ കുന്നക്കാടിൽ സ്‌കൂൾ വാൻ മറിഞ്ഞു. അപകടത്തിൽ ഡ്രൈവർക്കും അധ്യാപികയ്ക്കും പരിക്കേറ്റു. കുറച്ച് കുട്ടികൾക്ക് നിസാര പരിക്കുണ്ട്. റോഡിൽ നിന്ന് സൈഡിലേക്ക് താഴ്ചയിലേക്ക് ആണ് വാൻ മറിഞ്ഞത്.ഇന്നു രാവിലെ 9 മണിയോടെയായിരുന്നു അപകടം. മുസ്ല്യാരങ്ങാടി കുമ്പളപ്പറമ്പ് എബിസി സ്‌കൂളിന്റെ വാൻ ആണ് അപകടത്തിൽപ്പെട്ടത്. വിദ്യാർഥികളുമായി സ്കൂളിലേക്കു പോകുമ്പോൾ ആണ് അപകടം ഉണ്ടായത്.നിസ്സാര പരുക്കുകളോടെ ഡ്രൈവറെയും അധ്യാപികയെയും 11 കുട്ടികളെയും കൊണ്ടോട്ടിയിലെ റിലീഫ് ആശുപത്രിയിൽ പ്രവേശിപ്പിച്ചു. ആരുടെയും പരുക്ക് ഗുരുതരമല്ലെന്ന് ആശുപത്രി അധികൃതർ.