താമരശ്ശേരി: കോഴിക്കോട് റൂറൽ പൊലീസും മോട്ടോർ വാഹന വകുപ്പും (MVD) സംയുക്തമായി ജില്ലയിൽ ‘ഇ-ചലാൻ അദാലത്ത്’ സംഘടിപ്പിക്കുന്നു. കേരള പൊലീസും മോട്ടോർ വാഹന വകുപ്പും ഇ-ചലാൻ മുഖേന നൽകിയിട്ടുള്ള, വെർച്വൽ കോർട്ട് ഒഴികെയുള്ള എല്ലാ ഗതാഗത നിയമലംഘനങ്ങൾക്കും ചുമത്തിയ പിഴകൾ ഈ അദാലത്തിലൂടെ തീർപ്പാക്കാവുന്നതാണ്.വരുന്ന ജൂൺ 29 തിങ്കളാഴ്ച രാവിലെ 10:00 മണി മുതൽ വൈകുന്നേരം 4:00 മണി വരെയാണ് അദാലത്ത് നടക്കുക.
താമരശ്ശേരി പഴയ സ്റ്റാൻഡിന് സമീപമുള്ള പഞ്ചായത്ത് കമ്മ്യൂണിറ്റി ഹാൾ ആണ് അദാലത്തിന്റെ വേദിയായി നിശ്ചയിച്ചിരിക്കുന്നത്.അദാലത്തിൽ പിഴയടയ്ക്കുന്നതിനായി വാഹനത്തിന്റെ മറ്റ് രേഖകൾ ഒന്നും തന്നെ കൊണ്ടുവരേണ്ട ആവശ്യമില്ല.പിഴ തുക ഓൺലൈൻ മുഖേന മാത്രമേ സ്വീകരിക്കുകയുള്ളൂ. UPI, Credit Card, Debit Card എന്നിവ വഴി മാത്രമേ പണം അടയ്ക്കാൻ സാധിക്കൂ എന്ന് അധികൃതർ വ്യക്തമാക്കിയിട്ടുണ്ട്.
പൊതുജനങ്ങൾ ഈ സേവനം പരമാവധി പ്രയോജനപ്പെടുത്തണമെന്ന് കോഴിക്കോട് റൂറൽ പൊലീസ് അറിയിച്ചു. കൂടുതൽ വിവരങ്ങൾക്ക് താഴെ പറയുന്ന നമ്പറുകളിൽ ബന്ധപ്പെടാം:പൊലീസ് ഹെൽപ്പ് ലൈൻ: 9497963708മോട്ടോർ വാഹന വകുപ്പ് (MVD): 9188917357
