spot_img
Friday, November 20, 2026
Home Blog Page 139

വെള്ളിത്തിരയിലെ അരങ്ങേറ്റത്തിന് തൊട്ടുമുമ്പ് കല്യാണം; നടി വി.എസ്. സൗമ്യ വിവാഹിതയായി.

0

കൊച്ചി: ടെലിവിഷൻ പരമ്പരകളിലൂടെയും വെബ് സീരീസുകളിലൂടെയും പ്രേക്ഷകശ്രദ്ധ നേടിയ നടി വി.എസ്. സൗമ്യ വിവാഹിതയായി. ഫിറ്റ്നസ് ട്രെയിനറായ ഗൗതം ആണ് വരൻ. ദീർഘനാളത്തെ പ്രണയത്തിനൊടുവിലാണ് ഇരുവരും ഒന്നിച്ചത്. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ലളിതമായ ചടങ്ങുകളോടെയായിരുന്നു വിവാഹം.​തിരുവമ്പാടി -ആനക്കാംപൊയിൽ സ്വദേശിയായ സൗമ്യ കലാപ്രവർത്തനത്തിന് പുറമെ മികച്ചൊരു കായികതാരം കൂടിയാണ്.

സ്കൂൾ-കോളജ് കാലഘട്ടത്തിൽ പോൾവോൾട്ടിൽ ദേശീയ തലത്തിൽ വരെ ശ്രദ്ധേയമായ നേട്ടങ്ങൾ താരം സ്വന്തമാക്കിയിട്ടുണ്ട്.​മിനിസ്ക്രീനിലും സോഷ്യൽ മീഡിയയിലും സജീവമായ സൗമ്യ വെള്ളിത്തിരയിലേക്കും ചുവടുവെക്കാൻ ഒരുങ്ങുകയാണ്. പ്രശസ്ത സംവിധായകൻ രഞ്ജിത്ത് ഒരുക്കുന്ന ‘ലോ ആൻഡ് ഓർഡർ’ എന്ന ചിത്രത്തിലൂടെയാണ് സൗമ്യയുടെ ബിഗ് സ്ക്രീൻ അരങ്ങേറ്റം. പുതിയ ജീവിതത്തിലേക്ക് കടന്ന താരത്തിന് ആശംസകളുമായി നിരവധി ആരാധകരും സഹപ്രവർത്തകരുമാണ് രംഗത്തെത്തുന്നത്.

ഓപ്പറേഷൻ തൂഫാൻ: സംസ്ഥാന വ്യാപക പരിശോധനയിൽ 153 കേസുകൾ, 159 പേർ അറസ്റ്റിൽ​.

0

ലഹരിവിരുദ്ധ പ്രവർത്തനങ്ങളുടെ ഭാഗമായി സംസ്ഥാന വ്യാപകമായി പോലീസ് നടത്തിയ ‘ഓപ്പറേഷൻ തൂഫാൻ’ പരിശോധനയിൽ 153 കേസുകൾ രജിസ്റ്റർ ചെയ്യുകയും 159 പേരെ അറസ്റ്റ് ചെയ്യുകയും ചെയ്തു. രജിസ്റ്റർ ചെയ്ത കേസുകളിൽ ചെറിയ അളവ് ലഹരിവസ്തുക്കൾ കൈവശം വെച്ചതിന് 33 കേസുകളും, ഇടത്തരം അളവിന് 6 കേസുകളും, എൻ.ഡി.പി.എസ് ആക്ട് 27 പ്രകാരം 114 കേസുകളും, കോട്പ (COTPA) നിയമപ്രകാരം 42 കേസുകളുമാണ് ഉള്ളത്.

പരിശോധനകളിൽ നിന്ന് വിവിധ തരത്തിലുള്ള നിരോധിത ലഹരിവസ്തുക്കളും കഞ്ചാവ് ചെടികളും പോലീസ് പിടിച്ചെടുത്തു. ഈ പദ്ധതിയുടെ ഭാഗമായി ഇതുവരെ ആകെ 5,884 കേസുകൾ രജിസ്റ്റർ ചെയ്യുകയും 6,313 പേരെ അറസ്റ്റ് ചെയ്യുകയും ചെയ്തിട്ടുണ്ട്. ലഹരി വിപത്തിനെതിരെ ഇന്നലെ മാത്രം സംസ്ഥാനത്തുടനീളം 45 ബോധവൽക്കരണ ക്ലാസുകൾ സംഘടിപ്പിച്ചു. ഇതുവരെ ആകെ 6,341 ബോധവൽക്കരണ ക്ലാസുകളും, 296 കൗൺസിലിങ്ങുകളും, സ്കൂൾ-കോളേജ് പ്രൊട്ടക്ഷൻ ഗ്രൂപ്പുകളുടെ നേതൃത്വത്തിൽ 5,232 ബോധവത്ക്കരണ പരിപാടികളും പൂർത്തിയാക്കിയിട്ടുണ്ട്. ലഹരി വിപണനത്തെക്കുറിച്ചുള്ള വിവരങ്ങൾ പൊതുജനങ്ങൾക്ക് നേരിട്ടും (9497979794, 9497927797) വാട്സ്ആപ്പ് (9995966666) വഴിയും പോലീസിനെ അറിയിക്കാവുന്നതാണ്; വിവരങ്ങൾ നൽകുന്നവരുടെ പേരുവിവരങ്ങൾ തികച്ചും രഹസ്യമായി സൂക്ഷിക്കും.

പ്രിയദർശിനി സൗജന്യ യാത്ര :സ്വകാര്യ ബസ് വൻ നഷ്ടത്തിലേക്ക്,പണിമുടക്ക്.

തിരുവനന്തപുരം : സംസ്ഥാനത്ത് മറ്റന്നാള്‍ സ്വകാര്യ ബസ് പണിമുടക്ക്. കെഎസ്‌ആർടിസിയില്‍ സ്ത്രീകള്‍ക്ക് സൗജന്യ യാത്ര അനുവദിച്ചതോടെ സ്വകാര്യ ബസുകളുടെ വരുമാനം സാരമായി കുറഞ്ഞതില്‍ പ്രതിഷേധിച്ചാണ് സമരം.

കെഎസ്‌ആർടിസിയില്‍ സ്ത്രീകള്‍ക്ക് സൗജന്യ യാത്ര അനുവദിച്ചതോടെ ഡീസലിന് വേണ്ട വരുമാനം പോലും ലഭിക്കുന്നില്ല എന്നാണ് ബസ് ഉടമകളുടെ പരാതി. ഇന്ന് കാസർകോട് ജില്ലയിലെ സൂചനാ പണിമുടക്ക് പൂര്‍ണമായിരുന്നു. കാസർകോട് ജില്ലയിലെ 450 ല്‍ അധികം സ്വകാര്യ ബസുകളാണ് പണിമുടക്കുന്നത്. കെഎസ്‌ആർടിസി ബസുകള്‍ സർവീസ് നടത്താത്ത റൂട്ടുകളില്‍ യാത്രക്കാർ ദുരിതത്തില്‍ ആയി.വിവിധ തൊഴിലാളി സംഘടനകള്‍ പണിമുടക്കില്‍ പങ്കാളികളായി. ഒഴിഞ്ഞ ബസുമായി അണങ്കൂരില്‍ നിന്ന് കളക്ടറേറ്റിലേക്ക് മാർച്ചും സംഘടിപ്പിച്ചു. സ്വകാര്യ ബസ് മേഖലയിലെ പ്രശ്‌നം പരിഹരിക്കാൻ സർക്കാർ അടിയന്തരമായി ഇടപെടണം എന്നാണ് ആവശ്യം.

ലോകകപ്പില്‍ ഇന്ന് ക്ലാസ്സിക്ക് പോരാട്ടം; സ്‌പെയിനും പോര്‍ച്ചുഗലും നേര്‍ക്കുനേര്‍, റൊണാള്‍ഡോ-യമാല്‍ അങ്കം അര്‍ധരാത്രി 12:30 ന്.

0

ഡാളസ്: ലോകകപ്പ് ക്വാര്‍ട്ടര്‍ ലക്ഷ്യമിട്ട് പോര്‍ച്ചുഗലും സ്‌പെയിനും ഇന്ന് നേര്‍ക്കുനേര്‍ വരുന്നു. പരമ്പരാഗത വൈരികളും അയല്‍ക്കാരുമായ സ്‌പെയിനും പോര്‍ച്ചുഗലും തമ്മിലുള്ള ‘ഇബേരിയന്‍ ഡെര്‍ബി’ ഇന്ന് അമേരിക്കയിലെ ഡാളസ് സ്റ്റേഡിയത്തിലാണ് അരങ്ങേറുന്നത്.ഈ മല്‍സരത്തോടെ കിരീടസാധ്യത കല്‍പ്പിക്കപ്പെട്ട രണ്ട് വമ്പന്മാരില്‍ ഒരാള്‍ ലോകകപ്പില്‍ നിന്നും പുറത്താകും.അര്‍ധരാത്രി 12:30 നാണ് മല്‍സരം. ടീമുകള്‍ തമ്മിലുള്ള പോരാട്ടത്തില്‍ ഉപരി ഇരുടീമുകളുടെയും ഗോള്‍ അടി യന്ത്രങ്ങളായ 41 വയസുകാരനായ ക്രിസ്റ്റ്യാനോ റൊണാള്‍ഡോയും 18 വയസുകാരനായ ലാമിന്‍ യമാലും നേര്‍ക്കുനേര്‍ വരുമ്പോള്‍ മല്‍സരഫലം എന്താകുമെന്നും ആരാധകര്‍ ഉറ്റുനോക്കുന്നു.ഗ്രൂപ്പ് കെയില്‍ നിന്ന് ഒരു ജയവും രണ്ട് സമനിലയും നേടിയായിരുന്നു പോര്‍ച്ചുഗല്‍ റൗണ്ട് ഓഫ് 32 ലേക്ക് യോഗ്യത നേടിയത്. അവിടെ നിന്ന് റൗണ്ട് ഓഫ് 32 ല്‍ ക്രൊയേഷ്യക്കെതിരെ നാടകീയ ജയവും സ്വന്തമാക്കിയിരുന്നു.

ഒന്നിനെതിരെ രണ്ട് ഗോളുകള്‍ക്കായിരുന്നു അന്ന് പറങ്കിപ്പട ക്രൊയേഷ്യയെ തകര്‍ത്തത്. നിശ്ചിത സമയവും കഴിഞ്ഞ് മല്‍സരത്തിന്റെ ഇഞ്ചുറി ടൈമില്‍ ആയിരുന്നു ഗോണ്‍സാലോ റാമോസ് വിജയഗോള്‍ നേടി ക്വാര്‍ട്ടര്‍ പ്രവേശനം സാധ്യമാക്കിയത്.അതേസമയം, രണ്ട് ജയവും ഒരു സമനിലയുമായാണ് സ്‌പെയിനിന്റെ വരവ്. റൗണ്ട് ഓഫ് 32 ല്‍ ഓസ്ട്രിയയെ എതിരില്ലാത്ത മൂന്ന് ഗോളുകള്‍ക്കായിരുന്നു പരാജയപ്പെടുത്തിയത്. സ്‌പെയിനിന്റെ ലാമിന്‍ യമാലിലേക്കാണ് ആരാധകരുടെ കണ്ണുകള്‍. തന്റെ ആദ്യ ലോകകപ്പ് കളിക്കുന്ന താരം ഇതിനോടകം തന്നെ ലോകകപ്പിലെ ആദ്യ ഗോളും നേടി കഴിഞ്ഞു.

ഈ മല്‍സരത്തിന്റെ ജയപരാജയങ്ങള്‍ നിശ്ചയിക്കുന്നതും മിഡ്ഫീല്‍ഡിലെ പോരാട്ടമായിരിക്കും. പ്രതിരോധക്കരുത്തുമായാണ് ലൂയിസ് ഡി ലാ ഫ്യൂന്റെയുടെ സ്‌പെയിന്‍ വരുന്നത്. ഓസ്ട്രിയക്കെതിരായ കഴിഞ്ഞ മല്‍സരത്തില്‍ എതിരില്ലാത്ത 3 ഗോളുകള്‍ക്ക് ജയിച്ച സ്‌പെയിന്‍ തങ്ങളുടെ ഒഴുക്കന്‍ ശൈലി വീണ്ടെടുത്തു കഴിഞ്ഞു. പെഡ്രി മധ്യനിരയുടെ താളം നിശ്ചയിക്കുമ്പോള്‍ മാര്‍ട്ടിന്‍ സുബിമെന്‍ഡി കളി നിയന്ത്രിക്കും. കളിയിലെ വേഗത കൂട്ടിയും കുറച്ചും എതിരാളികളെ അടിച്ചമര്‍ത്തുന്ന സ്പാനിഷ് ശൈലിക്ക് മിഖേല്‍ ഒയര്‍സബാലിന്റെ സ്‌കോറിങ് മികവ് കൂടിയാകുമ്പോള്‍ മൂര്‍ച്ച കൂടും.

റൊണാള്‍ഡോ എന്ന വന്‍മരത്തിനൊപ്പം നില്‍ക്കാന്‍ ഒരേ നിലവാരമുള്ള ലോകോത്തര മധ്യനിരയാണ് പോര്‍ച്ചുഗലിന്റെ കരുത്ത്. ഏത് പ്രതിരോധ മതിലും പൊളിക്കാന്‍ കെല്‍പ്പുള്ള ബ്രൂണോ ഫെര്‍ണാണ്ടസ്, പന്തടക്കത്തില്‍ മിടുക്കന്മാരായ ബെര്‍ണാഡോ സില്‍വ, വിറ്റിഞ്ഞ എന്നിവര്‍ കളം നിറഞ്ഞാല്‍ സ്‌പെയിന്‍ വിയര്‍ക്കും. എങ്കിലും വ്യക്തിഗത മികവിനപ്പുറം റോബര്‍ട്ടോ മാര്‍ട്ടിനെസിന്റെ കീഴില്‍ ഒരു ഒത്തൊരുമയുള്ള ടീമായി മാറാന്‍ പോര്‍ച്ചുഗലിന് കഴിഞ്ഞിട്ടുണ്ടോ എന്ന സംശയം ബാക്കിയാണ്. റൊണാള്‍ഡോയുടെ ഇന്നത്തെ ഫോം അവരുടെ മുന്നേറ്റങ്ങള്‍ക്ക് നിര്‍ണായകമാകും.

ലൈന്‍ അഴിക്കുന്നതിനിടെ പോസ്റ്റ് ഒടിഞ്ഞുവീണു; മലപ്പുറത്ത് കെ.എസ്.ഇ.ബി ജീവനക്കാരന് ദാരുണാന്ത്യം.

0

മലപ്പുറം : പോസ്റ്റ് ഒടിഞ്ഞ് വീണ് കെ എസ് ഇ ബി ജീവനക്കാരൻ മരിച്ചു. മലപ്പുറം വിരിപ്പാടം ഇടശ്ശരികോളിൽലാണ് സംഭവം. കെ.എസ്.ഇ.ബി കാരാട് സെക്ഷന്‍ ഓഫീസിലെ ലൈന്‍മാന്‍ സുരേഷ് ബാബുവാണ് ജോലിത്തിരക്കിനിടയില്‍ ഉണ്ടായ അപകടത്തില്‍ ദാരുണമായി മരണപ്പെട്ടത്. ലൈൻ അഴിച്ച് മാറ്റുന്നതിടെ ഒരുവശത്തേക്ക് ചെരിഞ്ഞ പോസ്റ്റ് സമീപത്തെ മതിലിലേക്ക് ഒടിഞ്ഞ് വീഴുകയായിരുന്നു.

അപകടമുണ്ടായ ഉടന്‍ തന്നെ സഹപ്രവര്‍ത്തകരും നാട്ടുകാരും ചേര്‍ന്ന് അദ്ദേഹത്തെ രക്ഷിക്കാന്‍ ശ്രമിച്ചെങ്കിലും ജീവന്‍ രക്ഷിക്കാനായില്ല. അപകട സ്ഥലത്തുതന്നെ അദ്ദേഹം മരണപ്പെടുകയായിരുന്നു.തുടര്‍ നടപടികള്‍ക്കായി മൃതദേഹം കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റിയിട്ടുണ്ട്. ഇന്‍ക്വസ്റ്റ് നടപടികള്‍ക്കും പോസ്റ്റുമോര്‍ട്ടത്തിനും ശേഷം മൃതദേഹം ബന്ധുക്കള്‍ക്ക് വിട്ടുനല്‍കും.

വയനാട്ടിൽ വിദ്യാർത്ഥികളുടെ ബസ് കൺസെഷൻ നിരക്ക് വർധിപ്പിച്ചു; മിനിമം ചാർജ് മൂന്ന് രൂപ, പ്രതിഷേധവുമായി വിദ്യാർത്ഥി സംഘടനകൾ.

0

കൽപ്പറ്റ : വയനാട് ജില്ലയിലെ സ്വകാര്യ ബസുകളിൽ വിദ്യാർത്ഥികളുടെ മിനിമം കൺസെഷൻ നിരക്ക് ഏകപക്ഷീയമായി വർധിപ്പിക്കാൻ ബസ് ഉടമകളുടെ സംഘടന തീരുമാനിച്ചു. പുതിയ തീരുമാനപ്രകാരം വിദ്യാർത്ഥികളുടെ മിനിമം ചാർജ് മൂന്ന് രൂപയായിട്ടാണ് വർധിപ്പിച്ചിരിക്കുന്നത്. ഇന്ന് മുതൽ പുതിയ നിരക്ക് ഈടാക്കി തുടങ്ങുമെന്ന് ബസ് ഉടമകൾ അറിയിച്ചു.

കെഎസ്ആർടിസിയിൽ സ്ത്രീകൾക്കായി നടപ്പിലാക്കിയ ‘പ്രിയദർശിനി’ സൗജന്യ യാത്രാ പദ്ധതി മൂലമുണ്ടായ കടുത്ത സാമ്പത്തിക പ്രതിസന്ധിയാണ് ഇത്തരമൊരു തീരുമാനത്തിന് പിന്നിലെന്ന് ബസ് ഉടമകൾ വ്യക്തമാക്കുന്നു. പ്രിയദർശിനി പദ്ധതി വന്നതോടെ സ്വകാര്യ ബസ് മേഖലയിലെ വരുമാനത്തിൽ വലിയ ഇടിവുണ്ടായെന്നും സർവീസുകൾ ലാഭകരമായി മുന്നോട്ട് കൊണ്ടുപോകാൻ സാധിക്കാത്ത സാഹചര്യമാണെന്നുമാണ് ഉടമകളുടെ വാദം. ഈ സാമ്പത്തിക നഷ്ടം മറികടക്കാൻ കൺസെഷൻ നിരക്ക് വർധിപ്പിക്കുകയല്ലാതെ മറ്റ് മാർഗ്ഗങ്ങളില്ലെന്ന് സംഘടന കൂട്ടിച്ചേർത്തു.

അതേസമയം, സർക്കാരിന്റെ ഔദ്യോഗിക അനുമതിയില്ലാതെ ബസ് ഉടമകൾ നടത്തുന്ന ഈനീക്കത്തിനെതിരെ വിദ്യാർത്ഥി സംഘടനകൾ ശക്തമായ പ്രതിഷേധവുമായിരംഗത്തെത്തിയിട്ടുണ്ട്. ഏകപക്ഷീയമായ നിരക്ക് വർധനവ് ഒരു കാരണവശാലും അംഗീകരിക്കില്ലെന്നും ഇത് നടപ്പിലാക്കാൻ ശ്രമിച്ചാൽ ബസുകൾ തടയുന്നതടക്കമുള്ള ശക്തമായ സമരപരിപാടികളിലേക്ക് നീങ്ങുമെന്നും വിദ്യാർത്ഥി സംഘടനകൾ മുന്നറിയിപ്പ് നൽകി. വിഷയത്തിൽ സർക്കാർ അടിയന്തരമായി ഇടപെടണമെന്നാണ് വിദ്യാർത്ഥികളുടെ ആവശ്യം.

ഓണത്തിന് കേരളത്തിലേക്ക് 100 സ്പെഷ്യൽ ട്രെയിനുകൾ; വമ്പൻ പ്രഖ്യാപനവുമായി റെയിൽവേ മന്ത്രി.

0

ന്യൂഡൽഹി: പ്രവാസി മലയാളികൾക്ക് ഇത്തവണത്തെ ഓണം ഇരട്ടി മധുരമുള്ളതാക്കാൻ കേന്ദ്ര റെയിൽവേ മന്ത്രാലയത്തിന്റെ വമ്പൻ പ്രഖ്യാപനം. ഓണക്കാലത്തെ കടുത്ത യാത്രാതിരക്ക് പരിഹരിക്കാനായി കേരളത്തിലേക്ക് 100 പ്രത്യേക ട്രെയിൻ സർവീസുകൾ അനുവദിക്കുമെന്ന് റെയിൽവേ മന്ത്രി അശ്വിനി വൈഷ്ണവ് അറിയിച്ചു.​മലയാളികൾ കൂടുതലായുള്ള പ്രമുഖ നഗരങ്ങളായ ബെംഗളൂരു, ചെന്നൈ, ഹൈദരാബാദ് എന്നിവിടങ്ങളിൽ നിന്നാകും പ്രധാനമായും സ്പെഷ്യൽ സർവീസുകൾ ഉണ്ടാകുക.​പ്രധാന വിവരങ്ങൾ ഒറ്റനോട്ടത്തിൽ:​ആകെ സർവീസുകൾ: 100-ലധികം പ്രത്യേക ട്രെയിനുകൾ.​

ബെംഗളൂരു – കേരളം, ചെന്നൈ – കേരളം, ഹൈദരാബാദ് – കേരളം.​ലഭ്യത: പ്രത്യേക ട്രെയിനുകളുടെ സമയക്രമം, റൂട്ടുകൾ, സ്റ്റോപ്പുകൾ എന്നിവയുടെ വിശദവിവരങ്ങൾ സതേൺ റെയിൽവേ ഉടൻ തന്നെ ഔദ്യോഗികമായി പുറത്തുവിടും.എല്ലാ വർഷവും ഓണത്തിന് തൊട്ടുമുമ്പ് മാത്രം സ്പെഷ്യൽ ട്രെയിനുകൾ പ്രഖ്യാപിക്കുന്നത് യാത്രക്കാരെ വല്ലാതെ ബുദ്ധിമുട്ടിക്കാറുണ്ടായിരുന്നു. എന്നാൽ ഇത്തവണ നേരത്തെയുള്ള ഈ പ്രഖ്യാപനം വഴി മലയാളി യാത്രക്കാർക്ക് കൃത്യമായി പ്ലാൻ ചെയ്യാനും ബുക്കിങ് സുഗമമാക്കാനും സാധിക്കുമെന്നാണ് പ്രതീക്ഷ.​കേരളത്തിലെ ജനപ്രതിനിധികളുടെയും വിവിധ സംഘടനകളുടെയും നിരന്തരമായ ആവശ്യങ്ങൾ പരിഗണിച്ചാണ് റെയിൽവേ മന്ത്രാലയം ഈ നിർണായക തീരുമാനമെടുത്തത്. കുടുംബത്തോടൊപ്പം നാട്ടിൽ ഓണമഘോഷിക്കാൻ കാത്തിരിക്കുന്ന ലക്ഷക്കണക്കിന് പ്രവാസികൾക്ക് ഈ തീരുമാനം വലിയൊരു ആശ്വാസമാകും.

മേൽപ്പാലത്തിൽ സ്വകാര്യ ബസുകൾ കൂട്ടിയിടിച്ച് അപകടം; നിരവധി യാത്രക്കാർക്ക് പരിക്ക്.

0

കൊയിലാണ്ടി: നന്തി മേൽപ്പാലത്തിൽ സ്വകാര്യ ബസുകൾ കൂട്ടിയിടിച്ച് അപകടത്തിൽ നിരവധി യാത്രക്കാർക്ക് പരിക്കേറ്റു. ഇന്ന് ഉച്ചയ്ക്ക് 2.15 ഓടെയായിരുന്നു അപകടം സംഭവിച്ചത്.

വടകര ഭാഗത്തുനിന്നും കൊയിലാണ്ടിയിലേക്ക് വരികയായിരുന്ന ബസും, കൊയിലാണ്ടി ഭാഗത്തുനിന്നും കണ്ണൂരിലേക്ക് പോവുകയായിരുന്ന ലിമിറ്റഡ് സ്റ്റോപ്പ് ബസുമാണ് മേൽപ്പാലത്തിൽ വെച്ച് നേർക്കുനേർ കൂട്ടിയിടിച്ചത്. ഇടിയുടെ ആഘാതത്തിൽ ഇരു ബസുകളിലെയും യാത്രക്കാർക്ക് പരിക്കേറ്റിട്ടുണ്ട്.അപകടം നടന്നയുടൻ തന്നെ നാട്ടുകാരും പ്രദേശത്തെ സന്നദ്ധ പ്രവർത്തകരും ചേർന്ന് ഉടൻ തന്നെ രക്ഷാപ്രവർത്തനം ആരംഭിക്കുകയും പരിക്കേറ്റവരെ ബസിൽ നിന്നും പുറത്തെടുക്കുകയും ചെയ്തു. പരിക്കേറ്റ യാത്രക്കാരെ കൊയിലാണ്ടി താലൂക്ക് ആശുപത്രിയിലും നന്തിയിലെ സ്വകാര്യ ആശുപത്രിയിലുമായി പ്രവേശിപ്പിച്ചിരിക്കുകയാണ്.

കുറിപ്പടിയില്ലാതെ മരുന്നുകള്‍ നല്‍കരുതെന്ന് ആഭ്യന്തരമന്ത്രി.

0

തിരുവനന്തപുരം : ഓപ്പറേഷന്‍ തൂഫാന്‍ മെഡിക്കല്‍ഷോപ്പുകളിലേക്കും നീട്ടുമെന്ന് ആഭ്യന്തരമന്ത്രി രമേശ് ചെന്നിത്തല. ഡോക്ടര്‍മാരുടെ കുറിപ്പടിയില്ലാതെ മരുന്നുകള്‍ നല്‍കരുതെന്ന് മെഡിക്കല്‍ ഷോപ്പുകള്‍ക്ക് ആഭ്യന്തരമന്ത്രി നിര്‍ദേശം നല്‍കി. അത്തരം മെഡിക്കല്‍ ഷോപ്പുകള്‍ക്കെതിരെ കര്‍ശന നടപടിയുണ്ടാകും. ആരോഗ്യമന്ത്രിയുമായി ഇക്കാര്യം ചര്‍ച്ച ചെയ്യുമെന്നും രമേശ് ചെന്നിത്തല വ്യക്തമാക്കി.

ഓപ്പറേഷന്‍ തൂഫാനിലൂടെ മയക്കുമരുന്ന് ലോബിയുടെ പത്തി തകര്‍ത്തിരിക്കുകയാണ്. കേരള പൊലീസ് വളരെ സ്തുത്യര്‍ഹമായ സേവനമാണ് നടത്തുന്നത്. ഈ മയക്കുമരുന്ന് ലോബി പല സ്ഥലങ്ങളിലും പൊലീസ് ഉദ്യോഗസ്ഥരെ ആക്രമിക്കുകയും മര്‍ദ്ദിക്കുകയുമൊക്കെ ചെയ്യുന്നുണ്ട്.

അങ്ങനെ ചെയ്യുന്ന ആളുകള്‍ക്ക് നേരെ അതിശക്തമായ നടപടി കൈക്കൊള്ളുമെന്ന് രമേശ് ചെന്നിത്തല വ്യക്തമാക്കി.ചില മെഡിക്കല്‍ ഷോപ്പുകളില്‍ നിന്നും ഗുരുതരമായ രോഗങ്ങള്‍ക്കുള്ള മരുന്ന് ഡോക്ടറുടെ പ്രിസ്‌ക്രിപ്ഷനുകളില്ലാതെ കൊടുക്കുന്നതായി ശ്രദ്ധയില്‍പ്പെട്ടിട്ടുണ്ട്. ഇത്തരം മരുന്നുകള്‍ ലഹരിക്കായി ചിലര്‍ ഉപയോഗിച്ചു വരുന്നുണ്ട്. അത്തരമൊരു പ്രവണത ഒരു കാരണവശാലും അനുവദിക്കില്ല. ഇത്തരത്തില്‍ മരുന്നുകള്‍ നല്‍കുന്ന പ്രവണത തുടര്‍ന്നാല്‍ മെഡിക്കല്‍ ഷോപ്പുകള്‍ കൂടി ഓപ്പറേഷന്‍ തൂഫാന്റെ റഡാറിലേക്ക് കൊണ്ടുവരുമെന്നും ആഭ്യന്തരമന്ത്രി രമേശ് ചെന്നിത്തല സൂചിപ്പിച്ചു.

ഡോക്ടര്‍മാരുടെ കുറിപ്പടിയില്ലാതെ മരുന്നുകള്‍ നല്‍കരുതെന്ന് ആഭ്യന്തരമന്ത്രി

0

തിരുവനന്തപുരം: ഓപ്പറേഷന്‍ തൂഫാന്‍ മെഡിക്കല്‍ഷോപ്പുകളിലേക്കും നീട്ടുമെന്ന് ആഭ്യന്തരമന്ത്രി രമേശ് ചെന്നിത്തല. ഡോക്ടര്‍മാരുടെ കുറിപ്പടിയില്ലാതെ മരുന്നുകള്‍ നല്‍കരുതെന്ന് മെഡിക്കല്‍ ഷോപ്പുകള്‍ക്ക് ആഭ്യന്തരമന്ത്രി നിര്‍ദേശം നല്‍കി. അത്തരം മെഡിക്കല്‍ ഷോപ്പുകള്‍ക്കെതിരെ കര്‍ശന നടപടിയുണ്ടാകും. ആരോഗ്യമന്ത്രിയുമായി ഇക്കാര്യം ചര്‍ച്ച ചെയ്യുമെന്നും രമേശ് ചെന്നിത്തല വ്യക്തമാക്കി.

ഓപ്പറേഷന്‍ തൂഫാനിലൂടെ മയക്കുമരുന്ന് ലോബിയുടെ പത്തി തകര്‍ത്തിരിക്കുകയാണ്. കേരള പൊലീസ് വളരെ സ്തുത്യര്‍ഹമായ സേവനമാണ് നടത്തുന്നത്. ഈ മയക്കുമരുന്ന് ലോബി പല സ്ഥലങ്ങളിലും പൊലീസ് ഉദ്യോഗസ്ഥരെ ആക്രമിക്കുകയും മര്‍ദ്ദിക്കുകയുമൊക്കെ ചെയ്യുന്നുണ്ട്. അങ്ങനെ ചെയ്യുന്ന ആളുകള്‍ക്ക് നേരെ അതിശക്തമായ നടപടി കൈക്കൊള്ളുമെന്ന് രമേശ് ചെന്നിത്തല വ്യക്തമാക്കി.ചില മെഡിക്കല്‍ ഷോപ്പുകളില്‍ നിന്നും ഗുരുതരമായ രോഗങ്ങള്‍ക്കുള്ള മരുന്ന് ഡോക്ടറുടെ പ്രിസ്‌ക്രിപ്ഷനുകളില്ലാതെ കൊടുക്കുന്നതായി ശ്രദ്ധയില്‍പ്പെട്ടിട്ടുണ്ട്. ഇത്തരം മരുന്നുകള്‍ ലഹരിക്കായി ചിലര്‍ ഉപയോഗിച്ചു വരുന്നുണ്ട്. അത്തരമൊരു പ്രവണത ഒരു കാരണവശാലും അനുവദിക്കില്ല. ഇത്തരത്തില്‍ മരുന്നുകള്‍ നല്‍കുന്ന പ്രവണത തുടര്‍ന്നാല്‍ മെഡിക്കല്‍ ഷോപ്പുകള്‍ കൂടി ഓപ്പറേഷന്‍ തൂഫാന്റെ റഡാറിലേക്ക് കൊണ്ടുവരുമെന്നും ആഭ്യന്തരമന്ത്രി രമേശ് ചെന്നിത്തല സൂചിപ്പിച്ചു.