ജിദ്ദ: സൗദിയിലെ ത്വാഇഫിന് സമീപമുണ്ടായ വാഹനാപകടത്തിൽ മലപ്പുറം കുറ്റിപ്പുറം സ്വദേശികളായ ഉമ്മയും മകളും മരിച്ചു. തിരുന്നാവായ രാങ്ങാട്ടൂർ നടുവട്ടം തെക്കേപീടിയക്കൽ സ്വദേശി രഹന (52), മകൾ ഡോ. നഹ്ല നർമിൻ (22) എന്നിവരാണ് മരിച്ചത്. ഞായർ രാത്രി എട്ടോടെ ത്വാഇഫ്–റിയാദ് എക്സ്പ്രസ് ഹൈവേയിലെ ദലം എന്ന സ്ഥലത്തായിരുന്നു അപകടം.ഉംറ നിർവഹിച്ച് റോഡുമാർഗം ഖത്തറിലേക്ക് പോകുകയായിരുന്ന കുടുംബം സഞ്ചരിച്ച ലാൻഡ് ക്രൂയിസർ കാറിന്റെ ഗ്ലാസിൽ കാറ്റിൽ പാറിവന്ന പ്ലാസ്റ്റിക് ഷീറ്റ് പതിക്കുകയായിരുന്നു. കാഴ്ചമറഞ്ഞ് നിയന്ത്രണം നഷ്ടപ്പെട്ട കാർ റോഡിൽ പലതവണ മറിഞ്ഞു. ഒപ്പമുണ്ടായിരുന്ന രഹനയുടെ ഭർത്താവ് അബ്ദുല്ലത്തീഫിനും രണ്ട് പെൺമക്കൾക്കും പേരക്കുട്ടിക്കും പരിക്കേറ്റു. ഇവരുടെ പരിക്ക് ഗുരുതരമല്ല.മൃതദേഹങ്ങൾ ദലം സെൻട്രൽ ആശുപത്രി മോർച്ചറിയിൽ. സൗദിയിൽ ഖബറടക്കും. അബ്ദുല്ലത്തീഫ് ഖത്തർ പെട്രോകെമിക്കൽ കമ്പനിയിലെ ഉദ്യോഗസ്ഥനാണ്. രഹനയുടെ ബാപ്പ: ഉമ്മർക്കുട്ടി. ഉമ്മ: മെഹറുന്നിസ.
താമരശ്ശേരി ചുരത്തിലെ ഗതാഗതക്കുരുക്ക് പരിഹരിക്കാന് ഇടപെട്ട് മന്ത്രി
കല്പ്പറ്റ: താമരശ്ശേരി ചുരത്തിലെ ഗതാഗതക്കുരുക്കിന് പരിഹാരത്തിനായി ഇടപെട്ട് മന്ത്രി ടി സിദ്ദിഖ്. ഗതാഗതക്കുരുക്ക് പരിഹരിക്കാന് തദ്ദേശ സ്ഥാപനങ്ങളെയും പൊലീസിനെയും സന്നദ്ധ പ്രവര്ത്തകരെയും ഉള്പ്പെടുത്തി റാപ്പിഡ് റെസ്പോണ്സ് ടീം രൂപീകരിക്കുമെന്ന് ടി സിദ്ദിഖ് അറിയിച്ചു.വാഹനങ്ങള്ക്ക് തകരാറുകള് ഉണ്ടായാല് പരിഹരിക്കാനുള്ള സ്ഥിരം സംവിധാനമായി 24 മണിക്കൂറും പ്രവര്ത്തിക്കുന്ന ക്രെയിന് സര്വീസ് ഏര്പ്പെടുത്താനും തീരുമാനമായി. ഇന്നലെ ചേര്ന്ന ഓണ്ലൈന് യോഗത്തിലാണ് താമരശ്ശേരി ചുരത്തിലെ ഗതാഗത കുരുക്ക് പരിഹരിക്കുവാനുള്ള തീരുമാനങ്ങള് ഉണ്ടായത്
ഗതാഗതക്കുരുക്ക് പരിഹരിക്കുന്നതുമായി ബന്ധപ്പെട്ട് കോഴിക്കോട്, വയനാട് കളക്ടര്മാര്ക്ക് സംയുക്തമായി നിര്ദേശം നല്കിയതായി മന്ത്രി അറിയിച്ചിരുന്നു. കുരുക്കഴിക്കാന് സുപ്രധാന തീരുമാനങ്ങളാണുണ്ടായിരിക്കുന്നത്. സുഗമമായി യാത്ര ചെയ്യാനുള്ള സൗകര്യം ഒരാഴ്ചയ്ക്കുള്ളില് ഒരുക്കും. ചുരത്തില് ആര്ആര്ടി രൂപീകരിക്കും. ഗതാഗതക്കുരുക്ക് ഒഴിവാക്കാനായി ക്രെയിന് സര്വീസ് ആരംഭിക്കും. ചുരത്തില് കണ്ട്രോള് റൂമുകള് തുറക്കുമെന്നും മന്ത്രി അറിയിച്ചിരുന്നു. ചുരം 6, 7, 8 വളവുകളിലെ നവീകരണ പ്രവര്ത്തനങ്ങള് വേഗത്തിലാക്കാന് പ്രത്യേകം യോഗം ചേരുമെന്നും ടി സിദ്ദിഖ് വ്യക്തമാക്കിയിരുന്നു.
ഫിക്സഡ് ചാര്ജ് ഉയര്ന്നേക്കും, രാത്രിയില് വൈദ്യുതി ഉപയോഗിച്ചാല് കൂടുതല് ചെലവ്; കെഎസ്ഇബിയുടെ പുതിയ താരിഫ് നീക്കം
തിരുവനന്തപുരം: സംസ്ഥാനത്തെ വൈദ്യുതി ഉപയോക്താക്കളെ ബാധിക്കുന്ന പുതിയ താരിഫ് പരിഷ്കരണത്തിനുള്ള നടപടികള് ആരംഭിച്ച് കേരള സംസ്ഥാന വൈദ്യുതി ബോർഡ് (കെഎസ്ഇബി).2027 ഏപ്രില് ഒന്നുമുതല് പ്രാബല്യത്തില് വരുന്ന പുതിയ നിയന്ത്രണ കാലയളവിലേക്കുള്ള (2027-2032) വൈദ്യുതിനിരക്ക് നിശ്ചയിക്കുന്നതിനായുള്ള പ്രാഥമിക നടപടികളാണ് ആരംഭിച്ചിരിക്കുന്നത്. എനർജി ചാർജില് വലിയ വർധന പ്രതീക്ഷിക്കപ്പെടുന്നില്ലെങ്കിലും ഫിക്സഡ് ചാർജില് നേരിയ വർധനയുണ്ടാകുമെന്നാണ് സൂചന.പുതിയ നിരക്ക് നിർദേശങ്ങള് തയ്യാറാക്കുന്നതിനായി വിവിധ വിഭാഗങ്ങളില് നിന്ന് റിപ്പോർട്ടുകള് കെഎസ്ഇബി തേടിയിട്ടുണ്ട്.നിരക്കുവർധന സംബന്ധിച്ച അപേക്ഷ നവംബറിന് മുമ്പായി സമർപ്പിക്കണമെന്നാണ് സംസ്ഥാന വൈദ്യുതി റഗുലേറ്ററി കമ്മിഷൻ നിർദേശിച്ചിരിക്കുന്നത്. അന്തിമ തീരുമാനം എടുക്കുന്നതിന് മുമ്പ് സംസ്ഥാന സർക്കാരിന്റെ നിലപാടും തേടും.
താമരശ്ശേരിയില് റിട്ടയേര്ഡ് എസ്ഐയെ മരിച്ച നിലയില് കണ്ടെത്തി
താമരശ്ശേരി: കാരാടിയില് റിട്ടയേര്ഡ് എസ്ഐയെ മരിച്ച നിലയില് കണ്ടെത്തി. കല്പ്പറ്റ നോര്ത്ത് മുട്ടില് തൊട്ടിയില് ടി.എം. ജോസഫ് (62) ആണ് മരിച്ചത്. ചൊവ്വാഴ്ച രാവിലെ ആറ് മണിയോടെ താമരശ്ശേരി പുതിയ ബസ് സ്റ്റാന്ഡിന് പിന്നിലുള്ള ആലിക്കുന്ന് വാട്ടര് ടാങ്കിന് സമീപത്തെ സ്വകാര്യ വ്യക്തിയുടെ പറമ്പിലാണ് തൂങ്ങിമരിച്ച നിലയിൽ മൃതദേഹം കണ്ടെത്തിയത്.കല്പ്പറ്റ സ്വദേശിയായ ഇദ്ദേഹം എങ്ങനെ താമരശ്ശേരിയില് എത്തിയെന്ന കാര്യത്തില് വ്യക്തതയില്ല. പറമ്പുടമയാണ് തൂങ്ങിമരിച്ച നിലയിലുള്ള മൃതദേഹം ആദ്യം കണ്ടത്. മരിച്ച ജോസഫിന്റെ ഭാര്യ ഗ്രേസിയും റിട്ടയേര്ഡ് എസ്ഐ ആണ്. വിവരം അറിഞ്ഞ ഉടന് തന്നെ താമരശ്ശേരി പോലീസ് സംഭവസ്ഥലത്തെത്തി പ്രാഥമിക പരിശോധനകള് പൂര്ത്തിയാക്കി. വീട്ടുകാരുമായി ബന്ധപ്പെട്ട് ഇന്ക്വസ്റ്റ് ഉള്പ്പെടെയുള്ള തുടര് നടപടികള് സ്വീകരിച്ചു വരികയാണെന്ന് പോലീസ് അറിയിച്ചു.
ആത്മഹത്യ ഒന്നിനും ഒരു പരിഹാരമല്ല. ജീവിതത്തിൽ എത്ര വലിയ പ്രതിസന്ധികൾ ഉണ്ടായാലും അതിനെയെല്ലാം അതിജീവിച്ച് മുന്നേറാൻ സാധിക്കും. നിങ്ങളുടെ ജീവന് ഏറെ വിലയുണ്ട്, ഒറ്റയ്ക്കല്ല എന്ന ചിന്ത മനസ്സിൽ സൂക്ഷിക്കുക.മാനസിക സമ്മർദ്ദമോ വിഷാദമോ അനുഭവപ്പെടുന്നുവെങ്കിൽ, നിങ്ങളുടെ ചിന്തകൾ മറ്റുള്ളവരുമായി പങ്കുവെക്കുക. വിദഗ്ധരുടെയോ കൗൺസിലർമാരുടെയോ സഹായം തേടുന്നത് ജീവിതം തിരികെപ്പിടിക്കാൻ സഹായിക്കും.ആവശ്യമായ സഹായങ്ങൾക്കായി താഴെ പറയുന്ന ഹെൽപ്ലൈൻ നമ്പറുകളിൽ ബന്ധപ്പെടാം:ദിശ (Disha Helpline): 1056, 0471 2552056സംസ്ഥാന പോലീസ് ഹെൽപ്ലൈൻ: 112കരുണ (Karuṇa – NGO): 0484 2368100സി.എച്ച്.സി (CHC): 0484 2365262ആത്മഹത്യ ഒന്നിനും പരിഹാരമല്ല … -ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. വിളിക്കൂ 1056
ലാപ്ടോപ്പ് കൊണ്ട് തലയ്ക്കടിച്ചു; മലയാളി മെഡിക്കൽ വിദ്യാർഥിനി ഉസ്ബകിസ്ഥാനിൽ കൊല്ലപ്പെട്ടു; മലപ്പുറം സ്വദേശി അറസ്റ്റിൽ
ആലപ്പുഴ: മലയാളി മെഡിക്കല് വിദ്യാര്ത്ഥി ഉസ്ബെക്കിസ്താനില് കൊല്ലപ്പെട്ടു. ആലപ്പുഴ ഹരിപ്പാട് സ്വദേശിനിയായ സാവരിയ(22) ആണ് മരിച്ചത്. സഹപാഠി ലാപ്ടോപ്പ് ഉപയോഗിച്ച് തലക്കടിച്ച് കൊലപ്പെടുത്തുകയായിരുന്നുവെന്നാണ് വിവരം. മലപ്പുറം സ്വദേശിയായ യുവാവ് ഉസ്ബെക്കിസ്താനില് പിടിയിലായിട്ടുണ്ട്. പെരിന്തല്മണ്ണ സ്വദേശിയായ സദറുല് അനം(23) ആണ് അറസ്റ്റിലായത്. ഇയാളും മെഡിക്കല് വിദ്യാര്ത്ഥിയാണ്.ഉസ്ബെക്കിസ്ഥാനിലെ ബുഖാറ സ്റ്റേറ്റ് മെഡിക്കല് യൂണിവേഴ്സിറ്റിയിലെ വിദ്യാര്ത്ഥികള് ആണ് ഇരുവരും. കുട്ടിയെ ഫോണില് വിളിച്ച് ലഭിക്കാത്തത് മൂലം വീട്ടുകാര് അന്വേഷിച്ചപ്പോഴാണ് കൊലപാതക വിവരം പുറത്തറിയുന്നത്. കൊല്ലപ്പെട്ട പെണ്കുട്ടിയുടെ മൃതദേഹം ഡല്ഹിയില് എത്തിച്ചിട്ടുണ്ട്.
മഴക്കാലത്തെ പിങ്ക് വിസ്മയം! 380 ഏക്കർ നിറയെ ആമ്പൽപ്പൂക്കൾ; സഞ്ചാരികളുടെ പ്രിയകേന്ദ്രമായി പറാൽ പാടശേഖരം
മഴക്കാലം തുടങ്ങിയതോടെ കോട്ടയം–ആലപ്പുഴ അതിർത്തിയിലെ ചങ്ങനാശ്ശേരി പറാൽ പാടശേഖരം പ്രകൃതിയുടെ മനോഹര വിസ്മയമായി മാറിയിരിക്കുകയാണ്. കണ്ണെത്താദൂരത്തോളം വിരിഞ്ഞുനിൽക്കുന്ന മെറൂൺ നിറത്തിലുള്ള ആമ്പൽപ്പൂക്കളാണ് ഇപ്പോൾ ഈ പ്രദേശത്തെ സഞ്ചാരികളുടെ പ്രിയകേന്ദ്രമാക്കുന്നത്.സമൂഹമാധ്യമങ്ങളിൽ ആമ്പൽപ്പൂക്കളുടെ ദൃശ്യങ്ങൾ വൈറലായതോടെ കേരളത്തിന്റെ വിവിധ ഭാഗങ്ങളിൽ നിന്നു മാത്രമല്ല, മറ്റ് സംസ്ഥാനങ്ങളിൽ നിന്നുപോലും നിരവധി പേരാണ് ഈ അപൂർവ കാഴ്ച നേരിൽ കാണാനെത്തുന്നത്. മഴവെള്ളം നിറഞ്ഞ പാടത്തിന് മുകളിൽ വിരിഞ്ഞുനിൽക്കുന്ന ആയിരക്കണക്കിന് ആമ്പൽപ്പൂക്കൾ സന്ദർശകർക്ക് വേറിട്ട അനുഭവമാണ് സമ്മാനിക്കുന്നത്
ഏകദേശം 400 ഏക്കർ വിസ്തൃതിയുള്ള പാടശേഖരത്തിൽ 380 ഏക്കറോളം പ്രദേശം ഇപ്പോൾ ആമ്പൽപ്പൂക്കൾ കൊണ്ട് നിറഞ്ഞിരിക്കുകയാണ്. പ്രകൃതിഭംഗി ആസ്വദിക്കാൻ എത്തുന്നവർക്കായി പാടശേഖരത്തിലൂടെ വള്ളസവാരിയും ഒരുക്കിയിട്ടുണ്ട്.പറാൽ വടക്കുംഭാഗം മേഖലയിലാണ് സന്ദർശകർക്കായി ഈ സൗകര്യങ്ങൾ ഒരുക്കിയിരിക്കുന്നത്. വാഴപ്പള്ളി ഗ്രാമപഞ്ചായത്ത്, കടമ്പാടം ചേരിക്കളം പാടശേഖര സമിതി, പറാൽ വടക്കുംഭാഗം യുവജന കൂട്ടായ്മ എന്നിവരുടെ സംയുക്ത ആഭിമുഖ്യത്തിലാണ് വിനോദസഞ്ചാര സംവിധാനങ്ങൾ ഒരുക്കിയിരിക്കുന്നത്.മൂന്ന് മുതൽ പത്ത് പേർ വരെ യാത്ര ചെയ്യാൻ കഴിയുന്ന എട്ട് വള്ളങ്ങളാണ് നിലവിലുള്ളത്. പ്രത്യേകമായി നിശ്ചയിച്ച ജലപാതയിലൂടെയാണ് വള്ളങ്ങൾ സഞ്ചരിക്കുന്നത്. ഒരാൾക്ക് 100 രൂപയാണ് നിരക്ക്. രാവിലെ 6 മുതൽ 10 മണിവരെയാണ് സന്ദർശകർക്കും വള്ളസവാരിക്കും അനുമതിയുള്ളത്.മഴക്കാലം കഴിയുന്നതിന് മുമ്പ് ഈ അപൂർവ ആമ്പൽക്കാഴ്ച ആസ്വദിക്കാൻ നിരവധി പേരാണ് പറാൽ പാടശേഖരത്തിലേക്ക് എത്തിക്കൊണ്ടിരിക്കുന്നത്. പ്രകൃതിയെ സ്നേഹിക്കുന്നവർക്കും ഫോട്ടോഗ്രാഫി പ്രേമികൾക്കും ഇത് നഷ്ടപ്പെടുത്താൻ പാടില്ലാത്ത ഒരു മഴക്കാല അനുഭവമായി മാറിക്കഴിഞ്ഞു
പൂനൂർ പുഴയിൽ ഒഴുക്കിൽപ്പെട്ട് കാണാതായ അളുടെ മൃതദേഹം കണ്ടെത്തി.
പുനൂർ: പുനൂർ പുഴയിൽ ഞായറാഴ്ച വൈകീട്ട് 4 മണിയോടെ ഒഴുക്കിൽപ്പെട്ട് കാണാതായ എകരൂൽ സ്വദേശി ഷിജുവിൻ്റെ മൃതദേഹം സന്നദ്ധ സംഘടനയുടെ തിരച്ചിലിനിടെ പൂനൂർ പാലത്തിൻ്റെ താഴെ ഭാഗത്ത് നാലു കിലോമീറ്ററോളം അകലെയായിട്ട് മൃതദേഹം കണ്ടെത്തി. .ഈ ഭാഗത്ത് ഇതുവരെ തിരച്ചിൽ നടന്നിരുന്നില്ല.എൻ്റെ മുക്കം സന്നദ്ധ സേനയുടെ നേതൃത്വത്തിലായിരുന്നു രാവിലെ തിരച്ചിൽ ആരംഭിച്ചത്. മൃതദേഹം ഇൻക്വസ്റ്റ് നടപടികൾക്ക് ശേഷം മെഡിക്കൽ കോളജിൽ മോർച്ചറിയിലേക്ക് മാറ്റും.
പോർച്ചുഗലും വീണു; ഇൻജുറി ടൈമിൽ മിക്കെൽ മെറീനോയുടെ ഗോളിൽ സ്പെയിൻ ക്വാർട്ടറിൽ
ഡാലസ് : കളത്തിലിറങ്ങി അഞ്ചു മിനിറ്റിനുള്ളിൽ വലകുലുക്കിയ മിക്കെൽ മെറീനോയുടെ ഗോളിൽ പോർച്ചുഗലിനെ കീഴടക്കി സ്പെയിൻ ക്വാർട്ടറിൽ. മറുപടിയില്ലാത്ത ഒരു ഗോളിനായിരുന്നു സ്പാനിഷ് സംഘത്തിന്റെ ജയം. 90 മിനിറ്റിലും ഗോൾരഹിതമായി തുടർന്ന മത്സരത്തിന്റെ ഇൻജുറി ടൈമിന്റെ ആദ്യ മിനിറ്റിൽ തന്നെയായിരുന്നു മെറീനോയുടെ ഗോൾ. 85-ാം മിനിറ്റിൽ കളത്തിലിറങ്ങിയ മെറീനോ അങ്ങനെ സ്പെയിനിന്റെ വിജയശിൽപിയായി.
പെട്ടെന്ന് എടുത്ത ഒരു ഫ്രീകിക്കാണ് സ്പെയിനിന്റെ വിജയഗോളിലേക്ക് വഴിവെട്ടിയത്. ഫെറാൻ ടോറസ് നീട്ടി നൽകിയ പന്ത് മെറീനോ വലയിലെത്തിക്കുകയായിരുന്നു. ടൂർണമെന്റിൽ ഇതുവരെ ഗോൾ വഴങ്ങിയിട്ടില്ലെന്ന റെക്കോഡ് നിലനിർത്താനും സ്പെയിനിനായി.ലോകകപ്പ് ഉയർത്താനുള്ള ക്രിസ്റ്റ്യാനോയുടെ അവസാന അവസരത്തിനും അതോടെ അവസാനമായി. 41-കാരനായ താരത്തിന് ഇനിയൊരു ലോകകപ്പിന് ബാല്യമുണ്ടാകില്ല. ടൂർണമെന്റിൽ മൂന്നു ഗോൾ നേടിയ ക്രിസ്റ്റ്യാനോ ഈ ലോകകപ്പിൽ ഏറ്റവും കൂടുതൽ ടച്ചുകൾ നടത്തിയ മത്സരം ഇതാകും.
പതിഞ്ഞ താളത്തിൽ തുടങ്ങിയ മത്സരത്തിന്റെ ആദ്യ പകുതിയിലുടനീളം ഭാവനാപൂർണമായ നീക്കങ്ങളുമായി സ്പെയിൻ കളംനിറഞ്ഞു. എട്ടാം മിനിറ്റിൽ തന്നെ ഡാനി ഓൽമോ നൽകിയ ഒരു ഫസ്റ്റ് ടൈം പാസിൽ നിന്ന് ലഭിച്ച സുവർണാവസരം മിക്കേൽ ഒയർസബാൽ പാഴാക്കി. പിന്നാലെ 12-ാം മിനിറ്റിൽ ക്രിസ്റ്റ്യാനോ റൊണാൾഡോയുടെ ഷോട്ട് സ്പെയിൻ ാേഗൾകീപ്പർ ഉനായ് സിമോൺ തടുത്തിട്ടു.16-ാം മിനിറ്റിൽ സ്പെയിനിന്റെ ഉറച്ച രണ്ട് ഗോളവസരങ്ങൾ തടഞ്ഞ് പോർച്ചുഗീസ് ഗോളി ഡിയഗോ കോസ്റ്റ ടീമിനെ കാത്തു. ലമിൻ യമാലിനും അലക്സ് ബയേനയ്ക്കും ലഭിച്ച അവസരങ്ങളാണ് ഡിയഗോ കോസ്റ്റ തടഞ്ഞത്.
സിമോണും കോസ്റ്റയും ആദ്യ പകുതിയിൽ മികച്ച പ്രകടനം പുറത്തെടുത്തു. 41-ാം മിനിറ്റിൽ നൂനോ മെൻഡസിന്റെ ഷോട്ട് ഗോൾപോസ്റ്റിൽ തട്ടിത്തെറിച്ചത് പോർച്ചുഗലിന് നിർഭാഗ്യമായി. സ്പാനിഷ് താരം ഡാനി ഓൽമോ ആദ്യ പകുതിയിലുടനീളം മികച്ച നീക്കങ്ങളും ത്രൂ പാസുകൾ നൽകിയും കളംനിറഞ്ഞു.മത്സരത്തിലുടനീളം വലിയ റിസ്കുകൾക്ക് മുതിരാതെയാണ് ഇരു ടീമുകളും കളിച്ചത്. അതിനാൽ തന്നെ കാണികളെ കൊണ്ട് കയ്യടിപ്പിക്കുന്ന തരത്തിലുള്ള മുന്നേറ്റങ്ങൾ കുറവായിരുന്നു.
മഴ തുടരും; ഇന്ന് അഞ്ച് ജില്ലകളില് യെല്ലോ അലേര്ട്ട്.
സംസ്ഥാനത്ത് ഇന്നും മഴ തുടരും. മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് കേന്ദ്ര കാലാവസ്ഥാ വകുപ്പ് ഇന്ന് യെല്ലോ അലര്ട്ട് പ്രഖ്യാപിച്ചിരിക്കുന്നത്.
രാവിലെ കോഴിക്കോട്, വയനാട്, കണ്ണൂര്, കാസറഗോഡ് ജില്ലകളില് ഒറ്റപ്പെട്ടയിടങ്ങളില് ഇടത്തരം മഴയ്ക്കും മണിക്കൂറില് 50 കിലോമീറ്റര് വരെ വേഗതയില് ശക്തമായ കാറ്റിനും; പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഇന്നലെ കനത്ത മഴയിലും കാറ്റിലും വിവിധയിടങ്ങളില് നാശനഷ്ടങ്ങളും റിപ്പോര്ട്ട് ചെയ്തിരുന്നു. ഇന്നലെ കനത്ത മഴയില് സ്കൂളിന്റെ മേല്ക്കൂര പറന്നു പോയ കാഞ്ഞങ്ങാട് സൗത്ത് ഗവണ്മെന്റ് ഹയര്സെക്കന്ററി സ്കൂളിന് ഇന്ന് അവധി നല്കിയിട്ടുണ്ട്. ആലപ്പുഴ അരൂരില് സ്കൂള് മതില് ഇടിഞ്ഞു വീണ് പരിക്കേറ്റ ദമ്പതികള് ചികിത്സയില് തുടരുകയാണ്.
പ്ലസ് വൺ ക്ലാസുകൾ തുടങ്ങി; പ്രവേശനം നേടിയത് മൂന്നര ലക്ഷത്തിലേറെ വിദ്യാർത്ഥികൾ; സപ്ലിമെന്ററി അലോട്ട്മെന്റ് 13 മുതൽ
സംസ്ഥാനത്ത് മൂന്നര ലക്ഷത്തിലേറെ വിദ്യാർത്ഥികളുമായി പ്ലസ് വൺ ക്ലാസുകൾ ഇന്ന് ആരംഭിച്ചു. 81 ശതമാനം വിദ്യാർത്ഥികളും പ്രവേശനം നേടിയെന്ന് അധികൃതർ അറിയിച്ചു. മുഖ്യഘട്ട അലോട്ട്മെൻ്റുകളിൽ 3,59,890 വിദ്യാർത്ഥികളാണ് പ്രവേശനം നേടിയത്. 81,375 സീറ്റുകളിൽ കൂടി ഒഴിവുണ്ട്.തിരുവനന്തപുരം ജില്ലയിൽ മുഖ്യഘട്ട അലോട്ട്മെൻ്റുകളിൽ 30,315 വിദ്യാർത്ഥികളാണ് പ്രവേശനം നേടിയത്. ജില്ലയിൽ വിവിധ വിഭാഗങ്ങളിൽ 7,481 സീറ്റുകൾ ഒഴിവുണ്ട്.
ജില്ല, പ്രവേശനം നേടിയ വിദ്യാർത്ഥികളുടെ എണ്ണം/ഒഴിവുകൾതിരുവനന്തപുരം: 30315/7481കൊല്ലം: 25170/6012പത്തനംതിട്ട: 10365/4337ആലപ്പുഴ 19710/4599കോട്ടയം: 17528/4536ഇടുക്കി: 9798/2041എറണാകുളം: 28619/8140തൃശൂർ: 30615/7706പാലക്കാട്: 30517/5140കോഴിക്കോട്: 35502/7600മലപ്പുറം: 64393/14348വയനാട്: 10035/1318കണ്ണൂർ: 30727/4988കാസർകോട് 16596/3129അതേസമയം മലപ്പുറം, കോഴിക്കോട് ജില്ലകളിൽ നിരവധി വിദ്യാർഥികൾക്ക് പ്ലസ് വൺ പ്രവേശനം ലഭിച്ചിട്ടില്ല. ശേഷിക്കുന്ന മെറിറ്റ് സീറ്റുകളിലേക്ക് നടക്കുന്ന സപ്ലിമെന്ററി അലോട്ട്മെന്റിനായി കാത്തിരിക്കുകയാണ് വിദ്യാർത്ഥികൾ. ഈ മാസം 13 മുതലാണ് സപ്ലിമെൻ്ററി അലോട്ട്മെൻ്റ് പ്രവേശനം ആരംഭിക്കുക.
*കേരള സര്വകലാശാല പരീക്ഷയില് ഗുരുതര പിഴവ്; ചോദ്യപേപ്പറില് ചോദ്യത്തിനൊപ്പം ഉത്തരവും*തിരുവനന്തപുരം: കേരള സര്വകലാശാലയുടെ ബി.എസ്.സി രണ്ടാം സെമസ്റ്റര് പരീക്ഷയുടെ ചോദ്യപേപ്പറില് ഗുരുതര പിഴവ്. ചോദ്യപേപ്പറിനൊപ്പം ഉത്തരവും അച്ചടിച്ചാണ് വിതരണം ചെയ്തത്. സംഭവം പരീക്ഷാ നടത്തിപ്പിലെ ഗുരുതര വീഴ്ചയായാണ് വിലയിരുത്തപ്പെടുന്നത്.സംഭവത്തില് സര്വകലാശാല ബോര്ഡ് ഓഫ് എക്സാമിനേഷനോട് വിശദീകരണം തേടിയിട്ടുണ്ട്. പിഴവിന് പിന്നിലെ കാരണം സംബന്ധിച്ച് ഇതുവരെ ബോര്ഡ് സര്വകലാശാലയ്ക്ക് വിശദീകരണം നല്കിയിട്ടില്ല.സംഭവം വിശദമായി പരിശോധിച്ച് ആവശ്യമായ നടപടി സ്വീകരിക്കുമെന്ന് പരീക്ഷാ കണ്ട്രോളര് അറിയിച്ചു.



