കോഴിക്കോട്: ഉന്നതവിദ്യാഭ്യാസ മേഖലയിൽ കാലാനുസൃതമാ യ മാറ്റങ്ങളും നൈപുണ്യാധി ഷ്ഠിത തൊഴിലവസരങ്ങളും ഉറപ്പാക്കുന്നതിന്റെ ഭാഗമായി കോഴിക്കോട് ജില്ലയിലെ സർ ക്കാർ, എയ്ഡഡ് ആർട്സ് ആൻഡ് സയൻസ് കോളജുകളിൽ 2027-28 അധ്യയന വർഷം മുതൽ പുതിയ കോഴ്സുകൾ ആരംഭിക്കാൻ ഉന്നതവിദ്യാ ഭ്യാസ വകുപ്പ് ഭരണാനുമതി നൽകി.ആഗോള തൊഴിൽ വിപണിയുടെ മാറുന്ന ആവശ്യങ്ങ ൾക്കനുസൃതമായി ആർട്ടിഫി ഷ്യൽ ഇന്റലിജൻസ്, ഡാറ്റ സ യൻസ്, കമ്പ്യൂട്ടർ സയൻസ്, മാസ് കമ്മ്യൂണിക്കേഷൻ എ ന്നിവ ഉൾപ്പെടെയുള്ള വിവിധ ഓണേഴ്സ് പ്രോഗ്രാമുകളാണ് പുതിയ അക്കാദമിക വർഷം മുതൽ ജില്ലയിലെ കോള ജുകളിൽ ആരംഭിക്കുക.മീഞ്ചന്ത ഗവ. ആർട്സ് ആ ൻഡ് സയൻസ് കോളേജിൽ ബിഎസ് സി അപ്ലൈഡ് സ്റ്റാ റ്റിസ്റ്റിക്സ് വിത്ത് ഡാറ്റ സയ ൻസ് ഓണേഴ്സ് കോഴ്സുംകൊടുവള്ളി ഗവ. സിഎച്ച്എം കെഎം ആർട്സ് ആൻഡ് സ യൻസ് കോളേജിൽ ബിസിഎ ഓണേഴ്സും ആരംഭിക്കും. കൊയിലാണ്ടി എസ്എആർ ബിടിഎം. ഗവ. കോളജിൽ ഇന്റഗ്രേറ്റഡ് പിജി ഇൻ ഇംഗ്ലീഷ് ആൻ്റ മീഡിയ സ്റ്റഡീസും ബിഎസ് സി. ആർട്ടിഫിഷ്യൽ ഇന്റലിജൻസ് ഓണേഴ്സും അനുവദിച്ചിട്ടുണ്ട്.ബാലുശേരി ഡോ. ബിആർ. അംബേദ്കർ മെമ്മോറിയൽ ഗവ. ആർട്സ് ആൻഡ് സയൻസ് കോളജിൽ ബിഎസ് സി. സൈക്കോളജി ഓണേഴ്സ്, ബിഎസ് സി. കമ്പ്യൂട്ടർ സ യൻസ് ഓണേഴ്സ് എന്നീ കോഴ്സുകളും, റൗസത്തുൽ ഉലും അറബിക് കോളജിൽ ബികോം ഓണേഴ്സും, ചേളന്നൂർ ശ്രീനാരായണ ഗുരു കോളേജിൽ ബിഎ ജേണലിസം ആന്റ് മാസ് കമ്മ്യൂണിക്കേഷൻ ഓണേഴ്സ്, ബിഎ പൊളിറ്റിക്കൽ സയൻസ് ഓണേഴ്സ് എന്നിവയും ആരംഭി ക്കും.പേരാമ്പ്ര സികെ ജി, മെമ്മോറിയൽ ഗവ. കോളജിൽ ബിഎസ്സി കമ്പ്യൂട്ടർ സയൻസ് ഓണേഴ്സ്, ബിഎസ്സി. ജിയോഗ്രഫി ഓണേഴ്സ് എ ന്നീ കോഴ്സുകൾക്ക് അനുമതി ലഭിച്ചു. മൊകേരി ഗവ. ആർട്സ് ആൻഡ് സയൻസ് കോ ളേജിൽ ബിസിഎ. ഓണേഴ്സ്, ബികോം. ഓണേഴ്സ് എന്നീ കോഴ്സുകളും നാദാപു രം ഗവ. ആർട്സ് ആൻഡ് സ യൻസ് കോളജിൽ എംഎ ബിസിനസ് ഇക്കണോമിക്സ്, ബിഎസ് സി ആർട്ടിഫിഷ്യൽ ഇന്റലിജൻസ് ഓണേഴ്സ് എന്നിവയും ആരംഭിക്കും.കൂടാതെ മലബാർ ക്രിസ്ത്യൻ കോളജിൽ ബിഎസ് സി ബോട്ടണി ഓണേഴ്സും, സാമൂതിരി ഗുരുവായൂരപ്പൻ കോളജിൽ ബിഎസ്സി അപ്ലൈഡ് സ്റ്റാറ്റിസ്റ്റിക്സ് വിത്ത് ഡാറ്റ സയൻസും പുതിയതായി അനുവദിച്ചിട്ടുണ്ട്.
എഴുത്തുകാരനും വിഖ്യാത സ്പോർട്സ് ജേണലിസ്റ്റുമായ ഭാസി മലാപ്പറമ്പ് അന്തരിച്ചു
കോഴിക്കോട്: എഴുത്തുകാരനും വിഖ്യാത സ്പോർട്സ് ജേണലിസ്റ്റുമായ ഭാസി മലാപ്പറമ്പ് അന്തരിച്ചു. 85 വയസ്സായിരുന്നു. വാർധക്യസഹജമായ അസുഖങ്ങളെ തുടർന്നാണ് മരണം.ഇന്ത്യയിൽ തന്നെ ഏറ്റവും കൂടുതൽ ഫിഫ ലോകകപ്പ് റിപ്പോർട്ട് ചെയ്ത മാധ്യമപ്രവർത്തകരിൽ ഒരാളായിരുന്നു ഭാസി മലാപ്പറമ്പ്. 1982ലെ ലോകകപ്പ് മുതൽ എട്ട് ലോകകപ്പുകൾ അദ്ദേഹം റിപ്പോർട്ട് ചെയ്തു.കായികലോകത്തെ കുറിച്ചുള്ള റിപ്പോർട്ടിങ്ങിലൂടെ ശ്രദ്ധ നേടിയ ഭാസി, എഴുത്തുകാരൻ എന്ന നിലയിലും അറിയപ്പെട്ടിരുന്നു. ദീർഘകാലം മാധ്യമരംഗത്ത് പ്രവർത്തിച്ച അദ്ദേഹം സ്പോർട്സ് ജേണലിസത്തിൽ സ്വന്തം അടയാളം പതിപ്പിച്ച വ്യക്തിയായിരുന്നു.കോഴിക്കോടാണ് അദ്ദേഹത്തിന്റെ അന്ത്യം സംഭവിച്ചത്. ഭാസി മലാപ്പറമ്പിന്റെ നിര്യാണം കായിക മാധ്യമരംഗത്തിന് വലിയ നഷ്ടമായി കരുതപ്പെടുന്നു.
മത്തിക്ക് 300, അയലയ്ക്ക് 240, കരിമീനിനും ചെമ്പല്ലിക്കും 800 വരെ ചെറുമീനുകളുടെ വില കുതിച്ചുകയറുന്നു.
കോട്ടയം: തീൻമേശയിലെ സ്ഥിരം സാന്നിധ്യമായ മീൻഇനങ്ങൾക്ക് വിപണിയിൽ പൊള്ളുന്ന വില. മത്തി, അയല, വറ്റ, നത്തോലി തുടങ്ങി ജനപ്രിയ ഇനങ്ങളുടെ വില ദിനംപ്രതി വർധിക്കുന്നത് സാധാരണക്കാരുടെ കുടുംബ ബജറ്റിനെ സാരമായി ബാധിക്കുന്നു.ചെറുമീനുകളുടെ വരവ് കുറഞ്ഞുവെന്ന് മത്സ്യത്തൊഴിലാളികൾ പറയുന്നു. 100-150 രൂപയുണ്ടായിരുന്ന മത്തിയുടെ വില ഒരു മാസംകൊണ്ട് 300 ആയി ഉയർന്നു.കൊച്ചുമത്തിക്ക് വില 240-250 രൂപയാണ്. അയല 220-240 രൂപ വരെ എത്തി. മങ്കട വില 200 കടന്നു. കായൽ മീനുകളായ കണമ്പ്, കരിമീൻ, ചെമ്പല്ലി എന്നിവയ്ക്ക് കിലോയ്ക്ക് 600 -800 രൂപ വരെയാണ് വില. കൂന്തൽ 120-140, ചെമ്പല്ലി 180, കിളിമീൻ 200-220, ചെമ്മീൻ 300 രൂപ എന്നിങ്ങനെയാണ് പുതിയ വില.നെയ്മീൻ, ആവോലി, മോദ എന്നിവയാണ്വലിയമീനുകളുടെ കൂട്ടത്തിൽ വിലയിൽമുന്നിൽ. നെയ്മ്മീനിന് 1000 രൂപയാണ്കിലോയ്ക്ക് വില. ആവോലി വില 600-800രൂപയും, മോദ 700 മുതൽ 750 വരെയുമാണ് വില. കഴിഞ്ഞ ദിവസം 650 രൂപയുണ്ടായിരുന്ന ആവോലിയുടെ വില ഇപ്പോൾ 800 രൂപവരെയെത്തി.സാധാരണയായി ജൂൺ-സെപ്റ്റംബർ മാസങ്ങളിൽ കൂടുതൽ മീൻ കിട്ടേണ്ടതാണ്. എന്നാൽ, കാലാവസ്ഥാ വ്യതിയാനം ചെറുമത്സ്യങ്ങളുടെ പ്രജനനത്തെ ബാധിച്ചെന്നാണ് വിലയിരുത്തൽ.
ലോകകപ്പ് ചാമ്പ്യൻഷിപ്പ് മോതിരം സ്വന്തമാക്കി മുക്കം സ്വദേശി.
കോഴിക്കോട്: ലോകകപ്പിന്റെ പ്രത്യേക ചാമ്പ്യൻഷിപ്പ് മോതിരം മുക്കം അഗസ്ത്യൻമുഴി സ്വദേശിയും വ്യവസായിയുമായ സുകുമാരൻ ഇരുളുന്നുമ്മൽ സ്വന്തമാക്കി. ഫിഫ ആകെ 2026 മോതിരങ്ങളാണ് ഇതിനായി നിർമ്മിച്ചിരിക്കുന്നത്. ഇതിൽ 30 മോതിരങ്ങൾ വിജയിച്ച ടീമിനുള്ളതും, ബാക്കി 1996 മോതിരങ്ങൾ ഫുട്ബോൾ ആരാധകർക്കുള്ളതുമാണ്. ഈ 2026 മോതിരങ്ങളിൽ നൂറാമത്തെ മോതിരമാണ് സുകുമാരൻ സ്വന്തമാക്കിയത്.പ്രത്യേകം രൂപകൽപ്പന ചെയ്ത ഈ മോതിരത്തിൽ ലോകകപ്പ് ട്രോഫിയുടെ രൂപവുമുണ്ട്. കായികപ്രേമിയായ സുകുമാരൻ റഷ്യയിലും ഖത്തറിലും നടന്ന ലോകകപ്പ് കാണാൻ പോയിട്ടുണ്ട്. റഷ്യ, ഖത്തർ, ന്യൂയോർക്ക് എന്നിവിടങ്ങളിൽ നടന്ന ലോകകപ്പ് ഫൈനൽ മത്സരങ്ങളിൽ ഉപയോഗിച്ച ഒഫിഷ്യൽ പന്തുകളും അദ്ദേഹം സ്വന്തമാക്കിയിട്ടുണ്ട്.
ബേപ്പൂർ തുറമുഖത്ത് കൂറ്റൻ ക്രെയിൻ പൊട്ടിവീണു; അപകടം ലക്ഷദ്വീപിലേക്കുള്ള ഉരുവിൽ ചരക്കു കയറ്റുന്നതിനിടെ.
ബേപ്പൂർ : തുറമുഖത്ത് ലക്ഷദ്വീപിലേക്കുള്ള ഉരുവിലേക്ക് ചരക്കു കയറ്റുന്നതിനിടെ സ്റ്റാൻഡിങ് ക്രെയിൻ പൊട്ടിവീണു. ശബ്ദംകേട്ടു തൊഴിലാളികൾ ഓടി മാറിയതിനാൽ വലിയ ദുരന്തം ഒഴിവായി. ചൊവ്വാഴ്ച രാവിലെ 8.45നാണു പഴയ വാർഫിലെ മൂന്നാം നമ്പർ ക്രെയിൻ നിലംപൊത്തിയത്. ആന്ത്രോത്ത്, കവരത്തി ദ്വീപിലേക്കുള്ള ‘സർക്കാർ’ എന്ന ഉരുവിലേക്ക് ജെല്ലി കയറ്റുമ്പോഴാണു അപകടം. വലയിൽ ജെല്ലി കോരി നിറച്ച ശേഷം ക്രെയിൻ ഉയർത്തിയപ്പോൾ പെട്ടെന്നു പൊട്ടി വീഴുകയായിരുന്നു. ഇതോടെ കയറ്റിറക്ക് ജോലിയിൽ ഏർപ്പെട്ട തൊഴിലാളികൾ ഓടിമാറി. അപകടത്തെ തുടർന്ന് ഉച്ചവരെ തുറമുഖത്തെ പഴയ വാർഫിൽ ചരക്കുനീക്കം തടസ്സപ്പെട്ടു. കാലപ്പഴക്കത്താലാണു ക്രെയിൻ പൊട്ടി വീണതെന്നു തൊഴിലാളികൾ പറഞ്ഞു
നവംബർ മാസത്തെ റേഷൻ വിതരണം ഇന്ന് മുതൽ.
തിരുവനന്തപുരം: സംസ്ഥാനത്തെ നവംബർ മാസത്തെ റേഷൻ വിതരണം ഇന്ന് (നവംബർ 3) മുതൽ ആരംഭിച്ചു. ഒക്ടോബർ മാസത്തെ വിതരണം ഒക്ടോബർ 31ന് അവസാനിച്ചിരുന്നു. നവംബർ 1, 2 തീയതികളിൽ സ്റ്റോക്ക് ക്രമീകരണത്തിനായി റേഷൻ കടകൾക്ക് അവധിയായിരുന്നു.ഈ മാസത്തെ പ്രധാന വിഹിതം:വെള്ള കാർഡ്: 6 കിലോ അരി കിലോയ്ക്ക് 10.90 രൂപ നിരക്കിൽ. (കഴിഞ്ഞ മാസം 4 കിലോ ആയിരുന്നു)ബ്രൗൺ കാർഡ്: 2 കിലോ അരി അതേ നിരക്കിൽ.അന്ത്യോദയ (AAY) കാർഡ്: 30 കിലോ അരിയും 2 കിലോ ഗോതമ്പും സൗജന്യം. കൂടാതെ 3 പാക്കറ്റ് ആട്ട 7 രൂപ നിരക്കിൽ.മുൻഗണനാ (PHH) കാർഡ്: ഓരോ അംഗത്തിനും 4 കിലോ അരിയും 1 കിലോ ഗോതമ്പും സൗജന്യം. ഗോതമ്പിന് പകരം പരമാവധി 4 പാക്കറ്റ് ആട്ടയും ലഭിക്കും.പൊതുവിഭാഗം: പൊതുവിഭാഗം കാർഡിന് 6 കിലോ അരിയും സ്ഥാപന കാർഡിന് 2 കിലോ അരിയും കിലോയ്ക്ക് 10.90 രൂപ നിരക്കിൽ ലഭിക്കും. ഈ വിഭാഗങ്ങൾക്ക് 3 കിലോ ഗോതമ്പ് കിലോയ്ക്ക് 8.70 രൂപ നിരക്കിലും ലഭിക്കും. എൻ.പി.എസ്, എൻ.പി.എൻ.എസ്, എൻ.പി.ഐ കാർഡുകൾക്ക് സ്റ്റോക്കിനനുസരിച്ച് 4 കിലോ വരെ ആട്ടയും അനുവദിച്ചിട്ടുണ്ട്.നീല, വെള്ള, ബ്രൗൺ കാർഡ് ഉടമകൾക്ക് സ്പെഷ്യൽ വിഹിതമായി 3 കിലോ ഗോതമ്പ് കിലോയ്ക്ക് 8.70 രൂപ നിരക്കിൽ ലഭിക്കും. അതത് താലൂക്കുകളിലെ സ്റ്റോക്കിനനുസരിച്ചായിരിക്കും വിതരണം.2026 ഒക്ടോബർ-നവംബർ-ഡിസംബർ പാദത്തിലെ മണ്ണെണ്ണ വിഹിതവും അനുവദിച്ചിട്ടുണ്ട്. വൈദ്യുതിയുള്ള വീടുകളിലെ എ.എ.വൈ കാർഡിന് ഒരു ലിറ്ററും PHH, NPS, NPNS കാർഡുകൾക്ക് അര ലിറ്ററും ലഭിക്കും. വൈദ്യുതിയില്ലാത്ത വീടുകളിലെ കാർഡുകൾക്ക് 6 ലിറ്റർ മണ്ണെണ്ണയാണ് അനുവദിച്ചിട്ടുള്ളത്.
മുരസു’ തീവ്ര ചുഴലിക്കാറ്റ് കരതൊട്ടു; കേരളത്തില് ഉള്പ്പെടെ അതീവ ജാഗ്രത.
തിരുവനന്തപുരം: ബംഗാള് ഉള്ക്കടലില് രൂപംകൊണ്ട ‘മുരസു’ തീവ്ര ചുഴലിക്കാറ്റ് ആന്ധ്രാപ്രദേശില് കരതൊട്ടു. മണിക്കൂറില് 110 കിലോമീറ്റര് വരെ വേഗതയില് കാറ്റിനും ശക്തമായ മഴയ്ക്കും സാധ്യതയുണ്ട്. ആന്ധ്ര, തമിഴ്നാട് ഉള്പ്പെടെയുള്ള സംസ്ഥാനങ്ങളില് ജാഗ്രതാ നിര്ദേശം തുടരുകയാണ്. ചുഴലിക്കാറ്റിനെ തുടര്ന്ന് ആന്ധ്രയിലെ മൂന്ന് വിമാനത്താവളങ്ങളിലായി 19 ആഭ്യന്തര സർവീസുകൾ റദ്ദാക്കി.കേരളത്തിലും മഴ മുന്നറിയിപ്പ് നല്കിയിട്ടുണ്ട്. ഇന്ന് കോഴിക്കോട്, വയനാട്, കണ്ണൂര്, കാസര്കോട് ജില്ലകളില് യെല്ലോ അലര്ട്ടാണ്. നാളെ മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും മഴ മുന്നറിയിപ്പുണ്ട്. വെള്ളിയാഴ്ചയും സംസ്ഥാനത്ത് ശക്തമായ മഴയ്ക്കാണ് സാധ്യത.ഒറ്റപ്പെട്ട ഇടങ്ങളില് ഇടിമിന്നലോട് കൂടിയ മഴയ്ക്കും മണിക്കൂറില് 30 മുതല് 40 കിലോമീറ്റര് വരെ വേഗതയിലുള്ള കാറ്റിനും സാധ്യതയുള്ളതായി കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. തെക്കന് കേരളത്തിനും സമീപപ്രദേശങ്ങള്ക്കും മുകളിലായി ചക്രവാതച്ചുഴി നിലനില്ക്കുന്നു. മധ്യകിഴക്കന് അറബിക്കടലില് കര്ണാടക-തെക്കന് മഹാരാഷ്ട്ര തീരത്തോട് ചേര്ന്ന് മറ്റൊരു ചക്രവാതച്ചുഴിയുമുണ്ട്.മുരസു കരതൊട്ട സാഹചര്യത്തില് ഇന്നും നാളെയും ബംഗാള് ഉള്ക്കടലില് യാതൊരു കാരണവശാലും മല്സ്യബന്ധനത്തിനായി പോകാന് പാടില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.
പ്രശസ്ത മേക്കപ്മാൻ പാണ്ഡ്യൻ അന്തരിച്ചു.
ചെന്നൈ : മലയാള സിനിമയിലെ പ്രശസ്ത മേക്കപ്മാൻ പാണ്ഡ്യൻ (74) അന്തരിച്ചു. ചെന്നൈ വിരുഗമ്പാക്കത്തെ വസതിയിലായിരുന്നു അന്ത്യം. അരനൂറ്റാണ്ടിലേറെ നീണ്ട കരിയറിൽ മലയാളം, തമിഴ്, തെലുങ്ക്, കന്നഡ ഭാഷകളിലായി അഞ്ഞൂറോളം ചിത്രങ്ങളിൽ അദ്ദേഹം പ്രവർത്തിച്ചിട്ടുണ്ട്. സത്യൻ അന്തിക്കാട്, കമൽ, ജോഷി തുടങ്ങിയ സംവിധായകരുടെ പ്രിയപ്പെട്ട മേക്കപ്മാനായിരുന്ന പാണ്ഡ്യൻ അവരുടെ ചിത്രങ്ങളിലെ സ്ഥിരം സാന്നിധ്യമായിരുന്നു. പതിനാറാം വയസിൽ, നടൻ സത്യന്റെ മേക്കപ്മാൻ കൃഷ്ണരാജന്റെ സഹായിയായാണ് പാണ്ഡ്യൻ സിനിമയിലെത്തിയത്. പ്രശസ്ത ഛായാഗ്രാഹകൻ ജെ വില്യംസിന്റെ സഹായിയായി ചില ചിത്രങ്ങളിലും പ്രവര്ത്തിച്ച അദ്ദേഹം ചില തമിഴ് ചിത്രങ്ങളിൽ അസിസ്റ്റന്റ് എഡിറ്ററായും പ്രവര്ത്തിച്ചിരുന്നു. 1972 ല് പുറത്തിറങ്ങിയ പുള്ളിമാന് എന്ന ചിത്രത്തില് പ്രമുഖ മേക്കപ്മാൻ എം.ഒ.ദേവസ്യയുടെ മേക്കപ്പ് അസിസ്റ്റന്റ് ആയി. മലയാളം, തമിഴ് തെലുങ്ക്, കന്നഡ ഭാഷകളിൽ മേക്കപ് അസിസ്റ്റന്റായ ശേഷം 1978 ൽ ജെ. വില്യംസ് സംവിധാനം ചെയ്ത മദാലസ എന്ന ചിത്രത്തിലൂടെ സ്വതന്ത്ര മേക്കപ്പ് മാനായി. പിന്നീട് മലയാളത്തിലെ സൂപ്പർ സ്റ്റാറുകൾ അടക്കമുള്ള പ്രമുഖ താരങ്ങൾക്കൊപ്പവും മറ്റു ഭാഷകളിൽ രജനികാന്ത്, കമൽഹാസൻ, എന്ടിആര്, എസ്വിആര് തുടങ്ങിയവർക്കൊപ്പവും പ്രവർത്തിച്ചിട്ടുണ്ട്. 2001 ല് കമല് സംവിധാനം ചെയ്ത ‘മധുരനൊമ്പരക്കാറ്റ’ലെ ചമയത്തിന് അദ്ദേഹത്തിന് സംസ്ഥാന ചലച്ചിത്രപുരസ്കാരം ലഭിച്ചു. സത്യൻ അന്തിക്കാടിന്റെ മോഹൻലാൽ ചിത്രം ഹൃദയപൂർവത്തിലാണ് അവസാനം പ്രവർത്തിച്ചത്.
ഒരു ലോഡ് പഞ്ചസാര പോലും പുറത്തേക്ക് വിടില്ലെന്ന നിലപാടിൽ കർഷകർ; ആശങ്ക കേരളത്തിന്.
കോഴിക്കോട് : നിത്യോപയോഗ സാധന വില വർധിച്ചതോടെ മിക്ക വീടുകളിലും കുടുംബ ബജറ്റ് താളം തെറ്റുന്നു. പലവ്യഞ്ജനങ്ങൾക്കും പച്ചക്കറികൾക്കും ഒരു പോലെ വില കുതിച്ചുയരുകയാണ്. മൊത്ത വ്യാപാര വിപണിയിൽ ഓരോ ദിവസവും വില കൂടുകയാണെന്നാണ് കച്ചവടക്കാർ പറയുന്നത്. അരിക്കു കിലോഗ്രാമിനു 7 രൂപ മുതൽ 25 രൂപ വരെ വർധനയുണ്ടായി. പച്ചക്കറികളിൽ മിക്കതിനും ഒരു മാസമായി വില കൂടിക്കൊണ്ടിരിക്കുകയാണ്.കരിമ്പിനു വില കൂടുതൽ ലഭിക്കണമെന്നാവശ്യപ്പെട്ട് കർണാടകയിലെ പഞ്ചസാര കമ്പനികൾക്ക് മുന്നിൽ അനിശ്ചിതകാല സമരം നടക്കുകയാണ്. വില കൂട്ടി ലഭിക്കാതെ ഒരു ലോഡ് പഞ്ചസാര പോലും പുറത്തേക്ക് കൊണ്ടുപോകില്ലെന്ന നിലപാടിലാണ് കർഷകർ. മഹാരാഷ്ട്രയിൽ നിന്ന് പഞ്ചസാര ലോഡ് വരുമെന്നാണ് മൊത്തവ്യാരികൾ പറയുന്നത്. പഞ്ചസാര വില കൂടുന്നത് കാരണം ദീപാവലി മധുര പലഹാരങ്ങളുടെ വില കൂടാനും സാധ്യതയുണ്ട്.
വീട് നിർമ്മാണ ധനസഹായത്തിന് അപേക്ഷിക്കുമ്പോൾ ഈ രേഖകൾ നിർബന്ധം.
വീട് നിർമ്മാണ ധനസഹായ പദ്ധതിയിലേക്ക് അപേക്ഷ സമർപ്പിക്കുന്നവർ അപേക്ഷയോടൊപ്പം ആവശ്യമായ രേഖകളും ഹാജരാക്കണം. ജാതി സർട്ടിഫിക്കറ്റ്, വരുമാന സർട്ടിഫിക്കറ്റ്, ഭൂമിയുടെ കൈവശ സർട്ടിഫിക്കറ്റ്, റേഷൻ കാർഡ്, ആധാർ കാർഡ് തുടങ്ങിയ രേഖകളാണ് പ്രധാനമായും ആവശ്യമായിട്ടുള്ളത്.കൂടാതെ, നിലവിലെ വീട് വാസയോഗ്യമല്ലെങ്കിൽ ബന്ധപ്പെട്ട എൻജിനീയറുടെ സാക്ഷ്യപത്രം, പ്രകൃതിദുരന്തത്തിൽ വീട് നശിച്ചിട്ടുണ്ടെങ്കിൽ റവന്യൂ അല്ലെങ്കിൽ തദ്ദേശ സ്വയംഭരണ വകുപ്പിന്റെ സാക്ഷ്യപത്രം എന്നിവയും സമർപ്പിക്കണം. മുൻപ് ഭവനനിർമാണത്തിന് ധനസഹായം ലഭിച്ചിട്ടുണ്ടോ എന്നതും സ്വന്തമായി വാസയോഗ്യമായ വീടുണ്ടോ എന്നതും സംബന്ധിച്ച തദ്ദേശസ്ഥാപനത്തിന്റെ സാക്ഷ്യപത്രവും ആവശ്യമാണ്.അപേക്ഷയോടൊപ്പം സമർപ്പിക്കേണ്ട പ്രധാന രേഖകൾ:* തഹസിൽദാർ നൽകുന്ന മൂന്ന് വർഷത്തിൽ കാലാവധി കഴിയാത്ത ജാതി സർട്ടിഫിക്കറ്റ്.* വില്ലേജ് ഓഫീസിൽ നിന്നുള്ള ഒരു വർഷത്തിൽ കാലാവധി കഴിയാത്ത വരുമാന സർട്ടിഫിക്കറ്റ്.* ഭൂമിയുടെ കൈവശ സർട്ടിഫിക്കറ്റ്.* അപേക്ഷകന്റെയും പങ്കാളിയുടെയും റേഷൻ കാർഡ്, ആധാർ കാർഡ് പകർപ്പുകൾ.* വീട് വാസയോഗ്യമല്ലെങ്കിൽ LSGD/PWD അസിസ്റ്റന്റ് എൻജിനീയറുടെ സാക്ഷ്യപത്രം.* പ്രകൃതിദുരന്തത്തിൽ വീട് നശിച്ചെങ്കിൽ ബന്ധപ്പെട്ട വകുപ്പിന്റെ സാക്ഷ്യപത്രം.* മുൻപ് ഭവനനിർമാണ ധനസഹായം ലഭിച്ചിട്ടില്ലെന്നോ ലഭിച്ചിട്ടുണ്ടെന്നോ വ്യക്തമാക്കുന്ന തദ്ദേശസ്ഥാപനത്തിന്റെ സാക്ഷ്യപത്രം.* ക്ലേശ ഘടകങ്ങൾ തെളിയിക്കുന്ന ആധികാരിക രേഖകൾ.* അപേക്ഷകനും പങ്കാളിക്കും സ്വന്തമായി വാസയോഗ്യമായ വീടില്ലെന്ന സാക്ഷ്യപത്രം.* മേൽവിലാസമോ ഭൂമിയോ മറ്റൊരു തദ്ദേശസ്വയംഭരണ സ്ഥാപനത്തിന്റെ പരിധിയിലാണെങ്കിൽ അവിടെ നിന്നുള്ള ബന്ധപ്പെട്ട ഭവന/ഭൂമി സാക്ഷ്യപത്രങ്ങളും ഹാജരാക്കണം..



