തിരുവനന്തപുരം: സംസ്ഥാനത്ത് ഒറ്റപ്പെട്ട പ്രദേശങ്ങളിൽ കനത്ത മഴയ്ക്കും 50 കിലോമീറ്റർ വരെ വേഗത്തിൽ കാറ്റിനും സാധ്യത. മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഇന്ന് യെലോ അലർട്ട്. നദികളിലെയും പ്രധാന അണക്കെട്ടുകളിലെയും ജലനിരപ്പ് സുരക്ഷിത നിലയിലാണ്. 13 അണക്കെട്ടുകളിൽ നിയന്ത്രിത അളവിൽ വെള്ളം പുറത്തേക്ക് ഒഴുക്കുന്നുണ്ട്. പ്രധാന നദികളിലെ 38 സ്റ്റേഷനുകളിൽ 20 ഇടങ്ങളിൽ ജലനിരപ്പ് ഉയരുന്നുണ്ടെങ്കിലും അപകടകരമായ സാഹചര്യമില്ല.അപ്രതീക്ഷിതമായ മിന്നൽച്ചുഴലിയിൽ തൃശൂർ നടത്തറ പൂച്ചട്ടി ഭവൻസ് ബാലമന്ദിർ സ്കൂൾ വളപ്പിലെയും പാർക്കിങ് സ്ഥലത്തെയും മരങ്ങൾ കടപുഴകി വ്യാപക നാശനഷ്ടമുണ്ടായി. സ്കൂളിലേക്കു കുട്ടികളുമായി വന്ന ടാക്സി–സ്വകാര്യ വാഹനങ്ങളടക്കം മരങ്ങൾക്കടിയിൽപ്പെട്ട് ഭാഗികമായി തകർന്നെങ്കിലും വാഹനങ്ങളിലുണ്ടായിരുന്ന പ്രീ–പ്രൈമറി കുട്ടികൾ രക്ഷപ്പെട്ടു.

സംസ്ഥാന ഡ്രഗ്‌സ് കൺട്രോൾ വകുപ്പിലെ മരുന്ന് പരിശോധനാ ലബോറട്ടറികളിൽ നടത്തിയ ഗുണനിലവാര പരിശോധനയിൽ മെയ് മാസത്തിൽ ഗുണനിലവാരമില്ലാത്തതായി കണ്ടെത്തിയ താഴെ പറയുന്ന മരുന്നു ബാച്ചുകളുടെ വിതരണവും വിൽപ്പനയും സംസ്ഥാനത്ത് നിരോധിച്ചു. ഈ മരുന്നുകളുടെ സ്റ്റോക്ക് കൈവശമുള്ള വ്യാപാരികളും ആശുപത്രികളും അവ തിരികെ വിതരണക്കാരന് നൽകി വിശദാംശങ്ങൾ ബന്ധപ്പെട്ട ജില്ലാ ഡ്രഗ്‌സ് കൺട്രോൾ അധികാരികളെ അറിയിക്കണമെന്ന് സംസ്ഥാന ഡ്രഗ്‌സ് കൺട്രോളർ അറിയിച്ചു.

മരുന്നിന്റെ പേര്, ഉല്പാദകർ, ബാച്ച് നമ്പർ, കാലാവധി എന്ന ക്രമത്തിൽ.

Folic Acid Tablets IP. 0.4 mg, Unicure India Limited, Plot No. 46(B)/49B, Vill.Raipur, Bhagwanpur, Roorkee, Distt. Haridwar, Uttarakhand, FO1TE033, 09/2027.

Folic Acid Tablets IP. 0.4 mg, Unicure India Limited, Plot No. 46(B)/49B, Vill.Raipur, Bhagwanpur, Roorkee, Distt. Haridwar, Uttarakhand, FO1TE048, 09/2027.Aspirin Gastro-resistant Tablets IP 75 mg, Unicure India Limited, C-21,22&23, Sector-3, Noida-201301, Distt: Gautam Budh Nagar (U.P), ANET1273, 09/2026.

Hamten Lavender Natural Beauty Soap, Ashtapathy Healthcare Pvt Ltd, Edathala, Aluva, Ernakulam, Kerala-683561, HTA-04, 01/2028.

Hamten fresh Lime Natural Beauty Soap, Ashtapathy Healthcare Pvt Ltd, Edathala, Aluva, Ernakulam, Kerala-683561, HTA-04, 01/2028.

Hamten Rose Natural Beauty Soap, Ashtapathy Healthcare Pvt Ltd, Edathala, Aluva, Ernakulam, Kerala-683561, HTA-04, 01/2028.

Thyroxine Sodium Tablets IP 25 mcg, Malik Lifesciences Pvt Ltd, Plot No-16, Vardhman Indl. Estate, Vill-Bahadarpur Saini, N.H. 58, Haridwar-247667 (Uttarakhand), BGL06AAB, 12/2027.

Lorazepam Tablets I.P. 2 mg, Micron Pharmaceuticals, 2117,A2, Phase III, G.I.D.C, Vapi-396195, T240628, 05/2027.

Diclofenac Sodium Tablets IP 50mg, Kerala State Drugs and Pharmaceuticals Ltd., Kalavoor P.O., Alappuzha, Kerala-688 522, DG 5031, 01/2027.Paracetamol and Domperidone Tablets (Dompar), Cipla Ltd, Plot No. 27, Jharmajri, Baddi (H.P.) 173205, 4C11469, 11/2027.

Telmisartan Tablets IP 40 mg, Kerala State Drugs and Pharmaceuticals Ltd., Kalavoor P.O., Alappuzha, Kerala-688 522, TM 5144, 08/2027.

Telmisartan Tablets IP 40 mg, Kerala State Drugs and Pharmaceuticals Ltd., Kalavoor P.O., Alappuzha, Kerala-688 522, TM5142, 08/2027.

Aspirin Gastro-resistant Tablets IP 75 mg, Unicure India Ltd., C-21,22&23, Sector -3, Noida-201301, Distt. Gautam Budh Nagar (U.P), ANET1283,

കൊട്ടാരക്കോത്ത്: റൂട്സ് വേൾഡ് സ്കൂളിലെ 2026-27 അധ്യയന വർഷത്തേക്കുള്ള എൻട്രി ഫെസ്റ്റും പുതിയ അക്കാദമിക് ബ്ലോക്കിന്റെ ഉദ്ഘാടന കർമ്മവും ജൂൺ 8 തിങ്കളാഴ്ച തിരുവമ്പാടി എം.എൽ.എ. സി.കെ. കാസിം നിർവ്വഹിച്ചു.വിദ്യാഭ്യാസ രംഗത്ത് ലോകശ്രദ്ധ നേടിയ ഫിൻലൻഡ് വിദ്യാഭ്യാസ മാതൃകയുടെ പ്രാധാന്യത്തെക്കുറിച്ചും, വിദ്യാർത്ഥി കേന്ദ്രീകൃതവും ഭാവനാധിഷ്ഠിതവുമായ പഠനരീതികൾ നമ്മുടെ വിദ്യാഭ്യാസ സംവിധാനത്തിൽ ഉൾകൊള്ളിക്കേണ്ടതിൻ്റെ ആവശ്യകതയെക്കുറിച്ചും അദ്ദേഹം വിശദീകരിച്ചു.തുടർന്ന് പുതിയ ബ്ലോക്കിലെ ക്ലാസ് മുറികൾ സന്ദർശിച്ച അദ്ദേഹം, വിദ്യാർത്ഥികൾക്കായി ഒരുക്കിയ ആധുനിക പഠനസൗകര്യങ്ങളിലും ക്ലാസ് മുറികളിൽ നടപ്പാക്കിയ നവീന സംവിധാനങ്ങളിലും സംതൃപ്തി രേഖപ്പെടുത്തി.

കുട്ടികളുമായി നടത്തിയ സംവാദ പരിപാടിയിൽ അവരുടെ ചോദ്യങ്ങൾക്ക് സരസവും പ്രചോദനാത്മകവുമായ മറുപടികൾ നൽകി.ചടങ്ങിൽ ജില്ലാ പഞ്ചായത്ത് അംഗം, ബ്ലോക്ക് പഞ്ചായത്ത് അംഗങ്ങൾ, കോടഞ്ചേരി, പുതുപ്പാടി ഗ്രാമ പഞ്ചായത്ത് പ്രസിഡന്റുമാർ, കോടഞ്ചേരി ഗ്രാമ പഞ്ചായത്ത് വൈസ് പ്രസിഡൻ്റ്, മറ്റ് ജനപ്രതിനിധികൾ, രാഷ്ട്രീയ സാമൂഹിക സാംസ്കാരിക രംഗത്തെ വിശിഷ്ട വ്യക്തിത്വങ്ങൾ, പൗരപ്രമുഖർ, രക്ഷിതാക്കൾ, നാട്ടുകാർ തുടങ്ങിയവർ പങ്കെടുത്തു.

വിദ്യാർത്ഥികളുടെ വിവിധ കലാപരിപാടികളും രക്ഷകർത്താക്കൾക്കായി സംഘടിപ്പിച്ച ഓറിയന്റേഷൻ സെഷനും ചടങ്ങിന് മാറ്റുകൂട്ടി. പുതിയ അധ്യയന വർഷത്തിന് ഉജ്ജ്വലമായ തുടക്കം കുറിച്ചുകൊണ്ടാണ് എൻട്രി ഫെസ്റ്റും പുതിയ അക്കാദമിക് ബ്ലോക്കിന്റെ ഉദ്ഘാടനവും സമാപിച്ചത്.മാനേജിംഗ് ഡയറക്ടർ ഷഫീർ കൊട്ടാരക്കോത്തിൻ്റെ അദ്ധ്യക്ഷതയിൽ പ്രിൻസിപ്പൽ റാഷിദ് ഇബ്രാഹിം സ്വാഗതവും, പി.ടി.എ പ്രസിഡൻ്റ് ഷഫ്‌ന ഷാഫി നന്ദിയും പറഞ്ഞു.

കോഴിക്കോട് :കുണ്ടായിത്തോടിൽ കേബിൾ തകരാർ പരിഹരിക്കുന്നതിനിടെ ഷോക്കേറ്റ ജിയോ ടെക്നീഷ്യൻ മരണപ്പെട്ടു. കൊമ്മേരി സ്വദേശി ജിജേഷ് (40) ആണ് മരിച്ചത്.ഇന്ന് ഉച്ചക്ക് രണ്ട് മണിയോടെയായിരുന്നു അപകടം. കുണ്ടായിത്തോടിൽ ജിയോ ഫൈബർ കണക്ഷന്റെ സാങ്കേതിക തകരാർ പരിഹരിക്കുന്നതിനായി ജിയോ കേബിൾ കടന്നു പോകുന്ന പോസ്റ്റിൽ കയറി ജോലി ചെയ്യുകയായിരുന്നു ജിജേഷ്. ഇതിനിടെ തൊട്ടു മുകളിലൂടെ കടന്നു പോകുകയായിരുന്ന കെ.എസ്.ഇ.ബി.യുടെ ഹൈടെൻഷൻ വൈദ്യുതി ലൈനിൽ അബദ്ധത്തിൽ കൈ തട്ടുകയും ഷോക്കേൽക്കുകയുമായിരുന്നു.

അപകടം നടന്ന ഉടൻ തന്നെ ജിജേഷിനെ ചുങ്കത്തുള്ള സ്വകാര്യ ആശുപത്രിയിൽ എത്തിച്ചെങ്കിലും വൈകിട്ടോടെ ജീവൻ രക്ഷിക്കാനായില്ല.മൃതദേഹം കോഴിക്കോട് മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. നാളെ (ബുധനാഴ്ച) പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടു നൽകും.

കോഴിക്കോട് : കുതിരവട്ടം മാനസികാരോഗ്യ കേന്ദ്രത്തെ രാജ്യാന്തര നിലവാരത്തിലുള്ള ‘മെന്റൽ ഹാപ്പിനസ് സെന്റർ’ ആക്കി വികസിപ്പിക്കുന്നതിനുള്ള സമഗ്രമായ ഡീറ്റെയിൽഡ് പ്രൊജക്ട് റിപ്പോർട്ട് (ഡിപിആർ) കോഴിക്കോട് സൗത്ത് എംഎൽഎ അഡ്വ. ഫൈസൽ ബാബു ആരോഗ്യ മന്ത്രി കെ. മുരളീധരന് കൈമാറി. കുതിരവട്ടത്തിന്റെ സമഗ്ര പുരോഗതി ലക്ഷ്യമിട്ട് എംഎൽഎയുടെ നേതൃത്വത്തിൽ വിദഗ്ധരെ ഉൾപ്പെടുത്തി തയാറാക്കിയ വിപുലമായ റിപ്പോർട്ടിനെ ആരോഗ്യമന്ത്രി അഭിനന്ദിച്ചു.

വിഷയം അതീവ പ്രാധാന്യത്തോടെ പരിഗണിക്കുമെന്നും പദ്ധതി യാഥാർഥ്യമാക്കുന്നതിന് ആവശ്യമായ സർക്കാർ ഇടപെടലുകളും ഭരണാനുമതിയും അടിയന്തരമായി ലഭ്യമാക്കുമെന്നും മന്ത്രി ഉറപ്പുനൽകിയതായി അഡ്വ. ഫൈസൽ ബാബു അറിയിച്ചു.പരമ്പരാഗത രീതികളിൽ നിന്ന് മാറി, ആധുനിക ചികിത്സാ സൗകര്യങ്ങളും അന്തേവാസികൾക്ക് മാനസിക ഉല്ലാസം നൽകുന്ന അന്തരീക്ഷവുമുള്ള ആഗോള മാതൃകാ കേന്ദ്രമായി കുതിരവട്ടത്തെ മാറ്റാനാണ് പദ്ധതി വിഭാവനം ചെയ്യുന്നത്. രോഗശാന്തിക്കൊപ്പം മാനസികാരോഗ്യം വീണ്ടെടുക്കാൻ സഹായിക്കുന്ന പ്രകൃതിസൗഹൃദ നവീകരണ പ്രവർത്തനങ്ങളും ഇതിന്റെ ഭാഗമായി നടക്കും. കുതിരവട്ടത്തിന്റെ വികസനത്തിന് മുൻഗണന നൽകിയ ആരോഗ്യ മന്ത്രിക്കും വകുപ്പ് അധികൃതർക്കും എംഎൽഎ നന്ദി രേഖപ്പെടുത്തി.

കോഴിക്കോട് ∙ ചേളന്നൂരിലെ സ്വകാര്യ ലോഡ്ജിൽ നിന്ന് 11.78 ഗ്രാം മെത്താംഫെറ്റമിനുമായി യുവാവ് പിടിയിൽ. തലക്കുളത്തൂർ പട്ടർപാലം സ്വദേശി സഗേഷ് (35) ആണ് പിടിയിലായത്. ‘ഓപ്പറേഷൻ തണ്ടറി’ന്റെ ഭാഗമായി എക്സൈസ് ഇന്റലിജൻസിനു ലഭിച്ച രഹസ്യവിവരത്തിന്റെ അടിസ്ഥാനത്തിൽ ചേളന്നൂർ എക്സൈസ് റേഞ്ചും കോഴിക്കോട് ഡെപ്യൂട്ടി കമ്മിഷണറുടെ സ്പെഷൽ സ്ക്വാഡും ചേർന്ന് നടത്തിയ പരിശോധനയിലാണ് പ്രതി പിടിയിലായത്.

പ്രതിക്കെതിരെ എൻഡിപിഎസ് ആക്ട് പ്രകാരം കേസെടുത്തു. എക്സൈസ് ഇൻസ്പെക്ടർ എ.പി.ദിപീഷ്, എഇഐ(ജി)മാരായ കെ.കെ.റഫീഖ്, സബീറലി, സിഇഒമാരായ സുജിൽ, ശ്യാം പ്രസാദ്, ഡിസി സ്ക്വാഡ് അംഗങ്ങളായ ജിത്തു, അജിത്ത്, അഷിൽദ്, ഡ്രൈവർ ഷിതിൻ എന്നിവരാണ് അന്വേഷണ സംഘത്തിലുണ്ടായിരുന്നത്.

ആലപ്പുഴ: നവകേരള യാത്രക്കിടെ പ്രതിഷേധിക്കാരെ മർദിച്ച കേസിൽ പ്രതികളായ മുൻ മുഖ്യമന്ത്രി പിണറായിവിജയന്റെ ഗൺമാനും സുരക്ഷാ ഉദ്യോഗസ്ഥർക്കും മുൻകൂർ ജാമ്യം. ആലപ്പുഴ ജില്ല സെഷൻസ് കോടതി ജഡ്ജി ഹണി. എം വർഗീസാണ് വിധി പറഞ്ഞത്. പിണറായിയുടെ ഗൺമാനായിരുന്ന അനിൽകുമാർ അടക്കം അഞ്ച് പ്രതികളാണ് കേസിലുള്ളത്.സുരക്ഷ ഉദ്യോഗസ്ഥരായ എസ് സന്ദീപ് , വിപിൻ, അരുൺ. ഷൈജു എന്നിവരാണ് മറ്റു പ്രതികൾ. എ.ഡി തോമസ് എംഎൽഎ, യൂത്ത് കോൺഗ്രസ് സംസ്ഥാന ജനറൽ സെക്രട്ടറി അഡ്വ.അജയ് ജ്യൂവൽ കുര്യാക്കോസ് എന്നിവർക്കാണ് ക്രൂരമർദനമേറ്റത്.

പ്രതികൾക്കെതിരെ നരഹത്യശ്രമം അടക്കമുള്ള ജാമ്യമില്ല വകുപ്പുകൾ ചുമത്തിയിരുന്നു. ഇതേ തുടർന്നാണ് പ്രതികൾ ആലപ്പുഴ ജില്ല സെഷൻസ് കോടതിയിൽ മുൻകൂർ ജാമ്യാപേക്ഷ നൽകിയത്.കേസിനു പിന്നിൽ രാഷ്ട്രീയ- വ്യക്തി വിരോധമാണ്. കേസ് കെട്ടിച്ചമച്ചതും വ്യാജവുമാണെന്നും അറസ്റ്റ് ചെയ്താൻ വിട്ടയക്കണമെന്നും മുൻകൂർ ജാമ്യാപേക്ഷയിൽ പറയുന്നു.സംസ്ഥാനത്തെ രാഷ്ട്രീയമാറ്റം ആശങ്കയുണ്ടാക്കുന്നുവെന്നും രാഷ്ട്രീയ വിരോധത്തിന്റെ പേരിൽ കെട്ടിച്ചമച്ച കേസാണെന്നുമാണ് പ്രതികളുടെ വാദം.

എസ്ഐടി വന്നത് യുഡിഎഫ് അധികാരത്തിൽ എത്തിയ ശേഷമാണ്. അറസ്റ്റ് ചെയ്താൽ അക്രമിക്കപ്പെടാൻ സാധ്യതയുണ്ടെന്നും പൊതുസമൂഹത്തിൽ അപമാനിതരാകുമെന്നും ജാമ്യാപേക്ഷയിലുണ്ട്. കേസിൽ പ്രതികളായ അനിൽ, സന്ദീപ്, വിപിൻ, ഷൈജു, അരുൺ എന്നിവർ നിലവിൽ സസ്പെൻഷനിലാണ്.

കോഴിക്കോട്: മലബാർ മേഖലയിലെ മോട്ടോർ വാഹന വകുപ്പിന്റെ പ്രവർത്തനങ്ങൾ കടുത്ത പ്രതിസന്ധിയിൽ. കോഴിക്കോട്, വയനാട്, കണ്ണൂർ, കാസർകോട് തുടങ്ങി നാല് പ്രധാന ജില്ലകളിലാണ് മാസങ്ങളായി റീജിയണൽ ട്രാൻസ്പോർട്ട് ഓഫീസർമാരുടെ തസ്‌തികകൾ ഒഴിഞ്ഞു കിടക്കുന്നത്. വിരമിക്കലും സ്ഥലംമാറ്റവും മൂലമുണ്ടായ ഈ ഒഴിവുകൾ യഥാസമയം നികത്താൻ അധികൃതർ വൈകുന്നതാണ് നിലവിലെ ഭരണപ്രതിസന്ധിക്ക് കാരണമായിരിക്കുന്നത്.കോഴിക്കോട് ആർടിഒ കഴിഞ്ഞ ഏപ്രിൽ 30നാണ് സർവീസിൽ നിന്നും വിരമിച്ചത്. മാസങ്ങൾ പിന്നിട്ടിട്ടും ഇതുവരെ പുതിയ ഉദ്യോഗസ്ഥൻ ഈ സ്ഥാനത്ത് ചുമതലയേറ്റിട്ടില്ല.

കോഴിക്കോട് ജില്ലയിലെ രണ്ടാമത്തെ ആർടിഒ ഓഫീസായ വടകരയിലും സ്ഥിതി സമാനമാണ്. വടകര ആർടിഒയുടെ കസേരയും നിലവിൽ ഒഴിഞ്ഞു കിടക്കുകയാണ്. ഇതിന് പുറമെ വടക്കൻ കേരളത്തിലെ മറ്റ് പ്രധാന ജില്ലകളായ വയനാട്, കണ്ണൂർ, കാസർകോട് എന്നിവിടങ്ങളിലും ആർടിഒമാരില്ല. കാസർകോട് ആർടിഒയ്ക്ക് സ്ഥലംമാറ്റം ലഭിച്ചതിനെ തുടർന്നാണ് അവിടെ ഒഴിവ് വന്നത്.ഉയർന്ന ഉദ്യോഗസ്ഥരുടെ അഭാവം ജില്ലകളിലെ മോട്ടോർ വാഹന വകുപ്പിൻ്റെ ദൈനംദിന പ്രവർത്തനങ്ങളെ പാടെ താളം തെറ്റിച്ചിരിക്കുകയാണ്.

ആർടിഒ മാർക്ക് പുറമെ ജോയിന്റ് ആർടിഒ, സബ് ആർടിഒ തുടങ്ങിയ മറ്റ് സുപ്രധാന ഉദ്യോഗസ്ഥ തലങ്ങളിലും വലിയ തോതിൽ ഒഴിവുകളുണ്ട്. വകുപ്പിന്റെ പ്രവർത്തനങ്ങൾക്ക് നേതൃത്വം നൽകേണ്ട ഉദ്യോഗസ്ഥരില്ലാത്തത് ഏറ്റവും കൂടുതൽ ബാധിക്കുന്നത് സാധാരണക്കാരെയാണ്. പുതിയ വാഹനങ്ങളുടെ രജിസ്ട്രേഷൻ, വാഹനങ്ങളുടെ ഉടമസ്ഥാവകാശ കൈമാറ്റം, വാഹന പരിശോധനകൾ തുടങ്ങിയ പ്രധാനപ്പെട്ട സേവനങ്ങൾ പലതും ഇഴഞ്ഞു നീങ്ങുകയാണ്. കൂടാതെ പലയിടത്തും ഡ്രൈവിങ് ടെസ്റ്റ്, ലേണേഴ്‌സ് ടെസ്റ്റ് എന്നിവയുടെ നടത്തിപ്പിലും വലിയ ബുദ്ധിമുട്ടുകൾ നേരിടുന്നുണ്ട്.

വിരമിച്ചവർക്കും സ്ഥലം മാറിപ്പോയവർക്കും പകരം അടിയന്തരമായി പുതിയ ഉദ്യോഗസ്ഥരെ നിയമിക്കണമെന്ന ആവശ്യം ശക്തമാണ്. എന്നാൽ പുതിയ സർക്കാർ അധികാരത്തിൽ വന്നതിന് ശേഷമുള്ള പൊതു സ്ഥലംമാറ്റം ഉടൻ നടക്കാനിരിക്കുകയാണെന്നും, ആ പ്രക്രിയ പൂർത്തിയാകുന്നതോടെ നിലവിലെ പ്രതിസന്ധിക്ക് മാറ്റമുണ്ടാകുമെന്നുമാണ് ഗതാഗത വകുപ്പ് നൽകുന്ന ഔദ്യോഗിക വിശദീകരണം. എങ്കിലും ദൈനംദിന ആവശ്യങ്ങൾക്കായി ആർടിഒ ഓഫീസുകളെ ആശ്രയിക്കുന്ന പൊതുജനങ്ങൾക്ക് ഈ കാലതാമസം വലിയ ഇരുട്ടടിയായി മാറിയിരിക്കുകയാണ്.