ന്യൂഡല്ഹി: സമൂഹ മാധ്യമങ്ങള്ക്ക് കടിഞ്ഞാണിടാന് നീക്കവുമായി കേന്ദ്ര സര്ക്കാര്. സമൂഹ മാധ്യമങ്ങള്ക്കുള്ള നിയമപരമായ പരിരക്ഷ എടുത്തു കളയാനാണ് കേന്ദ്ര സര്ക്കാര് നീക്കം നടത്തുന്നത്. ഐടി ആക്ടിലെ 79-ാം വകുപ്പിലെ മാറ്റങ്ങളാണ് പരിഗണനയില് ഉള്ളത്. 79-ാം വകുപ്പ് പ്രകാരം ഉപയോക്താക്കള് പോസ്റ്റ് ചെയ്യുന്ന ഉള്ളടക്കങ്ങള്ക്ക് കമ്പനികള് നേരിട്ട് നിയമപരമായി ഉത്തരവാദികളാകില്ല. ഉള്ളടക്കങ്ങളുടെ പേരില് കമ്പനികള്ക്കെതിരെ നേരിട്ട് കേസെടുക്കാവുന്ന തരത്തിലാണ് മാറ്റങ്ങള് പരിഗണിക്കുന്നത്.ലോകത്തിലെ ഏറ്റവും വലിയ ഇന്റര്നെറ്റ് കമ്പനികളില് പലതിന്റെയും ബിസിനസ്സ് മാതൃകകളില് ഈ സംരക്ഷണം നിര്ണായക ഘടകമാണ്. വിവരങ്ങള് കൈമാറുകയോ എത്തിക്കുകയോ ചെയ്യുന്ന സേവനങ്ങള്ക്ക് (ഇന്റര്നെറ്റ് സേവന ദാതാക്കള് (ISPs), ടെലികോം സേവന ദാതാക്കള് (TSPs), പിയര്-ടു-പിയര് മെസേജിംഗ് പ്ലാറ്റ്ഫോമുകള്) മാത്രമായി ഈ സംരക്ഷണം പരിമിതപ്പെടുത്താമോ എന്നാണ് സര്ക്കാര് പരിശോധിച്ചുവരുന്നത്.സോഷ്യല് മീഡിയ പ്ലാറ്റ്ഫോമുകളെ വിവരങ്ങള് കൈമാറുന്ന കേവല മാധ്യമങ്ങളായി (passive carriers) ഇനി കണക്കാക്കാനാവില്ലെന്നാണ് സര്ക്കാര് നിലപാട്. ഉള്ളടക്കത്തെ ക്രമീകരിക്കാനും (rank), ശുപാര്ശ ചെയ്യാനും, പ്രചരിപ്പിക്കാനും സങ്കീര്ണ്ണമായ അല്ഗോരിതങ്ങള് ഇവ ഉപയോഗിക്കുന്നുണ്ട്. കൂടാതെ, ഇന്ത്യന് നിയമങ്ങളുമായി എല്ലായ്പ്പോഴും പൊരുത്തപ്പെടാത്ത സ്വന്തം ‘കമ്മ്യൂണിറ്റി മാര്ഗ്ഗനിര്ദ്ദേശങ്ങള്’ (community guidelines) അനുസരിച്ച് പോസ്റ്റുകളെ നിയന്ത്രിക്കാനും ഇവയ്ക്ക് കഴിവുണ്ട്. ഇത്തരം പ്രവര്ത്തനങ്ങള് ഉള്ളടക്കത്തിന്മേല് എഡിറ്റോറിയല് നിയന്ത്രണം ഏര്പ്പെടുത്തുന്നതിന് തുല്യമാണെന്നാണ് സര്ക്കാര് വിലയിരുത്തല്. അതിനാല് തന്നെ ഉള്ളടക്കങ്ങളില് കൃത്യമായ ഉത്തരവാദിത്തം പ്ലാറ്റഫോമുകള്ക്ക് ഉണ്ട് എന്നാണ് കേന്ദ്രം വ്യക്തമാക്കുന്നത്.എന്നാല് ഇത്തരത്തില് ഒരു നീക്കം കേന്ദ്രം നടത്തിയാല് സോഷ്യല് മീഡിയ കമ്പനികളില് നിന്നെന്നപോലെ സമൂഹത്തില് നിന്ന് വലിയ വിമര്ശനങ്ങള് ഉയരാനാണ് സാധ്യത. നിലവില് നിയമപരമായി ആവശ്യപ്പെട്ടാല് മെറ്റ അടക്കം സര്ക്കാര് നിലപാടിന് അനുസരിച്ച് ഉള്ളടക്കങ്ങള് നീക്കം ചെയ്യാറുണ്ട്. ഡല്ഹി സമരവുമായി ബന്ധപ്പെട്ട വീഡിയോകള് സമൂഹ മാധ്യമങ്ങളില് നിന്ന് വ്യപകമായി നീക്കം ചെയ്യപ്പെട്ടത് വലിയ വിമര്ശനങ്ങല്ക്ക് വഴിവെച്ചിരുന്നു. ഈ സാഹചര്യത്തില് സോഷ്യല് മീഡിയ പ്ലാറ്റ്ഫോമുകള്ക്ക് തന്നെ സ്വയം ഉള്ളടക്കങ്ങളില് ഉത്തരവാദിത്തം കൊണ്ടുവന്നാല് കമ്പനിയുടെ നിലനില്പ്പിനെ ബാധിക്കുന്ന ഉള്ളടക്കങ്ങള്ക്ക് അവര് അനുമതി നല്കാന് സാധ്യത ഇല്ലെന്നാണ് വിലയിരുത്തല്. സര്ക്കാരിനെതിരായ വിമര്ശനങ്ങളോ ക്യാമ്പയിനുകളോ സോഷ്യല് മീഡിയ കമ്പനികള് തന്നെ സ്വയം നിയന്ത്രിച്ചേക്കാം എന്ന സ്ഥിതി ഉണ്ടാകുമെന്നാണ് ഉയരുന്ന വിമര്ശനം.
കരിപ്പൂർ സ്വർണം പൊട്ടിക്കലിൽ വീണ്ടും ട്വിസ്റ്റ്: പ്രിയങ്ക ലക്ഷ്യമിട്ടത് ഭർത്താവിനെയും മക്കളെയും ഇരകളാക്കി സ്വർണ്ണക്കടത്ത്
മലപ്പുറം: കരിപ്പൂർ സ്വർണം പൊട്ടിക്കൽ കേസിൽ വീണ്ടും ട്വിസ്റ്റ്. കടത്തുസ്വർണം കൈവശപ്പെടുത്താൻ അറസ്റ്റിലായ തലശ്ശേരി സ്വദേശിനി പ്രിയങ്ക (34) നടത്തിയത് വൻ ഗൂഢാലോചനയെന്ന് പൊലീസ്. സ്വർണം പൊട്ടിക്കലടക്കം ആസൂത്രണം ചെയ്തത് പ്രിയങ്കതന്നെയെന്ന് പൊലീസ് വ്യക്തമാക്കി. കുടുംബത്തെ മറയാക്കി അറസ്റ്റിലായ പ്രതികൾക്ക് ഒപ്പം സ്വർണം കവർച്ച നടത്താനായിരുന്നു ലക്ഷ്യം.ദുബൈയിൽ നിന്ന് സ്വർണം കടത്തിയ പ്രിയങ്കയുടെ നീക്കം ഭർത്താവിനെയും മക്കളേയും മറയാക്കിയെന്നും അന്വേഷണത്തിൽ കണ്ടെത്തി. അതേസമയം വിമാനത്താവളം വഴിയുള്ള സ്വർണക്കടത്തിൽ കസ്റ്റംസ് കണ്ണടയ്ക്കുന്നെന്ന ആക്ഷേപം ശക്തമാണ്. യുവതിയുടെ ഭർത്താവ് നിരപരാധിയെന്ന് പൊലീസ് അറിയിച്ചു. ദുബായിൽ വെച്ചായിരുന്നു കവർച്ചയുടെ ഗൂഢാലോചന നടന്നത്. ദുബായയിൽ വെച്ച് സ്വഫ്വാൻ എന്നായാളാണ് സ്വർണം നൽകിയതന്നാണ് യുവതിയുടെ മൊഴി. അറസ്റ്റിലായ കണ്ണൂർ സ്വദേശികളായ ശ്രീലാൽ, പ്രിൻസ്, സുബിത്ത് എന്നിവർ നിരവധി കേസുകളിൽ പ്രതികളാണ്. ശ്രീലാലിന് എതിരെ നെടുമ്പാശ്ശേരിയിലും കവർച്ചാ കേസുണ്ടെന്ന് കണ്ടെത്തി. ശ്രീലാൽ പൊട്ടിക്കൽ സംഘത്തിലെ സജീവ ആംഗമെന്ന് വിലയിരുത്തൽ.ഇന്നലെ രാവിലെ 11.30ഓടെയാണ് ദുബായിൽ നിന്ന് സ്വർണവുമായി തലശ്ശേരി സ്വദേശിനി പ്രിയങ്ക കരിപ്പൂർ വിമാനത്താവളത്തിലെത്തിയത്. പ്രിയങ്ക സ്വർണ്ണം കൈമാറേണ്ടത് മട്ടന്നൂർ ശിവപുരം സ്വദേശി ജാബിറിന്. ജാബിർ കാത്തുനിൽക്കുന്നു എന്നറിഞ്ഞ പ്രിയങ്ക സുഹൃത്തുക്കൾക്കൊപ്പം മറ്റൊരു കാറിൽ കടന്നു കളയുകയായിരുന്നു. ജാബിർ അറിയിച്ചതിനെ തുടർന്നാണ് പോലീസ് ഇവരെ പിന്തുടർന്നത്. 12 കിലോമീറ്ററുകളോളം പിന്തുടർന്ന് പുളിക്കലിൽ വച്ച് നാട്ടുകാരുടെ സഹായത്തോടെ പോലീസ് ഇവരെ പിടികൂടുകയായിരുന്നു
മദ്യപിച്ച് വാഹനം ഓടിച്ച് അപകടം ഉണ്ടാക്കിയാല് ലൈസന്സ് റദ്ദാക്കണം; ക്രിമിനൽ വിചാരണ കാത്തിരിക്കേണ്ടെന്ന് ഹൈക്കോടതി.
കൊച്ചി: മദ്യപിച്ച് വാഹനം ഓടിച്ച് അപകടമുണ്ടാക്കുന്നവരുടെ ഡ്രൈവിംഗ് ലൈസന്സ് അടിയന്തരമായി റദ്ദാക്കണമെന്ന് കേരള ഹൈക്കോടതി ഉത്തരവിട്ടു ക്രിമിനല് വിചാരണ പൂര്ത്തിയാകാന് അധികൃതർ കാത്തുനില്ക്കേണ്ടതില്ലെന്നും കോടതി വ്യക്തമാക്കുകയും മോട്ടോർ വാഹന വകുപ്പിന്റെ നിഷ്ക്രിയത്വത്തെ വിമർശിക്കുകയും ചെയ്തു. കുന്നംകുളത്ത് മദ്യപിച്ച് വാഹനം ഓടിച്ച് ബൈക്ക് യാത്രക്കാരന് മരണപ്പെട്ട സംഭവത്തിൽ പ്രതിയുടെ ജാമ്യാപേക്ഷ പരിഗണിക്കുമ്പോഴായിരുന്നു ജസ്റ്റിസ് കൗസർ എടപ്പഗത്തിന്റെ സുപ്രധാന നിരീക്ഷണം. ലൈസന്സ് റദ്ദാക്കാനുള്ള നിയമപരമായ അധികാരം മോട്ടോർ വാഹന വകുപ്പ് അധികൃതർ അപൂര്വമായി മാത്രമാണ് വിനിയോഗിക്കുന്നതെന്ന് കോടതി നിരീക്ഷിച്ചു. റോഡ് സുരക്ഷ പൗരന്റെ ജീവിക്കാനുള്ള മൗലികാവകാശത്തിന്റെ ഭാഗമാണെന്നും കോടതി ഓർമ്മിപ്പിച്ചു. പ്രതിക്ക് ജാമ്യം അനുവദിച്ചെങ്കിലും, പ്രതിയുടെ ലൈസന്സും മറ്റ് അനുബന്ധ രേഖകളും ഉടന് തന്നെ ലൈസന്സിങ് അതോറിറ്റിക്ക് കൈമാറാൻ അന്വേഷണ ഉദ്യോഗസ്ഥര്ക്ക് കോടതി നിര്ദേശം നല്കിയിട്ടുണ്ട്. മദ്യപിച്ച് വാഹനം ഓടിക്കുന്നത് മൂലമുണ്ടാകുന്ന അപകടങ്ങൾ വിലപ്പെട്ട ജീവനുകൾ അപഹരിക്കുകയും കുടുംബങ്ങളെ തകർക്കുകയും ചെയ്യുന്ന സാഹചര്യത്തിൽ, മോട്ടോർ വാഹന നിയമം നൽകുന്ന അധികാരങ്ങൾ അതീവ ഗൗരവത്തോടെ പ്രയോഗിക്കാൻ അധികൃതർ തയ്യാറാകണമെന്ന് ട്രാൻസ്പോർട്ട് കമ്മീഷണർക്കും കോടതി നിർദ്ദേശം നൽകിയിട്ടുണ്ട്.Ai poster മദ്യപിച്ച് വാഹനം ഓടിച്ച് അപകടം ഉണ്ടാക്കിയാല് ലൈസന്സ് റദ്ദാക്കണം; ക്രിമിനൽ വിചാരണ കാത്തിരിക്കേണ്ടെന്ന് ഹൈക്കോടതികൊച്ചി: മദ്യപിച്ച് വാഹനം ഓടിച്ച് അപകടമുണ്ടാക്കുന്നവരുടെ ഡ്രൈവിംഗ് ലൈസന്സ് അടിയന്തരമായി റദ്ദാക്കണമെന്ന് കേരള ഹൈക്കോടതി ഉത്തരവിട്ടു ക്രിമിനല് വിചാരണ പൂര്ത്തിയാകാന് അധികൃതർ കാത്തുനില്ക്കേണ്ടതില്ലെന്നും കോടതി വ്യക്തമാക്കുകയും മോട്ടോർ വാഹന വകുപ്പിന്റെ നിഷ്ക്രിയത്വത്തെ വിമർശിക്കുകയും ചെയ്തു. കുന്നംകുളത്ത് മദ്യപിച്ച് വാഹനം ഓടിച്ച് ബൈക്ക് യാത്രക്കാരന് മരണപ്പെട്ട സംഭവത്തിൽ പ്രതിയുടെ ജാമ്യാപേക്ഷ പരിഗണിക്കുമ്പോഴായിരുന്നു ജസ്റ്റിസ് കൗസർ എടപ്പഗത്തിന്റെ സുപ്രധാന നിരീക്ഷണം. ലൈസന്സ് റദ്ദാക്കാനുള്ള നിയമപരമായ അധികാരം മോട്ടോർ വാഹന വകുപ്പ് അധികൃതർ അപൂര്വമായി മാത്രമാണ് വിനിയോഗിക്കുന്നതെന്ന് കോടതി നിരീക്ഷിച്ചു. റോഡ് സുരക്ഷ പൗരന്റെ ജീവിക്കാനുള്ള മൗലികാവകാശത്തിന്റെ ഭാഗമാണെന്നും കോടതി ഓർമ്മിപ്പിച്ചു. പ്രതിക്ക് ജാമ്യം അനുവദിച്ചെങ്കിലും, പ്രതിയുടെ ലൈസന്സും മറ്റ് അനുബന്ധ രേഖകളും ഉടന് തന്നെ ലൈസന്സിങ് അതോറിറ്റിക്ക് കൈമാറാൻ അന്വേഷണ ഉദ്യോഗസ്ഥര്ക്ക് കോടതി നിര്ദേശം നല്കിയിട്ടുണ്ട്. മദ്യപിച്ച് വാഹനം ഓടിക്കുന്നത് മൂലമുണ്ടാകുന്ന അപകടങ്ങൾ വിലപ്പെട്ട ജീവനുകൾ അപഹരിക്കുകയും കുടുംബങ്ങളെ തകർക്കുകയും ചെയ്യുന്ന സാഹചര്യത്തിൽ, മോട്ടോർ വാഹന നിയമം നൽകുന്ന അധികാരങ്ങൾ അതീവ ഗൗരവത്തോടെ പ്രയോഗിക്കാൻ അധികൃതർ തയ്യാറാകണമെന്ന് ട്രാൻസ്പോർട്ട് കമ്മീഷണർക്കും കോടതി നിർദ്ദേശം നൽകിയിട്ടുണ്ട്.
ശസ്ത്രക്രിയക്ക് പിന്നാലെ വീട്ടമ്മയുടെ മരണം; അണുബാധ കാരണമെന്ന് പോസ്റ്റ്മോർട്ടം റിപ്പോർട്ട്
കോഴിക്കോട്: ഗവ. മെഡി. കോളജ് മാതൃശിശു സംരക്ഷണ കേന്ദ്രത്തിൽ ഗർഭാശയം നീക്കൽ ശസ്ത്രക്രിയക്ക് പിന്നാലെ വീട്ടമ്മ മരിച്ചത് അണുബാധയെ തുടർന്നാണെന്ന് പോസ്റ്റ്മോർട്ടം റിപ്പോർട്ട്. ശസ്ത്രക്രിയാമുറിവിൽ നിന്നുണ്ടായ അണുബാധ മറ്റ് അവയവങ്ങളിലേക്ക് വ്യാപിച്ച് പ്രവർത്തനം തകരാറിലായതാണ് മരണത്തിലേക്ക് നയിച്ചതെന്നാണ് പോസ്റ്റ്മോർട്ടം റിപ്പോർട്ടിലുള്ളതെന്ന് പൊലീസ് അറിയിച്ചു. അസ്വാഭാവിക മരണവുമായി ബന്ധപ്പെട്ട് കേസന്വേഷിക്കുന്ന മെഡി.കോളജ് അസി. കമീഷണർ പി. പ്രമോദ് പ്രാഥമിക റിപ്പോർട്ട് മെഡിക്കൽ ബോർഡിന് സമർപ്പിച്ചിരുന്നു. പോസ്റ്റ്മോർട്ടം റിപ്പോർട്ടും കേസ് ഷീറ്റുമുൾപ്പെടെ വിവരങ്ങൾ കൂടി ഉടൻ കൈമാറും. മെഡിക്കൽ ബോർഡ് യോഗം ചേർന്ന് റിപ്പോർട്ടുകൾ പരിശോധിച്ചശേഷമായിരിക്കും നടപടികൾ. കഴിഞ്ഞ മാസം 12നാണ് മണിയൂർ കുറുന്തോടി പറമ്പത്ത് തങ്കമണി മരിച്ചത്. ചികിത്സാ വീഴ്ച കാരണമാണ് മരണമെന്ന ബന്ധുക്കളുടെ പരാതിയിൽ മെഡി.കോളജ് പൊലീസ് കേസെടുത്തിരുന്നു. തങ്കമണിയുടെ വീട്ടിലെത്തി ബന്ധുക്കളിൽനിന്ന് പൊലീസ് മൊഴിയെടുക്കുകയും ചെയ്തു.ആരോഗ്യവകുപ്പ് നിയോഗിച്ച മൂന്നംഗ മെഡിക്കൽ സംഘവും ബന്ധുക്കളിൽ നിന്ന് മൊഴി രേഖപ്പെടുത്തിയിരുന്നു. കഴിഞ്ഞമാസം അഞ്ചിനാണ് തങ്കമണിയെ കോഴിക്കോട് മെഡി. കോളജ് മാതൃശിശു സംരക്ഷണ കേന്ദ്രത്തിൽ പ്രവേശിപ്പിച്ചത്. എട്ടിന് ഗർഭാശയം നീക്കൽ ശസ്ത്രക്രിയ നടത്തി. ഒമ്പതിന് വാർഡിലേക്ക് മാറ്റിയതിന് പിന്നാലെ ഛർദ്ദിയും പനിയുമുണ്ടായി. 11ാംതിയതി വീണ്ടും അഞ്ചുമണിക്കൂറോളം നീണ്ട ശസ്ത്രക്രിയ നടത്തി. തുടർന്ന് വെന്റിലേറ്ററിലേക്ക് മാറ്റിയ രോഗി 12ന് വൈകിട്ട് ആറ് മണിയോടെയാണ് മരിച്ചത്.
ഭക്ഷ്യ വിഷബാധയെന്ന് സംശയം: വടകര ജില്ല ഗവ. ആശുപത്രിയിൽ പ്രവേശിപ്പിച്ച വിദ്യാർഥിക്ക് ഷിഗല്ലെ
വടകര: ഭക്ഷ്യ വിഷബാധയെന്ന് സംശയത്തെ തുടർന്ന് വടകര ഗവ. ജില്ല ആശുപത്രിയിൽ പ്രവേശിപ്പിച്ച വിദ്യാർഥിക്ക് ഷിഗല്ലെ. മേപ്പയിൽ എസ്.ബി സ്കൂളിൽ വെള്ളിയാഴ്ച ഉച്ചക്ക് ഭക്ഷണം കഴിച്ച 30 ഓളം വിദ്യാർഥികൾ കഠിനമായ പനിയും ഛർദ്ദിയും ഉണ്ടായതോടെ കഴിഞ്ഞ ദിവസം വടകര ഗവ. ജില്ല ആശുപത്രിയിൽ ചികിത്സ തേടിയിരുന്നു. ഇതിൽ രണ്ട് വിദ്യാർഥികളെ ആശുപത്രിയിൽ അഡ്മിറ്റ് ചെയ്യുകയും മറ്റുള്ളവർ വീട്ടിലേക്ക് പോകുകയുമുണ്ടായിരുന്നു.ആശുപത്രിയിൽ ചികിത്സയിലുള്ള രണ്ടുപേരിൽ ഒരാൾക്കാണ് ഷിഗെല്ലെ സ്ഥിരീകരിച്ചത്. വിദ്യാർഥികളിൽ നിന്നും ആരോഗ്യ വകുപ്പ് സാമ്പിളുകൾ എടുത്ത് പരിശോധനക്ക് അയച്ചിരുന്നു. പരിശോധന റിപ്പോർട്ട് പുറത്ത് വന്നതോടെയാണ് ഷിഗല്ലെ സ്ഥിരീകരിച്ചത്. വിദ്യാർഥികളെ ആശുപത്രിയിൽ പ്രവേശിപ്പിച്ചതിന് പിന്നാലെ വടകര നഗരസഭ ആരോഗ്യ വിഭാഗം സ്കൂളിൽ പരിശോധന നടത്തുകയും കുടിവെള്ളം പരിശോധനക്ക് അയക്കുകയും ചെയ്തിരുന്നു.ഇതിന്റെ പരിശോധന ഫലം ഇതുവരെ ലഭിച്ചിട്ടില്ല. രോഗത്തിന്റെ ഉറവിടം എവിടെ നിന്നാണെന്ന് സ്ഥിരീകരിക്കാനുള്ള ശ്രമത്തിലാണ് ആരോഗ്യ വകുപ്പ്. വെള്ളിയാഴ്ച ഉച്ചക്ക് ചോറിനൊപ്പം മുട്ട കറിയും തൈരുമാണ് വിദ്യാർഥികൾക്ക് നൽകിയത്. ഇതിൽ എന്തെങ്കിലുമാവാം ഭക്ഷ്യ വിഷ ബാധയുണ്ടാക്കിയതെന്നായിരുന്നു ആരോഗ്യ വകുപ്പിന്റെ പ്രാഥമീക നിഗമനം. ഇതിനിടെയാണ് ഷിഗല്ലെ റിപ്പോർട്ട് ചെയ്തത് ആശങ്കക്കിടയാക്കിയിട്ടുണ്ട്.
സംസ്ഥാനത്തെ ഓട്ടോ-ടാക്സി തൊഴിലാളികൾ നവംബർ 12 ന് പണിമുടക്കുന്നു.
കോഴിക്കോട്:ഓട്ടോ-ടാക്സി നിരക്ക് പുതുക്കി നിശ്ചയിക്കണമെന്ന് ആവശ്യപ്പെട്ടുകൊണ്ട് വിവിധ ട്രേഡ് യൂണിയനുകൾ സംസ്ഥാന സർക്കാരിന് നിവേദനം നൽകിയിട്ടും ചർച്ചയ്ക്ക് തയ്യാറാകാത്തതിൽ പ്രതിഷേധിച്ച് സംസ്ഥാനത്ത് ഓട്ടോ ടാക്സി തൊഴിലാളികൾ ഒരു ദിവസം പണിമുടക്ക് നടത്തുകയാണ്. ട്രാൻസ്പോർട്ട് കമ്മീഷണർ മറ്റു വിഷയങ്ങൾ ചർച്ച ചെയ്യുന്നതിന് വേണ്ടി ചേർന്ന യോഗത്തിൽ പങ്കെടുത്ത എല്ലാ യൂണിയനുകളും ഓട്ടോ-ടാക്സി നിരക്ക് അടിയന്തിരമായി പുതുക്കി നിശ്ചയിക്കണമെന്ന് ആവശ്യം മുന്നോട്ടു വെയ്ക്കുകയും അതുമായി ബന്ധപ്പെട്ട ട്രാൻസ്പോർട്ട് കമ്മീഷണർക്ക് ട്രേഡ് യൂണിയനുകളുടെ നിർദ്ദേശങ്ങൾ രേഖമൂലം നൽകിയിരുന്നു. ഇതുമായി ബന്ധപ്പെട്ട് തീരുമാനം എടുക്കാത്തതിൽ പ്രതിഷേധിച്ച് സംയുക്ത ട്രേഡ് യൂണിയൻ സംയുക്ത സമരസമിതിയുടെ നേതൃത്വത്തിൽ പണിമുടക്കിലേക്ക് പോവുകയാണ്. 3-11-2026-ന് വൈകുന്നേരം 2 മണിക്ക് തിരുവനന്തപുരത്ത് വെച്ച് സംസ്ഥാന സംയുക്ത സമരപ്രഖ്യാപന കൺവെൻഷനും നടന്നു.ബി എം എസ് സംസ്ഥാന പ്രസിഡൻ്റ് ആർ. അജയകുമാർ അധ്യക്ഷത വഹിച്ചു . യോഗം സിഐടിയു സംസ്ഥാന സെക്രട്ടറി കെ എസ് സുനിൽകുമാർ ഉദ്ഘാടനം ചെയ്തു . എഐടിയുസി സംസ്ഥാന സെക്രട്ടറി കെ സി ജയപാൽ സ്വാഗതം പറഞ്ഞു. നിസാർ സലിം (എസ്ടിയു ) വിഴിഞ്ഞം ജയകുമാർ (എച്ച് എം എസ് )കെ എൻ മോഹനൻ, കെ ജയകുമാർ താന്നിവിള സതി (ബി എം എസ് ) ,കെ ജയമോഹൻ, നാലാഞ്ചിറ, ഹരി പി രാജേന്ദ്രകുമാർ ( സി ഐ ടി യു ) സുലൈമാൻ (എസ് ഡി ടി യു ), എം എസ് രാജു മൈക്കിൾ ബാസ്റ്റ്യാൻ (എഐടിയുസി).എന്നിവർ വിവിധയൂണിയനുകളെപ്രതിനിധികരിച്ചുസംസാരിച്ചു 11-11-2026 രാത്രി 12 മുതൽ മുതൽ 12-11-2026 രാത്രി 12 മണിവരെ – 24 മണിക്കൂർ സംസ്ഥാനത്തെ ഓട്ടോ-ടാക്സി തൊഴിലാളികൾ പണിമുടക്കുകയാണ്. ഇതിന് പരിഹാരമായില്ലെങ്കിൽ അനശ്ചിതകാല പണിമുടക്കിലേക്ക് പോകുമെന്ന് സംയുക്ത സമിതി നേതാക്കൾ പറഞ്ഞു.കെ മോഹനൻ (ബിഎംഎസ്) ചെയർമാനായും കെഎസ് സുനിൽകുമാർ (സിഐടിയു) കൺവീനറായും കെ സി ജയപാൽ ട്രഷററായും പി രാജേന്ദ്രകുമാർ(സി ഐ ടി യു ) ആർ അജയകുമാർ (BMS) പി കെ നാസർ (AITUC )നിസാർ സലിം (SDTU) എന്നിവർ വൈസ് ചെയർമാൻമാരായുംകെ ജെ മോഹനൻ നാലാഞ്ചിറ ഹരി ( സിഐടിയു)സുനിൽ മതിലകം എഐടിയുസി , താന്നിവിള സതി ബി എം എസ് , വിഴിഞ്ഞം ജയകുമാർ എച്ച്എംഎസ്എന്നിവർ ജോയിൻ്റെ കൺവീനറുമായിട്ടുള്ള സംയുക്ത സമരസമിതി പണിമുടക്കിന്റെ വിജയത്തിനായി രൂപീകരിച്ചു .
കളിചിരിയില് കാര്യം നിറച്ച് ‘കുട്ട്യോളും കളക്ടറും’; ജില്ലാ കളക്ടറുമായി സംവദിച്ച് പയിമ്പ്ര സ്കൂള് വിദ്യാര്ത്ഥികള്.
കോഴിക്കോട്: ഔദ്യോഗിക ഗൗരവങ്ങള് മാറ്റിവെച്ച് കുട്ടികളോടൊപ്പം സംവാദവും കളിചിരികളുമായി വേറിട്ട അനുഭവമൊരുക്കി കോഴിക്കോട് ജില്ലാ ഭരണകൂടത്തിന്റെ ‘കുട്ട്യോളും കളക്ടറും’ പ്രതിവാര സംവാദ പരിപാടി. ജി.എച്ച്.എസ്.എസ്. പയിമ്പ്ര സ്കൂളില് നിന്നുള്ള 30 ഹൈസ്കൂള് വിദ്യാര്ത്ഥികളും നാല് അധ്യാപകരുമാണ് പരിപാടിയുടെ ആറാം പതിപ്പില് ജില്ലാ കളക്ടര് എം.എസ്. മാധവികുട്ടിയുമായി സംവദിക്കാന് എത്തിയത്.’സ്ത്രീകള്ക്ക് സ്വന്തം വീട്ടില് രാത്രികളില് പേടിയില്ലാതെ വാതില് തുറന്നിട്ടു കിടക്കാന് എന്നാണ് സാധിക്കുക?’, ‘നിയമവും മനുഷ്യത്വവും രണ്ടു തട്ടിലാകുമ്പോള് ഒരു ഭരണാധികാരി ഏതു വഴിയേ പോകും?’ തുടങ്ങി കൗമാര മനസ്സുകളില് നിന്നും നിഷ്കളങ്കമായി ഉയര്ന്നുവന്ന കനപ്പെട്ട ചോദ്യങ്ങള്ക്ക് മുന്നില് ജില്ലാ കളക്ടറുടെ ചേമ്പര് ഒരു നിമിഷം നിശ്ശബ്ദമായി. എന്നാല്, തികച്ചും സൗഹാര്ദ്ദപരവും ലളിതവുമായ ഭാഷയില് കളക്ടര് മറുപടി നല്കിയപ്പോള് കുട്ടികളുടെ സംശയങ്ങള് വലിയൊരു ആത്മവിശ്വാസമായി മാറി.’വിസ്പര് റിലേ’ എന്ന രസകരമായ ഐസ് ബ്രേക്കിംഗ് സെഷനോടെയായിരുന്നു പരിപാടിക്ക് തുടക്കക്കമിട്ടത്. കളക്ടറും കുട്ടികളും ഒരുപോലെ ആവേശത്തോടെ പങ്കെടുത്ത വിവിധ സെഷനുകളെ തുടര്ന്ന് നടന്ന ആശയവിനിമയത്തിലാണ് വിദ്യാര്ത്ഥികള് തങ്ങളുടെ മനസ്സിനെ അലട്ടുന്ന ഗൗരവമേറിയ വിഷയങ്ങള് കളക്ടര്ക്ക് മുന്നില് വെച്ചത്. കുഴപ്പിക്കുന്ന ചോദ്യങ്ങളെപ്പോലെ കുട്ടികളുടെ ആശങ്കകളെയും തികഞ്ഞ ക്ഷമയോടെ കേട്ട കളക്ടര്, ജീവിതത്തില് ഒന്നാമതായി നല്ലൊരു മനുഷ്യനായി വളരാനാണ് കുട്ടികളെ ഉപദേശിച്ചത്.കുട്ടികളിലെ ആത്മവിശ്വാസം ഉയര്ത്തുക, ലഹരിവിരുദ്ധ ബോധവല്ക്കരണം നല്കുക, ഭരണസംവിധാനത്തെ അടുത്തറിയാന് അവസരമൊരുക്കുക തുടങ്ങിയ ലക്ഷ്യങ്ങളോടെയാണ് ജില്ലാ ഭരണകൂടം ഈ പരിപാടി സംഘടിപ്പിച്ചു വരുന്നത്. സ്കൂള് അധ്യാപികമാരായ കെ.കെ. രേഖ, ടി.പി. ബീന പ്രഭ, കെ.ജെ. അഖില, ബി. കാവ്യ എന്നിവരും സംവാദത്തിന്റെ ഭാഗമായി ഒപ്പമുണ്ടായിരുന്നു.
മലയോര ഹൈവേ: 27–ാം മൈലിൽ സംരക്ഷണഭിത്തി നിർമാണ പ്രവൃത്തി അശാസ്ത്രീയമെന്ന് പരാതി.
കൂരാച്ചുണ്ട് : മലയോര ഹൈവേയുടെ ഭാഗമായ തലയാട് – 28–ാം മൈൽ റോഡിൽ 27–ാം മൈലിൽ കഴിഞ്ഞ ഓഗസ്റ്റ് മാസത്തിൽ പാതയുടെ സംരക്ഷണഭിത്തി തകർന്ന മേഖലയിൽ പ്രവൃത്തി അശാസ്ത്രീയമാണെന്നു പരാതി ഉയർന്നു. കെആർഎഫ്ബി അഡിഷനൽ ഫണ്ട് അനുവദിച്ചാണ് ഇപ്പോൾ പ്രവൃത്തി നടത്തുന്നത്. ഫണ്ടിന്റെ അപര്യാപ്തത മൂലം പ്രവൃത്തി പാതിവഴിയിൽ അവസാനിപ്പിക്കാനാണ് നീക്കമെന്നാണ് സൂചന. റോഡരിക് ഇടിഞ്ഞ് കല്ലാനോട് ബൈപാസ് റോഡിലേക്കു വീണ മേഖലയിൽ 6 മീറ്റർകൂടി നീളത്തിൽ കരിങ്കല്ല് കെട്ടി സംരക്ഷിച്ചാൽ മാത്രമേ സുരക്ഷ ഉറപ്പാക്കാൻ സാധിക്കൂ.കൂടാതെ റോഡിന്റെ ഉയരത്തിൽ നിന്നു 3 മീറ്ററോളം താഴ്ഭാഗത്താണു ഇപ്പോൾ സംരക്ഷണഭിത്തി നിർമിച്ച് അവസാനിപ്പിച്ചത്. ഈ ഭാഗം മണ്ണിട്ട് ഉറപ്പിക്കാൻ വേണ്ടി ലോഡ് കണക്കിനു മണ്ണ് അടിച്ചിരുന്നു. ഈ മണ്ണും മഴയത്ത് ഒലിച്ചു പോകുന്നുണ്ട്. പ്രധാന റോഡിന്റെ ഉയരത്തിൽ ഭിത്തി നിർമിച്ചാൽ മാത്രമേ പ്രവൃത്തി സുരക്ഷിതമാകൂ. കഴിഞ്ഞദിവസം മഴയത്ത് പാതയോരമിടിഞ്ഞ് ബൈപാസ് റോഡിലേക്ക് മണ്ണും കല്ലും വീണിരുന്നു. മഴ ശക്തമായാൽ ഇപ്പോഴത്തെ സുരക്ഷയില്ലാത്ത കരിങ്കല്ലുകെട്ട് ഇടിഞ്ഞ് ബൈപാസ് റോഡിലേക്ക് വീഴുമെന്നാണ് ജനങ്ങളുടെ ആശങ്ക.റോഡിൽ വളവുള്ള മേഖല ആയതിനാൽ സംരക്ഷണഭിത്തി നിർമിക്കണമെന്ന് ആവശ്യം ഉയരുന്നുണ്ട്. ഇപ്പോൾ പേരിനുമാത്രം ക്രാഷ് ബാരിയർ ആണുള്ളത്. ടാറിങ് പാതയിൽ മാസങ്ങൾക്ക് മുൻപ് രൂപപ്പെട്ട വിള്ളലും പ്രശ്നമാകുന്നുണ്ട്. വിള്ളൽ അടച്ചില്ലെങ്കിൽ മഴയത്ത് വെള്ളമിറങ്ങി സംരക്ഷണ ഭിത്തിയെ പ്രതികൂലമായി ബാധിക്കാനും സാധ്യതയുണ്ട്. റോഡിലെ വിള്ളൽ പരിഹരിക്കുമെന്ന് പറയുന്നുണ്ടെങ്കിലും നടപടിയെടുത്തിട്ടില്ല. ലക്ഷക്കണക്കിനു രൂപ ഫണ്ട് അനുവദിച്ചു തുടങ്ങിയ പണി ഇപ്പോൾ പാതിവഴിയിൽ നിലച്ചിരിക്കുകയാണ്. ഫണ്ടിന്റെ ലഭ്യതക്കുറവാണ് പ്രശ്നമെന്ന് അറിയുന്നു. പ്രവൃത്തി പൂർത്തിയാക്കാൻ അധിക ഫണ്ട് അനുവദിക്കാൻ എംഎൽഎ ഉൾപ്പെടെ ജനപ്രതിനിധികൾ അടിയന്തരമായി ഇടപെടണമെന്നാണ് നാട്ടുകാർ ആവശ്യപ്പെടുന്നത്.
34–ാമത് സ്ഥാപന ദിനാഘോഷത്തിന്റെ ഭാഗമായി മെഗാ ശുചീകരണവുമായി മലബാർ ഗ്രൂപ്പ്.
കോഴിക്കോട് : മലബാർ ഗ്രൂപ്പിന്റെ 34–ാമത് സ്ഥാപന ദിനാഘോഷത്തിന്റെ ഭാഗമായി പരിസ്ഥിതി സംരക്ഷണം, സാമൂഹിക ഉത്തരവാദിത്തം, സുസ്ഥിര വികസനം എന്നിവയ്ക്ക് പ്രാധാന്യം നൽകി രാജ്യവ്യാപക മെഗാ ക്ലീനിങ് ഡ്രൈവ് സംഘടിപ്പിച്ചു. മലബാർ ഗ്രൂപ്പിന്റെ ഒൻപതിനായിരത്തോളം ജീവനക്കാരും പൊതുജനങ്ങളും ശുചീകരണത്തിൽ പങ്കാളികളായി.മലബാർ ഗ്രൂപ്പ് ചെയർമാൻ എം.പി.അഹമ്മദിന്റെ 69-ാം ജന്മദിനം പ്രമാണിച്ച് കുന്നമംഗലം പഞ്ചായത്ത് പരിധിയിലുള്ള കൃഷിയിടത്തിൽ 69 ഫലവൃക്ഷങ്ങൾ നട്ടു പിടിപ്പിച്ചാണ് മലബാർ ഗ്രൂപ്പ് ആസ്ഥാനത്തെ ആഘോഷപരിപാടികൾക്ക് തുടക്കമിട്ടത്.വനം വകുപ്പിന്റെ സഹകരണത്തോടെ സംഘടിപ്പിച്ച പരിപാടിയിൽ കുന്നമംഗലം പഞ്ചായത്ത് പ്രസിഡന്റ് സി.വി.സംജിത്, സ്ഥിരസമിതി അധ്യക്ഷൻ ബാബു മോൻ, വാർഡ് മെംബർ ടി.കെ.ഹിതേഷ് കുമാർ, സ്ഥിരസമിതി അധ്യക്ഷ ശ്രീബ പുൽക്കുന്നുമ്മൽ, മാനേജിങ് ഡയറക്ടർ-ഇന്ത്യ ഓപ്പറേഷൻസ് ഒ.അഷർ, എക്സിക്യൂട്ടീവ് ഡയറക്ടർ എ.കെ.നിഷാദ്, സിഎസ്ആർ ഹെഡ് പി.കെ.ഷബീർ എന്നിവരും മലബാർ ഗ്രൂപ്പിലെ മാനേജ്മെന്റ് അംഗങ്ങളും ജീവനക്കാരും പങ്കെടുത്തു.കോഴിക്കോട് ബീച്ചിൽ നടത്തിയ മെ ഗാ ക്ലീനിങ് ഡ്രൈവിൽ മലബാർ ഗോൾഡ് ആൻഡ് ഡയമണ്ട്സിലെ ജീവനക്കാരും പൊതുജനങ്ങളും പങ്കെടുത്തു. ഇന്ത്യയിലുടനീളം ഒരു ലക്ഷത്തോളം മരങ്ങൾ നട്ടുപിടിപ്പിക്കുമെന്നു മലബാർ ഗ്രൂപ്പ് ചെയർമാൻ എം.പി.അഹമ്മദ് പറഞ്ഞു.
അമേരിക്കയിലെ ഇടക്കാല തിരഞ്ഞെടുപ്പ് സ്വർണവില, ഉച്ചയ്ക്ക് 2100 രൂപയുടെ മുന്നേറ്റം.
ആവേശത്തിൽ സ്വർണവിപണി, ഉച്ചയ്ക്കും വില കൂടി സംസ്ഥാനത്തെ സ്വർണവിലയിൽ വീണ്ടും കുതിപ്പ്. സ്വർണവില ഉച്ചയ്ക്ക് ഗ്രാമിന് 265 രൂപ വർധിച്ച് 13,090 രൂപയിലെത്തി. പവൻ വില 2120 രൂപ വർധിച്ച് 1,04,720 രൂപയിലെത്തി. പവൻ വില രാവിലെ 200 രൂപ വർധിച്ചിരുന്നു.ഇതോടെ ഇന്നു മാത്രം സ്വർണവിലയിലുണ്ടായത് 2320 രൂപയുടെ വർധന. ഒരു ലക്ഷം രൂപയുടെ താഴേക്ക് പോകുമെന്ന് തോന്നിച്ചിടത്തു നിന്നാണ് പുതിയ മുന്നേറ്റം.ഇടക്കാല തിരഞ്ഞെടുപ്പിനു പിന്നാലെ അമേരിക്കയിൽ രാഷ്ട്രീയ അസ്ഥിരത നിലനിൽക്കുന്നതിനാൽ ട്രഷറി ബോണ്ടുകളിൽ നിക്ഷേപിക്കാൻ വലിയ തിരക്കുണ്ട്. ഇതോടെ ബോണ്ടുകളിൽ നിന്ന് ലഭിക്കുന്ന യീൽഡ് കുറഞ്ഞു. അമേരിക്കൻ ഡോളറിന്റെ വിനിമയ നിരക്കും കുത്തനെ ഇടിഞ്ഞു. 6 പ്രധാന കറൻസികൾക്കെതിരെ ഡോളറിന്റെ വിനിമയ നിരക്ക് അളക്കുന്ന ഡോളർ സൂചിക 5 മാസത്തെ താഴ്ന്ന നിലയിലാണ്. ഇതോടെ മറ്റ് കറൻസികളിൽ സ്വർണം വാങ്ങുന്നതിനുള്ള ചെലവ് കുറഞ്ഞു. ഇതാണ് സ്വർണത്തിന്റെ വില കുതിക്കാൻ കാരണമെന്നാണ് വിദഗ്ധർ പറയുന്നത്.രാജ്യാന്തര വില ഔൺസിന് 4000 ഡോളർ പിന്നിട്ടതോടെ കേരളത്തിൽ ഇന്ന് വീണ്ടും വില മാറാൻ സാധ്യത. യുഎസ് ഇടക്കാല തിരഞ്ഞെടുപ്പിൽ ഡെമോക്രാറ്റിക് പാർട്ടിക്കുണ്ടായ മുന്നേറ്റത്തിൽ ഡോളറിന്റെ വിനിമയ നിരക്കും ട്രഷറി ബോണ്ടുകളുടെ യീൽഡും കുറഞ്ഞതോടെയാണ് സ്വർണമുന്നേറ്റം. രാവിലെ 3948 ഡോളർ നിലവാരത്തിലുണ്ടായിരുന്ന സ്വർണവില നിലവിൽ 2 ശതമാനത്തിലധികം കുതിച്ച് 4018 ഡോളറെന്ന നിലയിലാണ്.



