കോഴിക്കോട്: കഴിഞ്ഞ മൂന്ന് വർഷത്തിനിടെ കോഴിക്കോട് സിറ്റിയിൽ രജിസ്റ്റർ ചെയ്യപ്പെട്ട സൈബർ തട്ടിപ്പ് കേസുകളുടെ എണ്ണത്തിൽ വൻ വർധന. 2024ൽ സൈബർ തട്ടിപ്പുമായി ബന്ധപ്പെട്ട് 1799 പരാതികളാണ് പൊലീസിന് ലഭിച്ചത്. ഇതിൽ 128 കേസുകളിൽ എഫ്ഐആർ രജിസ്റ്റർ ചെയ്തു.2025ൽ 2142 പരാതികൾ ലഭിച്ചപ്പോൾ 60 എഫ്ഐആർ രജിസ്റ്റർ ചെയ്തു. 2026 ഒക്ടോബർ വരെ 2297 പരാതികളാണ് പൊലീസിന് ലഭിച്ചത്. ഇതിൽ 78 കേസുകളിൽ എഫ്ഐആർ രജിസ്റ്റർ ചെയ്തു. കോഴിക്കോട് സിറ്റിയിൽ ശരാശരി ഏഴിലധികം സൈബർ തട്ടിപ്പ് പരാതികളാണ് ഒരു ദിവസം രജിസ്റ്റർ ചെയ്യപ്പെടുന്നതെന്ന് സൈബർ പൊലീസ് ഉദ്യോഗസ്ഥർ പറയുന്നു.കോഴിക്കോട്ടെ വീട്ടമ്മയിൽ നിന്ന് സൈബർ തട്ടിപ്പുകാർ 1.35 കോടി രൂപ തട്ടിയെടുത്ത കേസിൽ കഴിഞ്ഞദിവസം കണ്ണൂർ സ്വദേശികളായ രണ്ടുപേരെ പൊലീസ് അറസ്റ്റു ചെയ്തിരുന്നു. ഓൺലൈൻ തട്ടിപ്പിൽ ഇരകളാകുന്ന സ്ത്രീകളുടെ എണ്ണത്തിലും ഓരോ വർഷവും വർധന രേഖപ്പെടുത്തുന്നുണ്ട്. സൈബർ സാമ്പത്തിക തട്ടിപ്പ് പരാതികളിൽ 60 മുതൽ 70 ശതമാനം വരെ ഇരകളാകുന്നത് സ്ത്രീകളാണ്.ഓൺലൈൻ വസ്ത്ര, ആഭരണ വിൽപ്പന, ഓൺലൈൻ മാർക്കറ്റിംഗ് തുടങ്ങിയവയുടെ മറവിലാണ് സ്ത്രീകളെ വഞ്ചിക്കുന്നത്.സൈബർ തട്ടിപ്പുമായി ബന്ധപ്പെട്ട് 2024ൽ 93 പേരെ അറസ്റ്റ് ചെയ്തിട്ടുണ്ട്. 2025ൽ 64 പേരെയും 2026 ഒക്ടോബർ വരെ 42 പേരെയും കോഴിക്കോട് സിറ്റി പരിധിയിൽ അറസ്റ്റ് ചെയ്തിട്ടുണ്ട്.തട്ടിപ്പുകൾ പലവിധംയുപിഐ പേയ്മെന്റ് തട്ടിപ്പ്, ഒടിപി തട്ടിപ്പ്, സ്വകാര്യ വിവരങ്ങൾ ചോർത്തിയ ശേഷമുള്ള ഭീഷണിപ്പെടുത്തിയുള്ള തട്ടിപ്പ്, ക്രെഡിറ്റ് കാർഡ് തട്ടിപ്പ്, ഇന്റർനെറ്റ് ബാങ്കിംഗ് തട്ടിപ്പ്, എടിഎം കാർഡ് തട്ടിപ്പ്, ക്യുആർ കോഡ് തട്ടിപ്പ്, ഡിജിറ്റൽ അറസ്റ്റ് സ്കാം, വ്യാജ നിക്ഷേപ സ്കീം തട്ടിപ്പ്, ഓൺലൈൻ ട്രേഡിംഗ് തട്ടിപ്പ്, വ്യാജ ലോൺ ആപ്പ് തട്ടിപ്പ് എന്നിവയാണ് പ്രധാനമായും റിപ്പോർട്ട് ചെയ്യപ്പെടുന്ന തട്ടിപ്പുകൾ.ഓരോ ദിവസവും പുതിയ തരത്തിലുള്ള തട്ടിപ്പുകളുമായാണ് തട്ടിപ്പുകാർ ഇറങ്ങുന്നതെന്ന് സൈബർ സെല്ലിലെ ഉദ്യോഗസ്ഥർ പറയുന്നു. പരാതികൾ ലഭിച്ചു കഴിയുമ്പോഴാണ് പൊലീസിന് അവയെക്കുറിച്ച് പഠിക്കാൻ കഴിയുന്നത്. ഇതിനു ശേഷമാണ് നടപടികൾ സ്വീകരിക്കുന്നതെന്നും പൊലീസ് പറയുന്നു.തുക നഷ്ടപ്പെട്ടുവെന്ന് മനസ്സിലായാൽ ഉടൻതന്നെ പൊലീസിൽ പരാതി നൽകിയാൽ തുക തിരികെ ലഭിക്കാൻ സാധ്യത ഏറെയാണ്.എംആർഎം (മണി റെസ്റ്റൊറേഷൻ മൊഡ്യൂൾ), സിആർഎഫ്എം (സൈബർ ഫ്രോഡ് ഗ്രീവൻസ് റിഡ്രസ്സൽ മൊഡ്യൂൾ) തുടങ്ങിയ സംവിധാനങ്ങൾ നിലവിലുണ്ട്. പണം വീണ്ടെടുക്കാൻ ബാങ്ക് വഴി പരാതി സമർപ്പിച്ച് തുക തിരിച്ചുപിടിക്കുന്ന സംവിധാനമാണിത്. അക്കൗണ്ട് താൽക്കാലികമായി മരവിപ്പിച്ചിട്ടുണ്ടെങ്കിൽ മൂന്ന് മുതൽ നാല് ദിവസത്തിനുള്ളിൽ തുക തിരിച്ചു ലഭിക്കും.സൈബർ തട്ടിപ്പിന് ഇരയായിട്ടുണ്ടെന്ന് വ്യക്തമായാൽ പൊലീസ് സ്റ്റേഷനിലെത്തി നേരിട്ട് പരാതി നൽകാം. ഇതിന് പൊലീസ് സ്റ്റേഷനുകളിൽ ഹെൽപ് ഡെസ്കുകൾ ആരംഭിച്ചിട്ടുണ്ട്.
സംസ്ഥാനത്ത് സ്കൂൾ വാഹനങ്ങളിൽ പൊലീസിന്റെ മിന്നൽ പരിശോധന: മദ്യപിച്ച് വണ്ടിയോടിച്ച 21 ഡ്രൈവർമാർ പിടിയിൽ.
തിരുവനന്തപുരം: സ്കൂൾ കുട്ടികളുടെ സുരക്ഷ ഉറപ്പാക്കുന്നതിന്റെ ഭാഗമായി സംസ്ഥാനത്തൊട്ടാകെ കേരള പോലീസ് നടത്തിയ പ്രത്യേക വാഹന പരിശോധനയിൽ മദ്യപിച്ച് വാഹനമോടിച്ച 21 ഡ്രൈവർമാർ പിടിയിലായി. ഒക്ടോബർ 30 വെള്ളിയാഴ്ച രാവിലെ 5 മണി മുതൽ 8 മണി വരെയായിരുന്നു പൊലീസിന്റെ സ്പെഷ്യൽ ഡ്രൈവ്.സംസ്ഥാനത്തൊട്ടാകെ 4,504 സ്കൂൾ ബസുകളാണ് പരിശോധനയ്ക്ക് വിധേയമാക്കിയത്. പരിശോധനയിൽ പാലക്കാട്, മലപ്പുറം ജില്ലകളിലാണ് ഏറ്റവും കൂടുതൽ കേസുകൾ രജിസ്റ്റർ ചെയ്തത് (അഞ്ച് കേസുകൾ വീതം). കോട്ടയത്ത് മൂന്ന് കേസുകളും കണ്ണൂരിൽ രണ്ട് കേസുകളും രജിസ്റ്റർ ചെയ്തിട്ടുണ്ട്.ഇതിനുപുറമേ തിരുവനന്തപുരം സിറ്റി, തിരുവനന്തപുരം റൂറൽ, കൊല്ലം സിറ്റി, ഇടുക്കി, കൊച്ചി സിറ്റി, തൃശൂർ സിറ്റി എന്നിവിടങ്ങളിൽ ഓരോ കേസ് വീതവും കണ്ടെത്തി.മദ്യപിച്ച് വാഹനമോടിക്കുന്നത് ഗുരുതരമായ റോഡ് അപകടങ്ങൾക്കും ജീവഹാനിക്കും കാരണമാകുന്നുണ്ടെന്നും വരും ദിവസങ്ങളിലും ഇത്തരത്തിലുള്ള പരിശോധന കർശനമായി തുടരുമെന്നും ക്രമസമാധാന വിഭാഗം എഡിജിപി പി. വിജയൻ വ്യക്തമാക്കി.
കടലുണ്ടി പബ്ലിക്ക് ലൈബ്രറിക്ക് പുതിയ കെട്ടിടം.
കടലുണ്ടി : കടലുണ്ടി പബ്ലിക്ക് ലൈബ്രറി പുതിയ കെട്ടിടത്തിൽ പ്രവർത്തനമാരംഭിച്ചു.നിലവിൽ പ്രവർത്തിക്കുന്ന കെട്ടിടത്തിൽ നിന്നും വിപുലമായ സൗകര്യങ്ങളോടെ കടലുണ്ടി ലെവൽ ക്രോസിലെ ദേവ് ആർക്കേഡിലാണ് ലൈബ്രറി പ്രവർത്തനമാരംഭിച്ചത്.കടലുണ്ടി ഗ്രാമ പഞ്ചായത്ത് പ്രസിഡണ്ട് ഒ ഭക്തവത്സലൻ ഉദ്ഘാടനം ചെയ്തു.കവി പ്രദീപ് രാമനാട്ടുകര മുഖ്യാതിഥിയായി.ലൈബ്രറി പ്രസിഡൻറ് പ്രദീപ് കുന്നത്ത് അദ്ധ്യക്ഷത വഹിച്ചു. ᴋᴏᴢʜɪᴋᴏᴅᴇ ʟɪᴠᴇകടലുണ്ടി ഗ്രാമപഞ്ചായത്ത് സ്ഥിരം സമിതി അദ്ധ്യക്ഷൻ സി.രമേശൻ, വാർഡ് മെമ്പർ അഡ്വ:പി.വി. മുഹമ്മദ് ഷാഹിദ്, എഴുത്തുകാരൻ ഡോ:ശരത് മണ്ണൂർ, ഡോ:എം.വി. ഷിയാസ് മുഹമ്മദ്, റജീന പുറക്കാട്ട്, പി.വി.ഷംസുദ്ദീൻ, ലൈബ്രറി സെക്രട്ടറി യൂനുസ് കടലുണ്ടി, വെൺമണി ഹരിദാസ് തുടങ്ങിയവർ സംസാരിച്ചു.കവി പ്രദീപ് രാമനാട്ടുകര, എഴുത്തുകാരി റജീന പുറക്കാട്ട് എന്നിവർ ചടങ്ങിൽ ലൈബ്രറിക്ക് പുസ്തകങ്ങൾ നൽകി.അയ്യായിരത്തിലധികം പുസ്തകങ്ങളും വിവിധ ദിനപ്പത്രങ്ങളും ആനുകാലിക പ്രസിദ്ധീകരണങ്ങളുമുള്ള കടലുണ്ടി പബ്ലിക് ലൈബ്രറിയിൽ വായനക്കാർക്ക് ഇതോടെ ഏറെ സൗകര്യങ്ങളാവുകയാണ്.
വാഹന നികുതി കുടിശ്ശികക്കാർക്ക് ആശ്വാസം; ഒറ്റത്തവണ തീർപ്പാക്കൽ പദ്ധതി 2027 മാർച്ച് 31 വരെ.
മോട്ടോർ വാഹന നികുതി കുടിശ്ശികയുള്ള വാഹന ഉടമകൾക്ക് ആശ്വാസമായി ഒറ്റത്തവണ തീർപ്പാക്കൽ പദ്ധതി (വൺ ടൈം സെറ്റിൽമെന്റ്). 2026 മാർച്ച് 31-ന് നാല് വർഷമോ അതിൽ കൂടുതലോ നികുതി കുടിശ്ശികയുള്ള വാഹന ഉടമകൾക്കാണ് പദ്ധതിയുടെ ആനുകൂല്യം ലഭിക്കുക.നോൺ ട്രാൻസ്പോർട്ട് വാഹനങ്ങൾക്ക് നാല് വർഷത്തെ നികുതി കുടിശ്ശികയുടെ പിഴയും പലിശയും ഉൾപ്പെടെയുള്ള തുകയുടെ 40 ശതമാനം മാത്രം അടച്ചാൽ മതിയാകും. ട്രാൻസ്പോർട്ട് വാഹനങ്ങൾക്ക് 30 ശതമാനം അടച്ചാൽ മതി. ഗ്രീൻ ടാക്സ്, രജിസ്ട്രേഷൻ സർട്ടിഫിക്കറ്റ് ഹാജരാക്കൽ, മോട്ടോർ ട്രാൻസ്പോർട്ട് വർക്കേഴ്സ് വെൽഫെയർ ഫണ്ട് വിഹിതം എന്നിവയിൽനിന്നും പൂർണ്ണ ഇളവ് ലഭിക്കും.റവന്യൂ റിക്കവറി നടപടികൾ നേരിടുന്നവർക്കും കുടിശ്ശിക തുകയോടൊപ്പം കളക്ഷൻ ചാർജുകൾ അടച്ച് നടപടികൾ അവസാനിപ്പിക്കാം. മോഷണം പോയതോ പൊളിച്ചുവിറ്റതോ പൂർണ്ണമായി നശിച്ചതോ ഉപയോഗശൂന്യമായതോ ആയ വാഹനങ്ങളുടെ ഉടമകൾക്ക് ആവശ്യമായ രേഖകൾ സഹിതം അപേക്ഷിച്ചാൽ പരിശോധനയ്ക്കുശേഷം ഭാവിയിലെ നികുതി ബാധ്യതയിൽനിന്ന് ഒഴിവാകാനും അവസരമുണ്ട്.അതേസമയം, പദ്ധതി പ്രകാരം ഇളവ് നേടുന്നവർ തുടർന്നുള്ള നികുതി കൃത്യമായി അടയ്ക്കണം. വീണ്ടും കുടിശ്ശിക വരുത്തിയാൽ ഭാവിയിൽ നികുതി ഇളവുകൾ ലഭിക്കില്ല. നികുതി ബാധ്യത ഒഴിവാക്കിയ വാഹനം പിന്നീട് നിരത്തിലിറക്കിയാൽ 2026 ഏപ്രിൽ ഒന്ന് മുതലുള്ള മുഴുവൻ നികുതിയും പിഴയും പലിശയും സഹിതം അടയ്ക്കേണ്ടിവരും.ഇത്തരമൊരു നികുതി ഇളവ് ഭാവിയിൽ വീണ്ടും ലഭിക്കില്ലെന്നും വ്യവസ്ഥകളിൽ വ്യക്തമാക്കുന്നു. **2027 മാർച്ച് 31 വരെയാണ് ഒറ്റത്തവണ തീർപ്പാക്കൽ പദ്ധതിയുടെ കാലാവധി.** അർഹരായ വാഹന ഉടമകൾ സമയപരിധിക്കുള്ളിൽ പദ്ധതി പ്രയോജനപ്പെടുത്തണം.
മണിക്കൂറിൽ 280 കി.മീ. വേഗം, 8 കോച്ചുകൾ, 557 സീറ്റുകൾ; കുതിച്ചുപായാൻ ഇന്ത്യയുടെ ആദ്യ ബുള്ളറ്റ് ട്രെയിൻ.
ബാംഗ്ലൂർ : മുംബൈ-അഹമ്മദാബാദ് ഹൈസ്പീഡ് റെയിൽ കോറിഡോറിനായി ഇന്ത്യ പൂർണമായും തദ്ദേശീയമായി രൂപകല്പനചെയ്ത് നിർമിക്കുന്ന ആദ്യ ബുള്ളറ്റ് ട്രെയിൻ പുറത്തിറങ്ങാൻ തയ്യാറായി.ബെംഗളൂരുവിലെ ഭാരത് എർത്ത് മൂവേഴ്സ് ലിമിറ്റഡിൻ്റെ (ബിഇഎംഎൽ) പ്ലാന്റിലാണ് ഈ ട്രെയിനിന്റെ നിർമാണം പുരോഗമിക്കുന്നത്. വിദേശ സാങ്കേതികവിദ്യയെമാത്രം ആശ്രയിക്കുന്ന രീതിയിൽനിന്ന് മാറി, രാജ്യത്തെ കാലാവസ്ഥയ്ക്കും പ്രവർത്തന സാഹചര്യങ്ങൾക്കും അനുയോജ്യമായ രീതിയിലാണ് ഇന്ത്യൻ എഞ്ചിനീയർമാർ ഈ ട്രെയിൻ രൂപകല്പന ചെയ്തിരിക്കുന്നത്.മണിക്കൂറിൽ 280 കിലോമീറ്റർ പരമാവധി പരീക്ഷണ വേഗത കൈവരിക്കുന്ന തരത്തിലാണ് ബുള്ളറ്റ് ട്രെയിൻ രൂപകൽപ്പന ചെയ്തിരിക്കുന്നത്. എന്നാൽ, മണിക്കൂറിൽ 249 കിലോമീറ്റർ വേഗതയിലായിരിക്കും ഇത് സർവീസ് നടത്തുക. നാല് മോട്ടോർ കാറുകളും നാല് ട്രെയിലർ കാറുകളും ഉൾപ്പെടെ എട്ട് കോച്ചുകളുള്ള തീവണ്ടിക്ക് ആകെ 202 മീറ്റർ നീളമുണ്ടാകും. രണ്ട് ഭിന്നശേഷി സൗഹൃദ സീറ്റുകൾ ഉൾപ്പെടെ ആകെ 557 യാത്രക്കാർക്ക് ഈ തീവണ്ടിയിൽ യാത്ര ചെയ്യാം.തീവണ്ടിയിൽ 3×2 സീറ്റിങ് സൗകര്യത്തോടുകൂടിയ ഏഴ് സ്റ്റാൻഡേർഡ് ക്ലാസ് കോച്ചുകളും 2×2 സീറ്റിങ് സൗകര്യമുള്ള ഒരു എക്സിക്യൂട്ടീവ് ക്ലാസ് കോച്ചും ഉണ്ടായിരിക്കും. തീവണ്ടിയുടെ ഇരുവശങ്ങളിലും ഡ്രൈവർ കാബുകളുണ്ട്. ഓപ്പറേഷൻ കൺട്രോൾ സെന്ററുമായി ഏകോപനം നടത്തുന്നതിന് ഡ്രൈവർ ക്യാബുകളിൽ ഇൻ്റലിജന്റ് ഓൺ-ബോർഡ് കൺട്രോൾ സിസ്റ്റവും സജ്ജീകരിച്ചിട്ടുണ്ട്. ഭാവി ആവശ്യങ്ങൾക്കായി ഇത്തരം രണ്ട് 8-കോച്ച് ട്രെയിനുകൾ കൂട്ടിയിണക്കി 16 കോച്ചുകളുള്ള ഒറ്റ ട്രെയിനാക്കി മാറ്റാനും സാധിക്കും.യാത്രക്കാരുടെ സൗകര്യങ്ങൾ മുൻനിർത്തി, വിശാലമായ സീറ്റുകളും കാൽ നീട്ടിയിരിക്കാൻ ആവശ്യമായ സ്ഥലവും ഉൾപ്പെടുത്തിയാണ് ഇന്റീരിയർ രൂപകൽപ്പന ചെയ്തിരിക്കുന്നത്. ഭിന്നശേഷിക്കാർക്കായി ട്രെയിനിൽ ലെവൽ ബോർഡിങ് സൗകര്യവും പ്രത്യേക സീറ്റുകളും സജ്ജീകരിച്ചിട്ടുണ്ട്. കോച്ചുകൾക്കിടയിലൂടെ യാത്രക്കാർക്ക് തടസ്സമില്ലാതെ നടക്കാൻ സഹായിക്കുന്ന രീതിയിലാണ് സിംഗിൾ പീസ് ഗാങ്വേ നൽകിയിരിക്കുന്നത്.വിശാലമായ ജനലുകൾ യാത്രക്കാർക്ക് പുറത്തെ കാഴ്ചകൾ ആസ്വദിക്കാൻ അനുയോജ്യമാണ്. ആധുനിക എൽ.ഇ.ഡി ലൈറ്റിങ് സംവിധാനവും തലയ്ക്കു മുകളിലുള്ള റാക്കുകൾക്ക് പുറമേ വലിയ ലഗേജുകൾ വെയ്ക്കാനായി തറയിൽ പ്രത്യേക സ്റ്റാൻഡുകളും ഒരുക്കിയിട്ടുണ്ട്. കൂടാതെ ലാപ്ടോപ്പുകളും മൊബൈൽ ഫോണുകളും ചാർജ് ചെയ്യുന്നതിനായി ഓരോ യാത്രക്കാരനും വ്യക്തിഗത പവർ ഔട്ട്ലറ്റ്ലെറ്റുകളുമുണ്ട്. പരിസ്ഥിതി ആഘാതം കുറയ്ക്കുന്നതിനായി ആധുനിക ബയോ ടോയ്ലറ്റുകളാണ് ട്രെയിനിൽ സജ്ജീകരിച്ചിരിക്കുന്നത്.യാത്രയിലുടനീളം വിവരങ്ങൾ നൽകുന്നതിനായി സമഗ്രമായ പാസഞ്ചർ ഇൻഫർമേഷൻ സിസ്റ്റം ട്രെയിനിൽ ഉൾപ്പെടുത്തിയിട്ടുണ്ട്. കാബിനകത്ത് ഇംഗ്ലീഷ്, ഹിന്ദി, പ്രാദേശിക ഭാഷകളിൽ വിവരങ്ങൾ ലഭ്യമാക്കുന്ന എൽ.സി.ഡി ഡിസ്പ്ലേകൾ ഉണ്ടാകും. യാത്രക്കാർക്ക് അപ്പപ്പോഴുള്ള വിവരങ്ങൾ നൽകാനായി പബ്ലിക് അഡ്രസ് സിസ്റ്റവും ഓട്ടോമാറ്റിക് അനൗൺസ്മെന്റ് സിസ്റ്റവും സജ്ജീകരിച്ചിട്ടുണ്ട്.മുൻകൂട്ടി അപ്ലോഡ് ചെയ്ത വിനോദ പരിപാടികൾ സ്ട്രീം ചെയ്യാൻ സഹായിക്കുന്ന ഹൈസ്പീഡ് വൈഫൈ അധിഷ്ഠിത ഇൻഫോടെയ്ൻമെന്റ് സിസ്റ്റവും ലഭ്യമാണ്. അത്യാവശ്യ ഘട്ടങ്ങളിൽ ജീവനക്കാരുമായി ബന്ധപ്പെടുന്നതിനായി പാസഞ്ചർ കാബിനുകളിലും വെസ്റ്റിബ്യൂളുകളിലും എമർജൻസി ടോക്ക്-ബാക്ക് യൂണിറ്റുകൾ സ്ഥാപിച്ചിട്ടുണ്ട്.എല്ലാവർക്കും എളുപ്പത്തിൽ കയറാൻ പാകത്തിലാണ് ട്രെയിനിന്റെ തറയുടെ ഉയരം ക്രമീകരിച്ചിരിക്കുന്നത്. ട്രെയിനും പ്ലാറ്റ്ഫോമും തമ്മിലുള്ള വിടവ് കുറയ്ക്കുന്നതിനായി വാതിലുകളോട് ചേർന്ന് ഉള്ളിലേക്ക് മടങ്ങുന്ന ഫൂട്ട്സ്റ്റെപ്പുകൾ നൽകിയിട്ടുണ്ട്. ഭിന്നശേഷിക്കാർക്കായി പ്രത്യേകമായി രൂപകൽപ്പനചെയ്ത വാതിലുകളും ടോയ്ലറ്റുകളും കാഴ്ചപരിമിതിയുള്ളവർക്കായി ബ്രെയിലി ലിപിയിലുള്ള സൈനേജുകളും ഇതിലുണ്ട്. വർഷം മുഴുവനും സുഖകരമായ താപനിലയും ആർദ്രതയും നിലനിർത്തുന്നതിനായി ഓരോ കോച്ചിലും ഡ്യുവൽ യൂണിറ്റ് എച്ച്.വി.എ.സി. സംവിധാനവും സജ്ജീകരിച്ചിട്ടുണ്ട്.
സ്കൂൾ വിനോദ-പഠനയാത്രകളിൽ സാമ്പത്തിക ചൂഷണം പാടില്ല: കർശന മാർഗ നിർദ്ദേശങ്ങളുമായി പൊതു വിദ്യാഭ്യാസ വകുപ്പ്.
തിരുവനന്തപുരം:സ്കൂളുകളിൽ പഠനയാത്രകളും വ്യക്തിഗത ആഘോഷങ്ങളും സംഘടിപ്പിക്കുന്നത് സംബന്ധിച്ച് വ്യാപകമായ പരാതികൾ ഉയർന്നതിനെ തുടർന്ന് പൊതു വിദ്യാഭ്യാസ വകുപ്പ് പുതിയ മാർഗനിർദേശങ്ങൾ പുറപ്പെടുവിച്ചു.പഠനയാത്രകൾഎല്ലാ കുട്ടികൾക്കും പ്രാപ്യമായ രീതിയിൽ വേണം യാത്രയ്ക്കുള്ള തുക നിശ്ചയിക്കാൻ. സാമ്പത്തിക ബുദ്ധിമുട്ട് കാരണം ഒരു കുട്ടിയെയും യാത്രാപ്പട്ടികയിൽ നിന്ന് ഒഴിവാക്കാൻ പാടില്ല. ഏതെങ്കിലും കുട്ടിക്ക് സൗജന്യമായി യാത്രയിൽ ഇളവ് നൽകുന്ന പക്ഷം ആ വിവരം മറ്റ് കുട്ടികൾ അറിയാത്ത രീതിയിൽ അധ്യാപകർ പ്രത്യേകം ശ്രദ്ധിക്കേണ്ടതാണ്.അധ്യാപകരുടെ ചെലവ്പഠനയാത്രയോടൊപ്പം അനുഗമിക്കുന്ന അധ്യാപകരുടെയും പി.ടി.എ അംഗങ്ങളുടെയും യാത്രാ ചെലവ് കുട്ടികളിൽ നിന്ന് ഈടാക്കാൻ പാടില്ലാത്തതാണ്.ആഘോഷങ്ങൾസ്കൂളുകളിൽ ജീവനക്കാരുടെയും വിദ്യാർത്ഥികളുടെയും ജന്മദിനം പോലുള്ള വ്യക്തിഗത ആഘോഷങ്ങൾ പരമാവധി ഒഴിവാക്കണം. നടത്തുന്ന പക്ഷം അതിന്റെ സാമ്പത്തിക ബാധ്യത കുട്ടികൾക്കോ രക്ഷിതാക്കൾക്കോ ഉണ്ടാകാത്ത രീതിയിൽ സ്കൂൾ അധികാരികൾ ശ്രദ്ധിക്കേണ്ടതുമാണ്.മുകളിൽ സൂചിപ്പിച്ച നിർദേശങ്ങൾ സിബിഎസ്ഇ, ഐസിഎസ്ഇ ഉൾപ്പെടെയുള്ള എല്ലാ സ്കൂളുകൾക്കും ഈ നിർദ്ദേശങ്ങൾ ബാധകമാണ്.നിലവിലെ പ്രധാന പരാതികൾനിലവിലുള്ള നിർദ്ദേശങ്ങൾക്ക് വിരുദ്ധമായി സ്കൂളുകളിൽ വൻ തുക ഈടാക്കി പഠനയാത്രകൾ സംഘടിപ്പിക്കുന്നു.സാമ്പത്തികമായി പിന്നോക്കം നിൽക്കുന്ന കുട്ടികൾക്ക് ഈ തുക നൽകാൻ കഴിയാതെ വരുന്നത് അവരിൽ മാനസിക പ്രയാസങ്ങൾ ഉണ്ടാക്കുന്നു.സ്കൂളുകളിൽ ജീവനക്കാരുടെയും വിദ്യാർത്ഥികളുടെയും ജന്മദിനം പോലുള്ള ആഘോഷങ്ങൾ നടത്തുമ്പോൾ സമ്മാനങ്ങൾ നൽകാൻ കുട്ടികളെ നിർബന്ധിക്കുകയും, സമ്മാനങ്ങൾ കൊണ്ടുവരാത്ത കുട്ടികളെ വേർതിരിച്ചു കാണുന്ന പ്രവണതയും ശ്രദ്ധയിൽപ്പെട്ടിട്ടുണ്ട്.
നാളെ മുതൽ സ്വകാര്യ ബസ് ഉടമകൾ പ്രഖ്യാപിച്ച അനിശ്ചിതകാല പണിമുടക്ക് , പണിമുടക്ക് ഒഴിവാക്കാൻ ഇന്ന് നിർണായക ചർച്ച.
തിരുവനന്തപുരം: പ്രിയദർശിനി പദ്ധതിക്കെതിരെ സ്വകാര്യ ബസ് ഉടമകൾ പ്രഖ്യാപിച്ച അനിശ്ചിതകാല പണിമുടക്ക് നാളെ ആരംഭിക്കും. ബസുടമകളുടെ ആറ് സംഘടനകൾ ഉൾപ്പെട്ട സംയുക്ത സമരസമിതിയാണ് പണിമുടക്കിന് ആഹ്വാനം ചെയ്തിരിക്കുന്നത്.പ്രിയദർശിനി പദ്ധതി നടപ്പാക്കിയതോടെ സ്വകാര്യ ബസുകൾ കടുത്ത സാമ്പത്തിക പ്രതിസന്ധിയിലായെന്നും കടക്കെണിയിലേക്ക് നീങ്ങുകയാണെന്നുമാണ് ബസുടമകളുടെ ആരോപണം. സ്വകാര്യ ബസുകളിലും സ്ത്രീകൾക്ക് സൗജന്യ യാത്ര അനുവദിക്കണമെന്നും ഇതുമൂലമുണ്ടാകുന്ന സാമ്പത്തിക ബാധ്യത സർക്കാർ ഏറ്റെടുക്കണമെന്നുമാണ് സമരസമിതിയുടെ പ്രധാന ആവശ്യം. അതിനിടെ, പണിമുടക്ക് ഒഴിവാക്കാൻ മന്ത്രി ഇടപെട്ട് ഇന്ന് നിർണായക ചർച്ച നടന്നേക്കും.സമരത്തിന്റെ കാര്യം ഈ മാസം 16 ന് സർക്കാറിനെ അറിയിച്ചിരുന്നെങ്കിലും അനുകൂല തീരുമാനമുണ്ടാകാത്ത സാഹചര്യത്തിലാണ് തുടർനീക്കമെന്ന് ബസുടമകൾ അറിയിച്ചു. കേരള ബസ് ട്രാൻസ്പോർട്ട് അസോസിയേഷൻ, ഓൾ കേരള ബസ് ഓപ്പറേറ്റേഴ്സ് ഫോറം, ഓൾ കേരള ബസ് ഓപറേറ്റേഴ്സ് ഓർഗനൈസേഷൻ, കേരള പ്രൈവറ്റ് ബസ് ഓപറേറ്റേഴ്സ് അസോസിയേഷൻ, കേരള ബസ് ഓപറേറ്റേഴ്സ് കോ-ഓഡിനേഷൻ കമ്മിറ്റി തുടങ്ങിയ സംഘടനകളാണ് സമരത്തിന് നേതൃത്വം നൽകുന്നത്.സെപ്തംബർ രണ്ടിന് സർക്കാർ നിയോഗിച്ച പ്രത്യേക കമീഷൻ സ്വകാര്യ ബസ് മേഖലയുടെ നഷ്ടം പരിഹരിക്കാൻ സർക്കാറിന് മുന്നിൽ നിർദേശങ്ങൾ വച്ചിരുന്നു. എന്നാൽ, ആ നിർദേശങ്ങൾ പാലിക്കാൻ സർക്കാർ ശ്രമിച്ചില്ലെന്നാണ് ബസുടമകളുടെ ആരോപണം. സമരം പരമാവധി ഒഴിവാക്കാൻ ശ്രമിച്ചു. യാത്രക്കാരെ ബുദ്ധിമുട്ടിക്കരുത് എന്നാണ് ഞങ്ങളുടെ നിലപാട്. എന്നാൽ, സർക്കാർ സഹായിക്കാൻ തയാറല്ലാത്ത സാഹചര്യത്തിൽ പണിമുടക്കല്ലാതെ വേറെ വഴിയില്ലെന്ന് ബസുടമകൾ വ്യക്തമാക്കി.പ്രിയദർശിനി പദ്ധതി നടപ്പാക്കിയതോടെ സ്വകാര്യ ബസുകളിലെ യാത്രക്കാരുടെ എണ്ണവും വരുമാനവും കുറഞ്ഞതായും പല സർവിസുകളും നിർത്തേണ്ടിവന്നതായും ബസുടമകൾ ആരോപിക്കുന്നു.
ശക്തമായ മഴയ്ക്കും കാറ്റിനും സാധ്യത; ആറ് ജില്ലകളില് ഇന്ന് യെല്ലോ അലര്ട്ട്.
തിരുവനന്തപുരം : സംസ്ഥാനത്ത് ബുധനാഴ്ച വരെ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. ശക്തമായ മഴ കണക്കിലെടുത്ത് വിവിധ ജില്ലകളില് ഓറഞ്ച് അലര്ട്ട് പ്രഖ്യാപിച്ചു. ഇന്ന് ആറ് ജില്ലകളിലാണ് മഴ മുന്നറിയിപ്പ്. പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് യെല്ലോ അലര്ട്ട് പ്രഖ്യാപിച്ചു. ചൊവ്വാഴ്ച കോഴിക്കോട്, കണ്ണൂര്, വയനാട്, കാസര്കോട് ജില്ലകളിലും ബുധനാഴ്ച പത്തനംതിട്ട, ഇടുക്കി, മലപ്പുറം, കോഴിക്കോട് ജില്ലകളിലുമാണ് മഴ മുന്നറിയിപ്പ്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്ത്ഥമാക്കുന്നത്.ബംഗാള് ഉള്ക്കടലില് രൂപപ്പെട്ട ചുഴലിക്കാറ്റിന്റെ സ്വാധീനത്തിലാണ് സംസ്ഥാത്ത് ശ്ക്തമായ മഴയ്ക്ക് സാധ്യതയെന്ന മുന്നറിയിപ്പ്. തിങ്കളാഴ്ച അര്ധരാത്രി മുതല് ചൊവ്വാഴ്ച പുലര്ച്ചെ നാലു മണി വരെയുള്ള സമയത്ത് തെക്കന് ആന്ധ്രാപ്രദേശ് തീരത്ത് നെല്ലൂരിനും നരസാപുരത്തിനും ഇടയില് ശക്തമായ ചുഴലിക്കാറ്റായി മാറി പരമാവധി മണിക്കൂറില് 120 കിലോമീറ്റര് വരെ വേഗത്തില് കരയില് പ്രവേശിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ചുഴലിക്കാറ്റ് നേരിട്ട് സ്വാധീനിക്കുന്നില്ലെങ്കിലും അടുത്ത 2-3 ദിവസം കേരളത്തില് പലയിടങ്ങളിലായി ഇടിമിന്നലോട് കൂടിയ ശക്തമായ മഴയ്ക്ക് സാധ്യതയെന്നും കാലാവസ്ഥ വകുപ്പ് അറിയിച്ചു. വടക്കന് ജില്ലകളിലാണ് കൂടുതല് മഴയ്ക്ക് സാധ്യത നിലനില്ക്കുന്നത്.
സസ്പെന്ഷനിലുള്ള വിദ്യാര്ത്ഥികള്ക്ക് പരീക്ഷ എഴുതാന് അനുമതി നല്കിയുള്ള ഉത്തരവ്; സിസ തോമസ് ഹൈക്കോടതിയില്.
കൊച്ചി: കാലടി സംസ്കൃത സര്വകലാശാലയില് സസ്പെന്ഷന് നടപടി നേരിട്ട വിദ്യാര്ത്ഥികളെ പരീക്ഷ എഴുതാന് അനുവദിച്ച ഹൈക്കോടതി സിംഗിള് ബെഞ്ച് ഉത്തരവിനെതിരെ ഡിവിഷന് ബെഞ്ചിനെ സമീപിച്ച് വൈസ് ചാന്സലര് സിസ തോമസ്. സിംഗിള് ബെഞ്ച് ഉത്തരവിനെതിരെ അപ്പീല് നല്കി. വിദ്യാര്ത്ഥികള്ക്ക് മതിയായ ഹാജരില്ലെന്നും അതുകൊണ്ടുതന്നെ പരീക്ഷ എഴുതാന് അനുവദിക്കില്ലെന്നുമാണ് സിസ തോമസിന്റെ വാദം. വിദ്യാര്ത്ഥികള് പരീക്ഷ എഴുതാതിരിക്കാന് ചരിത്രത്തിലാദ്യമായാണ് സര്വകലാശാല കോടതി കയറുന്നത്. കോടതി ഉത്തരവുണ്ടായിട്ടും പരീക്ഷ രജിസ്റ്റര് ചെയ്യാന് അനുവദിക്കാത്ത സര്വകലാശാല നടപടിക്കെതിരെ വിദ്യാര്ത്ഥി പൊലീസില് പരാതി നല്കിയിരിക്കുകയാണ്.വിസിക്കെതിരെ പ്രതിഷേധിച്ച വിദ്യാര്ത്ഥികളെ സസ്പെന്ഡ് ചെയ്തിട്ട് 62 ദിവസം പിന്നിടുകയാണ്. കോടതി വിധിയെ മുഖവിലയ്ക്കെടുക്കാതെയാണ് സര്വകലാശാലയുടെ നടപടി. പരീക്ഷയ്ക്ക് രജിസ്റ്റര് ചെയ്യാനായി വെബ്സൈറ്റ് ഇന്നലെ തുറന്ന് കൊടുക്കണമെന്നായിരുന്നു കോടതി പറഞ്ഞിരുന്നത്. എന്നാല് സര്വകലാശാല അതിന് തയ്യാറായിരുന്നില്ല. രവിലെ 11:30 ന് വെബ്സൈറ്റ് തുറന്ന് നല്കാമെന്ന് സര്വകലാശാല വിദ്യാര്ത്ഥികളെ അറിയിച്ചിരുന്നു. എന്നാല് വൈകുന്നേരം ആയിട്ടും അതിന് തയ്യാറായിരുന്നില്ല. കോടതി ഉത്തരവിനെ മുഖവിലയ്ക്കെടുക്കാതെയുള്ള സര്വകലാശാല നടപടി വലിയ വിമര്ശനങ്ങള്ക്കാണ് വഴിവെച്ചിരിക്കുന്നത്. വിദ്യാര്ത്ഥികള്ക്കെതിരെ വിസി പ്രതികാരം തീര്ക്കാനാണ് ശമിക്കുന്നതെന്നാണ് എസ്എഫ്ഐ ആടക്കം ഉയര്ത്തുന്ന വിമര്ശനം.ഇക്കഴിഞ്ഞ സെപ്റ്റംബറിലായിരുന്നു കാലടി സംസ്കൃത സര്വകലാശാലയില് സിന്ഡിക്കേറ്റ് യോഗത്തിനിടെ വിസി സിസ തോമസിനെ തടഞ്ഞതുമായി ബന്ധപ്പെട്ട് പതിനാറ് വിദ്യാര്ത്ഥികളെ സസ്പെന്ഡ് ചെയ്തത്. അന്വേഷണ നടപടികള് പൂര്ത്തിയാകുന്നത് വരെ സസ്പെന്ഡ് ചെയ്യാനായിരുന്നു സിന്ഡിക്കേറ്റ് യോഗത്തിന്റെ തീരുമാനം. യൂണിയന് ചെയര്മാന്, എസ്എഫ്ഐ യൂണിറ്റ് സെക്രട്ടറി ഉള്പ്പെടെയുള്ളവര്ക്കെതിരെയായിരുന്നു നടപടി. വിസിയുടെ നടപടി വിദ്യാര്ത്ഥി വിരുദ്ധമാണെന്നും എത്ര ദിവസമാണ് സസ്പെന്ഷന് എന്നത് പോലും മെന്ഷന് ചെയ്യാതെയാണ് സിന്ഡിക്കേറ്റ്, സമരം ചെയ്ത വിദ്യാര്ത്ഥികളെ സസ്പെന്ഡ് ചെയ്തിരിക്കുന്നതെന്നും എസ്എഫ്ഐ യൂണിറ്റ് പ്രസിഡന്റ് അര്ച്ചന ആരോപിച്ചിരുന്നു.ആഗസ്റ്റ് 13നായിരുന്നു സിന്ഡിക്കേറ്റ് യോഗത്തിനിടെ വിസി സിസ തോമസിനെതിരെ വിദ്യാര്ത്ഥികള് പ്രതിഷേധിച്ചത്. സര്വകലാശാലയില് ചേര്ന്ന സിന്ഡിക്കേറ്റ് യോഗത്തിലേക്ക് പ്രവര്ത്തനരഹിതമായ ലൈറ്റുകളുടെ ശവമഞ്ചം അടക്കം കൊണ്ടുവന്നായിരുന്നു എസ്എഫ്ഐയുടെ പ്രതിഷേധം. വി സി സിസ തോമസിനേയും സിന്ഡിക്കേറ്റ് അംഗങ്ങളെയും പ്രതിഷേധക്കാര് തടഞ്ഞുവെച്ചിരുന്നു. ഇതിന് പിന്നാലെ തനിക്കെതിരെ കയ്യേറ്റം നടന്നുവെന്ന് ആരോപിച്ച് സിസ തോമസ് രംഗത്തെത്തുകയായിരുന്നു. സിന്ഡിക്കേറ്റ് അംഗങ്ങളെ മുറിയില് പൂട്ടിയിട്ടെന്നും സിസ തോമസ് പറഞ്ഞിരുന്നു. ഔദ്യോഗിക വാഹനം നശിപ്പിച്ചെന്ന ആരോപണവും അവര് ഉന്നയിച്ചിരുന്നു. സംഭവത്തില് പരാതി നല്കില്ലെന്നായിരുന്നു സിസ തോമസ് ആദ്യം പറഞ്ഞത്. എന്നാല് പിന്നീട് പരാതി നല്കുകയായിരുന്നു.
അമേരിക്കയിലെ ഫ്ളോറിഡയില് ജനവാസമേഖലയിൽ സ്വകാര്യ വിമാനം തകര്ന്നുവീണു; 9 പേര്ക്ക് ദാരുണാന്ത്യം.
ഫ്ളോറിഡ: അമേരിക്കയിലെ ഫ്ളോറിഡയില് സ്വകാര്യ വിമാനം തകര്ന്നുവീണ് ഒമ്പത് പേര് കൊല്ലപ്പെട്ടു. പാം ബീച്ച് കൗണ്ടിയില് സ്ഥിതി ചെയ്യുന്ന, പ്രസിഡന്റ് ഡോണള്ഡ് ട്രംപിന്റെ റിസോര്ട്ടായ ‘മാര്-എ-ലാഗോ’യില് നിന്ന് ഏകദേശം 14 കിലോമീറ്റര് അകലെയുള്ള ‘ക്രസ്റ്റ്ഹാവന്’ എന്ന പ്രദേശത്തിന് സമീപമാണ് അപകടം നടന്നത്. അപകടത്തിന്റ ഞെട്ടിക്കുന്ന ദൃശ്യങ്ങള് പുറത്തുവന്നിരുന്നു. ജെറ്റ് വളരെ വേഗത്തില് ഭൂമിയിലേക്ക് പതിക്കുന്നതും നിമിഷനേരം കൊണ്ട് തീഗോളമായി മാറുന്നതും ദൃശ്യത്തില് കാണാം. വിമാനം പതിച്ചതിന്റ ആഘാതത്തില് റോഡില് വലിയൊരു ഗര്ത്തം രൂപപ്പെടുന്ന സാഹചര്യമുണ്ടായി.ടെക്സാസിലെ ഓസ്റ്റിനില് നിന്ന് ബഹമാസിലേക്ക് പുറപ്പെട്ട വിമാനമാണ് അപകടത്തില്പ്പെട്ടതെന്ന് ഫെഡറല് ഏവിയേഷന് അഡ്മിനിസ്ട്രേഷന് പ്രസ്താവനയില് അറിയിച്ചു. അപകടത്തില്പ്പെടുന്നതിന് തൊട്ടുമുമ്പ്, ജെറ്റ് സെക്കന്ഡില് 30 മീറ്റര് വേഗത്തില് താഴേക്ക് കുത്തനെ പതിക്കുകയായിരുന്നുവെന്നാണ് യുഎസ് മാധ്യമങ്ങള് റിപ്പോര്ട്ട് ചെയ്യുന്നത്. സംഭവം ഞെട്ടലുണ്ടാക്കുന്ന ഒന്നാണെന്ന് അപകടത്തിന് ശേഷം നടത്തിയ വാര്ത്താസമ്മേളനത്തില് ഫ്ലോറിഡ ഗവര്ണര് റോണ് ഡിസാന്റിസ് മാധ്യമങ്ങളോട് പറഞ്ഞു. ഒരു മിസൈല് താഴേക്ക് പതിക്കുന്നതുപോലെയാണ് അത് തോന്നിച്ചത്. വലിയൊരു പൊട്ടിത്തെറിയും, എല്ലായിടത്തേക്കും ചിതറിത്തെറിക്കുന്ന അവശിഷ്ടങ്ങളും കാണാമായിരുന്നെന്നും അദ്ദേഹം പറഞ്ഞു.8:39 AMNov 2, 20268:39 AMTOP NEWSIN DEPTHR SPECIALSPORTSENTERTAINMENTLIFE STYLEDISTRICT NEWSGULF NEWSBUSINESSHOMETOP NEWSIN DEPTHR SPECIALSPORTSENTERTAINMENTLIFE STYLEBUSINESSGULF NEWSINTERNATIONALഅമേരിക്കയിലെ ഫ്ളോറിഡയില് ജനവാസമേഖലയിൽ സ്വകാര്യ വിമാനം തകര്ന്നുവീണു; 9 പേര്ക്ക് ദാരുണാന്ത്യംടെക്സാസിലെ ഓസ്റ്റിനില് നിന്ന് ബഹാമാസിലേക്ക് പുറപ്പെട്ട വിമാനമാണ് അപകടത്തില്പ്പെട്ടത്റിപ്പോർട്ടർ നെറ്റ്വര്ക്ക്1 min read|02 Nov 2026, 07:01 amഫ്ളോറിഡ: അമേരിക്കയിലെ ഫ്ളോറിഡയില് സ്വകാര്യ വിമാനം തകര്ന്നുവീണ് ഒമ്പത് പേര് കൊല്ലപ്പെട്ടു. പാം ബീച്ച് കൗണ്ടിയില് സ്ഥിതി ചെയ്യുന്ന, പ്രസിഡന്റ് ഡോണള്ഡ് ട്രംപിന്റെ റിസോര്ട്ടായ ‘മാര്-എ-ലാഗോ’യില് നിന്ന് ഏകദേശം 14 കിലോമീറ്റര് അകലെയുള്ള ‘ക്രസ്റ്റ്ഹാവന്’ എന്ന പ്രദേശത്തിന് സമീപമാണ് അപകടം നടന്നത്. അപകടത്തിന്റ ഞെട്ടിക്കുന്ന ദൃശ്യങ്ങള് പുറത്തുവന്നിരുന്നു. ജെറ്റ് വളരെ വേഗത്തില് ഭൂമിയിലേക്ക് പതിക്കുന്നതും നിമിഷനേരം കൊണ്ട് തീഗോളമായി മാറുന്നതും ദൃശ്യത്തില് കാണാം. വിമാനം പതിച്ചതിന്റ ആഘാതത്തില് റോഡില് വലിയൊരു ഗര്ത്തം രൂപപ്പെടുന്ന സാഹചര്യമുണ്ടായി.വിമാനം തകർന്നുവീണതിനെ തുടർന്നുണ്ടായ ഗർത്തംടെക്സാസിലെ ഓസ്റ്റിനില് നിന്ന് ബഹമാസിലേക്ക് പുറപ്പെട്ട വിമാനമാണ് അപകടത്തില്പ്പെട്ടതെന്ന് ഫെഡറല് ഏവിയേഷന് അഡ്മിനിസ്ട്രേഷന് പ്രസ്താവനയില് അറിയിച്ചു. അപകടത്തില്പ്പെടുന്നതിന് തൊട്ടുമുമ്പ്, ജെറ്റ് സെക്കന്ഡില് 30 മീറ്റര് വേഗത്തില് താഴേക്ക് കുത്തനെ പതിക്കുകയായിരുന്നുവെന്നാണ് യുഎസ് മാധ്യമങ്ങള് റിപ്പോര്ട്ട് ചെയ്യുന്നത്. സംഭവം ഞെട്ടലുണ്ടാക്കുന്ന ഒന്നാണെന്ന് അപകടത്തിന് ശേഷം നടത്തിയ വാര്ത്താസമ്മേളനത്തില് ഫ്ലോറിഡ ഗവര്ണര് റോണ് ഡിസാന്റിസ് മാധ്യമങ്ങളോട് പറഞ്ഞു. ഒരു മിസൈല് താഴേക്ക് പതിക്കുന്നതുപോലെയാണ് അത് തോന്നിച്ചത്. വലിയൊരു പൊട്ടിത്തെറിയും, എല്ലായിടത്തേക്കും ചിതറിത്തെറിക്കുന്ന അവശിഷ്ടങ്ങളും കാണാമായിരുന്നെന്നും അദ്ദേഹം പറഞ്ഞു.
സംഭവത്തിന് പിന്നാലെ സമീപത്തുള്ള ട്രെയിലര്-പാര്ക്ക് മേഖലയില് നിന്ന് 600 ഓളം താമസക്കാരെ ഒഴിപ്പിക്കുകയാണെന്ന് ഡിസാന്റിസും പ്രാദേശിക ഉദ്യോഗസ്ഥരും അറിയിച്ചു. അപകടത്തിന്റെ ആഘാതത്തില് ജലവിതരണ ലൈനുകള് ഉള്പ്പെടെയുള്ള പ്രാദേശിക അടിസ്ഥാന സൗകര്യങ്ങള്ക്ക് വലിയ നാശനഷ്ടങ്ങള് സംഭവിച്ചതായാണ് വിവരം. റോഡ് വീണ്ടും തുറക്കാന് കുറഞ്ഞത് 30 ദിവസമെങ്കിലും എടുക്കുമെന്നും അവര് വ്യക്തമാക്കി. അപകടം നടന്ന സമയത്ത് ആ പ്രദേശത്ത് ഇടിമിന്നലോട് കൂടിയ മഴയുണ്ടായിരുന്നതായി റിപ്പോര്ട്ട് ചെയ്യപ്പെട്ടിരുന്നു. ഞായറാഴ്ച രാവിലെ ട്രംപ് മാര്-എ-ലാഗോയിലായിരുന്നു ഉണ്ടായിരുന്നത്. അപകടം നടക്കുന്നതിന് ഏകദേശം ഒരു മണിക്കൂര് മുമ്പ്, അടുത്തുള്ള ഒരു വിമാനത്താവളത്തില് നിന്ന് ‘എയര് ഫോഴ്സ് വണ്’ വിമാനത്തില് അദ്ദേഹം യാത്ര തിരിക്കുകയായിരുന്നു.



