spot_img
Saturday, November 21, 2026
Home Blog Page 177

ബസിനടിയിൽ പെട്ട് വസ്ത്രം മുഴുവനായും കീറി; യുവതിക്ക് ഉടുമുണ്ടഴിച്ച് നൽകി ചായ വിൽപ്പനക്കാരൻ.

0

തൃപ്പൂണിത്തുറ: ബസിനടിയിലേക്ക് വീണ് വസ്ത്രം പൂർണമായും കീറിപ്പോയ യുവതിക്ക് ഉടുമുണ്ടഴിച്ച് നൽകി ചായവിൽപ്പനക്കാരൻ. സൈക്കിളിൽ ചായ വിൽക്കുന്ന മരട്ടിപ്പറമ്പിൽ ഷാജിയാണ് കൃത്യസമയത്ത് രക്ഷകനായി എത്തിയത്. തൃപ്പൂണിത്തുറ സ്റ്റാച്യു ജംഗ്ഷനിൽ ചൊവ്വാഴ്ച ഉച്ചയ്ക്കാണ് സംഭവം.

അബദ്ധത്തിൽ ബസിനടിയിലേക്ക് വീണ സ്ത്രീ മീറ്ററുകളോളം അതേ നിലയിൽ വലിച്ചിഴയ്ക്കപ്പെട്ടിരുന്നു. തുടർന്നാണ് വസ്ത്രം പൂർണമായും കീറിപ്പോയത്. ഇവരെ ബസിനടിയിൽ നിന്ന് രക്ഷപ്പെടുത്തിയ ഉടൻ തന്നെ ഷാജി ഉടുമുണ്ട് അഴിച്ച് നൽകുകയായിരുന്നു.പിന്നീട് അടുത്തുള്ള കടയിൽ നിന്ന് ഷാജി മറ്റൊരു മുണ്ട് വാങ്ങിയുടുത്തു. അപകടം സംഭവിച്ച സ്ത്രീയെ ആശുപത്രിയിൽ പ്രവേശിപ്പിച്ചിരിക്കുകയാണ്. കൃത്യസമയത്ത് സഹായവുമായി എത്തിയ ഷാജിയെ നിരവധി പേരാണ് അഭിനന്ദിക്കുന്നത്.

വലിയ ഒരു ദുരന്തത്തിൽ നിന്നും ഇന്നലെ രാത്രി തലനാരിഴക്ക് രക്ഷപ്പെട്ടു, ഇപ്പോൾ ഫ്ലാറ്റിൽ വേദനയോടെ വിശ്രമത്തിലാണ്’; വിനോദ് കോവൂർ.

നടൻ, മിമിക്രി കലാകാരൻ, അവതാരകൻ, ഗായകൻ എന്നീ നിലകളിൽ ശ്രദ്ധ നേടിയ കലാകാരനാണ് വിനോദ് കോവൂർ. എം80 മൂസയിലെ മൂസ എന്ന കഥാപാത്രവും മറിമായം സീരിയലിലെ മൊയ്തു എന്ന കഥാപാത്രവും അദ്ദേഹത്തെ കേരളത്തിലെ കുടുംബപ്രേക്ഷകർക്കിടയിൽ ഏറെ ജനപ്രിയനാക്കി. അൻപതിലധികം സിനിമകളിലും നിരവധി ടെലിവിഷൻ പരിപാടികളിലും അദ്ദേഹം ഭാഗമായിട്ടുണ്ട്.

ഇപ്പോഴിതാ വലിയൊരു അപകടത്തിൽ നിന്ന് അത്ഭുതകരമായി രക്ഷപ്പെട്ട അനുഭവം പങ്കുവച്ചിരിക്കുകയാണ് അദ്ദേഹം. ഫ്ലാറ്റിലെ കോൺക്രീറ്റ് വാട്ടർ ടാങ്കിലേക്ക് വീണ് വാരിയെല്ലിന് ഗുരുതരമായ ചതവേറ്റതായി താരം സോഷ്യൽ മീഡിയ കുറിപ്പിലൂടെ അറിയിച്ചു.

വിനോദ് കോവൂരിന്റെ വാക്കുകൾ—”വലിയ ഒരു ദുരന്തത്തിൽ നിന്നും ഇന്നലെ രാത്രി തലനാരിഴക്ക് രക്ഷപ്പെട്ടു. മറിമായം ഷൂട്ട് കഴിഞ്ഞ് ഫ്ലാറ്റിൽ എത്തിയത് 10.30ന് വേസ്റ്റ് കളയാനായ് താഴത്തെ കാർ പാർക്കിംഗ് ഏരിയയിലേക്ക് പപ്പി സിയയുമായ് ഇറങ്ങിയതാ. വേസ്റ്റ് കളഞ്ഞ ബക്കറ്റ് പൈപ്പിൽ കഴുകാനായ് നടന്നപ്പോഴാണ് ഒട്ടും പ്രതീക്ഷിക്കാതെ കോൺഗ്രീറ്റ് വാട്ടർ ടാങ്കിലേക്ക് വീഴുന്നത്. സാധാരണ ടാങ്കിന്റെ മുകളിലൂടെ നടക്കാറുള്ളതാ.

പക്ഷെ ഇന്നലെ ടാങ്കിന്റെ ഇരുമ്പിന്റെ അടപ്പ് ശരിയായ് അടക്കാത്തത് കൊണ്ടാവാം മൂടി തുറന്ന് ഞാൻ താഴോട്ട് വീണത്.വീഴ്ച്ചയിൽ ടാങ്കിന്റെ വായു വട്ടത്തിന്റെ അരികിൽ പിടിക്കാൻ സാധിച്ചത് കൊണ്ട് ഞാൻ ആഴമുള്ള ടാങ്കിലേക്ക് തൂങ്ങിക്കിടന്നു. വീഴ്ച്ചയിൽ എന്റെ ശരീരം എവിടെയോ നന്നായ് അടിച്ചതിന്റെ വേദന നന്നായ് അനുഭപ്പെട്ടു. ടാങ്കിൽ നിന്നും പൊങ്ങി രക്ഷപ്പെടാൻ രണ്ട് തവണ ശ്രമിച്ചു പരാജയപ്പെട്ടു. ഉറക്കെ ശബ്ദം ഉണ്ടാക്കി ആരും കേട്ടില്ല. പപ്പി സിയ മോൾ ടാങ്കിന് ചുറ്റും പരിഭ്രാന്തിയോടെ ഓടി നടന്നു.

പിന്നീട് നടത്തിയ ശ്രമത്തിൽ ഞാൻ പുറത്തേക്ക് എത്തി.എഴുന്നേറ്റ് നടക്കാൻ തുടങ്ങിയപ്പോൾ ഇടുപ്പിന്റെ മുകളിലായ് വല്ലാത്ത വേദന അനുഭവപ്പെട്ടു. ശ്വാസം എടുക്കുമ്പോൾ വാരിയുടെ ഭാഗത്ത് നല്ല വേദന തോന്നി ഉറക്കെ ദേവൂനെ വിളിച്ചു. അവൾ വന്നു സെക്യൂരിറ്റി വന്ന് ഫ്ലാറ്റിലെ രാജേഷട്ടനും വന്നു ഉടനെ തൊട്ടടുത്തുള്ള നോർത്തിലെ സ്പെഷാലിറ്റി ഹോസ്പ്പിറ്റലിൽ എത്തിച്ചു വേദന കൊണ്ട് എനിക്ക് ഒന്നും പറയാൻ സാധിച്ചില്ല. ഒരു ഇൻഞ്ചക്ഷൻ തന്ന ശേഷം എക്സറേ എടുത്തു. എവിടേയും പൊട്ടൽ ഇല്ല എന്ന് ഡോക്ടർ പറഞ്ഞു അടിയേറ്റത് വാരിയെല്ലിനായിരുന്നു.

വാരിയെല്ലിൽ നല്ല ചതവുണ്ട് അതു കൊണ്ടാണ് ഇത്രയും വേദന എന്നും ഡോക്ടർ പറഞ്ഞു. മരുന്ന് തന്നു റസ്റ്റ് എടുക്കാൻ പറഞ്ഞു 48 മണിക്കൂർ കഴിഞ്ഞിട്ടും വേദന നില്ക്കുന്നി ല്ലെങ്കിൽ സി.ടി സ്കാൻ ചെയ്യാന്നും പറഞ്ഞ് 2 മണിയോടെ ഹോസ്പ്പിറ്റലിൽ നിന്നിറങ്ങി.പിസി ന്യൂസ്,അപ്പൊഴേക്കും ആത്മ മിത്രം അമലും അളിയൻ സന്ദീപും സഹായത്തിനെത്തി. തിരിച്ച് വീട്ടിൽ വന്ന ശേഷം അവർ ഞാൻ വീണ ടാങ്ക് പോയ് കണ്ടു. സത്യത്തിൽ ടാങ്കിൽ നിറയെ വെളളമുണ്ടായിരുന്നെങ്കിലും പിടിത്തം കിട്ടാതെ താഴെ വീണിരുന്നെങ്കിലും എനിക്ക് വലിയ അപായം സംഭവിക്കുമായിരുന്നു.

ഹോസ്പ്പിറ്റലിൽ നിന്ന് ഡോക്ടറും പറഞ്ഞു നട്ടെല്ലിനോ തലയ്ക്കോ പരിക്ക് ഏല്ക്കാതിരുന്നത് ഭാഗ്യമായെന്ന്. ഭാഗ്യം ആയുസ് നീട്ടി കിട്ടി.വാരിയെല്ലിന് പരിക്കേറ്റാൽ ശ്വാസകോശത്തെ അത് ബാധിക്കും. അതുകൊണ്ടാണ് ദീർഘശ്വാസം എടുക്കുമ്പോൾ പോലും വേദന അനുഭവപ്പെടുന്നത്. ഇപ്പോൾ ഫ്ലാറ്റിൽ വേദനയോടെ വിശ്രമത്തിലാണ്. മറിമായം ഷൂട്ട് തുടങ്ങിയതേയുള്ളു വീഴ്ച്ചയും പരിക്കും കാരണം ബാക്കി എപ്പിസോഡുകളുടെ ഭാഗമാക്കാൻ പറ്റി.”

വിദ്യാർഥികളുടെ ആധാറിലെ പിഴവ്; 25 വരെ തിരുത്താം.

0

തിരുവനന്തപുരം:പൊതുവിദ്യാലയങ്ങളിൽ ആറാം പ്രവൃത്തിദിനം നടന്ന വിദ്യാർഥികളുടെ കണക്കെടുപ്പിൽ പിഴവുകളുള്ള ആധാർ (യുഐഡി) നൽകിയവർക്ക് അത് പരിഹരിച്ച് സമർപ്പിക്കാൻ 25 വരെ സർക്കാർ സാവകാശം അനുവദിച്ചു. ആധാറിന് അപേക്ഷിച്ചിട്ടും ആറാം പ്രവൃത്തി ദിവസത്തിനകം കിട്ടാത്തവർക്ക് അത് സമർപ്പിക്കാൻ ജൂലൈ 14 വരെ അവസരമുണ്ടാകും.

ആധാറിന് അപേക്ഷിച്ച ഇഐഡി നമ്പർ നൽകിയവർക്കാവും ഈ സാവകാശം ലഭിക്കുക.പിഴവുകളില്ലാത്ത യുഐഡി സമർപ്പിച്ച വിദ്യാർഥികളുടെ എണ്ണം മാത്രമാകും ഇത്തവണയും തസ്തിക നിർണയത്തിനു പരിഗണിക്കുക. വിദ്യാഭ്യാസചട്ട പ്രകാരം ജൂലൈ 15ന് ആണ് തസ്തിക നിർണയം പൂർത്തിയാക്കേണ്ടത്.അതേസമയം, ആധാർ ഇല്ലാത്തതിന്റെ പേരിൽ ഒരു കുട്ടിക്കും യൂണിഫോം, സൗജന്യ പാഠപുസ്ത‌കം, ഉച്ചഭക്ഷണം തുടങ്ങിയ ഒരു ആനുകൂല്യങ്ങളും നിഷേധിക്കില്ലെന്നു സർക്കാർ നേരത്തേ വ്യക്തമാക്കിയിരുന്നു.

കൊലവിളിയുമായി അഞ്ചംഗ സംഘം; യുവതിയെ രക്ഷിച്ച് ബംഗാളി ട്രക്ക് ഡ്രൈവർ; സിനിമയെ വെല്ലുന്ന ചേസ്, മൂവാറ്റുപുഴയിൽ നടന്നത്…..

0

കൊച്ചി: സമയം രാത്രി 11.15. മൂവാറ്റുപുഴയിലെ ഈസ്റ്റ് മാറാടിയിലുള്ള ആയുർവേദ തിരുമ്മൽ ചികിത്സാ കേന്ദ്രം. ജീവനക്കാരിയായ യുവതി സ്ഥാപനം പൂട്ടി പുറത്തിറങ്ങുന്നു. നാട്ടിലേക്കുള്ള ബസ് പിടിക്കാൻ സ്റ്റാൻഡിലേക്കു വേഗം നടക്കുന്നതിനിടെ രണ്ടു ൈബക്കുകളിലായി അ‍ഞ്ചു പേർ വഴി തടഞ്ഞു. മദ്യലഹരിയിലായ യുവാക്കൾ യുവതിക്കു ചുറ്റും ബൈക്ക് ഓടിച്ച് കടന്നു പിടിക്കാൻ ശ്രമിച്ചപ്പോൾ ഭയന്നു നിലവിളിച്ചു കൊണ്ട് യുവതി തിരിഞ്ഞോടി. കരഞ്ഞുകൊണ്ട് ഓടിവന്ന യുവതിയെക്കണ്ട്, ആ വഴി വന്ന ബൈക്കുകാരൻ വണ്ടി നിർത്തുന്നു. യുവതി അപകടത്തിലാണെന്നു മനസിലാക്കി അവരെ കയറ്റി പോകാൻ ശ്രമിക്കുന്നതിനിടെ ബൈക്ക് നിന്നു പോയി. മദ്യപസംഘം അടുത്തെത്തുകയാണ്.

യുവതിയും ബൈക്ക് യാത്രക്കാരനും എന്തുചെയ്യണമെന്നറിയാതെ നിൽക്കുമ്പോൾ ഒരു ട്രക്ക് വരുന്നു. സഹായത്തിനായി യുവതി റോഡിനു നടുവിൽ കയറി ട്രക്ക് നിർത്തിക്കുന്നു. മലയാളമറിയാത്ത ബംഗാളിയായ ഡ്രൈവറോട് യുവതിയും രക്ഷിക്കാനെത്തിയ യുവാവും തങ്ങളുടെ അവസ്ഥ പറഞ്ഞു മനസ്സിലാക്കാൻ ശ്രമിക്കുന്നു. സംഭവ സ്ഥലവും ബൈക്കിലെ അക്രമികളെയും കണ്ടതോടെ അപകടമാണെന്ന് മനസ്സിലാക്കി ഇരുവരേയും ട്രക്കിൽ കയറ്റി ഡ്രൈവർ മുന്നോട്ടു കുതിക്കുന്നു.

പിന്നെ കണ്ടത് സിനിമകളിലെ അക്രമ രംഗങ്ങളെ കവച്ചു വയ്ക്കുന്ന കാഴ്ചയാണ്. അതിവേഗത്തിൽ പായുന്ന ട്രക്കിനു പിന്നാലെ ആക്രോശിച്ചും ആയുധങ്ങൾ കൊണ്ട് ലോറിയിൽ അടിച്ചും ബൈക്കിൽ പിന്തുടരുന്ന അഞ്ചംഗ സംഘം. 15 കിലോമീറ്റർ നീണ്ട അപകടപ്പാച്ചിലിനൊടുവിൽ പൊലീസ് സംഘത്തിന് മുന്നിലേക്ക്. അതോടെ അക്രമികൾ കടന്നു. പുലർച്ചെ വീടുകളിൽനിന്ന് അഞ്ചംഗ സംഘത്തെ കസ്റ്റഡിയിലെടുത്ത് പൊലീസ്. വധശ്രമവും സ്ത്രീയെ ആക്രമിച്ചതും അടക്കം ജാമ്യമില്ലാ വകുപ്പുകൾ ചാര്‍ത്തി അഞ്ചു പേരും റിമാൻഡിൽ. സംഭവം നടന്നത് തിങ്കൾ രാത്രി. സ്ഥലം മൂവാറ്റുപുഴ മുതൽ പിറവം വരെയുള്ള റോഡിൽ.


19–21 പ്രായപരിധിയിലുള്ള അഞ്ചു പേരാണ് അറസ്റ്റിലായത്. ഈസ്റ്റ് മാറാടി കരയിൽ പള്ളിക്കവല ഭാഗത്ത് തട്ടാർ കുന്നേൽ അജിത് (19), മീങ്കുന്നം ഭാഗത്ത് പാറത്താഴത്ത് വീട്ടിൽ അദ്വൈത് (20), പഞ്ചായത്തു പടി ഭാഗത്ത് ചാവാട്ട് വീട്ടിൽ ടോമി ഷാജി (19), ഹൈസ്‌കൂളിന് സമീപം ചാരപ്പുറത്ത് പുത്തൻപുരയിൽ വീട്ടിൽ അർജുൻ സനിൽ (20), മങ്ങമ്പ്ര ഭാഗത്ത് തെങ്ങനാൽ വീട്ടിൽ അശ്വിൻ രഘു (20) എന്നിവരെയാണ് മൂവാറ്റുപുഴ പൊലീസ് അറസ്റ്റ് ചെയ്തത്. ഈസ്റ്റ് മാറാടിയിലുള്ള ആയുർവേദ തിരുമ്മൽ ചികിത്സാ കേന്ദ്രത്തിൽ ജോലി ചെയ്യുന്ന പാലാ സ്വദേശിനിയൊണ് ഇവർ ആക്രമിക്കാൻ ശ്രമിച്ചത്. ഈ ചികിത്സാ കേന്ദ്രത്തിൽ വന്നു പോകുന്നവരെ പ്രദേശവാസികളായ അഞ്ചംഗ സംഘം കുറച്ചു ദിവസമായി നിരീക്ഷിക്കുന്നുണ്ടായിരുന്നു. തിങ്കൾ വൈകിട്ട് മദ്യപാനത്തിനു ശേഷം അഞ്ചു പേരും സ്ഥാപനത്തിനു സമീപം ബൈക്കുകളുമായി കാത്തു നിന്നു. നാലു മാസമായി ഇവിടെ ജോലി ചെയ്യുന്ന യുവതി സാധാരണ 9 മണി കഴിഞ്ഞുള്ള ബസിലാണ് വീട്ടിലേക്ക് പോകുക. വൈകുന്ന ദിവസങ്ങളിൽ മൂവാറ്റുപുഴ സ്റ്റാൻഡിൽ നിന്ന് 11.30നുള്ള ബസിൽ പോകും. അഞ്ചംഗ സംഘം ഇത് കുറച്ചു ദിവസമായി നിരീക്ഷിച്ചിരുന്നു എന്നാണ് പൊലീസ് പറയുന്നത്. തുടർന്നായിരുന്നു സ്ഥാപനം പൂട്ടി സ്റ്റാൻഡിലേക്ക് പോകുന്നതു വഴി യുവതിയെ ആക്രമിക്കാനുള്ള ശ്രമം.

പിന്തിരിഞ്ഞോടി വരുന്ന യുവതിയെ കണ്ടാണ് അതുവഴി വന്ന ആരക്കുഴ സ്വദേശി ബൈക്ക് നിർത്തിയത്. യുവതി അപകടത്തിലാണെന്ന് മനസ്സിലാക്കി യുവാവ് അവരെ ബൈക്കിൽ കയറ്റി പോകാൻ ശ്രമിക്കുന്നിതിനിടെ ബൈക്ക് നിന്നുപോയി. അഞ്ചംഗ സംഘം അടുത്തേക്ക് എത്തുന്നതു മനസിലാക്കി എന്തുചെയ്യണമെന്നറിയാതെ നിൽക്കുമ്പോഴാണ് ആ വഴി ട്രക്ക് വരുന്നത്. പിറവം രാമമംഗലത്തേക്കുള്ള ലോഡുമായി പോവുന്നതായിരുന്നു ട്രക്ക്. പറഞ്ഞത് മുഴുവൻ മനസ്സിലായില്ലെങ്കിലും ഇരുവരും അപകടത്തിലാണെന്ന് മനസിലാക്കി ബംഗാളിയായ ഡ്രൈവർ ഇരുവരേയും കയറ്റി വേഗത്തിൽ വണ്ടി മുന്നോട്ടെടുത്തു. എന്നാൽ അഞ്ചംഗ സംഘം വിടാൻ ഭാവമില്ലായിരുന്നു. ഹെൽമെറ്റ് പോലും ധരിക്കാത്ത അഞ്ചു പേരും ലോറിയെ പിന്തുടരാനാരംഭിച്ചു. പലപ്പോഴും ലോറി തടയാനും കയ്യിലെ ഇരുമ്പുവടികൊണ്ട് ആക്രമിക്കാനും ശ്രമമുണ്ടായി. ഇതിനിടെ, പിന്നാലെയെത്തിയ കാറിലുണ്ടായിരുന്നവർ പാഞ്ഞു പോകുന്ന ലോറി ആക്രമിക്കാനും തടയാനും ശ്രമിക്കുന്നതും കണ്ട് കാര്യങ്ങൾ പന്തിയല്ലെന്ന് മനസ്സിലാക്കി ഈ ദൃശ്യങ്ങൾ പകർത്തി. യുവതി ഇതിനിടെ പൊലീസിനെ വിളിക്കാന്‍ ശ്രമമാരംഭിച്ചു. ഗൂഗിളിൽ മൂവാറ്റുപുഴ പൊലീസിന്റെ നമ്പർ കണ്ടെത്തി വിളിച്ച് തങ്ങൾ അകപ്പെട്ടിരിക്കുന്ന അപകടം വ്യക്തമാക്കി. ഇതോടെ മൂവാറ്റുപുഴ പൊലീസ് വിവരം സമീപ സ്റ്റേഷനുകളിലേക്കും നൽകി.

രാമമംഗലം മേഖലയിൽ പട്രോളിങ്ങിലായിരുന്ന പിറവം പൊലീസും ഇതോെട സജ്ജരായി. വേഗത്തിൽ പാഞ്ഞുവരുന്ന ട്രക്ക് പൊലീസ് സംഘം തടഞ്ഞു. ട്രക്ക് നിർത്തിയതോടെ പിന്നാലെയുണ്ടായിരുന്ന അഞ്ചംഗ സംഘം പിന്തിരിഞ്ഞു. യുവതിയിൽനിന്ന് വിവരങ്ങൾ മനസ്സിലാക്കിയ പിറവം പൊലീസ് മൂവാറ്റുപുഴ പൊലീസിന് വിവരം കൈമാറി. പിന്നാലെ കാറിൽ വന്നവരും തങ്ങൾ പകർത്തിയ ദൃശ്യങ്ങൾ പൊലീസിനെ ഏൽപ്പിച്ചു. ഈ ദൃശ്യങ്ങളിൽ നിന്ന് ഒരു ബൈക്കിന്റെ നമ്പർ പൊലീസിന് ലഭിച്ചു. പിന്നീടെല്ലാം വേഗത്തിലായിരുന്നു. മൂവാറ്റുപുഴ എസ്എച്ച്ഒ അനിൽ ജോര്‍‍ജിന്റെ നേതൃത്വത്തിൽ ഈസ്റ്റ് മാറാടിയിലെ അഞ്ചു പേരുടെയും വീടുകളിൽ വെളുപ്പിനെ പൊലീസ് എത്തി. അഞ്ചു പേരെയും റിമാൻഡ് ചെയ്തതായി എസ്എച്ച്ഒ വ്യക്തമാക്കി. വധശ്രമം, ഭീഷണിപ്പെടുത്തൽ പിന്തുടർന്ന് ആക്രമിക്കൽ അടക്കമുള്ള വകുപ്പുകളാണ് ഇവർക്കു മേൽ ചുമത്തിയിരിക്കുന്നത്. ആ ട്രക്കില്‍ കയറി രക്ഷപ്പെട്ടില്ലായിരുന്നുവെങ്കിൽ യുവതിയുടെ ജീവൻ തന്നെ അഞ്ചംഗ സംഘം അപകടത്തിലാക്കുമായിരുന്നുവെന്ന് പൊലീസ് വൃത്തങ്ങൾ പറഞ്ഞു.
തുടർന്നുള്ള വാർത്തകൾക്ക് 👇 https://chat.whatsapp.com/DIiwmhaO4Kt1tueRcFRrI1?s=cl&p=a&mlu=2
💍ജീവിത പങ്കാളിയെ അന്വേഷിക്കുന്നുണ്ടോ?
ഉടൻ ജോയിൻ ചെയ്യൂ 👇
https://chat.whatsapp.com/H4IxXD1iCjkKz5HKhMoNMy
📣 ജോലി അന്വേഷിക്കുന്നുണ്ടോ?
🌍 ഗൾഫ് | 🏛 PSC | 📍 ലോക്കൽ
📲 ഇപ്പോൾ തന്നെ ജോയിൻ ചെയ്യൂ 👇
🔗 https://chat.whatsapp.com/JYvxcTmttbPJmVA9VkEewI
»»«-©𝐊𝐎𝐙𝐇𝐈𝐊𝐎𝐃𝐄 𝐋𝐈🔻𝐄-»«
☆☆☆ 𝖘𝖎𝖓𝖈𝖊 2020☆☆☆
📢 𝐚𝐝𝐯𝐞𝐫𝐭𝐢𝐬𝐞 𝐢𝐧 𝐲𝐨𝐮𝐫 𝐚𝐫𝐢𝐚
കോഴിക്കോട് ടൗൺ, നടക്കാവ്, കല്ലായി, മീഞ്ചന്ത, മാങ്കാവ്, പന്തീരാങ്കാവ്, പെരുമണ്ണ, കടലുണ്ടി, ഫറോക്ക്, രാമനാട്ടുകര, ബേപ്പൂർ, വള്ളിക്കുന്ന്, ചേലേമ്പ്ര, പരപ്പനങ്ങാടി, കൊണ്ടോട്ടി, യൂണിവേഴ്സിറ്റി പ്രദേശങ്ങളിലെ '💯+' വാട്സാപ്പ് ഗ്രൂപ്പുകളിൽ 50,000ത്തോളം ആളുകളിലേക്ക് KADALUNDI LIVE/FEROKE LIVE/KOZHIKODE LIVE/KONDOTY LIVE/KERALA LIVE'ലൂടെ ഡിജിറ്റല്‍ പ്രൊമോഷൻ നൽകാൻ ബന്ധപ്പെടുക‘
⏩wa.me/919947875598?text=ads
°°°° °°°° °°°° °°°° °°°° °°°°
ഫറോക്ക് ന്യൂസ് അറിയാം ⬇️
https://chat.whatsapp.com/KD6p7GS5t6vJini5Nf7g2N?mode=ems_copy_t
രാമനാട്ടുകര ഭാഗങ്ങളിലെ ന്യൂസ് അറിയാം
https://chat.whatsapp.com/LSaEEDO1VCH8Iov04IrxJj?mode=ems_copy_t
കടലുണ്ടി ഭാഗങ്ങളിലെ ന്യൂസ് അറിയാം
https://chat.whatsapp.com/E1HCM8BP77m8IEP4xMAuwN?mode=gi_t
കൊണ്ടോട്ടി പ്രദേശങ്ങളിലെ ന്യൂസ് അറിയാം
https://chat.whatsapp.com/HxPo2L2KygY5hf55dhXUdp
ബേപ്പൂർ ഭാഗങ്ങളിലെ ന്യൂസ് അറിയാം
https://chat.whatsapp.com/Es2tQcFJLxV4UwqUspfRyn?mode=ac_t
🌐 www.kozhikodelive.com
📘 fb.com/kozhikodelive
📸 instagram.com/kozhikodeliveofficial
▶️ youtube.com/@kozhikodelive
━━━━━━━━━━━━━━━━━━

കോഴിക്കോട് വീണ്ടും മലേറിയ; രോഗം സ്ഥിരീകരിച്ചത് അതിഥി തൊഴിലാളിക്ക്.

0

കോഴിക്കോട്: ജില്ലയില്‍ വീണ്ടും മലേറിയ സ്ഥിരീകരിച്ചു. വളയത്ത് അതിഥി തൊഴിലാളിക്കാണ് മലേറിയ സ്ഥിതീകരിച്ചത്. വളയം ടൗണ്‍ ഉള്‍പ്പെടുന്ന വാര്‍ഡ് 14 ലാണ് യുപി സ്വദേശിക്ക് രോഗബാധ കണ്ടെത്തിയത്. കഴിഞ്ഞ ദിവസമാണ് ഇയാള്‍ നാട്ടില്‍ നിന്ന് വളയത്ത് എത്തിയത്. ശക്തമായ പനിയെ തുടര്‍ന്ന് വളയം ആശുപത്രിയില്‍ ചികില്‍സ തേടുകയായിരുന്നു. തുടര്‍ന്ന് നടത്തിയ പരിശോധനയിലാണ് മലേറിയ സ്ഥിരീകരിച്ചത്. കോഴിക്കോട് ജില്ലയില്‍ നേരത്തെ അതിഥി തൊഴിലാളി ഉള്‍പ്പടെയുള്ളവര്‍ക്ക് മലേറിയ സ്ഥിരീകരിച്ചിരുന്നു.

എന്താണ് മലേറിയ?

മനുഷ്യരിലും മൃഗങ്ങളിലും കൊതുക് പരത്തുന്ന ഒരു സാംക്രമിക രോഗമാണ് മലമ്പനി അഥവാ മലേറിയ(Malaria). ചതുപ്പ് പനി(Marsh Fever) എന്നും ഈ രോഗം അറിയപ്പെട്ടിരുന്നു. ഏകകോശ ജീവികള്‍ ഉള്‍ക്കൊള്ളുന്ന ഫൈലം പ്രോട്ടോസോവ വിഭാഗത്തില്‍, പ്ലാസ്‌മോഡിയം ജനുസ്സില്‍ പെട്ട പരാദങ്ങളാണ് ഈ രോഗമുണ്ടാക്കുന്നത്.മനുഷ്യനിലേക്ക് രോഗം പകരുന്നത് അനോഫിലിസ് ഇനത്തില്‍പെട്ട പെണ്‍കൊതുകിലൂടെയാണ്. പ്ലാസ്‌മോഡിയം ശരീരത്തില്‍ പ്രവേശിച്ചാല്‍ 48 മുതല്‍ 72 മണിക്കൂറുകള്‍ക്കുള്ളില്‍ സാധാരണഗതിയില്‍ രോഗലക്ഷണങ്ങള്‍ പ്രത്യക്ഷപ്പെടുന്നു. രക്തത്തിലൂടെ പരാദങ്ങള്‍ കരളിന്റെ കോശങ്ങളില്‍ പ്രവേശിച്ച് പെരുകുന്നു. തുടര്‍ന്ന് കരളിന്റെ കോശങ്ങള്‍ നശിക്കുമ്പോള്‍ അത് പരാദങ്ങളെ പുറത്തുവിടുന്നു. അടുത്തഘട്ടത്തില്‍ ഇവ ശരീരത്തിലെ ചുവന്ന രക്താണുക്കളെ ആക്രമിച്ച് അവിടെയും പെരുകുന്നു. ഇങ്ങനെ പെരുകുന്ന പരാദങ്ങള്‍ ചുവന്ന രക്താണുക്കളെ നശിപ്പിക്കുന്നതോടെ ശരീരത്തില്‍ രോഗലക്ഷണങ്ങള്‍ പ്രത്യക്ഷപ്പെട്ട് തുടങ്ങും.

രോഗലക്ഷണങ്ങള്‍

മലേറിയയുടെ ആദ്യ ലക്ഷണങ്ങള്‍ മറ്റു പകര്‍ച്ചപ്പനികളോട് സാമ്യമുള്ളവയാണ് എന്നതുകൊണ്ട് രോഗനിര്‍ണയവും ചികിത്സയും വൈകാം. വൈറല്‍ പനി, ഡെങ്കിപ്പനി, ഫ്‌ളൂ എന്നിവയ്ക്ക് ഉണ്ടാകുന്നതുപോലെ ശക്തമായ പനിയും തലവേദനയും ശരീരവേദനയും ആണ് ആദ്യലക്ഷണങ്ങള്‍. അതുപോലെതന്നെ മലേറിയയുടെ രോഗാണുക്കളില്‍ പ്ലാസ്‌മോഡിയം മലേറിയ, പ്ലാസ്‌മോഡിയം ഫാല്‍സിപാറം എന്നിവയില്‍ ഏതു മൂലമാണ് പനി ഉണ്ടാവുന്നത് എന്നതനുസരിച്ച് ലക്ഷണങ്ങളില്‍ മാറ്റങ്ങളും കണ്ടുവരുന്നുണ്ട്.പനിയാണ് പ്രധാന ലക്ഷണം, ശക്തമായ പനി, വിറയലോടു കൂടിയ പനി എന്നിങ്ങനെ പനി രണ്ടു വിധത്തിലുണ്ടാവാം. പനി ഒന്നിടവിട്ട ദിവസം മാത്രം ഉണ്ടാകുന്നു. ഇത് മലമ്പനി(മലേറിയ)യുടെ ഒരു പ്രത്യേക ലക്ഷണമാണ്. സാധാരണ മലേറിയയുടെ (പ്ലാസ്‌മോഡിയം വൈവാക്‌സ് മൂലമുണ്ടാവുന്നത്) പ്രധാന ലക്ഷണമാണിത്. അതോടൊപ്പം രോഗിക്ക് വിറയലും നല്ല തണുപ്പും ഉണ്ടാവുകയോ, രോഗിയുടെ ശരീരത്തില്‍ പൊള്ളുന്ന പനിയും ഒപ്പം തലവേദനയും അനുഭവപ്പെടുകയോ, അമിതമായി വിയര്‍ക്കുകയും ഒപ്പം തളരുകയും ചെയ്യുകയും ചെയ്യുന്നു. ഇതു കൂടാതെ മറ്റു ലക്ഷണങ്ങളായ ശരീരവേദന, തലവേദന, സന്ധിവേദന, ഛര്‍ദ്ദി, ഓക്കാനം, വിളര്‍ച്ച (അനീമിയ) എന്നിവയും കാണപ്പെടാറുണ്ട്.

പ്രതിരോധം

കൊതുകുകള്‍ വളരുന്ന സാഹചര്യം ഒഴിവാക്കുകയാണ് ഇത്തരം അസുഖങ്ങള്‍ വരാതിരിക്കാന്‍ ആദ്യം ചെയ്യേണ്ടത്. വീടും പരിസരങ്ങളും വൃത്തിയായി സൂക്ഷിക്കുക, കൊതുകിന്റെ വാസസ്ഥലങ്ങള്‍ നശിപ്പിക്കുക, പാത്രങ്ങളിലും കുപ്പികളിലും മറ്റും വെള്ളം കെട്ടികിടക്കാന്‍ അനുവദിക്കാതിരിക്കുക, കിണറും വാട്ടര്‍ ടാങ്കുകളും വല കൊണ്ട് മൂടുക, കൊതുകിന്റെ മുട്ട വിരിഞ്ഞുണ്ടാവുന്ന കൂത്താടികളെ കൂട്ടത്തോടെ നശിപ്പിക്കുവാന്‍ കീടനാശിനികളോ മണ്ണെണ്ണയോ മോസ്‌ക്വിറ്റോ ലാര്‍വിസിഡന്‍ ഓയിലോ ജലോപരിതലത്തില്‍ ഒഴിക്കുക.തുടങ്ങിയവ ചെയ്യുന്നതോടൊപ്പംരോഗി രോഗം ഭേദമാകുന്നതു വരെ കൊതുകു വലയ്ക്കുള്ളില്‍തന്നെ കിടക്കാനും ശ്രദ്ധിക്കണം. നമുക്കിടയില്‍ താമസിക്കുന്നവര്‍ക്ക് രോഗം സ്ഥിരീകരിച്ചാല്‍ രോഗമില്ലാത്തവരും കൂടെ ഉള്ളവര്‍ക്ക് രോഗമുള്ള കാലയളവില്‍ കൊതുകു വല ഉപയോഗിക്കണം. കൂടാതെ ശരീരം മുഴുവന്‍ മൂടുന്ന തരത്തിലുള്ള വസ്ത്രങ്ങള്‍ ഉപയോഗിക്കുക. വീടിനുള്ളില്‍ കൊതുക് കടക്കാതിരിക്കാന്‍ വലകള്‍ തറയ്ക്കുക. കൊതുകുതിരികള്‍, വൈദ്യുതിയില്‍ പ്രവര്‍ത്തിക്കുന്ന റിപ്പല്ലര്‍, ബാറ്റ് എന്നിവ ഉപയോഗിക്കുന്നതും രോഗപ്രധിരോധത്തിന് നല്ലതാണ്.

ചേലക്കരയിൽ വയോധികയുടെ കഴുത്തിൽ നിന്നും സ്വർണ്ണ മാല പൊട്ടിച്ചു; കവർന്നത് രണ്ടര പവനോളം തൂക്കം വരുന്ന മാല.

0

ചേലക്കര:ചേലക്കര പഴയന്നൂരിൽ വയോധികയുടെ കഴുത്തിൽ നിന്നും സ്വർണ്ണ മാല പൊട്ടിച്ച് ഓടി. പഴയന്നൂർ കോൽപുറത്ത് 78 വയസ്സുള്ള വത്സലയുടെ രണ്ടര പവനോളം തൂക്കം വരുന്ന മാലയാണ് മോഷ്ടാവ് കവർന്നത്. ഇന്ന് രാവിലെ 5.15 ഓടെയാണ് സംഭവം.കുന്നത്തറ ഷാഡോ തീയേറ്ററിന് മുൻവശം ചായക്കട നടത്തുകയാണ് വത്സല.

കട തുറക്കാൻ വന്ന വത്സലക്കടുത്തേക്ക് മോഷ്ടാവ് വരികയും, ചായ ആയില്ലേ എന്ന് ചോദിക്കുകയും ഇല്ല എന്ന് വത്സല മറുപടി നൽകുകയും ചെയ്തു, തുടർന്നായിരുന്നു ആക്രമണം.ഉടൻ തന്നെ മോഷ്ടാവ് വത്സലയെ തള്ളിയിടുകയും, കഴുത്തിലുണ്ടായിരുന്ന മാല പൊട്ടിച്ച് ഓടുകയുമായിരുന്നു.

മാലയുടെ ഒരു കഷ്ണം വയോധികയുടെ കയ്യിൽ അകപ്പെട്ടു. മോഷ്ടാവിന്റെ ചെരുപ്പ് കടക്ക് മുൻവശത്ത് നിന്നും കണ്ടെത്തിയിട്ടുണ്ട്. പഴയന്നൂർ പോലീസ് സ്ഥലത്തെത്തി മേൽനടപടികൾ സ്വീകരിച്ചു

നെടുമങ്ങാട്ടെ ഒന്നര വയസുകാരന്‍റെ കൊലപാതകം; ഹൈക്കോടതി സ്വമേധയാ കേസെടുത്തു.

0

തിരുവനന്തപുരം:തിരുവനന്തപുരം നെടുമങ്ങാട് ഒന്നര വയസ്സുകാരനെ കൊലപ്പെടുത്തിയതിൽ ഹൈക്കോടതി സ്വമേധയാ കേസെടുത്തു. ചീഫ് ജസ്റ്റിസിന്‍റെ ബെഞ്ച് കേസ് പരിഗണിക്കും. പൊലീസ് മേധാവിക്കും വനിതാ ശിശുവികസന വകുപ്പിനും കോടതി നോട്ടീസ് അയച്ചു. മെയ് 26നായിരുന്നു കൊലപാതകം. കരിക്കുഴിയിൽ വാടകയ്ക്ക് താമസിക്കുന്ന അഖിലയുടെ മകൻ അർഷിദ് ആണ് രണ്ടാനച്ഛന്‍റെ ക്രൂരമർദനമേറ്റ് കൊല്ലപ്പെട്ടത്.

ഇയാൾ, സ്ഥിരമായി കുട്ടിയെ മർദിക്കാറുണ്ടെന്നും അമ്മ കുഞ്ഞിനെ നോക്കാറില്ലെന്നും ബന്ധുക്കൾ പൊലീസിനെ അറിയിക്കുകയും ചെയ്തിരുന്നു. കൊലപാതകത്തിൽ ഒന്നാം പ്രതിയായ അഷ്കറിന്മേൽ എസ് സി/ എസ്ടി വകുപ്പുകളും ചുമത്തിയിരുന്നു.കുട്ടിയുടെ ശരീരത്തിൽ ആകെ 91 മുറിവുകൾ ഉണ്ടായിരുന്നതായും ഏഴ് വാരിയെല്ലുകൾ തകർന്നതായും ഡോക്ടർമാർ പരിശോധനയിൽ കണ്ടെത്തി.

തലയിലേറ്റ ക്ഷതത്തെ തുടർന്നുള്ള നീർക്കെട്ടും ആന്തരിക രക്തസ്രാവവുമാണ് കുഞ്ഞിന്‍റെ മരണകാരണം. തങ്ങൾക്ക് ഒന്നിച്ച് ജീവിക്കാൻ ഒന്നര വയസുകാരൻ തടസമായിരുന്നതിനാലാണ് ക്രൂരമായി മർദിച്ചതെന്ന് അമ്മയുടെ പങ്കാളിയായ അഷ്കർ പൊലീസിന് മൊഴി നൽകുകയും ചെയ്തിരുന്നു. കുട്ടി പടിയിൽ നിന്ന് വീണതെന്നാണെന്നായിരുന്നു ആദ്യം പൊലീസിനോട് ഇവർ പറഞ്ഞിരുന്നതെങ്കിലും ദുരൂഹതയുണ്ടെന്ന സംശയത്തിന്മേൽ പൊലീസ് നടത്തിയ തുടരന്വേഷണത്തിലാണ് ഞെട്ടിക്കുന്ന വെളിപ്പെടുത്തലുകൾ പുറത്തുവന്നത്.

അതേസമയം കുഞ്ഞിന്റെ കയ്യൊടിഞ്ഞ വിവരം അറിയിച്ചിട്ടും പരിശോധനയോ, തുടർനടപടികളോ സ്വീകരിക്കാത്ത താത്കാലിക ജീവനക്കാരനെ പുറത്താക്കാൻ മന്ത്രി ബിന്ദു കൃഷ്ണ ശിശു വികസന വകുപ്പ് ഡയറക്ടറോട് നിര്‍ദേശിച്ചിരുന്നു.

വാഴക്കുല വെട്ടുന്നതിനിടെ വയോധികന് പാമ്പുകടിയേറ്റു*

താമരശ്ശേരി :* വീടിന് സമീപത്തുള്ള വാഴത്തോട്ടത്തിൽ വാഴക്കുല വെട്ടുന്നതിനിടെചമൽ വട്ടപൊയിൽ സ്വദേശിക്ക് പാമ്പുകടിയേറ്റു. വട്ടപൊയിൽ ശിവൻ (62) ആണ് പാമ്പുകടിയേറ്റ് ചികിത്സയിലുള്ളത്. ഇന്ന് രാവിലെയായിരുന്നു സംഭവം. വാഴയിൽ ഒളിച്ചിരുന്ന പാമ്പ് കൈയിൽ കടിക്കുകയായിരുന്നു. അപകടം നടന്ന ഉടൻ തന്നെ, കടിച്ച പാമ്പിനെ സുരക്ഷിതമായി കവറിലാക്കിയ ശേഷം ബന്ധുക്കൾ അദ്ദേഹത്തെ താമരശ്ശേരി താലൂക്ക് ആശുപത്രിയിൽ എത്തിച്ചു.

ആശുപത്രിയിൽ നിന്ന് പ്രാഥമിക ചികിത്സ ലഭ്യമാക്കിയ ശേഷം, വിദഗ്ധ ചികിത്സ ഉറപ്പാക്കുന്നതിനായി 108 ആംബുലൻസിൽ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. കടിച്ച പാമ്പ് വിഷമുള്ള ഇനത്തിൽപ്പെട്ടതാണെന്ന് സ്ഥിരീകരിച്ചിട്ടുണ്ട്.

കേരളത്തിലെ പകർച്ചവ്യാധി വ്യാപനം; ആരോഗ്യ മന്ത്രിയുടെ നേതൃത്വത്തിൽ ഇന്ന് അവലോകന യോഗം.

തിരുവനന്തപുരം: കേരളത്തിൽ പകർച്ചവ്യാധികൾ വ്യാപിക്കുന്ന സാഹചര്യത്തിൽ ആരോഗ്യമന്ത്രി കെ മുരളീധരന്റെ നേതൃത്വത്തിൽ ഇന്ന് അവലോകന യോഗം ചേരും. യോഗത്തിൽ ജില്ലാ കളക്ടർമാരും മെഡിക്കൽ ഓഫീസർമാരും പങ്കെടുക്കും. ഓൺലൈൻ ആയാണ് യോഗം ചേരുന്നത്. പകർച്ചവ്യാധി വ്യാപനവുമായി ബന്ധപ്പെട്ട കാര്യങ്ങളും പ്രതിരോധ മാർഗങ്ങളുമാണ് യോഗത്തിൽ ചർച്ച ചെയ്യുക.

ഷിഗല്ല ബാധിച്ച ആളുകളുടെ എന്നാണ് കൂടുന്നത് വലിയ ആശങ്കയ്ക്ക് ഇടയാക്കുന്നുണ്ട്. രോഗ നിയന്ത്രണത്തിനും പ്രതിരോധത്തിനും ജില്ലാതലത്തിൽഎന്തൊക്കെ നടപടികൾ സ്വീകരിച്ചു എന്നതിനെക്കുറിച്ചും യോഗം ചർച്ച ചെയ്യും.അതേസമയം, സംസ്ഥാനത്ത് പകർച്ചപ്പനി വ്യാപനവുമായി ബന്ധപ്പെട്ട് യാഥാർഥ്യങ്ങൾ മറച്ചുവെക്കുന്നില്ലെന്ന് ആരോഗ്യമന്ത്രി കെ. മുരളീധരൻ ഇന്നലെ പറഞ്ഞിരുന്നു. രോഗബാധ സംബന്ധിച്ച കണക്കുകളും സാഹചര്യങ്ങളും പൊതുജനങ്ങൾക്ക് സുതാര്യമായി അറിയിക്കുന്നതിലാണ് സർക്കാർ ശ്രദ്ധ കേന്ദ്രീകരിക്കുന്നതെന്നും അദ്ദേഹം പറഞ്ഞു.

പകർച്ചവ്യാധി പ്രതിരോധ പ്രവർത്തനങ്ങൾ കൂടുതൽ കാര്യക്ഷമമാക്കുന്നതിനായി രൂപീകരിച്ച ഹൈപവർ കമ്മിറ്റിയുടെ പ്രവർത്തനങ്ങൾ ഉടൻ ശക്തിപ്പെടുത്തുമെന്നും മന്ത്രി അറിയിച്ചിരുന്നു.സംസ്ഥാനത്ത് മഴക്കാലം ശക്തമായ സാഹചര്യത്തിൽ ഡെങ്കിപ്പനി, എലിപ്പനി, വൈറൽ പനി തുടങ്ങിയ രോഗങ്ങൾക്കെതിരെ മുൻകരുതൽ നടപടികൾ ശക്തമാക്കിയിട്ടുണ്ടെന്നും മന്ത്രി അറിയിച്ചു. വിവിധ വകുപ്പുകളെ ഏകോപിപ്പിച്ച് പ്രവർത്തനങ്ങൾ നടപ്പാക്കുന്നതിനായി ഹൈപവർ കമ്മിറ്റി പ്രത്യേക പ്രവർത്തന കലണ്ടർ തയ്യാറാക്കും.

തദ്ദേശ സ്ഥാപനങ്ങൾ, ആരോഗ്യ വകുപ്പ്, വിദ്യാഭ്യാസ വകുപ്പ് തുടങ്ങിയവയുടെ സഹകരണത്തോടെ ബോധവത്കരണവും പ്രതിരോധ പ്രവർത്തനങ്ങളും വിപുലീകരിക്കുമെന്നും മന്ത്രി വ്യക്തമാക്കി.ആശുപത്രികളിൽ ആവശ്യമായ മരുന്നുകളുടെ ലഭ്യതയും സംഭരണവും ഉറപ്പാക്കാൻ ഹൈപവർ കമ്മിറ്റിക്ക് പ്രത്യേക നിർദേശം നൽകിയിട്ടുണ്ടെന്നും മന്ത്രി പറഞ്ഞു.

സർക്കാർ ആശുപത്രികളിൽ ചികിത്സാ സൗകര്യങ്ങൾ ശക്തിപ്പെടുത്തുന്നതിനും രോഗബാധ കൂടുതലുള്ള മേഖലകളിൽ പ്രത്യേക നിരീക്ഷണം ഏർപ്പെടുത്തുന്നതിനും നടപടികൾ സ്വീകരിച്ചുവരികയാണെന്നും അദ്ദേഹം കൂട്ടിച്ചേർത്തു. ജനങ്ങൾ ജാഗ്രത പാലിക്കുകയും രോഗലക്ഷണങ്ങൾ കണ്ടാൽ ഉടൻ ചികിത്സ തേടുകയും വേണമെന്നും മന്ത്രി അഭ്യർഥിച്ചു.

ഡ്രൈവിംഗ് ടെസ്റ്റിൽ നിർണായക മാറ്റം; എച്ച് ടെസ്റ്റിൽ പുതിയ ഇളവുമായി എംവിഡി.

തിരുവനന്തപുരം:* ഡ്രൈവിങ് ടെസ്റ്റില്‍ മാറ്റം വരുത്തി മോട്ടോർ വാഹന വകുപ്പ്. ഇനിമുതല്‍ എല്‍എംവി ടെസ്റ്റില്‍ എച്ച്‌ എടുക്കുമ്പോള്‍ ഇനി മുതല്‍ പിൻക്യാമറയില്‍ നോക്കാം.മുമ്പ് കണ്ണാടിയില്‍ മാത്രം നോക്കാനായിരുന്നു അനുമതി. കേന്ദ്ര മോട്ടോർ വെഹിക്കിള്‍ നിയമത്തിലുള്ള മാറ്റമാണ് കേരളത്തിലും നടപ്പാക്കുന്നത്.മുമ്പ് കണ്ണാടിയില്‍ നോക്കി മാത്രമേ ടെസ്റ്റ് പാടുള്ളു. റിയർവ്യു ക്യാമറകളുമായാണ് പല പുതിയ വാഹനങ്ങളും ഇറങ്ങുന്നത്. ഈ സാഹചര്യത്തിലാണ് നിയമത്തില്‍ മാറ്റം.

എന്നാല്‍, ചില നിബന്ധനകളുമുണ്ട്. പൂർണമായി ക്യാമറ നോക്കി ടെസ്റ്റ് എടുക്കാൻ പാടില്ല.സാധാരണയായി ഡ്രൈവിംഗ് ടെസ്റ്റിൽ വാഹനം പിന്നോട്ടെടുക്കുമ്പോൾ വാഹനത്തിന്റെ വശങ്ങളിലെയും ഉൾഭാഗത്തെയും റിയർവ്യൂ മിററുകൾ മാത്രമെ ഉപയോഗിക്കാൻ അനുവദിച്ചിരുന്നുല്ലു. റിയർവ്യു ക്യാമറ ഉപയോഗിക്കുന്നത് വിലക്കിയിരുന്നു.

എന്നാൽ, ആധുനിക വാഹനങ്ങളിൽ സുരക്ഷാസംവിധാനങ്ങളുടെ ഭാഗമായി റിവേഴ്സ് ക്യാമറകളും പാർക്കിംഗ് സെൻസറുകളും വ്യാപകമായി ഉപയോഗിക്കപ്പെടുന്ന സാഹചര്യത്തിലാണ് പുതിയ തീരുമാനം. വാഹനസാങ്കേതിക വിദ്യയിൽ അനുദിനം മാറ്റങ്ങൾ സംഭവിക്കുന്നത് പരിഗണിച്ച് ഡ്രൈവിംഗ് ടെസ്റ്റുകളും കാലാനുസൃതമായി പരിഷ്കരിക്കണമെന്ന ആവശ്യം ഏറെക്കാലമായി ഉയർന്നിരുന്നു. ഈ പശ്ചാത്തലത്തിലാണ് പുതിയ ഇളവ് അനുവദിച്ചിരിക്കുന്നതെന്നാണ് റിപ്പോർട്ട്