spot_img
Saturday, November 21, 2026
Home Blog Page 187

വിവാഹിതനെന്ന് മറച്ചുവെച്ച ബന്ധത്തില്‍ യുവാവിനെ തേടി കേരളത്തിലെത്തിയ ശ്രീലങ്കൻ സ്വദേശിനി ജീവനൊടുക്കാൻ ശ്രമിച്ചു.

0

തിരുവനന്തപുരം: താൻ വിവാഹിതനാണെന്ന വിവരം മറച്ചുവെച്ച്‌ പ്രണയം നടിച്ച്‌ വഞ്ചിച്ച മലയാളിയായ കാമുകനെ തേടി കേരളത്തിലെത്തിയ വിദേശ വനിത ജീവനൊടുക്കാൻ ശ്രമിച്ചു.ശ്രീലങ്കൻ സ്വദേശിനിയായ യുവതിയാണ് തിരുവനന്തപുരത്ത് വെച്ച്‌ അമ്പതിലധികം പാരസെറ്റമോള്‍ ഗുളികകള്‍ കഴിച്ച്‌ ജീവനൊടുക്കാൻ ശ്രമിച്ചത്. ഇവരെ ഗുരുതരാവസ്ഥയില്‍ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.തിരുവനന്തപുരം കഠിനംകുളം സ്വദേശിയായ നജീം എന്ന യുവാവിനെ അന്വേഷിച്ചാണ് യുവതി കഴിഞ്ഞദിവസം തിരുവനന്തപുരത്ത് എത്തിയത്.

എന്നാല്‍ നജീമോ അയാളുടെ കുടുംബാംഗങ്ങളോ യുവതിയെ കാണാൻ കൂട്ടാക്കിയില്ല. ഇതേത്തുടർന്നുണ്ടായ മാനസിക വിഷമത്തിലാണ് യുവതി ജീവനൊടുക്കാൻ ശ്രമിച്ചതെന്നാണ് വിവരം.അബുദാബിയിലെ ഒരു മാളില്‍ ഒരുമിച്ച്‌ ജോലി ചെയ്യുന്നതിനിടയിലാണ് നജീമും ശ്രീലങ്കൻ സ്വദേശിനിയും പ്രണയത്തിലാകുന്നത്. യുവതി ഗർഭിണിയായതോടെ മൂന്ന് മക്കളുടെ പിതാവും വിവാഹിതനുമായ നജീം വിവരം പുറത്തറിയാതിരിക്കാൻ നാട്ടിലേക്ക് കടന്നുകളയുകയായിരുന്നു.

നജീമിനെ തേടി കഴിഞ്ഞ ഏപ്രില്‍ മാസത്തിലാണ് യുവതി ആദ്യമായി കേരളത്തില്‍ എത്തുന്നത്. അന്ന് നജീം ഇവരെ പോത്തൻകോട്ടെ ഒരു വാടകവീട്ടില്‍ താമസിപ്പിക്കുകയും തിരുവനന്തപുരത്തെ സ്വകാര്യ ആശുപത്രിയില്‍ വെച്ച്‌ നിർബന്ധപൂർവ്വം ഗർഭഛിദ്രം നടത്തുകയും ചെയ്തു. താൻ പിന്നീട് ശ്രീലങ്കയിലെത്തി വിവാഹം കഴിക്കാമെന്ന് വിശ്വസിപ്പിച്ച്‌ നജീം ഇവരെ നാട്ടിലേക്ക് മടക്കി അയക്കുകയായിരുന്നു.ശ്രീലങ്കയിലെത്തിയ ശേഷം നജീം ഫോണ്‍ എടുക്കാതെയും ബന്ധപ്പെടാതെയും ആയതോടെ യുവതി വീണ്ടും അബുദാബിയിലേക്ക് തിരിച്ചുപോയി. അവിടെവെച്ചും നജീമിനെ ബന്ധപ്പെടാൻ സാധിക്കാത്തതിനെ തുടർന്ന് കഴിഞ്ഞ മെയ് മാസത്തില്‍ ഇവർ വീണ്ടും തിരുവനന്തപുരത്ത് എത്തി.

അന്ന് പൊലീസ് ഇടപെട്ട് യുവതിയെ മാനസികാരോഗ്യ കേന്ദ്രത്തിലേക്ക് മാറ്റിയിരുന്നു. അവിടെനിന്നും മടങ്ങിയ യുവതി നജീമിനെ കണ്ടെത്തണമെന്ന ഉറപ്പോടെ കഴിഞ്ഞദിവസം വീണ്ടും തിരുവനന്തപുരത്ത് എത്തുകയായിരുന്നു.ഇതിനിടെ നജീമിനെ കാണാൻ ശ്രമിച്ച വിദേശ വനിതയ്ക്കെതിരെ നജീമിന്റെ ഭാര്യ പൊലീസില്‍ പരാതി നല്‍കുകയും ചെയ്തു. നജീമിനെ കാണാനുള്ള എല്ലാ ശ്രമങ്ങളും പരാജയപ്പെടുകയും യുവാവ് കടുത്ത ചതിയാണ് ചെയ്തതെന്ന് മനസ്സിലാക്കുകയും ചെയ്തതോടെ യുവതി മാനസികമായി തകർന്നു.

ഇന്ന് രാവിലെ 9 മണിക്ക് ശ്രീലങ്കയിലേക്ക് തിരികെ പോകാനിരിക്കെയാണ് യുവതി താമസസ്ഥലത്ത് വെച്ച്‌ അമ്പതിലധികം പാരസെറ്റമോള്‍ ഗുളികകള്‍ ഒന്നിച്ച്‌ കഴിച്ച്‌ ജീവനൊടുക്കാൻ ശ്രമിച്ചത്. നിലവില്‍ മെഡിക്കല്‍ കോളേജില്‍ തീവ്രപരിചരണ വിഭാഗത്തില്‍ ചികിത്സയില്‍ കഴിയുന്ന യുവതിയുടെ ആരോഗ്യനില ഗുരുതരമായി തുടരുകയാണ്. സംഭവത്തില്‍ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.

തൊപ്പി ഗ്യാങ്ങിന് പണികിട്ടി; അന്വേഷണത്തിന് ഉത്തരവിട്ട് ഡിജിപി.

0

കോഴിക്കോട്: വിവാദ യൂട്യൂബർ തൊപ്പി എന്ന നിഹാദിനും സുഹൃത്തുക്കള്‍ക്കുമെതിരെ അന്വേഷണത്തിന് സംസ്ഥാന പോലീസ് മേധാവി ഉത്തരവിട്ടു.അഡ്വ. ശ്രീജിത്ത് പെരുമന നല്‍കിയ പരാതിയുടെ അടിസ്ഥാനത്തില്‍ ഡിജിപി റവാഡ ചന്ദ്രശേഖറാണ് അന്വേഷണത്തിന് ഉത്തരവിട്ടത്.സൈബർ പോലീസ് സൂപ്രണ്ട് അങ്കിത് അശോകനാണ് അന്വേഷണത്തിന്റെ ചുമതല. പോക്സോ കേസുകള്‍, നർകോട്ടിക് എംഡിഎംഎ ഉപയോഗം, മാനസിക, ശാരീരിക പീഡനങ്ങള്‍, അശ്ലീല പ്രചരണം, ഗുരുതരമായ സൈബർ കുറ്റകൃത്യങ്ങള്‍ തുടങ്ങിയ അതീവ ഗൗരവമുള്ള ആരോപണങ്ങളിലാണ് തൊപ്പി ഗ്യാങ്ങിനെതിരെ ഇപ്പോള്‍ അന്വേഷണം പ്രഖ്യാപിച്ചിരിക്കുന്നത്.

തൊപ്പിയും സംഘവും നടത്തുന്ന നിയമവിരുദ്ധ പ്രവർത്തനങ്ങള്‍ക്കെതിരെ ഡിജിപിക്ക് പരാതി നല്‍കിയ വിവരവും തുടർന്നുണ്ടായ പോലീസ് നടപടിയും അഡ്വ. ശ്രീജിത്ത് പെരുമന തന്നെയാണ് തന്റെ സമൂഹമാധ്യമ അക്കൗണ്ടിലൂടെ പരസ്യപ്പെടുത്തിയത്. കുട്ടികളെയും യുവാക്കളെയും വഴിതെറ്റിക്കുന്ന രീതിയിലുള്ള ഉള്ളടക്കങ്ങള്‍ക്കെതിരെ കർശന നടപടിയുണ്ടാകുമെന്നാണ് സൂചന.

മുഖ്യമന്ത്രി വി.ഡി സതീശനും കുടുംബത്തിനും വധഭീഷണി; പ്രതി പിടിയിൽ.

0

തിരുവനന്തപുരം: മുഖ്യമന്ത്രി വി.ഡി സതീശനും കുടുംബത്തിനും നേരെ വധഭീഷണി നടത്തിയ പ്രതി പിടിയിൽ. ആറ്റിങ്ങൽ, വാളക്കാട് സ്വദേശി ചരുവിള വീട്ടിൽ സോണി തോമസാണ് പിടിയിലായത്. പൊലീസ് കൺട്രോൾ റൂമിലേക്ക് വിളിച്ചായിരുന്നു ഭീഷണി മുഴക്കിയത്. സംഭവത്തിൽ കൻ്റോൺമെൻറ് പൊലീസ് കേസെടുത്തിരുന്നു. സൈബർ സെൽ അന്വേഷണം ആരംഭിച്ചു.ഇന്നലെ വൈകുന്നേരം 06.50 തോടെ തിരുവനന്തപുരം സിറ്റി ഡിസ്ട്രിക്ട് പൊലീസ് കമാന്റ്റിംഗ് സെൻ്ററി (DPCC) ലെ കോളർ ഐഡിയുള്ള ഒഫീഷ്യൽ ഫോൺ നമ്പരായ 0471 2331843 എന്ന നമ്പരിലേക്കാണ് കോൾ വന്നത്. പ്രതി പലപ്രാവശ്യം വിളിച്ച് മുഖ്യമന്ത്രി വി.ഡി സതീശനെയും കുടുംബത്തിനെയും കൊല്ലും എന്ന് ഫോണിലൂടെ ഭീഷണിപ്പെടുത്തിയതായി എഫ്ഐആറിൽ പറയുന്നു. എന്താണ് കാര്യമെന്ന് ചോദിച്ച സമയം വി.ഡി സതീശനെ ഇഷ്ടമല്ലായെന്ന് പ്രതി പറഞ്ഞതായും മുഖ്യമന്ത്രിയെയും കുടുംബത്തെയും കൊന്നിട്ട് പ്രശസ്തനാകാനാണ് എന്ന് പറഞ്ഞതായും എഫ്ഐആറിൽ പറയുന്നു.

ടൈൽസ് ജോലിക്കിടെ കാലിന് മുറിവേറ്റ തൊഴിലാളി മരിച്ചു.

0

താമരശ്ശേരി: ടൈൽസ് മുറിക്കുന്നതിനിടെ മെഷീൻ നിയന്ത്രണം വിട്ട് തെന്നി ഇരുകാലുകൾക്കും സാരമായി മുറിവേറ്റ തൊഴിലാളി മരിച്ചു. കോരങ്ങാട് സ്വദേശി രാജൻ (52) ആണ് മരിച്ചത്.കോരങ്ങാട് അങ്ങാടിയിലെ ഒരു സലൂണിൽ ജോലി ചെയ്യുന്നതിനിടെ ഇന്നലെ വൈകീട്ട് 6.45-ഓടെയായിരുന്നു ദാരുണമായ അപകടം. ടൈൽ കട്ടിങ് മെഷീൻ ഉപയോഗിച്ച് ജോലി ചെയ്യുന്നതിനിടെ അപ്രതീക്ഷിതമായി മെഷീൻ നിയന്ത്രണം വിടുകയായിരുന്നു.അപകടത്തിൽപ്പെട്ട ഉടൻ തന്നെ രാജനെ താമരശ്ശേരി താലൂക്ക് ആശുപത്രിയിൽ എത്തിച്ച് പ്രാഥമിക ചികിത്സ നൽകി. തുടർന്ന് വിദഗ്ധ ചികിത്സയ്ക്കായി കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. എന്നാൽ, ചികിത്സയിലിരിക്കെ ഇന്ന് പുലർച്ചയോടെ അദ്ദേഹം മരണത്തിന് കീഴടങ്ങി.

നിപയുടെ ഉറവിടം എവിടെ നിന്ന്? പരിശോധന ഊർജ്ജിതം.

0

കോഴിക്കോട് : ജില്ലയിൽ നിപ സ്ഥിരീകരിച്ച പശ്ചാത്തലത്തിൽ ഉറവിടം കണ്ടെത്താൻ തീവ്ര ശ്രമം. രോഗി താമസിച്ചിരുന്ന രാമനാട്ടുകര മേലേവാരം അഞ്ചാം ഡിവിഷനിൽ ആരോഗ്യ വകുപ്പ്, മൃഗസംരക്ഷണ വകുപ്പ്, തദ്ദേശസ്ഥാപന പ്രതിനിധികൾ എന്നിവർ സന്ദർശിച്ച് സ്ഥിതിഗതികൾ വിലയിരുത്തി. നിപ വ്യാപനം തടയാൻ സ്റ്റാൻഡേർഡ് പ്രോട്ടോക്കോളുകൾ അനുസരിച്ചാണ് നടപടികൾ ഏകോപിപ്പിക്കുന്നത്. രാമനാട്ടുകാര നഗരസഭയുടെ നേതൃത്വത്തിൽ ചേർന്ന യോഗത്തിൽ രോഗവ്യാപന സാദ്ധ്യതകളും പ്രതിരോധ നടപടികളും ചർച്ച ചെയ്തു. പ്രദേശത്തെ വീടുകളിൽ സർവേ നടത്തി.

സമീപവാസികളിൽ പനി, ശ്വാസതടസം ഉൾപ്പെടെയുള്ള രോഗലക്ഷണങ്ങൾ പ്രകടമാണോയെന്ന് കണ്ടെത്തുന്നതിനായിരുന്നു സർവേ. രാമനാട്ടുകര മെഡിക്കൽ ഓഫീസർ ഡോ. രജുൽ കോയദീന്റെ നേതൃത്വത്തിൽ ആശാ പ്രവർത്തകരും ആരോഗ്യ പ്രവർത്തകരും ചേർന്നാണ് സർവേ നടത്തിയത്.ഡോ. ഷറഫുദ്ദീന്റെ നേതൃത്വത്തിൽ മൃഗസംരക്ഷണ വകുപ്പ് പ്രദേശത്ത് പരിശോധന നടത്തിയെങ്കിലും വവ്വാലുകളുടെ സാന്നിദ്ധ്യം കണ്ടെത്താനായില്ല. വീട്ടുവളപ്പിലെ സപ്പോട്ട പഴം പറിച്ചു കഴിച്ചതിനാൽ അതുവഴിയാകാം വൈറസ് ബാധിച്ചതെന്ന പ്രചരണമുണ്ടായിരുന്നു. ജനവാസ മേഖലയായതിനാൽ മറ്റ് മൃഗങ്ങളുടെ സാന്നിദ്ധ്യമില്ല.

ഒരു വീട്ടിൽ വളർത്തുനായ മാത്രമാണ് ഉണ്ടായിരുന്നതെന്നും നായയിൽ നിന്ന് രോഗം പകരാനുള്ള സാദ്ധ്യത കുറവാണെന്നും ഉദ്യോഗസ്ഥർ അറിയിച്ചു. രോഗബാധയുടെ ഉറവിടം രോഗി ജോലി ചെയ്തിരുന്ന മലപ്പുറം ജില്ലയിലെ വാഴൂർ പഞ്ചായത്തിലെ ഗോഡൗണുമായി ബന്ധപ്പെട്ടിരിക്കാമെന്ന പ്രാഥമിക നിഗമനത്തിലാണ് ആരോഗ്യ വകുപ്പ്. ഗോഡൗൺ പരിസരത്ത് ആരോഗ്യ വകുപ്പ് പരിശോധന നടത്തി. രാമനാട്ടുകരയിലെ മറ്റ് പ്രദേശങ്ങളിലും നിരീക്ഷണം തുടരുകയാണ്. ആരോഗ്യ വകുപ്പ് അസി. ഡയറക്ടർ ഡോ. നവ്യ, മെഡിക്കൽ കോളേജ് കമ്മ്യൂണിറ്റി മെഡിസിൻ വിഭാഗത്തിലെ വിദഗ്ധർ, രാമനാട്ടുകര മെഡിക്കൽ ഓഫീസർ ഡോ. രജുൽ കോയദീൻ തുടങ്ങിയവർ ഇന്നലെ സ്ഥലത്തെത്തി സ്ഥിതിഗതികൾ വിലയിരുത്തി.

നിപ സ്ഥിരീകരിച്ച സാഹചര്യത്തിൽ വൈറസ് ബാധയെക്കുറിച്ച് പഠിക്കുന്നതിനും സാംപിളുകൾ ശേഖരിക്കുന്നതിനുമായി ഇന്ത്യൻ കൗൺസിൽ ഒഫ് മെഡിക്കൽ റിസർച്ച് (ഐ.സി.എം.ആർ) സംഘം ഇന്നെത്തിയേക്കും.നിപ സമ്പർക്കപടികയിൽ 10 പേർ കൂടി. ഇതോടെ ഹൈയസ്റ്റ് റിസ്‌ക് വിഭാഗത്തിൽ നാലു പേരും ഹൈ റിസ്‌കിൽ 16 പേരും ലോ റിസ്‌കിൽ 67 പേരും ഉൾപ്പെടെ നിലവിൽ 87 പേരാണ് പട്ടികയിലുള്ളത്. സമ്പർക്ക പട്ടികയിലുള്ളവരിൽ നിന്ന് ദിവസം രണ്ടുനേരം കൺട്രോൾ റൂമിൽ നിന്ന് വിളിച്ച് വിവരം ശേഖരിക്കുന്നുണ്ട്.

നാഷണൽ ഡിസീസ് കൺട്രോൾ സെന്ററിൽ (എൻ.സി.ഡി.സി) നിന്നുള്ള വിദഗ്ദ്ധർ ഇന്ന് ജില്ല സന്ദർശിക്കും.നിപ റിപ്പോർട്ട് ചെയ്ത സാഹചര്യത്തിൽ രാമനാട്ടുകര മുനിസിപ്പാലിറ്റി അടിയന്തര കൗൺസിൽ യോഗം ചേർന്ന് നിലവിലെ സാഹചര്യം വിലയിരുത്തി. മുൻകരുതലുകളെ കുറിച്ചും വ്യാപനം തടയുന്നതിനെക്കുറിച്ചും ജില്ല ആർ സി എച്ച് ഓഫീസർ ഡോ. നവ്യ തൈക്കാട്ടിൽ സംസാരിച്ചു.

നീറ്റ് പരീക്ഷ 195 മിനിറ്റ്; വിദ്യാർത്ഥികൾക്ക് ആശ്വാസമായി പരീക്ഷ സമയം നീട്ടി എൻടിഎ.

0

ന്യൂഡൽഹി: നീറ്റ് പരീക്ഷ സമയം നീട്ടി എൻടിഎ. ജൂൺ 21ന് നടക്കുന്ന നീറ്റ് പുനഃപരീക്ഷയുടെ സമയമാണ് നീട്ടിയത്. 15 മിനിറ്റാണ് അധികമായി അനുവദിച്ചിരിക്കുന്നത്. 195 മിനിറ്റാണ് പരീക്ഷയുടെ ആകെ സമയം. ഉച്ചയ്ക്ക് രണ്ട് മണിക്ക് ആരംഭിക്കുന്ന പരീക്ഷ വൈകുന്നേരം 5:15നാണ് അവസാനിക്കുക. മുമ്പ് 180 മിനിറ്റായിരുന്നു പരീക്ഷയുടെ ദൈർഘ്യം..റഫ് വർക്കുകൾക്കായി ബുക്ക്ലെറ്റിൽ കൂടുതൽ സ്പേസ് അനുവദിക്കുമെന്നും എൻടിഎ അറിയിച്ചു. രണ്ട് പേജാണ് അധികമായി അനുവദിക്കുക.

രണ്ട് പേജുകൾ ബുക്ക്ലൈറ്റിന്റെ പിന്നിലും രണ്ടെണ്ണം മാർഗനിർദേശങ്ങൾ അടങ്ങിയ പേജിന് അരികിലുമാണ് ക്രമീകരിച്ചിരിക്കുന്നത്..ഇത് കണക്കുകൾ കൂട്ടാനും ഡയഗ്രം വരച്ച് നോക്കാനും വിദ്യാർത്ഥികൾക്ക് സഹായകമാകും. ഇംഗ്ലീഷിലും പ്രാദേശിക ഭാഷയിലുള്ള ചോദ്യപേപ്പറുകളിലും പുതിയ മാറ്റമുണ്ടാകും. നേരത്തെ ബുക്ക്ലെറ്റിന്റെ അവസാനത്തിലാണ് റഫ് പേജുകൾ ഉണ്ടായിരുന്നത്..മത്സരാർത്ഥികളുടെ സൗകര്യം മാനിച്ചാണ് പുതിയ മാറ്റങ്ങൾ വരുത്തുന്നതെന്നും വിദ്യാർത്ഥികൾ നിർദേശങ്ങൾ കൃത്യമായി വായിക്കുകയും പാലിക്കുകയും ചെയ്യണമെന്നും എൻടിഎ പറഞ്ഞു.

മെയ് രണ്ടിന് നടന്ന പരീക്ഷയുടെ ചോദ്യപേപ്പർ ചോർന്നതിന് പിന്നാലെയാണ് എൻടിഎ പുനഃപരീക്ഷ നടത്താൻ തീരുമാനിച്ചത്. വിവാദങ്ങളെ തുടർന്ന് 22 ലക്ഷത്തിലധികം വിദ്യാർത്ഥികൾ എഴുതിയ പരീക്ഷ എൻടിഎ റദ്ദാക്കിയിരുന്നു. മെയ് 12നാണ് പരീക്ഷ റദ്ദാക്കിയത്..നിലവിൽ ചോദ്യപേപ്പർ ചോർച്ചയുമായി ബന്ധപ്പെട്ട കേസിൽ 13 പേരാണ് അറസ്റ്റിലായത്. സിബിഐയ്ക്കാണ് കേസിന്റെ അന്വേഷണ ചുമതല.

കോഴിക്കോട് ഫൈബർ വള്ളത്തിൽ പൊട്ടിത്തെറി; ഒരാളുടെ നില ഗുരുതരം.

0

കോഴിക്കോട് : കോഴിക്കോട് ഫറോക്കിൽ മത്സ്യബന്ധനത്തിന് പോയ ഫൈബർ വള്ളത്തിൽ പൊട്ടിത്തെറി. അപകടത്തിൽ രണ്ട് മത്സ്യത്തൊഴിലാളികൾക്ക് പരിക്കേറ്റു.പരിക്കേറ്റ ഒരാളുടെ നില ഗുരുതരമെന്നാണ് റിപ്പോർട്ടുകൾ. ഇരുവരെയും കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഭക്ഷണം പാകം ചെയ്യാനുപയോഗിക്കുന്ന ഗ്യാസ് സിലിണ്ടർ പൊട്ടിത്തെറിച്ചാണ് അപകടമുണ്ടായത്. സംഭവത്തെ തുടർന്ന് പൊലീസ് സ്ഥലത്തെത്തി പ്രാഥമിക പരിശോധന നടത്തി.

FIFA World Cup 2026 Schedule: Match Dates Team Fixtures & Live Streaming

0

The 2026 FIFA World Cup has arrived, bringing together 48 nations for the biggest tournament in football history. Hosted jointly by the United States, Canada, and Mexico, the competition runs from June 11, 2026, to July 19, 2026.

After the group stage, the top teams from each group will advance to the knockout rounds, leading up to the grand final.

Football fans around the world will once again witness superstars battling for glory, with traditional powerhouses like Brazil, Argentina, France, England, Spain, Germany, Portugal, and Italy aiming to lift the FIFA World Cup trophy.

When Does the FIFA World Cup 2026 Start?

The tournament officially begins on June 11, 2026, and concludes with the final on July 19, 2026.

Tournament Duration

  • Opening Match: June 11, 2026
  • Group Stage: June 11 – June 27
  • Knockout Stage: June 28 onwards
  • Final: July 19, 2026

Argentina

Led by a world-class squad and looking to defend their reputation among football’s elite.

Brazil

Five-time champions and always among the favourites.

France

One of the strongest teams in international football.

England

A talented squad hoping to end decades of waiting for another World Cup title.

Portugal

Home to several experienced stars capable of making a deep run.

Spain

A technically gifted team with plenty of young talent.

WATCH FIFA WORLD CUP 2026 LIVE

🇮🇳 India

ഒറ്റ ക്ലിക്കിൽ നിങ്ങളുടെ മൊബൈൽ ബ്രൗസറിൽ കാണാൻ ഇവിടെ ക്ലിക്ക് ചെയ്യുക

TV Broadcast: Unite8 Sports Channels
Live Streaming: ZEE5

👉 WATCH LIVE: CLICK HERE

👉 DOWNLOAD (Android): CLICK HERE

👉 DOWNLOAD (iPhone): CLICK HERE

കെഎസ്ആർടിസി ഓർഡിനറി ബസുകളുടെ സബ് ക്ലാസ് ലിസ്റ്റ് പുറത്തുവിട്ടു.

തിരുവനന്തപുരം: സ്ത്രീകൾക്ക് സൗജന്യ യാത്ര അനുവദിച്ചിട്ടുള്ള കെ എസ് ആർ ടി സി ഓർഡിനറി ബസുകളുടെ സബ് ക്ലാസ് ലിസ്റ്റ് അധികൃതർ ഔദ്യോഗികമായി പുറത്തിറക്കി. ഓർഡിനറി ബസുകളുടെ ഗണത്തിൽ പെടുന്ന ഏഴ് പ്രധാന വിഭാഗങ്ങളിലാണ് സ്ത്രീകൾക്ക് ഈ സബ് ക്ലാസ് അടിസ്ഥാനത്തിൽ സൗജന്യ യാത്ര ആനുകൂല്യം ലഭിക്കുകയെന്ന് കെ എസ് ആർ ടി സി അറിയിച്ചിട്ടുണ്ട്. ഓർഡിനറി, സിറ്റി ഓർഡിനറി, ലിമിറ്റഡ് സ്റ്റോപ്പ് ഓർഡിനറി, ടൗൺ ടു ടൗൺ, ഫെയർ സ്റ്റേജ് ലിമിറ്റഡ് സ്റ്റോപ്പ്, പോയിന്റ് ടു പോയിന്റ് ലിമിറ്റഡ് സ്റ്റോപ്പ്, ഗ്രാമവണ്ടി എന്നിവയാണ് സ്ത്രീകൾക്ക് സൗജന്യ യാത്രാ സൗകര്യമുള്ള ഏഴ് ബസ് വിഭാഗങ്ങൾ. ഈ സർവീസുകളിലെല്ലാം സ്ത്രീകൾക്ക് ജൂൺ 15 മുതൽ യാത്രാ സൗജന്യം ലഭ്യമാകുമെന്നും ഇതുമായി ബന്ധപ്പെട്ട ആശയക്കുഴപ്പങ്ങൾ ഒഴിവാക്കാനാണ് കൃത്യമായ പട്ടിക പുറത്തുവിട്ടതെന്നും കെ എസ് ആർ ടി സി അധികൃതർ വ്യക്തമാക്കി.ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക.

ഓർഡിനറി ബസുകളുടെ എണ്ണം; ജില്ല തിരിച്ചുള്ള കണക്ക്;

തിരുവനന്തപുരം 687

കൊല്ലം 415

പത്തനംതിട്ട 150

ആലപ്പുഴ 227

കോട്ടയം 162

ഇടുക്കി 125

എറണാകുളം 325

തൃശൂർ 153

പാലക്കാട് 122

മലപ്പുറം 98

കോഴിക്കോട് 156

വയനാട് 172

കണ്ണൂർ 205

കാസർകോട് 128

സീറോ ടിക്കറ്റ് നൽകി യാത്ര, മാസം നഷ്ടം 70 കോടിസംസ്ഥാന സർക്കാരിന്റെ ഇന്ദിര ഗ്യാരന്റി പദ്ധതിയുടെ ഭാഗമായി ‘പ്രിയദർശിനി’ എന്ന് പേരിട്ടിരിക്കുന്ന പദ്ധതി ആണ് ജൂൺ 15 മുതൽ പ്രാബല്യത്തിൽ വരുന്നത്. വരുമാനമോ പ്രായമോ പരിഗണിക്കാതെയും പ്രത്യേക നിബന്ധനകളില്ലാതെയുമാണ് ആദ്യഘട്ടത്തിൽ ഓർഡിനറി ബസുകളിലെ സൗജന്യ യാത്രാ സൗകര്യം ലഭ്യമാക്കുന്നത്. സീറോ ടിക്കറ്റ് നൽകിയാകും സൗജന്യ യാത്ര അനുവദിക്കുക. എത്ര പേർ സൗജന്യ യാത്ര ചെയ്തുവെന്ന് കണക്കാക്കാൻ വേണ്ടിയാണ് സീറോ ടിക്കറ്റ് നൽകുന്നത്.

നിപ: മൃഗസംരക്ഷണ വകുപ്പ് കണ്‍ട്രോള്‍ റൂം ആരംഭിച്ചു

0

കോഴിക്കോട് : ജില്ലയില്‍ നിപ രോഗബാധ സ്ഥിരീകരിച്ച പശ്ചാത്തലത്തില്‍ മൃഗങ്ങളില്‍ നിന്നുള്ള രോഗപ്പകര്‍ച്ച തടയുന്നതിനും പ്രതിരോധ പ്രവര്‍ത്തനങ്ങള്‍ ഏകോപിപ്പിക്കുന്നതിനുമായി മൃഗസംരക്ഷണ വകുപ്പിന്റെ നേതൃത്വത്തില്‍ ജില്ലാതല കണ്‍ട്രോള്‍ റൂം പ്രവര്‍ത്തനമാരംഭിച്ചു. കോഴിക്കോട് ബാങ്ക് റോഡിലുള്ള ജില്ലാ മൃഗസംരക്ഷണ ഓഫീസിന് കീഴിലെ അനിമല്‍ ഡിസീസ് കണ്‍ട്രോള്‍ പ്രോജക്ട് ഓഫീസിലാണ് കണ്‍ട്രോള്‍ റൂം ഒരുക്കിയിരിക്കുന്നത്. രോഗബാധ റിപ്പോര്‍ട്ട് ചെയ്ത രാമനാട്ടുകര നഗരസഭ പരിധിയിലും സമീപ പ്രദേശങ്ങളിലും നിരീക്ഷണം ശക്തമാക്കിയിട്ടുണ്ട്. ഈ പ്രദേശങ്ങളിലെ വവ്വാലുകളുടെ സാന്നിധ്യമുള്ള ഇടങ്ങള്‍, വളര്‍ത്തുമൃഗങ്ങള്‍, പന്നി ഫാമുകള്‍ എന്നിവ കേന്ദ്രീകരിച്ച് പ്രത്യേക നിരീക്ഷണവും ഫീല്‍ഡ്തല പരിശോധനകളും ആരംഭിച്ചു. മൃഗങ്ങളിലെ രോഗലക്ഷണങ്ങള്‍, വവ്വാലുകളുടെ സാന്നിധ്യം തുടങ്ങിയ വിവരങ്ങള്‍ കണ്‍ട്രോള്‍ റൂം നമ്പറായ 0495 2762050 ല്‍ അറിയിക്കാം.*പൊതുജനങ്ങള്‍ക്കുള്ള ജാഗ്രതാ നിര്‍ദേശങ്ങള്‍:*വവ്വാലുകള്‍ കടിക്കുകയോ അവയുടെ ഉമിനീര്, കാഷ്ഠം എന്നിവ കലരാന്‍ സാധ്യതയുള്ളതോ ആയ കാട്ടുപഴങ്ങളോ നിലത്തുവീണ പഴങ്ങളോ ഭക്ഷിക്കരുത്.കിണറുകളില്‍ വവ്വാലുകളുടെ സാന്നിധ്യം ശ്രദ്ധയില്‍പ്പെട്ടാല്‍ വലയിട്ട് സുരക്ഷിതമാക്കുകയോ വെള്ളം കൃത്യമായി ക്ലോറിനേറ്റ് ചെയ്ത് മാത്രം ഉപയോഗിക്കുകയോ ചെയ്യുക.വളര്‍ത്തുമൃഗങ്ങളില്‍ അസ്വാഭാവിക രോഗലക്ഷണങ്ങളോ മരണങ്ങളോ ശ്രദ്ധയില്‍പ്പെട്ടാല്‍ ഉടന്‍ കണ്‍ട്രോള്‍ റൂമിലോ അടുത്തുള്ള മൃഗാശുപത്രിയിലോ അറിയിക്കുക.മൃഗങ്ങളെ സ്വയം ചികിത്സിക്കാന്‍ ശ്രമിക്കരുത്.രോഗബാധിത പ്രദേശങ്ങളില്‍ മൃഗങ്ങളുമായി നേരിട്ട് സമ്പര്‍ക്കം പുലര്‍ത്തുന്നവര്‍ ഗ്ലൗസ്, മാസ്‌ക് എന്നിവ ഉള്‍പ്പെടെയുള്ള സുരക്ഷാ മാനദണ്ഡങ്ങള്‍ പാലിക്കണം.വ്യാജ വാര്‍ത്തകള്‍ പ്രചരിപ്പിക്കരുതെന്നും മൃഗസംരക്ഷണ വകുപ്പും ആരോഗ്യ വകുപ്പും നല്‍കുന്ന ഔദ്യോഗിക നിര്‍ദേശങ്ങള്‍ കര്‍ശനമായി പാലിക്കണമെന്നും ജില്ലാ മൃഗസംരക്ഷണ ഓഫീസര്‍ അറിയിച്ചു.