തൃശൂർ: റയിൽവേ സ്റ്റേഷന്റെ മേൽപ്പാലത്തിൽ നവജാത ശിശുവിന്റെ മൃതദേഹം ബാഗിനുള്ളിൽ കണ്ടെത്തി. സുരക്ഷാ ജീവനക്കാരാണ് ഉപേക്ഷിക്കപ്പെട്ട നിലയിൽ ബാഗ് കണ്ടെത്തിയത്. തുറന്ന് പരിശോധിച്ചപ്പോഴാണ് മൃതദേഹം കണ്ടെത്തിയത്. ജനിച്ച് ഒരു ദിവസം മാത്രം പ്രായമായ കുഞ്ഞിൻ്റെ മൃതദേഹമാണിതെന്നാണ് സംശയം. ആരാണ് മൃതദേഹം ഇവിടെ ഉപേക്ഷിച്ചതെന്ന് വ്യക്തമല്ല. സംഭവത്തിൽ പൊലീസ് അന്വേഷണം തുടങ്ങി.

നടൻ വിനായകൻ ഹൈദരാബാദിൽ പൊലീസ് കസ്റ്റഡിയിൽ. ഹൈദരാബാദ് വിമാനത്താവളത്തിൽ നടന്ന വാക്കുതർക്കത്തെത്തുടർന്നാണ് വിനായകനെ കസ്റ്റഡിയിലെടുത്തത്. ആർജിഐ എയർപോർട്ട് പൊലീസ് സ്റ്റേഷനിലാണ് വിനായകൻ നിലവിലുളളത്. വിനായകൻ മദ്യലഹരിയിലാണെന്ന് പൊലീസ് അറിയിച്ചു. കൊച്ചിയിൽ നിന്നും ഹൈദരാബാദിലെത്തിയതായിരുന്നു വിനായകൻ. അവിടെ നിന്നും ഗോവയ്ക്ക് വിനായകന് കണക്ഷൻ ഫ്ലൈറ്റ് ഉണ്ടായിരുന്നു.

ഹൈദരാബാദ് വിമാനത്താവളത്തിലെ ഡൊമസ്റ്റിക് ട്രാൻസ്ഫർ ഏരിയയിൽ വിനായകൻ മദ്യപിച്ച് ബഹളം വെച്ചു. വിമാനത്താവളത്തിന് അകത്ത് വലിയ ബഹളവും പ്രശ്നവും ഉണ്ടായതോടെ സിഐഎസ്എഫ് ഇടപെട്ടു. ഇവരുമായി വിനായകൻ വാക്ക് തർക്കം ഉണ്ടായി. ഉന്തും തള്ളും ഉണ്ടായതിനെ തുടർന്ന് സിഐഎസ്എഫ് കസ്റ്റഡിയിലെടുത്ത് ഹൈദരാബാദ് പൊലീസിന് കൈമാറുകയായിരുന്നു. വിനായകനെ ഉടൻ വൈദ്യപരിശോധനക്ക് കൊണ്ട് പോകുമെന്ന് പൊലീസ് അറിയിച്ചു. തന്നെ സിഐഎസ്എഫ് മർദിച്ചുവെന്ന് വിനായകൻ ആരോപിച്ചു.

മാനന്തവാടി. മെഗാസ്റ്റാർ മമ്മൂട്ടിയുടെ ജന്മദിനമായ സെപ്റ്റംബർ ഏഴിന് നടത്താനിരുന്ന ആഘോഷ പരിപാടികൾ മാറ്റിവെച്ച്അതിനായി സ്വരൂപിച്ച പണം മുഖ്യമന്ത്രിയുടെ ദുരിതാശ്വാസനിധിയിലേക്ക് കൈമാറി മമ്മൂട്ടി ഫാൻസ് വയനാട് ജില്ലാ കമ്മിറ്റി. ഫാൻസ് സ്റ്റേറ്റ് കമ്മിറ്റി അംഗം ടി.പി.സുന്ദരൻമാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബിക്ക് തുക കൈമാറി. ബ്ലോക്ക് പഞ്ചായത്ത് മെമ്പർമാരായപി ചന്ദ്രൻ, അസീസ് വാളാട്, ജോയ്സി ഷാജു, ഫാൻസ് എക്സിക്യൂട്ടീവ് അംഗങ്ങളായ അൻസാർ വി.ഇ,രമേഷ് കുമാർ, ജോസ് ടി.എ,നിതിൻ പി.എം , അലി ,അരുൺ ദേവസ്യഎന്നിവർ സംബന്ധിച്ചു.

പുതുതായി ലഭിച്ച 233 പരാതികള്‍ രണ്ടാഴ്ചയ്ക്കകം തീര്‍പ്പാക്കും

കോഴിക്കോട് ജില്ലാതല തദ്ദേശ അദാലത്തില്‍ ഓണ്‍ലൈന്‍ പോര്‍ട്ടല്‍ മുഖേന നേരത്തേ ലഭിച്ച 690 പരാതികളില്‍ 671 എണ്ണത്തിലും അനുകൂല തീര്‍പ്പുണ്ടാക്കാനായതായി തദ്ദേശ സ്വയംഭരണ വകുപ്പ് മന്ത്രി എം ബി രാജേഷ് വാര്‍ത്താസമ്മേളനത്തില്‍ അറിയിച്ചു. അദാലത്തിലെത്തിയ 97.2 ശതമാനം പരാതികളിലും അനുകൂല തീര്‍പ്പുണ്ടാക്കാനായി. 19 പരാതികളാണ് നിരസിച്ചത്. അദാലത്തില്‍ പുതുതായി ലഭിച്ച 233 പരാതികളില്‍  തുടര്‍പരിശോധന നടത്തി രണ്ടാഴ്ചയ്ക്കകം തീര്‍പ്പുണ്ടാക്കുമെന്നും മന്ത്രി പറഞ്ഞു.

കോഴിക്കോട് ജില്ലയിലെ അദാലത്തില്‍ വന്ന ചില പരാതികള്‍ സംസ്ഥാനത്തെ പൊതുവായ പ്രശ്‌നങ്ങള്‍ പരിഹരിക്കാന്‍ വഴി തുറന്നതായും മന്ത്രി പറഞ്ഞു. തൊഴിലുറപ്പ് പദ്ധതിയില്‍ കൂടുതല്‍ വലുപ്പമുള്ള മിനി എംസിഎഫ് നിര്‍മ്മിക്കാനുള്ള അനുമതിയാണ് ഇതിലൊന്ന്. തൊഴിലുറപ്പ് പദ്ധതിയിലൂടെ നിര്‍മ്മിക്കുന്ന മിനി എം സി എഫുകളുടെ സ്‌പെസിഫിക്കേഷന്‍ ഇനി മുതല്‍ തദ്ദേശസ്ഥാപനങ്ങള്‍ക്ക് തീരുമാനിക്കാം. തൊഴിലുറപ്പ് മിഷന്‍ അംഗീകരിച്ച സ്‌പെസിഫിക്കേഷനില്‍ നിര്‍മ്മിക്കുന്നവ ചെറുതാണെന്നും കൂടുതല്‍ വലുപ്പമുള്ളവ അനുവദിക്കണമെന്നും ആവശ്യപ്പെട്ട് മൂടാടി പഞ്ചായത്ത് പ്രസിഡണ്ട് കെ ശ്രീകുമാര്‍ നല്‍കിയ പരാതിയിലാണ് തീരുമാനം. ഇത് സംബന്ധിച്ച് പൊതുനിര്‍ദ്ദേശം സര്‍ക്കാര്‍ പുറപ്പെടുവിക്കുമെന്നും മന്ത്രി പറഞ്ഞു.

നടന്‍ വിജിലേഷിന്റെ വീടിന് ഒക്യുപ്പേഷന്‍ സര്‍ട്ടിഫിക്കറ്റ് ലഭിക്കാത്തതുമായി ബന്ധപ്പെട്ട പരാതിക്കും അദാലത്തില്‍ പരിഹാരം കണ്ടെത്താനായി. അരിക്കുളം പഞ്ചായത്തിലെ രണ്ടാം വാര്‍ഡില്‍ വിജിലേഷ് പുതുതായി നിര്‍മ്മിച്ച 188.51 ച. മീറ്ററുള്ള വീടുമായി ബന്ധപ്പെട്ടായിരുന്നു പരാതി. വീടിന്റെ സമീപത്തെ ഇടവഴിയുമായി കെട്ടിടത്തിന് ഒന്നര മീറ്റര്‍ അകലമില്ലെന്ന കാരണത്താല്‍ അപേക്ഷ നിരസിക്കപ്പെടുകയായിരുന്നു. എന്നാല്‍ ഒരു വശം അടഞ്ഞതും 75 മീറ്ററില്‍ കുറഞ്ഞ നീളമുള്ളതുമായ തെരുവുകളുടെ അതിരിലുള്ള പ്ലോട്ടുകളില്‍ നിര്‍മ്മിക്കുന്ന കെട്ടിടങ്ങളാണെങ്കില്‍ നിബന്ധനകള്‍ക്കു വിധേയമായി അകലം ഒരു മീറ്ററാക്കി കുറയ്ക്കാനുള്ള തീരുമാനം ചട്ടഭേദഗതിയിലൂടെ കൈക്കൊണ്ടാണ് പ്രശ്‌നം പരിഹരിച്ചത്. ഇതിന്റെ അടിസ്ഥാനത്തില്‍ പരാതി ഉന്നയിച്ച് അരമണിക്കൂറിനകം വിജിലേഷിന് അദാലത്തില്‍ വച്ചു തന്നെ ഒക്യുപ്പന്‍സി സര്‍ട്ടിഫിക്കറ്റ് നല്‍കാനായതായും മന്ത്രി പറഞ്ഞു.

റോഡില്ലാത്തതിനാല്‍ 18 കാരനായ മകനെ ചികിത്സയ്ക്കും മറ്റുമായി പുറത്തെത്തിക്കുന്നത് പ്രയാസമാണെന്ന പരാതിയുമായി എത്തിയ ചേളന്നൂര്‍ ഉമ്മംകൊത്തിയിലെ ടി ആബിദ നല്‍കിയ പരാതിയിലും അനുകൂല തീരുമാനം കൈക്കൊള്ളാനായതായി മന്ത്രി പറഞ്ഞു. റോഡിനാവശ്യമായ എട്ടു ലക്ഷം രൂപ പഞ്ചായത്തിന്റെ പക്കല്‍ ഉണ്ടായിരുന്നില്ല. മന്ത്രി എ കെ ശശീന്ദ്രന്റെ മണ്ഡലത്തില്‍ വരുന്ന സ്ഥലമായതിനാല്‍ അദ്ദേഹത്തെ അദാലത്തില്‍ വച്ച് തന്നെ വിളിച്ച് പ്രശ്‌നത്തിന് പരിഹാരം കാണുകയായിരുന്നു. എംഎല്‍എ ഫണ്ടില്‍ നിന്ന് എട്ട് ലക്ഷം രൂപ റോഡിന് അനുവദിക്കാമെന്ന് വനം വകുപ്പ് മന്ത്രി നല്‍കിയ ഉറപ്പിലാണ് പരാതിക്ക് പരിഹാരമായതെന്നും മന്ത്രി പറഞ്ഞു.

കേരളോത്സവം പഞ്ചഗുസ്തി മത്സരത്തിനിടെ കൈമുട്ടിന് പരുക്കേറ്റ കുന്ദമംഗലം സ്വദേശി ദിയ അഷ്‌റഫിന് ചികിത്സക്ക് ചെലവായ തുകയും അധിക ധനസഹായമായി രണ്ട് ലക്ഷം രൂപയും അദാലത്തില്‍ അനുവദിച്ചതായും മന്ത്രി അറിയിച്ചു.

പഞ്ചായത്തിനായി നിര്‍മ്മിച്ച കുടിവെള്ള പദ്ധതിയുടെ ബില്‍ തുകയായ 77,869 രൂപ ഉദ്യോഗസ്ഥന്റെ അനാസ്ഥ കാരണം കിട്ടിയില്ലെന്ന പരാതിയുമായി അദാലത്തിലെത്തിയ മേപ്പയ്യൂര്‍ അമ്പാട്ടുമ്മല്‍ ചെക്കോട്ടിക്കും അനുകൂല തീരുമാനം ഉണ്ടാക്കി നല്‍കാനായി. തുക പലിശ സഹിതം രണ്ടാഴ്ചയ്ക്കകം തിരികെ നല്‍കാനും അതിന്റെ പലിശ വീഴ്ച വരുത്തിയ ഉദ്യോഗസ്ഥനില്‍ നിന്ന് ഈടാക്കാനും പഞ്ചായത്തിന് നിര്‍ദ്ദേശം നല്‍കി. സമാനമായ മറ്റൊരു കേസില്‍ പരാതിക്കാരന്‍ ആദായ നികുതിദായകനാണെന്ന് ഉദ്യോഗസ്ഥന്‍ തെറ്റായ റിപ്പോര്‍ട്ട് നല്‍കിയതിന്റെ അടിസ്ഥാനത്തില്‍ ഭിന്നശേഷി പെന്‍ഷന്‍ മുടങ്ങിയതായി ചെങ്ങോട്ടുകാവ് പഞ്ചായത്തിലെ വിജയകുമാര്‍ എന്നയാള്‍ നല്‍കിയ പരാതിയും പരിഹരിക്കാനായി. ഇദ്ദേഹത്തിന് ലഭിക്കാനുള്ള 27 മാസത്തെ പെന്‍ഷന്‍ കുടിശ്ശിക തനതുഫണ്ടില്‍ നിന്ന് നല്‍കാനും ആ തുക വീഴ്ച വരുത്തിയ ഉദ്യോഗസ്ഥനില്‍ നിന്ന് ഈടാക്കാനും പഞ്ചായത്തിന് നിര്‍ദ്ദേശം നല്‍കിയാണ് പ്രശ്‌നം പരിഹരിച്ചത്.

അഹമ്മദ് ദേവര്‍കോവില്‍ എം.എല്‍.എ, ജില്ലാ പഞ്ചായത്ത് പ്രസിഡന്റ് ഷീജ ശശി, എല്‍.എസ്.ജി.ഡി അര്‍ബന്‍ ഡയറക്ടര്‍ സൂരജ് ഷാജി, റൂറല്‍ ഡയറക്ടര്‍ ദിനേശന്‍ ചെറുവാട്ടില്‍ എന്നിവരും വാര്‍ത്താസമ്മേളനത്തില്‍ പങ്കെടുത്തു

വെബ്സൈറ്റിൽ കാണിക്കുന്ന പരസ്യങ്ങൾക്ക് എൻ്റെ തിരുവമ്പാടി ചാനലിനോ ഫോർവേഡ് മിഡിയ ചാനലിനോ യാതൊരുവിധ ബന്ധവുമില്ല.
ദൃശ്യമായ പരസ്യങ്ങളെല്ലാം ഗൂഗിളിന്റെ ഭാഗത്തുനിന്ന് വരുന്ന പരസ്യങ്ങളാണ്.. ചീഫ് എഡിറ്റർ

Advertisements displayed on the website are not affiliated with Ente Thiruvambadi Channel or Forward Media Channel.
All visible ads are from Google.

Chief Editor

കുടുംബശ്രീ ഹരിതകര്‍മ സേനാംഗങ്ങള്‍ക്ക്ഓണം ഉത്സവബത്തയായി 1000 രൂപ അനുവദിച്ചു

തിരുവനന്തപുരം: സാമൂഹ്യസുരക്ഷ, ക്ഷേമനിധി പെൻഷൻ ഗുണഭോക്താക്കൾക്ക്‌ സർക്കാരിന്റെ ഓണ സമ്മാനമായി ക്ഷേമ  രണ്ടു ഗഡു  പെൻഷൻ ലഭിക്കും.  ഇതിനായി 1700 കോടി അനുവദിച്ചതായി ധനകാര്യമന്ത്രി കെ എൻ ബാലഗോപാൽ അറിയിച്ചു. 62 ലക്ഷത്തോളം പേർക്കാണ്‌ ഓണത്തിന്‌ 3200 രൂപവീതം ലഭിക്കുന്നത്‌. നിലവിൽ വിതരണം തുടരുന്ന ഒരു ഗഡുവിനെ പുറമെയാണ്‌ രണ്ട് ഗഡുകൂടി അനുവദിച്ചത്‌.

ബുധനാഴ്‌ച മുതൽ ഇത്‌ ഗുണഭോക്താക്കളുടെ കൈകളിലെത്തും. 26.62 ലക്ഷം പേരുടെ ബാങ്ക്‌ അക്കൗണ്ടിൽ തുക എത്തും. മറ്റുള്ളവർക്ക്‌ സഹകരണ ബാങ്കുകൾ വഴി വീട്ടിലെത്തി പെൻഷൻ കൈമാറും. അനുവദിച്ച രണ്ടു ഗഡുവിൽ ഒരെണ്ണം കുടിശികയാണ്‌.  പണഞെരുക്കം കാരണമുണ്ടായ ക്ഷേമ പെൻഷൻ കുടിശിക ഈ വർഷവും അടുത്ത വർഷവുമായി നൽകുമെന്ന്‌ മുഖ്യമന്ത്രി  പിണറായി വിജയൻ നിയമസഭയിൽ വ്യക്തമാക്കിയിരുന്നു.

കുടുംബശ്രീ ഹരിതകര്‍മ സേനാംഗങ്ങള്‍ക്ക്ഓണം ഉത്സവബത്തയായി 1000 രൂപ അനുവദിച്ചു
സംസ്ഥാനത്ത് കുടുംബശ്രീയുടെ കീഴിലുള്ള 34,627 ഹരിതകര്‍മ സേനാംഗങ്ങള്‍ക്ക് ഓണം ആഘോഷിക്കാന്‍ സര്‍ക്കാരിന്‍റെ പിന്തുണ. ഹരിതകര്‍മ സേനാംഗങ്ങള്‍ക്ക് ഉത്സവ ബത്തയായി തദ്ദേശസ്ഥാപനങ്ങളുടെ തനത് ഫണ്ടില്‍ നിന്നും ആയിരം രൂപ വീതം അനുവദിക്കുന്നതിന് കോര്‍പ്പറേഷനുകള്‍, മുനിസിപ്പാലിറ്റികള്‍, ഗ്രാമപഞ്ചായത്തുകള്‍ എന്നിവയ്ക്ക് അനുമതി നൽകി ഉത്തരവായി.

2023ലും ഹരിതകര്‍മ സേനാംഗങ്ങള്‍ക്ക് ഉത്സവബത്ത അനുവദിച്ചിരുന്നു. സമാനരീതിയില്‍ ഈ വര്‍ഷവും  ഉത്സവബത്ത ലഭ്യമാക്കണമെന്ന്
അഭ്യര്‍ത്ഥിച്ചു കൊണ്ട് കുടുംബശ്രീ എക്സിക്യൂട്ടീവ് ഡയറക്ടര്‍ സര്‍ക്കാരിന് കത്തു നല്‍കിയത് പരിഗണിച്ചാണ് നടപടി.