തിരുവനന്തപുരം: വൈദ്യുതി പ്രതിസന്ധിക്ക് ശാശ്വത പരിഹാരം കാണാന് നടപടിക്കൊരുങ്ങി സര്ക്കാര്. സൗരോര്ജ വൈദ്യുതി പ്രോത്സാഹിപ്പിക്കാനാണ് ആലോചന. ആഢംബര വീടുകള് വൈദ്യുതിയില് സ്വയം പര്യാപ്തരാകണം എന്ന നിര്ദ്ദേശം നൽകാനാണ് നീക്കം. വാണിജ്യ കെട്ടിടങ്ങളിലും സൗരോര്ജം നിര്ബന്ധമാക്കും. വീടുകളില് ഉത്പാദിപ്പിക്കുന്ന സൗരോര്ജം കൂടിയ വിലയില് വാങ്ങാനും ആലോചനയുണ്ട്.എല്ഡിഎഫ് സര്ക്കാര് കഴിഞ്ഞ പത്ത് വര്ഷം കൊണ്ട് ഏകദേശം 1,000 മെഗാ വാൾട്ടോളം വൈദ്യുതി ഉത്പാദനമാണ് ഉയര്ത്തിയത്. സര്ക്കാരുകളുടെ ചരിത്രത്തിലെ ഏറ്റവും ഉയര്ന്ന നിരക്കായിരുന്നു അത്. സൗരോര്ജ പദ്ധതി പ്രോത്സാഹിപ്പിക്കാന് തീരുമാനിച്ചതായിരുന്നു ആ നേട്ടത്തിനും കാരണം. ഇപ്പോള് സംസ്ഥാനം ഏറ്റവും വലിയ വൈദ്യുതി ക്ഷാമത്തിലൂടെ കടന്നുപോകുന്ന ഘട്ടത്തിലാണ് സമനമായ ബദല് മാര്ഗത്തിലേക്ക് യുഡിഎഫ് സര്ക്കാരും കടക്കുന്നത്. ജല വൈദ്യുത പദ്ധതികള്ക്കും ഡീസല് വൈദ്യുത പദ്ധതികള്ക്കും പരിമിതികള് ഉണ്ടെന്നതും കൂടി സൗരോര്ജത്തെ കൂടുതല് ആശ്രയിക്കാന് സര്ക്കാരിനെ പ്രേരിപ്പിക്കുന്നതാണ്. ഇനി മുതല് ആഢംബര വീടുകള്ക്കും വാണിജ്യ കെട്ടിടങ്ങള്ക്കും നമ്പര് ലഭിക്കണമെങ്കില് അവിടെ സൗരോര്ജ പാനലിനൊപ്പം സ്റ്റോറേജും നിര്ബന്ധമാക്കുംസ്റ്റോറേജ് കൂടി ഉണ്ടെങ്കില് രാത്രി സമയത്തുകൂടി സൗരോര്ജ വൈദ്യുതി ഉപയോഗിക്കാനാകും. പദ്ധതി സംബന്ധിച്ച പരിശോധന കെഎസ്ഇബി ആരംഭിച്ചു കഴിഞ്ഞു. പദ്ധതി നിര്ബന്ധമാക്കിക്കഴിഞ്ഞാല് സംസ്ഥാനത്ത് എത്ര വൈദ്യുതി ലാഭിക്കാന് കഴിയും എന്നതില് കെഎസ്ഇബി വിശദമായ പരിശോധന നടത്തി വരികയാണ്. കൂടാതെ വീടുകളിലും വാണിജ്യക്കെട്ടിടങ്ങളിലും സംഭരിക്കുന്ന വൈദ്യുതി രാത്രി കാലങ്ങളില് കൂടിയ വിലയ്ക്ക് വാങ്ങാനാണ് സര്ക്കാര് തീരുമാനിച്ചിരിക്കുന്നത്. നിലവില് തുശ്ചമായ വിലയ്ക്കാണ് മിച്ചം വരുന്ന വൈദ്യുതി വീടുകളില് നിന്ന് വാങ്ങുന്നത്.എന്നാല് പദ്ധതി യാഥാര്ത്ഥ്യമായാല് വൈദ്യുതി ഉത്പാദിപ്പിക്കുന്ന വീട്ടുടമകള്ക്ക് ഇത് ലാഭകരമാകും എന്നാണ് വിലയിരുത്തല്. തദ്ദേശ സ്വയംഭരണ വകുപ്പുമായി കൂടി ചേര്ന്നായിരിക്കും പദ്ധതി നടപ്പിലാക്കുന്നത്. സോളാര് സ്റ്റോറേജ് നിര്ബന്ധമാക്കുമ്പോള് ഉണ്ടാകുന്ന നിയമ പ്രശ്നങ്ങളും സര്ക്കാര് പരിശോധിച്ചുവരികയാണ്. എത്ര സ്ക്വയര് ഫീറ്റിന് മുകളിലുള്ള കെട്ടിടങ്ങളിലാണ് പദ്ധതി നിര്ബന്ധമാക്കേണ്ടത് എന്നതിലടക്കം തീരുമാനം ആകേണ്ടതുണ്ട്.
സമയക്രമത്തിലെ അപാകത: അപകട ഭീഷണിയായി സ്വകാര്യബസുകളുടെ പരക്കം പാച്ചിൽ, തമ്മിൽ തല്ലും പതിവ്
കോഴിക്കോട്: സ്വകാര്യ ബസ് സർവീസുകളുടെ സമയം കൃത്യമായി ക്രമീകരിക്കാത്തതിനാൽ മത്സരയോട്ടം പതിവായി. സമയത്തെ ചൊല്ലിയുള്ള ബസ് ജീവനക്കാരുടെ തർക്കങ്ങളും സംഘട്ടനങ്ങളും തുടരുകയാണ്. കാൽനടക്കാർക്ക് റോഡരികിലൂടെ സ്വസ്ഥമായി നടന്നുപോകാനാവാത്ത സ്ഥിതിയാണ്. സിഗ്നൽ ജംഗ്ഷനുകളിൽ പോലും ലക്കും ലഗാനുമില്ലാതെയാണ് ബസുകളുടെ മത്സരയോട്ടം. ഇതേത്തുടർന്ന് ഇരുചക്രവാഹനങ്ങൾക്കാണ് ഏറെ ഭീഷണി. സീബ്രാലെെനിലൂടെ കടന്നുപോകാൻ വരെ കാൽനടക്കാർക്ക് കാത്തു നിൽക്കണം. സ്വകാര്യ ബസുകളുടെ ട്രാഫിക് നിയമലംഘനങ്ങളും പതിവാണ്. ഇവ നിയന്ത്രിക്കാൻ അധികൃതരും ഒന്നും ചെയ്യുന്നില്ല.മിനിറ്റുകളുടെ ഇടവേളയിൽ സ്വകാര്യബസുകൾക്ക് പെർമിറ്റ് അനുവദിക്കുന്നതാണ് പ്രശ്നം. നിശ്ചിത സമയത്ത് ഓടിയെത്താനും കൂടുതൽ യാത്രക്കാരെ കിട്ടാനുമാണ് പരക്കംപാച്ചിൽ. ബേപ്പൂർ-മെഡിക്കൽ കോളേജ് റൂട്ടിലോടുന്ന സ്വകാര്യ ബസുകാർ കഴിഞ്ഞ ദിവസം തമ്മിലടിച്ചിരുന്നു. കോഴിക്കോട്ടെ മാത്രം പ്രശ്മല്ല ഇത്. സംസ്ഥാനത്തെ പൊതുഗതാഗത ബസ് സർവീസുകളുടെ സമയക്രമം സംബന്ധിച്ച് പഠനം നടത്തി പുന:ക്രമീകരിക്കേണ്ട കാലം അതിക്രമിച്ചു.സമയക്രമം കാലാനുസൃതമായി പുന:പരിശോധിക്കണമെന്ന് മനുഷ്യാവകാശ കമ്മിഷൻ ഗതാഗത വകുപ്പ് സെക്രട്ടറിയോട് ആവശ്യപ്പെട്ടിരിക്കുകയാണ്.ഗതാഗതത്തിരക്ക്, റോഡുകളുടെ ശേഷി, യാത്രക്കാരുടെ ആവശ്യകത, നിലവിലുള്ള ബസ് സർവീസുകളുടെ എണ്ണം, റൂട്ടുകളുടെ ദൈർഘ്യം, വിവിധ സർവീസുകൾ തമ്മിലുള്ള ഇടവേള തുടങ്ങിയ ഘടകങ്ങൾ ശാസ്ത്രീയപഠനത്തിൽ ഉൾപ്പെടുത്തണമെന്നും ആവശ്യപ്പെട്ടു. സമയക്രമത്തെച്ചൊല്ലി സ്വകാര്യ ബസ് ജീവനക്കാർ തമ്മിലടിച്ച സംഭവത്തിന്റെ പശ്ചാത്തലത്തിലാണിത്. തമ്മിലടിക്ക് ശേഷം ജീവനക്കാർ തമ്മിൽ ഒത്തുതീർപ്പിലെത്തുന്നതു കാരണം പൊലീസിന് ഇക്കാര്യത്തിൽ ഫലപ്രദമായി ഇടപെടാനാവുന്നില്ല. നിലവിലുള്ള അശാസ്ത്രീയമായ സമയക്രമമാണ് തമ്മിലടിക്ക് കാരണമാകുന്നതെന്ന് ഉത്തരവിൽ പറഞ്ഞു. ജീവനക്കരുടെ പേരിൽ നടപടി എടുത്തതുകൊണ്ടു മാത്രം പ്രശ്നം പരിഹരിക്കപ്പെടില്ല.സമയക്രമത്തെ ചൊല്ലി ബസ് ജീവനക്കാർ തമ്മിൽത്തല്ലിയതിൽ കണ്ടക്ടറുടെയും ഡ്രൈവർമാരുടെയും ലൈസൻസ് ആറ് മാസത്തേക്ക് റദ്ദാക്കാൻ കോഴിക്കോട് ആർ.ടി.ഒ. ജെബി ഐ. ചെറിയാൻ ശുപാർശ നൽകി. ‘സരോജിനി’ ബസിന്റെ ഡ്രൈവർ പ്രബിൻ, കണ്ടക്ടർ വൈശാഖ്, ‘സെവൻ ഡെയ്സ്’ ബസിന്റെ ഡ്രൈവർ ഷാക്കിർ എന്നിവരുടെ ലൈസൻസാണ് റദ്ദാക്കുക. എടപ്പാളിലെ ഡ്രൈവർമാരുടെ പരിശീലന കേന്ദ്രത്തിൽ അഞ്ചുദിവസത്തെ നിർബന്ധിത ക്ലാസിനും ഹാജരാകണം. വ്യവസ്ഥകൾക്കെതിരായി സർവീസ് നടത്തിയതിന് ബസുടമകളുടെ പെർമിറ്റ് റദ്ദാക്കണമെന്നും ആർ.ടി.ഒ ശുപാർശ ചെയ്യും.
സംസ്ഥാനത്ത് അടുത്ത 5 ദിവസം ശക്തമായ മഴയ്ക്ക് സാധ്യത; ഇന്ന് രണ്ട് ജില്ലകളിൽ യെല്ലോ അലേര്ട്ട്
തിരുവനന്തപുരം: സംസ്ഥാനത്ത് അടുത്ത 5 ദിവസം ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇന്ന് രണ്ട് ജില്ലകളിൽ യെല്ലോ അലേര്ട്ട് പ്രഖ്യാപിച്ചു. പത്തനംതിട്ട, ഇടുക്കി ജില്ലകളിലാണ് യെല്ലോ അലേര്ട്ട്. മുന്നറിയിപ്പുള്ള ജില്ലകളില് ഇടിയോടുകൂടിയ ഒറ്റപ്പെട്ട ശക്തമായ മഴയ്ക്കും മണിക്കൂറില് 4050 കി.മീ വരെ വേഗതയില് ശക്തമായ കാറ്റിനും സാധ്യതയെന്നാണ് കാലാവസ്ഥ വകുപ്പ് അറിയിച്ചിരിക്കുന്നത്. നാളെ (18-09-2026) ഇടുക്കി ജില്ലയിലും ശനിയാഴ്ച (19-09-2026) മലപ്പുറം, കോഴിക്കോട് ജില്ലകളിലും ഞായറാഴ്ച (20-09-2026) കോട്ടയം, ഇടുക്കി, എറണാകുളം ജില്ലകളിലും യെല്ലോ അലേര്ട്ട് പ്രഖ്യാപിച്ചിട്ടുണ്ട്ശനിയാഴ്ച (19-09-2026) പടിഞ്ഞാറന് രാജസ്ഥാനിലെ ചില ഭാഗങ്ങളില് നിന്ന് കാലവര്ഷം പിന്വാങ്ങുന്നതിനുള്ള അനുകൂല സാഹചര്യം രൂപപ്പെടാന് സാധ്യതയെന്നും കേന്ദ്ര കാലാവസ്ഥ വകുപ്പിന്റെ അറിയിപ്പുണ്ട്. സൗരാഷ്ട്രയ്ക്കും സമീപ വടക്കുകിഴക്കന് അറബിക്കടലിനും മുകളിലായി ന്യൂനമര്ദം തുടരുന്നുവെന്നും ബംഗാള് ഉള്ക്കടലില് ന്യൂനമര്ദ സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു. വടക്കന് തായ്ലന്ഡിന് മുകളില് ചക്രവാതച്ചുഴി രൂപപ്പെട്ടിട്ടുണ്ട്. ഇത് സെപ്റ്റംബര് 18 വൈകുന്നേരത്തോടെ വടക്കന് ആന്ഡമാന് കടലിലേക്ക് എത്താനും സെപ്റ്റംബര് 19 വൈകുന്നേരത്തോടെ ചക്രവാതച്ചുഴി ന്യൂനമര്ദമായി ശക്തി പ്രാപിക്കാനും സാധ്യതയുണ്ടെന്നും ന്യൂനമര്ദം ക്രമേണ ശക്തിപ്പെടുകയും അടുത്ത 34 ദിവസങ്ങളില് പടിഞ്ഞാറ്-വടക്കുപടിഞ്ഞാറന് ദിശയിലേക്ക് നീങ്ങി തെക്കന് ഒഡിഷവടക്കന് ആന്ധ്രപ്രദേശ് തീരത്തേക്ക് നീങ്ങാനാണ് സാധ്യതയെന്നുമാണ് കാലാവസ്ഥ വകുപ്പ് അറിയിച്ചിരിക്കുന്നത്.തെക്കന് തീരദേശ ആന്ധ്രപ്രദേശിനും സമീപ റയലസീമയ്ക്കും മുകളിലായി ചക്രവാതച്ചുഴി തുടരുന്നുണ്ട്. വടക്കുപടിഞ്ഞാറന് ബംഗാള് ഉള്ക്കടലിലും സമീപ വടക്കന് ഒഡിഷ പശ്ചിമ ബംഗാള് തീരപ്രദേശങ്ങളിലക്കും മുകളിലായി ചക്രവാതച്ചുഴി നിലനില്ക്കുന്നു. തെക്കന് കര്ണാടകയില് നിന്നും മാന്നാര് കടലിടുക്കിലേക്ക് തമിഴ്നാടിനും കര്ണാടകയ്ക്കും മുകളിലൂടെ ന്യൂനമര്ദപാത്തി സ്ഥിതി ചെയ്യുന്നതിനാല് കേരളത്തില് 2026 സെപ്റ്റംബര് 16 മുതല് 20 വരെയുള്ള ദിവസങ്ങളില് നേരിയതോ മിതമായതോ ആയ മഴയ്ക്ക് സാധ്യതയുണ്ടെന്നും കാലാവസ്ഥ വകുപ്പിന്റെ മുന്നറിയിപ്പുണ്ട്.
തറവാട്ട് വീട്ടിൽ നിന്ന് മദ്യം പിടിച്ചെന്ന ആരോപണം; അറസ്റ്റ് പ്രതികാര നടപടിയെന്ന് ആന്റോ അഗസ്റ്റിൻ
കൊച്ചി: വയനാട് വാഴവറ്റയിലെ തറവാട്ട് വീട്ടില് നിന്ന് മദ്യം പിടിച്ചെന്ന ആരോപണത്തില് എക്സൈസ് സംഘം അറസ്റ്റ് ചെയ്തത് പ്രതികാര നടപടിയെന്ന് റിപ്പോര്ട്ടര് ടിവി എംഡി ആന്റോ അഗസ്റ്റിന്. തന്നെ കുടുക്കിയതാണെന്നും അദ്ദേഹം വ്യക്തമാക്കി.’ഞാന് മദ്യപിക്കാറില്ല. അതുമായി ബന്ധപ്പെട്ട ഒരു കാര്യവും എനിക്കറിയില്ല. എക്സൈസുമായി ബന്ധപ്പെട്ട കേസിനെക്കുറിച്ചുമറിയില്ല. പോയി നോക്കട്ടെ’, ആന്റോ അഗസ്റ്റിൻ മാധ്യമങ്ങളോട് പറഞ്ഞു.റിപ്പോര്ട്ടര് ഓഫീസിലെ എക്സൈസിന്റെ നാടകീയ നീക്കങ്ങൾക്കൊടുവിലായിരുന്നു ആന്റോ അഗസ്റ്റിന്റെ അറസ്റ്റ്. എഫ്ഐആര് പോലും ഇല്ലാതെ അറസ്റ്റിനെത്തിയ സംഘം മണിക്കൂറുകളോളം റിപ്പോര്ട്ടര് എംഡി ആന്റോ അഗസ്റ്റിനെ തടഞ്ഞുവെച്ചു. പരിശോധന പൂര്ത്തിയാക്കി പൊലീസ് മടങ്ങിയതിന് തൊട്ടുപിന്നാലെയാണ് എക്സൈസ് റിപ്പോര്ട്ടര് ഓഫീസിലെത്തിയത്. വ്യാഴാഴ്ച പുലര്ച്ചെ രണ്ടരയോടെ ഓഫീസിലെത്തിയ സംഘം, രണ്ട് മണിക്കൂര് കഴിഞ്ഞിട്ടും എഫ്ഐആര് കൈമാറിയില്ല. തുടർന്ന് ഇത് ചോദ്യം ചെയ്തതോടെയാണ് സംഘം എഫ്ഐആർ കൈമാറിയത്.അതേസമയം, അര്ജന്റീനയുടെ വരവുമായി ബന്ധപ്പെട്ട അന്വേഷണത്തിനെന്ന് പറഞ്ഞ് റിപ്പോര്ട്ടര് ഹെഡ് ഓഫീസിലെത്തിയ പൊലീസ് സംഘത്തിന്റെ പരിശോധന 21 മണിക്കൂറോളം നീണ്ടു. തൃക്കാക്കര എസിപി ബിജോയ് ചന്ദ്രന്റെ നേതൃത്വത്തില് ആയിരുന്നു റെയ്ഡ് നടന്നത്. മാധ്യമപ്രവർത്തകരുടെ പല ചോദ്യങ്ങൾക്കും എസിപി കൃത്യമായ ഉത്തരം നൽകിയില്ല. റെയ്ഡ് വിശദാംശങ്ങൾ എസ്ഐടി തലവന് വിശദീകരിക്കുമെന്നായിരുന്നു മറുപടി.ഒരു സംഘം പൊലീസുകാര് ഇന്നലെ പുലര്ച്ചെ കൊച്ചിയിലെ റിപ്പോര്ട്ടര് ബ്രോഡ്കാസ്റ്റിംഗ് കമ്പനിയുടെ ഹെഡ് ഓഫീസില് പരിശോധനയെന്ന പേരില് എത്തുകയും മാധ്യമപ്രവര്ത്തകരുടെ മൊബൈല് ഫോണ് ഉള്പ്പെടെ പിടിച്ചുവെയ്ക്കുകയുമായിരുന്നു. മാധ്യമപ്രവര്ത്തകരും സാങ്കേതിക വിഭാഗം ജീവനക്കാരും മാത്രം പ്രവേശിക്കുന്ന ന്യൂസ് ഡെസ്കില് ജോലി തടസ്സപ്പെടുത്തുന്ന രീതിയിലാണ് പൊലീസിന്റെ കടന്നുകയറ്റമുണ്ടായത്.റിപ്പോര്ട്ടര് ടിവിയുടെ സംപ്രേഷണം തടയണമെന്ന ഉദ്ദേശത്തോടെയാണ് ഫോണുകള് ഉള്പ്പെടെ പിടിച്ചു വെച്ചത്. പരിശോധനയുടെ കാരണമോ മറ്റുവിവരങ്ങളോ മാധ്യമപ്രവര്ത്തകരോട് പറയാന് ഉദ്യോഗസ്ഥര് തയ്യാറായില്ല. ജോലിക്കെത്തിയ മാധ്യമപ്രവര്ത്തകരുടെ വ്യക്തിപരമായി കൈകാര്യം ചെയ്യുന്ന ഫോണുകളായിരുന്നു പിടിച്ചുവെച്ചത്.അതേസമയം, റിപ്പോര്ട്ടര് ടിവിയുടെ ന്യൂസ് ഡെസ്ക്കില് നടന്ന പൊലീസ് അതിക്രമത്തെ ആഭ്യന്തര വകുപ്പ് മന്ത്രി രമേശ് ചെന്നിത്തല ന്യായീകരിച്ചു. എസ്ഐടി നിയമവിരുദ്ധമായി ഒന്നും ചെയ്തിട്ടില്ലെന്നും പൊലീസിന്റെ അന്വേഷണത്തില് ആഭ്യന്തരവകുപ്പ് ഇടപെടാറില്ലെന്നുമായിരുന്നു അദ്ദേഹത്തിന്റെ പ്രതികരണം.അമേരിക്കന് യാത്ര കഴിഞ്ഞ് തിരികയെത്തിയതിന് പിന്നാലെ മാധ്യമങ്ങളോട് സംസാരിക്കുകയായിരുന്നു അദ്ദേഹം. കഴിഞ്ഞ 10 വർഷത്തിൽ മാധ്യമങ്ങൾക്കെതിരെ എത്ര നടപടികൾ ഉണ്ടായി. അന്ന് ആരും അടിയന്തരാവസ്ഥ കണ്ടില്ലേയെന്നും ആഭ്യന്തരമന്ത്രി ചോദിച്ചു.അന്വേഷണം നടക്കട്ടെ. നിയമവിരുദ്ധമായി എന്തെങ്കിലും നടന്നിട്ടുണ്ടെങ്കില് നടപടി സ്വീകരിക്കും. എസ്ഐടി നടപടി താന് അറിയേണ്ട കാര്യമില്ല. സെര്ച്ച് വാറന്റ് ഉള്പ്പടെ എല്ലാ നിയമപരമായ അനുമതികളോടെയും കൂടിയായിരുന്നു നടപടി. എസ്ഐടി എങ്ങനെ പ്രവര്ത്തിക്കണമെന്ന് സര്ക്കാരോ ആഭ്യന്തരമന്ത്രിയോ പറയേണ്ട കാര്യമില്ല. അന്വേഷണം അന്വേഷണത്തിന്റെ വഴിക്ക് പോകുമെന്നും രമേശ് ചെന്നിത്തല കൂട്ടിച്ചേര്ത്തു
ഒരാള്ക്ക് എത്ര ലിറ്റര് വരെ മദ്യം കൈവശം വയ്ക്കാം? ലംഘിച്ചാല് ശിക്ഷയെന്ത്?
കേരള അബ്കാരി നിയമപ്രകാരം ഒരാള്ക്ക് വീടുകളിലോ കൈവശമോ വയ്ക്കാവുന്ന മദ്യത്തിന്റെ അളവിന് വ്യക്തമായ പരിധിയുണ്ട്. അനുവദനീയമായ അളവില് കൂടുതല് മദ്യം കൈവശം വയ്ക്കുന്നത് ജാമ്യമില്ലാത്ത കുറ്റമാണ്. ലൈസന്സില്ലാതെ ഒരാള്ക്ക് വ്യക്തിഗത ആവശ്യത്തിനായി കൈവശം വയ്ക്കാവുന്ന മദ്യത്തിന്റെ പരിധി എക്സൈസ് വകുപ്പ് നിര്ണ്ണയിച്ചിട്ടുണ്ട്.
അനുവദനീയമായ മദ്യത്തിന്റെ അളവ്
- ഇന്ത്യന് നിര്മ്മിത വിദേശ മദ്യം (IMFL): 3 ലിറ്റര്
- ബിയര് (Beer): 3.5 ലിറ്റര്
- വൈന് (Wine): 3.5 ലിറ്റര്
- കള്ള് (Toddy): 2.5 ലിറ്റര്
- വിദേശ നിര്മ്മിത വിദേശ മദ്യം (FMFL): 2.5 ലിറ്റര്
ഒന്നില് കൂടുതല് ഇനം മദ്യങ്ങള് കൈവശമുണ്ടെങ്കിലും ഓരോ ഇനത്തിന്റെയും പരമാവധി പരിധി ലംഘിക്കാന് പാടില്ല.
ലംഘിച്ചാല് ശിക്ഷ
അബ്കാരി നിയമത്തിലെ വിവിധ വകുപ്പുകള് പ്രകാരം നിയമവിരുദ്ധമായി മദ്യം കൈവശം വയ്ക്കുന്നതിനും കടത്തുന്നതിനും കടുത്ത ശിക്ഷകളാണ് വ്യവസ്ഥ ചെയ്തിട്ടുള്ളത്. അനുവദനീയമായ അളവില് കൂടുതല് മദ്യം കൈവശം വയ്ക്കുകയോ വ്യാജ/ നികുതി വെട്ടിച്ച മദ്യം സൂക്ഷിക്കുകയോ ചെയ്യുന്നത് ജാമ്യമില്ലാത്ത കുറ്റമാണ്.
- അനുവദനീയമായതില് കൂടുതല് അളവ് മദ്യം കൈവശം വയ്ക്കുകയോ കടത്തുകയോ ചെയ്യുന്നത് 10,000 രൂപ വരെ പിഴ അല്ലെങ്കില് തടവുശിക്ഷ
- നിയമവിരുദ്ധമായി മദ്യം ഇറക്കുമതി ചെയ്യുക, കയറ്റുമതി ചെയ്യുക, അനധികൃതമായി മദ്യം സൂക്ഷിക്കല്, കടത്തല്, അല്ലെങ്കില് വില്പന ലക്ഷ്യമിട്ടുള്ള ശേഖരണം -10 വര്ഷം വരെ തടവും 1 ലക്ഷം രൂപ വരെ പിഴയും
- ഇത്തരം കുറ്റകൃത്യങ്ങൾക്ക് ഉപയോഗിക്കുന്ന മദ്യം, പാത്രങ്ങൾ, നിർമ്മാണ സാമഗ്രികൾ, കടത്താൻ ഉപയോഗിച്ച വാഹനങ്ങൾ എന്നിവ കണ്ടുകെട്ടാൻ നിയമപ്രകാരം നടപടിയെടുക്കാം
- ലൈസന്സില്ലാതെ മദ്യം വില്ക്കുകയോ വില്ക്കാന് ശ്രമിക്കുകയോ ചെയ്യുന്നത് – 10 വര്ഷം വരെ തടവും 1 ലക്ഷം രൂപ വരെ പിഴയും
മറ്റ് സംസ്ഥാനങ്ങളില് നിന്ന് വ്യക്തിഗത ആവശ്യത്തിനായി പോലും മദ്യം ലൈസന്സില്ലാതെ കേരളത്തിലേക്ക് കൊണ്ടുവരുന്നത് ഗുരുതര കുറ്റമാണ്
ശ്രദ്ധിക്കേണ്ട മറ്റ് കാര്യങ്ങള്
യാത്ര ചെയ്യുമ്പോള്: മറ്റ് സംസ്ഥാനങ്ങളില് നിന്ന് വ്യക്തിഗത ആവശ്യത്തിനായി പോലും മദ്യം ലൈസന്സില്ലാതെ കേരളത്തിലേക്ക് കൊണ്ടുവരുന്നത് വകുപ്പ് 55(a) പ്രകാരം ഗുരുതര കുറ്റമാണ്.
സെയില്സ് ടാക്സ് / എക്സൈസ് പാസ്: ഔദ്യോഗിക ബെവ്കോ (BEVCO) ഔട്ട്ലെറ്റുകളില് നിന്നോ കണ്സ്യൂമര്ഫെഡില് നിന്നോ വാങ്ങുന്ന മദ്യത്തിന്റെ രസീത് കൈവശം വയ്ക്കുന്നത് നിയമപരമായ തെളിവാണ്. ഈ മദ്യങ്ങളെല്ലാം ബെവ്കോ വഴിയോ കണ്സ്യൂമര്ഫെഡ് വഴിയോ നിയമപരമായി വാങ്ങിയതാണെന്ന ബില്ലും കൈവശമുണ്ടായിരിക്കണം).
കേരളത്തില് വീടുകളില് സ്വന്തമായി ‘മിനി ബാര്’ അല്ലെങ്കില് ‘ഹോം ബാര്’ സ്ഥാപിക്കുന്നതിന് അബ്കാരി നിയമത്തില് ലൈസന്സ് വ്യവസ്ഥയില്ല. വീടുകളില് മദ്യം സൂക്ഷിക്കുന്നതും ഉപയോഗിക്കുന്നതും മേല്പ്പറഞ്ഞ വ്യക്തിഗത പരിധിക്കുള്ളില് മാത്രമായിരിക്കണം.
എന്നാല് താഴെ പറയുന്ന ആവശ്യങ്ങള്ക്ക് പ്രത്യേക അനുമതികള് (Permits/Licenses) ലഭ്യമാണ്.
താല്ക്കാലിക ബാര് അനുമതി: വീടുകളിലോ ഓഡിറ്റോറിയങ്ങളിലോ നടക്കുന്ന വിവാഹം, ജന്മദിനാഘോഷങ്ങള് തുടങ്ങിയ ചടങ്ങുകളില് അതിഥികള്ക്ക് മദ്യം വിളമ്പണമെങ്കില് എക്സൈസ് വകുപ്പില് നിന്ന് താല്ക്കാലിക പെര്മിറ്റ് എടുക്കാം. ഇതിനായി നിശ്ചിത ഫീസ് അടച്ച് സര്ക്കിള് എക്സൈസ് ഓഫീസില് മുന്കൂട്ടി അപേക്ഷ നല്കണം.
ഹോട്ടലുകളിലെ മിനി ബാര് (L-3/FL-3 Licenses): 3 സ്റ്റാറിന് മുകളിലുള്ള ഹോട്ടലുകളിലെ ഗസ്റ്റ് റൂമുകളില് മിനി ബാര് സ്ഥാപിക്കുന്നതിന് ലിക്കര് ലൈസന്സുകള് നല്കുന്നുണ്ട്. എന്നാല് ഇത് വീടുകള്ക്ക് ബാധകമല്ല
കട്ടിപ്പാറയിൽ വീട്ടിൽ പത്രം വായിച്ചിരിക്കുകയായിരുന്ന ഗൃഹനാഥന് നേരേ കാട്ടുപന്നിയുടെ ആക്രമണം; പരിക്ക്
താമരശ്ശേരി: വീട്ടില് ഇരിക്കുകയായിരുന്ന ഗൃഹനാഥന് കാട്ടുപന്നിയുടെ ആക്രമണത്തില് പരിക്കേറ്റു. മലയോര മേഖലയായ കട്ടിപ്പാറയിലാണ് നാടിനെ നടുക്കിയ സംഭവം. കട്ടിപ്പാറ വെട്ടിഒഴിഞ്ഞ തോട്ടത്തില് എന്ന സ്ഥലത്ത് താമസിക്കുന്ന കെ.കെ അബ്ദുല് ഖാദറി(59) നാണ് പരിക്കേറ്റത്.
രാവിലെ ഏഴ് മണിയോടെയായിരുന്നു സംഭവം. വീടിന്റെ വരാന്തയില് ഇരുന്ന് പത്രം വായിച്ചുകൊണ്ടിരിക്കുകയായിരുന്നു അബ്ദുല് ഖാദര്. ഇതിനിടെ പെട്ടെന്ന കുതിച്ചെത്തിയ കാട്ടുപന്നി വീടിന്റെ ഗേറ്റും കടന്ന് അബ്ദുല് ഖാദറിന് നേരെ പാഞ്ഞടുക്കുകയായിരുന്നു. പെട്ടെന്നുള്ള ആക്രമണത്തില് പരിക്കേറ്റ ഖാദറിനെ ഉടന് തന്നെ താമരശ്ശേരി താലൂക്ക് ആശുപത്രിയില് പ്രവേശിപ്പിച്ചു. പിന്നീട് വിദഗ്ധ ചികിത്സയ്ക്കായി കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റി. സംഭവത്തിന്റെ സിസിടിവി ദൃശം പുറത്തുവന്നിട്ടുണ്ട്. ജനവാസ മേഖലയില് പകല് സമയത്ത് ഉണ്ടായ കാട്ടുപന്നിയുടെ ആക്രമണത്തില് കടുത്ത ആശങ്കയിലാണ് പ്രദേശത്തുകാര്.
ഉപ്പ് മാത്രമല്ല വില്ലൻ; ബിപി കൂട്ടുന്നത് ഈ ശീലങ്ങൾ
ഇക്കാലത്ത് പ്രായഭേദമന്യേ നിരവധിയാളുകളെ അലട്ടുന്ന പ്രധാന ആരോഗ്യപ്രശ്നങ്ങളിലൊന്നാണ് ഉയർന്ന രക്തസമ്മർദം അല്ലെങ്കിൽ ഹൈപ്പർടെൻഷൻ. ഭക്ഷണത്തിൽ അമിതമായി ഉപ്പ് ഉപയോഗിക്കുന്നതും കുടുംബത്തിലെ പാരമ്പര്യവുമാണ് ബിപി ഉയരാനുള്ള പ്രധാന കാരണങ്ങളായി പൊതുവെ കരുതപ്പെടുന്നത്. എന്നാൽ ഇതിനുപുറമെ, നമ്മൾ ശ്രദ്ധിക്കാതെ പോകുന്ന ചില ദൈനംദിന ശീലങ്ങളും പെരുമാറ്റങ്ങളും ഉയർന്ന രക്തസമ്മർദത്തിന് വഴിതുറക്കുന്നുണ്ട്
വിട്ടുമാറാത്ത മാനസിക സമ്മർദ്ദം ശരീരത്തിൽ അഡ്രിനാലിൻ, കോർട്ടിസോൾ തുടങ്ങിയ ഹോർമോണുകളുടെ അളവ് വർധിപ്പിക്കുന്നു. ഇത് ഹൃദയമിടിപ്പ് കൂട്ടുകയും രക്തക്കുഴലുകൾ ചുരുങ്ങാൻ കാരണമാകുകയും ചെയ്യുന്നു. നിരന്തരമായ മാനസിക സമ്മർദം രക്തസമ്മർദം സ്ഥിരമായി ഉയർന്ന തലത്തിൽ നിലനിർത്താൻ ഇടയാക്കും.
ശരീരത്തിന് ആവശ്യത്തിന് ഉറക്കം ലഭിക്കാതിരിക്കുന്നത് രക്തസമ്മർദ നിയന്ത്രണത്തെ സാരമായി ബാധിക്കും. പ്രതിദിനം 7 മുതൽ 8 മണിക്കൂർ വരെ സുഖകരമായ ഉറക്കം ലഭിക്കാത്തവരിൽ സ്ട്രെസ് ഹോർമോണുകൾ വർധിക്കുകയും ബിപി ഉയരുകയും ചെയ്യുന്നു. അമിതമായി വൈകി ഉറങ്ങുന്ന ശീലവും രക്തസമ്മർദം വർധിപ്പിക്കുന്നതിൽ പ്രധാന പങ്കുവഹിക്കുന്നു.
മണിക്കൂറുകളോളം തുടർച്ചയായി ഒരേയിടത്ത് ഇരുന്നുള്ള ജോലിയും വ്യായാമത്തിന്റെ കുറവും രക്തചംക്രമണത്തെ മന്ദഗതിയിലാക്കുന്നു. ഇത് ഹൃദയത്തിന്റെ പ്രവർത്തനഭാരം കൂട്ടുകയും രക്തക്കുഴലുകളുടെ വഴക്കം കുറയ്ക്കുകയും ചെയ്യുന്നു. ദിവസവും കുറഞ്ഞത് 30 മിനിറ്റെങ്കിലും വ്യായാമത്തിൽ ഏർപ്പെടാത്തത് ബിപി വർധിക്കാനുള്ള സാധ്യത കൂട്ടുന്നു.
ഭക്ഷണത്തിൽ നേരിട്ട് ചേർക്കുന്ന ഉപ്പ് മാത്രമല്ല, പാക്കറ്റ് ഉത്പന്നങ്ങൾ, ഫ്രോസൺ ഫുഡുകൾ, ബ്രെഡ്, സോസുകൾ, റെഡി-ടു-ഈറ്റ് ഭക്ഷണങ്ങൾ എന്നിവയിൽ വലിയ അളവിൽ സോഡിയം അടങ്ങിയിട്ടുണ്ട്. ഇത്തരം ഭക്ഷണങ്ങൾ പതിവായി കഴിക്കുന്നത് രക്തസമ്മർദം പെട്ടെന്ന് ഉയരാൻ കാരണമാകുന്നു.
ദിവസവും അമിതമായി കാപ്പിയോ കഫീൻ അടങ്ങിയ പാനീയങ്ങളോ കുടിക്കുന്നത് താത്കാലികമായി രക്തസമ്മർദം ഉയർത്താം. അതുപോലെ ശരീരത്തിന് ആവശ്യത്തിന് വെള്ളം ലഭിക്കാതെ വരുമ്പോൾ, ശരീരം സോഡിയത്തെ നിലനിർത്താൻ ശ്രമിക്കുകയും രക്തക്കുഴലുകൾ ചുരുങ്ങുകയും ചെയ്യുന്നു.
കൂടുതൽ കടുപ്പിച്ച്, ലൈസൻസിനായി ഇനി ഒരു പരീക്ഷ കൂടി; എന്താണ് ഹസാർഡ് ടെസ്റ്റ് ?
സംസ്ഥാനത്ത് ഡ്രൈവിങ് ലൈസൻസ് നൽകുന്നതിനുള്ള പരിശോധനാ രീതി കൂടുതൽ കടുപ്പിച്ചിരിക്കയാണ് ഗതാഗത വകുപ്പ്. റോഡപകടങ്ങൾ കുറയ്ക്കാനും സുരക്ഷിതമായ ഡ്രൈവിങ് സംസ്കാരം വളർത്തിയെടുക്കാനുമാണ് ലൈസൻസ് നൽകുന്ന പ്രക്രിയ നാല് ഘട്ടങ്ങളാക്കി മാറ്റുന്നതെന്ന് റിപ്പോർട്ട്.
ലേണേഴ്സ് ടെസ്റ്റും ട്രാക്ക് പരീക്ഷയും റോഡ് ഡ്രൈവിങ്ങും പാസാകുന്നതിനൊപ്പം റോഡിലെ അടിയന്തര സാഹചര്യങ്ങൾ വേഗത്തിൽ തിരിച്ചറിഞ്ഞ് പ്രതികരിക്കാനുള്ള കഴിവ് അളക്കുന്ന ഹസാർഡ് പെർസെപ്ഷൻ സിമുലേഷൻ ടെസ്റ്റ് കൂടി ഇനി ഉദ്യോഗാർത്ഥികൾ പൂർത്തിയാക്കേണമെന്ന് റിപ്പോർട്ടിൽ പറയുന്നു. എന്താണ് ഹസാർഡ് ടെസ്റ്റെന്ന് അറിയാമോ ?Related Articles
ലേണേഴ്സ് ലൈസൻസ് ലഭിച്ച് മുപ്പത് ദിവസങ്ങൾക്ക് ശേഷമാണ് ഈ പരീക്ഷ നടക്കുക. വീഡിയോ ഗെയിം മാതൃകയിലുള്ള പത്ത് വീഡിയോകൾ കമ്പ്യൂട്ടറിൽ കാണിക്കും. റോഡിലൂടെ വാഹനം ഓടിച്ച് പോകുമ്പോൾ ഉണ്ടായേക്കാവുന്ന അടിയന്തര സാഹചര്യത്തെ ആളുകൾ എങ്ങനെ മറികടക്കും എന്നത് അടിസ്ഥാനമാക്കിയാണ് മാർക്ക് ലഭിക്കുക. 100ൽ 50 മാർക്ക് നേടിയാലെ അടുത്ത ഘട്ടത്തിലേക്ക് കടക്കാനാകൂ.
ഇതിനൊപ്പം തന്നെ പരീക്ഷകളുടെ കാര്യക്ഷമത കൂട്ടാൻ ഒരു എം.വി.ഐ ഒരു ദിവസം ടെസ്റ്റ് നടത്തുന്ന അപേക്ഷകരുടെ എണ്ണത്തിലും നിയന്ത്രണം ഏർപ്പെടുത്തുമെന്നും റിപ്പോർട്ടിൽ പറയുന്നു. ഡ്രൈവിങ് സ്കൂളുകൾ അടുത്ത മൂന്ന് മാസത്തിനകം അപേക്ഷകർക്ക് പുതിയ പരീക്ഷയ്ക്കുള്ള പരിശീലനം നൽകണം. സ്കൂളുകളിൽ ആവശ്യമായ പരിശീലന സൗകര്യമുണ്ടെന്ന് അടുത്ത മാസം മുതൽ ആർ.ടി.ഒമാർ പരിശോധന നടത്തും.
യാത്രക്കാരുടെ ശ്രദ്ധയ്ക്ക്; 17നും 30നും ട്രെയിന് ഗതാഗതത്തില് നിയന്ത്രണം
തിരുവനന്തപുരം: ട്രാക്ക് അറ്റകുറ്റപ്പണി നടക്കുന്നതിനാല് ട്രെയിന് ഗതാഗതത്തില് നിയന്ത്രണം. തിരുവനന്തപുരം-കണ്ണൂര് ജനശതാബ്ദി എക്സ്പ്രസ് ഉള്പ്പെടെയുള്ള ചില ട്രെയിനുകള് ഭാഗികമായി റദ്ദാക്കി. സെപ്റ്റംബര് 17, 30 തീയതികളിലാണ് ചില ട്രെയിനുകള് ഭാഗികമായി റദ്ദാക്കിയത്. മലബാര് എക്സ്പ്രസ്, രാജധാനി സൂപ്പര്ഫാസ്റ്റ് എക്സ്പ്രസ് തുടങ്ങിയ ട്രെയിനുകള് വൈകുമെന്നും റെയില്വേ അറിയിച്ചു. പാലക്കാട് ഡിവിഷനിലെ ട്രാക്ക് അറ്റകുറ്റപ്പണികള് നടക്കുന്നതിനാലാണ് നിയന്ത്രണങ്ങള്.
ഭാഗികമായി റദ്ദാക്കിയ ട്രെയിനുകള്:-
തിരുവനന്തപുരം-കണ്ണൂര് ജനശതാബ്ദി എക്സ്പ്രസ്(12082) സെപ്റ്റംബര് 17-ന് എലത്തൂരിനും കണ്ണൂരിനും ഇടയില് റദ്ദാക്കി. 17-ന് ട്രെയിന് എലത്തൂരില് സര്വീസ് അവസാനിപ്പിക്കും. സെപ്റ്റംബര് 30-ന് ജനശതാബ്ദി എക്സ്പ്രസ് കോഴിക്കോടിനും കണ്ണൂരിനും ഇടയില് റദ്ദാക്കി. ട്രെയിന് കോഴിക്കോട് സര്വീസ് അവസാനിപ്പിക്കും.
ആലപ്പുഴ-കണ്ണൂര് എക്സിക്യൂട്ടിവ് എക്സ്പ്രസ്(16307) സെപ്റ്റംബര് 17-ന് കൊയിലാണ്ടിക്കും കണ്ണൂരിനും ഇടയില് റദ്ദാക്കി. 17-ന് ട്രെയിന് കൊയിലാണ്ടി വരെയാകും സര്വീസ് നടത്തുക. സെപ്റ്റംബര് 30-ന് എക്സിക്യൂട്ടിവ് എക്സ്പ്രസ്(16307) എലത്തൂരിനും കണ്ണൂരിനും ഇടയില് റദ്ദാക്കി. ട്രെയിന് എലത്തൂരില് യാത്ര അവസാനിപ്പിക്കും.
കോയമ്പത്തൂര്-കണ്ണൂര് എക്സ്പ്രസ്(16608) സെപ്റ്റംബര് 30-ന് കൊയിലാണ്ടിക്കും കണ്ണൂരിനും ഇടയില് റദ്ദാക്കി. 30-ന് ട്രെയിന് കൊയിലാണ്ടിയില് സര്വീസ് അവസാനിപ്പിക്കും.
വൈകി ഓടുന്ന ട്രെയിനുകള്
മംഗളൂരു സെന്ട്രല്-തിരുവനന്തപുരം സെന്ട്രല് മലബാര് എക്സ്പ്രസ്(16630) സെപ്റ്റംബര് 17-ന് ഒരുമണിക്കൂറോളം വൈകും.
തിരുവനന്തപുരം സെന്ട്രല്-ഹസ്രത്ത് നിസാമുദ്ദീന് രാജധാനി സൂപ്പര്ഫാസ്റ്റ് എക്സ്പ്രസ്(12431) സെപ്റ്റംബര് 17-ന് 40 മിനിറ്റോളം വൈകും.



