spot_img
Friday, November 20, 2026
Home Blog Page 100

കോഴിക്കോട്-ബെംഗളൂരു KSRTC ബസ് നിയന്ത്രണം വിട്ട് തലകീഴായി മറിഞ്ഞു; ഡ്രെെവർക്കും കണ്ടക്ടർക്കും ദാരുണാന്ത്യം

0

ബെംഗളൂരു: കോഴിക്കോട്-ബെംഗളൂരു കെഎസ്ആര്‍ടിസി ബസ് നിയന്ത്രണം വിട്ട് മറിഞ്ഞ് ഡ്രൈവര്‍ക്കും കണ്ടക്ടര്‍ക്കും ദാരുണാന്ത്യം. ബെംഗളൂരു രാമനഗര ബിഡതിയില്‍ രാവിലെ 6.40നായിരുന്നു അപകടം. നിയന്ത്രണം വിട്ട ബസ് സൂചനാ ബോര്‍ഡില്‍ ഇടിച്ച് തലകീഴായി മറിയുകയായിരുന്നു. കണ്ടക്ടര്‍ എൻ എം അരുൺ തല്‍ക്ഷണം മരിച്ചു. ഡ്രൈവർ ബിജിലേഷ് ആശുപത്രിയിൽ വെച്ചാണ് മരിച്ചത്. ബെംഗളൂരു-മൈസൂരു എക്സ്പ്രസ് ഹൈവേയിലാണ് അപകടമുണ്ടായത്.അപകടത്തിൽ പരുക്കേറ്റ നാല് പേരുടെ നില ഗുരുതരമാണ്. അപകടത്തിൽ പരുക്കേറ്റ യാത്രക്കാരെ രാജരാജേശ്വരി മെഡിക്കൽ കോളേജ് ആശുപത്രിയിലും, വിടതി കെമ്പണ്ണാ ആശുപത്രിയിലും പ്രവേശിപ്പിച്ചു. കോഴിക്കോട് ഡിപ്പോയുടെ ATC 129 ബസാണ് അപകടത്തിൽപ്പെട്ടത്.

ഏഴ് ജില്ലകളിൽ ഇന്ന് ഓറഞ്ച് അലേർട്ട്,ആറ് ജില്ലകളിൽ വിദ്യാഭ്യാസ സ്ഥാപനങ്ങൾക്ക് അവധി

0

തിരുവനന്തപുരം: സംസ്ഥാനത്ത് മഴ മുന്നറിയിപ്പില്‍ വീണ്ടും മാറ്റം. ഇന്ന് അതിശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. ഇതിന്റെ അടിസ്ഥാനത്തില്‍ ഇന്ന് ഏഴ് ജില്ലകളില്‍ കേന്ദ്രകാലാവസ്ഥാ വകുപ്പ് ഓറഞ്ച് അലേര്‍ട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് ഓറഞ്ച് അലേര്‍ട്ട്. മറ്റ് ഏഴ് ജില്ലകളില്‍ യെല്ലോ അലേര്‍ട്ടും പ്രഖ്യാപിച്ചിട്ടുണ്ട്. നാളെ ഒരുജില്ലകളിലും മഴ മുന്നറിയിപ്പില്ല.മഴ മുന്നറിയിപ്പിനെ തുടർന്ന് ആറ് ജില്ലകളിലെ പ്രൊഫഷണൽ കോളേജുകൾ അടക്കമുള്ള വിദ്യാഭ്യാസ സ്ഥാപനങ്ങൾക്ക് ഇന്ന് അവധിയാണ്. കണ്ണൂര്‍, കോഴിക്കോട്, കാസര്‍കോട്, തൃശൂര്‍, ആലപ്പുഴ, വയനാട് ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് അതത് ജില്ലാ കളക്ടർമാർ ഇന്ന് അവധി പ്രഖ്യാപിച്ചിരിക്കുന്നത്.

കരിപ്പൂർ വിമാനദുരന്തത്തിന് 6 വയസ്സ്

0

കോഴിക്കോട് വിമാനത്താവളത്തിലെ വിമാനാപകടത്തിന് 6 വയസ്സ്. വിമാനാപകടത്തെത്തുടർന്നു നിരോധിച്ച വലിയ വിമാന സർവീസുകൾ പുനരാരംഭിക്കുന്നതിന് ഇനിയും കടമ്പകളേറെ. 2020 ഓഗസ്റ്റ് ഏഴിനു രാത്രി 7.40ന് ആയിരുന്നു അപകടം. ദുബായിൽനിന്നെത്തിയ എയർ ഇന്ത്യ എക്സ്പ്രസ് വിമാനം റൺവേയിൽനിന്നു തെന്നി താഴേക്കുപതിച്ച് മൂന്നായി പിളർന്നു. പൈലറ്റും കോ പൈലറ്റും ഉൾപ്പെടെ 21 പേർ മരിച്ചു. കൊണ്ടോട്ടിയിലെയും പരിസരപ്രദേശങ്ങളിലെയും നാട്ടുകാർ ജീവൻ വകവയ്ക്കാതെ നടത്തിയ രക്ഷാപ്രവർത്തനം ലോകശ്രദ്ധ നേടി. കോവിഡ് കാലത്ത് കണ്ടെയ്ൻമെന്റ് സോൺ പ്രദേശമായിട്ടും വിമാനം പൊട്ടിത്തെറിക്കാനുള്ള സാധ്യത ഉണ്ടായിട്ടും അതൊന്നും വകവയ്ക്കാതെ നാട്ടുകാർ നടത്തിയ രക്ഷാപ്രവർത്തനമാണ് ദുരന്തവ്യാപ്തി കുറച്ചത്.

നാട്ടുകാർ രക്ഷപ്പെടുത്തിയ യാത്രക്കാരും അവരുടെ കുടുംബാംഗങ്ങളും ഓരോ വർഷവും കരിപ്പൂരിൽ ഒത്തുകൂടാറുണ്ട്. നാട്ടുകാരോടുള്ള നന്ദിസൂചകമായി അപകടസ്ഥലമായ പാലക്കപ്പറമ്പിനു സമീപമുള്ള, നെടിയിരുപ്പ് കുടുംബാരോഗ്യ കേന്ദ്രത്തോടു ചേർന്ന് ആശുപത്രി കെട്ടിടം പണിതുനൽകി. കഴിഞ്ഞ വാർഷിക ദിനത്തിലായിരുന്നു ഉദ്ഘാടനം. ഈ കെട്ടിടത്തിൽ വൈദ്യുതി, വെള്ളം എന്നിവയുടെ കണക്‌ഷൻ ഉടൻ നൽകുമെന്നും ഫർണിച്ചർ ഉൾപ്പെടെയുള്ള കാര്യങ്ങൾക്ക് ഫണ്ട് വകയിരുത്തിയിട്ടുണ്ടെന്നും നഗരസഭാ ചെയർമാൻ യു.കെ.മമ്മദിശ അറിയിച്ചു.

വിമാനത്തിന്റെ അവിശിഷ്ടങ്ങൾ കഴിഞ്ഞ വർഷമാണ് കരിപ്പൂരിൽനിന്നു നീക്കിയത്. അതേസമയം, വിമാനാപകടത്തെത്തുടർന്ന് നിരോധിച്ച വലിയ വിമാനങ്ങളുടെ തിരിച്ചുവരവിനു കാത്തിരിക്കുകയാണ് കരിപ്പൂർ. റൺവേ സുരക്ഷാ മേഖല നീളം കൂട്ടണമെന്ന നിർദേശത്തെത്തുടർന്ന് അതിനുള്ള നടപടികൾ പുരോഗമിക്കുന്നുണ്ട്. റൺവേയുടെ രണ്ടറ്റങ്ങളിലും മണ്ണിട്ട് റെസ നീളം കൂട്ടുന്ന ജോലിയാണു നടക്കുന്നത്. അധികൃതരുടെ വാഗ്ദാനപ്രകാരം ഇക്കഴിഞ്ഞ മാർച്ചിൽ പ്രവൃത്തി പൂർത്തിയാകേണ്ടതായിരുന്നു. കാലാവസ്ഥയും മണ്ണ് ലഭിക്കാനുള്ള തടസ്സങ്ങളുമാണ് പണി നീളാൻ കാരണമായി പറയുന്നത്. ഈ വർഷം ഡിസംബറിൽ പൂർത്തിയാകുമെന്ന പ്രതീക്ഷയാണ് അധികൃതർ പങ്കുവയ്ക്കുന്നത്. അതുകഴിഞ്ഞാലേ വലിയ വിമാനങ്ങളുടെ തിരിച്ചുവരവിനുള്ള നടപടികൾ ആരംഭിക്കാനാകൂ.

നിപയെ തോൽപ്പിച്ച് 43കാരൻ വീട്ടിലേക്ക്; കോഴിക്കോട് മെഡിക്കൽ കോളേജിന് അഭിമാന നിമിഷം

0

കോഴിക്കോട്:നിപ രോഗം ബാധിച്ച് കോഴിക്കോട് ഗവ. മെഡിക്കല്‍ കോളേജ് ആശുപത്രിയില്‍ ചികിത്സയിലിരുന്ന ഫറോക്ക് സ്വദേശിയായ 43കാരനെ ഡിസ്ചാര്‍ജ് ചെയ്തു. ജൂണ്‍ 11ന് പുലര്‍ച്ചെ മെഡിക്കല്‍ കോളേജിലെ ഐസൊലേഷന്‍ ഐ.സി.യുവില്‍ പ്രവേശിപ്പിച്ച് അതീവ ഗുരുതരാവസ്ഥയില്‍ കഴിഞ്ഞിരുന്നയാളാണ് പൂര്‍ണ രോഗമുക്തനായി വീട്ടിലേക്ക് തിരിച്ചത്. സര്‍ക്കാറിന്റെയും ജനപ്രതിനിധികളുടെയും ജില്ലാ ഭരണകൂടത്തിന്റെയും ഭാഗത്തുനിന്ന് മികച്ച പിന്തുണയാണ് ലഭിച്ചതെന്ന് പറഞ്ഞ രോഗിയും കുടുംബവും പിന്തുണ നല്‍കിയ എല്ലാവര്‍ക്കും ഹൃദയം നന്ദി അറിയിച്ചാണ് ആശുപത്രി വിട്ടത്.

നിലവില്‍ രോഗി പൂര്‍ണ ബോധത്തോടെയാണുള്ളതെന്നും പരസഹായമില്ലാതെ നടക്കാന്‍ കഴിയുന്നുണ്ടെന്നും മെഡിക്കല്‍ കോളേജ് അധികൃതര്‍ അറിയിച്ചു. പനി പൂര്‍ണമായി ഭേദമാകുകയും ഓര്‍മശക്തി സാധാരണ നിലയിലാവുകയും ചെയ്തിട്ടുണ്ട്. നേരത്തെ തലച്ചോറില്‍ ഉണ്ടായിരുന്ന തകരാറുകള്‍ നല്ല രീതിയില്‍ കുറഞ്ഞതായി സ്‌കാനിങ്ങില്‍ വ്യക്തമായതായും ഡോക്ടര്‍മാര്‍ അറിയിച്ചു.കോഴിക്കോട് സ്വകാര്യ ആശുപത്രിയില്‍ ചികിത്സയില്‍ കഴിയുന്നതിനിടെ നിപ സംശയത്തെ തുടര്‍ന്ന് സാമ്പിളുകള്‍ കോഴിക്കോട് ഗവ. മെഡിക്കല്‍ കോളേജിലെ വൈറല്‍ റിസര്‍ച്ച് ആന്‍ഡ് ഡയഗ്‌നോസ്റ്റിക് ലബോറട്ടറിയിലേക്കും പുണെ ഐ.സി.എം.ആറിലേക്കും അയച്ച് 2026 ജൂണ്‍ 10നാണ് രോഗം സ്ഥിരീകരിച്ചത്.

തുടര്‍ന്ന് മെഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു. പ്രിന്‍സിപ്പലിന്റെയും സൂപ്രണ്ടിന്റെയും നേതൃത്വത്തില്‍ ചികിത്സ നിരീക്ഷിക്കുന്നതിനായി ആശുപത്രിയില്‍ പ്രത്യേക മെഡിക്കല്‍ ബോര്‍ഡ് രൂപീകരിക്കുകയും വിവിധ വിഭാഗങ്ങളിലെ വിദഗ്ധരുടെ പരിശോധനയും നിര്‍ദേശങ്ങളും സ്വീകരിച്ച് ചികിത്സ തുടരുകയും ചെയ്തു. ആരോഗ്യമന്ത്രി നേരിട്ട് ഇടപെട്ടാണ് റെംഡിസിവര്‍ മരുന്ന് ബഹ്‌റൈനില്‍നിന്ന് എത്തിച്ചത്. ഒന്നര മാസത്തോളം വെന്റിലേറ്റര്‍ സഹായത്തില്‍ തുടര്‍ന്ന രോഗിയെ ജൂലൈ നാലിന് ഐസൊലേഷന്‍ ഐ.സി.യുവില്‍നിന്ന് ട്രാന്‍സിറ്റ് ഐ.സി.യുവിലേക്ക് മാറ്റി. സ്വയം ശ്വസിക്കാന്‍ തുടങ്ങിയതോടെ വെന്റിലേറ്ററില്‍നിന്ന് പൂര്‍ണമായി മാറ്റുകയും സ്ഥിതി കൂടുതല്‍ മെച്ചപ്പെട്ടതോടെ റൂമിലേക്ക് മാറ്റുകയും ചെയ്തിരുന്നു.

പ്രിന്‍സിപ്പല്‍ ഡോ. കെ.ജെ സജീത്ത്, സൂപ്രണ്ട് ഡോ. എം പി ശ്രീജയന്‍, മെഡിസിന്‍ വിഭാഗത്തിലെ ഡോ. വി.കെ ഷമീര്‍, ഡോ. ആര്‍ ഗായത്രി, മൈക്രോബയോളജി വിഭാഗം മേധാവി ഡോ. പി.എം അനിത, പോസ്റ്റ് ഗ്രാജ്വേറ്റ്‌സ് ടീം, ചീഫ് നഴ്‌സിങ് ഓഫീസറുടെ നേതൃത്വത്തില്‍ നഴ്‌സിങ് ടീം, മറ്റു വിഭാഗം ഡോക്ടര്‍മാര്‍ എന്നിവരുടെ സംഘമാണ് ചികിത്സ മുന്നോട്ടുപോയത്.

റെഡ് അലർട്ട്: വിനോദസഞ്ചാര കേന്ദ്രങ്ങളിൽ നിയന്ത്രണം

0

സംസ്ഥാനത്ത് റെഡ് അലർട്ടും ശക്തമായ മഴ മുന്നറിയിപ്പും നിലനിൽക്കുന്ന സാഹചര്യത്തിൽ വിനോദസഞ്ചാര വകുപ്പിനും ജില്ലാ ടൂറിസം പ്രമോഷൻ കൗൺസിലുകൾക്കും (DTPC) പ്രത്യേക ജാഗ്രതാ നിർദേശം സംസ്ഥാന ദുരന്ത നിവാരണ അതോറിറ്റി (KSDMA) നൽകി.റെഡ്, ഓറഞ്ച് അലർട്ട് പ്രഖ്യാപിച്ച ജില്ലകളിലെയും സമീപ പ്രദേശങ്ങളിലെയും വെള്ളച്ചാട്ടങ്ങൾ, ജലാശയങ്ങളുമായി ബന്ധപ്പെട്ട വിനോദസഞ്ചാര കേന്ദ്രങ്ങൾ, മണ്ണിടിച്ചിൽ-ഉരുൾപൊട്ടൽ സാധ്യതയുള്ള മലയോര മേഖലകൾ എന്നിവിടങ്ങളിൽ മുന്നറിയിപ്പ് പിൻവലിക്കുന്നത് വരെ നിയന്ത്രണം ഏർപ്പെടുത്തണം

വ്യാജന്മാരെ സൂക്ഷിക്കുക! ഓണ വിപണി സജീവമായതോടെ പലയിടങ്ങളിലും ഒഴുകുന്നത്‌ മായം ചേർന്ന ശർക്കരയും വെളിച്ചെണ്ണയും.

0

കോഴിക്കോട് : ഓണ വിപണി സജീവമായതോടെ മായം കലർന്ന ശർക്കരയും വെളിച്ചെണ്ണയും വ്യാപകമായി വിപണിയിലെത്തുന്നു. പ്രത്യേകിച്ച് ശർക്കരയ്ക്ക് കൂടുതൽ ആകർഷകമായ നിറം നൽകുന്നതിനായി ടാർട്രസിൻ, സൺസെറ്റ് യെല്ലോ, ബ്രില്ലിയന്റ് ബ്ലൂ തുടങ്ങിയ കൃത്രിമ നിറങ്ങൾ ചേർക്കുന്നതായി പരിശോധനകളിൽ കണ്ടെത്തി. ഭക്ഷ്യയോഗ്യമല്ലാത്തതോ അനുവദനീയമായ പരിധിക്ക് മുകളിലോ ഇത്തരം നിറങ്ങൾ ഉപയോഗിക്കുന്നത് ആരോഗ്യത്തിന് ഗുരുതര ഭീഷണിയാകുമെന്ന് വിദഗ്ധർ മുന്നറിയിപ്പ് നൽകുന്നു.ദീർഘകാലം ഇത്തരം മായം കലർന്ന ഭക്ഷ്യവസ്തുക്കൾ ഉപയോഗിക്കുന്നത് കരൾ, വൃക്ക എന്നിവയുടെ പ്രവർത്തനത്തെ പ്രതികൂലമായി ബാധിക്കാനും ചില സാഹചര്യങ്ങളിൽ അർബുദ സാധ്യത വർധിപ്പിക്കാനും ഇടയാക്കുമെന്നാണ് ആരോഗ്യവിദഗ്ധരുടെ വിലയിരുത്തൽ. കൊല്ലം ജില്ലയിലെ കൊട്ടിയം, നെടുങ്ങോലം, കുളത്തൂപ്പുഴ, പാരിപ്പള്ളി, പടിഞ്ഞാറെ കല്ലട എന്നീ ഭാഗങ്ങളിൽനിന്ന്‌ ശേഖരിച്ച ശർക്കരയിലാണ് കൃത്രിമ നിറമുള്ളതായി കണ്ടെത്തിയത്. വ്യാജ വെളിച്ചെണ്ണ വ്യാജ വിലാസത്തിലാണ്‌ വിപണിയിൽ വിറ്റഴിയുന്നത്‌.” കേര ഡയമണ്ട്’എന്ന പേരിൽ നിലവാരമില്ലാത്ത വെളിച്ചെണ്ണ വിൽപ്പന നടത്തിയത്‌ ശൂരനാടാണ്‌. ദേവി സ്റ്റോറിൽ നിന്ന്‌ പരിശോധനയ്ക്ക് എടുത്ത കേരള ഡയമണ്ട് ബ്രാൻഡാണ് നിലവാരമില്ലാത്തതായി കണ്ടെത്തിയത്‌. അന്വേഷണത്തിൽ ഈ പാക്കറ്റിൽ രേഖപ്പെടുത്തിയിരുന്ന ദാസ് ഓയിൽ ഇൻഡസ്ട്രീസ്, യൂണിറ്റ് നമ്പർ 1/77, പാലക്കാട് എന്ന വിലാസവും വ്യാജമാണെന്ന് തെളിഞ്ഞു. ഭക്ഷ്യസുരക്ഷാ വകുപ്പ്‌ നടത്തിയ പരിശോധനയിലാണ്‌ കണ്ടെത്തൽചാക്കിൽ ലേബൽ വിവരങ്ങൾ ഇല്ലാതെയാണ്‌ ശർക്കര വിൽപ്പന. അതിനാൽ ഉൽപ്പാദകരെ കണ്ടെത്താൻ കഴിയാത്ത അവസ്ഥയാണ്. വിൽപ്പന തകൃതിയായി നടക്കുന്ന ഓണക്കാലത്താണ്‌ ഇതര സംസ്ഥാനങ്ങളിൽ നിന്നടക്കം വ്യാജ സാധനങ്ങൾ ജില്ലയിലേക്ക്‌ ഒഴുകുന്നത്‌. നല്ല തിളങ്ങുന്ന നിറമുള്ള വടിവൊത്ത ആകൃതിയുള്ള ശർക്കര തേടിയെത്തുന്ന ഉപഭോക്താക്കളാണ്‌ മായമുള്ള ശർക്കര കൂടുതലും ഇവിടേക്ക്‌ എത്താനുള്ള പ്രധാന കാരണമെന്ന്‌ വ്യാപാരികളും ഭക്ഷ്യസുരക്ഷാ അധികൃതരും പറയുന്നു.പഴനി, സേലം, കോയമ്പത്തൂ‍ർ, ​ഗുണ്ടൽപ്പേട്ട് തുടങ്ങി കർണാടക, തമിഴ്നാട് സംസ്ഥാനങ്ങളുടെ പലഭാ​ഗങ്ങളിൽ നിന്നാണ് കേരളത്തിലേക്ക് ശർക്കര എത്തുന്നത്. കരിമ്പിൻ പാടങ്ങളോട് ചേർന്നുള്ള സ്ഥലങ്ങളിലാണ് ഉൽപ്പാദനം. ഉണ്ണിയപ്പം, എള്ളുണ്ട, കടലമിഠായി, നെയ്യപ്പം തുടങ്ങി ശർക്കര ചേർക്കുന്ന ഭക്ഷ്യവസ്തുക്കൾ തയ്യാറാക്കാൻ നിറം നോക്കിയാണ് ഉപയോക്താക്കൾ വാങ്ങുന്നതെന്ന് ഭക്ഷ്യസുരക്ഷാ വിഭാ​ഗം. ഇതുതന്നെയാണ് മായം ചേർക്കാൻ ഉൽപ്പാദകരെ പ്രേരിപ്പിക്കുന്നതെന്നും അവർ പറയുന്നു.ഇരുണ്ട മണ്ണിന്റെ നിറംസാധാരണയായി ഇരുണ്ട മണ്ണിന്റെ നിറമാണ്‌ ശർക്കരയ്‌ക്ക്‌. മായം അടങ്ങിയിട്ടുണ്ടെങ്കിൽ വെള്ളയോ മഞ്ഞയോ ഇളംനിറമോ ആയിരിക്കും. ശർക്കരയുടെ ഉപരിതലം വല്ലാതെ തിളങ്ങുന്നുണ്ടെങ്കിലും മായം അടങ്ങിയിട്ടുണ്ട്‌.​പരിശോധിക്കാംഒരു ഗ്ലാസ്‌ വെള്ളമെടുത്ത്‌ അതിൽ ശർക്കര ഇടുക. വെള്ളത്തിന്റെ നിറം കുറച്ചുകഴിയുമ്പോൾ വല്ലാതെ മാറിയിട്ടുണ്ടൈങ്കിൽ മായം ചേർത്തതാണെന്ന്‌ ഉറപ്പിക്കാം. ഉപ്പ് ചുവയോ കയ്പോ ഉണ്ടെങ്കിൽ രാസവസ്തുക്കൾ കലർന്നതാണ്‌. കൈയിൽ ശർക്കര ഉരസിനോക്കുമ്പോൾ എണ്ണമയം തോന്നിയാൽ മിനുസത്തിനും തിളക്കത്തിനുമായി മായം കലർത്തിയെന്നും മനസ്സിലാക്കാം.ബില്ല് ഇല്ലാത്ത സാധനങ്ങൾ വിൽക്കരുത്‌ബില്ല് ഇല്ലാത്തതും ലേബൽ വിവരം ഇല്ലാത്തതും പരിചയമില്ലാത്തതുമായ വെളിച്ചെണ്ണയും ശർക്കരയുമടക്കമുള്ള സാധനങ്ങൾ വിൽക്കരുതെന്ന്‌ ഭക്ഷ്യസുരക്ഷാ വകുപ്പ്. ശരിയായ വാറന്റി ബില്ലും ലേബലും ഇല്ലെങ്കിൽ വിൽപ്പന നടത്തുന്ന കടക്കാർ മാത്രമാകും പ്രതികൾ. ഭക്ഷ്യസുരക്ഷാ നിയമ പ്രകാരം ചാക്കുകളിൽ ഉൽപ്പാദകരുടെ പേര് വിവരവും ലൈസൻസ് നമ്പരും രേഖപ്പെടുത്തിയിരിക്കണം.അതേസമയം വിശ്വസനീയമായ സ്ഥാപനങ്ങളിൽ നിന്നുമാത്രം ഭക്ഷ്യവസ്തുക്കൾ വാങ്ങുക, പാക്കറ്റിലെ ലേബലും കാലാവധിയും പരിശോധിക്കുക, സംശയമുള്ള ഉൽപ്പന്നങ്ങൾ ഭക്ഷ്യസുരക്ഷാ വകുപ്പിനെ അറിയിക്കുക എന്നിവ ഓണക്കാലത്ത് ആരോഗ്യസംരക്ഷണത്തിന് ഏറെ പ്രധാനമാണ്.

മഴ അതിതീവ്രമാകുന്നു, നാല് ജില്ലകളില്‍ റെഡ് അലേര്‍ട്ട്‌, നാലിടത്ത് ഓറഞ്ച് അലേർട്ട്.

0

തിരുവനന്തപുരം: സംസ്ഥാനത്ത് മഴ അതിതീവ്രമാകുന്നുവെന്ന് മുന്നറിയിപ്പ്. നാല് ജില്ലകളില്‍ റെഡ് അലേർട്ട് പ്രഖ്യാപിച്ചു. കോഴിക്കോട്, വയനാട്, കണ്ണൂർ, കാസർകോട് ജില്ലകളാണ് റെഡ് അലേർട്ട്. പത്തനംതിട്ട, കോട്ടയം, ഇടുക്കി, മലപ്പുറം ജില്ലകളിൽ ഓറഞ്ച് അലേർട്ടാണ്. തിരുവനന്തപുരം, കൊല്ലം, ആലപ്പുഴ, എറണാകുളം, പാലക്കാട്, തൃശൂർ ജില്ലകളിൽ യെല്ലോ അലേർട്ടും പ്രഖ്യാപിച്ചിട്ടുണ്ട്. നാളെയും ഒറ്റപ്പെട്ട ശക്തമായ മഴ തുടരുമെന്നാണ് മുന്നറിയിപ്പ്. നാളെ 10 ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്.മഴ മുന്നറിയിപ്പിനെ തുടർന്ന് എട്ട് ജില്ലകളിലെ പ്രൊഫഷണൽ കോളേജുകൾ അടക്കമുള്ള വിദ്യാഭ്യാസ സ്ഥാപനങ്ങൾക്ക് ഇന്ന് അവധിയാണ്.

പത്തനംതിട്ട, ആലപ്പുഴ, കോട്ടയം, വയനാട്, കണ്ണൂർ, കാസർകോട്, എറണാകുളം, തൃശൂർ ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് അതത് ജില്ലാ കളക്ടർമാർ ഇന്ന് അവധി പ്രഖ്യാപിച്ചിരിക്കുന്നത്.മഴ മാറിയെങ്കിലും കുട്ടനാട്ടില്‍ വെള്ളക്കെട്ട് ദുരിതമൊഴിയുന്നില്ല. കുട്ടനാട് താലൂക്കിലെ താഴ്ന്ന പ്രദേശങ്ങൾ ഇപ്പോഴും വെള്ളത്തിനടിയിലാണ്. ഗ്രാമീണ റോഡുകളും വെള്ളത്തിലായതോടെ ട്രാക്ടറുകളിലും ചെറുതോണികളിലും ആണ് ആളുകളുടെ യാത്ര. വെള്ളക്കെട്ടിനെ തുടർന്ന് എസി റോഡിലെ ഗതാഗതം ഭാഗികമായി നിലച്ചിരുന്നു.

മൂടാടിയിൽ സ്കൂൾ ബസ്സും ദീർഘദൂര ബസ്സും കൂടിയിടിച്ച് അപകടം; നാല് പേർക്ക് പരിക്ക്

0

മൂടാടി: ദേശീയപാത മൂടാടിയിൽ സ്കൂൾ ബസ്സും ദീർഘദൂര ബസ്സും കൂട്ടിയിടിച്ച് അപകടം. അപകടത്തിൽ നാല് പേർക്ക് പരിക്കേറ്റു. മൂടാടി വീമംഗലം യു.പി സ്കൂളിലെ ബസ്സിനെ കണ്ണൂരുനിന്നും നിന്നും കോഴിക്കോടേക്ക് പോകുന്ന കാവാലം ബസ്സ് ഇടിക്കുകയായിരുന്നു. സ്കൂൾ ബസ് ഡ്രൈവർക്കും ലിമിറ്റഡ് ബസിലുണ്ടായിരുന്ന മൂന്ന് യാത്രക്കാർക്കുമാണ് പരിക്കേറ്റത്. ഇന്ന് രാവിലെ 9.30 ഓടെയായിരുന്നു സംഭവം. രാവിലെ സ്കൂൾ ബസ്സിൽ നിന്നും കുട്ടികളെ ഇറക്കി വണ്ടി സൈഡാക്കുന്ന സമയം ലിമിറ്റഡ് ബസ്സ് വന്ന പോയ കാവാലം ബസ് കൊല്ലത്തു നിന്നും കൊയിലാണ്ടി പോലീസ് തടഞ്ഞു നിർത്തി കസ്റ്റഡിയിലെടുത്തു.

ലഹരി കേസിലെ സ്ത്രീകളുടെ ദൃശ്യങ്ങൾ പ്രചരിപ്പിക്കരുത്; എക്സൈസ് ഉദ്യോഗസ്ഥർക്ക് കർശന നിർദ്ദേശം

0

തിരുവനന്തപുരം: ലഹരി കേസുകളിൽ പിടിക്കപ്പെടുന്ന സ്ത്രീകളുടെ ദൃശ്യങ്ങൾ പകർത്തുന്നതും സോഷ്യൽ മീഡിയയിൽ പ്രചരിപ്പിക്കുന്നതും നിരോധിച്ച് എക്സൈസ് കമ്മീഷണറുടെ കർശന ഉത്തരവ്. സമൂഹമാധ്യമങ്ങൾ ഉപയോഗിക്കുന്നതുമായി ബന്ധപ്പെട്ട പുതിയ മാർഗനിർദേശങ്ങളാണ് എക്സൈസ് വകുപ്പ് പുറത്തിറക്കിയത്.പ്രതികളായ സ്ത്രീകളുടെ സ്വകാര്യത ലംഘിക്കുന്ന തരത്തിലുള്ള ഫോട്ടോകളോ വീഡിയോകളോ പകർത്തരുതെന്നും അവ ഔദ്യോഗികമോ അനൗദ്യോഗികമോ ആയ സോഷ്യൽ മീഡിയ പേജുകളിൽ പോസ്റ്റ് ചെയ്യരുതെന്നും ഉത്തരവിൽ വ്യക്തമാക്കുന്നു. സാക്ഷികളുടെ സ്വകാര്യതയും സംരക്ഷിക്കണമെന്നും നിർദേശമുണ്ട്.പോലീസ്, എക്സൈസ് ഉൾപ്പെടെയുള്ള വകുപ്പുകൾ ഇപ്പോൾ സോഷ്യൽ മീഡിയയിൽ സജീവമാണ്. ലഹരി വേട്ട, റെയ്ഡ് എന്നിവയുടെ ദൃശ്യങ്ങൾ ഔദ്യോഗിക പേജുകളിൽ പതിവായി പങ്കുവയ്ക്കാറുണ്ട്. ഇത് ചിലപ്പോൾ വിവാദങ്ങൾക്കും വിമർശനങ്ങൾക്കും വഴിവെച്ചിരുന്നു. ഇതിന്റെ പശ്ചാത്തലത്തിലാണ് പുതിയ നിയന്ത്രണങ്ങൾ.എക്സൈസ് ഉദ്യോഗസ്ഥർ അഡ്മിനായുള്ള പേജുകളിൽ സർക്കാരിനെയോ വകുപ്പിനെയോ വിമർശിക്കുന്ന പോസ്റ്റുകൾ വരാതെ ശ്രദ്ധിക്കണമെന്നും ഉത്തരവിൽ പറയുന്നു. അതേസമയം കേസിന്റെ അന്വേഷണത്തിനോ കോടതി നടപടികൾക്കോ കോട്ടം വരുത്തുന്ന ദൃശ്യങ്ങൾ പ്രസിദ്ധീകരിക്കരുതെന്നും നിർദേശിച്ചു

ബാലാവകാശ കമ്മീഷൻ സിറ്റിംഗ്: 51 പരാതികൾ തീർപ്പാക്കി.

0

കോഴിക്കോട്: സംസ്ഥാന ബാലാവകാശ കമ്മീഷൻ കോഴിക്കോട് കളക്ടറേറ്റ് കോൺഫറൻസ് ഹാളിൽ നടത്തിയ സിറ്റിംഗിൽ 51 പരാതികൾ തീർപ്പാക്കി. 61 പരാതികളാണ് സിറ്റിംഗിൽ പരിഗ ണിച്ചത്. പത്ത് പരാതികൾ തീ ർപ്പാക്കാനായി മാറ്റിവെച്ചു.കമീഷൻ അംഗങ്ങളായ അഡ്വ. പി. ഷാജേഷ് ഭാസ്‌കർ, സിസിലി ജോസഫ് എന്നിവരാണ് പരാതികൾ പരിഗണിച്ചത്. തെറ്റായ വിവരങ്ങൾ അടങ്ങിയ ആധാർ കാർഡ് ലഭിച്ചത് തിരുത്തി നൽകാൻ ആവശ്യപ്പെട്ട് വിദ്യാ ർഥി നൽകിയ പരാതിയിൽ ഒരു മാസത്തിനകം തിരുത്തിയ ആധാർ കാർഡ് അനുവദിക്കാൻ യുഐഡി അഥോറിറ്റി സംസ്ഥാന ഡയറക്ടർക്ക് കമ്മീഷൻ നിർദേശം നൽകി. ഒരു വിദ്യാർഥിയുടെ കുടുംബത്തിനെതിരേ പൊതുമേഖല ബാങ്ക് സ്വീകരി ച്ച ജപ്തി നടപടിയിൽ വായ്‌പ തിരിച്ചടവിന് സമയം നൽകാൻ ബാങ്കിന് കമ്മീഷൻ നിർദേശം നൽകി.

ആയഞ്ചേരി പഞ്ചായത്തിൽ പഠനേതര പ്രവർത്തനങ്ങൾ ക്കായി സ്കൂ‌ൾ എച്ച്എമ്മിനെ പഞ്ചായത്ത് നിരന്തരം വിളിച്ചു വരുത്തുന്നുവെന്ന സ്‌കൂൾ പി ടിഎയുടെ പരാതിയിൽ, പഠന ത്തെയും സ്‌കൂൾ പ്രവർത്തനത്തെയും ബാധിക്കാത്ത രീതി യിൽ മാത്രമേ പഞ്ചായത്ത് കാര്യങ്ങൾക്കായി ഹാജരാകേണ്ട തുള്ളൂവെന്ന് കമ്മീഷൻ നിർദേശിച്ചു. ബാലുശേരി പഞ്ചായ ത്തിൽ അനധികൃതമായി പ്രവർത്തിക്കുന്ന ക്വാറികളുടെ സമീപത്തെ വീടുകളിൽ വിള്ളൽ വീഴുന്നതുമായി ബന്ധപ്പെട്ട് ലഭിച്ച പരാതിയിൽ തുടർനടപടികൾ സ്വീകരിക്കാൻ വിവിധ വകുപ്പു തല സുരക്ഷാ അഥോറിറ്റികൾക്ക് കമ്മീഷൻ നിർദേശം നൽകി. ചികിത്സാ പിഴവുമായി ബന്ധപ്പെട്ട നാല് പരാതികൾ വിശ ദമായ ശാസ്ത്രീയ റിപ്പോർട്ട് ലഭ്യമാക്കുന്നതിനായി മാറ്റിവച്ചു.