spot_img
Friday, November 20, 2026
Home Blog Page 133

മംഗളൂരു– ഗോവ വന്ദേഭാരത് കോഴിക്കോട്ടേക്ക് നീട്ടിയാൽ നേട്ടം; 2.20 മണിക്കൂറിനകം മംഗളൂരുവിലെത്താം.

0

കോഴിക്കോട് : മംഗളൂരു – ഗോവ വന്ദേഭാരത് കോഴിക്കോട്ടേക്കു നീട്ടുന്നതു മംഗളൂരുവിനും കോഴിക്കോടിനും ഇടയിൽ രാവിലെയും രാത്രിയിലും ഒട്ടേറെ യാത്രക്കാർക്കു ഗുണം ചെയ്യും. കോഴിക്കോട്ടു നിന്നു മംഗളൂരു സെൻട്രലിൽ എത്താൻ വന്ദേഭാരതിനു 2 മണിക്കൂർ 20 മിനിറ്റു മതിയാകും. രാവിലെ 6നു കോഴിക്കോട്ടു നിന്നു പുറപ്പെട്ടാൽ, 8.20ന് മംഗളൂരുവിൽ എത്തും. പുലർച്ചെ 4.45നു മലബാർ എക്സ്പ്രസ് പോയിക്കഴിഞ്ഞാൽ, പിന്നീട് 6.10ന് ആണു മംഗളൂരു ഭാഗത്തേക്കു കോഴിക്കോട്ടുനിന്നു പ്രതിദിന ട്രെയിനുള്ളത്.മംഗളൂരു സെൻട്രലിൽ നിന്നു കോഴിക്കോട്ടേക്ക് വൈകിട്ട് 6.15നു പുറപ്പെടുന്ന മലബാർ എക്സ്പ്രസ് കഴിഞ്ഞാൽ 11.45ന് വെസ്റ്റ്കോസ്റ്റ് എക്സ്പ്രസ് മാത്രമാണു പ്രതിദിന ട്രെയിൻ. മറ്റു ട്രെയിനുകളുടെ സമയത്തെ ബാധിക്കാതെ വന്ദേഭാരതിനു കോഴിക്കോടു നിന്നു മംഗളൂരുവിലേക്കും തിരിച്ചും യാത്ര നടത്താൻ കഴിയും.

ഇതു വിശദമാക്കി എം.കെ.രാഘവൻ എംപി നേരത്തേ തന്നെ റെയിൽവേ മന്ത്രിക്കു നിവേദനം നൽകുകയും പാർലമെന്റിൽ വിഷയം ഉന്നയിക്കുകയും ചെയ്തിരുന്നു. ഗോവ വന്ദേഭാരത് കോഴിക്കോട്ടേക്കു നീട്ടുന്നതു മേഖലയിലെ യാത്രക്കാർക്കു വളരെയധികം ഉപകാരം ചെയ്യും. ആദ്യം കോഴിക്കോട്ടേക്കും പിന്നീടു ഷൊർണൂരിലേക്കും നീട്ടണം. മലബാറിന്റെ പ്രവേശന കവാടമാണു ഷൊർണൂർ. ടൂറിസത്തിനും തീർഥാടനത്തിനും ഒരുപോലെ സഹായകരമാകും ഇതു നടപ്പായാൽ.8 കോച്ചുകളുള്ളതാണു നിലവിൽ മംഗളൂരു–ഗോവ വന്ദേഭാരത്. കോഴിക്കോട്ടേക്കു നീട്ടുമ്പോൾ ഇതു വർധിപ്പിക്കേണ്ടി വരും.

മംഗളൂരു–തിരുവനന്തപുരം, കാസർകോട് – മംഗളൂരു വന്ദേഭാരത് ട്രെയിനുകൾക്ക് 20 കോച്ചുകളുണ്ടായിട്ടും നിലവിൽ ടിക്കറ്റ് ലഭിക്കാത്ത സ്ഥിതിയുണ്ട്. ഗോവ വന്ദേഭാരത് കോഴിക്കോട്ടേക്കു നീട്ടുന്നതിലൂടെ ഇവിടെനിന്നു മുംബൈയിലേക്കു വന്ദേഭാരത് യാത്ര സാധ്യമാകുമെന്നും യാത്രക്കാർ പറയുന്നു. മുംബൈയിൽ കഴിയുന്ന മലബാറുകാർക്ക് നാട്ടിൽ വന്നു പോകാനുള്ള യാത്രാസമയം വളരെയധികം കുറയുമെന്നും അവർ പറയുന്നു.

ദിവസവും കുത്തി വെക്കേണ്ട, ആഴ്ചയിലൊരിക്കൽ എടുക്കാവുന്ന ഇൻസുലിൻ ഇന്ത്യയിൽ പുറത്തിറക്കി.

ടൈപ്പ് 1, ടൈപ്പ് 2 പ്രമേഹബാധിതരിൽ പ്രതിവാരം ഉപയോഗിക്കാവുന്ന ഇൻസുലിൻ ഇന്ത്യയിൽ പുറത്തിറക്കി ഡാനിഷ് മരുന്ന് നിർമ്മാതാക്കളായ നോവോ നോർഡിസ്. Awiqli എന്ന ഇൻസുലിൻ യാഥാർഥ്യമാവുകവഴി വർ‌ഷത്തിൽ 365 ദിവസവും ഇൻസുലിനെടുക്കുന്നവർക്ക് ഇത് ആഴ്ചയിലൊന്നെന്ന രീതിയിൽ കുറയ്ക്കാനാവുമെന്ന് കമ്പനി പറയുന്നു.പ്രമേഹരോഗികളിൽ ഗുളികകൾ കൊണ്ട് മാത്രമുള്ള ചികിത്സ അസാധ്യമായിത്തീരുമ്പോഴാണ് ഇൻസുലിൻ ചികിത്സ ആരംഭിക്കുക. ടൈപ് 1, ടൈപ് 2 ഡയബറ്റിസ് രോഗികളിൽ രക്തത്തിലെ ഷുഗറിന്റെ അളവ് നിയന്ത്രിക്കാൻ പ്രതിദിനം ഒന്നോ, ഒന്നിലധികമോ ഇൻസുലിൻ എടുക്കാറുണ്ട്. ഈ രീതി പാടെ ഒഴിവാക്കുന്നതാണ് പുതിയ മരുന്ന്.Awaqliയുടെ 700 യൂണിറ്റ് പാക്കിന് 2611 രൂപയാണ് വില. നിലവിൽ ലഭ്യമായ പ്രതിദിന ഇൻസുലിൻ യൂണിറ്റുകളുടെ വിലയേക്കാൾ ഏകദേശം 30-40 ശതമാനം കുറവാണെന്ന് മരുന്ന് നിർമ്മാതാക്കൾ അവകാശപ്പെടുന്നു.

പ്രമേഹം നിയന്ത്രിക്കുന്നതിനായി പലരോഗികൾക്കും ദിവസവും 10 യൂണിറ്റ് വരെ ആവശ്യമായി വരാറുണ്ട്. അതായത് അത്തരം രോഗികൾക്ക് പ്രതിവാരം 70 യൂണിറ്റ് ഇൻസുലിൻ വേണ്ടിവരുന്നതിന് ഏകദേശം 261 രൂപ ഒരാഴ്ചത്തേക്ക് ചെലവാകും. പുതിയ ഇൻസുലിൻ പ്രാബല്യത്തിൽ വരുന്നതോടെ ഈ ചെലവ് കുറയ്ക്കാനാവും.ലോകത്തിലെ ഏറ്റവും വലിയ പ്രമേഹ ബാധിച്ച രാജ്യങ്ങളിലൊന്നാണ് ഇന്ത്യ എന്നതിനാൽ ഈ മരുന്നിന് വലിയ പ്രാധാന്യവുമുണ്ട്. പുതുതായി വികസിപ്പിച്ച പ്രതിവാര ഇൻസുലിന്റെ ഗുണനിലവാരം പരിശോധിക്കാനുള്ള ക്ലിനിക്കൽ ട്രയലിനൊടുവിൽ രക്തത്തിലെ ഗ്ലൂക്കോസിന്റെ അളവ് വലിയതോതിൽ കുറഞ്ഞുവെന്നാണ് മരുന്നുനിർമാതാക്കൾ പറയുന്നത്.

പ്രതിദിനം നൽകുന്ന ഇൻസുലിനേക്കാൾ മികച്ചതാണെന്നും അവകാശപ്പെടുന്നുണ്ട്.രാജ്യത്തെ പ്രമേഹ പരിചരണമേഖലയിലെ നിർണായക വഴിത്തിരിവാണ് ഇതെന്നാണ് നോവോ നോർഡിസ് ഇന്ത്യയുടെ മാനേജിംഗ് ഡയറക്ടർ വിക്രാന്ത് ഷ്രോത്രിയ പറയുന്നത്. നിലവിൽ ഇന്ത്യയിൽ ഏകദേശം 60 ലക്ഷം ആളുകൾ ഇൻസുലിൻ ഉപയോഗിക്കുന്നുണ്ടെന്നും അവർക്ക് ഇത് ഉപയോഗപ്രദമാകുമെന്നും അദ്ദേഹം പറഞ്ഞു.*ഇൻസുലിൻ എന്തിന്?*ശരീരത്തിലെ ഒരു സാധാരണ ഹോർമോണാണ് ഇൻസുലിൻ. പ്രമേഹമില്ലാത്തവരുടെ ശരീരത്തിൽ അത് ആവശ്യാനുസരണം ഉത്പാദിപ്പിക്കപ്പെടുന്നു.

എന്നാൽ പ്രമേഹരോഗികളിൽ ഇൻസുലിൻ ഹോർമോണിന്റെ ഉത്പാദനം കുറവായിരിക്കും. ഇവരിൽ തുടക്കത്തിൽ മരുന്നുകൾ കൊണ്ട് ഇൻസുലിൻ ഉത്പാദനം വർധിപ്പിക്കാൻ കഴിയും. കാലക്രമേണ ഇൻസുലിൻ ഉത്പാദനം ഗണ്യമായി കുറയുകയും മരുന്നുകൾ കൊണ്ട് മാത്രം ചികിത്സ സാധ്യമാകാതെ വരുകയും ചെയ്യും. ഈ സന്ദർഭത്തിൽ ഇൻസുലിൻ ചികിത്സ ആരംഭിച്ചാൽ മാത്രമേ രക്തത്തിലെ ഷുഗർനില സാധാരണഗതിയിൽ വീണ്ടും എത്തിക്കാനാകൂ.

ലഹരി മാഫിയയുടെ ഉറക്കം കെടുത്തി കോഴിക്കോട് സിറ്റി കമ്മീഷണറുടെ ‘ഓപ്പറേഷൻ സർവ്വനാശം

0

കോഴിക്കോട്: ലഹരി മാഫിയയുടെ നെഞ്ചകം തകർത്ത്, അവർ നാടിൻ്റെ നന്മയെ നശിപ്പിക്കാൻ കൊണ്ടുവന്ന കോടികളുടെ വിഷപ്പുക തീയോടെരിഞ്ഞു ചാമ്പലാക്കി ഒരൊറ്റ ഐ.പി.എസ് ഓഫീസർ! അതെ, കോഴിക്കോട് സിറ്റി പോലീസ് കമ്മീഷണർ ഷൗക്കത്തലി എ. ഐ.പി.എസ് വേറെ ലെവലാണ്! നാടിനെ വിഴുങ്ങുന്ന ലഹരിക്കെതിരെ വിട്ടുവീഴ്ചയില്ലാത്ത പോരാട്ടം നയിക്കുന്ന ഈ പോലീസ് ഓഫീസറുടെ മുന്നിൽ ഇക്കുറി കരിഞ്ഞു വീണത് കോടികൾ വിലമതിക്കുന്ന ലഹരിവസ്തുക്കളാണ്പിടിച്ചെടുത്ത ലഹരിമരുന്നുകൾ കൃത്യമായ നിയമാനുസൃത നടപടികൾ പൂർത്തിയാക്കി ഡി.എച്ച്.ക്യു ഗ്രൗണ്ടിൽ വെച്ച് ഷൗക്കത്തലി നേരിട്ട് നിന്ന് കത്തിച്ചു ചാമ്പലാക്കുകയായിരുന്നു. ഒരൊറ്റ വെട്ടിൽ ലഹരിമാഫിയയുടെ കച്ചവടവും സ്വപ്നങ്ങളും കത്തിയമർന്ന കാഴ്ച കണ്ടപ്പോൾ നഗരവാസികൾ ഒന്നടങ്കം പറയുന്നു; ‘കൈയ്യടിക്കാം ഈ പോലീസ് മിടുക്കന്!’ചാമ്പലായത് കോടികളുടെ ലഹരിമരുന്ന്ലഹരി വിരുദ്ധ പ്രവർത്തനങ്ങളുടെ ഭാഗമായി കോഴിക്കോട് സിറ്റി പോലീസ് ഒരേസമയം നടത്തിയ വേട്ടയിലാണ് ഇത്രയും വലിയ ലഹരിശേഖരം കുടുങ്ങിയത്. സുരക്ഷാ മാനദണ്ഡങ്ങൾ ഒന്നൊഴിയാതെ പാലിച്ചുകൊണ്ട് കമ്മീഷണറുടെ സാന്നിധ്യത്തിലാണ് ഡിസ്‌പോസൽ നടപടികൾ പൂർത്തിയാക്കിയത്. *എരിഞ്ഞടങ്ങിയ ലഹരിയുടെ കണക്കുകൾ ഇതാ* : *കഞ്ചാവ്* : 52 കേസുകളിലായി പിടിച്ചെടുത്ത 52.178 കിലോഗ്രാം *എം.ഡി.എം.എ* : വൻ തോതിൽ പിടികൂടിയ 3.285 കിലോഗ്രാം *ഹാഷിഷ് ഓയിൽ:* 997 ഗ്രാം *ഹെറോയിൻ:* 79.67 ഗ്രാംമാഫിയയ്ക്ക് വ്യക്തമായ താക്കീത്ലഹരിമരുന്ന് കടത്തും വിതരണവും തടയാൻ ഇനിയും ഒരു ദാക്ഷിണ്യവും ഉണ്ടാകില്ലെന്നാണ് ഷൗക്കത്തലി ഐ.പി.എസ് മാഫിയയ്ക്ക് നൽകിയിരിക്കുന്ന മുന്നറിയിപ്പ്. നമ്മുടെ കുഞ്ഞുങ്ങളെയും യുവതലമുറയെയും ഈ ദുരന്തത്തിൽ നിന്ന് സംരക്ഷിക്കാൻ സിറ്റി പോലീസിന്റെ പ്രത്യേക പരിശോധനകളും വൻ ബോധവത്കരണ പ്രവർത്തനങ്ങളും വരുംദിവസങ്ങളിൽ കൂടുതൽ ശക്തമാക്കുമെന്നും അദ്ദേഹം വ്യക്തമാക്കി.ലഹരി മാഫിയയുടെ വേരറുക്കാൻ ഇറങ്ങിത്തിരിച്ച കോഴിക്കോടിന്റെ സ്വന്തം കമ്മീഷണർക്കും അദ്ദേഹത്തിന്റെ സംഘത്തിനും സോഷ്യൽ മീഡിയയിലും അഭിനന്ദനപ്രവാഹമാണ്.

കോഴിക്കോട് റെയില്‍വേ സ്‌റ്റേഷനിലെ അപകടം; ട്രെയിന്‍ സര്‍വ്വീസുകള്‍ വൈകുന്നു.

0

കോഴിക്കോട്: കോഴിക്കോട് റെയില്‍വേ സ്‌റ്റേഷനിലെ ക്ലോക്ക് ടവര്‍ തകര്‍ന്നുവീണുള്ള അപകടം ട്രെയിന്‍സര്‍വ്വീസുകളെ ബാധിച്ചു. നേത്രാവതി, ഏറനാട് ട്രെയിനുകള്‍ വെള്ളയില്‍, വെസ്റ്റ്ഹില്‍ സ്റ്റേഷനുകളില്‍ പിടിച്ചിട്ടിരിക്കുകയാണ്. അപകടത്തെ തുടര്‍ന്ന് 1,2,3 പ്ലാറ്റ്‌ഫോമുകളിലെ വൈദ്യുതി വിച്ഛേദിച്ചു. പൊലീസും അഗ്നിരക്ഷാസേനയും സംഭവ സ്ഥലത്തെത്തിയിട്ടുണ്ട്.ഇന്ന് രാവിലെയാണ് കോഴിക്കോട് റെയില്‍വേ സ്‌റ്റേഷന്റെ ക്ലോക്ക് ടവര്‍ തകര്‍ന്നുവീണത്. മഴ ശക്തമായതിന് പിന്നാലെയാണ് അപകടം. രണ്ടാമത്തെ പ്ലാറ്റ് ഫോമിലാണ് കെട്ടിടം തകര്‍ന്നുവീണത്. അപകടത്തില്‍ ആര്‍ക്കും പരിക്കില്ല.ക്ലോക്ക് ടവറിന് നേരത്തെ തന്നെ വിള്ളല്‍ ശ്രദ്ധയില്‍പ്പെട്ടിരുന്നു. അതിനാല്‍ വീഴാനുള്ള സാധ്യത മുന്‍കൂട്ടി ബാരിക്കേഡുകള്‍ തീര്‍ത്തിരുന്നു. അപകട സമയം യാത്ര അവസാനിപ്പിച്ച് ട്രാക്കില്‍ നിര്‍ത്തിയിട്ട ട്രയിന്‍ ഉണ്ടായിരുന്നു. അതിനാല്‍ സമീപത്തൊന്നും ആരുമുണ്ടായിരുന്നില്ല. ക്ലോക്ക് ടവറിന്റെ ശേഷിക്കുന്ന ഭാഗവും അപകടാവസ്ഥയിലാണ്.ടവര്‍ വീണ് രണ്ടാമത്തെ പ്ലാറ്റ്‌ഫോമിന്റെ മേല്‍ക്കൂരയും തകര്‍ന്ന് വീണിട്ടുണ്ട്. നിര്‍ത്തിയിട്ട ട്രെയിനിലും സമീപത്തെ വൈദ്യുത ലൈനിലും അവശിഷ്ടങ്ങള്‍ പതിച്ചിട്ടുണ്ട്.

സുരക്ഷാ മുൻകരുതൽ; വയനാട് തുരങ്കപാത ആരംഭ പ്രദേശമായ ആനക്കാംപൊയിലില്‍ നിന്ന് തൊഴിലാളികളെ മാറ്റിപ്പാർപ്പിച്ചു

0

വയനാട് തുരങ്ക പാതയുടെ ആരംഭ പ്രദേശമായ കോഴിക്കോട് ആനാക്കാംപൊയിൽ ഭാഗത്ത് ജോലി ചെയ്യുന്ന തൊഴിലാളികളെ മാറ്റി പാർപ്പിച്ചു. സുരക്ഷാ മുന്കരുതലിന്റെ ഭാഗമായിട്ടാണ് നടപടി. താത്കാലിക ക്യാമ്പായ മുത്തപ്പൻ പുഴയിലെ സെന്റ്‌ സെബാസ്റ്റ്യൻ എൽ പി സ്കൂളിലേക്കാണ് തൊഴിലാളികളെ മാറ്റിയത്. തുരങ്കപാതയുടെ നിർമാണ പ്രവർത്തനങ്ങൾ സർക്കാർ നിർദേശത്തെ തുടർന്ന് നിർത്തിവെച്ചിരിക്കുകയാണ്. എന്നാൽ പദ്ധതി പ്രേദേശത്ത് യാതൊരു സുരക്ഷാ പ്രശനങ്ങളും ഇല്ലാ എന്ന് തുരങ്ക പാതാ നിർമാണ കമ്പനി അധികൃതർ വ്യക്തമാക്കിയിരുന്നു.

അതേസമയം, കള്ളാടി മണ്ണിടിച്ചിൽ ദുരന്തത്തിൽ മരണം ആറായി. ഇന്ന് രാവിലെ നടത്തിയ തിരച്ചിലിലാണ് മൂന്ന് പേരുടെ മൃതദേഹം കണ്ടെത്തിയത്. മൃതദേഹങ്ങൾ തിരിച്ചറിഞ്ഞു. കാണാതായ രണ്ട് പേർക്കായുള്ള തിരച്ചിൽ പുരോഗമിക്കുകയാണ്. പ്രതിപക്ഷനേതാവ് പിണറായി വിജയൻ ദുരന്തസ്ഥലം സന്ദർശിച്ചു.മണ്ണിടിച്ചിലിന്റെ പശ്ചാത്തലത്തിൽ തുരങ്കനിർമാണ പ്രവൃത്തികൾ തത്കാലം നിർത്തിവച്ചിരിക്കുകയാണ്. വിശദമായ പരിശോധനകൾക്ക് ശേഷമേ നിർമാണം പുനഃ രാരംഭിക്കൂവെന്നാണ് കഴിഞ്ഞ ദിവസം മുഖ്യമന്ത്രി വ്യക്തമാക്കിയത്. എന്നാൽ പദ്ധതി ഉപേക്ഷിക്കില്ല. സുരക്ഷയ്ക്ക് പ്രധാന്യം നൽകുമെന്നാണ് സർക്കാർ നിലപാട്. സർക്കാർ നിയോഗിക്കുന്ന വിദഗ്ദ സമിതി എല്ലാ കാര്യങ്ങളും പരിശോധിക്കുക്കുമെന്ന് പൊതുമരാമത്ത് മന്ത്രി പി കെ ബഷീർ പറഞ്ഞു.ദുരന്തവുമായി ബന്ധപ്പെട്ട് സർക്കാർ ഇരട്ടഅന്വേഷണം പ്രഖ്യാപിച്ചിരുന്നു. ദുരന്തവും, കേന്ദ്രനിർദേശങ്ങൾ കരാർ കമ്പനി പാലിച്ചോ എന്നതും വെവ്വേറെ അന്വേഷിക്കും. എന്നാൽ അന്വേഷണ എജൻസിയെ ഇതുവരെ പ്രഖ്യാപിച്ചിട്ടില്ല.

ശക്തമായ മഴയുണ്ടാകുമെന്ന് മുന്നറിയിപ്പ് ലഭിച്ചിട്ടും സർക്കാർ സുരക്ഷാ മുന്നൊരുക്കങ്ങൾ ചെയ്തില്ല: പിണറായി വിജയൻ

0

തിരുവനന്തപുരം: വയനാട് കളളാടിയില്‍ മണ്ണിടിച്ചിലുണ്ടായ സ്ഥലം സന്ദര്‍ശിച്ച് പ്രതിപക്ഷ നേതാവ് പിണറായി വിജയന്‍. ക്യാമ്പിലെത്തി എല്ലാവരെയും കണ്ടെന്നും ക്യാമ്പിലുളളവര്‍ക്ക് പ്രശ്‌നങ്ങളുണ്ടെന്നും പിണറായി വിജയന്‍ പറഞ്ഞു. ജില്ലയില്‍ ശക്തമായ മഴയുണ്ടാകും എന്ന് മുന്നറിയിപ്പ് ലഭിച്ചിട്ടും യാതൊരു മുന്നൊരുക്കങ്ങളും സ്വീകരിച്ചില്ലെന്നും മഴ മുന്നറിയിപ്പ് നല്‍കാത്തത് അനാസ്ഥയാണെന്നും അദ്ദേഹം കുറ്റപ്പെടുത്തി. ജനങ്ങളുടെ സുരക്ഷയ്ക്കായുളള മുന്നൊരുക്കങ്ങള്‍ സര്‍ക്കാര്‍ ചെയ്തില്ലെന്നും പിണറായി വിജയന്‍ ആരോപിച്ചു.’ദുരന്തമുഖം സന്ദര്‍ശിച്ചു. പദ്ധതിയുടെ ഭാഗമായി നീക്കിയ മണ്ണിന്റെ ഭാഗം കുമിഞ്ഞ് കിടക്കുന്നുണ്ട്. ക്യാമ്പിലെത്തി എല്ലാവരെയും കണ്ടു. അവര്‍ക്ക് ചില പ്രശ്‌നങ്ങളുണ്ട്. വസ്ത്രങ്ങള്‍ അടക്കമുളള കാര്യങ്ങള്‍ ലഭ്യമായിട്ടില്ല. അവരത് പരാതിയായി തന്നെ പറഞ്ഞു. സര്‍ക്കാരിന്റെ പ്രവര്‍ത്തനങ്ങള്‍ക്ക് പിന്തുണ അറിയിച്ചതാണ്. ജില്ലയില്‍ മഴ മുന്നറിയിപ്പ് നല്‍കാത്തത് അനാസ്ഥയാണ്. തീവ്രമഴ പെയ്തിട്ടും യെല്ലോ അലേര്‍ട്ട് മാത്രമാണ് നല്‍കിയത്. ആളുകളുടെ സുരക്ഷയ്ക്കായുളള മുന്നൊരുക്കങ്ങള്‍ സര്‍ക്കാര്‍ ചെയ്തില്ല. റെഡ് അലേര്‍ട്ട് പ്രഖ്യാപിച്ചത് ദുരന്തം നടന്നതിന് ശേഷം മാത്രമാണ്. മണ്ണ് നീക്കം ചെയ്യണമെന്ന് നേരത്തെ തീരുമാനിച്ചതാണ്. എന്നാല്‍ സര്‍ക്കാരോ അധികാരികളോ അതിനുളള നടപടികള്‍ സ്വീകരിച്ചില്ല. അടിയന്തര നടപടിയില്‍ വീഴ്ച സംഭവിച്ചു. ഏകോപനത്തിലും’: പിണറായി വിജയന്‍ പറഞ്ഞു.മുഖ്യമന്ത്രി വി ഡി സതീശൻ കഴിഞ്ഞ സർക്കാരിൽ താൻ ഐടി വകുപ്പ് കൈകാര്യം ചെയ്തതിനെ വിമർശിച്ചതിലും പിണറായി വിജയൻ പ്രതികരിച്ചു. മുൻപുള്ള ഇടത് മുഖ്യമന്ത്രിമാരും ഐടി വകുപ്പ് കൈകാര്യം ചെയ്തിട്ടുണ്ടെന്നും ഇതൊന്നും അറിയാതെയല്ല മുഖ്യമന്ത്രിയുടെ ചോദ്യം ചെയ്യലെന്നുമാണ് പിണറായി വിജയൻ പറഞ്ഞത്. ‘എൽഡിഎഫ് പോലെയല്ല യുഡിഎഫ്. നേരത്തെയും ഇടത് മുഖ്യമന്ത്രിമാരും ഐടി വകുപ്പ് കൈകാര്യം ചെയ്തിട്ടുണ്ട്. വിഎസ് അച്ച്യുതാനന്തനും ഇ കെ നായനാരും ഐടി വകുപ്പ് കൈകാര്യം ചെയ്തിട്ടുണ്ട്. ഇതൊന്നും അറിയാതെയല്ല മുഖ്യമന്ത്രിയുടെ ചോദ്യം ചെയ്യൽ. ഇതെല്ലാം അന്തസിന് ചേർന്നതാണോ എന്ന് സ്വയം പരിശോധിക്കണം’: പിണറായി വിജയൻ പറഞ്ഞു

അതേസമയം, കള്ളാടിയിലുണ്ടായ മണ്ണിടിച്ചിലില്‍ കാണാതായവര്‍ക്കായുള്ള തിരച്ചിലിനിടെ മൂന്ന് മൃതദേഹങ്ങൾ കൂടി കണ്ടെത്തി. സർവേയറായ ഉത്തർപ്രദേശ് സ്വദേശി സ്വദേശി അസ്ഹറുദ്ദീൻ അൻസാരിയുടെ മൃതദേഹമാണ് ഏറ്റവും ഒടുവിൽ കണ്ടെത്തിയത്. മൂന്നാമത്തെ സോണിൽ നിന്നാണ് ഇയാളുടെ മൃതദേഹം കണ്ടെത്തിയത്. ഇതോടെ മരണസംഖ്യ ആറായി. അഞ്ച് പേരെയാണ് അപകടത്തിൽ കാണാതായത്. ഇവരെ കണ്ടെത്താനുള്ള തിരച്ചിലിനിടെയാണ് മൂന്ന് പേരുടെ മൃതദേഹം കണ്ടെത്തിയത്. ഇനി രണ്ട് പേരെ കൂടി കണ്ടെത്താനുണ്ട്. ഇവർക്കായുള്ള തിരച്ചിൽ പുരോഗമിക്കുകയാണ്. .

കള്ളാടി മണ്ണിടിച്ചിൽ: ഇനി കണ്ടെത്താനുള്ളത് ഒരാളെ; മരണ സംഖ്യ ഏഴായി.

0

കള്ളാടി (വയനാട്): കള്ളാടി മണ്ണിടിച്ചിലിൽ രണ്ട് മൃതദേഹങ്ങൾ കൂടി കണ്ടുകിട്ടി. കമ്പനി സർവേയർ യു.പി സ്വദേശി അസ്ഹറുദ്ദീൻ, അൻസാരി(സൂപ്പർവൈസർ) എന്നിവരെയാണ് കണ്ടെത്തിയത്. തേർഡ് സോണിൽ നടത്തിയ തെരച്ചിലിലാണ് മൃതദേഹങ്ങൾ കിട്ടിയത്..അപകടം നടന്ന് മൂന്നാം ദിവസമായ ഇന്ന് രാവിലെ നടത്തിയ തെരച്ചിലിൽ രണ്ടുപേരുടെ മൃതദേഹങ്ങൾ ലഭിച്ചിരുന്നു.

ഇവരുടെ പോസ്റ്റ്മോർട്ടം നടപടികൾ വൈത്തിരി താലൂക്കിൽ പൂർത്തിയാക്കി എംബാം ചെയ്യുന്നതിനായി കോഴിക്കോട് മെഡിക്കൽ കോളജിലേക്ക് കൊണ്ടു പോകുമെന്ന് മന്ത്രി ടി.സിദ്ദിഖ് അറിയിച്ചിരുന്നു. ഹിമാചൽപ്രദേശ് സ്വദേശി രാഹുൽ ശർമ( എൻജിനീയർ), ബിഹാർ സ്വദേശി മുഹമ്മദ് ഇമ്രാൻ( എസ്കവേറ്റർ ഓപ്പറേറ്റർ) എന്നിവരുടെ മൃതദേഹങ്ങളാണ് രാവിലെ ലഭിച്ചത്..അപകടം നടന്ന സ്ഥലത്തെ നാലു സോണുകളായി തിരിച്ച് കഡാവർ നായകളെയും സ്പോട് ലൊക്കേഷൻ കാമറകളും ഉപയോഗിച്ചാണ് തെരച്ചിൽ നടത്തുന്നത്. പ്രതികൂല കാലാവസ്ഥ തെരച്ചിലിന് തടസം സൃഷിടിക്കുന്നുണ്ട്.

ഓപ്പറേഷൻ തൂഫാനു പിന്തുണതേടി രമേശ് ചെന്നിത്തല കർണാടകയിൽ‌; മാതൃകയാക്കുമെന്ന് ഡി.കെ. ശിവകുമാർ.

ബെംഗളൂരു : ഓപ്പറേഷൻ തൂഫാനു പിന്തുണ തേടി കർണാടക മുഖ്യമന്ത്രി ഡി.കെ. ശിവകുമാറുമായി ആഭ്യന്തരമന്ത്രി രമേശ് ചെന്നിത്തല കൂടിക്കാഴ്ച നടത്തി. കേരള- കർണാടക അതിർത്തിയിൽ ശക്തമായ പരിശോധന വേണമെന്ന രമേശ് ചെന്നിത്തലയുടെ ആവശ്യം പരിഗണിച്ച് കൂടുതൽ പൊലീസിനെ വിന്യസിക്കുമെന്ന് ശിവകുമാർ ഉറപ്പു നൽകി. ബെംഗളൂരു വിധാൻ സൗധയിലായിരുന്നു കൂടിക്കാഴ്ച. ഓപ്പറേഷൻ തൂഫാൻ ദൗത്യത്തിന്റെ വിജയത്തെയാണ് കർണാടക മുഖ്യമന്ത്രി ആദ്യം തന്നെ അഭിനന്ദിച്ചതെന്ന് രമേശ് ചെന്നിത്തല പറഞ്ഞു. എല്ലാ സംസ്ഥാനങ്ങൾക്കും മാതൃകയാക്കാവുന്ന ഒന്നാണ് ഈ ദൗത്യമെന്ന് ശിവകുമാർ പറഞ്ഞു.

കേരള-കർണാടക പൊലീസ് സേനകൾ തമ്മിൽ ശക്തമായ ഏകോപനവും സഹകരണവും ഇക്കാര്യത്തിൽ ഉറപ്പാക്കുമെന്നും ഉറപ്പു കിട്ടി. തുടർനടപടികൾക്കായി കർണാടക ചീഫ് സെക്രട്ടറിയെ ഫോണിൽ വിളിച്ച് ശിവകുമാർ നിർദേശം നൽ‌കിയതായും രമേശ് ചെന്നിത്തല പറഞ്ഞു. ഓപ്പറേഷൻ തൂഫാന്റെ ഭാഗമായി ദക്ഷിണേന്ത്യൻ സംസ്ഥാനങ്ങളിലെ ഡിജിപിമാരുടെ യോഗം വെള്ളിയാഴ്ച രമേശ് ചെന്നിത്തല വിളിച്ചിട്ടുണ്ട്. തിരുവനന്തപുരത്ത് പൊലീസ് ആസ്ഥാനത്താണ് യോഗം.

ഇന്ന് കണ്ടെത്തിയത് രണ്ട് മൃതദേഹങ്ങൾ; കല്പനയുടെ കാത്തിരിപ്പ് വിഫലം,രാഹുലിനെ കണ്ടെത്തി,പ്രാണനറ്റ്

0

മേപ്പാടി : വയനാട് കള്ളാടിയിലെ മണ്ണിടിച്ചിലിനെത്തുടർന്നുണ്ടായ ദുരന്തത്തിൽ ഇന്ന് രണ്ട് പേരുടെ മൃതദേഹം കൂടി കണ്ടെത്തി. എക്സ്‌കവേറ്റർ ഓപ്പറേറ്റർ ബിഹാർ സ്വദേശി മുഹമ്മദ് ഇമ്രാൻ, എൻജിനിയർ ഹിമാചൽ പ്രദേശ് സ്വദേശി രാഹുൽ ശർമ എന്നിവരുടെ മൃതദേഹങ്ങളാണ് സോൺ ഒന്നിൽനിന്ന് കണ്ടെത്തിയത്. ആദ്യം മുഹമ്മദ് ഇമ്രാന്റെതും പിന്നീട് രാഹുൽ ശർമയുടെയും മൃതദേഹങ്ങളാണ് കണ്ടെത്തിയത്. ഇതോടെ ദുരന്തത്തിൽ മരിച്ചവരുടെ എണ്ണം അഞ്ചായി.മധ്യപ്രദേശ് സ്വദേശിയും ഹിറ്റാച്ചി ഓപ്പറേറ്ററുമായ ചന്ദ്രബാൻ പാൽ (37), ബിഹാർ സ്വദേശി ഫോർമാൻ ബികാസ് കുമാർ സിങ് (40), ഝാർഖണ്ഡ് സ്വദേശി അൻമോൽ ദൊഡരായ്(25) എന്നിവരാണ് മരിച്ച ബാക്കി മൂന്നുപേർ.

ഇനി മൂന്ന് പേരെകൂടി കണ്ടെത്താനുണ്ട്.കൺസ്ട്രക്ഷൻ മാനേജർ ഹിമാചൽ പ്രദേശ് സ്വദേശി വിക്രം റാണ,സർവേയർ പശ്ചിമബംഗാൾ സ്വദേശി രാകേഷ് ഗുച്ചൈത്, സർവേയർ ഉത്തർപ്രദേശ് സ്വദേശി അസ്ഹറുദ്ദീൻ അൻസാരി എന്നിവർക്കായുള്ള തിരച്ചിൽ പുരോഗമിക്കുകയാണ്. ഒന്നും രണ്ടും സോണുകളിലാണ് ഇന്ന് പ്രധാനമായും തിരച്ചിൽ നടത്തുന്നതെന്ന് മന്ത്രി എ.പി.അനിൽകുമാർ പറഞ്ഞു.രാഹുലിന്റെ മൃതദേഹം കണ്ടെത്തിയതോടെ ഭാര്യ കല്പനയുടെ കാത്തിരിപ്പ് കണ്ണീരിൽ അവസാനിച്ചിരിക്കുകയാണ്. രാഹുൽ ശർമ ജീവനോടെ തിരിച്ച് വരുമെന്ന കാത്തിരിപ്പിലായിരുന്നു ചെമ്പ്ര റോഡിലെ വാടകവീട്ടിൽ കല്പന.

രാഹുലിന്റെ മൃതദേഹം കണ്ടെത്തിയതോടെ ആ കാത്തിരിപ്പ് വിഫലമായി. ഹിമാചൽ പ്രദേശിലെ മൺഡി സ്വദേശിയാണ് എൻജിനിയറായ രാഹുൽ ശർമ. കഴിഞ്ഞ ഫെബ്രുവരി 21-നായിരുന്നു രാഹുലിന്റെയും കല്പനയുടെയും വിവാഹം. തുരങ്കപാതയുടെ കരാറെടുത്ത ദിലീപ് ബിൽഡ് കോൺ ലിമിറ്റഡ് ഉദ്യോഗസ്ഥർ വിവരമറിയിച്ചതനുസരിച്ച് ബന്ധുക്കൾ വീട്ടിലെത്തിയപ്പോഴാണ് കല്പന അപകടത്തെക്കുറിച്ച് അറിയുന്നത്.

രാഹുലിന്റെ അച്ഛൻ രൂപ്ദേവ് ശർമയും അമ്മാവൻ രാംവീർ ശർമയും ഹിമാചലിൽനിന്ന് കഴിഞ്ഞ ദിവസമാണ് എത്തിയത്. ഒപ്പം ദുബായിയിൽ ഷെഫായ സഹോദരനും അപകടവിവരമറിഞ്ഞ് വയനാട്ടിലെത്തിയിട്ടുണ്ട്.

ഇതിനിടെ കള്ളാടിയിലെ ദുരന്തഭൂമിയിൽ പ്രതിപക്ഷ നേതാവ് പിണറായി വിജയൻ സന്ദർശനം നടത്തി.സിപിഎം സംസ്ഥാന സെക്രട്ടറി എം.വി. ഗോവിന്ദൻ, മുതിർന്ന നേതാവ് എം.വി. ജയരാജൻ, മുൻ എംഎൽഎ ശശി എന്നിവരടങ്ങുന്ന സംഘമാണ് അദ്ദേഹത്തോടൊപ്പമുണ്ടായിരുന്നത്. ഇവർക്കൊപ്പം റവന്യൂ മന്ത്രി എ.പി. അനിൽ കുമാറും അപകടസ്ഥലം സന്ദർശിച്ചു.

കോഴിക്കോട് റെയിൽവേ സ്റ്റേഷനിൽ രണ്ടാമത്തെ പ്ലാറ്റ് ഫോമിലേയ്ക്ക് കെട്ടിടം തക‍ർന്ന് വീണു

0

കോഴിക്കോട്: കോഴിക്കോട് റെയിൽവേ സ്റ്റേഷനിൽ രണ്ടാമത്തെ പ്ലാറ്റ്ഫോമിലേയ്ക്ക് കെട്ടിടം തകർന്ന് വീണു. രണ്ടാമത്തെ ഫ്ലാറ്റ് ഫോമിലാണ് അപകടമുണ്ടായത്. ആരെങ്കിലും കുടുങ്ങിയിട്ടുണ്ടോ എന്ന് പരിശോധിക്കുന്നു. ആളപായമില്ലെന്നാണ് പ്രാഥമിക നിഗമനം.