spot_img
Friday, November 20, 2026
Home Blog Page 16

അധ്യാപകരുടെ പ്രതിഷേധം ഫലം കണ്ടു; കെ-ടെറ്റ് യോഗ്യതയില്ലാത്തവരെ പിരിച്ചുവിടാനുള്ള ഉത്തരവ് റദ്ദാക്കി, പുതുക്കിയ സർക്കുലർ പിന്നീട്

0

തിരുവനന്തപുരം : കെ – ടെറ്റ് ഇല്ലാത്തവരെ പിരിച്ചുവിടുമെന്ന പൊതു വിദ്യാഭ്യാസ വകുപ്പിന്റെ ഉത്തരവ് പിന്‍വലിച്ചു. പുതുക്കിയ സര്‍ക്കുലര്‍ പിന്നീടെന്ന് പൊതുവിദ്യാഭ്യാസ വകുപ്പ്. വ്യാപക പ്രതിഷേധത്തിന് പിന്നാലെയാണ് നടപടി.2025 സെപ്റ്റംബര്‍ ഒന്നിലെ സുപ്രീംകോടതി വിധിക്കുശേഷം നിയമനം ലഭിച്ചവര്‍ക്കായിരുന്നു കഴിഞ്ഞ ദിവസം വന്ന ഉത്തരവ് ബാധകം. കെ- ടെറ്റ് യോഗ്യതയില്ലാതെ പ്രമോഷന്‍ നേടിയവരെ മാതൃ തസ്തികയിലേക്ക് തിരിച്ചയക്കണമെന്നും പൊതുവിദ്യാഭ്യാസ വകുപ്പ് ഡയറക്ടറുടെ ഉത്തരവിലുണ്ട്. സര്‍ക്കാര്‍ ഉത്തരവില്‍ ഇടത് അധ്യാപക സംഘടനകളടക്കം ആശങ്ക അറിയിച്ചിരുന്നു.കെ-ടെറ്റ് ഇല്ലാത്ത അധ്യാപകര്‍ക്ക് നല്‍കിയിരുന്ന ഇളവുകള്‍ പിന്‍വലിച്ചുകൊണ്ട് കഴിഞ്ഞദിവസം പൊതു വിദ്യാഭ്യാസ വകുപ്പ് ഉത്തരവിറക്കിയിരുന്നു. പിന്നാലെയാണ് പിരിച്ചുവിടാനും തരംതാഴ്ത്താനുമുള്ള പൊതുവിദ്യാഭ്യാസ ഡയറക്ടറുടെ നിര്‍ദേശം കൂടി വന്നത്. എയ്ഡഡ് സ്‌കൂളിലെ അധ്യാപകരെ മാതൃതസ്തികയിലേക്ക് തിരിച്ചയക്കാന്‍ മാനേജര്‍മാര്‍ക്കും നിര്‍ദ്ദേശം നല്‍കുന്നുണ്ടായിരുന്നു.യോഗ്യതയില്ലാത്തവര്‍ക്ക് ഇടത് സര്‍ക്കാറിന്റെ കാലത്ത് ഇളവുകള്‍ നല്‍കിയിരുന്നു. ബോണ്ട് എഴുതി നല്‍കികൊണ്ട് പ്രമോഷനും അംഗീകാരവും നല്‍കാമെന്നായിരുന്നു നിലപാട്. എന്നാല്‍, ഇളവുകളാണ് നിലവില്‍ പൊതു വിദ്യാഭ്യാസ വകുപ്പ് പിന്‍വലിച്ചിരിക്കുന്നത്. യുഡിഎഫ് സര്‍ക്കാര്‍ കെ ടെറ്റുമായി ബന്ധപ്പെട്ട വ്യക്തതയ്ക്കായി സുപ്രീംകോടതിയില്‍ റിവ്യൂ പെറ്റീഷന്‍ നല്‍കിയിട്ടുണ്ട്.

എട്ടാം ക്ലാസ് വിദ്യാർഥികൾക്ക് പ്രതിവർഷം 12,000 രൂപ ധനസഹായം; NMMS സ്കോളർഷിപ്പ് അപേക്ഷാ തിയതി നീട്ടി.

0

2026- അധ്യയന വർഷത്തേക്കുള്ള നാഷണൽ മീൻസ്-കം-മെറിറ്റ് സ്‌കോളർഷിപ്പ് സ്‌കീമിന് അപേക്ഷ സമർപ്പിക്കാനുള്ള അവസാന തീയതി നീട്ടി. നവംബർ 15 വരെയാണ് കേന്ദ്ര വിദ്യാഭ്യാസ മന്ത്രാലയം അപേക്ഷ സമർപ്പിക്കാനുള്ള അവസാന തീയതി നീട്ടിയത്. സ്‌കോളർഷിപ്പിന് അപേക്ഷിക്കുന്നതിന് മുമ്പ് വിദ്യാർഥികൾ പോർട്ടലിൽ ഒറ്റത്തവണ രജിസ്‌ട്രേഷൻ പൂർത്തിയാക്കണം. ജൂൺ ഒന്ന് മുതൽ പ്രവർത്തനം ആരംഭിച്ച പോർട്ടൽ വഴി ഒക്ടോബർ 30 വരെ 90,483 പുതിയ അപേക്ഷകളും ഏകദേശം രണ്ട് ലക്ഷത്തോളം റിന്യൂവൽ അപേക്ഷകളും ലഭിച്ചിട്ടുണ്ട്.സംസ്ഥാന സർക്കാർ, എയ്ഡഡ് സ്കൂളുകൾ, തദ്ദേശ സ്വയംഭരണ സ്ഥാപനങ്ങൾ എന്നിവയ്ക്ക് കീഴിലുള്ള സ്കൂളുകളിൽ പഠിക്കുന്ന യോഗ്യരായ വിദ്യാർഥികൾക്ക് പ്രതിവർഷം 12,000 രൂപയാണ് ധനസഹായമായി ലഭിക്കുന്നത്. ഈ തുക ഡി.ബി.ടി വഴി നേരിട്ട് വിദ്യാർഥികളുടെ ബാങ്ക് അക്കൗണ്ടുകളിലേക്ക് ട്രാൻസ്ഫർ ചെയ്യും. സ്കൂൾ നോഡൽ ഓഫീസർ നവംബർ 30-നകവും, ഡിസ്ട്രിക്റ്റ് നോഡൽ ഓഫീസർ ഡിസംബർ 15-നകവും പരിശോധിച്ചു ഉറപ്പുവരുത്തിയിട്ടുണ്ടെന്ന് ഇതിനകം അപേക്ഷകൾ സമർപ്പിച്ചിട്ടുള്ള വിദ്യാർഥികൾ ഉറപ്പുവരുത്തണം.എട്ടാം ക്ലാസിനു ശേഷം പഠനം തുടരാൻ വിദ്യാർഥികളെ പ്രോത്സാഹിപ്പിക്കുക എന്നതാണ് സ്കോളർഷിപ്പിന്റെ ലക്ഷ്യം. 

മുണ്ടക്കൈ-ചൂരൽമല ദുരന്തബാധിതർക്കുള്ള ധനസഹായവും ജീവനബത്തയും നവംബർ വരെ നീട്ടി.

0

തിരുവനന്തപുരം: വാടക വീടുകളിൽ താമസിക്കുന്ന മുണ്ടക്കൈ-ചൂരൽമല ദുരന്തബാധിതർക്കുള്ള ധനസഹായവും ജീവനബത്തയും നവംബർ വരെ നീട്ടി സംസ്ഥാന സർക്കാർ ഉത്തരവിറക്കി.ടൗൺഷിപ്പിൽ വീട് ലഭിക്കാത്തവരും 15 ലക്ഷം രൂപയുടെ പുനരധിവാസ സഹായം ലഭിക്കാത്തവരും (ഫേസ് 2A, 2B അപ്പീൽ ലിസ്റ്റിൽ ഉൾപ്പെട്ടവർ ഉൾപ്പെടെ) റോഡ് സൗകര്യം പുനഃസ്ഥാപിക്കപ്പെടാത്തതുമായ എല്ലാ ദുരന്തബാധിത കുടുംബങ്ങൾക്കുമാണ് ധനസഹായം ലഭിക്കുക.ഇതിന്റെ ഭാഗമായി ഒക്ടോബർ മാസത്തെ വീട്ടുവാടക വിതരണം ചെയ്യാൻ 16,02,000 രൂപ അനുവദിച്ചു. മുഖ്യമന്ത്രിയുടെ ദുരിതാശ്വാസ നിധിയിൽ നിന്ന് വയനാട് ജില്ലാ കലക്ടർക്കാണ് ഈ തുക അനുവദിച്ചിരിക്കുന്നത്. റോഡ് സൗകര്യം പുനഃസ്ഥാപിക്കപ്പെട്ടതും അല്ലാത്തതുമായ കുടുംബങ്ങളുടെ വിശദാംശങ്ങൾ ഉൾപ്പെടുന്ന പട്ടിക തയ്യാറാക്കി അടിയന്തരമായി കൈമാറാനും ജില്ലാ കലക്ടർക്ക് നിർദേശമുണ്ട്.വെള്ളിയാഴ്ച, ദുരന്തബാധിതരായ വ്യാപാരികൾക്കും വാണിജ്യ കെട്ടിട ഉടമകൾക്കും സർക്കാർ ധനസഹായം അനുവദിച്ചിരുന്നു. മുഖ്യമന്ത്രിയുടെ ദുരിതാശ്വാസ നിധിയിൽ നിന്ന് 7.19 കോടി രൂപയാണ് അനുവദിച്ചത്. നാശനഷ്ടം സംഭവിച്ച കെട്ടിട നമ്പറുകളുള്ള വാണിജ്യ കെട്ടിടങ്ങളുടെ ഉടമകൾക്കും ലൈസൻസുള്ള വ്യാപാര സംരംഭകർക്കും നഷ്ടപരിഹാരം ലഭിക്കും.

ചലോ ദില്ലി മഹാറാലി; രാംലീലാ മൈതാനത്ത് ഇന്ത്യയുടെ ശക്തി പ്രകടനം.

0

ഡൽഹി: മുഖ്യതിരഞ്ഞെടുപ്പ് കമ്മീഷണർ ഗ്യാനേഷ്കുമാറിന്റെ രാജി ആവശ്യപ്പെട്ട് രാജ്യതലസ്ഥാനം ആൾക്കടലായി. ചലോ ദില്ലി മഹാറാലിയ്ക്കായി പ്രതിപക്ഷനേതാക്കൾ ഡൽഹി രാംലീലാ മൈതാനത്തേയ്ക്ക് തുറന്ന വാഹനത്തിൽ എത്തികൊണ്ടിക്കുകയാണ്. ഒഴുകിയെത്തിയ പതിനായിരങ്ങളെക്കൊണ്ട് രാംലീലാ മൈതാനം നിറഞ്ഞുകഴിഞ്ഞു. പ്രധാന വേദിയും ചെറു കൂടാരങ്ങളുമായി രാംലീലയിൽ വൻ സജ്ജീകരണങ്ങളാണ് ഒരുക്കിയിരിക്കുന്നത്. രാംലീലയിലേയ്ക്കുള്ള റോഡുകളിലും വൻ ജനക്കൂട്ടം ഉണ്ട്. വലിയ പൊലീസ് സന്നാഹമാണ് സ്ഥലത്തുള്ളത്. വൈകീട്ട് 5 മണിക്ക് മുൻപ് തന്നെ റാലി അവസാനിപ്പിക്കണം എന്നാണ് നിർദേശം.മൈതാനത്തിന്റെ രണ്ടാം ഗേറ്റ് വഴി ജനങ്ങൾ നിറഞ്ഞതിനെ തുടർന്ന് പൊലീസ് വിലക്ക് ലംഘിച്ചും പ്രവർത്തകർ തള്ളിക്കയറാൻ ശ്രമിച്ചു. ഇതോടെ പോലീസും പ്രവർത്തകരും തമ്മിൽ ഉന്തും തള്ളുമുണ്ടായി. തുടര്‍ന്ന് രണ്ടാം നമ്പർ ഗേറ്റ് അടച്ച പൊലീസ്, മൂന്നാം നമ്പർ ഗേറ്റിലൂടെ മാത്രമായി പ്രവേശനം പരിമിതപ്പെടുത്തി.രാവിലെ മുതൽ തന്നെ വിവിധ കേന്ദ്രങ്ങളിൽ നിന്ന് നേതാക്കളും പ്രവർത്തകരും സമരവേദികളിലേക്ക് എത്തി. എഐസിസി അധ്യക്ഷൻ മല്ലികാർജുൻ ഖർഗെയുടെ വസതിയിൽ മുതിർന്ന നേതാക്കളായ സോണിയാ ഗാന്ധി, രാഹുൽ ഗാന്ധി, ശശി തരൂർ, സച്ചിൻ പൈലറ്റ്, വി.ഡി. സതീശൻ എന്നിവരും മുഖ്യമന്ത്രി സിദ്ധരാമയ്യയും ഒത്തുകൂടി. ഖർഗെയുടെ വസതിക്ക് മുന്നിൽ സമാജ്‌വാദി പാർട്ടി പ്രവർത്തകർ ശക്തമായ മുദ്രാവാക്യം വിളികളുമായി നിലയുറപ്പിച്ചു. വരാനിരിക്കുന്ന നിയമസഭാ തിരഞ്ഞെടുപ്പുകളിൽ സഖ്യത്തിന്റെ ഒറ്റക്കെട്ടായ ഐക്യം പ്രതിഫലിക്കുമെന്നും ന്യായത്തിനായുള്ള ഈ സമരത്തിൽ ജനങ്ങൾ ഒപ്പമുണ്ടെന്നും ശശി തരൂർ വ്യക്തമാക്കി

സ്ട്രോക്ക് ബാധിച്ച് ചികിത്സയിലായിരുന്ന മർകസ് ബോയ്സ് ഹയർ സെക്കൻഡറി പത്താം ക്ലാസ് വിദ്യാർത്ഥി മരണപ്പെട്ടു.

0

കോഴിക്കോട്: മർകസ് ബോയ്സ് ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർത്ഥി ജോജി മാനുവൽ അന്തരിച്ചു. വെള്ളിയാഴ്ച രാത്രി സ്ട്രോക്ക് ബാധിച്ച് കുഴഞ്ഞുവീണതിനെ തുടർന്ന് കോഴിക്കോട് മെഡിക്കൽ കോളേജ് ആശുപത്രിയിലെ ന്യൂറോ ഐ.സി.യുവിൽ പ്രവേശിപ്പിച്ച് ചികിത്സ നൽകി വരികയായിരുന്നു. ചികിത്സയിലിരിക്കെയാണ് മരണം സംഭവിച്ചത്.വിദ്യാർത്ഥിയുടെ ഭൗതികശരീരം ഇന്ന് ഉച്ചയ്ക്ക് ഏകദേശം ഒരു മണിയോടെ മയനാട് യു.പി. സ്കൂളിൽ പൊതുദർശനത്തിന് വെക്കും. സഹപാഠികൾക്കും അധ്യാപകർക്കും സ്കൂൾ ജീവനക്കാർക്കും രക്ഷിതാക്കൾക്കും ഇവിടെ എത്തി അന്തിമോപചാരം അർപ്പിക്കാം.തുടർന്ന് കോഴിക്കോട് മാനാഞ്ചിറ ചർച്ചിൽ അന്ത്യകർമങ്ങൾ നടത്തിയ ശേഷം വെസ്റ്റ് ഹിൽ സെമിത്തേരിയിൽ സംസ്കരിക്കും. വിദ്യാർത്ഥിയുടെ നിര്യാണത്തിൽ അനുശോചിച്ച് നാളെ (തിങ്കളാഴ്ച) മർകസ് ബോയ്സ് ഹയർ സെക്കൻഡറി സ്കൂളിന് അവധി പ്രഖ്യാപിച്ചതായി പ്രധാനാധ്യാപകൻ അറിയിച്ചു.

ഉത്സവകാലത്ത് തിരിച്ചടിയായി തുടർച്ചയായ മൂന്നാം മാസവും വാണിജ്യ സിലിണ്ടറിന് വിലവർധന; കൊച്ചിയിൽ പുതിയ വില 2,840 രൂപ.

0

കൊച്ചി : ദീപാവലിക്ക് മുമ്പായി രാജ്യത്ത് വാണിജ്യവിഭാഗത്തിൽ പെട്ട പാചകവാതക സിലിണ്ടറിന് വില വീണ്ടും കൂട്ടി. 19 കിലോഗ്രാം സിലിണ്ടറിന് കൊച്ചിയിൽ 12.50 രൂപയാണ് വർധിച്ചത്. 2840 രൂപയാണ് പുതിയ വില. അതേസമയം, ഗാർഹിക ഉപഭോക്താക്കൾക്കുള്ള സിലിൻഡറിന് വിലയിൽ മാറ്റമില്ല. പുതുക്കിയ വില ഞായറാഴ്ച മുതൽ നിലവിൽവന്നു.തുടർച്ചയായ മൂന്നാം മാസമാണ് വാണിജ്യ സിലിണ്ടറിന്റെ വില കൂട്ടുന്നത്. ഉത്സവകാലത്ത് വില കൂട്ടിയത് വ്യാപാരികളെയും ആശങ്കയിലാക്കുന്നുണ്ട്. റെസ്റ്ററന്റുകൾക്കാണ് പ്രധാനമായി വിലവർധന തിരിച്ചടിയാകുന്നത്. പാചകവാതകത്തിന്റെ വില കൂടുന്നത് ഭക്ഷണത്തിന്റെ ചെലവും വർധിപ്പിക്കാം. ആ രീതിയിൽ സാധാരണക്കാരേയും വിലവർധന പരോക്ഷമായി ബാധിക്കും. ᴋᴏᴢʜɪᴋᴏᴅᴇ ʟɪᴠᴇനേരത്തേ ഒക്ടോബറിലും സെപ്റ്റംബറിലും പാചകവാതകവില വർധിപ്പിച്ചിരുന്നു. വാണിജ്യാവശ്യത്തിനുള്ള സിലിണ്ടറിന് സെപ്റ്റംബറിൽ 9.50 രൂപയും ഒക്ടോബറിൽ 62.50 രൂപയുമാണ് വർധിപ്പിച്ചത്. അതിന് മുമ്പ് മേയിൽ വാണിജ്യ സിലിണ്ടറുകൾക്ക് ഒറ്റയടിക്ക് 993 രൂപ കൂട്ടിയിരുന്നു.രാജ്യത്തെ പ്രധാന നഗരങ്ങളിൽ 10 രൂപ മുതൽ 17 രൂപ വരെയാണ് വാണിജ്യ എൽപിജി സിലിണ്ടറുകളുടെ വിലവർധന. ഡൽഹിയിൽ പുതിയ വില 2,820 രൂപയാണ്.

നെടുമ്പാശ്ശേരി അപകടം; പ്രതികളെ വീണ്ടും ബോസ്റ്റൽ സ്കൂളിലേക്ക് മാറ്റി.

0

അങ്കമാലി: നെടുമ്പാശ്ശേരി വി.ഐ.പി റോഡിലെ അത്താണിയിൽ മൂന്ന് പേരുടെ മരണത്തിനിടയാക്കിയ കേസിൽ രണ്ടാം വട്ടവും പൊലീസ് കസ്റ്റഡിയിൽ വിട്ട പ്രതികളെ വിശദമായ ചോദ്യം ചെയ്യലിനും, പരിശോധനകൾക്കും വിധേയമാക്കിയ ശേഷം വീണ്ടും അങ്കമാലി മജിസ്ട്രേറ്റ് കോടതി തൃക്കാക്കര ബോസ്റ്റൽ സ്കൂളിൽ റിമാൻഡ് ചെയ്തു.മദ്യലഹരിയിൽ അമിത വേഗതയിൽ കാറോടിച്ച ഒന്നാംപ്രതി ആലപ്പുഴ ആലിശ്ശേരി നൂഹ് മൻസിലിൽ സുഹൈൽ സജീവ് (19), ആലപ്പുഴ തുമ്പോളി സ്വദേശികളായ രണ്ടാം പ്രതി പാലപ്പറമ്പിൽ നിനവ് (19), മൂന്നാം പ്രതി ജോയൽ (19), നാലാം പ്രതി അമീൻ (19) എന്നിവരാണ് കേസിലെ പ്രതികൾ.വിശദമായ ചോദ്യം ചെയ്യലിനും തുടർ അന്വേഷണത്തിനുമായി ആലുവ ഡി.വൈ.എസ്.പി ബൈജു പൗലോസിന്റെ നേതൃത്വത്തിലുള്ള അന്വേഷണ സംഘം സമർപ്പിച്ച കസ്റ്റഡി അപേക്ഷ പരിഗണിച്ചാണ് അങ്കമാലി കോടതി വെള്ളിയാഴ്ച രണ്ട് ദിവസത്തേക്ക് പ്രതികളെ പൊലീസ് കസ്റ്റഡിയിൽ വിട്ടത്. കോടതി നൽകിയ കസ്റ്റഡി സമയം അവസാനിക്കുന്നതിനാലാണ് ശനിയാഴ്ച വൈകിട്ട് അഞ്ചിന് മുമ്പായി പ്രതികളെ പൊലീസ് കോടതിയിൽ ഹാജരാക്കിത്ഈ മാസം 11ന് പുലർച്ചെ 1.45നാണ് മിനി കൂപ്പർ ഇടിച്ച്‌ മൂന്ന് പേരുടെ ജീവൻ പൊലിഞ്ഞ നാടിനെ നടുക്കിയ അപകടമുണ്ടായത്. തൃക്കാക്കരയിലെ സ്വകാര്യ സ്ഥാപനത്തിലെ ജീവനക്കാരായ മൂവരും സ്കൂട്ടറിൽ സഞ്ചരിക്കുമ്പോഴാണ് നെടുമ്പാശ്ശേരി വി.ഐ.പി റോഡിലെ അത്താണി വാളേപ്പുറത്ത് അപകടത്തിൽ കന്നഡ സുള്ള്യ സ്വദേശി മുഹമ്മദ് ഇയാസ് (20), വയനാട് കൽപറ്റ സ്വദേശി കെ.വി.ദേവിക (21), പാലക്കാട് മണ്ണാർക്കാട് സ്വദേശിനി എം. പി. ഗോപിക (22) എന്നിവരാണ് മരിച്ചത്.

എഴുത്തച്ഛന്‍ പുരസ്‌കാരം മേതിലിന്.

0

തിരുവനന്തപുരം: കേരള സര്‍ക്കാരിന്റെ ഏറ്റവും വലിയ സാഹിത്യബഹുമതിയായ എഴുത്തച്ഛന്‍ പുരസ്‌കാരം മേതില്‍ രാധാകൃഷ്ണന്. സാഹിത്യത്തിന്നു നല്‍കിയ സമഗ്രസംഭാവന പരിഗണിച്ചാണ് പുരസ്‌കാരം. 5 ലക്ഷം രൂപയും പ്രശസ്തിപത്രവും ശില്പവുമാണ് അവാര്‍ഡ്.എഴുത്തുകാരായ സക്കറിയ, ഗ്രേസി, കെ.ജി.എസ് എന്നിവരടങ്ങിയ ജൂറിയാണ് അവാർഡ് ജേതാവിനെ തിരഞ്ഞെടുത്തത്.

988.75 കോടിയുടെ റോഡ് *വികസനത്തിന് കേന്ദ്രാനുമതി മന്ത്രി പി.കെ. ബഷീർ.

0

കോഴിക്കോട്: സംസ്ഥാനത്തെ 39 റോഡ് വികസന പദ്ധതികൾക്ക് 988.75 കോടി രൂപയുടെ കേന്ദ്രാ നുമതി ലഭിച്ചതായി പൊതുമരാമത്ത് മന്ത്രി പി.കെ. ബഷീർ അറിയിച്ചു.സെൻട്രൽ റോഡ് ആൻഡ് ഇൻഫ്രാസ്ട്രക്‌ചർ ഫണ്ട് പദ്ധതിയിൽ ഉൾപ്പെടുത്തി കേന്ദ്ര റോഡ് ഗതാഗത-ഹൈവേ മന്ത്രാലയമാണ് അനുമതി നൽകിയത്. ഇതിലൂടെ സംസ്ഥാനത്തെ 486.33 കിലോമീറ്റർ റോഡുകൾ വികസിപ്പിക്കാനാകുമെന്ന് മന്ത്രി പറഞ്ഞു. പദ്ധതിയിൽ മേജർ ഡിസ്ട്രിക്ട് റോഡുകൾ, ഓർഡിനറി ഡിസ്ട്രിക്ട് റോഡുക ൾ, കോർപറേഷൻ റോഡുകൾ എന്നിവ ഉൾപ്പെടുന്നു. എല്ലാ ജില്ലകളിലെയും തെരഞ്ഞെടുത്തറോഡുകളുടെ നവീകരണവും വികസനവുമാണ് ലക്ഷ്യമിടുന്നത്.മലബാറിന് 570 കോടികേന്ദ്രം അനുവദിച്ച 988.75 കോ ടി രൂപയിൽ 570 കോടിയും മലബാർ മേഖലയിലെ റോഡുകൾക്കാണ്. കാസർഗോഡ്, കണ്ണൂർ,വയനാട്, കോഴിക്കോട്, മലപ്പു റം ജില്ലകളിലായി 21 റോഡ് പദ്ധതികൾക്കാണ് അനുമതി ലഭിച്ചത്. സംസ്ഥാനത്തെ ആകെ പദ്ധതികളുടെ പകുതിയിലധികവും മലബാറിലാണ്. പദ്ധതികൾക്ക് സംസ്ഥാന സർക്കാർ ഭരണാനുമതി നൽകിയിട്ടുണ്ട്. സാങ്കേതിക, സാമ്പത്തിക അനുമ തികൾ ഉൾപ്പെടെയുള്ള തുടർനടപടികൾ സമയബന്ധിതമായി പൂർത്തിയാക്കി ഡിസംബറിൽ നിർമാണം ആരംഭിക്കുമെന്ന് മന്ത്രി അറിയിച്ചു. നിർമാണത്തിൽ ഗുണനിലവാരവും സമയക്ര മവും ഉറപ്പാക്കും. ദേശീയപാത നിലവാരത്തിലുള്ള നിർമാണ മാനദണ്ഡങ്ങൾ പാലിച്ചായിരി ക്കും പ്രവൃത്തികൾ നടപ്പാക്കുകയെന്നും മന്ത്രി പറഞ്ഞു.

വൈദ്യുതാഘാതമേറ്റ് പത്താം ക്ലാസ് വിദ്യാർഥിക്ക് ദാരുണാന്ത്യം.

0

കോഴിക്കോട്: എളമരത്ത് വീട്ടിലെ കോഴിക്കൂടിന് സമീപം ബൾബ് സ്ഥാപിക്കുന്നതിനായി വയറിംഗ് ജോലിയിൽ ഏർപ്പെട്ടതിനിടെ വൈദ്യുതാഘാതമേറ്റ് വിദ്യാർഥി മരിച്ചു. എളമരം പാലക്കുഴി മൻസൂറിന്റെ മകൻ മുഫീദ് (16) ആണ് മരിച്ചത്. വാഴക്കാട് ഗവ. ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർഥിയായിരുന്നു.ശനിയാഴ്ച ഉച്ചയ്ക്ക് മൂന്നുമണിയോടെയായിരുന്നു അപകടം. വൈദ്യുതാഘാതമേറ്റ മുഫീദിനെ ഉടൻ കോഴിക്കോട് മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.മാതാവ്: എമിന.സഹോദരങ്ങൾ: അഹമ്മദ് ബിഷർ, അഹമ്മദ് യാസീൻ, മുഹമ്മദ് അംജദ്.മൃതദേഹം പോസ്റ്റ്‌മോർട്ടത്തിന് ശേഷം രാവിലെ 11 മണിക്ക് വാഴക്കാട് ഗവ. ഹൈസ്കൂളിൽ പൊതുദർശനത്തിന് വെക്കും. മയ്യിത്ത് നമസ്കാര സമയം പിന്നീട് അറിയിക്കും.