spot_img
Friday, November 20, 2026
Home Blog Page 18

നെടുമ്പാശ്ശേരി അപകടമരണം: പ്രതികളെ പോലീസ് കസ്റ്റഡിയിൽ വിട്ടു, ജയിൽവാസം പഠനത്തെ ബാധിക്കുമെന്ന് പ്രതികൾ ഹൈക്കോടതിയിൽ.

0

നെടുമ്പാശ്ശേരി: നെടുമ്പാശ്ശേരി എയർപോർട്ട് റോഡിൽ കാറിടിച്ച് മൂന്നുപേർ കൊല്ലപ്പെട്ട കേസിലെ പ്രതികളെ അങ്കമാലി കോടതി പോലീസ് കസ്റ്റഡിയിൽ വിട്ടു. കേസ് അന്വേഷിക്കുന്ന പ്രത്യേകസംഘത്തിന്റെ അപേക്ഷ പരിഗണിച്ചാണ് കോടതി ശനിയാഴ്ച വൈകീട്ട് അഞ്ചുവരെ കസ്റ്റഡിൽ വിട്ട് ഉത്തരവായത്. വെള്ളിയാഴ്ച ഉച്ചയോടെയാണ് അങ്കമാലി കോടതി കസ്റ്റഡി അപേക്ഷ പരിഗണിച്ചത്. കാക്കനാട് ബോസ്റ്റൽ സ്കൂളിൽ പാർപ്പിച്ചിരിക്കുന്ന നാല് പ്രതികളെയും കോടതിയിൽ ഹാജരാക്കിയിരുന്നു.പ്രതികളായ സുഹൈൽ, നിനവ്, ജോയൽ, അമീൻ എന്നിവരെയാണ് കസ്റ്റഡിയിൽ വിട്ടിരിക്കുന്നത്. അപകടവുമായി ബന്ധപ്പെട്ട് ശേഖരിച്ച സി.സി.ടി.വി. ദൃശ്യങ്ങൾ, ശാസ്ത്രീയ തെളിവുകൾ, വാഹനം സംബന്ധിച്ചുള്ള വിവരങ്ങൾ ഉൾപ്പെടെയുള്ളവ പരിശോധിക്കാനും സംഭവത്തിന്റെ വിവിധ വശങ്ങളിൽ വ്യക്തത വരുത്താനുമാണ് അന്വേഷണസംഘം പ്രതികളെ കസ്റ്റഡിയിൽ ആവശ്യപ്പെട്ടത്. ഇത് രണ്ടാംവട്ടമാണ് പ്രതികളെ പോലീസ് കസ്റ്റഡിയിൽ വിടുന്നത്. കസ്റ്റഡിയിൽ വാങ്ങിയ പ്രതികള ഡിവൈ.എസ്.പി. ബൈജു പൗലോസിൻ്റെ നേതൃത്വത്തിൽ വിശദമായി ചോദ്യംചെയ്യും. നെടുമ്പാശ്ശേരി വിമാനത്താവള റോഡിൽ ഈ മാസം 11-ന് പുലർച്ചെയാണ് നാടിനെ നടുക്കിയ അപകടം നടന്നത്. ഒന്നാം പ്രതി സുഹൈൽ, നിനവ്, അമീൻ, ജോയൽ എന്നിവരുടെ ജാമ്യാപേക്ഷ അങ്കമാലി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയും എറണാകുളം ജില്ലാ സെഷൻസ് കോടതിയും തള്ളിയിരുന്നു. നെടുമ്പാശ്ശേരിയിൽ ആഡംബര കാറിടിച്ച് മൂന്നുപേർ മരിച്ച സംഭവത്തിൽ പ്രതികളുടെ ജാമ്യഹർജി ഹൈക്കോടതി നവംബർ ആറിന് പരിണിക്കും. കേസിലെ ഒന്നാംപ്രതി സുഹൈൽ സജീവും (19) മൂന്നാം പ്രതി ജോയൽ എസ്. ആന്റോ (19) യുമാണ് ജാമ്യത്തിനായി കോടതിയെ സമീപിച്ചത്. ഹർജി പരിഗണിച്ച ജസ്റ്റിസ് കൗസർ എടപ്പഗത്ത് സർക്കാരിന്റെ വിശദീകരണം തേടി.അപകടം നടന്ന ഒക്ടോബർ 11 മുതൽ ജുഡീഷ്യൽ കസ്റ്റഡിയിലാണെന്നും തുടർച്ചയായ ജയിൽവാസം തന്റെ പഠനത്തെ ബാധിക്കുമെന്നും ഉപാധികളോടെ ജാമ്യം അനുവദിക്കണമെന്നുമാവശ്യപ്പെട്ടാണ് കോളജ് വിദ്യാർഥിയായ സുഹൈലിന്റെ ഹർജി. അന്വേഷണവുമായി പൂർണമായി സഹകരിക്കും. സാക്ഷികളെ സ്വാധീനിക്കാനോ തെളിവുകൾ നശിപ്പിക്കാനോ ശ്രമിക്കില്ലെന്നും വ്യക്തമാക്കിയിട്ടുണ്ട്.വാഹനത്തിന്റെ പിൻസീറ്റിലിരുന്ന താൻ ഡ്രൈവർക്ക് നിർദേശങ്ങൾ നൽകുകയോ അമിതവേഗത്തിൽ പോകാൻ പ്രേരിപ്പിക്കുകയോ ചെയ്തിട്ടില്ലെന്നാണ് ജോയലിന്റെ വാദം. അനാവശ്യമായാണ് തന്നെ പ്രതിചേർത്തത്. മദ്യപിച്ചുവെന്ന ആരോപണം തെളിയിക്കാൻ തന്റെ രക്തപരിശോധന നടത്തിയിട്ടില്ല. പഠനം തടസ്സപ്പെടുന്ന കാര്യം ജോയലിന്റെ ഹർജിയിലും ചൂണ്ടിക്കാട്ടിയിട്ടുണ്ട്.

ദൗത്യം വിജയം; കുതിച്ചുയർന്ന് ജിഎസ്എൽവി എഫ് 18, നാവിക്കിന് കരുത്തേകാൻ ‘എൻവിഎസ് 03’ ഭ്രമണപഥത്തിൽ.

0

ശ്രീഹരിക്കോട്ട: ഇന്ത്യൻ ബഹിരാകാശ ഏജൻസിയായ ഐഎസ്ആർഒയുടെ ജിഎസ്എൽവി എഫ് 18 (GSLV-F18) ദൗത്യം വിജയം. ആന്ധ്രാ പ്രദേശിലെ ശ്രീഹരിക്കോട്ടയിലെ സതീഷ് ധവാൻ സ്പേസ് സെൻ്ററിൽ നിന്ന് രാത്രി 11:51നായിരുന്നു വിക്ഷേപണം. നിർണായക ഭൗമനിരീക്ഷണ ഉപഗ്രഹമായ എൻവിഎസ് 03 (NVS-03) ആണ് വിജയകരമായി ഭ്രമണപഥത്തിൽ എത്തിച്ചത്. ഐഎസ്ആർഒയുടെ ‘സ്മാർട്ട് ബോയ്’ എന്നറിയപ്പെടുന്ന ജിഎസ്എൽവി റോക്കറ്റിൻ്റെ ഇരുപതാം ദൗത്യമാണിത്.ഇന്ത്യയുടെ സ്വന്തം നാവിഗേഷൻ ഉപഗ്രഹ ശൃംഖലയായ നാവിക്കിനെ (NavIC) പുനരുജ്ജീവിപ്പിക്കാൻ ഉള്ള ദൗത്യമാണിത്. ആകെ ദൗത്യ സമയം 19 മിനിറ്റാണ്. രണ്ടാം തലമുറ ഗതിനിർണ്ണയ ഉപഗ്രഹങ്ങളിൽ മൂന്നാമത്തേതാണ് എൻവിഎസ് 03. ഏകദേശം 2,250 കിലോഗ്രാം ഭാരമുള്ള എൻവിഎസ് 03 ഉപഗ്രഹത്തെ ജിഎസ്എൽവി റോക്കറ്റ് ഭൗമസ്ഥിര ട്രാൻസ്ഫർ ഓർബിറ്റിൽ എത്തിക്കും. അവിടെ നിന്ന് ഉപഗ്രഹത്തിലെ സ്വന്തം പ്രൊപ്പൽഷൻ സിഗ്നലുകൾ ഉപയോഗിച്ച് ലക്ഷ്യസ്ഥാനത്ത് എത്തും. ഇന്ത്യയുടെ 1500 കിലോമീറ്റർ ചുറ്റളവിൽ എൻവിഎസ് 03യുടെ സേവനം ലഭ്യമാകും.

ബാറുകളിൽ ആധാർ പരിശോധന നിർബന്ധം; കർശന നിർദേശവുമായി എക്സൈസ് മന്ത്രി.

0

തിരുവനന്തപുരം : ബാറുകളിൽ മദ്യപിക്കാൻ എത്തുന്നവരുടെ ആധാർ കാർഡ് പരിശോധിച്ചതിന് ശേഷം മാത്രമേ മദ്യം നൽകാൻ പാടുള്ളൂ എന്ന കർശന നിർദേശവുമായി എക്സൈസ് മന്ത്രി എം. ലിജു.”പ്രായപൂർത്തിയാകാത്ത കുട്ടികൾക്ക് മദ്യം കൊടുക്കുക, ആ മദ്യം കഴിച്ച് അവർ പോയി വാഹനാപകടം ഉണ്ടാക്കുക, നിരവധി കുടുംബങ്ങൾ അനാഥമാവുക, അതിനെയെല്ലാം അവസരം ഒരുക്കിയാൽ ബാറുകൾക്കെതിരെ ശക്തമായ നടപടിയുണ്ടാകും.നിയമം പാലിക്കേണ്ട ഉത്തരവാദിത്തം അവർക്കാണ്. ബാറിൽ എത്തുന്നവരുടെ ആധാർ കാർഡോ മറ്റ് ഐഡി പ്രൂഫോ പരിശോധിക്കണം, എന്നിട്ടേ മദ്യം കൊടുക്കാവൂ. ഈ നിർദേശം അവർ പാലിച്ചില്ലെങ്കിൽ അതിന്റെ പ്രത്യാഘാതം അവർ അനുഭവിക്കേണ്ടിവരും” – തൃശൂരിൽ വെച്ച് മാധ്യമപ്രവർത്തകരെ കാണുമ്പോഴായിരുന്നു മന്ത്രിയുടെ പ്രതികരണം.23 വയസ്സാണ് മദ്യം വാങ്ങാനുള്ള പ്രായം. ഇത് കർശനമായി തന്നെ പാലിക്കണമെന്ന് മന്ത്രി പറഞ്ഞു. പ്രായപരിശോധനയിൽ ഉണ്ടായ വീഴ്ചയാണ് നെടുമ്പാശ്ശേരി വാഹനാപകടത്തിൽ കണ്ടതെന്നും മന്ത്രി വ്യക്തമാക്കി.

​കൂരാച്ചുണ്ടിൽ കാട്ടാനശല്യം രൂക്ഷം: സൗരവേലി പദ്ധതി ചുവപ്പുനാടയിൽ; ദുരിതത്തിലായി മലയോര കർഷകർ.

0

കൂരാച്ചുണ്ട്: മലയോര മേഖലയിൽ കാട്ടാന ഉൾപ്പെടെയുള്ള വന്യമൃഗങ്ങളുടെ ശല്യം രൂക്ഷമാകുന്നു. കക്കയം വനമേഖലയിൽനിന്ന് ഇറിഗേഷൻ ജലാശയം നീന്തിക്കടന്നെത്തുന്ന കാട്ടാനക്കൂട്ടങ്ങൾ ജനവാസ മേഖലയിൽ വ്യാപകമായി കൃഷി നശിപ്പിക്കുകയാണ്. മൃഗശല്യത്തിന് പുറമെ വളം വിലവർധനവ് അടക്കമുള്ള പ്രതിസന്ധികൾക്കിടയിലാണ് ഏക്കറുകണക്കിന് കൃഷിഭൂമി വന്യമൃഗങ്ങൾ കവർന്നെടുക്കുന്നത്.​കഴിഞ്ഞ സർക്കാരിന്റെ കാലത്ത് കർഷകരുടെ സുരക്ഷയ്ക്കായി കൃഷിവകുപ്പ് 1.60 കോടി രൂപയുടെ ഫെൻസിങ് പദ്ധതി തയ്യാറാക്കുകയും വനംവകുപ്പ് ടെൻഡർ നടപടികൾ പൂർത്തിയാക്കുകയും ചെയ്തിരുന്നു. എന്നാൽ പുതിയ സർക്കാർ അധികാരത്തിൽ വന്നിട്ടും പദ്ധതി നിർവഹണം നടപ്പിലായിട്ടില്ല. ഇറിഗേഷൻ വകുപ്പിന്റെ ഉടമസ്ഥതയിലുള്ള ഭൂമിയിലൂടെ ഫെൻസിങ് സ്ഥാപിക്കുന്നതിന് അനുമതി ലഭിച്ചില്ലെന്നാണ് വനംവകുപ്പിന്റെ വിശദീകരണം. അനുമതിക്കായി കഴിഞ്ഞ സെപ്റ്റംബർ 24-ന് തിരുവനന്തപുരത്തേക്ക് ഫയൽ അയച്ചിട്ടുണ്ടെങ്കിലും ഇതുവരെ തുടർനടപടികളൊന്നും ഉണ്ടായിട്ടില്ല.​കാട്ടാനകൾക്ക് പുറമെ മയിൽ, കുരങ്ങ്, കാട്ടുപന്നി എന്നിവയുടെ ശല്യവും പ്രദേശത്ത് രൂക്ഷമാണ്. കൃഷിനാശം സംഭവിച്ച സ്ഥലങ്ങൾ സന്ദർശിക്കാനോ നഷ്ടപരിഹാരം തിട്ടപ്പെടുത്താനോ റവന്യൂ ഉദ്യോഗസ്ഥർ തയ്യാറായിട്ടില്ല. നഷ്ടപരിഹാരം നൽകുന്ന കാര്യത്തിൽ കൃഷിവകുപ്പും കൈമലർത്തുകയാണ്.​പ്രദേശത്ത് നേരിട്ട് സന്ദർശനം നടത്തി കർഷകരുടെ പരാതികൾ കേട്ടതായി എൽ.ഡി.എഫ് കൺവീനറും മുതിർന്ന നേതാവുമായ ടി.പി. രാമകൃഷ്ണൻ അറിയിച്ചു. കർഷകർക്ക് അടിയന്തര സാമ്പത്തിക സഹായം ഉറപ്പാക്കണമെന്നും സൗരവേലി സ്ഥാപിക്കുന്നതിനുള്ള തടസ്സങ്ങൾ നീക്കണമെന്നും അദ്ദേഹം ആവശ്യപ്പെട്ടു. വന്യമൃഗങ്ങൾ ജലാശയം നീന്തിക്കടന്ന് ജനവാസ മേഖലയിലെത്തുന്നത് തടയാൻ വനം, ഇറിഗേഷൻ വകുപ്പുകളും തദ്ദേശ ഭരണകൂടവും സംയുക്തമായി അടിയന്തര നടപടി സ്വീകരിക്കണമെന്ന് അദ്ദേഹം പ്രസ്താവനയിലൂടെ ആവശ്യപ്പെട്ടു.

ഭാര്യയെ ഓഫീസിൽനിന്നും പിടിച്ചിറക്കി കമ്പിപ്പാരവെച്ച് തലയ്ക്കടിച്ചു; പിന്നാലെ സ്വയം വെടിയുതിർത്ത് ജീവനൊടുക്കി ഭർത്താവ്.

0

കമ്പംമെട്ട്: ഇടുക്കിയിൽ പോസ്റ്റ്ഓഫീസ് ജീവനക്കാരിയായ യുവതിയെ ഓഫീസിൽ നിന്നും പിടിച്ചിറക്കി കമ്പിപ്പാര ഉപയോഗിച്ച് തലയ്ക്കടിച്ച ശേഷം ഭർത്താവ് സ്വയം വെടിവെച്ച് മരിച്ചു. കമ്പംമെട്ട് നെറ്റിത്തൊഴു സ്വദേശി മഴുവൻചേരിയിൽ സന്തോഷാണ് മരിച്ചത്. ഇന്ന് രാവിലെ 9.30-ഓടെയായിരുന്നു സംഭവം.സന്തോഷും ശ്രീജയും തമ്മിൽ വിവാഹ മോചനത്തിനുള്ള കേസ് നിലനിൽക്കുകയായിരുന്നു. നാളെ ഇതിന്റെ വിധി വരാനിരിക്കെയാണ് സന്തോഷ് ശ്രീജയെ ആക്രമിച്ചത്. കുഴിത്തൊളു പോസ്റ്റ്ഓഫീസിലെ ജീവനക്കാരിയായ ശ്രീജ, ഭർത്താവുമായി പിണങ്ങി തൂക്കുപാലത്താണ് താമസിച്ചിരുന്നത്.ഇന്ന് രാവിലെ ജോലിക്കായി ഓഫീസിലെത്തിയ ശ്രീജയെ സന്തോഷ് ഓഫീസിൽ നിന്നും വലിച്ചിറക്കി കമ്പിപ്പാര കൊണ്ട് ആക്രമിക്കുകയായിരുന്നു. ശബ്ദം കേട്ട് ഓടിയെത്തിയ നാട്ടുകാരെ കയ്യിൽ കരുതിയിരുന്ന തൂക്കി ചൂണ്ടി ഭയപ്പെടുത്തി ഓടിച്ച ശേഷം റിവോൾവർ ഉപയോഗിച്ച് സ്വയം വെടിയുതിർക്കുകയായിരുന്നു.തലയ്ക്കടിയേറ്റ് ഗുരുതരമായി പരിക്കേറ്റ ശ്രീജയെ കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചു. കമ്പംമെട്ട് പോലീസ് സ്ഥലത്തെത്തി മേൽ നടപടികൾ സ്വീകരിച്ചുവരികയാണ്.

ഒ​റ്റ​ച്ചാ​ട്ട​ത്തി​ൽ സ്വ​ർ​ണാ​ഭി​ഷേ​കം.

0

എ​ല്ലാ​മു​റ​പ്പി​ച്ച് കാ​ത്തി​രു​ന്ന എ​തി​രാ​ളി​ക്കു​മേ​ൽ അ​വ​സാ​ന ചാ​ട്ട​ത്തി​ലെ ട്വി​സ്റ്റു​മാ​യി ജ​യ​വും സ്വ​ർ​ണ​വും മാ​റോ​ടു ചേ​ർ​ത്ത് അ​ഭി​ഷേ​ക്. സ​ബ്ജൂ​നി​യ​ർ ആ​ൺ​കു​ട്ടി​ക​ളു​ടെ ലോ​ങ് ജം​പി​ലാ​ണ് അ​വ​സാ​ന അ​വ​സ​രം 6.61 മീ​റ്റ​റു​മാ​യി സ്വ​ർ​ണ​ത്തി​ലേ​ക്ക് ചാ​ടി​ക്ക​യ​റി മ​ല​പ്പു​റം പൂ​ക്കൊ​ള​ത്തൂ​ർ സി.​എ​ച്ച്.​എം.​എ​ച്ച്.​എ​സ് സ്കൂ​ൾ വി​ദ്യാ​ർ​ഥി അ​ഭി​ഷേ​ക് ദി​നം ത​ന്റേ​താ​ക്കി​യ​ത്. സ്ഥി​ര​ത​യാ​ർ​ന്ന പ്ര​ക​ട​ന​വു​മാ​യി അ​തു​വ​രെ​യും മു​ന്നി​ൽ​നി​ന്ന തി​രു​വ​ന​ന്ത​പു​രം ജി.​വി രാ​ജ സ്കൂ​ളി​ന്റെ ശ്രീ​ഹ​രി​യെ ആ​ണ് താ​രം പി​റ​കി​ലാ​ക്കി​യ​ത്. ആ​ദ്യ ചാ​ട്ടം മു​ത​ൽ ശ്രീ​ഹ​രി ലീ​ഡ് പി​ടി​ച്ച് മു​ന്നി​ൽ നി​ന്ന​പ്പോ​ൾ വെ​ള്ളി​യി​ൽ ഒ​തു​ങ്ങാ​നാ​യി​രു​ന്നു താ​ര​ത്തി​ന് യോ​ഗം. ചാ​ടി​യ​ത് 5.58 മീ​റ്റ​ർ. സ​മാ​ന​മാ​യി മി​ക​ച്ച പ്ര​ക​ട​ന​ത്തി​ന് അ​വ​സാ​നം വ​രെ കാ​ത്തി​രു​ന്ന ക​ണ്ണൂ​ർ ചെ​റു​കു​ന്ന് ബ​ഖി​ത ഇം​ഗ്ലീ​ഷ് മീ​ഡി​യം സ്കൂ​ൾ വി​ദ്യാ​ർ​ഥി ആ​ഷ്ബി​ൻ സ​​ന്തോ​ഷ് 5.52 മീ​റ്റ​ർ ചാ​ടി മൂ​ന്നാ​മ​നാ​യി. മ​ല​പ്പു​റം തൃ​പ്പ​ന​ച്ചി സ്വ​ദേ​ശി​യാ​യ അ​ഭി​ഷേ​കി​നി​ത് ആ​ദ്യ കാ​യി​ക മേ​ള​യാ​ണ്. കൂ​ലി​ത്തൊ​ഴി​ലാ​ളി​യാ​യ രാ​ജ​ന്റെ​യും മി​നി​യു​ടെ​യും മ​ക​നാ​ണ്. ഇ​വി​ടെ ര​ണ്ടാ​മ​തെ​ത്തി​യ ശ്രീ​ഹ​രി ക​ഴി​ഞ്ഞ ദി​വ​സം സ​ബ്ജൂ​നി​യ​ർ ആ​ൺ​കു​ട്ടി​ക​ളു​ടെ 100 മീ​റ്റ​റി​ൽ സ്വ​ർ​ണം നേ​ടി​യി​രു​ന്നു. കാ​ലി​നേ​റ്റ പ​രി​ക്കു​മൂ​ലം അ​ന്ന് അ​ഭി​ഷേ​ക് മ​ത്സ​രി​ച്ചി​രു​ന്നി​ല്ല.

ജീവൻരക്ഷാ ഉപകരണങ്ങൾക്ക് കെ.എസ്.ഇ.ബി സൗജന്യ വൈദ്യുതി: നടപടിക്രമങ്ങൾ ലഘൂകരിച്ചു.

0

തിരുവനന്തപുരം: എയർ ബെഡ്, സക്ഷൻ ഉപകരണം, ഓക്സിജൻ കോൺസൺട്രേറ്റർ തുടങ്ങിയ ജീവൻരക്ഷാ ഉപകരണങ്ങൾ പ്രവർത്തിപ്പിക്കുന്നതിന് ആവശ്യമായ മുഴുവൻ വൈദ്യുതിയും സൗജന്യമായി നൽകുന്ന പദ്ധതിയിൽ നടപടിക്രമങ്ങൾ ലഘൂകരിച്ച് കെ.എസ്.ഇ.ബി. ഇനി മുതൽ ആനുകൂല്യത്തിനായി 200 രൂപയുടെ മുദ്രപ്പത്രത്തിന് പകരം വെള്ളക്കടലാസിലെ സത്യവാങ്മൂലം സമർപ്പിച്ചാൽ മതിയെന്ന് കെ.എസ്.ഇ.ബി അറിയിച്ചു.ഉപകരണങ്ങളുടെ വാട്ടേജും ഉപയോഗിക്കുന്ന മണിക്കൂറുകളും കണക്കാക്കി അസിസ്റ്റന്റ് എൻജിനീയറാണ് പ്രതിമാസം ആവശ്യമായ വൈദ്യുതി നിരക്ക് നിശ്ചയിക്കുന്നത്. ആദ്യഘട്ടത്തിൽ ആറ് മാസത്തേക്കാണ് സൗജന്യ ആനുകൂല്യം അനുവദിക്കുക. അതിനു ശേഷവും ജീവൻരക്ഷാ ഉപകരണങ്ങളുടെ സേവനം തുടരേണ്ടതുണ്ടെങ്കിൽ ഗവണ്മെന്റ് ഡോക്ടറുടെ സർട്ടിഫിക്കറ്റ് ഹാജരാക്കി ഇളവ് നീട്ടി നൽകുന്നതാണ്.

സംസ്ഥാന സ്‌കൂൾ കായികമേളയിലെ ഗെയിംസ് മത്സരങ്ങൾ ഇന്ന് സമാപിക്കും.

0

കോഴിക്കോട് : സംസ്ഥാന സ്‌കൂൾ കായികമേളയിലെ ഗെയിംസ് മത്സരങ്ങൾ ഇന്ന്‌ സമാപിക്കും. 1280 പോയിന്റോടെ തിരുവനന്തപുരമാണ് ഒന്നാം സ്ഥാനത്ത്. 788 പോയിന്റുമായി കണ്ണൂരും 759 പോയിന്റോടെ തൃശൂരും ഏറെ പിറകിലാണ്‌.സീനിയർ വിഭാഗം ബേസ്ബോളിൽ മലപ്പുറം ഇരട്ടക്കിരീടം നേടി. ആൺകുട്ടികളിൽ പാലക്കാട് രണ്ടും കണ്ണൂർ മൂന്നും സ്ഥാനം നേടി. പെൺകുട്ടികളിൽ തൃശൂരാണ്‌ രണ്ടാമത്‌. Lജൂനിയർ പെൺകുട്ടികളുടെ ഷട്ടിൽ ബാഡ്മിന്റണിൽ എറണാകുളം ചാമ്പ്യൻമാരായി. കോട്ടയം റണ്ണറപ്പ്‌. ആൺകുട്ടികളിൽ കോഴിക്കോട് ജേതാക്കളായി. ആലപ്പുഴ രണ്ടും സ്ഥാനം നേടി. ജൂനിയർ പെൺകുട്ടികളുടെ ബോൾ ബാഡ്മിന്റണിൽ മലപ്പുറം, എറണാകുളം ടീമുകൾ ആദ്യ രണ്ട്‌ സ്ഥാനം കരസ്ഥമാക്കി. ആൺകുട്ടികളിൽ കൊല്ലമാണ്‌ ഒന്നാമത്‌. മലപ്പുറം രണ്ടാം സ്ഥാനം സ്വന്തമാക്കി.

വീണ്ടും പവര്‍കട്ട് വരുമോ? ഹിമാചലില്‍ നിന്നുള്ള വൈദ്യുതി ലഭിക്കില്ല; വരുന്നത് ഗുരുതര പ്രതിസന്ധി

0

തിരുവനന്തപുരം: ഹിമാചലില്‍ നിന്നുള്ള വൈദ്യുതി ലഭിക്കില്ലെന്ന് ഉറപ്പായതോടെ നവംബറില്‍ നേരിടാന്‍ പോകുന്നത് ഗുരുതരമായ വൈദ്യുതി പ്രതിസന്ധി. സര്‍ക്കാര്‍ അലംഭാവമാണ് വൈദ്യുതി ലഭിക്കാത്തതിന് കാരണം. കെഎസ്ഇബി പല തവണ കത്ത് നല്‍കിയിട്ടും സര്‍ക്കാര്‍ തീരുമാനം എടുത്തിരുന്നില്ല. ഒരുമാസം കഴിഞ്ഞിട്ടും സര്‍ക്കാര്‍ തീരുമാനം എടുക്കാത്ത സാഹചര്യത്തിലാണ് ഹിമാചല്‍ പ്രദേശിന്റെ പിന്മാറ്റം.രാത്രികാലങ്ങളില്‍ 1200 മെഗാവാട്ട് വൈദ്യുതി വരെ നല്‍കാമെന്നായിരുന്നു ഹിമാചലുമായുള്ള ധാരണ. ഹിമാചല്‍ പ്രദേശില്‍ നിന്ന് ലഭിച്ച വൈദ്യുതി ഉപയോഗിച്ചാണ് ഈ മാസം പ്രതിസന്ധിയില്ലാതെ കടന്ന് പോയത്. അടുത്ത വര്‍ഷം മേയ് വരെയുള്ള പ്രതിസന്ധി ഒഴിവാക്കാന്‍ കഴിയുന്ന സാഹചര്യമാണ് സര്‍ക്കാര്‍ അനുമതി നീണ്ടതിലൂടെ നഷ്ടപ്പെട്ടത്ന

വംബര്‍ ഒന്ന് രാത്രി മുതല്‍ 1280 മെഗാവാട്ട് വൈദ്യുതിയുടെ കുറവുണ്ടാവുമെന്നാണ് കെഎസ്ഇബിയുടെ വിലയിരുത്തല്‍. റിയല്‍ മാര്‍ക്കറ്റില്‍ വൈദ്യുതി ലഭിച്ചില്ലെങ്കില്‍ വീണ്ടും നിയന്ത്രണം വേണ്ടി വരും. പ്രതിസന്ധി വീണ്ടും രേഖാമൂലം സര്‍ക്കാരിനെ അറിയിക്കാനാണ് കെഎസ്ഇബിയുടെ തീരുമാനം. നിലവിലെ സാഹചര്യം വിശദീകരിച്ചാകും കത്ത് നല്‍കുക

ഇതിഹാസ ഹോളിവുഡ് താരം പാട്രിക് സ്റ്റുവര്‍ട്ട് (86) അന്തരിച്ചു.

0

വിഖ്യാത ഹോളിവുഡ് താരം പാട്രിക് സ്റ്റുവര്‍ട്ട് (86) അന്തരിച്ചു. ‘സ്റ്റാര്‍ ട്രെക്ക്’ സീരിസില്‍ ക്യാപ്റ്റന്‍ ജീന്‍-ലൂക്ക് പിക്കാര്‍ഡ്, എക്‌സ് മെന്‍ സിനിമകളില്‍ പ്രൊഫസര്‍ ചാള്‍സ് സേവ്യര്‍ തുടങ്ങിയ കഥാപാത്രങ്ങളെ അനശ്വരനാക്കിയ ബ്രിട്ടീഷ് നടനാണ് വിടവാങ്ങിയിരിക്കുന്നത്. ലോസ് ഏഞ്ചല്‍സിലെ വീട്ടില്‍ വച്ചാണ് അന്ത്യം സംഭവിച്ചത്. പാട്രിക് സ്റ്റുവര്‍ട്ടിന്റെ കുടുംബാംഗങ്ങള്‍ തന്നെയാണ് സോഷ്യല്‍ മീഡിയയിലൂടെ മരണവിവരം സ്ഥിരീകരിച്ചിരിക്കുന്നത്. കുറച്ചുകാലങ്ങളായി അദ്ദേഹം അല്‍ഷിമേഴ്സിനോടും ലെവി ബോഡി ഡിമെന്‍ഷ്യയോടും പൊരുതിവരികയായിരുന്നു. വാര്‍ധക്യ സഹജമായ അസുഖങ്ങളെ തുടര്‍ന്നാണ് മരണം സംഭവിച്ചതെന്നാണ് റിപ്പോര്‍ട്ടുകള്‍.മാര്‍വലിന്റെ എക്‌സ് മെന്‍ സിനിമകളിലെ ഏറ്റവും ശക്തമായ കഥാപാത്രങ്ങളിലൊന്നായ പ്രൊഫസര്‍ ചാള്‍സ് സേവ്യര്‍ എന്ന കഥാപാത്രമായുള്ള പ്രകടനം അദ്ദേഹത്തിന് ആഗോളതലത്തില്‍ നിരവധി ആരാധകരെ നേടിക്കൊടുത്തിട്ടുണ്ട്. വീല്‍ചെയറിലിരിക്കുന്ന ഈ കഥാപാത്രത്തെ തന്റെ സൂക്ഷ്മാഭിനയം കൊണ്ട് സ്റ്റുവര്‍ട്ട് അവിസ്മരണീയമാക്കിത്തീര്‍ത്തു. സിനിമയില്‍ മാഗ്‌നെറ്റോയായി അഭിനയിച്ച ഇയാന്‍ മക്കെല്ലനും പാട്രിക് സ്റ്റുവര്‍ട്ടും തമ്മിലുള്ള കോമ്പിനേഷന്‍ സീനുകള്‍ ഏറെ ശ്രദ്ധിക്കപ്പെട്ടു. 2017ല്‍ പുറത്തിറങ്ങിയ ലോഗനിലെ വൈകാരിക അഭിനയവും ആഗോളതലത്തില്‍ ശ്രദ്ധിക്കപ്പെട്ടു.നാടക-ചലച്ചിത്ര രംഗങ്ങളിലെ മികച്ച സംഭാവനകള്‍ കണക്കിലെടുത്ത് 2010-ല്‍ എലിസബത്ത് രാജ്ഞി അദ്ദേഹത്തിന് സര്‍ പദവി നല്‍കി ആദരിച്ചു. ഒരു ടോണി അവാര്‍ഡ് , മൂന്ന് ഗോള്‍ഡന്‍ ഗ്ലോബ് , നാല് എമ്മി അവാര്‍ഡുകള്‍ , മൂന്ന് സ്‌ക്രീന്‍ ആക്ടേഴ്‌സ് ഗില്‍ഡ് അവാര്‍ഡുകള്‍ തുടങ്ങിയവും സ്വന്തമാക്കിയിട്ടുണ്ട്. ദീര്‍ഘകാലം നാടകരംഗത്തും സജീവമായിരുന്നു. അറുപതിലേറെ ക്ലാസിക് നാടകങ്ങളില്‍ അദ്ദേഹം സുപ്രധാന വേഷങ്ങള്‍ കൈകാര്യം ചെയ്തിട്ടുണ്ട്.