spot_img
Friday, November 20, 2026
Home Blog Page 31

110 ഡോളർ കടന്ന് ക്രൂഡ് വില; അമേരിക്കയ്ക്കു മേൽ സമ്മർദം ചെലുത്തി ഇറാൻ, കരുതൽ ശേഖരം തുറക്കാൻ യുഎസ്.

0

മുംബൈ: അന്താരാഷ്ട്ര വിപണിയിൽ അസംസ്കൃത എണ്ണവില വീണ്ടും 110 ഡോളർ കടന്നു. അന്താരാഷ്ട്ര ബെഞ്ച് മാർക്കായ ബ്രെന്റ് ക്രൂഡ് വില 109.9 ഡോളറിലാണ് വെള്ളിയാഴ്‌ച വ്യാപാരം നിർത്തിയത്. ഹോർമുസ് കടലിടുക്കിൽ ഇറാൻ ആക്രമണം വർധിപ്പിച്ചതും സൗദി അറേബ്യയിൽ ഹൂതികൾ ആക്രമണം തുടരുന്നതുമാണ് എണ്ണ വില ഉയർത്തിക്കൊണ്ടിരിക്കുന്നത്.കഴിഞ്ഞയാഴ്ച ബ്രെന്റ് ക്രൂഡ് വിലയിൽ അഞ്ചു ശതമാനം വർധന രേഖപ്പെടുത്തിയിട്ടുണ്ട്. മേയ് മാസത്തിനു ശേഷം ആദ്യമായാണ് ബ്രെൻ്റ് ക്രൂഡ് വില 110 ഡോളർ കടക്കുന്നത്. അമേരിക്കൻ ബെഞ്ച്മാർക്കായ ഡബ്ല്യു.ടി.ഐ. ക്രൂഡ് വില പത്തു ശതമാനം ഉയർന്ന് വീപ്പയ്ക്ക് 101 ഡോളറിലേക്കെത്തിയിട്ടുണ്ട്.അന്താരാഷ്ട്ര വിപണിയിൽ എണ്ണവില ഉയർത്തിക്കൊണ്ടുവന്ന് അമേരിക്കയ്ക്കു മേൽ സമ്മർദം വർധിപ്പിക്കുകയാണ് ഇറാൻ ലക്ഷ്യമിടുന്നത്. ഇതിനായി ഹോർമുസ് കടലിടുക്കു വഴിയുള്ള ചരക്കുനീക്കം തടയുന്നതിന് തുടർച്ചയായി ആക്രമണം നടത്തുകയാണ്. കഴിഞ്ഞ ബുധനാഴ്ച ജി.എഫ്.എസ്. പ്രൈഡ് എന്ന കണ്ടെയ്നർ കപ്പൽ ഇറാൻ ഹോർമുസിൽ ഇറാൻ തകർത്തിരുന്നു. ഹൂതികൾ ചെങ്കടലിൽ നടത്തിയ ആക്രമണത്തിൽ സൗദി ആരാംകോയുടെ യാൻബു ടെർമിനലിനെ ലക്ഷ്യമിട്ടുള്ള മിസൈൽ ആക്രമണം തടഞ്ഞതായി സൗദി അവകാശപ്പെട്ടു. അതിനിടെ റഷ്യയിലെ ഊർജമേഖലയിൽ യുക്രൈൻ ആക്രമണം തുടരുകയാണ്. അമേരിക്ക എതിർപ്പറിയിച്ചിട്ടും യുക്രൈൻ ആക്രമണത്തിൽനിന്നു പിന്മാറാൻ തയ്യാറാകുന്നില്ല. ഇതും എണ്ണ വിപണിയിൽ സമ്മർദം ശക്തമാക്കുന്നു.അമേരിക്കയിൽ ഡീസൽ വില ഉയർന്നതോടെ റഷ്യയിൽനിന്ന് വൻതോതിൽ ഡീസൽ വാങ്ങാൻ ഡൊണാൾഡ് ട്രംപും റഷ്യൻ പ്രസിഡന്റ് വ്ളാദിമിർ പുതിനും ധാരണയായിരുന്നു. തുടർന്ന് റഷ്യൻ എണ്ണ കേന്ദ്രങ്ങളിൽ ആക്രമണം നടത്തരുതെന്ന് ട്രംപ് യുക്രൈനോട് ആവശ്യപ്പെടുകയും ചെയ്തു. ഇതു തള്ളിക്കൊണ്ടാണ് യുക്രൈൻ ഇപ്പോൾ ആക്രമണം നടത്തുന്നത്.ആഗോള എണ്ണവിപണിയിലെ സമ്മർദത്തിന്റെ്റെ പശ്ചാത്തലത്തിൽ അമേരിക്ക കരുതൽ ശേഖരത്തിൽനിന്ന് കൂടുതൽ എണ്ണ പുറത്തെടുക്കാൻ തീരുമാനിച്ചിട്ടുണ്ട്. 17 ദശലക്ഷം വീപ്പ എണ്ണയാണ് വിപണിയിലേക്കെത്തിക്കുക. നിലവിൽ 28.3 കോടി വീപ്പ എണ്ണയാണ് അമേരിക്കയുടെ കരുതൽ ശേഖരത്തിലുള്ളത്.

കോഴിക്കോട് നഗരത്തിലെ സ്പാകളിൽ മിന്നൽ പരിശോധന: 4 പേർ അറസ്റ്റിൽ; 8 മസാജ് സെന്ററുകൾ അടപ്പിച്ചു

0

കോഴിക്കോട് : നഗരത്തിലെ സ്പാകളിൽ നിയമ വിരുദ്ധ പ്രവർത്തനങ്ങൾ നടക്കുന്നുണ്ടെന്ന പരാതിയുടെ അടിസ്ഥാനത്തിൽ സിറ്റിയിലെ വിവിധ സ്പാകളിലും, മസാജ് സെന്ററുകളിലും പൊലീസ് മിന്നൽ പരിശോധന. 4 പേരെ അറസ്റ്റ് ചെയ്തു. 70 ഓളം സ്പാകളിൽ നടത്തിയ പരിശോധനയിൽ രേഖകളില്ലാത്ത 8 മസാജ് സെന്ററുകൾ അടപ്പിക്കുകയും 6 മസാജ് സെന്ററുകൾക്കു നിർത്താൻ നോട്ടിസ് നൽകുകയും ചെയ്തു. ഇത്തരം സ്പാകൾക്കെതിരെ കർശന നടപടി സ്വീകരിക്കുമെന്നു സിറ്റി പൊലീസ് കമ്മിഷണർ എ.പി.ഷൗക്കത്തലി പറഞ്ഞു. എലത്തൂർ, കസബ എന്നീ പൊലീസ് സ്റ്റേഷനുകളിലാണ് കേസെടുത്തത്.നഗരത്തിലെ സ്പാകളുടെ പ്രവർത്തനങ്ങൾ നിയമാനുസൃതമാണോയെന്നും ആവശ്യമായ ലൈസൻസുകളും മറ്റ് അനുമതികളും ഉണ്ടോയെന്നും പരിശോധിക്കുന്നതിന്റെ ഭാഗമായാണ് പരിശോധന. സ്പാകളിൽ ജോലി ചെയ്യുന്ന തൊഴിലാളികളുടെ വ്യക്തിഗത വിവരങ്ങൾ റജിസ്റ്റർ ചെയ്ത് പൊലീസിനു അടിയന്തരമായി നൽകണമെന്നും നിർദേശം നൽകി. ആവശ്യമായ രേഖകളും ലൈസൻസുകളും ഇല്ലാതെ ജോലി ചെയ്യുന്ന തൊഴിലാളികളുള്ള സ്ഥാപനങ്ങൾക്കെതിരെയും നടപടി ഉണ്ടാകുമെന്ന് പൊലീസ് പറഞ്ഞു. സ്പാകളിൽ എത്തുന്നവരും കുറ്റകൃത്യങ്ങളിൽ പങ്കാളികളാണെന്നു അന്വേഷണത്തിൽ കണ്ടെത്തിയാൽ നിയമനടപടികൾ നേരിടേണ്ടി വരും. അനാശാസ്യ പ്രവർത്തനങ്ങളുമായി ബന്ധപ്പെട്ടു നിയമലംഘനം നടത്തുന്നവർക്കെതിരെയും തെളിവുകളുടെ അടിസ്ഥാനത്തിൽ കേസെടുക്കും. തുടർദിവസങ്ങളിലും പരിശോധനകൾ നടക്കും.

പാദരക്ഷകൾക്കും ‘രക്ഷ’യില്ല; ‘നവംബർ ഒന്നു മുതൽ ചുരുങ്ങിയത് 10% വില വർധിപ്പിക്കും’

0

കോഴിക്കോട് : ഗൾഫിലെ സംഘർഷാവസ്ഥ തുടരുന്നതോടെ പാദരക്ഷകൾക്കും ‘രക്ഷ’യില്ല. അസംസ്കൃത വസ്തുക്കളുടെ അനിയന്ത്രിതമായ വിലക്കയറ്റം മൂലം പാദരക്ഷകൾക്ക് നവംബർ ഒന്നു മുതൽ ചുരുങ്ങിയത് 10% വില വർധിപ്പിക്കുമെന്ന് വിവിധ സംഘടനകൾ വ്യക്തമാക്കി. പോളിയൂറിത്തീൻ, സിന്തറ്റിക് റെക്സിൻ, പിവിസി, ഇവിഎ, നൂൽ, വിവിധയിനം കെമിക്കലുകൾ എന്നിവയ്ക്ക് വലിയ തോതിൽ വില വർധിച്ചുവെന്നും പാദരക്ഷകളുടെ വിലകൂട്ടാതെ പിടിച്ചുനിൽക്കാൻ സാധിക്കില്ലെന്നും കോൺഫെഡറേഷൻ ഓഫ് ഇന്ത്യൻ ഫുട്‌വെയർ ഇൻഡസ്ട്രീസ് ഭാരവാഹി റസാക്ക് വികെസി പറഞ്ഞു.കേന്ദ്ര സർക്കാർ പെട്രോളിയം ഉൽപന്നങ്ങൾക്ക് നൽകിയിരുന്ന നികുതിയിളവ് എടുത്തുമാറ്റിയതും പ്രതിസന്ധിക്കിടയാക്കുന്നു. സംസ്ഥാനത്ത് നൂറിലധികം ചെറുകിട കമ്പനികളും ആയിരക്കണക്കിന് തൊഴിലാളികളും ഈ മേഖലയിലുണ്ട്. അസംസ്കൃത വസ്തുക്കളുടെ വിലവർധന ഇതേവരെ കമ്പനികൾ തന്നെ ഏറ്റെടുക്കുകയായിരുന്നുവെന്നും ഈ രീതിയിൽ മുന്നോട്ടുപോകാനാവില്ലെന്നും ഫുട്‌‌വെയർ മാനുഫാക്ചറേഴ്സ് അസോസിയേഷൻ ഓഫ് കേരള പ്രസിഡന്റ് രജിത് മുല്ലശ്ശേരി പറഞ്ഞു.

അരീക്കര സുബ്രഹ്മണ്യൻ നമ്പൂതിരി ശബരിമല മേൽശാന്തി, മാളികപ്പുറം മേൽശാന്തി എ.ദാമോദരൻ നമ്പൂതിരി.

0

ശബരിമല: വരാനിരിക്കുന്ന മണ്ഡല-മകരവിളക്ക് തീർത്ഥാടന കാലത്തേക്കുള്ള പുതിയ ശബരിമല മേൽശാന്തിയായി അരീക്കര സുബ്രഹ്മണ്യൻ നമ്പൂതിരിയെ തിരഞ്ഞെടുത്തു. തിരുവനന്തപുരം പുളിമൂട് അംബുജവിലാസം റോഡിലുള്ള അരീക്കര ഇല്ലം അംഗമാണ് ഇദ്ദേഹം. പഴവങ്ങാടി ഗണപതി ക്ഷേത്രത്തിലെ മേൽശാന്തിയാണ്.സന്നിധാനത്ത് തന്ത്രിമാരുടെയും ദേവസ്വം ബോർഡ് ഭാരവാഹികളുടെയും സാന്നിധ്യത്തിൽ നറുക്കെടുപ്പിൽ പന്തളം കൊട്ടാരത്തിൽ നിന്നുള്ള കുട്ടിയാണ് തിരഞ്ഞെടുത്തത്. മൂന്നാം ഊഴത്തിലാണ് ഇദ്ദേഹത്തിന് മേൽശാന്തിയാകാനുള്ള അവസരം ലഭിക്കുന്നത്.വൃശ്ചികം ഒന്നിന് മണ്ഡല മകരവിളക്ക് മഹോത്സവത്തിനായി നടതുറക്കുമ്പോൾ പുതിയ മേൽശാന്തി ചുമതലയേൽക്കും. അടുത്ത ഒരു വർഷക്കാലം സന്നിധാനത്ത് തങ്ങി പൂജാദികാര്യങ്ങൾക്ക് ഇദ്ദേഹം നേതൃത്വം നൽകും.മാളികപ്പുറംമേൽശാന്തിയായി എ.ദാമോദരൻ നമ്പൂതിരിയേയും തിരഞ്ഞെടുത്തു. കോഴിക്കോട് വടകര സ്വദേശിയാണ് എ. ദാമോദരൻ നമ്പൂതിരി.

കൊല്‍ക്കത്തയിലെ ദുര്‍ഗാപൂജ ദുരന്തം; മരണം 19 ആയി, പരിക്കേറ്റവരുടെ നില ഗുരുതരം

0

കൊല്‍ക്കത്ത: കൊല്‍ക്കത്തയില്‍ ദുര്‍ഗാപൂജക്കിടെ ഉണ്ടായ വന്‍ ദുരന്തത്തില്‍ 19 മരണം. പരിക്കേറ്റ 35 പേരെ കൊല്‍ക്കത്ത മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ചിലരുടെ നില അതീവ ഗുരുതരമാണ്.വടക്കന്‍ കൊല്‍ക്കത്തയിലെ ചോര്‍ബാഗാന്‍ സര്‍ബോജനീന്‍ ദുര്‍ഗാപൂജ പന്തലില്‍ രാത്രിയോടെയാണ് അപകടമുണ്ടായത്. കനത്ത മഴയും ഇടിമിന്നലും അനുഭവപ്പെട്ടതോടെ പൂജക്കെത്തിയവര്‍ പന്തലിലേക്ക് ഒരുമിച്ച് കയറാന്‍ ശ്രമിച്ചത് ദുരന്തത്തിന് കാരണമായി.ഇതിനിടെ പന്തലിന്റെ ഒരു ഭാഗം തകരുകയും പുറത്തേക്കുള്ള ഗേറ്റിന് സമീപം തിക്കും തിരക്കുമുണ്ടാകുന്ന സാഹചര്യമുണ്ടാകുകയും ചെയ്തുവെന്നാണ് റിപ്പോര്‍ട്ടുകള്‍. നിരവധി പേര്‍ കുഴഞ്ഞുവീണതായും ദൃക്‌സാക്ഷികള്‍ പറഞ്ഞുസംഭവത്തെത്തുടര്‍ന്ന് പന്തലിലേക്കുള്ള പ്രവേശനം പൊലീസ് താല്‍ക്കാലികമായി നിര്‍ത്തിവച്ചു. പരിക്കേറ്റവരുടെ ചികിത്സാ സൗകര്യങ്ങള്‍ വിലയിരുത്താന്‍ ബംഗാള്‍ മുഖ്യമന്ത്രി സുവേന്ദു അധികാരിയും ആരോഗ്യവകുപ്പ് അധികൃതരും ആശുപത്രി സന്ദര്‍ശിച്ചു.സംഭവത്തില്‍ പശ്ചിമ ബംഗാള്‍ സര്‍ക്കാര്‍ ഹെല്‍പ്ലൈന്‍ നമ്പറും പുറത്തിറക്കി. അപകടത്തില്‍ ജീവന്‍ നഷ്ടപ്പെട്ടവരുടെ കുടുംബങ്ങള്‍ക്ക് അനുശോചനം അറിയിച്ച കേന്ദ്ര ആഭ്യന്തരമന്ത്രി അമിത് ഷാ, മുഖ്യമന്ത്രി സുവേന്ദു അധികാരിയുമായി സംസാരിച്ചതായും അറിയിച്ചു.ദുരന്തത്തില്‍ പെട്ടവര്‍ക്ക് പ്രധാനമന്ത്രി നരേന്ദ്ര മോദി ധനസഹായം പ്രഖ്യാപിച്ചു. മരിച്ചവരുടെ കുടുംബാംഗങ്ങള്‍ക്ക് രണ്ട് ലക്ഷം രൂപ സഹായം നല്‍കും. പരിക്കേറ്റവര്‍ക്ക് അമ്പതിനായിരം രൂപയും കൈമാറും.

ശബരിമല, മാളികപ്പുറം മേൽശാന്തി നറുക്കെടുപ്പ് ഇന്ന്.

0

പത്തനംതിട്ട: ശബരിമല, മാളികപ്പുറം ക്ഷേത്രങ്ങളിലെ മേൽശാന്തിമാരെ തിരഞ്ഞെടുക്കുന്നതിനുള്ള നറുക്കെടുപ്പ് ഇന്ന് രാവിലെ 7.30ന് നടക്കും. പന്തളം കൊട്ടാരത്തിൽ നിന്ന് ദേവനന്ദൻ അർജുനെയും അനശ്വര എം. രഞ്ജിത്തിനെയും നറുക്കെടുപ്പിന് ചുമതലപ്പെടുത്തി. പന്തളം കൊട്ടാരത്തിലെ രാമവർമ രാജയാണ് കുട്ടികളെ നറുക്കെടുപ്പിനായി നിയോഗിച്ചത്. ശബരിമലയിലെ മേൽശാന്തി തിരഞ്ഞെടുപ്പ് പട്ടികയിൽ ഏഴുപേരും മാളികപ്പുറം പട്ടികയിൽ അഞ്ച് പേരുമാണ് ഉൾപ്പെട്ടിരിക്കുന്നത്. ശബരിമല സ്പെഷ്യൽ കമ്മീഷണർ ആർ ജയകൃഷ്ണൻ, ദേവസ്വം കമ്മീഷണർ ബി സനിൽകുമാർ എന്നിവരുടെ നേതൃത്വത്തിലാണ് നടപടികൾ.തുലാമാസ പൂജകൾക്കായി ശബരിമല നട തുറന്നതോടെ സന്നിധാനത്ത് വൻ ഭക്തജനത്തിരക്കാണ്. മഴയെ അവഗണിച്ച് നാല്പതിനായിരത്തിലധികം തീർത്ഥാടകരാണ് ദർശനത്തിനെത്തിയത്. മുപ്പതിനായിരത്തിലേറെ പേർ ഓൺലൈൻ വഴി ബുക്ക് ചെയ്തിരുന്നു. തുലാം ഒന്നായ ഇന്ന് രാവിലെ അഞ്ചുമണിക്ക് നട വീണ്ടും തുറന്നു. പതിറ്റാണ്ടുകൾക്ക് ശേഷം മഹാനവമി, വിജയദശമി ദിനങ്ങളിൽ നട തുറക്കുന്നു എന്ന സവിശേഷതയുമുണ്ട്. പൂജകൾ പൂർത്തിയാക്കി ഒക്ടോബർ 22-ന് നട അടയ്ക്കും.

ഇന്ന് വടക്കൻ ജില്ലകളിൽ മഴ ശക്തമാക്കാൻ സാധ്യത; 5 ജില്ലകളിൽ യെല്ലോ അലർട്ട്

0

തിരുവനന്തപുരം: സംസ്ഥാനത്ത് ഇന്ന് വടക്കൻ ജില്ലകളിൽ മഴ ശക്തമാക്കാൻ സാധ്യത. കാസർഗോഡ്, കണ്ണൂർ, വയനാട്, കോഴിക്കോട്, മലപ്പുറം ജില്ലകളിലാണ് നിലവിൽ ശക്തമായ മഴയ്ക്കുള്ള യെല്ലോ മുന്നറിയിപ്പ് പ്രഖ്യാപിച്ചിരിക്കുന്നത്. ബാക്കി ജില്ലകളിൽ മഴ മുന്നറിയിപ്പ് ഇല്ല.നാളെ തൃശ്ശൂർ, പാലക്കാട് ജില്ലയിൽ കൂടി മഴ മുന്നറിയിപ്പുണ്ട്. നാളത്തോടെ മഴയുടെ ശക്തി തെക്കൻ മധ്യ കേരളത്തിലേക്ക് വ്യാപിക്കാനും സാധ്യതയുണ്ട്. ചക്രവാദ ചുഴികളുടെ സ്വാധീനവും നിലനിൽക്കുന്നുണ്ട്. തുലാവർഷ മഴയായതിനാൽ ഉച്ചയ്ക്ക് ശേഷമാണ് കൂടുതൽ മഴ പ്രതീക്ഷിക്കേണ്ടത്. ഇടിമിന്നൽ ജാഗ്രത നിർദേശവും സംസ്ഥാന ദുരന്തനിവാരണ അതോറിറ്റി നൽകുന്നുണ്ട്. കേരള കർണാടക ലക്ഷദ്വീപ് തീരങ്ങളിൽ ഇന്നും മത്സ്യബന്ധന വിലക്കുണ്ട്.

എയർ ഇന്ത്യ സർവിസുകൾ 24 വരെ നിർത്തി വെച്ചു.

0

റിയാദ്: സൗദി അറേബ്യയിലെ ജിദ്ദ, റിയാദ്, ദമ്മാം വിമാനത്താവളങ്ങളിലേക്കും അവിടെനിന്നുമുള്ള സർവിസുകൾ 2026 ഒക്ടോബർ 24 വരെ താൽക്കാലികമായി നിർത്തിവെച്ചതായി എയർ ഇന്ത്യയും എയർ ഇന്ത്യ എക്സ്പ്രസും അറിയിച്ചു. വിമാന സർവിസുകൾ നിർത്തിവെച്ച വിവരം ഇരു വിമാനക്കമ്പനികളും തങ്ങളുടെ ഔദ്യോഗിക എക്സ് അക്കൗണ്ടുകളിലൂടെ അറിയിച്ചിട്ടുണ്ട്.ഇന്ത്യൻ എംബസിയും ഇക്കാര്യം സ്ഥിരീകരിച്ചു. വിമാനയാത്രക്ക് ടിക്കറ്റ് ബുക്ക് ചെയ്തവർ യാത്രക്ക് പുറപ്പെടുന്നതിന് മുമ്പ് വിമാനക്കമ്പനികളുടെ ഔദ്യോഗിക അറിയിപ്പുകൾ ശ്രദ്ധിക്കണമെന്നും സർവീസുകളുടെ നിലവിലെ സ്ഥിതി ഉറപ്പുവരുത്തണമെന്നും ബന്ധപ്പെട്ടവർ അറിയിച്ചു.

തുലാമാസപൂജയ്ക്കായി ശബരിമല നട തുറന്നു;മുഖ്യമന്ത്രി സന്നിധാനത്ത്

0

തുലാമാസ പൂജകൾക്കായി ശബരിമലയിൽ നട തുറന്നു. മുഖ്യമന്ത്രി വി ഡി സതീശൻ സന്നിധാനത്ത് എത്തി. സന്നിധാനത്ത് വൻ ഭക്തജന തിരക്കാണ് ഉണ്ടായത്. നട തുറക്കുന്ന ഇന്ന് മാത്രം 30,000 തീർഥാടകർ ഓൺലൈൻ വഴി ദർശനത്തിന് എത്തി. പൂജ അവധി ദിവസങ്ങൾ കൂടിയായതിനാൽ മണ്ഡലകാലത്തിന് സമാനമായ രീതിയിലുള്ള ബുക്കിങ് ആണ് തുടരുന്നത്. തുലാം ഒന്നായ ഒക്ടോബർ 18 ന് 50000 പേരും ഒക്ടോബർ 19ന് 40,000 പേരും ഇതിനോടകം ദർശനത്തിനായി ബുക്ക് ചെയ്തു.

ശബരിമലയെ രാജ്യത്തെ ഏറ്റവും മികച്ച തീർത്ഥാടന കേന്ദ്രമാക്കി മാറ്റുമെന്ന് മുഖ്യമന്ത്രി വി ഡി സതീശൻ പറഞ്ഞു. ഈ തീർത്ഥാടന കാലയളവ് കഴിഞ്ഞാൽ ശബരിമലയിലെത്തുന്ന ഭക്തർക്ക് തിരുപ്പതി മോഡലിൽ സൗകര്യങ്ങൾ ഏർപ്പെടുത്തുന്നതിനുള്ള നടപടികൾ ആരംഭിക്കുമെന്നും മുഖ്യമന്ത്രി പറഞ്ഞു.

മണ്ഡല മകരവിളക്ക് തീര്‍ഥാടനവുമായി ബന്ധപ്പെട്ടുള്ള ക്രമീകരണങ്ങളും മുന്നൊരുക്കങ്ങളും വിലയിരുത്തുന്നതിന് പമ്പ ശ്രീരാമസാകേതം ഓഡിറ്റോറിയത്തില്‍ ചേർന്ന വിവിധ വകുപ്പുകളുടെ അവലോകന, ഏകോപന യോഗത്തിനു ശേഷം മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം.

വഴിപാട്, പ്രസാദം തുടങ്ങിയവ ദേവസ്വം ബോർഡിൻ്റെ നിയന്ത്രണത്തിലാണ് എന്നും അപ്പം, അരവണ തുടങ്ങിയവയ്ക്ക് ഇത്തവണ ക്ഷാമം ഉണ്ടാകില്ലെന്ന് ദേവസ്വം ബോർഡ് പ്രസിഡൻ്റ് ഉറപ്പ് നൽകിയതായും മുഖ്യമന്ത്രി വ്യക്തമാക്കി. ഭക്തരുടെ സുഗമദർശനത്തിനും സുരക്ഷയ്ക്കും പോലീസ് സേന, ഫയർ ഫോഴ്സ് സേന എന്നിവയെ സേന മേധാവിമാരുടെ നേതൃത്വത്തിൽ വിന്യസിക്കും.

പമ്പയിൽ വസ്തം ഉപേക്ഷിക്കുന്നത് മാലിന്യ പ്രശ്നമാകാതിരിക്കാൻ നിയന്ത്രണ സംവിധാനം ഉറപ്പാക്കും. ഇടത്താവളങ്ങളിലെ സൗകര്യങ്ങൾ വർധിപ്പിക്കും. പമ്പയിലെ തിരക്ക് കുറയ്ക്കാൻ നിലയ്ക്കലിൽ ഭക്തരെ സുഗമമായി നിയന്ത്രിക്കാനായി 6000 പേരെ ഉൾക്കൊള്ളുന്ന ജർമ്മൻ മാതൃകയിലുള്ള ഷെഡ് നിർമിക്കും. 22 മെഡിക്കൽ എമർജെൻസി യൂണിറ്റുകൾ സജ്ജമാക്കും.

മാലിന്യ നിർമാർജനം സമയ ബന്ധിതമായി നടപ്പിലാക്കും. ശബരിമല തീർത്ഥാടകർക്കായി 461 ബസുകളാണ് കെ എസ് ആർ ടി സി സജ്ജമാക്കുന്നത്. വിവിധ ക്ഷേത്രങ്ങളെയും ശബരിമലയേയും ചേർത്ത് ടെമ്പിൾ കണക്ടിവിറ്റി ഉറപ്പാക്കും. റോഡ് സുരക്ഷ കർശനമാക്കാൻ മോട്ടോർ വാഹന വകുപ്പ് പരിശോധന നടത്തും. ചാലക്കയം റോഡ് പി ഡബ്ലു ഡിയുടെ നേതൃത്വത്തിൽ 15 കോടി രൂപ മുടക്കി നവീകരിക്കുകയാണ്. നിർമാണം വേഗത്തിൽ പൂർത്തിയാക്കും. തീർത്ഥാടകർക്ക് മികച്ച ചികിൽസ ലഭിക്കാൻ ആശുപതികളിൽ മികച്ച സൗകര്യങ്ങൾ ഏർപ്പെടുത്തും. ഈ സീസണിൽ ഭക്തർക്ക് സുഗമ ദർശനത്തിന് എല്ലാ സൗകര്യങ്ങളം ഏർപ്പെടുത്തുമെന്നും മുഖ്യമന്ത്രി പറഞ്ഞു.

മേപ്പാടി-ആനക്കാംപൊയിൽ തുരങ്കപാത: നിർമ്മാണം പുനരാരംഭിക്കണമെന്നാവശ്യപ്പെട്ട് ഞായറാഴ്ച മേപ്പാടിയിൽ ബഹുജന ധർണ്ണ

0

മേപ്പാടി: വയനാടിന്റെ സ്വപ്ന പദ്ധതിയായ മേപ്പാടി – കള്ളാടി – ആനക്കാംപൊയിൽ തുരങ്കപാത നിർമ്മാണം അടിയന്തരമായി പുനരാരംഭിക്കണമെന്ന് ആവശ്യപ്പെട്ട് ജനകീയ പ്രക്ഷോഭത്തിന് തുടക്കമാകുന്നു. മേപ്പാടി – കള്ളാടി – ആനക്കാംപൊയിൽ കർമ്മസമിതിയുടെ നേതൃത്വത്തിൽ ഒക്ടോബർ 18 ഞായറാഴ്‌ച വൈകുന്നേരം 4.30-ന് മേപ്പാടിയിൽ വെച്ച് ബഹുജന ധർണ്ണ സംഘടിപ്പിക്കും.റെയിൽവേ ഉൾപ്പെടെയുള്ള മറ്റ് ഗതാഗത മാർഗ്ഗങ്ങളില്ലാത്ത വയനാട് പൂർണ്ണമായും റോഡ് ഗതാഗതത്തെയാണ് ആശ്രയിക്കുന്നത്. ഇതിന് പരിഹാരമായി പ്രഖ്യാപിച്ച ബദൽ പാതയുടെ നിർമ്മാണം പ്രാരംഭ ഘട്ടത്തിലുണ്ടായ മണ്ണിടിച്ചിലിന്റെ പേരിൽ നിർത്തിവെച്ചിട്ട് നൂറിലധികം ദിവസങ്ങളായി. ആനക്കാംപൊയിൽ ഭാഗത്ത് വലത് ടണൽ 120 മീറ്ററിലധികവും ഇടത് ടണൽ 20 മീറ്ററിലധികവും പൂർത്തിയായി ഗണ്യമായ പുരോഗതി കൈവരിച്ച ശേഷമാണ് പ്രവൃത്തികൾ സ്തംഭിച്ചത്.നാട്ടുകാരുടെ സുരക്ഷ ഉറപ്പാക്കി നിർമ്മാണം പുനരാരംഭിക്കാൻ അധികൃതർ തയ്യാറാകണമെന്ന് കർമ്മസമിതി ആവശ്യപ്പെട്ടു. സങ്കീർണ്ണമായ ഭൗമ സാങ്കേതിക വെല്ലുവിളികൾ പരിഹരിക്കുന്നതിൽ പ്രശസ്തനായ ഓസ്ട്രേലിയൻ കൺസൾട്ടന്റ് ഡോ. ബിനീഷ് ഹോസ്, കെ.പി. പുരുഷോത്തമൻ, കൊങ്കൺ റെയിൽവേ ഡെപ്യൂട്ടി ചീഫ് എഞ്ചിനീയർ ദിവാകർ ജോഷി, അസിസ്റ്റന്റ് എഞ്ചിനീയർ ഗുൽസാർ അഹമ്മദ് എന്നിവർ നേരത്തെ പ്രദേശം സന്ദർശിച്ച് സാങ്കേതിക വശങ്ങളെക്കുറിച്ച് ജനപ്രതിനിധികളുമായി ചർച്ച നടത്തിയിരുന്നു. ഈ സാഹചര്യത്തിലാണ് കർമ്മസമിതിയുടെ നേതൃത്വത്തിൽ ശക്തമായ ബഹുജന പ്രതിഷേധത്തിന് ആഹ്വാനം ചെയ്തിരിക്കുന്നത്.