വയനാട് എംപി പ്രിയങ്കാ ഗാന്ധി പാണക്കാട് വീട്ടിലെത്തി ഇഫ്താർ വിരുന്നിൽ പങ്കെടുത്തു. മുസ്ലിം ലീഗ് സംസ്ഥാന അധ്യക്ഷൻ സാദിഖലി ശിഹാബ് തങ്ങളുടെ വീട്ടിലെ ഇഫ്താറിൽ പങ്കെടുക്കാനാണ് അവർ എത്തിയത്.പാണക്കാട് കുടുംബാംഗങ്ങളും പികെ കുഞ്ഞാലിക്കുട്ടി അടക്കമുള്ള ലീഗ് നേതാക്കളും പ്രിയങ്കയെ സ്വീകരിച്ചു. പ്രിയങ്കാ ഗാന്ധി വീട്ടിൽ വന്നിരുന്നു. ഇഫ്താറിൽ പങ്കെടുത്തു, തികച്ചും സൗഹൃദ സംഭാഷണമായിരുന്നു, രാഷ്ട്രീയ ചർച്ചകൾ ഉണ്ടായിരുന്നില്ലെന്നും സയ്യിദ് സാദിഖ് അലി ശിഹാബ് തങ്ങൾ പറഞ്ഞു.അതേസമയം വയനാട് ടൗൺഷിപ്പ് നിർമ്മാണം പൂർത്തിയായി ദുരന്തബാധിതർ ജീവിതത്തിലേക്ക് തിരിച്ചെത്തും വരെ കൂടെ ഉണ്ടാവുമെന്ന് ഉറപ്പ് നൽകി പ്രിയങ്ക ഗാന്ധി എംപി. ചൂരൽമല മുണ്ടക്കൈ ദുരന്തത്തെ പറ്റി ആലോചിക്കുമ്പോൾ രണ്ട് കാര്യങ്ങളാണ് ഓർമ്മ വരുന്നത്.ആദ്യം താൻ ദുരന്ത ഭൂമിയിൽ എത്തിപ്പോഴുണ്ടായ ഇവിടുത്തെ ജനങ്ങളുടെ അവസ്ഥ, രണ്ടാമത്തേത് ദുരന്തമുഖത്ത് ജാതിയോ മതമോ നോക്കാതെ പരസ്പരം താങ്ങായി നിന്ന ജനങ്ങളെ. ഒരു വശത്ത് ദുരന്തത്തിൻ്റെ ഭീകരതയാണെങ്കിൽ മറു വശത്ത് ഒരുമയോടെ അത് മറികടക്കുന്ന കാഴ്ചയാണ് കണ്ടിരുന്നതെന്നും പ്രിയങ്ക ഗാന്ധി പറഞ്ഞു.
ഏപ്രിലിൽ രാജ്യത്ത് 15 ദിവസം ബാങ്ക് അവധി; വിവരങ്ങൾ അറിയാം
ഏപ്രിൽ മാസത്തിൽ രാജ്യത്ത് പ്രാദേശിക, ദേശീയ അവധികള് അടക്കം മൊത്തം 15 ദിവസം ബാങ്കുകള് പ്രവര്ത്തിക്കില്ല. സംസ്ഥാനങ്ങളുടെ അടിസ്ഥാനത്തിൽ ബാങ്കുകളുടെ അവധി ദിനങ്ങളില് വ്യത്യാസമുണ്ടാകും. കേരളത്തില് ഞായറാഴ്ചകളിലും രണ്ടാം ശനിയാഴ്ചയും നാലാമത്തെ ശനിയാഴ്ചയും ബാങ്കിന് അവധിയാണ്.
മഹാവീര് ജയന്തി, അംബേദ്കര് ജയന്തി, ദുഃഖ വെള്ളി, ബസവ ജയന്തി, വിഷു, അക്ഷയ തൃതീയ തുടങ്ങി നിരവധി പ്രധാനപ്പെട്ട ദിനങ്ങള് ഏപ്രിലില് വരുന്നുണ്ടെന്നതിനാലാണ് ഇത്രയും അവധി ദിനങ്ങൾ വരുന്നത്. വാര്ഷിക അക്കൗണ്ട് ക്ലോസുമായി ബന്ധപ്പെട്ട് ഏപ്രില് ഒന്നിന് എല്ലാ സംസ്ഥാനങ്ങളിലും ബാങ്കുകള്ക്ക് അവധിയാണ്.
ബാങ്ക് അവധി ദിനങ്ങളും അവധി ബാധകമാകുന്ന സംസ്ഥാനങ്ങളുടെയും വിവരങ്ങൾ
ഏപ്രില് 1 (ചൊവ്വ) – ബാങ്കുകളുടെ വാര്ഷിക അക്കൗണ്ട് ക്ലോസിങ്- എല്ലാ സംസ്ഥാനങ്ങളിലും ബാങ്കുകള്ക്ക് അവധി
ഏപ്രില് 5 (ശനി) ബാബു ജഗ്ജീവന് റാമിന്റെ ജന്മദിനം – തെലങ്കാനയില് ബാങ്കുകള് അവധി
ഏപ്രില് ആറ് (ഞായറാഴ്ച)- ബാങ്ക് അവധി
ഏപ്രില് 10 (വ്യാഴം) മഹാവീര് ജയന്തി – ഗുജറാത്ത്, മഹാരാഷ്ട്ര, കര്ണാടക, തമിഴ്നാട്, രാജസ്ഥാന്, ഉത്തര്പ്രദേശ്, പശ്ചിമ ബംഗാള്, തെലങ്കാന എന്നിവിടങ്ങളില് ബാങ്കുകള്ക്ക് അവധി.
ഏപ്രില് 12 (രണ്ടാം ശനിയാഴ്ച)
ഏപ്രില് 13 ( ഞായറാഴ്ച)
ഏപ്രില് 14 (തിങ്കളാഴ്ച) – അംബേദ്കര് ജയന്തി, വിഷു, ബിഹു, തമിഴ് പുതുവത്സരം- മിസോറാം, മധ്യപ്രദേശ്, ചണ്ഡീഗഡ്, അരുണാചല് പ്രദേശ്, നാഗാലാന്ഡ്, ന്യൂഡല്ഹി, ഛത്തീസ്ഗഡ്, മേഘാലയ, ഹിമാചല് പ്രദേശ് എന്നിവ ഒഴികെയുള്ള പല സംസ്ഥാനങ്ങളിലും ഈ ദിവസം ബാങ്കുകള്ക്ക് അവധി.
ഏപ്രില് 15 (ചൊവ്വ) – ബംഗാളി പുതുവത്സരം, ബൊഹാഗ് ബിഹു, ഹിമാചല് ദിനം- അസം, പശ്ചിമ ബംഗാള്, അരുണാചല് പ്രദേശ്, ഹിമാചല് പ്രദേശ് എന്നിവിടങ്ങളില് ബാങ്കുകള്ക്ക് അവധി
ഏപ്രില് 18 (വെള്ളി) – ദുഃഖവെള്ളി – ത്രിപുര, അസം, രാജസ്ഥാന്, ജമ്മു, ഹിമാചല് പ്രദേശ്, ശ്രീനഗര് എന്നിവ ഒഴികെയുള്ള മിക്ക സംസ്ഥാനങ്ങളിലും അവധി
ഏപ്രില് 20- ഈസ്റ്റര്- ഞായറാഴ്ച
ഏപ്രില് 21 (തിങ്കള്) – ഗാരിയ പൂജ- ത്രിപുരയില് ബാങ്കുകള്ക്ക് അവധി
ഏപ്രില് 26- നാലാമത്തെ ശനിയാഴ്ച
ഏപ്രില് 27- ഞായറാഴ്ച
ഏപ്രില് 29 – (ചൊവ്വ) പരശുരാമ ജയന്തി- ഹിമാചല് പ്രദേശില് ബാങ്കുകള്ക്ക് അവധി
ഏപ്രില് 30 – (ബുധന്) ബസവ ജയന്തിയും അക്ഷയ തൃതീയയും- കര്ണാടകയില് ബാങ്കുകള്ക്ക് അവധി.
ചോദ്യപേപ്പർ ചോർച്ച കേസ്; മുഹമ്മദ് ഷുഹൈബിന് ജാമ്യം
ചോദ്യപേപ്പർ ചോർച്ചക്കേസിൽ എം എസ് സൊല്യൂഷൻസ് ഉടമയും ഒന്നാം പ്രതിയുമായ മുഹമ്മദ് ഷുഹൈബിന് ഹൈക്കോടതി ജാമ്യം അനുവദിച്ചു. അഭിഭാഷകരായ എസ്.രാജീവ്, എം.മുഹമ്മദ് ഫിർദൗസ് എന്നിവർ മുഖേന സമർപ്പിച്ച ഹർജിയിലാണ് ജസ്റ്റിസ് പി.വി.കുഞ്ഞികൃഷ്ണൻ ജാമ്യമനുവദിച്ചത്. നേരത്തെ റിമാൻഡിൽ കഴിയുന്ന ഒന്നാംപ്രതി ഷുഹൈബിൻ്റെ ജാമ്യാപേക്ഷയെ ക്രൈംബ്രാഞ്ച് എതിർത്തിരുന്നു.ഇത് കണക്കിലെടുത്ത താമരശ്ശേരി മജിസ്ട്രേറ്റ് കോടതി ഷുഹൈബിന് ജാമ്യം അനുവദിച്ചിരുന്നില്ല.തുടർന്നാണ് ഹൈക്കോടതിയെ സമീപിച്ചത്.
അതേസമയം, കേസിലെ നാലാം പ്രതിയും അൺ എയ്ഡഡ് സ്കൂളിലെ പ്യൂണുമായ അബ്ദുൾ നാസറിന്റെ റിമാൻഡ് കാലാവധി ഏപ്രിൽ ഒന്നു വരെ നീട്ടിയിരിക്കുകയാണ്.നേരത്തെ, കസ്റ്റഡിയിൽ ലഭിച്ച ഇരുവരുമായി അന്വേഷണ സംഘം വിവിധ ഇടങ്ങളിൽ എത്തി തെളിവെടുപ്പ് നടത്തിയിരുന്നു. ഇതിന്റെ അടിസ്ഥാനത്തിൽ ഇലക്ട്രോണിക് ഉപകരണങ്ങലും ക്രൈംബ്രാഞ്ച് പിടിച്ചെടുത്തിരുന്നു.
പാമ്പിന്റെ മാളം എങ്ങനെ തിരിച്ചറിയാം?
വീടിന് പുറത്ത് പല ഭാഗങ്ങളിലും ദ്വാരങ്ങൾ ഉള്ളതായി നിങ്ങൾ ശ്രദ്ധിച്ചിട്ടുണ്ടാവും. ഒറ്റനോട്ടത്തിൽ തന്നെ നമ്മൾ അതിനെ പാമ്പിന്റെ മാളമാണെന്ന് കരുതുകയും ചെയ്യും. എന്നാൽ ശരിക്കും അത് പാമ്പിന്റെ മാളം തന്നെയാണോ? നിങ്ങൾ എങ്ങനെ ഉറപ്പിക്കും. തീർച്ചയായും നിങ്ങൾ കാണുന്നത് പാമ്പിന്റെ മാളം തന്നെയാണോ എന്ന് ഉറപ്പിക്കേണ്ടത് അത്യാവശ്യമാണ്. ഇത് തെറ്റിദ്ധാരണകളെ ഒഴിവാക്കാനും സഹായിക്കുന്നു. പാമ്പുകളുടെ മാളങ്ങൾ തിരിച്ചറിയാൻ എന്തൊക്കെ കാര്യങ്ങളാണ് ശ്രദ്ധിക്കേണ്ടതെന്ന് അറിയാം.
പാമ്പിന്റെ മാളം എങ്ങനെയിരിക്കും
പാമ്പുകൾ സ്വന്തമായി മാളങ്ങൾ കുഴിക്കാറില്ല. പകരം മറ്റ് മൃഗങ്ങൾ കുഴിച്ച് ഉപേക്ഷിച്ച ദ്വാരങ്ങളും മാളങ്ങളും ഏറ്റെടുക്കുകയാണ് ചെയ്യുന്നത്. ഒരു ഇഞ്ച് മുതൽ മൂന്ന് ഇഞ്ച് വരെയാണ് ഇതിന്റെ വ്യാസം ഉണ്ടാവുന്നത്. ചിലപ്പോൾ ഇത് വൃത്തത്തിലാവാം അല്ലെങ്കിൽ ഓവൽ ആകൃതിയിലും ആകാം. മാളത്തിന്റെ രണ്ട് അറ്റങ്ങളും കൂർത്തിരിക്കുകയും ചെയ്യും. ഇനി മറ്റ് മൃഗങ്ങളുടേതാണെങ്കിൽ അവ ഇങ്ങനെയാവും ഉണ്ടായിരിക്കുക. അണ്ണാൻ കുഴിച്ചതാണെങ്കിൽ വൃത്തിയുള്ളതും ചെറിയ ആകൃതിയിലും ആയിരിക്കും ദ്വാരം കാണപ്പെടുന്നത്. ഇനി ദ്വാരം എലിയുടേതാണെങ്കിൽ സസ്യങ്ങൾക്ക് ചുറ്റും വരുന്ന ചെറിയ രീതിയിലുള്ള കുഴികൾ ആയിട്ടാവും ഉണ്ടാവുന്നത്. ദ്വാരത്തിന് സമീപം പാമ്പിന്റേതെന്ന് തോന്നുന്ന എന്തെങ്കിലും ലക്ഷണങ്ങൾ ഉണ്ടോ എന്ന് നിരീക്ഷിക്കണം. ഉദാഹരണത്തിന് പാമ്പിന്റെ തൊലിയോ അല്ലെങ്കിൽ കാഷ്ഠമോ ഉണ്ടോ എന്ന് നോക്കാം. ഇത് ഉണ്ടെങ്കിൽ അത് പാമ്പിന്റെ മാളം തന്നെയാണെന്ന് ഉറപ്പിക്കാൻ സാധിക്കും.
എലി മാളം
കുഴികൾ കുഴിക്കുന്നതിൽ പ്രധാനികളാണ് എലികൾ. ഇത് എലിയുടേത് തന്നെയാണോ എന്ന് അറിയാൻ ഈ കാര്യങ്ങൾ ശ്രദ്ധിച്ചാൽ മതി. കൈകാലുകളുടെ ചെറിയ അടയാളങ്ങൾ, കുഴിച്ച മണ്ണിന്റെ കുമ്പാരങ്ങൾ എന്നിവ കാണുന്നുണ്ടെങ്കിൽ അതിനർത്ഥം മാളത്തിനുള്ളിൽ ഉള്ളത് എലിതന്നെയാണ് എന്നാണ്. കൂടാതെ എലികൾ മാളമുണ്ടാക്കാൻ കീറിമുറിച്ച പ്ലാസ്റ്റിക്, പേപ്പർ, കാർഡ്ബോർഡ്, തുണിത്തരങ്ങൾ എന്നിവ ഉപയോഗിക്കാറുണ്ട്. അതിനാൽ തന്നെ ഇത്തരം വസ്തുക്കൾ മാളത്തിന് സമീപം കണ്ടാൽ അതിനർത്ഥം മാളം എലിയുടേതാണ് എന്നാണ്.
പാമ്പ് വരാനുള്ള കാരണങ്ങൾ ഇതാണ്
പാമ്പുകൾ പ്രകൃതി ആവാസവ്യവസ്ഥയുടെ ഭാഗമാണ്. അതിനാൽ തന്നെ പാമ്പുകളെ വീട്ടിൽ കണ്ടാൽ അതിൽ അതിശയിക്കേണ്ടതില്ല. എന്നിരുന്നാലും പാമ്പ് വീട്ടിലേക്ക് വരാനുള്ള ചില കാരണങ്ങൾ ഇവയാണ്.
ഭക്ഷണം: പാമ്പുകൾ ഏലി, പ്രാണികൾ, ഉഭയജീവികൾ എന്നിവയെയാണ് ഭക്ഷിക്കുന്നത്. അതിനാൽ തന്നെ ഇവ വീട്ടിലുണ്ടെങ്കിൽ പാമ്പ് വരാനുള്ള സാധ്യതയും വളരെ കൂടുതലാണ്.
മൂടുപടങ്ങൾ: പടർന്നുകയറുന്ന സസ്യങ്ങൾ, ഇലക്കൂമ്പാരങ്ങൾ, പാറ ഇടുക്കുകൾ എന്നിവ പാമ്പുകൾക്ക് ഇരിക്കാൻ സൗകര്യമുള്ള ഇടങ്ങളാണ്. ഈ സാഹചര്യം വീട്ടിൽ ഉണ്ടെങ്കിൽ പാമ്പ് വരാനുള്ള സാധ്യത വളരെ കൂടുതലാണ്.
ഈർപ്പം: ഈർപ്പമുള്ള പ്രദേശങ്ങളും വെള്ളം കെട്ടികിടക്കുന്ന ഇടങ്ങളും പാമ്പുകൾക്ക് അതിജീവനത്തിന് ആവശ്യമായ ഈർപ്പം നൽകുന്നു. അതുപോലെ ഈർപ്പം ഇഷ്ടപ്പെടുന്ന ഇരകളെ പിടികൂടാനും ഇത് കാരണമാകുന്നു.
പാമ്പിൻ മാളങ്ങൾ എന്തുചെയ്യണം
പാമ്പുകളുടെ തരംപോലെയാണ് ഇത് എങ്ങനെ നശിപ്പിക്കണമെന്നത് മനസ്സിലാക്കാൻ. അവ എന്തൊക്കെയെന്ന് അറിയാം.
ഒന്നും ചെയ്യാതിരിക്കാം: പാമ്പിന്റെ മാളം കണ്ടാൽ നിങ്ങൾ അതിനെ ഒന്നും ചെയ്യാൻ പോകേണ്ടതില്ല. ഇത് പാമ്പുകളെ പ്രകോപിതരാക്കുന്നത് തടയുകയും ആക്രമിക്കുന്നത് ഒഴിവാക്കാനും സാധിക്കുന്നു.
ദ്വാരം മൂടാം: മാളങ്ങൾ മൂടുന്നത് ഒരു ശാശ്വത പരിഹാരമായി കാണരുത്. കാരണം ഒരിക്കൽ പാമ്പുകൾക്ക് ആ സ്ഥലം ഇഷ്ടപെട്ടാൽ പിന്നെയും അവിടെ തന്നെ മാളമുണ്ടാക്കാൻ സാധ്യതയുണ്ട്. അതിനാൽ തന്നെ മാളങ്ങൾ മൂടുമ്പോൾ മണ്ണ്, അല്ലെങ്കിൽ കല്ലിട്ട് മൂടാൻ ശ്രദ്ധിക്കണം.
പുതിയ സവിശേഷതകളോടെ ഭീം 3.0 യുപിഐ ആപ്പ് പുറത്തിറക്കി; അപ്ഡേറ്റുകള് വിശദമായി
നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ (NPCI) ഭീം 3.0 ആപ്പ് (BHIM 3.0) പുറത്തിറക്കി. ഭാരത് ഇന്റർഫേസ് ഓഫർ മണി (BHIM) ആപ്പിലെ മൂന്നാമത്തെ പ്രധാന അപ്ഗ്രേഡാണിത്. നിങ്ങൾ ഭീം ഉപയോഗിക്കുന്ന ആളാണെങ്കിൽ ഇനി മുതല് നിരവധി പുതിയ ഫീച്ചറുകള് ലഭിക്കും. ഇതിൽ, ഉപയോക്താക്കൾക്കും വ്യാപാരികൾക്കും വേണ്ടിയുള്ള പുതിയ ഫീച്ചറുകള് അവതരിപ്പിച്ചിട്ടുണ്ട്. പുതിയ അപ്ഗ്രേഡിന് ശേഷം ആപ്പില് എന്തൊക്കെ അധിക സൗകര്യങ്ങള് ലഭ്യമാകുമെന്ന് അറിയാം.
ഇപ്പോൾ ഭീം ആപ്പിൽ പുതിയ ഭാഷകൾ ചേർത്തിട്ടുണ്ട്. ഇപ്പോൾ ഭീം ആപ്പ് 15ൽ അധികം ഇന്ത്യൻ ഭാഷകളെ പിന്തുണയ്ക്കുന്നു. ഇതിനുപുറമെ, ഇപ്പോൾ കുറഞ്ഞ വേഗതയുള്ള ഇന്റർനെറ്റിനും ആപ്പ് ഒപ്റ്റിമൈസ് ചെയ്തിട്ടുണ്ട്. ഈ സവിശേഷത ദുർബലമായ നെറ്റ്വർക്കുകളിൽ പോലും ഭീം ആപ്പിലൂടെ യുപിഐ ഇടപാടുകള് നടത്തുന്നത് എളുപ്പമാക്കും. പുതിയ അപ്ഡേറ്റിന് ശേഷം, ഉപയോക്താക്കൾക്ക് അവരുടെ ചെലവുകൾ ട്രാക്ക് ചെയ്യുന്നതിനും വിഭജിക്കുന്നതിനുമുള്ള (split) പുതിയ ഫീച്ചറുകൾ നൽകിയിട്ടുണ്ട്. ഇതിനുപുറമെ, ഫാമിലി മോഡ്, സ്പെൻഡ് അനലിറ്റിക്സ്, ബിൽറ്റ്-ഇൻ ടാസ്ക് അസിസ്റ്റന്റ് എന്നിവ പുതിയ അപ്ഡേറ്റിൽ നൽകിയിട്ടുണ്ട്. ഇത് ഉപയോക്തൃ ബില്ലുകളെക്കുറിച്ചും കുറഞ്ഞ ബാലൻസിനെക്കുറിച്ചും വിവരങ്ങൾ നൽകുന്നു.
ഇനി ബിസിനസിന് വേണ്ടിയുള്ള ഫീച്ചറുകളെക്കുറിച്ച് പരിശോധിക്കുകയാണെങ്കിൽ, ഇതിന് ഒരു ഇൻ-ആപ്പ് പേയ്മെന്റ് സൊല്യൂഷൻ ഉണ്ട്. അത് ഓൺലൈൻ മർച്ചന്റ് പ്ലാറ്റ്ഫോമുമായി സംയോജിപ്പിച്ചിരിക്കുന്നു. ഇത് ഉപഭോക്താക്കൾക്ക് പേയ്മെന്റുകൾ നടത്താൻ ഏതെങ്കിലും തേഡ്-പാര്ട്ടി ആപ്പുകളിലേക്ക് പോകേണ്ടതിന്റെ ആവശ്യകത ഇല്ലാതാക്കുന്നു.
ഈ അപ്ഡേറ്റ് വിവിധ പ്ലാറ്റ്ഫോമുകളിൽ ഘട്ടം ഘട്ടമായി പുറത്തിറക്കുകയും അടുത്ത മാസത്തോടെ രാജ്യമെമ്പാടും വ്യാപിപ്പിക്കുകയും ചെയ്യും. 2016-ൽ പ്രധാനമന്ത്രി നരേന്ദ്ര മോദിയാണ് ഭീം ആപ്പ് ഉദ്ഘാടനം ചെയ്തത്. രാജ്യത്ത് ഡിജിറ്റൽ പേയ്മെന്റുകൾ പ്രോത്സാഹിപ്പിക്കുന്നതിനായാണ് ഈ ആപ്പ് ആരംഭിച്ചത്. അതിനുശേഷം രാജ്യത്ത് ഡിജിറ്റൽ പേയ്മെന്റ് ഇടപാടുകളിൽ വലിയ കുതിച്ചുചാട്ടം ഉണ്ടായിട്ടുണ്ട്.
ലഹരി ഉപയോഗത്തിലൂടെ പത്ത് പേര്ക്ക് എച്ച് ഐവി; വളാഞ്ചേരിയില് പരിശോധന ശക്തമാക്കാൻ ആരോഗ്യവകുപ്പ്
ലഹരി കുത്തിവച്ചുള്ള ലഹരി ഉപയോഗത്തിലൂടെ പത്ത് പേര്ക്ക് എച്ച് ഐവി കണ്ടെത്തിയ മലപ്പുറം വളാഞ്ചേരിയില് കൂടുതൽ പരിശോധന നടത്താൻ ആരോഗ്യവകുപ്പ്.അടുത്ത മാസം ആദ്യം പരിശോധന ക്യാമ്പ് നടത്താൻ ആണ് തീരുമാനം.ഒറ്റപെട്ട പരിശോധനയോട് ഇതര സംസ്ഥാന തൊഴിലാളികളടക്കമുള്ളവര് സഹകരിക്കാത്തതാണ് ആരോഗ്യ വകുപ്പിനെ കുഴക്കുന്നത്.മലപ്പുറം ജില്ലയിൽ HIV പരിശോധിക്കാൻ ഏഴ് ഇൻ്റഗ്രേറ്റഡ് കൗൺസിലിംഗ് ആൻഡ് ടെസ്റ്റിംഗ് കേന്ദ്രങ്ങളാണുള്ളത്. എന്നാൽ ഇവിടെ പരിശോധനക്ക് സ്വയം തയ്യാറായി എത്തുന്നവർ വിരളമാണ്.ഒറ്റപ്പെട്ട പരിശോധനക്ക് ഇതര സംസ്ഥാന തൊഴിലാളികളടക്കം ഉള്ളവർ എത്താത്തത് വെല്ലുവിളിയാണ്.വിപുലയമായ ക്യാമ്പ് നടത്തി ഇതിനെ മറികടക്കാൻ ശ്രമിക്കുകയാണ് ആരോഗ്യവകുപ്പ്.തവനൂർ ജയിലിൽ കഴിയുന്ന ഇതര സംസ്ഥാന തൊഴിലാളിയായ പ്രതിയെ പരിശോധിച്ചതിലൂടെയാണ് ആദ്യം വൈറസ് ബാധ സ്ഥിരീകരിച്ചത്. പിന്നീട് ഇയാളോടൊപ്പം ലഹരി പങ്കിട്ട വ്യക്തികളെ കൂടി പരിശോധിച്ചു. മൂന്ന് ഇതര സംസ്ഥാന തൊഴിലാളികൾക്കും ഏഴ് മലയാളികൾക്കുമാണ് HIV വൈറസ് ബാധ സ്ഥിരീകരിച്ചത്.ലഹരി കുത്തി വെക്കാൻ ഉപയോഗിച്ച സൂചി വീണ്ടും കുത്തിവെച്ചതിലൂടെയാണ് ഇത് പടർന്നതെന്ന് കണ്ടെത്തിയിട്ടുണ്ട് ഇതേ മാർഗം ലഹരി ഉപയോഗിക്കുന്ന നിരവധിയാളുകൾ പിന്തുടരുന്നുണ്ട് എന്നതാണ് ആശങ്ക.
ഒടുവിൽ അലീനയ്ക്ക് അധ്യാപികയായി നിയമനം
താമരശ്ശേരി: എയ്ഡഡ് സ്കൂൾ അധ്യാപികയായ കട്ടിപ്പാറ വളവനാനിക്കൽ അലീനാ ബെന്നിയെ ആത്മഹത്യയിലേക്കുനയിച്ച ചുവപ്പുനാടയുടെ കുരുക്ക് ഒടുവിൽ അഴിഞ്ഞു. സ്വന്തമായി ഒരുരൂപയെങ്കിലും വേതനം ലഭിക്കാൻ നിയമനാംഗീകാരത്തിനായി കാത്തിരുന്ന് നിരാശയ്ക്കൊടുവിൽ ജീവനൊടുക്കിയ അധ്യാപികയുടെ ഒാർമ്മ മായുംമുൻപേയാണ് നിയമനാംഗീകാരത്തിന്റെ ഉത്തരവെത്തിയത്. അപ്പോഴേക്കും കട്ടിപ്പാറ തിരുക്കുടുംബ ദേവാലയത്തിലെ പ്രത്യേക സെമിത്തേരി ബ്ലോക്കിലെ ഏഴാം നമ്പർ കല്ലറയിൽ അവൾ മണ്ണോടുചേർന്നിട്ട് 24 ദിവസം പിന്നിട്ടിരുന്നു
നിയമനാംഗീകാരവും ശമ്പളവും ലഭിക്കാതെ അഞ്ചുവർഷത്തോളമാണ് അലീനാ ബെന്നി(30) എയ്ഡഡ് സ്കൂളിൽ ജോലിചെയ്തത്. ഒടുവിൽ അവരുടെ വേർപാട് നാടിനാകെ നോവായിമാറി.മരിച്ച് ഒരുമാസം തികയുംമുൻപാണ് നിയമനത്തിന് അംഗീകാരമായത്. മാർച്ച് 15-നാണ് അലീനാ ബെന്നിയെ എൽപിഎസ്ടി ആയി നിയമിച്ചുകൊണ്ടുള്ള നടപടിക്ക് താമരശ്ശേരി ഉപജില്ലാ വിദ്യാഭ്യാസ ഓഫീസ് അംഗീകാരം നൽകിയത്. ഭിന്നശേഷിസംവരണവുമായി ബന്ധപ്പെട്ട നടപടിക്രമങ്ങൾ പൂർത്തീകരിക്കപ്പെടാത്തതിനാൽ ശമ്പളസ്കെയിൽ പ്രകാരമുള്ള നിയമനത്തിന് പകരം പ്രതിദിനം 955 രൂപ നിരക്കിൽ ദിവസ വേതനവ്യവസ്ഥയിലുള്ള നിയമനമാണ് അംഗീകരിച്ചത്.
താമരശ്ശേരി എഇഒ നിയമനനടപടി അംഗീകരിച്ച് സമന്വയ വെബ്സൈറ്റിൽ പ്രസിദ്ധപ്പെടുത്തിയതോടെയാണ് നിയമനാംഗീകാര ഉത്തരവ് മാനേജ്മെന്റായ താമരശ്ശേരി രൂപത കോർപ്പറേറ്റ് എജുക്കേഷണൽ ഏജൻസിക്ക് ലഭിച്ചത്.കോടഞ്ചേരി സെയ്ന്റ് ജോസഫ് എൽപി സ്കൂളിലേക്ക് മാറ്റിനിയമിച്ച 2024 ജൂൺ അഞ്ചുമുതൽ മരണം നടന്ന 2025 ഫെബ്രുവരി 19 വരെയുള്ള വേതന, അനുബന്ധ ആനുകൂല്യങ്ങൾമാത്രമാണ് അലീനയുടെ കുടുംബത്തിന് ഇനി ലഭ്യമാവുക. അതിനുമുൻപ് നസ്രത്ത് എൽപി സ്കൂളിൽ 2019 ജൂൺ 17 മുതൽ 2019 ഡിസംബർ 31 വരെ താത്കാലികാടിസ്ഥാനത്തിലും കെ-ടെറ്റ് യോഗ്യത നേടിയശേഷം 2021 ജൂലായ് 22 മുതൽ പ്രൊബേഷനറി എൽപിഎസ്ടിയായും ജോലിചെയ്തകാലത്തെ സേവനത്തിന് അംഗീകാരമില്ല. ആകെ ഒൻപതുമാസത്തെ ആനുകൂല്യങ്ങൾമാത്രമാണ് അനുവദിക്കപ്പെട്ടത്.ഇക്കഴിഞ്ഞ ഫെബ്രുവരി 19-നായിരുന്നു അലീനാ ബെന്നിയെ കട്ടിപ്പാറയിലെ വീട്ടിലെ കിടപ്പുമുറിയിൽ തൂങ്ങിമരിച്ചനിലയിൽ കണ്ടെത്തിയത്. ശമ്പളവും നിയമനാംഗീകാരവുമില്ലാതെ വർഷങ്ങളായി ജോലിചെയ്യേണ്ടിവന്നതിലെ മനോവിഷമമാണ് മകളെ ആത്മഹത്യയിലേക്ക് നയിച്ചതെന്നായിരുന്നു പിതാവ് ബെന്നി അറിയിച്ചത്.
എസ്.എസ്.എൽ.സി, പ്ലസ് ടു പരീക്ഷ കഴിഞ്ഞു; ഇനി അവധിക്കാലം
കോഴിക്കോട്: പരീക്ഷ ചൂടൊഴിഞ്ഞ് എസ്.എസ്.എൽ.സി, പ്ലസ് ടു, വി.എച്ച്.എസ്.സി വിദ്യാർഥികൾ. ഇനി പെരുന്നാൾ, വിഷു, ഈസ്റ്റർ ആഘോഷമെല്ലാമുള്ള വേനലവധിയാണ്.പരീക്ഷ കഴിഞ്ഞതിന്റെ ആശ്വാസം വിദ്യാര്ഥികളുടെ മുഖത്ത് പ്രകടമായിരുന്നെങ്കിലും വര്ഷങ്ങളോളം കൂടെ പഠിച്ച കൂട്ടുകാരെ വിട്ടുപിരിയുന്നതിലെ സങ്കടമാണ് പലരും പങ്കുവെച്ചത്. ഒന്നാം വർഷ ഹയർസെക്കൻഡറി, വി.എച്ച്.എസ്.സി പരീക്ഷൾ മാർച്ച് 29നാണ് അവസാനിക്കുക.
മാർച്ച് മൂന്നിനായിരുന്നു എസ്.എസ്.എൽ.സി പരീക്ഷ ആരംഭിച്ചത്. കോഴിക്കോട്, വടകര, താമരശ്ശേരി എന്നീ മൂന്നു വിദ്യാഭ്യാസ ജില്ലകളിലായി ആകെ 204 പരീക്ഷ കേന്ദ്രങ്ങളിലായി 43,904 പേരാണ് ജില്ലയിൽ പരീക്ഷയെഴുതാനുണ്ടായിരുന്നത്.ഏറ്റവും കൂടുതൽ വിദ്യാർഥികൾ പരീക്ഷയെഴുതിയത് താമരശ്ശേരി വിദ്യാഭ്യാസ ജില്ലയിലെ ചക്കാലക്കൽ ഹയർസെക്കൻഡറി സ്കൂളിലാണ് -1067 പേർ. കുറവ് കോഴിക്കോട് വിദ്യാഭ്യാസ ജില്ലയിലെ പറയഞ്ചേരി ഗവ. ഹയർസെക്കൻഡറി സ്കൂളിലാണ് -ആറുപേർ. മൂവായിരത്തിൽ പരം അധ്യാപകരെയായിരുന്നു എസ്.എസ്.എൽ.സി പരീക്ഷ ഡ്യൂട്ടിക്കായി ജില്ലയിൽ നിയോഗിച്ചത്.
പത്താം ക്ലാസിന്റെ അർധവാർഷിക പരീക്ഷയുടെ ചോദ്യപേപ്പർ ചോർന്നെന്ന പരാതിയിൽ കൊടുവള്ളിയിലെ എം.എസ് സൊലൂഷൻസ് സി.ഇ.ഒ ശുഹൈബിനെയും മറ്റു മൂന്നുപേരെയും പൊലീസ് അറസ്റ്റുചെയ്ത പശ്ചാത്തലത്തിൽ പൊതുപരീക്ഷയുടെ ചോദ്യപേപ്പറുകൾ സ്കൂളിലെത്തിക്കുന്നതിലും കൈകാര്യം ചെയ്യുന്നതിലുമെല്ലാം വലിയ സുരക്ഷയാണ് വിദ്യാഭ്യാസ വകുപ്പ് ഒരുക്കിയിരുന്നത്.
ഒറ്റപ്പെട്ട ആക്ഷേപങ്ങളൊഴിച്ചാൽ കാര്യമായ പരാതിളില്ലാതെയാണ് ജില്ലയിൽ എസ്.എസ്.എൽ.സി, പ്ലസ് ടു പരീക്ഷകൾ കടന്നുപോയത്. വില്യാപ്പള്ളി എം.ജെ വൊക്കേഷനൽ ഹയർ സെക്കൻഡറി സ്കൂളിലെ എസ്.എസ്.എൽ.സി പരീക്ഷ നടത്തിപ്പിൽ ക്രമക്കേടുണ്ടെന്ന് ആരോപണമുയർന്നതിൽ ജില്ല വിദ്യാഭ്യാസ ഉപഡയറക്ടർ സി. മനോജ് കുമാർ വിദ്യാഭ്യാസ വകുപ്പിന് റിപ്പോർട്ടും നൽകിയിരുന്നു.
ഇരുപത്തിയേഴാം രാവിന്റെ പുണ്യം കാത്ത് വിശ്വാസികള്; പള്ളികളും വീടുകളും രാത്രി മുഴുവന് പ്രാര്ഥനകളാല് നിറയും
റമസാനിലെ ഏറ്റവും പുണ്യം നിറഞ്ഞതെന്ന് കരുതുന്ന ഇരുപത്തിയേഴാം രാവിനെ വരവേല്ക്കാനുള്ള ഒരുക്കത്തിലാണ് മുസ്ലീം വിശ്വാസികള്. ഇന്ന് രാത്രി മുഴുവന് നീളുന്ന പ്രാര്ഥനയ്ക്കായി പള്ളികളും വീടുകളും ഒരുങ്ങിക്കഴിഞ്ഞു.
ആയിരം മാസങ്ങളേക്കാള് പുണ്യമുള്ള ലൈലത്തുൽ ഖദറിനെ പ്രതീക്ഷിക്കാവുന്ന രാത്രിയായി ഇത് കണക്കാക്കുന്നു ഈ രാത്രി മാലാഖമാര് ഭൂമിയിലേക്ക് ഇറങ്ങിവരുമെന്നാണ് വിശ്വാസം. മനുഷ്യന്റ വിധി നിര്ണയരാവ് എന്നര്ഥത്തിലുള്ള ലൈലത്തുല് ഖദ്ര് എന്നും ഈ ദിവസം അറിയപ്പെടുന്നു. വിശ്വാസികള്ക്കാകട്ടെ ജീവിതത്തിലെ വീഴ്ചകള് എണ്ണിപ്പറഞ്ഞ് പാപമോചനം നേടാനുള്ള അവസരം
പള്ളികളും വീടുകളും രാത്രി മുഴുവന് പ്രാര്ഥനകളാല് നിറയും .നോമ്പുതുറയും നമസ്കാരവും കഴിഞ്ഞും വിശ്വാസികള് പളളികളില് തന്നെ തുടരും. ചിലയിടങ്ങളില് പ്രാര്ഥന സംഗമങ്ങളും ഒരുക്കിയിട്ടുണ്ട്. കബര്സന്ദര്ശനവും സക്കാത്ത് വിതരണവും ഈ ദിവത്തെ പ്രത്യേകതയാണ്. ഇരുപത്തിയേഴാം രാവ് വിടപറയുന്നതോടെ വിശ്വാസികള് പെരുന്നാളിനെ വല്വേല്ക്കാനുള്ള ഒരുക്കത്തിലേക്ക് കടക്കും
റിലീസ് ദിനത്തില് ‘എമ്പുരാന്റെ’ വ്യാജ പതിപ്പ്; നടപടിയുമായി സൈബര് പൊലീസ്
ഇന്ന് തിയറ്ററുകളിലെത്തിയ മോഹന്ലാല് ചിത്രം എമ്പുരാന്റെ വ്യാജ പതിപ്പ് പ്രചരിപ്പിക്കുന്നവര്ക്കെതിരെ നടപടിയുമായി സൈബര് പൊലീസ്. ചില വെബ്സൈറ്റുകളിൽ എമ്പുരാന് സിനിമയുടെ ചില ഭാഗങ്ങൾ പൊലിസ് നീക്കം ചെയ്തു. ഇവ ഡൗൺലോഡ് ചെയ്തവരെയും കണ്ടെത്തി. പരാതി ലഭിച്ചാൽ ദൃശ്യങ്ങൾ പ്രചരിപ്പിക്കുന്നവർക്കെതിരെ നടപടിയുണ്ടാക്കുമെന്ന് സൈബർ എസ് പി അങ്കിത് അശോക് പറഞ്ഞു. പരാതി ലഭിക്കാതെയും വ്യാജ പതിപ്പുകള് പ്രചരിപ്പിക്കുന്ന സൈറ്റുകൾ ബ്ലോക്ക് ചെയ്തു തുടങ്ങിയെന്നും എസ് പി അറിയിച്ചു.
പൃഥ്വിരാജിന്റെ സംവിധാന അരങ്ങേറ്റ ചിത്രമായിരുന്ന 2019 ല് പുറത്തിറങ്ങിയ ലൂസിഫറിന്റെ രണ്ടാം ഭാഗമാണ് എമ്പുരാന്. അക്കാരണത്താല് തന്നെ സമീപകാലത്ത് മലയാളത്തില് നിന്നുള്ള ഏറ്റവും വലിയ പ്രീ റിലീസ് ഹൈപ്പ് ലഭിക്കുന്ന സിനിമയായും ഇത് മാറിയിരുന്നു. ആശിര്വാദ് സിനിമാസും ശ്രീ ഗോകുലം മൂവീസും ചേര്ന്നാണ് ചിത്രം നിര്മ്മിച്ചിരിക്കുന്നത്.
ഖുറേഷി അബ്രാം/ സ്റ്റീഫൻ നെടുമ്പള്ളി എന്ന പ്രധാന കഥാപാത്രമായി മോഹൻലാൽ അഭിനയിക്കുന്ന ചിത്രത്തിൽ പൃഥ്വിരാജ്, മഞ്ജു വാര്യർ, ടൊവിനോ തോമസ്, ഇന്ദ്രജിത് സുകുമാരൻ, സുരാജ് വെഞ്ഞാറമൂട്, ജെറോം ഫ്ലിൻ, ബൈജു , സായ്കുമാർ, ആൻഡ്രിയ ടിവാടർ, അഭിമന്യു സിങ്, സാനിയ ഇയ്യപ്പൻ, ഫാസിൽ, സച്ചിൻ ഖഡ്കർ, നൈല ഉഷ, ജിജു ജോൺ, നന്ദു, മുരുകൻ മാർട്ടിൻ, ശിവജി ഗുരുവായൂർ, മണിക്കുട്ടൻ, അനീഷ് ജി മേനോൻ, ശിവദ, അലക്സ് ഒനീൽ, എറിക് എബണി, കാർത്തികേയ ദേവ്, മിഹയേല് നോവിക്കോവ്, കിഷോർ, സുകാന്ത്, ബെഹ്സാദ് ഖാൻ, നിഖാത് ഖാൻ, സത്യജിത് ശർമ്മ, നയൻ ഭട്ട്, ശുഭാംഗി, ജൈസ് ജോസ് തുടങ്ങി വമ്പൻ താരനിരയാണ് അണിനിരക്കുന്നത്. ഗെയിം ഓഫ് ത്രോൺസിലൂടെ ലോക പ്രശസ്തനായ ജെറോം ഫ്ളിന്നിന്റെ സാന്നിധ്യം താരനിരയ്ക്ക് നൽകിയത് ഒരു ഇന്റർനാഷണൽ അപ്പീലാണ്.



