spot_img
Friday, November 20, 2026
Home Blog Page 44

മീനങ്ങാടിയിലെ ഹൈവേ റോബറി; രണ്ട് പേർ പിടിയിൽ.

0

മീനങ്ങാടി: കാർ തടഞ്ഞു നിർത്തി കാർ യാത്രികന്റെ മുഖത്ത് കുരുമുളക് സ്പ്രേ അടിച്ച് പണവും വാഹനവും തട്ടിയെടുത്ത കേസിൽ രണ്ടു പേർ അറസ്റ്റിൽ. കണ്ണൂർ സ്വദേശികളായ പെരിങ്ങളം, അനിയാരം, മുത്തേടത്ത് താഴേകുനിയിൽ എം. രഞ്ജു (32), മട്ടന്നൂർ, സൗരവ് നിവാസ്, സൗരവ് സുനിൽ(26) എന്നിവരെയാണ് മീനങ്ങാടി പോലീസ് അറസ്റ്റ് ചെയ്തത്. കൃത്യം നടന്ന് മണിക്കൂറുകൾക്കുള്ളിൽ കണ്ണൂർ, തലക്കണ്ണിയിൽ നിന്നാണ് നാട്ടുകാരുടെ സഹായത്തോടെ പോലീസ് ഇവരെ പിടികൂടിയത്. ഇരുവരും നിരവധി കേസുകളിൽ പ്രതികളാണ്. രഞ്ജുവിന് ബത്തേരി, ചൊക്ലി സ്റ്റേഷനുകളിലായി 13-ഓളം കേസുകളും, സൗരവിന് പയ്യന്നൂർ, വാടാനപ്പള്ളി സ്റ്റേഷനുകളിലും കേസുകളുണ്ട്.30.09.2026 തിയ്യതി വൈകീട്ടോടെ മീനങ്ങാടി എഫ്.സി.ഐ ഗോഡൗണിനു സമീപം വച്ചാണ് സംഭവം. കൊടുവള്ളി സ്വദേശി കർണാടകയിലെ ബേഗൂരിൽ നിന്ന് വരുമ്പോഴാണ് പത്തോളം പേർ രണ്ട് കാറുകളിലായി വന്ന് ഇന്നോവ വാഹനം ബ്ലോക്കിട്ട് നിർത്തിച്ചത്. വാഹനത്തിന്റെ സൈഡ് ഗ്ലാസുകൾ അടിച്ച് പൊട്ടിക്കുകയും, യുവാവിന്റെ മുഖത്ത് പേപ്പർ സ്‌പ്രേ അടിച്ച് കാറിൽ നിന്നും ബലം പ്രയോഗിച്ച് പുറത്തിറക്കി കാറും, കാറിലുണ്ടായിരുന്ന 21000 രൂപയും തട്ടിയെടുക്കുകയുമായിരുന്നു. വിവരമറിഞ്ഞയുടൻ ജില്ലയിലും ജില്ലാതിർത്തികളിലും പരിശോധനയും നിരീക്ഷണവും ശക്തമാക്കി. തുടർന്ന് ഇവരെ തലക്കണ്ണിയിൽ നിന്ന് നാട്ടുകാരുടെ സഹായത്തോടെ പിടികൂടുകയായിരുന്നു. മറ്റു പ്രതികൾക്കായുള്ള അന്വേഷണം ഊർജിതമാക്കി.

(K-TET): അപേക്ഷിക്കാനുള്ള തീയതി ഒക്ടോബർ 7 വരെ നീട്ടി; തെറ്റുകൾ തിരുത്താനും അവസരം.

0

കോഴിക്കോട് : സെപ്തംബർ 2026*കെ-ടെറ്റ് (K-TET) വിജ്ഞാപന പ്രകാരം പരീക്ഷയ്ക്ക് അപേക്ഷ സമർപ്പിക്കുന്നതിനുള്ള അവസാന തീയതി 2026 ഒക്ടോബർ 07 വരെ നീട്ടിയിട്ടുണ്ട്. കൂടാതെ, അപേക്ഷ സമർപ്പണ വേളയിൽ തെറ്റുകൾ സംഭവിച്ചിട്ടുള്ളവർക്ക് വിവരങ്ങൾ തിരുത്തുന്നതിനുള്ള സൗകര്യവും ലഭ്യമാക്കിയിട്ടുണ്ട്. 2026 ഒക്ടോബർ 01 മുതൽ ഒക്ടോബർ 07 വരെയുള്ള തീയതികളിൽ ഉദ്യോഗാർത്ഥികൾക്ക് അപേക്ഷയിലെ വിവരങ്ങളിൽ തിരുത്തലുകൾ വരുത്താവുന്നതാണ്.അപേക്ഷ പരിശോധിക്കുന്നതും തിരുത്തുന്നതും എങ്ങനെ?അപേക്ഷ സമർപ്പിച്ച എല്ലാ പരീക്ഷാർത്ഥികളും https://ktet.kerala.gov.in എന്ന ഔദ്യോഗിക വെബ്‌സൈറ്റ് സന്ദർശിച്ച് ‘Candidate Login’ വഴി തങ്ങളുടെ ആപ്ലിക്കേഷൻ നമ്പറും (Application Number) ആപ്ലിക്കേഷൻ ഐ.ഡിയും (Application ID) നൽകി ലോഗിൻ ചെയ്യേണ്ടതാണ്. തുടർന്ന് ‘Application Edit’ എന്ന ലിങ്ക് ഉപയോഗിച്ച് അപേക്ഷയിൽ നൽകിയിട്ടുള്ള ഫോട്ടോ ഉൾപ്പെടെയുള്ള എല്ലാ വിവരങ്ങളും നിർബന്ധമായും പരിശോധിച്ച് ഉറപ്പുവരുത്തേണ്ടതാണ്.തിരുത്താൻ കഴിയുന്ന വിവരങ്ങൾ: * നിർദ്ദിഷ്ട മാതൃകയിലുള്ള ഫോട്ടോ * പരീക്ഷാർത്ഥിയുടെ പേര് * രക്ഷകർത്താവിന്റെ പേര് * ജനന തീയതി * ജെൻഡർ * വിദ്യാഭ്യാസ യോഗ്യത * തിരെഞ്ഞെടുത്ത ലാംഗ്വേജ് * ഓപ്ഷണൽ സബ്ജക്ടുകൾ * വിദ്യാഭ്യാസ ജില്ലപരീക്ഷ സമയബന്ധിതമായി നടത്തേണ്ടതുള്ളതിനാൽ അപേക്ഷ സമർപ്പിക്കുന്നതിനുള്ള സമയപരിധി ഇനി നീട്ടിനൽകുന്നതല്ലെന്ന് വിജ്ഞാപനത്തിൽ വ്യക്തമാക്കുന്നു. അതിനാൽ പരീക്ഷാർത്ഥികൾ അനുവദിച്ചിട്ടുള്ള സമയപരിധിക്കുള്ളിൽ തന്നെ ആവശ്യമായ തിരുത്തലുകൾ പൂർത്തിയാക്കേണ്ടതാണ്.

ഇന്ന് ഗാന്ധി​ജയന്തി​: പ്രചോദനമാകൂ കുട്ടികളേ…

0

ഞാൻ എങ്ങനെയാണോ മാതൃരാജ്യത്തി​ന് വേണ്ടി​ പോരാടി​യത്, അതേ ഊർജ്ജത്തോടെ ഇന്നത്തെ ഇന്ത്യൻ യുവതലമുറ അവകാശങ്ങൾക്കുവേണ്ടി​ ശബ്ദമുയർത്തുന്നതിൽ സന്തോഷം. ബ്രി​ട്ടീഷുകാർ എന്നെ പരി​ഹസി​ക്കാൻ വേണ്ടി​ വി​ളി​ച്ച അർദ്ധനഗ്നനായ ഫക്കീർ എന്ന പേര് ഞാനന്ന് അഭി​മാനത്തോടെയാണ് ഏറ്റെടുത്തത്. നിങ്ങൾ ‘പാറ്റ”യുടെ റോൾ വരെ ഏറ്റെടുത്ത് വലിയ ചലനമുണ്ടാക്കി. സമരം ചെയ്യാനുള്ള അവകാശത്തെ ഞാനെന്നും അനുകൂലി​ക്കും. എന്നാൽ, എത്ര ശക്തമായ ആവശ്യമാണെങ്കി​ലും അക്രമത്തി​ന്റെ പാത തിരഞ്ഞെടുക്കരുത്. അത് നി​ങ്ങളുടെ ഉത്തരവാദി​ത്വമാണ്. ലോകമെമ്പാടുമുള്ള മനുഷ്യരെ പ്രചോദിപ്പിക്കുന്നതാവണം ഇന്ത്യൻ യുവത്വത്തിന്റെ മുന്നേറ്റം. ജയ് ഹിന്ദ്.

വാട്സ്ആപ്പ് ബിസിനസ് പ്ലാറ്റ്‌ഫോമിന്‌ ഇന്നു മുതല്‍ ചാര്‍ജ് ഈടാക്കും; മാറ്റങ്ങള്‍ എന്തെല്ലാം?

0

ന്യൂഡൽഹി: വാട്‌സ്ആപ്പ് ബിസിനസ് പ്ലാറ്റ്‌ഫോമുകൾക്ക് ഇന്ന് മുതൽ ഫീസ് ഈടാക്കും. ഇതുവരെ സൗജന്യമായിരുന്ന ചില സന്ദേശങ്ങൾക്ക് വാണിജ്യ സ്ഥാപനങ്ങളാണ് പണം നൽകേണ്ടി വരിക. ഒക്ടോബർ 1 മുതൽ ഇന്ത്യയിൽ യൂട്ടിലിറ്റി മെസേജിനും ഓരോ സർവീസ് മെസേജിനും 11.5 പൈസ നിരക്ക് ഈടാക്കുമെന്നാണ് മെറ്റയുടെ അറിയിപ്പ്. അതായത് വ്യത്യസ്ത വാണിജ്യ സ‍ർവീസുകളുമായി ബന്ധപ്പെട്ട ആശയവിനിമയങ്ങൾ ഇനി പൂർണമായും സൗജന്യമായി ലഭിക്കില്ലെന്നതാണ് പ്രധാന മാറ്റം. ഉപഭോക്താക്കൾക്കുള്ള സേവനങ്ങൾ, ഓർഡർ അപ്ഡേറ്റുകൾ, ഡെലിവറി വിവരങ്ങൾ, ബുക്കിങുകൾ, പേയ്മെന്റുമായി ബന്ധപ്പെട്ട ആശയവിനിമയങ്ങൾ തുടങ്ങിയ ആവശ്യങ്ങൾക്ക് വാട്സ്ആപ്പ് ഉപയോഗിക്കുന്ന കമ്പനികളെ ഈ മാറ്റം ബാധിക്കും.വാണിജ്യ സ്വഭാവത്തിലുള്ള വാട്‌സാപ്പ് ബിസിനസ് പ്ലാറ്റ്‌ഫോമുകൾക്ക് പ്രതിമാസം 1000 സൗജന്യ സർവീസ് മെസേജുകൾ ലഭിക്കും. ഇതിന് ശേഷം വരുന്ന അധിക സർവീസ് മെസേജുകൾക്കാണ് അധിക നിരക്ക് ഈടാക്കുക. എന്നാൽ വാട്‌സാപ്പ് ബിസിനസ് ആപ്പ് ഉപയോഗിക്കുന്ന ചെറുകിടക്കാ‍ർക്ക് ചാർജുകൾ നൽകേണ്ടി വരില്ല. ബിസിനസ് പ്ലാറ്റ്‌ഫോം വഴി കമ്പനികൾ ഉപഭോക്താവിന് 24 മണിക്കൂറിനുള്ളിൽ അയക്കുന്ന യൂട്ടിലിറ്റി മെസേജുകൾക്കും ഇനി നിരക്ക് ബാധകമാകും. ഉപഭോക്താവ് നടത്തിയ ഒരു ഇടപാടുമായോ ബന്ധപ്പെട്ട പ്രധാനപ്പെട്ട വിവരങ്ങൾ നൽകുന്നത് ഇതിൽ ഉൾപ്പെടും. ഓൺലൈൻ ഓർഡർ നമ്പർ, ഡെലിവറി നോട്ടിഫിക്കേഷനുകൾ എന്നിവ ഉദാഹരണമാണ്നിലവിലെ സംവിധാനപ്രകാരം, ഒരു ഉപഭോക്താവ് ബിസിനസ് വാട്സ്ആപ്പ് പ്ലാറ്റ്‌ഫോമിലൂടെ മെസേജുകൾ അയച്ചാൽ ഇതിന് ചാർജ് ഈടാക്കാതെ തന്നെ മറുപടി നൽകാമായിരുന്നു. ഓർഡർ സംബന്ധിച്ച അപ്ഡേറ്റുകൾ, ഡെലിവറി വിവരങ്ങൾ തുടങ്ങിയ അറിയിപ്പുകൾ ഇതിൽ ഉൾപ്പെട്ടിരുന്നു. എന്നാൽ ഈ മെസേജുകളുടെ നിരക്കിലാണ് ഇപ്പോൾ മാറ്റം വന്നിരിക്കുന്നത്.ഓരോ മാസത്തെയും സൗജന്യ പരിധി കഴിഞ്ഞാൽ പിന്നീട് വരുന്ന Service Messages-നും ബാധകമായ യൂട്ടിലിറ്റി നിരക്ക് അനുസരിച്ച് ചാർജ് ഈടാക്കും. ആയിരം സർവീസ് യൂട്ടിലിറ്റി മെസേജുകൾക്ക് 115 രൂപയാണ് ഈടാക്കുക. 10,000 മെസേജുകൾക്ക് 1150 രൂപയും ഈടാക്കും. ജിഎസ്ടി തുക കണക്കാതെയുള്ള ചാ‍ർജാണിത്. പ്രത്യക്ഷത്തിൽ ഒരു മെസേജിന് തുക കുറവാണെന്ന് തോന്നുമെങ്കിലും, പ്രതിമാസം ലക്ഷക്കണക്കിന് ഉപഭോക്തൃ ഇടപെടലുകൾ നടത്തുന്ന കമ്പനികളെ സംബന്ധിച്ച് ഇത് അധിക ബാധ്യതയായേക്കാമെന്നാണ് ചൂണ്ടിക്കാണിക്കപ്പെടുന്നത്.വലിയ തോതിൽ ഉപഭോക്താക്കളുമായി ആശയവിനിമയം നടത്തേണ്ട കമ്പനികൾക്കായി രൂപകൽപ്പന ചെയ്ത വാട്സ്ആപ്പിന്റെ സംവിധാനമാണ് WhatsApp Business Platform. പ്രത്യേക സോഫ്റ്റ്വെയറുകളോ ടൂളുകളോ വഴിയാണ് ഈ പ്ലാറ്റ്‌ഫോം പ്രവർത്തിക്കുന്നത്. കമ്പനികൾക്ക് അവരുടെ സ്വന്തം സിസ്റ്റങ്ങളുമായോ കസ്റ്റമർ സപ്പോർട്ട് പ്ലാറ്റ്ഫോമുകളുമായോ തേഡ് പാർട്ടി സർവീസ് നൽകുന്നവരുമായോ ഇത് വഴി മെസേജുകൾ വഴി അയയ്ക്കാനും സ്വീകരിക്കാനും കഴിയും. സാധാരണയായി ആളുകൾ ഉപയോഗിക്കുന്ന വാട്‌സാപ്പിൽ നിന്നും ചെറുകിട ബിസിനസുകാർ ഉപയോഗിക്കുന്ന ബിസിനസ് വാട്‌സാപ്പിൽ നിന്നും വ്യത്യസ്തമാണ് വാട്‌സാപ്പ് ബിസിനസ് പ്ലാറ്റ്‌ഫോം. റീട്ടെയിൽ സ്ഥാപനങ്ങൾ, ബാങ്കുകൾ, ട്രാവൽ കമ്പനികൾ, ഇ-കൊമേഴ്സ് പ്ലാറ്റ്ഫോമുകൾ, തുടങ്ങി ആയിരക്കണക്കിന് വാട്സ്ആപ്പ് കമ്യൂണിക്കേഷനുകൾ കൈകാര്യം ചെയ്യുന്ന സ്ഥാപനങ്ങളാണ് സാധാരണയായി വാട്‌സാപ്പ് ബിസിനസ് പ്ലാറ്റ്‌ഫോം ഉപയോ​ഗിക്കുന്നത്.

യാത്രകളിലെ സുരക്ഷയ്ക്ക് ഇനി ഒരൊറ്റ ക്ലിക്ക്; ‘പോൾ-ആപ്പ്’ സഹായവുമായി കേരള പോലീസ്

0

തിരുവനന്തപുരം: യാത്രകളിലോ പരിചയമില്ലാത്ത സ്ഥലങ്ങളിലോ പെട്ടെന്നുണ്ടാകുന്ന അപകടങ്ങളിലോ ഇനി പരിഭ്രാന്തരാകേണ്ടതില്ല. ഒരൊറ്റ ക്ലിക്കിൽ കേരള പോലീസിന്റെ സേവനം നിങ്ങളുടെ കൈയെത്തും ദൂരത്തെത്തും. കേരള പോലീസിന്റെ ഔദ്യോഗിക മൊബൈൽ ആപ്ലിക്കേഷനായ ‘പോൾ-ആപ്പി’ലെ (Pol-App) ഏറ്റവും പ്രധാനപ്പെട്ട പൗരസുരക്ഷാ ഫീച്ചറായ ‘നിയറസ്റ്റ് പോലീസ് സ്റ്റേഷൻ നാവിഗേഷൻ’ സംവിധാനമാണ് അടിയന്തര ഘട്ടങ്ങളിൽ യാത്രക്കാർക്ക് വലിയ ആശ്വാസമാകുന്നത്.ഉപയോക്താവ് നിൽക്കുന്ന സ്ഥലം തിരിച്ചറിഞ്ഞ്, ഏറ്റവും അടുത്തുള്ള പോലീസ് സ്റ്റേഷൻ ഏതാണെന്ന് കണ്ടെത്തി അവിടേക്ക് വേഗത്തിൽ എത്തുവാൻ പോൽ ആപ്പിലെ ഈ സേവനം സഹായിക്കുന്നു. സ്മാർട്ട്ഫോണിലെ ജിപിഎസ് (GPS) സാങ്കേതികവിദ്യ പ്രയോജനപ്പെടുത്തിയാണ് തത്സമയ ലൊക്കേഷൻ ആപ്പ് കണ്ടെത്തുന്നത്. ഇത് വഴി ഏറ്റവും അടുത്തുള്ള പോലീസ് സ്റ്റേഷന്റെ പേര്, കൃത്യമായ വിലാസം, ഔദ്യോഗിക ഫോൺ നമ്പർ, സ്റ്റേഷൻ ഹൗസ് ഓഫീസറുടെ (SHO) വിവരങ്ങൾ എന്നിവ ഉപയോക്താവിന് നിമിഷങ്ങൾക്കകം ലഭ്യമാകും.കൂടാതെ ഗൂഗിൾ മാപ്പിന്റെ സഹായത്തോടെ സ്റ്റേഷനിലേക്കുള്ള ഏറ്റവും എളുപ്പമുള്ള വഴിയും കൃത്യമായ ദൂരവും തത്സമയം കാണിച്ചുതരുന്നതിനൊപ്പം ആപ്പിൽ നിന്ന് നേരിട്ട് സ്റ്റേഷനിലേക്ക് ഫോൺ വിളിക്കാനുള്ള സൗകര്യവും ഒരുക്കിയിട്ടുണ്ട്.ഈ സൗകര്യം പ്രയോജനപ്പെടുത്തുന്നതിനായി ഫോണിൽ പോൾ-ആപ്പ് തുറന്ന ശേഷം ലൊക്കേഷൻ ഓൺ ചെയ്യുക. തുടർന്ന് ആപ്പിലെ ‘നിയറസ്റ്റ് പോലീസ് സ്റ്റേഷൻ’ എന്ന ഓപ്ഷൻ തിരഞ്ഞെടുക്കുമ്പോൾ ഏറ്റവും അടുത്തുള്ള സ്റ്റേഷനുകളുടെ പട്ടികയും അങ്ങോട്ടേക്കുള്ള ദൂരവും സ്ക്രീനിൽ തെളിയും. ഇതിൽ നിന്നും ആവശ്യമുള്ള സ്റ്റേഷൻ തിരഞ്ഞെടുത്ത് ‘നാവിഗേറ്റ്’ ബട്ടൺ ക്ലിക്ക് ചെയ്താൽ കൃത്യമായ റൂട്ട് മാപ്പ് ലഭിക്കുകയും ചെയ്യും.അടിയന്തര സാഹചര്യങ്ങളിൽ പോലീസ് സഹായം വേഗത്തിൽ ഉറപ്പാക്കാൻ ഓരോ യാത്രക്കാരനും ഫോണിൽ കരുതേണ്ട അത്യന്താപേക്ഷിതമായ സുരക്ഷാ സംവിധാനമായി പോൾ-ആപ്പ് മാറിക്കഴിഞ്ഞു.

വൻ ദുരന്തം ഒഴിവാക്കി വിമാനം രക്ഷിച്ച ‘ഇന്ത്യൻ നായകൻ’; പ്രശംസിച്ച് ലോകനേതാക്കൾ

0

ദുബായ്: ദുബായിൽ നിന്ന് ടെൽ അവീവിലേക്ക് പറന്ന ഫ്ലൈ ദുബായ് എഫ്ഇസെഡ്1073 വിമാനത്തിലെ കോക്ക്പിറ്റിൽ ഉണ്ടായ ആക്രമണത്തിനിടെ ഗുരുതരമായി പരിക്കേൽക്കുകയും സ്വന്തം ജീവൻ പണയം വെച്ച് വൻ വിമാന ദുരന്തം ഒഴിവാക്കുകയും ചെയ്ത ഇന്ത്യക്കാരനായ പൈലറ്റായ ക്യാപ്റ്റൻ സ്മിത് മച്ചാറിന്‍റെ ധീരതയെ പ്രശംസിക്കുകയാണ് ലോകനേതാക്കളും സോഷ്യൽ മീഡിയയും. ആക്രമണത്തിൽ പരിക്കേറ്റ അദ്ദേഹത്തെ നിലവിൽ സൗദി അറേബ്യയിലെ തബൂക്കിലുള്ള ആശുപത്രിയിൽ പ്രവേശിപ്പിച്ചിരിക്കുകയാണ്. അതീവ ഗുരുതരാവസ്ഥയിലായിരുന്നിട്ടും ബുദ്ധിപൂർവം പ്രവർത്തിച്ച് വലിയൊരു ദുരന്തമാണ് സ്മിത് മച്ചാർ ഒഴിവാക്കിയതെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് വിശേഷിപ്പിച്ചു. ക്യാപ്റ്റൻ മച്ചാറിന്റെ ധീരതയിൽ ഇന്ത്യ അഭിമാനിക്കുന്നുവെന്ന് പ്രധാനമന്ത്രി നരേന്ദ്ര മോദി പറഞ്ഞു.

“ഗുരുതരമായി പരിക്കേറ്റിട്ടും ക്യാപ്റ്റൻ മച്ചാർ പ്രതിരോധിക്കുകയും, കോക്ക്പിറ്റിന്റെ വാതിൽ തുറന്ന് കൊടുത്ത് യാത്രക്കാർക്കും ക്രൂ അംഗങ്ങൾക്കും അക്രമിയെ കീഴടക്കാൻ അവസരമൊരുക്കുകയുമായിരുന്നു. അതുവഴി ആകാശത്തുണ്ടായേക്കാമായിരുന്ന വൻ ദുരന്തമാണ് അദ്ദേഹം തടഞ്ഞത്. അദ്ദേഹം ഒരു യഥാർത്ഥ നായകനാണ്” എന്ന് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു എക്സിൽ കുറിച്ചു. റിയാദിലെ ഇന്ത്യൻ എംബസിയും ജിദ്ദയിലെ കോൺസുലേറ്റ് ജനറലും ക്യാപ്റ്റൻ സ്മിത് മച്ചാറിന്റെ ആരോഗ്യനില വിലയിരുത്തി വരികയാണ്. തബൂക്ക് നഗരത്തിലെ ആശുപത്രിയിൽ ചികിത്സയിലുള്ള അദ്ദേഹത്തിന്റെ നില നിലവിൽ തൃപ്തികരമാണെന്ന് പ്രാഥമിക റിപ്പോർട്ടുകൾ വ്യക്തമാക്കുന്നു. മച്ചാറിന്റെ കുടുംബവുമായി ബന്ധപ്പെട്ടിട്ടുണ്ടെന്നും സൗദി അധികൃതരുമായി സഹകരിച്ച് ആവശ്യമായ എല്ലാ സഹായങ്ങളും ഉറപ്പാക്കുമെന്നും എംബസി അറിയിച്ചു.

ആരാണ് ക്യാപ്റ്റൻ സ്മിത് മച്ചാർ?

13 വർഷത്തിലധികം വാണിജ്യ വിമാനങ്ങൾ പറത്തി പരിചയമുള്ള മച്ചാർ, ബോയിംഗ് 737 ഫ്ലീറ്റിൽ മാത്രം 9,750-ഓളം മണിക്കൂർ പറക്കൽ പരിചയസമ്പത്തുള്ള വിദഗ്ധ പൈലറ്റാണ്. ഇന്ത്യയിലെ സ്പൈസ് ജെറ്റിൽ 10 വർഷത്തിലേറെ സേവനമനുഷ്ഠിച്ച ശേഷം 2022 ജൂണിലാണ് അദ്ദേഹം ഫ്ലൈ ദുബായിൽ ക്യാപ്റ്റനായി ചുമതലയേൽക്കുന്നത്. വിമാനത്തിനുള്ളിൽ ജീവനക്കാരെയും പൈലറ്റുമാരെയും ആദരിക്കേണ്ടതിന്റെ പ്രാധാന്യത്തെക്കുറിച്ച് മുൻപ് നൽകിയ അഭിമുഖങ്ങളിൽ അദ്ദേഹം സംസാരിച്ചിട്ടുണ്ട്. ‘സാഹചര്യങ്ങൾ കൈവിട്ടുപോകുമ്പോഴാണ് ജീവനക്കാരുടെ യഥാർത്ഥ ആവശ്യകത യാത്രക്കാർ മനസ്സിലാക്കുന്നത്’- എന്നായിരുന്നു കോക്ക്പിറ്റിലെയും ക്യാബിനിലെയും സുരക്ഷയെക്കുറിച്ച് അദ്ദേഹം നൽകിയ ഓർമ്മപ്പെടുത്തൽ.

ഫ്ലൈ ദുബൈ വിമാനത്തിലെ പൈലറ്റ് ഇന്ത്യക്കാരനെന്ന് സ്ഥിരീകരണം; സൗദിയിൽ ചികിത്സയിൽ തുടരുന്നതായി എംബസി.

0

ദുബൈ: ബുധനാഴ്ച രാവിലെ സൗദി അറേബ്യയിലെ തബൂക്ക് വിമാനത്താവളത്തിൽ അടിയന്തരമായി ഇറക്കിയ ഫ്ലൈ ദുബൈ വിമാനത്തിലെ പൈലറ്റ് ഇന്ത്യക്കാരനെന്ന് സ്ഥിരീകരിച്ച് ഇന്ത്യൻ എംബസി.ഇന്ത്യക്കാരനായ പൈലറ്റ് സ്മിത് മച്ചാർ തബൂക്കിലെ ആശുപത്രിയിൽ സുഖം പ്രാപിക്കുന്നതായി സൗദി അറേബ്യയിലെ ഇന്ത്യൻ എംബസി അറിയിച്ചു. പൈലറ്റ് ഇന്ത്യക്കാരനാണെന്ന് റിപ്പോർട്ടുണ്ടായിരുന്നെങ്കിലും രാത്രി വൈകിയാണ് എംബസി സ്ഥിരീകരിച്ചത്.ദുബൈയിൽ നിന്ന് ടെൽ അവീവിലേക്ക് പോയ FZ 1073 വിമാനത്തിൽ വെച്ച് ഒമാനി സ്വദേശിയായ സഹപൈലറ്റ്, ഇന്ത്യക്കാരനായ ക്യാപ്റ്റൻ സ്മിത് മച്ചാറിനെ കത്തി ഉപയോഗിച്ച് കുത്തുകയായിരുന്നു. 34,000 അടി ഉയരത്തിൽ വെച്ച് വിമാനം 17,000 അടിയോളം താഴേക്ക് പതിച്ചു.വിമാനത്തിലുണ്ടായിരുന്ന ഓഫ് ഡ്യൂട്ടി പൈലറ്റുമാരും യാത്രക്കാരും ചേർന്നാണ് അക്രമിയെ കീഴ്പ്പെടുത്തിയത്. പിന്നീട് വിമാനം സൗദിയിലെ തബൂക്കിൽ സുരക്ഷിതമായി ഇറക്കി.അതിനിടെ, അന്വേഷണം അവസാനിക്കുന്നത് വരെ ഇസ്രായേലിലേക്കുള്ള സർവീസുകൾ ഫ്ലൈ ദുബൈ റദ്ദാക്കി. യുഎഇ ജനറൽ സിവിൽ ഏവിയേഷൻ അതോറിറ്റി സംഭവത്തിൽ അന്വേഷണം പ്രഖ്യാപിച്ചു.

എൽപിജി വില കൂട്ടി; ഒന്നാം തീയതി വൻ വർധന, തിരിച്ചടി ഹോട്ടലുകൾക്ക്, വീട്ടുകാർക്ക് ആശ്വാസം.

0

പൊതുമേഖലാ എണ്ണവിതരണ കമ്പനികൾ വാണിജ്യ സിലിണ്ടർ (19 കിലോഗ്രാം) വില ഇന്ന് പ്രാബല്യത്തിൽ വന്നവിധം 62-65 രൂപ കൂട്ടി. ഇതോടെ കൊച്ചിയിൽ 2828 രൂപയായി. കോഴിക്കോട്ട് 2860.5 രൂപയും തിരുവനന്തപുരത്ത് 2849 രൂപയുമാണ് വില. രാജ്യാന്തര ക്രൂഡോയിൽ വില പരിഗണിച്ച് ഓരോ മാസവും ഒന്നാംതീയതിയാണ് എണ്ണക്കമ്പനികൾ എൽപിജി വില പരിഷ്കരിക്കുന്നത്. വാണിജ്യ സിലിണ്ടർ വില വർധന ഹോട്ടൽ, റസ്റ്ററന്റ്, തട്ടുകട എന്നിവ നടത്തുന്നവർക്ക് തിരിച്ചടിയാണ്.അതേസമയം, വീട്ടാവശ്യത്തിനുള്ള സിലിണ്ടറിന്റെ (14.2 കിലോഗ്രാം) വില മാറ്റിയിട്ടില്ല. തിരുവനന്തപുരത്ത് 951 രൂപയാണ് വില. കൊച്ചിയിൽ 949 രൂപ. കോഴിക്കോട്ട് 950.5 രൂപ.രാജ്യാന്തര ക്രൂഡോയിൽ വില ബാരലിന് ശരാശരി 100 ഡോളറിൽ തുടരുകയാണ്. ഇന്ത്യയിൽ പൊതുമേഖലാ എണ്ണക്കമ്പനികൾ എൽപിജിക്ക് സിലിണ്ടറിന് 300 രൂപ വീതം നഷ്ടം നേരിടുന്നുണ്ടെന്നാണ് റിപ്പോർട്ടുകൾ.

കൊല്ലം സുധിയുടെ കുടുംബത്തിന് 1.77 കോടി നഷ്ടപരിഹാരം വിധിച്ച് കോടതി

0

വാഹനാപകടത്തില്‍ മരിച്ച നടനും മിമിക്ര താരവുമായ കൊല്ലം സുധിയുടെ കുടുംബത്തിന് നഷ്ടപരിഹാരം വിധിച്ച് കോടതി. ഒരു കോടി 77 ലക്ഷം രൂപ ഇന്‍ഷുറന്‍സ് കമ്പനി സുധിയുടെ ആശ്രിതര്‍ക്ക് നല്‍കണമെന്നാണ് കോടതി വിധി. കൊല്ലം സുധിയുടെ ഭാര്യ, അമ്മ, രണ്ട് മക്കള്‍ എന്നിവരാണ് നഷ്ടപരിഹാരത്തിന് അവകാശികള്‍. കോട്ടയം മോട്ടോര്‍ ആക്‌സിഡന്റ് ക്ലെയിംസ് ട്രൈബ്യൂണല്‍ ആണ് ഉത്തരവിട്ടത്.14109840 രൂപയായിരുന്നു ട്രൈബ്യൂണല്‍ വിധിച്ചത്. കേസ് ഫയല്‍ ചെയ്ത ദിവസം മുതല്‍ തുക കെട്ടിവയ്ക്കുന്ന നാള്‍ വരെ 8.5 ശതമാനം പലിശയും കൂടെ ചേരുമ്പോഴാണ് 1.77 കോടിയാകുന്നത്. കോട്ടയം എംഎസിടി ജഡി പ്രസൂണ്‍ ആണ് ഉത്തരവിട്ടത്. കേസിലെ മൂന്നാം എതിര്‍കക്ഷിയായ ന്യു ഇന്ത്യ അഷുറന്‍സ് കമ്പനി 30 ദിവസത്തിനകം തുക കോടതിയില്‍ കെട്ടിവെക്കണമെന്നും കോടതി അറിയിച്ചു.മലയാളികള്‍ക്ക് സുപരിചിതനായ താരമായിരുന്നു കൊല്ലം സുധി. 2023 ജൂണ്‍ 5 ന് തൃശ്ശൂരിലെ കൈപ്പമംഗലത്തുണ്ടായ വാഹനാപകടത്തിലാണ് സുധി മരിക്കുന്നത്. സുധിയും സുഹൃത്തുക്കളും സഞ്ചരിച്ചിരുന്ന കാര്‍ പിക്കപ്പ് ട്രക്കുമായി കൂട്ടിയിടിക്കുകയായിരുന്നു. സുധിയെ ആശുപത്രിയെത്തിച്ചെങ്കിലും ജീവന്‍ രക്ഷിക്കാനായില്ല. ഒപ്പമുണ്ടായിരുന്ന ബിനു അടിമാലി, മഹേഷ് കുഞ്ഞുമോന്‍ എന്നിവര്‍ക്കും ഗുരുതരമായി പരുക്കേറ്റിരുന്നു.മിമക്രി വേദികളിലൂടെയാണ് സുധി താരമാകുന്നത്. പിന്നീട് ടെലിവിഷനിലും സിനിമയിലും നിറ സാന്നിധ്യമായി മാറുകയായിരുന്നു. 2015ല്‍ പുറത്തിറങ്ങിയ കാന്താരി എന്ന ചിത്രത്തിലൂടെയാണ് സിനിമയിലെത്തുന്നത്. കട്ടപ്പനയിലെ ഋത്വിക് റോഷന്‍, കുട്ടനാടന്‍ മാര്‍പാപ്പ, കേശു ഈ വീടിന്റെ നാഥന്‍ തുടങ്ങിയ സിനിമകളില്‍ അഭിനയിച്ചു. നിരവധി റിയാലിറ്റി ഷോകളിലും, ടെലിവിഷന്‍ പരിപാടികളിലും പങ്കെടുത്തിട്ടുണ്ട്.

വിവാദങ്ങൾക്ക് പിന്നാലെ ‘ഫോം 6’ ലെ വിവാദ ഭാഗങ്ങള്‍ നീക്കി; SIR പുരോഗമിക്കുന്ന സംസ്ഥാനങ്ങളില്‍ മാറ്റമില്ല

0

ന്യൂഡല്‍ഹി: തെരഞ്ഞെടുപ്പ് കമ്മീഷണര്‍മാരുടെ വിയോജിപ്പ് വിവാദമായതിന് പിന്നാലെ ഫോം 6-ല്‍ വിവാദമായ ഭാഗം നീക്കം ചെയ്തു. ECNET പോര്‍ട്ടലില്‍ നിന്നാണ് വിവാദ ചോദ്യം നീക്കം ചെയ്തത്. മാതാപിതാക്കളുടെ എസ്‌ഐആര്‍ വിവരങ്ങള്‍ ആവശ്യപ്പെട്ടുള്ള ഭാഗമാണ് നീക്കിയത്. എസ്‌ഐആര്‍ പൂര്‍ത്തിയായ സംസ്ഥാനങ്ങളിലെ ഓണ്‍ലൈന്‍ പോര്‍ട്ടലില്‍ നിന്നാണ് ഭാഗം നീക്കം ചെയ്തത്. എന്നാല്‍ എസ്‌ഐആര്‍ നടപടികള്‍ പുരോഗമിക്കുന്ന സംസ്ഥാനങ്ങളില്‍ തല്‍സ്ഥിതി തുടരും.നിങ്ങളുടെ അച്ഛനും അമ്മയും മുത്തശ്ശനും മുത്തശ്ശിയും മുന്‍ എസ്‌ഐആറില്‍ ഉള്‍പ്പെട്ടിരുന്നോ, ഇല്ലെങ്കില്‍ എന്തുകൊണ്ട് എന്നതായിരുന്നു ഫോം 6 ലെ വിവാദ ഭാഗം. ഇത് പൗരത്വവുമായി ബന്ധപ്പെടുത്താനുള്ള ശ്രമമാണെന്ന വിമര്‍ശനം പ്രതിപക്ഷം ശക്തമാക്കിയിരുന്നു. ഫോം 6 മാറ്റത്തില്‍ രണ്ട് തെരഞ്ഞെടുപ്പ് കമ്മീഷണര്‍മാര്‍ ശക്തമായ വിയോജിപ്പ് പ്രകടിപ്പിച്ചിരുന്നു. ഫോം 6-നൊപ്പം നല്‍കിയിട്ടുള്ള സത്യപ്രസ്താവന (Declaration) പൂരിപ്പിക്കാതെ ഓണ്‍ലൈനായി അപേക്ഷ സമര്‍പ്പിക്കാന്‍ കഴിയാത്ത സാഹചര്യത്തിലാണ് ഇവര്‍ ആശങ്ക അറിയിച്ചിരുന്നത്. ഫോം 6, 1960 ലെ വോട്ടര്‍മാരുടെ രജിസ്‌ട്രേഷന്‍ നിയമങ്ങളുടെ ഭാഗമാണെന്നും, ഇസിക്ക് സ്വന്തമായി ഫോമില്‍ മാറ്റങ്ങള്‍ വരുത്താന്‍ കഴിയില്ലെന്നും, അത്തരമൊരു കൂട്ടിച്ചേര്‍ക്കല്‍ നിയമപരമായ പിന്തുണയില്ലാത്തതാണെന്നും അവര്‍ പറഞ്ഞുപിന്നാലെ പേര് ചേര്‍ക്കാന്‍ പഴയ ഫോം ഉപയോഗിക്കാമെന്ന് തെരഞ്ഞെടുപ്പ് കമ്മീഷന്‍ അറിയിച്ചിരുന്നു. ശനിയാഴ്ച ചേര്‍ന്ന തെരഞ്ഞെടുപ്പ് കമ്മീഷന്റെ പൂര്‍ണ യോഗത്തിലായിരുന്നു തീരുമാനം. തെരഞ്ഞെടുപ്പ് കമ്മീഷന്‍ തീരുമാനത്തിന് പിന്നാലെ നാല് ദിവസത്തിന് ശേഷമാണ് നടപടിയിലേക്ക് കടക്കുന്നത്. രണ്ട് കമ്മീഷണര്‍മാര്‍ വിയോജിപ്പ് രേഖപ്പെടുത്തിയ ഈ ചോദ്യം ഒഴിവാക്കുന്നത് തെറ്റുതിരുത്തല്‍ നടപടി ആയാണ് വിലയിരുത്തപ്പെടുന്നത്.