spot_img
Friday, November 20, 2026
Home Blog Page 87

സ്വർണ്ണ വിലയിൽ ഇടിവ്

0

കൊച്ചി: കേരളത്തില്‍ സ്വര്‍ണവിലയില്‍ ഇടിവ്. ഗ്രാമിന് 85 രൂപയുടെ കുറവാണ് ഇന്നുണ്ടായത്. ഗ്രാമിന്റെ വില 14,205 രൂപായി കുറഞ്ഞു. പവന്റെ വിലയില്‍ 680 രൂപയുടെ കുറവുണ്ടായി. പവന്റെ വില 1,13,640 രൂപയായാണ് കുറഞ്ഞത്. 18 കാരറ്റ് സ്വര്‍ണത്തിന്റെ വിലയിലും ഇന്ന് കുറവുണ്ടായിട്ടുണ്ട്. ഗ്രാമിന് 70 രൂപയുടെ കുറവാണ് ഉണ്ടായത്. 18 കാരറ്റ് സ്വര്‍ണത്തിന്റെ വില ഗ്രാമിന് 11,670 രൂപയായും പവന് 93,360 രൂപയായും കുറഞ്ഞു.അതേസമയം, രാജ്യാന്തര വിപണിയില്‍ സ്വര്‍ണത്തിന് നേരിയ വിലവര്‍ധനയുണ്ടായിട്ടുണ്ട്. സ്‌പോട്ട് ഗോള്‍ഡ് നിരക്ക് 0.5 ശതമാനം ഉയര്‍ന്നു. ഔണ്‍സിന് 4,356.55 ഡോളറായാണ് വില ഉയര്‍ന്നത്. ചൊവ്വാഴ്ച രണ്ട് ശതമാനത്തിലേറെ വില ഇടിഞ്ഞതിന് ശേഷമാണ് ഇന്നത്തെ മുന്നേറ്റം. എന്നാല്‍, യുഎസ് ഗോള്‍ഡ് ഫ്യൂച്ചര്‍ നിരക്ക് 0.2 ശതമാനം ഇടിഞ്ഞു.

സ്വര്‍ണവിപണിയുടെ അടുത്ത നീക്കത്തില്‍ നിര്‍ണായകമാകുന്നത് ഫെഡറല്‍ റിസര്‍വിന്റെ ഏറ്റവും പുതിയ യോഗത്തിന്റെ മിനിറ്റ്‌സാണ്. അമേരിക്കയിലെ പലിശനിരക്കിന്റെ ഭാവി സംബന്ധിച്ച് ഫെഡ് ഉദ്യോഗസ്ഥരുടെ നിലപാട് കൂടുതല്‍ വ്യക്തമായേക്കുമെന്നാണ് നിക്ഷേപകരുടെ പ്രതീക്ഷ.അതേസമയം, മിഡില്‍ ഈസ്റ്റിലെ സംഘര്‍ഷവും സ്വര്‍ണവിപണിയെ സ്വാധീനിക്കുന്നുണ്ട്. ഇറാനുമായുള്ള സംഘര്‍ഷം അവസാനിപ്പിക്കുന്നതിനുള്ള ചര്‍ച്ചകളില്‍ പുരോഗതിയില്ലെന്ന സൂചനകള്‍ക്കിടെ എണ്ണവില ഉയര്‍ന്നു. ഹോര്‍മുസ് കടലിടുക്ക് തുറന്ന നിലയിലാണെന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് പറഞ്ഞെങ്കിലും, കടലിടുക്ക് അടച്ചിരിക്കുകയാണെന്നാണ് ഇറാന്റെ നിലപാട്. എണ്ണവില ഉയരുന്നത് ആഗോള പണപ്പെരുപ്പ ആശങ്കകള്‍ വര്‍ധിപ്പിക്കാം. അങ്ങനെ വന്നാല്‍ പണപ്പെരുപ്പം നിയന്ത്രിക്കാന്‍ കേന്ദ്രബാങ്കുകള്‍ പലിശനിരക്ക് ഉയര്‍ത്താനുള്ള സാധ്യത കൂടും. ഇത് സ്വര്‍ണത്തിന് തിരിച്ചടിയുണ്ടാക്കും.രാജ്യാന്തര വിപണിയില്‍ എണ്ണവില ഉയരുകയാണ്. ബ്രെന്റ് ക്രൂഡോയില്‍ നിരക്ക് 0.70 ശതമാനം ഉയര്‍ന്ന് ബാരലിന് 91.66 ഡോളറായി. വെസ്റ്റ് ടെക്‌സാസ് ഇന്റര്‍മീഡിയേറ്റ് ക്രൂഡോയിലിന്റെ വിലയും ഉയര്‍ന്നിട്ടുണ്ട്. 0.84 ശതമാനം ഉയര്‍ച്ചയാണ് ഉണ്ടായിരിക്കുന്നത്. 85.65 ഡോളറായാണ് വില ഉയര്‍ന്നത്.

ഹെൽമറ്റ് ജീവൻ രക്ഷിച്ചു, പക്ഷെ നട്ടെല്ല് തകർന്നു’; റാപ്പിഡോ ചതിച്ച കോഴിക്കോട് സ്വദേശിനിയുടെ കണ്ണീരനുഭവം

0

കോഴിക്കോട് : ‘ആദ്യ ദിവസങ്ങളിൽ ഒന്നു കണ്ണടയ്ക്കാൻ പോലും ഭയമായിരുന്നു. കണ്ണടച്ചാൽ മനസ്സിൽ മുഴുവൻ നിറഞ്ഞത് ആ അപകടമാണ്. ശരീരത്തിൽ ട്രാക്ടർ കയറിയിറങ്ങുന്നത് പലതവണ കണ്ടു. ഇതുവരെ ഒരു രൂപ പോലും നഷ്ടപരിഹാരം ഉറപ്പാക്കിയില്ലെന്നു മാത്രമല്ല അപകടത്തെക്കുറിച്ച് അയച്ച സന്ദേശങ്ങൾക്കു പോലും അന്നു സഞ്ചരിച്ച ഓൺലൈൻ ബൈക്ക് ടാക്സി കമ്പനി വേണ്ട മറുപടി നൽകിയില്ല. നാളെ എന്താകും എന്നത് എനിക്ക് ഇനിയും അറിയില്ല.’ – ജൂൺ 17 ന് ഓൺലൈൻ ബൈക്ക് ടാക്സി സർവീസായ റാപ്പിഡോയിൽ സഞ്ചരിക്കുമ്പോൾ ബെംഗളൂരുവിൽ അപകടത്തിൽ ശരീരമാസകലം പരുക്കേറ്റ് ശസ്ത്രക്രിയകൾക്കു ശേഷവും കൊടും വേദനയുടെ രണ്ടു മാസം പിന്നിടുന്ന കോഴിക്കോട് കുന്നമംഗലം സ്വദേശി സാനികൃഷ്ണ (32) ഇതു പറയുമ്പോൾ മുഴങ്ങി കേൾക്കുന്നത് രാജ്യമെങ്ങും വേരു പിടിക്കുന്ന ഒരു ഓൺലൈൻ ബൈക്ക് ടാക്സി സർവീസിന്റെ അനാസ്ഥ കൂടിയാണ്.

കോഴിക്കോട് നഗരത്തിൽ കർശന ഗതാഗത നിയന്ത്രണം.

0

കോഴിക്കോട്:നഗരത്തിലെ പ്രധാന പാതകളിലും ജംക്‌ഷനുകളിലും ഗതാഗതം സുഗമമാക്കുന്നതിന്റെ ഭാഗമായി ഓഗസ്റ്റ് 20 മുതൽ 31 വരെ കർശന ഗതാഗത നിയന്ത്രണങ്ങളും പാർക്കിങ് നിരോധനവും ഏർപ്പെടുത്തി. ഓണത്തോടനുബന്ധിച്ചുള്ള തിരക്ക് കണക്കിലെടുത്താണ് പൊലീസിന്റെ നടപടി. എമർജൻസി വാഹനങ്ങൾ ഒഴികെയുള്ളവയ്ക്ക് പാർക്കിങ് അനുവദിക്കില്ല. നിർദേശങ്ങൾ ലംഘിക്കുന്ന വാഹനങ്ങൾ ലോക്ക് ചെയ്യുകയോ ക്രെയിൻ ഉപയോഗിച്ച് മാറ്റി ഉടമയിൽ നിന്ന് തുക ഈടാക്കുകയും പിഴ ചുമത്തുകയും ചെയ്യുമെന്ന് സിറ്റി പൊലീസ് കമ്മീഷണർ അറിയിച്ചു.

നഗരത്തിലേക്ക് സ്വകാര്യ വാഹനങ്ങളിൽ (കാർ, ജീപ്പ് മുതലായവ) ഒറ്റയ്ക്ക് എത്തുന്നവർ പരമാവധി പൊതുഗതാഗത മാർഗങ്ങൾ ഉപയോഗപ്പെടുത്തണമെന്നും, ഒരുമിച്ച് പൂളിങ് രീതിയിൽ (വാഹനങ്ങൾ പങ്കിട്ടുകൊണ്ട്) യാത്ര ചെയ്യുന്നത് ഉചിതമായിക്കുമെന്നും, ഗതാഗതക്കുരുക്ക് കുറക്കുന്നതിനായി പൊതുജനങ്ങൾ ഈ നിർദേശം സ്വമേധയാ പാലിച്ചു പൊലീസിനോട് സഹകരിക്കണമെന്നും കോഴിക്കോട് സിറ്റി പോലീസ് കമ്മീഷണർ അറിയിച്ചു.പ്രധാന നിയന്ത്രണങ്ങൾ പാർക്കിങ് നിരോധനം: ബസ് സ്റ്റോപ്പുകൾ, ജംക്‌ഷനുകൾ, വളവുകൾ, ഫുട്പാത്തുകൾ എന്നിവിടങ്ങളിൽ പാർക്കിങ് പൂർണ്ണമായും നിരോധിച്ചു. വ്യാപാരികൾ സ്ഥാപനങ്ങൾക്കു മുന്നിൽ വാഹനങ്ങൾ ഗതാഗത തടസ്സമുണ്ടാക്കുന്നില്ലെന്ന് ഉറപ്പാക്കണം. ഫുട്പാത്തിലൂടെ ഓടിക്കുന്ന വാഹനങ്ങൾ കസ്റ്റഡിയിലെടുക്കും.വലിയ വാഹനങ്ങൾക്ക് നിരോധനം: രാവിലെ 8 മുതൽ രാത്രി 11 വരെ വലിയ വാഹനങ്ങൾക്ക് നഗരത്തിലേക്ക് പ്രവേശനമില്ല.പാളയം – പൂന്താനം ജംക്‌ഷൻ: രാവിലെ 8 മുതൽ രാത്രി 10 വരെ യാതൊരു വിധ പാർക്കിങ്ങോ കച്ചവടങ്ങളോ അനുവദിക്കില്ല.

മാർക്കറ്റിലേക്ക് ലോറികൾക്ക് കയറാനും ഇറങ്ങാനും അനുമതിയുണ്ടാകില്ലഇന്റർ സ്റ്റേറ്റ് ബസ്സുകൾ: പൂന്താനം ഭാഗത്ത് രാത്രി സർവീസ് നടത്തുന്ന ഇന്റർസ്റ്റേറ്റ് ബസ്സുകൾ വൈകുന്നേരം 5 മണിക്ക് ശേഷം ഒരേ സമയം രണ്ട് ബസ്സുകൾ മാത്രമേ പാർക്ക് ചെയ്യാവൂ. ആളുകളെ കയറ്റുന്നതും ഇറക്കുന്നതും നിശ്ചിത കേന്ദ്രങ്ങളിൽ മാത്രമായിരിക്കണം.ബസ്സുകൾക്കും ഓട്ടോകൾക്കും നിയന്ത്രണം: ബസ്സുകൾ നിശ്ചിത സ്റ്റോപ്പുകളിൽ മാത്രം റോഡരികിലേക്ക് ചേർത്ത് നിർത്തി ആളുകളെ കയറ്റണം. ഓട്ടോറിക്ഷകൾ അനുവദിച്ച സ്റ്റാന്റുകളിൽ മാത്രമേ നിർത്തിയിടാവൂ. മാവൂർ റോഡ് പുതിയ സ്റ്റാന്റ് ബസ് ബേയ്ക്ക് മുൻവശവും കെഎസ്ആർടിസി സ്റ്റാന്റിന് എതിർവശവും ഓട്ടോകൾ നിർത്തിയിടാൻ പാടില്ല.സ്ട്രീറ്റ് വെൻഡിങ്: ലൈസൻസുള്ള തട്ടുകടകളും ഉന്തുവണ്ടികളും അനുവദിക്കപ്പെട്ട സ്ഥലങ്ങളിൽ മാത്രം പ്രവർത്തിക്കണം.

അനധികൃത കച്ചവടങ്ങൾക്കെതിരെ കർശന നടപടിയുണ്ടാകും.പൊതുജനങ്ങൾക്കുള്ള നിർദേശങ്ങൾറോഡ് മുറിച്ചുകടക്കാൻ സീബ്രാ ക്രോസ്സിങ്ങുകൾ മാത്രം ഉപയോഗിക്കുക. ട്രാഫിക് സിഗ്നലുകളിലും മറ്റ് സ്ഥലങ്ങളിലും തുടർച്ചയായി വാഹനങ്ങൾ പോകുമ്പോൾ റോഡ് മുറിച്ചു കടക്കരുത്.ഡിജിറ്റൽ ക്യാമറകൾ, ഡ്രോണുകൾ എന്നിവ വഴി നിയമലംഘനങ്ങൾ കണ്ടെത്തി പിഴ ഈടാക്കും. പ്രധാന ജംക്‌ഷനുകളിൽ ഉച്ചഭാഷിണി വഴി അറിയിപ്പുകൾ ഉണ്ടാകും.അടിയന്തര സാഹചര്യങ്ങളിൽ വാഹനങ്ങൾ വഴിതിരിച്ചുവിടാൻ പ്രത്യേക ക്രമീകരണങ്ങൾ ട്രാഫിക് എൻഫോഴ്‌സ്‌മെന്റ് യൂണിറ്റിന്റെ നേതൃത്വത്തിൽ ഏർപ്പെടുത്തിയിട്ടുണ്ട്

മുത്തച്ഛനെ കൊലപ്പെടുത്താനുള്ള തന്ത്രങ്ങൾ മെനയാൻ 13കാരി എടുത്തത് ദിവസങ്ങൾ നീണ്ട ആലോചന.

0

ആലപ്പുഴ: കരുവാറ്റയിൽ മുത്തച്ഛനെ കൊലപ്പെടുത്താനുള്ള തന്ത്രങ്ങൾ മെനയാൻ 13കാരി എടുത്തത് ദിവസങ്ങൾ നീണ്ട ആലോചന. ആസൂത്രണത്തിൽ 13 കാരിയുടെ കാമുകനും പങ്കാളിയായി. ഇവർ രണ്ടുപേരുമായിരുന്നു കൊലപാതകത്തിന്‍റെ മുഖ്യ ആസൂത്രകർ. തുടർന്ന് കാമുകൻ മറ്റു രണ്ടു കൂട്ടുകാരുമായി എത്തി കൃത്യം നടപ്പിലാക്കുകയായിരുന്നു.വീടിനു പിൻഭാഗത്തൂകൂടി എത്തിയാൽ ആരും കാണില്ലെന്ന ബുദ്ധി പറഞ്ഞുകൊടുത്തതും 13 കാരിയാണ്. അതേസമയം മധ്യവയസ്കന്‍റെ കൊലപാതകത്തിൽ കൂടുതൽ പേർക്ക് പങ്കില്ലെന്ന് പൊലീസ് സ്ഥീരീകരിച്ചു. നേരിട്ട് കൊലപാതകത്തിൽ പങ്കെടുത്തിട്ടില്ലെങ്കിലും പെൺകുട്ടിയുടെ നിർദേശപ്രകാരമാണ് കൊലപ്പെടുത്താൻ തീരുമാനിച്ചത്. സ്വർണം പണയം വെക്കാൻ സഹായിച്ച വ്യക്തിക്ക് കൊലപാതകത്തെക്കുറിച്ച് അറിവുണ്ടായിരുന്നില്ല എന്നാണ് പൊലീസ് കണ്ടെത്തൽ. നാലുപേരെയും ഇന്ന് ജുവനൈൽ കോടതിയിൽ ഹാജരാക്കും.65കാരനായ ശിവൻകുട്ടിയുടെ പ്രാഥിക പോസ്റ്റ്‌മോർട്ടം റിപ്പോർട്ട് പുറത്തുവന്നിരുന്നു. ശ്വാസംമുട്ടിച്ചാണ് ശിവൻകുട്ടിയെ കൊലപ്പെടുത്തിയതെന്നാണ് പ്രാഥമിക കണ്ടെത്തൽ. തലയിൽ ആഴത്തിലുള്ള മുറിവുകളും ശരീരമാകെ പരിക്കുകളും കണ്ടെത്തിയിട്ടുണ്ട്. അന്തിമ പോസ്റ്റ്‌മോർട്ടം റിപ്പോർട്ട് ഫോറൻസിക് വിഭാഗം അടുത്ത ദിവസം പൊലീസിന് കൈമാറും.ആലപ്പുഴ കരുവാറ്റയിൽ വാടകയ്ക്ക് താമസിച്ചിരുന്ന കൊല്ലം പരവൂർ സ്വദേശിയായ ശിവൻകുട്ടിയെയാണ് വീട്ടിനുള്ളിൽ മരിച്ച നിലയിൽ കണ്ടെത്തിയത്. കൈകാലുകൾ കെട്ടിയിട്ട നിലയിലായിരുന്നു മൃതദേഹം കണ്ടെത്തിയത്. തുടർന്ന് നടത്തിയ അന്വേഷണത്തിലാണ് കൊലപാതകത്തിന് പിന്നിലെ ഞെട്ടിക്കുന്ന വിവരങ്ങൾ പുറത്തുവന്നത്.

കള്ളക്കടൽ ജാഗ്രതാ നിർദേശം – റെഡ് അലർട്ട്റെഡ് അലർട്ട്.

0

കേരളത്തിലെ എല്ലാ തീരദേശ ജില്ലകളിലും ദേശീയ സമുദ്രസ്ഥിതിപഠന ഗവേഷണ കേന്ദ്രം റെഡ് അലർട്ട് പ്രഖ്യാപിച്ചിരിയ്ക്കുന്നു. കേരളത്തിലെ തീരപ്രദേശങ്ങളിൽ ശക്തമായ തിരമാലക്കും കള്ളക്കടൽ പ്രതിഭാസത്തിനും സാധ്യത.കേരള തീരത്ത് ഇന്ന് (18/08/2026) അർധരാത്രി മുതൽ 20/08/2026 വൈകുന്നേരം 05.30 വരെ 1.1 മുതൽ 1.8 മീറ്റർ വരെ ഉയർന്ന തിരമാലയ്ക്കും കള്ളക്കടൽ പ്രതിഭാസത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) മുന്നറിയിപ്പ് നല്കിയിരിയ്ക്കുന്നു. തീരദേശ മേഖലകളിൽ, പ്രത്യേകിച്ച് താഴ്ന്ന പ്രദേശങ്ങളിൽ, വെള്ളം കയറാനും കടലാക്രമണത്തിനും സാധ്യതയുണ്ട്.താഴെ പറയുന്ന പ്രദേശങ്ങളിൽ പ്രത്യേക ജാഗ്രത ആവശ്യമാണ്.

തിരുവനന്തപുരം: കാപ്പിൽ മുതൽ പൊഴിയൂർ വരെ

കൊല്ലം: ആലപ്പാട് മുതൽ ഇടവ വരെ

ആലപ്പുഴ: ചെല്ലാനം മുതൽ അഴീക്കൽ ജെട്ടി വരെ

എറണാകുളം: മുനമ്പം FH മുതൽ മറുവക്കാട് വരെ

തൃശൂർ: ആറ്റുപുറം മുതൽ കൊടുങ്ങല്ലൂർ വരെമലപ്പുറം: കടലുണ്ടി നഗരം മുതൽ പാലപ്പെട്ടി വരെ

കോഴിക്കോട്: ചോമ്പാല FH മുതൽ രാമനാട്ടുകര വരെ

കണ്ണൂർ: വളപട്ടണം മുതൽ ന്യൂ മാഹി വരെ

കാസറഗോഡ്: കുഞ്ചത്തൂർ മുതൽ കോട്ടക്കുന്ന് വരെതമിഴ്‌നാട്ടിലെ കന്യാകുമാരി, രാമനാഥപുരം, തൂത്തുക്കുടി, തിരുനെൽവേലി തീരങ്ങളിലും, ലക്ഷദ്വീപ്, മാഹി, കർണാടക തീരങ്ങളിലും ഉയർന്ന തിരമാലയ്ക്കും കള്ളക്കടൽ പ്രതിഭാസത്തിനും ജാഗ്രത മുന്നറിയിപ്പ് നൽകിയിട്ടുണ്ട്.കടലാക്രമണത്തിന് സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും അതീവ ജാഗ്രത പാലിക്കുക.

1. കടൽക്ഷോഭം രൂക്ഷമാകാൻ സാധ്യതയുള്ളതിനാൽ അപകട മേഖലകളിൽ നിന്ന് അധികൃതരുടെ നിർദേശാനുസരണം മാറി താമസിക്കണം.

2. ചെറിയ വള്ളങ്ങളും ബോട്ടുകളും കടലിലേക്ക് ഇറക്കുന്നത് ഈ സമയത്ത് ഒഴിവാക്കേണ്ടതാണ്.

3. കള്ളക്കടൽ പ്രതിഭാസത്തിനും ഉയർന്ന തിരമാലക്കും സാധ്യതയുള്ള ഘട്ടത്തിൽ കടലിലേക്ക് മത്സ്യബന്ധന യാനങ്ങൾ ഇറക്കുന്നത് പോലെ തന്നെ അപകടകരമാണ് കരക്കടുപ്പിക്കുന്നതും. ആയതിനാൽ തിരമാല ശക്തിപ്പെടുന്ന ഘട്ടത്തിൽ കടലിലേക്ക് ഇറക്കുന്നതും കരക്കടുപ്പിക്കുന്നതും ഒഴിവാക്കേണ്ടതാണ്.

4. INCOIS മുന്നറിയിപ്പ് പിൻവലിക്കുന്നത് വരെ ബീച്ചുകൾ കേന്ദ്രീകരിച്ചുള്ള വിനോദസഞ്ചാരമുൾപ്പെടെയുള്ള എല്ലാ പ്രവർത്തനങ്ങളും പൂർണ്ണമായി ഒഴിവാക്കേണ്ടതാണ്.

5. മത്സ്യബന്ധന യാനങ്ങൾ (ബോട്ട്, വള്ളം, മുതലായവ) ഹാർബറിൽ സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങൾ തമ്മിൽ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മത്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.

6. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കുക.

7. തീരശോഷണത്തിനു സാധ്യതയുള്ളതിനാൽ പ്രത്യേകം ജാഗ്രത പുലർത്തുക.

ഫോണിനൊപ്പം കിട്ടുന്ന ചെറിയ പിൻ; സിം ട്രേ തുറക്കുക മാത്രമല്ല ഇവയുടെ ഉപയോഗം

0

പുതിയ ഫോൺ വാങ്ങുമ്പോൾ അതിനൊപ്പം ഒരു പിൻ ലഭിക്കുന്നത് പതിവാണ്. സിം ട്രേ തുറക്കാൻ മാത്രമാണ് ഈ പിൻ എന്നാണ് പലരും ധരിച്ചുവെച്ചിരിക്കുന്നത്. എന്നാൽ സിം സ്ലോട്ടുകൾ തുറക്കാൻ വേണ്ടി മാത്രമല്ല. ഇതിന് വേറെയുമുണ്ട് ഉപകാരങ്ങൾദീർഘനേരം ഉപയോഗിക്കുന്നത് കൊണ്ട് ഫോൺ ഹാങ്ങാവാനുള്ള സാധ്യത വളരെ കൂടുതലാണ്. ഇത്തരം സാഹചര്യത്തിൽ ഈ പിൻ ഉപയോഗിച്ച് ഈ പ്രശ്നം പരിഹരിക്കാൻ സാധിക്കും. പല ഫോണുകളിലും ഒരു റീസെറ്റ് ഹോളുണ്ട്. ഈ പിൻ ഉപയോഗിച്ച് അമർത്തി ഫോൺ റീസ്റ്റാർട്ട് ചെയ്യാം. പല സ്മാർട്ട് ഫോണുകളും ഇങ്ങനെ ചെയ്യാൻ സാധിക്കും. പല സ്മാർട്ട് ഫോണുകളിലും ഇങ്ങനെ ചെയ്യാൻ സാധിക്കും.

അഴുക്കുകൾ നീക്കം ചെയ്ത് ചെറിയ ദ്വാരങ്ങൾ വൃത്തിയാക്കാനും ഈ പിൻ ഉപകരിക്കും. കൂടാതെ പ്രത്യേക സിം, മെമ്മറി കാർഡ് സ്ലോട്ടുകളുള്ള ഫോണുകളിലെ രണ്ട് ട്രേകളും തുറക്കാനും ഈ പിൻ സഹായകമാണ്. പല വൈഫൈ റൂട്ടറുകളിലും ചെറിയ റീസെറ്റ് ഹോളുകൾ ഉണ്ടാവും. ഈ പിൻ ഉപയോഗിച്ച് 10-15 സെക്കൻഡ് അമർത്തിയാൽ ഫാക്ടറി റീസെറ്റ് ആവും.ഇത്തരം ഉപയോഗങ്ങളൊക്കെ ഉണ്ടെങ്കിലും, ചില കാര്യങ്ങൾ ചെയ്യാൻ ഈ പിൻ ഉപയോഗിക്കരുത്. ചാർജിംഗ് പോർട്ട്, മൈക്രോഫോൺ ഹോൾ എന്നിവയിൽ ഇത് ഉപയോഗിച്ച് കുത്തിയാൽ ഈ ഉപകരണങ്ങൾ കേടുവന്നേക്കാം.

പൊലീസ് ചിട്ടയിൽ വളർന്ന് സൂര്യകാന്തിപ്പൂക്കൾ! കാഴ്ചയുടെ വസന്തമൊരുക്കി പൊലീസ് ഓഫിസർ

0

കൊയിലാണ്ടി:സൂര്യകാന്തിപ്പൂക്കളുടെ മനോഹരമായ കാഴ്ച നടുവത്തൂരിലെ ഓറോക്കുന്ന് മലയിലും! സീനിയർ സിവിൽ പൊലീസ് ഓഫിസർ ഒ.കെ.സുരേഷിന്റെ കൃഷിയിടത്തിൽ പൂത്തുലഞ്ഞ് ‘സല്യൂട്ട്’ അടിച്ചു നിൽക്കുകയാണ് സൂര്യകാന്തികൾ.പരീക്ഷണാടിസ്ഥാനത്തിൽ രണ്ടര മാസം മുൻപ് നട്ട നാനൂറോളം സൂര്യകാന്തി ചെടികളാണ് പൂർണ വളർച്ചയെത്തിയത്. കൃഷിയിടത്തിലെ പ്രധാന ആകർഷണങ്ങളായി ഓറഞ്ചും മഞ്ഞയും വെള്ളയും ചെണ്ടുമല്ലിയുമുണ്ട്. ഒപ്പം വാടാ മല്ലിയും ഭംഗി കൂട്ടുന്നു. വർഷങ്ങളായി കൃഷിമേഖലയിൽ സജീവമായ സുരേഷ്, പൊലീസ് ജോലിക്കിടയിലെ ഒഴിവു സമയങ്ങളിലാണ് കുടുംബത്തോടോപ്പം കൃഷിയിടത്തിൽ എത്തുന്നത്.

കഴിഞ്ഞ വർഷം നടത്തിയ ചെണ്ടുമല്ലി കൃഷിയിൽ നിന്ന് ലഭിച്ച മികച്ച വിളവാണ് ഇത്തവണയും കൃഷിയിറക്കാൻ പ്രചോദനം. കൃഷിയിൽ സുരേഷിനെ സഹായിക്കുന്നത് കീഴരിയൂർ പഞ്ചായത്തിലെ അഗ്രികൾചറൽ റിസോഴ്സ് പഴ്സൻ കൂടിയായ ഭാര്യ ശോഭയും മക്കളായ സൂര്യ പ്രഭയും സൂര്യ നന്ദയുമാണ്. ബാലുശ്ശേരി പൊലീസ് സ്റ്റേഷനിൽ സീനിയർ സിവിൽ പൊലീസ് ഓഫിസർ (ഡ്രൈവർ) ആണ് നടുവത്തൂർ നെല്ലിയുള്ളതിൽ താഴ ഒ.കെ.സുരേഷ്.

കോഴിക്കോട് ജില്ലയിലെ റേഷൻ തടസ്സം പരിഹരിച്ചു; നാളെ മുതൽ പൂർണ്ണതോതിൽ വിതരണ: മന്ത്രി അനൂപ് ജേക്കബ്

0

കോഴിക്കോട്:കോഴിക്കോട് ജില്ലയിലെ ഓണം സ്‌പെഷൽ അരി, ഓണക്കിറ്റ് വിതരണത്തിലുണ്ടായിരുന്ന സാങ്കേതിക തടസ്സങ്ൾ പൂർണ്ണമായി പരിഹരിച്ചതായും നാളെ (ഓഗസ്റ്റ് 19) മുതൽ വിതരണം പൂർണ്ണതോതിലാകുമെന്നും ഭക്ഷ്യ-പൊതുവിതരണ വകുപ്പ് മന്ത്രി അനൂപ് ജേക്കബ് തിരുവനന്തപുരത്ത് അറിയിച്ചു. എഫ്.സി.ഐ. ഗോഡൗണുകളിൽ അരി സ്റ്റോക്കില്ലാതിരുന്നതാണ് റേഷൻ കടകളിൽ വിതരണം വൈകാൻ കാരണമായതെന്നും, പുതിയ സ്റ്റോക്ക് എത്തിയതോടെ അരി വിട്ടുകൊടുക്കാൻ തുടങ്ങിയതായും അദ്ദേഹം വ്യക്തമാക്കി. ഓണക്കാലത്തെ വിലക്കയറ്റം തടയാൻ അരിമില്ലുകൾ, പച്ചക്കറി കടകൾ, റീടെയിൽ മാർക്കറ്റുകൾ എന്നിവിടങ്ങളിൽ സ്പെഷ്യൽ സ്‌ക്വാഡുകൾ വഴി പരിശോധന ഊർജിതമാക്കാൻ കളക്ടർമാർക്ക് നിർദ്ദേശം നൽകിയിട്ടുണ്ട്. കൂടാതെ അടിയന്തര സാഹചര്യം കണക്കിലെടുത്ത് കോഴിക്കോട്, മലപ്പുറം ജില്ലകളിലെ ബന്ധപ്പെട്ട ഉദ്യോഗസ്ഥരോട് അവധിയെടുക്കരുതെന്ന് നിർദ്ദേശിച്ചിട്ടുണ്ടെന്നും സപ്ലൈകോ, എഫ്‌സിഐ, മറ്റ് വകുപ്പ് ഉദ്യോഗസ്ഥർ പങ്കെടുത്ത അവലോകന യോഗത്തിന് ശേഷം മന്ത്രി പറഞ്ഞു.

ഓണത്തിന് സംസ്ഥാനത്ത് ആശ്വാസ പ്രഖ്യാപനങ്ങൾ; സാമൂഹിക ക്ഷേമ പെൻഷൻ നാളെ മുതൽ വിതരണം ചെയ്യും

0

തിരുവനന്തപുരം: ഓണത്തിന് മുന്നോടിയായി വിവിധ വിഭാഗങ്ങൾക്ക് സാമ്പത്തിക സഹായങ്ങൾ പ്രഖ്യാപിച്ച് മുഖ്യമന്ത്രി. സാമൂഹിക ക്ഷേമ പെൻഷൻ ഗുണഭോക്താക്കൾക്ക് നാളെ (19 ആഗസ്റ്റ് 2026) മുതൽ പെൻഷൻ വിതരണം ആരംഭിക്കുമെന്ന് മുഖ്യമന്ത്രി അറിയിച്ചു. ഇതിനായി 1105 കോടി രൂപ അനുവദിച്ചു.സംസ്ഥാനത്തെ ജീവനക്കാർക്കും അധ്യാപകർക്കും 4500 രൂപ ബോണസും 20,000 രൂപ ഓണം അഡ്വാൻസും നൽകും. ആശാ പ്രവർത്തകർക്കും അങ്കണവാടി പ്രവർത്തകർക്കും 1450 രൂപ വീതം ഓണത്തോടനുബന്ധിച്ചുള്ള സഹായമായി അനുവദിക്കുമെന്നും മുഖ്യമന്ത്രി അറിയിച്ചു.പിന്നാക്ക വിഭാഗക്കാർക്കുള്ള പെൻഷൻ കുടിശിക ഉൾപ്പെടെയുള്ള തുക വിതരണം ചെയ്യും. നെല്ല് സംഭരണവുമായി ബന്ധപ്പെട്ട കുടിശികയും അനുവദിച്ചിട്ടുണ്ട്. സപ്ലൈകോയ്ക്ക് 53 കോടി രൂപ അനുവദിക്കാനും തീരുമാനമായി.

തൊഴിലുറപ്പ് തൊഴിലാളികൾക്കും ഓണക്കാലത്ത് സഹായം ലഭിക്കും. ഓരോ തൊഴിലാളിക്കും 1200 രൂപ വീതം നൽകുമെന്ന് മുഖ്യമന്ത്രി അറിയിച്ചു.അങ്കണവാടി ജീവനക്കാരുടെ കുടിശിക തീർക്കുന്നതിനായി 34 കോടി രൂപ അനുവദിച്ചതായും വി.ഡി. സതീശൻ അറിയിച്ചു. പാചകത്തൊഴിലാളികൾക്ക് പുതുക്കിയ നിരക്കിലുള്ള തുക ഉൾപ്പെടെ നൽകുമെന്നും അദ്ദേഹം വ്യക്തമാക്കി.ഓണത്തിന് വിവിധ വിഭാഗങ്ങളിലുള്ളവർക്ക് ആശ്വാസം നൽകുന്നതിനായാണ് സർക്കാർ സാമ്പത്തിക സഹായങ്ങൾ പ്രഖ്യാപിച്ചിരിക്കുന്നത്.സംസ്ഥാനത്തെ ഓണക്കിറ്റ് വിതരണത്തിനുള്ള ഒരുക്കങ്ങൾ പുരോഗമിക്കുന്നു. ആറ് ലക്ഷം ഓണക്കിറ്റുകൾ തയ്യാറാക്കിയതായി സർക്കാർ അറിയിച്ചു. ഇതിൽ പകുതിയിലധികം കിറ്റുകൾ റേഷൻ കടകളിൽ എത്തിച്ചുകഴിഞ്ഞു.

ഇന്ന് ഉച്ചവരെ 75,000ത്തിലധികം ഓണക്കിറ്റുകൾ വിതരണം ചെയ്തതായും അധികൃതർ അറിയിച്ചു. ശേഷിക്കുന്ന കിറ്റുകൾ കൂടി റേഷൻ കടകളിൽ എത്തിച്ച് വിതരണം വേഗത്തിലാക്കും.ഓണക്കാലത്ത് ഉപഭോക്താക്കൾക്ക് ആശ്വാസം നൽകുന്നതിനായി 13 സബ്സിഡി സാധനങ്ങൾ വില വർധനയില്ലാതെ നൽകുന്നുണ്ടെന്നും അധികൃതർ വ്യക്തമാക്കി. ഇതിന് പുറമെ 10 ഇനങ്ങൾക്ക് കഴിഞ്ഞ ഓണക്കാലത്തെ അപേക്ഷിച്ച് വില കുറച്ചതായും അറിയിച്ചു.

ഓണക്കാലത്ത് പ്രവാസികളെ വെട്ടിലാക്കി വിമാനക്കമ്പനികള്‍; വന്‍ തുക ചെലവാക്കി ടിക്കറ്റ് എടുത്തിട്ടും യാത്ര മുടങ്ങി

0

കൊച്ചി: ഓണാഘോഷത്തിനായി നാട്ടിലേക്ക്​ വരുന്നവരും സ്കൂൾ തുറക്കുന്നതിനാൽ ഗൾഫിലേക്ക്​ പോകുന്നവരുമായ പ്രവാസികളെ ദുരിതത്തിലാക്കി വിമാന കമ്പനികൾ. 24 മണിക്കൂറിനിടെ ഗൾഫ്​- കേരള സെക്ടറിൽ അഞ്ചിലധികം വിമാനങ്ങൾ മണിക്കൂറുകൾ വൈകി. ഇന്നലെ രാത്രിയിലെ കൊച്ചി- അബൂദബി എയർ ഇന്ത്യ വിമാനത്തിന്​ ടിക്കറ്റെടുത്ത നൂറിലധികം പേർക്ക്​ യാത്ര ചെയ്യാനായില്ല. ഇവരിൽ പലരും ഇപ്പോഴും കൊച്ചി വിമാനത്താവളത്തിന്​ സമീപത്തെ ഹോട്ടലുകളിൽ തുടരുന്നു. ഗൾഫ്​ – കേരള സെക്ടറിൽ ഏറ്റവും തിരക്കുള്ള സമയത്ത്​ തന്നെയാണ്​ വിമാനകമ്പനികളുടെ നടപടികൾ മൂലം യാത്രക്കാർ പ്രതിസന്ധിയിലാകുന്നത്​.

തിരക്ക്​ കണക്കിലെടുത്ത്​ ടിക്കറ്റ്​ നിരക്ക്​ വൻതോതിൽ ഉയർത്തിയെങ്കിലും സമയക്രമം പാലിക്ക​ാനോ ലഗേജുകൾ സമയത്ത്​ എത്തിക്കാനോ കമ്പനികൾ തയാറാകാത്തത്​ യാത്രക്കാരെ ദുരിതത്തിലാക്കുകയാണ്​. ഓവർ ബുക്കിങ്​ അടക്കം സാങ്കതിക കാരണങ്ങൾ പറഞ്ഞ്​ ഇന്നലെ രാ​ത്രി 9.30നുള്ള കൊച്ചി- അബൂദബി വിമാനത്തിൽ നൂറിലധികം പേരുടെ യാത്രയാണ്​ മുടങ്ങിയത്​. ഇവരിൽ കുറച്ചുപേർക്ക്​ മാത്രമാണ്​ പകരം സംവിധാനം കമ്പനി ഒരുക്കി നൽകിയിട്ടുള്ളത്​. ബാക്കിയുള്ളവർ എപ്പോൾ പോകു​മെന്ന്​ അറിയാനാകാതെ ഹോട്ടലിൽ തുടരുകയാണ്​.ഇന്നലെ രാത്രിയും ഇന്ന്​ പുലർ​ച്ചെയുമായി നിരവധി സർവീസുകളും വൈകിയിട്ടുണ്ട്​. ഷാർജ- കോഴിക്കോട്​, ദുബൈ- തിരുവനന്തപുരം, അബൂദബി- കോഴിക്കോട്​ എയർ ഇന്ത്യ സർവീസുകളും മണിക്കൂറുകൾ വൈകി. ഷാർജയിൽ നിന്ന്​ കോഴിക്കോട്ടേക്കുള്ള വിമാനത്തിൽ യാത്രക്കാരെ കയറ്റി മൂന്ന്​ മണിക്കൂറിലധികമാണ്​ റൺവേക്ക്​ സമീപം നിർത്തിയിട്ടത്​. സ്​പൈസ്​ ജെറ്റ്​ വിമാനത്തിൽ കോഴിക്കോട്​ നിന്ന്​ യു.എ.ഇയിലേക്ക്​ യാത്ര ചെയ്ത യാത്രക്കാരിൽ ചിലർക്ക്​ രണ്ട്​ ദിവസം ക​ഴിഞ്ഞിട്ടും ലഗേജ്​ കിട്ടിയിട്ടില്ലെന്ന പരാതിയുമുണ്ട്​. വിമാന കമ്പനികൾ യാത്രക്കാർക്ക്​ സൗകര്യം ഒരുക്കാനോ കൃത്യമായി മറുപടി പറയാനോ തയാറല്ലെന്നും യാത്രക്കാർ പരാതിപ്പെടുന്നു.