തിരുവനന്തപുരം: മിൽമയുടെ പേരിൽ 50,000 രൂപ സമ്മാനം എന്ന പേരിൽ പ്രചരിക്കുന്ന സന്ദേശവും ലിങ്കും വ്യാജമാണെന്ന് മിൽമ അധികൃതർ അറിയിച്ചു. ഇത്തരം വ്യാജസന്ദേശങ്ങളാൽ വഞ്ചിതരകാതിരിക്കാൻ പൊതുജനങ്ങൾ ജാഗ്രത പാലിക്കണം. വ്യാജ സന്ദേ ശത്തിനെതിരേ മിൽമ ഔദ്യോഗിക സമൂഹ മാധ്യമ അ ക്കൗണ്ടുകൾ വഴി മുന്നറിയിപ്പ് നൽകിയിട്ടുണ്ട്.നേരത്തെ മിൽമ വാർഷികാഘോഷ സമ്മാനം ‘മിൽമയുടെ സ്വാതന്ത്ര്യദിന സമ്മാനം’ തുടങ്ങിയ പേരുകളിൽ വ്യാജ ലിങ്കുകൾ വാട്സ്ആപ്പ് ഗ്രൂപ്പുകളിൽ പ്രചരിച്ചിരുന്നു. പിന്നീട് മിൽമ സ്വീകരിച്ച നിയമപരമായ നടപടികളെ തുടർന്ന് അത് നീക്കം ചെയ്തു. ഉത്സ വാഘോഷ വേളകളിൽ സമ്മാന, വാഗ്ദാന പദ്ധതിക ൾ പുറത്തിറക്കുന്ന രീതി മിൽമയ്ക്കില്ലെന്നും ഭാവിയിലും ഇത്തരം വ്യാജ സന്ദേശങ്ങളിൽ പൊതുജനങ്ങൾ കബളിപ്പിക്കപ്പെടരുതെന്നും അധികൃതർ അറിയിച്ചു.
സംസ്ഥാനത്ത് വീണ്ടും സ്വർണ വില കുറഞ്ഞു
സംസ്ഥാനത്ത് സ്വർണ വിലയിൽ വൻ ഇടിവ്. ഇന്ന് രാവിലെ കേരളാ ഗോൾഡ് ആന്റ് സിൽവർ മെർച്ചന്റ്സ് അസോസിയേഷൻ പുറത്തു വിട്ട കണക്കുകൾ പ്രകാരം 22 കാരറ്റ് സ്വർണം ഗ്രാമിന് 155 രൂപയാണ് കുറഞ്ഞിരിക്കുന്നത്. പവൻ വിലയിൽ കണക്കാക്കുമ്പോൾ 1240 രൂപയുടെ കുറവാണ് ഉണ്ടായിരിക്കുന്നത്. ഇന്ന് ഗ്രാമിന് 13,235 രൂപയിലും പവന് 1,05,880 രൂപയിലുമാണ് വ്യാപാരം നടക്കുന്നത്.
ചൊവ്വാഴ്ച്ച വൈകുന്നേരത്തോടെ സ്വർണ വില പവന് 800 രൂപയോളം കുറഞ്ഞ് ഗ്രാമിന് 13,390 രൂപയും പവന് 1,07,120 രൂപയുമായിരുന്നു. ഇതിന് പിന്നാലെ ഇന്നലെ രാവിലെ സ്വർണ വിലയിൽ മാറ്റമില്ലാതെ തുടരുകയായിരുന്നു. അന്താരാഷ്ട്ര വിലയിലെ കയറ്റിറക്കങ്ങളാണ് കേരളത്തിലെയും സ്വർണ വിലയെ സ്വാധീനിക്കാറുള്ളത്. അതേ സമയം, വെള്ളി വിലയിൽ ദിവസങ്ങളായി മാറ്റമില്ലാതെ തുടരുന്ന നിലയാണ്. നിലവിൽ വെള്ളി ഗ്രാമിന് 30 രൂപയിലും 10 ഗ്രാമിന് 2,300 രൂപയും എന്ന കണക്കിലാണ് വ്യാപാരം നടക്കുന്നത്.
കഴിഞ്ഞ 10 ദിവസങ്ങളിലെ സ്വർണ നിരക്കുകൾ
ഒക്ടോബർ 22- 1,05,880 രൂപ
ഒക്ടോബർ 21- 1,07,120 രൂപ
ഒക്ടോബർ 20- ഉച്ചയ്ക്ക് 1,07,120 രൂപ| രാവിലെ 1,07,920 രൂപ
ഒക്ടോബർ 19- 1,08,560 രൂപ
ഒക്ടോബർ 18- 1,08,280 രൂപ
ഒക്ടോബർ 17- 1,08,280 രൂപ
ഒക്ടോബർ 16- 1,08,120 രൂപ
ഒക്ടോബർ 15- 1,08,120 രൂപ
ഒക്ടോബർ 14- 1,08,720 രൂപ
ഒക്ടോബർ 13- 1,09,480 രൂപ
ഒക്ടോബർ 12- രാവിലെ 1,10,720 രൂപ| വൈകീട്ട് 1,09,760 രൂപ
മീഞ്ചന്തയിൽ അച്ഛന്റെ അടിയേറ്റ് മകൻ മരിച്ചതിൽ കൂടുതൽ വിവരങ്ങൾ പുറത്ത്; മകൻ 10 വർഷമായി ലഹരിക്കടിമ.
കോഴിക്കോട്: മീഞ്ചന്തയിൽ അച്ഛന്റെ അടിയേറ്റ് മകൻ മരിച്ച സംഭവത്തിൽ കൂടുതൽ വിവരങ്ങൾ പുറത്ത്. മിസ്ഹബ് ആണ് (31) പിതാവ് ഉമർകോയയുടെ ആക്രമണത്തിൽ കൊല്ലപ്പെട്ടത്. മിസ്ഹബിന്റെ മർദനത്തിൽ നിന്ന് രക്ഷപ്പെടാനുള്ള ഉമർകോയയുടെ ശ്രമമാണ് മരണത്തിൽ കലാശിച്ചത്. മർദനത്തിൽ പരിക്കേറ്റ ഉമർകോയ കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലാണ്.10 വർഷത്തിലേറെയായി മിസ്ഹബ് ലഹരി ഉപയോഗത്തിന് അടിമയായിരുന്നുവെന്നാണ് നാട്ടുകാർ പറയുന്നത്. എം.ഡി.എം.എ അടക്കമുള്ള ലഹരിവസ്തുക്കൾ ഇയാൾ ഉപയോഗിച്ചിരുന്നു. മകനെ ലഹരിവിമുക്തനാക്കാൻ ഉമർകോയ ഒരുപാട് ചികിത്സകൾ നടത്തിയിരുന്നുവെങ്കിലും ഫലം കണ്ടില്ല.പിതാവിന്റെ സ്ക്രാപ് ബിസിനസിലെ സാധനങ്ങളും വീട്ടുസാധനങ്ങളും അടക്കം മോഷ്ടിച്ച് വിൽപന നടത്തിയാണ് മിസ്ഹബ് ലഹരിമരുന്ന് വാങ്ങാൻ പണം കണ്ടെത്തിയത് എന്നും നാട്ടുകാർ പറയുന്നു.ലഹരി ഉപയോഗിക്കുന്നത് മൂലം വീട്ടിൽ കടുത്ത അക്രമ സ്വഭാവമാണ് ഇയാൾ കാണിച്ചിരുന്നത്. മിസ്ഹബിന്റെ സ്വഭാവം കാരണം മൂത്ത സഹോദരൻ താമസം മാറി. വഴിയാത്രക്കാരെയും അയൽവാസികളെയും ഉപദ്രവിക്കുന്ന രീതിയിലേക്ക് വരെ ഇയാളുടെ സ്വഭാവം മാറിയതായും ആരോപണമുണ്ട്. സംഭവദിവസവും ലഹരിമരുന്ന് ഉപയോഗത്തെ ചൊല്ലി വീട്ടിൽ വാക്കുതർക്കവും അക്രമവും ഉണ്ടായി. തർക്കത്തിനിടെ വീട്ടുമുറ്റത്ത് കിടന്നിരുന്ന പൈപ്പ് ഉപയോഗിച്ച് ഉമ്മര്കോയ മകന്റെ തലക്ക് അടിക്കുകയായിരുന്നു.ഗുരുതരമായി പരിക്കേറ്റ മിസ്ഹബിനെ കോഴിക്കോട് മെഡിക്കല് കോളജില് എത്തിച്ചെങ്കിലും ജീവന് രക്ഷിക്കാനായില്ല. സംഭവത്തിൽ ഉമർകോയക്കെതിരെ പന്നിയങ്കര പൊലീസ് കേസെടുത്തിട്ടുണ്ട്.
ട്രെയിൻ അട്ടിമറിക്ക് ശ്രമിച്ചത് ജോലികിട്ടാത്തതിന്റെ പകയിൽ; ദുരന്തം ഒഴിവാക്കിയത് ലോക്കോപൈലറ്റ്, യുവാവ് പിടിയിൽ.
ഷൊർണൂർ: മാന്നനൂർ-ഷൊർണൂർ റെയിൽവേ സ്റ്റേഷനുകൾക്കിടയിൽ പാളത്തിൽ കോൺക്രീറ്റും ഇരുമ്പു കഷ്ണവും കയറ്റിവെച്ചനിലയിൽ കണ്ടെത്തി. സംഭവത്തിൽ ബിഹാർ സ്വദേശിയെ അറസ്റ്റ് ചെയ്തു. ബിഹാർ കത്തിഹാർ ജില്ല മനിഹരി നീമ പോസ്റ്റ് ഡോംടോലയിൽ ഷുക്ലാൽ മറയ്യ (24) ആണ് റെയിൽവേ സുരക്ഷാസേനയുടെ പിടിയിലായത്. ചൊവ്വാഴ്ച ഉച്ചയോടെ മാന്നനൂർ റെയിൽവേ സ്റ്റേഷന് സമീപം കണ്ണൂർ-കോയമ്പത്തൂർ എക്സ്പ്രസ് കടന്നുപോകുന്ന സമയത്താണ് സംഭവം.വലിയ കോൺക്രീറ്റ് സ്ലാബ്, റെയിൽപ്പാളത്തിൻ്റെ കഷ്ണം, ബാഗ് എന്നിവ കണ്ടെത്തുകയായിരുന്നു.കണ്ണൂർ-കോയമ്പത്തൂർ തീവണ്ടിയിലെ ലോക്കോ പൈലറ്റാണ് എതിർദിശയിലെ പാളത്തിൽ അപകടാവസ്ഥകണ്ട് അറിയിച്ചത്. ഇതോടെ റെയിൽവേ ജീവനക്കാരെത്തി ഇവ നീക്കംചെയ്തു. ഒറ്റപ്പാലം, ഷൊർണൂർ പോലീസും റെയിൽവേ സുരക്ഷാസേനയും സ്ഥലത്തെത്തിയിരുന്നു.തുടർന്നുനടത്തിയ അന്വേഷണത്തിലാണ് ഷുക്ലാൽ മറയ്യയെ റെയിൽവേ സുരക്ഷാസേന പിടികൂടിയത്.തീവണ്ടി മറിയുമെന്ന് അറിയാമെന്നും ജോലിയൊന്നും ലഭിക്കാത്തതിനാൽ സമൂഹത്തോടുള്ള ദേഷ്യമാണ് ഇങ്ങനെചെയ്യാൻ പ്രേരിപ്പിച്ചതെന്നുമാണ് ഇയാളുടെ മൊഴി. മാന്നനൂർഭാഗത്തുനിന്ന് നടന്നുവന്നാണ് പാളത്തിൽ കോൺക്രീറ്റും ഇരുമ്പുകഷ്ണവും വെച്ചതെന്നും ഇയാൾ പറഞ്ഞു. ഇയാളെ കോടതിയിൽ ഹാജരാക്കി റിമാൻഡ് ചെയ്തു.
നാല് ദിവസം കൂടി തീവ്ര മഴ; എട്ടു ജില്ലകളിൽ ഓറഞ്ച് അലർട്ട്.
തിരുവനന്തപുരം: അടുത്ത നാല് ദിവസം കൂടി സംസ്ഥാനത്ത് അതിതീവ്ര മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിൻ്റെ മുന്ന റിയിപ്പ്. എറണാകുളം, തൃശൂ ർ, മലപ്പുറം, കോഴിക്കോട് ജി ല്ലകളിൽ ഇന്ന് ഓറഞ്ച് അലർട്ട് പ്രഖ്യാപിച്ചു. കോഴിക്കോട്, കണ്ണൂർ, കാസർഗോഡ് ജില്ല കളിൽ ശനിയാഴ്ചയും ഇടു ക്കി, എറണാകുളം, തൃശൂർ പാലക്കാട്, മലപ്പുറം, കോഴി ക്കോട്, വയനാട് ജില്ലകളിൽ ഞായറാഴ്ചയും യെല്ലോ അ ലർട്ട് ആയിരിക്കും.ഇവിടങ്ങളിലെ ചില പ്രദേശ ങ്ങളിൽ 24 മണിക്കൂറിൽ 12 മു തൽ 20 സെന്റിമീറ്റർ വരെയുള്ള അതിശക്ത മഴയ്ക്കാണ് സാ ധ്യത. തിരുവനന്തപുരം, കൊ ല്ലം, ആലപ്പുഴ, പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം, വയനാട്, കണ്ണൂർ, കാസർഗോഡ് ജില്ലകളിൽ ഇന്ന്യെല്ലോ അലർട്ട് പ്രഖ്യാപിച്ച തായും കാലാവസ്ഥാ നിരീ ക്ഷണ കേന്ദ്രം അറിയിച്ചു. അതിശക്തമായ മഴയ്ക്കെക്കൊപ്പം ഇടിമിന്നലിനും സാധ്യത യുള്ളതിനാൽ ജാഗ്രത പാലി ക്കണമെന്ന് സംസ്ഥാന ദുരന്ത നിവാരണ അഥോറിറ്റിയും മുന്നറിയിപ്പു നൽകിയിട്ടുണ്ട്.സംസ്ഥാനത്ത് വ്യാപകമായി മഴ പെയ്തു. നാളെ രാവിലെ വരെ ചില സ്ഥലങ്ങളിൽ തീവ്ര മഴയ്ക്കു സാധ്യതയുണ്ട്.
പെൻഷൻ: ഡി.ബി.ടി പരിഷ്കാരത്തിൽ വഴിമുട്ടി മത്സ്യത്തൊഴിലാളികൾ.
കോഴിക്കോട്: ക്ഷേമപെൻഷൻ വിതരണം ആധാർ അധിഷ്ഠിത ഡയറക്ട് ബെനിഫിറ്റ് ട്രാൻസ്ഫർ (ഡി.ബി.ടി) സംവിധാനത്തിലേക്ക് മാറിയതോടെ മത്സ്യത്തൊഴിലാളികൾക്കുള്ള പെൻഷൻ വിതരണം അവതാളത്തിലായതായി ആക്ഷേപം. രണ്ടു മാസമായി പലർക്കും പെൻഷൻ മുടങ്ങിയ അവസ്ഥയാണ്. ആധാർ ബാങ്ക് അക്കൗണ്ടുമായി ബന്ധിപ്പിക്കൽ, എൻ.പി.സി.ഐ മാപ്പിംഗ്, ഇ-കെ.വൈ.സി, ഡി.ബി.ടി സീഡിങ് തുടങ്ങിയ നടപടിക്രമങ്ങൾ ഡിജിറ്റൽ സംവിധാനങ്ങളുടെ ഭാഗമാണ്. ഇതേക്കുറിച്ച് അജ്ഞരായ മത്സ്യത്തൊഴിലാളികളാണ് പെൻഷൻ ലഭിക്കാതെ ദുരിതത്തിലായത്.
പ്രായമായവരിൽ പലർക്കും ദീർഘദൂരം യാത്ര ചെയ്യാനും മണിക്കൂറുകളോളം ബാങ്കുകളിലും സർക്കാർ ഓഫീസുകളിലും കാത്തുനിൽക്കാനും കഴിയാത്തതാണ് അർഹതപ്പെട്ട പെൻഷൻ നിഷേധിക്കപ്പെടാൻ കാരണം. പാസ്ബുക്കുമായി പഞ്ചായത്ത് ഓഫീസുകളിലും ബന്ധപ്പെട്ട സ്ഥാപനങ്ങളിലും കയറിയിറങ്ങുന്ന മത്സ്യത്തൊഴിലാളികൾക്ക് വ്യക്തമായ മറുപടി ലഭിക്കുന്നില്ലെന്നും പരാതിയുണ്ട്. പുതിയ സംവിധാനത്തിലേക്കുള്ള മാറ്റം സംബന്ധിച്ച നിർദേശങ്ങൾ താഴെത്തട്ടിൽ ലഭിക്കാത്തതുകാരണം ജീവനക്കാർ കൈമലർത്തുകയാണ്. പോർട്ടലുകളിലെ അപ്ഡേറ്റുകളും നടപടിക്രമങ്ങളും വൈകുന്നതും പെൻഷൻ ലഭിക്കാൻ തടസ്സമാകുന്നു.സ്ഥിരമായ പ്രതിമാസ വരുമാനമില്ലാത്ത മത്സ്യത്തൊഴിലാളി കുടുംബങ്ങൾക്ക് വാർധക്യകാല പെൻഷൻ മരുന്നിനും ഭക്ഷണത്തിനും ദൈനംദിന ആവശ്യങ്ങൾക്കുമുള്ള ആശ്രയമാണ്. രണ്ടു മാസത്തെ പെൻഷൻ മുടങ്ങുന്നത് അക്കൗണ്ടിൽ പണം വരാത്തതെന്ന രൂപത്തിൽ ലളിതമായ പ്രശ്നമായി കാണാനാവില്ലെന്ന് തീരമേഖലയിൽ പ്രവർത്തിക്കുന്ന സാമൂഹിക പ്രവർത്തകർ വ്യക്തമാക്കുന്നു. കടം വാങ്ങേണ്ടിവരിക, ചികിത്സ മാറ്റിവെക്കുക, വീട്ടിലെ മറ്റ് ആവശ്യങ്ങൾ വെട്ടിക്കുറയ്ക്കുക തുടങ്ങിയ ഗുരുതര പ്രശ്നങ്ങളാണ് വാർധക്യ കാലത്ത് തൊഴിലാളികൾ അഭിമുഖീകരിക്കുന്നത്.പെൻഷൻ തടസ്സം നേരിടുന്നവരെ കണ്ടെത്തി കുടിശ്ശിക വിതരണം ചെയ്യണമെന്നതാണ് അവരുടെ ആവശ്യം. ബാങ്ക് അക്കൗണ്ട്, ആധാർ ബന്ധിപ്പിക്കൽ, എൻ.പി.സി.ഐ മാപ്പിങ്, ഇ-കെ.വൈ.സി തുടങ്ങിയ പ്രശ്നങ്ങൾ തിരിച്ചറിയാനും പരിഹരിക്കുന്നതിന് അപേക്ഷ നൽകാനും ഗുണഭോക്താക്കളെ സഹായിക്കുന്നതിന് തീരദേശത്ത് പ്രത്യേക സഹായകേന്ദ്രങ്ങൾ ആരംഭിക്കണം. ഓരോ മത്സ്യഭവനിലും പ്രാദേശിക കേന്ദ്രങ്ങളിലും ഡി.ബി.ടി സഹായകേന്ദ്രങ്ങൾ പ്രവർത്തിപ്പിക്കാവുന്നതാണ്. അപേക്ഷ നൽകിയാൽ അതിന്റെ പുരോഗതി അറിയാനുള്ള സംവിധാനം വേണമെന്നും തൊഴിലാളികൾ ആവശ്യപ്പെടുന്നു.വീടുകളിലെത്തുന്ന സേവനങ്ങൾ വ്യാപിപ്പിക്കണമെന്ന ആവശ്യവുമുണ്ട്. ആരോഗ്യപരമായോ പ്രായാധിക്യം മൂലമോ ബാങ്കിലെത്താൻ കഴിയാത്ത വയോധികർക്കായി ഇന്ത്യ പോസ്റ്റ് പേയ്മെന്റ് ബാങ്ക് ഉൾപ്പെടെയുള്ള ലഭ്യമായ സേവനങ്ങൾ പ്രയോജനപ്പെടുത്താവുന്നതാണ്. ആധാർ അധിഷ്ഠിത ബാങ്കിങ് സേവനങ്ങൾ വീട്ടുപടിക്കൽ ലഭ്യമാക്കാൻ കഴിയുന്നിടത്ത് അതിനുള്ള ക്രമീകരണം ഒരുക്കണം. ഇതിനായി ബാങ്കുകൾ, തദ്ദേശസ്ഥാപനങ്ങൾ, ഫിഷറീസ് വകുപ്പ് എന്നിവ ഏകോപനത്തോടെ പ്രവർത്തിപ്പിക്കുന്നതിനും സംവിധാനമൊരുക്കണം.ഡിജിറ്റൽ സാക്ഷരത ദീർഘകാല പദ്ധതിയാക്കിയാലേ ഇത്തരം പരിഷ്കാരങ്ങൾ സുതാര്യമായി നടപ്പാക്കാനാവൂ എന്ന് മത്സ്യമേഖലയിൽ ഗവേഷണം നടത്തുന്ന എൻ.പി. ഹംസ വ്യക്തമാക്കുന്നു. മത്സ്യത്തൊഴിലാളികളുടെ മക്കൾ, സന്നദ്ധപ്രവർത്തകർ, കുടുംബശ്രീ പ്രവർത്തകർ, അക്ഷയ കേന്ദ്രങ്ങൾ എന്നിവരുടെ സഹകരണത്തോടെ തീരദേശ വാർഡുകളിൽ പരിശീലന പരിപാടികൾ സംഘടിപ്പിക്കണമെന്ന ആവശ്യവുമുണ്ട്. ബാങ്ക് അക്കൗണ്ട് പരിശോധിക്കൽ, ഡിജിറ്റൽ ഇടപാടുകളിലെ സുരക്ഷ, ഒ.ടി.പി തട്ടിപ്പുകൾ തിരിച്ചറിയൽ, സർക്കാർ ആനുകൂല്യങ്ങൾക്കുള്ള അപേക്ഷകൾ എന്നിവയിൽ പ്രായോഗിക പരിശീലനം നൽകണമെന്ന ആവശ്യവും പരിഗണിക്കേണ്ടതുണ്ടെന്ന് അദ്ദേഹം കൂട്ടിച്ചേർത്തു.
പൊലീസിനെ ആക്രമിച്ച് പ്രതിയെ മോചിപ്പിക്കൽ: യൂത്ത് ലീഗുകാരുടെ സ്റ്റേഷൻ ജാമ്യം വിവാദത്തിൽ, പൊലീസിൽ അമർഷം.
നാദാപുരം: ഡ്യൂട്ടിയിലുണ്ടായിരുന്ന പൊലീസുകാരെ ആക്രമിച്ച്, കസ്റ്റഡിയിലെടുത്ത പ്രതിയെ പൊലീസ് ജീപ്പിൽനിന്ന് ബലമായി മോചിപ്പിച്ച കേസിൽ പ്രതികളായ യൂത്ത് ലീഗ് പ്രവർത്തകർക്ക് സ്റ്റേഷൻ ജാമ്യം നൽകിയത് വിവാദമാകുന്നു.ഔദ്യോഗിക കൃത്യനിർവഹണം തടസ്സപ്പെടുത്തിയതടക്കം ജാമ്യമില്ലാ വകുപ്പുകൾ ചുമത്തി കേസെടുത്തിട്ടും ഉന്നത ഇടപെടലിനെത്തുടർന്ന് പ്രതികളെ വിട്ടയച്ച നടപടിയിൽ സേനയ്ക്കുള്ളിൽ കടുത്ത അതൃപ്തിയും അമർഷവും പുകയുകയാണ്. കഴിഞ്ഞാഴ്ച നാദാപുരം ഗവ. കോളേജ് യൂനിയൻ തെരഞ്ഞെടുപ്പുമായി ബന്ധപ്പെട്ടുണ്ടായ അക്രമ സംഭവങ്ങൾക്കിടെയാണ് കേസിനാസ്പദമായ സംഭവം നടന്നത്.
തെരഞ്ഞെടുപ്പ് വിജയാഘോഷ പ്രകടനത്തിനിടെ എസ്.എഫ്.ഐയുടെ പതാക നശിപ്പിച്ച സംഭവത്തിൽ എം.എസ്.എഫ് പ്രവർത്തകനെ നാദാപുരം എസ്.ഐയുടെ നേതൃത്വത്തിലുള്ള പൊലീസ് സംഘം കസ്റ്റഡിയിലെടുത്തിരുന്നു.എന്നാൽ, യൂത്ത് ലീഗ്-എം.എസ്.എഫ് പ്രവർത്തകർ സംഘടിച്ചെത്തി പൊലീസിനെ കൈയേറ്റം ചെയ്യുകയും ജീപ്പിൽനിന്ന് പ്രതിയെ ബലമായി മോചിപ്പിച്ച് കൊണ്ടുപോവുകയുമായിരുന്നു.യൂത്ത് ലീഗ് ജില്ലാ വൈസ് പ്രസിഡൻ്റ് ഈന്തുള്ളതിൽ ഹാരിസിൻ്റെ നേതൃത്വത്തിൽ കണ്ടാലറിയാവുന്ന പതിമൂന്നോളം പേരും പേരറിയാവുന്ന ഏഴുപേരുമടങ്ങിയ സംഘമാണ് പൊലീസിനെ ആക്രമിച്ചതെന്ന് എഫ്.ഐ.ആറിൽ വ്യക്തമാക്കുന്നുണ്ട്. സംഭവത്തിൽ എസ്.ഐയുടെ പരാതിയിൽ ജാമ്യമില്ലാ വകുപ്പുകൾ പ്രകാരം കേസെടുത്തെങ്കിലും, കേസിൽ ഉൾപ്പെട്ട ഏഴ് പ്രതികൾക്കാണ് കഴിഞ്ഞദിവസം സ്റ്റേഷനിൽവെച്ച് ജാമ്യം അനുവദിച്ചത്.കോളജ് പരിസരത്ത് അരങ്ങേറിയ സംഘർഷത്തിൻ്റെയും പൊലീസിനെ ആക്രമിച്ച് പ്രതിയെ മോചിപ്പിക്കുന്നതിൻ്റെയും ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചിരുന്നു.വ്യക്തമായ തെളിവുകളും ഗൗരവമേറിയ വകുപ്പുകളും ഉണ്ടായിരുന്നിട്ടും ഉന്നതതല സമ്മർദങ്ങൾക്ക് വഴങ്ങി പ്രതികളെ വിട്ടയക്കേണ്ടി വന്നത് സേനയ്ക്ക് വലിയ നാണക്കേടായെന്ന നിലപാടിലാണ് ഒരുവിഭാഗം ഉദ്യോഗസ്ഥർ. ഇതിനെതിരെ പൊലീസുകാർക്കിടയിൽ ശക്തമായ പ്രതിഷേധം ഉയർന്നിട്ടുണ്ട്.എന്നാൽ സംഭവത്തിൽ പൊലിസ് നടപടിക്കെതിരെ ലീഗ്, യൂത്ത് ലീഗ് നേതാക്കൾ പ്രതിഷേധവുമായി രംഗത്തിറങ്ങിയിരുന്നു.
കനത്ത മഴ തുടരുന്നു; എല്ലാ ജില്ലകളിലും മുന്നറിയിപ്പ്, പാറശ്ശാലയില് റെയില്വേ ട്രാക്കിലേക്ക് മണ്ണ് ഇടിഞ്ഞുവീണു.
തിരുവനന്തപുരം: സംസ്ഥാനത്ത് കനത്ത മഴ തുടരുന്നു. ഇന്ന് എല്ലാ ജില്ലകളിലും മഴ മുന്നറിയിപ്പുണ്ട്. എറണാകുളം, തൃശൂര്, മലപ്പുറം, കോഴിക്കോട് ജില്ലകളില് ഓറഞ്ച് അലേര്ട്ടും മറ്റെല്ലാ ജില്ലകളിലും യെല്ലോ അലേര്ട്ടുമായിരിക്കും. മഴ ശക്തമാകുന്ന സാഹചര്യത്തില് അടുത്ത നാല് ദിവസം 14 ജില്ലകളിലും മഴ മുന്നറിയിപ്പ് നല്കിയിട്ടുണ്ട്. മഴയ്ക്കൊപ്പം ശക്തമായ കാറ്റിനും ഇടിമിന്നലിനും സാധ്യതയുണ്ടെന്നും മുന്നറിയിപ്പുണ്ട്.തിരുവനന്തപുരം പാറശ്ശാലയില് റെയില്വേ ട്രാക്കിലേക്ക് മണ്ണ് ഇടിഞ്ഞുവീണ് ട്രെയിന് ഗതാഗതം പൂര്ണ്ണമായും തടസ്സപ്പെട്ടു.ബിലാസ്പൂര് – തിരുനെല്വേലി എക്സ്പ്രസ് ട്രെയിന് പാളത്തില് നിന്ന് തെന്നിമാറി അപകടത്തില്പ്പെട്ടു. ട്രാക്കിലെ മണ്ണ് നീക്കം ചെയ്യാനുള്ള അടിയന്തര നടപടികള് പുരോഗമിക്കുകയാണ്.
വഴിയില് പിടിച്ചിട്ടിരിക്കുന്ന ട്രെയിനുകള്
താംബരം- തിരുവനന്തപുരം സെന്ട്രല് സ്പെഷ്യല്മധുര- പുനലൂര് എക്സ്പ്രസ്താംബരം- തിരുവനന്തപുരം സെന്ട്രല് അമൃത് ഭാരത് എക്സ്പ്രസ്പുറപ്പെടാൻ വൈകുന്ന ട്രെയിനുകള്
കന്യാകുമാരി- മംഗളൂരു സെന്ട്രല് പരശുറാം എക്സ്പ്രസ്നാഗര്കോവില് ജങ്ഷന്- പുനലൂര് പാസഞ്ചര്
തിരുവനന്തപുരം നോര്ത്ത്- നാഗര്കോവില് ജങ്ഷന് പാസഞ്ചര്പുനലൂര്- കന്യാകുമാരി പാസഞ്ചര്
തിരുവനന്തപുരം സെന്ട്രല്- താംബരം എക്സ്പ്രസ്
സൗദി എണ്ണപ്പാടത്തിന് നേരെ ഹൂതി ആക്രമണം; രണ്ട് പേര്ക്ക് ദാരുണാന്ത്യം, ഇന്ത്യന് പൗരനുള്പ്പെടെ പരിക്ക്.
റിയാദ്: സൗദി എണ്ണപ്പാടത്തിന് നേരെയുണ്ടായ ഹൂതി ആക്രമണത്തില് രണ്ടുപേര് കൊല്ലപ്പെട്ടു. ഷായ്ബ എണ്ണപ്പാടത്തിന് നേരെയാണ് ആക്രമണമുണ്ടായത്. ഒരു ഇന്ത്യന് പൗരനും ഒരു പാകിസ്താന് പൗരനും ഉള്പ്പെടെ പരിക്കേറ്റു എന്നാണ് റിപ്പോര്ട്ട്. ഡ്രോണിന്റെ അവശിഷ്ടങ്ങള് പതിച്ചാണ് രണ്ട് പേര് കൊല്ലപ്പെട്ടത്. നേപ്പാളി, ഫിലിപ്പീന്സ് പൗരന്മാരാണ് കൊല്ലപ്പെട്ടതെന്നാണ് സൗദിയുടെ ഊര്ജ മന്ത്രാലയം അറിയിക്കുന്നത്.അതിനിടെ കിംഗ് ഫഹദ് വിമാനത്താവളത്തിലും ആക്രമണം ഉണ്ടായെന്നാണ് അന്താരാഷ്ട്ര മാധ്യമങ്ങൾ റിപ്പോര്ട്ട് ചെയ്യുന്നത്. ഇതില് ഒരാള് കൊല്ലപ്പെടുകയും എട്ട് പേര്ക്ക് പരിക്ക് ഏല്ക്കുകയും ചെയ്തു. മദീനയുടെ ഭാഗത്ത് നിന്ന് നാല് ഡ്രോണുകള് വെടിവെച്ചിട്ടതായാണ് സൗദി അവകാശപ്പെടുന്നത്. സൗദിയില് കനത്ത നാശനഷ്ടം ഉണ്ടായതായാണ് സിവില് ഏവിയേഷന് അറിയിച്ചിരിക്കുന്നത്. കിഴക്കന് പ്രവിശ്യയിലും നാശനഷ്ടങ്ങള് ഉണ്ടായെന്നും ഡ്രോണ് വെടിവെച്ചിട്ടെന്നും സൗദി അറിയിക്കുന്നു. ഇന്നലെ ഹൂതി ശക്തി കേന്ദ്രമായ തായിസിലടക്കം സൗദി സഖ്യ സേനയുടെ ആക്രമണം ഉണ്ടായിരുന്നു. ഇതില് ഇരുന്നൂറില് അധികം ഹൂതി വിമതരെ വധിച്ചെന്നാണ് സൗദി അവകാശപ്പെട്ടിരുന്നത്.അതേസമയം യുദ്ധത്തിലേക്ക് ഈജിപ്റ്റും കടന്നു വരുന്നു എന്ന വാര്ത്തയും പുറത്ത് വരുന്നുണ്ട്. സൗദിക്ക് പിന്തുണയുമായി പാകിസ്താനും തുര്ക്കിയും രംഗത്ത് വന്നതിന് പിന്നാലെയാണ് ഹൂതികളുടെ കടന്നുവരവ് കൂടി ഉണ്ടാകുന്നത്. അതിനിടെ അമേരിക്കന് സര്ക്കാര് അവരുടെ ഉദ്യോഗസ്ഥരോട് സൗദി വിടാന് ആവശ്യപ്പെട്ടിരിക്കുകയാണ്. അടിയന്തര പ്രാധാന്യമുള്ള ജോലികള് നിര്വഹിക്കുന്നവര് ഒഴികെ ഉള്ള എല്ലാവരും സൗദി വിട്ട് മടങ്ങി വരാനാണ് നിര്ദ്ദേശം. അതിശക്തമായ ആക്രമണങ്ങള് വരും ദിവസങ്ങളിലും ഉണ്ടായേക്കാമെന്ന ആശങ്കയാണ് ഉയരുന്നത്.അതേസമയം തങ്ങളെ ആക്രമിക്കുന്ന ഏത് രാജ്യത്തേക്കും കടന്നുകയറുമെന്ന് ഇറാന്റെ ഇസ്ലാമിക് റെവല്യൂഷണറി ഗാര്ഡ് കോര്പ്സ് ഭീഷണി മുഴക്കിയിട്ടുണ്ട്. തങ്ങളുടെ പ്രതിരോധ നയം ആക്രമണാത്മക രീതിയിലേക്ക് മാറ്റിയതായി ഐആര്ജിസി വക്താവ് ഹുസൈന് മൊഹെബ്ബി അറിയിച്ചു. മാന്യവും സമാധാനപരവുമായ പരിഹാരം കണ്ടെത്താന് ഇറാന് ഉറച്ചുനില്ക്കുന്നുണ്ടെങ്കിലും, സ്വയം പ്രതിരോധിക്കാന് തങ്ങള് പൂര്ണ്ണ സജ്ജരാണ് എന്ന് ഇറാന് വിദേശകാര്യ മന്ത്രി അബ്ബാസ് അരാഗ്ചി പറഞ്ഞു.
അടുത്ത മൂന്ന് മണിക്കൂറിൽ പ്രതീക്ഷിക്കാവുന്ന ദിനാന്തരീക്ഷാവസ്ഥ (Weather)
അടുത്ത 3 മണിക്കൂറിൽ കേരളത്തിലെ *പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂർ, മലപ്പുറം, കോഴിക്കോട്, (ഓറഞ്ച് അലർട്ട് : അടുത്ത മൂന്ന് മണിക്കൂർ മാത്രം)* ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.



