spot_img
Thursday, November 19, 2026
Home Blog Page 4

തിരൂരങ്ങാടിയിൽ 14കാരൻ ഷോക്കേറ്റ് മരിച്ച സംഭവം; മാപ്പ് പറഞ്ഞ് കെഎസ്ഇബി

0

മലപ്പുറം: തിരൂരങ്ങാടിയിൽ 14കാരൻ ഷോക്കേറ്റ് മരിച്ച സംഭവത്തിൽ പൊതുജനങ്ങളോട് മാപ്പ് പറഞ്ഞ് കെഎസ്ഇബി. സംഭവത്തിൽ ഉത്തരവാദികളായ ഉദ്യോഗസ്ഥർക്കെതിരെ കർശന നടപടി സ്വീകരിക്കുമെന്ന് കെ.എസ്.ഇ.ബി വ്യക്തമാക്കി. ഒരിക്കലും സംഭവിക്കാൻ പാടില്ലാത്ത കാര്യമാണ് സംഭവിച്ചതെന്നും അപകടങ്ങൾ ആവർത്തിക്കാതിരിക്കാൻ അടിയന്തര നടപടികൾ സ്വീകരിക്കുമെന്നും അധികൃതർ അറിയിച്ചു.തിരൂരങ്ങാടി ഇലക്ട്രിക്കൽ സർക്കിൾ ഡെപ്യൂട്ടി ചീഫ് എൻജിനീയറുടെ നേതൃത്വത്തിൽ സംഭവത്തിൽ അന്വേഷണം നടത്തും. അപകടത്തിന് ഉത്തരവാദികളായവരെ കണ്ടെത്തി നടപടി സ്വീകരിക്കുമെന്നും കെഎസ്ഇബി അറിയിച്ചു.

ഇതിനിടെ, സംഭവത്തിൽ പ്രതിഷേധിച്ച് ഡിവൈഎഫ്ഐ വെന്നിയൂർ കെഎസ്ഇബി ഓഫീസിലേക്ക് പ്രതിഷേധ മാർച്ച് നടത്തി. കുറ്റക്കാരായ ഉദ്യോഗസ്ഥർക്കെതിരെ നടപടി സ്വീകരിക്കണമെന്നാവശ്യപ്പെട്ടായിരുന്നു മാർച്ച്.അപകടങ്ങൾ ആവർത്തിക്കാതിരിക്കാൻ സംസ്ഥാനത്തെ വൈദ്യുതി ലൈനുകളിൽ പരിശോധനയും പട്രോളിങ്ങും ശക്തമാക്കുമെന്ന് കെഎസ്ഇബി അറിയിച്ചു. അപകടസാധ്യതകൾ കണ്ടെത്തി അടിയന്തരമായി പരിഹരിക്കുന്നതിനുള്ള നടപടികളും സ്വീകരിക്കും.ഫേസ്ബുക്കിന്റെ പൂർണരൂപംമലപ്പുറം തിരൂരങ്ങാടിയിൽ വൈദ്യുത പോസ്റ്റിന്റെ സ്റ്റേ വയറിൽ നിന്നും ഷോക്കേറ്റ് 14 വയസ്സുള്ള ജുനൈദ് എന്ന കുട്ടിക്ക് ജീവഹാനിയുണ്ടായത് വളരെ സങ്കടകരമാണ്. ഒരിക്കലും സംഭവിക്കരുതാത്തതാണ് സംഭവിച്ചത്. പൊതുജനസമക്ഷം മാപ്പ് പറയുന്നു.

പൊതുജനങ്ങളുടെയും ജീവനക്കാരുടെയും സുരക്ഷ അതിപ്രധാനമായാണ് കെ എസ് ഇ ബി പരിഗണിക്കുന്നത്. ഇത്തരം അപകടങ്ങൾ ഇനി ആവർത്തിക്കാതിരിക്കാൻ കാര്യക്ഷമമായ നടപടികൾ ഉണ്ടാകും.അപകടമുണ്ടാകാനുണ്ടായ സാഹചര്യം നിഷ്പക്ഷമായും കൃത്യമായും തിരൂർ ഇലക്ട്രിക്കൽ സർക്കിൾ ഡെപ്യൂട്ടി ചീഫ് എഞ്ചിനീയറുടെ നേതൃത്വത്തിൽ അന്വേഷിച്ച് ഉത്തരവാദികളായവർക്കെതിരെ കർശന നടപടി ഉണ്ടാകും.എല്ലാ ലൈനുകളും പട്രോളിംഗ് നടത്തി അപകടസാധ്യത കണ്ടെത്തി ഒഴിവാക്കുന്നതിന് അടിയന്തിര നടപടി സ്വീകരിക്കും .ഇത്തരം അപകടങ്ങൾ ഒഴിവാക്കുന്നതിൻ വൈദ്യുതി സംബന്ധമായ അപകടസാധ്യത ശ്രദ്ധയിൽപ്പെട്ടാൽ ഫോട്ടോയും വിശദാംശങ്ങളും 94 96 01 01 01 എന്ന നമ്പരിൽ വാട്സാപ് ചെയ്ത് മാന്യ ഉപഭോക്താക്കൾ സഹകരിക്കണമെന്ന് അഭ്യർത്ഥിക്കുന്നു.

ഇനിയൊരിക്കൽക്കൂടി ഇത്തരമൊരു അപകടം ആവർത്തിക്കാതെയിരിക്കാൻ വേണ്ട എല്ലാ നടപടികളും ആത്മാർത്ഥമായി സ്വീകരിക്കും.ജുനൈദിന് ആദരാഞ്ജലികൾ അർപ്പിക്കുന്നു.കെ എസ് ഇ ബി മാനേജ്മെന്റിന്റെയും ജീവനക്കാരുടെയും പേരിൽ ജുനൈദിന്റെ മാതാപിതാക്കളുടെയും ബന്ധുക്കളുടെയും കൂട്ടുകാരുടെയും പൊതുജനങ്ങളുടെയും മുമ്പാകെ ഒരിക്കൽക്കൂടി മാപ്പ് പറയുന്നു.

മുഖ്യമന്ത്രിയുടേയും മറ്റ് ജനപ്രതിനിധികളുടേയും ശമ്പളം സ്പാര്‍ക്ക് വഴി; ജനുവരി മുതല്‍ പ്രാബല്യത്തില്‍

0

തിരുവനന്തപുരം : സംസ്ഥാനത്ത് മുഖ്യമന്ത്രി അടക്കമുള്ള ജനപ്രതിനിധികളുടെ ശമ്പളം ഇനി സ്പാര്‍ക്ക് വഴി. മുഖ്യമന്ത്രിക്ക് പുറമെ മന്ത്രിമാര്‍, സ്പീക്കര്‍, പ്രതിപക്ഷ നേതാവ്, എം എല്‍ എ മാര്‍ എന്നിവരുടെ ശമ്പളം സ്പാര്‍ക്ക് വഴി നല്‍കാനാണ് ധനവകുപ്പ് ഉത്തരവിറക്കിയിരിക്കുന്നത്.കൂടുതൽ കണ്ടെത്തുകസർക്കാർ ഉത്തരവുകൾ കാണൂകലണ്ടർ കാണുകഗവ. സേവനങ്ങൾശമ്പളവിതരണം വേഗത്തിലും സുതാര്യതയോടെയും നടപ്പാക്കുന്നതിന്റെ ഭാഗമായാണ് ജനപ്രതിനിധികളെയും ഈ സംവിധാനത്തിന് കൊണ്ടുവരുന്നത്.നിലവില്‍ ഭരണഘടനാ പദവികള്‍ വഹിക്കുന്നവരുടെ ശമ്പള ബില്ലുകള്‍ സ്പാര്‍ക്ക് വഴിയായിരുന്നില്ല. 2027 ജനുവരി മുതല്‍ ഇത് പ്രാബല്യത്തില്‍ വരുമെന്ന് ധനവകുപ്പ് ഇതുസംബന്ധിച്ച ഉത്തരവില്‍ പറഞ്ഞു. വേഗവും സുതാര്യതയും ഉറപ്പു വരുത്താനാണ് നടപടിയെന്നാണ് ഉത്തരവില്‍ വ്യക്തമാക്കുന്നത്. പുതിയ തീരുമാനപ്രകാരം പ്രൈവറ്റ് സെക്രട്ടറിമാര്‍ നല്‍കുന്ന റിപ്പോര്‍ട്ടിന്റെ അടിസ്ഥാനത്തില്‍ ശമ്പള ബില്ലുകള്‍ സ്പാര്‍ക്കില്‍ തയ്യാറാക്കും. തുടര്‍ന്ന് തുക നേരിട്ട് ബേങ്ക് അക്കൗണ്ടുകളിലേക്ക് വിതരണം ചെയ്യുംസര്‍ക്കാര്‍ ജീവനക്കാരുടെ ശമ്പളം, അലവന്‍സുകള്‍, മറ്റ് ആനുകൂല്യങ്ങള്‍ എന്നിവ ഓണ്‍ലൈനായി പ്രോസസ് ചെയ്യുന്നതിനും കൃത്യമായി വിതരണം ചെയ്യുന്നതിനുമുള്ള ഏകീകൃത സംവിധാനമാണ് സ്പാര്‍ക്ക്.

മകന്റെ സുഹൃത്താണെന്ന് വിശ്വസിപ്പിച്ച് വീട്ടമ്മയുടെ കമ്മൽ തട്ടിയെടുത്തു; പോലീസ് അന്വേഷണം ആരംഭിച്ചു.

0

കോഴിക്കോട് : മകന്റെ സുഹൃത്താണെന്ന് വിശ്വസിപ്പിച്ച് കാരശ്ശേരി വലിയപറമ്പിലെ ഫാത്തിമ എന്ന വീട്ടമ്മയുടെ കമ്മൽ തട്ടിയെടുത്തതായി പരാതി. അഞ്ച് ലക്ഷം രൂപ പാസായിട്ടുണ്ടെന്ന് തെറ്റിധരിപ്പിച്ചായിരുന്നു തട്ടിപ്പ് നടത്തിയത്.ഈ തുക കൈപ്പറ്റുന്നതിനായി 2,800 രൂപ നൽകണമെന്ന് പ്രതി വീട്ടമ്മയെ വിശ്വസിപ്പിച്ചു. തുടർന്ന് വീട്ടമ്മയുടെ ഫോൺ കൈക്കലാക്കിയ പ്രതി, സിം കാർഡ് മാറ്റുകയും മകനെ വിളിക്കുന്നതായി അഭിനയിച്ച് സംസാരിച്ച് ഉറപ്പുവരുത്തിയ ശേഷം ഇവരുടെ മുക്കാൽ പവനോളം വരുന്ന കമ്മൽ തട്ടിയെടുക്കുകയുമായിരുന്നു.സംഭവത്തിൽ വീട്ടമ്മയുടെ മകനും കൂടെയുണ്ടായിരുന്ന സാമൂഹിക പ്രവർത്തകരും ചേർന്ന് മുക്കം പോലീസിൽ പരാതി നൽകി. പരാതിയുടെ അടിസ്ഥാനത്തിൽ പോലീസ് അന്വേഷണം ആരംഭിച്ചിട്ടുണ്ട്. സമാനമായ തട്ടിപ്പ് സംഭവങ്ങൾ വർധിച്ചുവരുന്ന സാഹചര്യത്തിൽ പൊതുജനങ്ങൾ ജാഗ്രത പാലിക്കണമെന്നും മുൻകരുതലുകൾ സ്വീകരിക്കണമെന്നും പോലീസ് മുന്നറിയിപ്പ് നൽകി.

എൻ്റെ ഡ്രൈവിങ് അത്ര സൽപ്പേരുള്ളതല്ല, സ്പീഡ് ഇഷ്ടമാണ്, ഞാൻ നന്നാവാൻ തീരുമാനിച്ചു’: മമ്മൂട്ടി.

0

കൊച്ചി: സുയാത്ര മിഷന്റെ ബ്രാൻഡ് അംബാസിഡറായി തന്നെ തിരഞ്ഞെടുത്തെന്ന് കേട്ടപ്പോൾ പേടിച്ച് പോയെന്ന് നടൻ മമ്മൂട്ടി. തന്റെ ഡ്രൈവിങ്ങിന് അത്ര സൽപേരല്ല ഉള്ളതെന്നും നടൻ മമ്മൂട്ടി രസകരമായി ചൂണ്ടിക്കാണിച്ചു. റോഡ് സുരക്ഷ ലക്ഷ്യമിട്ട് സംസ്ഥാന സർക്കാർ ആരംഭിച്ച ‘ജീവ – സുയാത്ര മിഷൻ’ ഉദ്ഘാടന ചടങ്ങിൽ സംസാരിക്കുകയായിരുന്നു അദ്ദേഹം. സ്പീഡ് ഇഷ്ടമാണെന്നു ഏതായാലും താൻ നന്നാവാൻ തീരുമാനിച്ചെന്നും അദ്ദേഹം പറഞ്ഞു.താൻ വളരെ ആവേശത്തോടെ വണ്ടി ഓടിക്കുന്ന ആളാണ്. പക്ഷേ സ്പീഡ് ഉണ്ടെങ്കിലും ജാഗ്രതയും ഏകാഗ്രതയും വേണം. അപകടങ്ങൾ ഉണ്ടാകുന്നത് 99ശതമാനവും മനുഷ്യരുടെ പിഴവ് കൊണ്ടാണ്. യന്ത്രങ്ങളുടെ പിഴവ് ഒരു ശതമാനമേയുള്ളുവെന്നും മമ്മൂട്ടി ചൂണ്ടിക്കാണിച്ചു.സുയാത്ര മിഷൻ്റെ ബ്രാൻഡ് അംബാസിഡറായി എന്നെ തിരഞ്ഞെടുത്തെന്ന് കേട്ടപ്പോൾ ഞാൻ തന്നെ പേടിച്ച് പോയി. വേറൊന്നുമല്ല എന്റെ ഡ്രൈവിങ്ങിന് അത്ര സൽപ്പേരുള്ളതല്ല. സ്പീഡ് ഇഷ്ടമാണ്. സ്പീഡുണ്ടെങ്കിലും ജാഗ്രതയും ഏകാഗ്രതയും ശ്രദ്ധയും വേണം. പവർ ഹോൾഡ് ചെയ്യുമ്പോൾ അതിലൊരു ഉത്തരവാദിത്തം ഉണ്ടെന്ന് മനസിലാക്കിയാൽ വലിയ അപകടങ്ങൾ ഉണ്ടാകാതെ പോകാം. ഇങ്ങനെയാണ് ഞാൻ വണ്ടി ഓടിക്കാറ്. എന്നാൽ ഈയടുത്ത കാലത്തായി വണ്ടി ഓടിക്കാറില്ല. കാരണം ഒരുപാട് വാഹനങ്ങൾ ആയപ്പോൾ ഒരുപാട് തിരക്കുകളുള്ള വീഥികളായി. റോഡ് എത്ര നന്നാക്കിയാലും വാഹനങ്ങൾ കൂടുമ്പോൾ സ്വാഭാവികമായും അപകടവും കൂടും. റോഡപകടങ്ങളിൽ 99% പിഴവും മനുഷ്യന്റെ ഭാഗത്ത് നിന്നാണ് ഉണ്ടാകുന്നത്. നമ്മുടെ സുരക്ഷ എന്നത് മറ്റുള്ളവരുടെ കൈകളിലാണെന്ന് കരുതി റോഡിലൂടെ നടക്കരുത്. വീട്ടിലെ കോറിഡോറിലൂടെയോ ഡൈനിങ് റൂമിലോ നടക്കുന്നത് പോലെയാണ് പലരും റോഡിലൂടെ നടക്കുന്നത്. നമ്മുടെ സുരക്ഷ നമ്മൾ കൂടെ നോക്കണം. വീതി കൂടിയ റോഡികളിലൂടെയും മത്സരയോട്ടം നടത്തുന്ന ബസുകളുണ്ട്. ഇത്തരം മത്സരഓട്ടത്തിലാണ് അപകടങ്ങൾ കൂടുന്നത്. നമ്മളെ പോലെയാണ് റോഡിലൂടെ പോകുന്ന ആളുകളുടെ മനസും അവരുടെ കുടുംബവും എന്ന് ചിന്തിച്ചാൽ തീരാവുന്ന കാര്യങ്ങളെ ഉള്ളൂ. എന്നെ ഏൽപ്പിച്ചത് വലിയൊരു ഭാരമാണ്. ഞാൻ ആദ്യം നന്നാവണമല്ലോ ഞാൻ നന്നാവാൻ തീരുമാനിച്ചു. മുഖ്യമന്ത്രി പറഞ്ഞത് പോലെ ഏറ്റവും അപകടം കുറഞ്ഞ, തീരേ അപകടമില്ലാത്ത സംസ്ഥാനമായി കേരളം മാറട്ടെ’-മമ്മൂട്ടി പറഞ്ഞു.എന്നോട് ആരോ പറഞ്ഞു. ബസിന്റെ സമയം കൊടുക്കുന്നതു കൊണ്ടാണ് കുഴപ്പം. അതും കുറച്ചുകൂടെ വേണമെങ്കിൽ ശ്രദ്ധിക്കാം. തുടരെ തുടരെ മൂന്ന് മിനിറ്റ് മൂന്ന് മിനിറ്റ് വെച്ച് ബസുകൾ വരുമ്പോൾ സ്വാഭാവികമായിട്ടും അവർ കുറച്ചുകൂടെ വേഗത്തിൽ പോകും. മറ്റുള്ള ബസുകാർ അതിന്റെ പുറകെ മത്സരഓട്ടം നടത്താൻ സാധ്യതയുണ്ട്. അതൊക്കെ വേണമെങ്കിൽ നിയന്ത്രിക്കാം. അല്ലെങ്കിൽ റൂട്ടുകൾ മാറ്റി കൊടുക്കാം. കുറച്ചുകൂടെ ശ്രദ്ധ ചെലുത്തിയാൽ അതിന് കഴിയുമെന്നാണ് തോന്നുന്നത്. ഇതൊന്നും ആധികാരികമായി പറയാൻ ഞാൻ ഒരു വിദഗ്ധനൊന്നുല്ല. ഒരു സാധാരണയാൾ എന്ന നിലയിൽ പറയുകയാണ്.’- അദ്ദേഹം കൂട്ടിച്ചേർത്തു.

നെടുമ്പാശ്ശേരി മിനി കൂപ്പര്‍ അപകടം: പ്രതിക്കെതിരെ കൂടുതല്‍ വകുപ്പുകൾ.

0

കൊച്ചി: നെടുമ്പാശ്ശേരിയില്‍ മൂന്ന് യുവാക്കളുടെ ദാരുണാന്ത്യത്തിന് ഇടയാക്കിയ മിനി കൂപ്പര്‍ വാഹനാപകടത്തില്‍ അതിവേഗം കുറ്റപത്രം തയ്യാറാക്കി അന്വേഷണസംഘം. അപകടം നടന്ന് ഒരു മാസം പിന്നിടുമ്പോഴേക്കും അന്വേഷണം പൂര്‍ത്തിയാക്കി കുറ്റപത്രം സമര്‍പ്പിക്കാന്‍ ഒരുങ്ങുകയാണ് പൊലിസ്. കേസിലെ പ്രധാന പ്രതി സുഹൈല്‍ സജീവിനെതിരെ മനപ്പൂര്‍വമല്ലാത്ത നരഹത്യയ്ക്ക് പുറമെ മറ്റ് കര്‍ശനമായ വകുപ്പുകളും ചുമത്തിയിട്ടുണ്ടെന്നാണ് സൂചന. എറണാകുളം റൂറല്‍ എസ്പി സുദര്‍ശന്റെ മേല്‍നോട്ടത്തില്‍ ആലുവ ഡിവൈഎസ്പി ബൈജു പൗലോസിന്റെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിക്കുന്നത്.അമിതവേഗത സ്ഥിരീകരിച്ച് സാങ്കേതിക പരിശോധനഅപകടസമയത്ത് വാഹനം അമിതവേഗതയിലായിരുന്നുവെന്ന് ഇവന്റ് ഡാറ്റ റെക്കോര്‍ഡര്‍ (EDR) പരിശോധനയിലൂടെ വ്യക്തമായിട്ടുണ്ട്. ജര്‍മ്മനിയിലെ ബിഎംഡബ്ല്യൂ ആസ്ഥാനത്ത് നിന്നുള്ള വിദഗ്ധരുടെ സഹായത്തോടെ ശേഖരിച്ച വിവരങ്ങള്‍ കേസില്‍ നിര്‍ണായകമായി.

കരുനാഗപ്പള്ളിയിൽ കാർ ഡ്രൈവറുടെ ക്രൂരത; വാഹനം ഇടിച്ച ഭിക്ഷാടകനെ കാറിൽ കയറ്റി കൊണ്ടുപോയി വഴിയിൽ ഉപേക്ഷിച്ചു.

0

കൊല്ലം : കരുനാഗപ്പള്ളിയിൽ കാർ ഡ്രൈവറുടെ ക്രൂരത. വാഹനം ഇടിച്ച ഭിക്ഷാടകനെ കാറിൽ കയറ്റി വഴിയിൽ ഉപേക്ഷിച്ചു. വയോധികനുമായി കാർ ഒന്നര കിലോമീറ്ററോളം സഞ്ചരിച്ച ശേഷമാണ് ക്രൂരത. ചികിത്സയിലായിരുന്ന വയോധികൻ ഇന്നലെ രാവിലെയാണ് മരിച്ചത്. കാർ ഡ്രൈവർ കടത്തൂർ സ്വദേശി ഷാജഹാനെ അറസ്റ്റ് ചെയ്തു. കഴിഞ്ഞ ദിവസം രാത്രി 11 മണിയ്ക്കാണ് അപകടം. കരുനാഗപ്പള്ളി ആനന്ദ ജംഗ്ഷന് സമീപം വെച്ച് വയോധികനെ വാഹനം ഇടിക്കുകയായിരുന്നു. വീടെത്തുന്നതിന് ഏകദേശം 200 മീറ്റർ അകലെയാണ് വയോധികനെ ഇയാൾ ഉപേക്ഷിച്ചത്.നാട്ടുകാരാണ് ഒരാൾ പരുക്കുപറ്റി റോഡിൽ കിടക്കുന്നത് കണ്ടത്. കരുനാഗപ്പള്ളി താലൂക്ക് ആശുപത്രിയിൽ എത്തിക്കുകയും പരുക്ക് ഗുരുതരമായതിനാൽ വണ്ടാനം മെഡിക്കൽ കോളജിലേക്ക് മാറ്റുകയും ചെയ്തു. ചികിത്സയിലിരിക്കെ ഇന്നലെ രാവിലെയാണ് മരണം. സിസിടിവി കേന്ദ്രീകരിച്ചുള്ള അന്വേഷണത്തിലാണ് വാഹനം തിരിച്ചറിഞ്ഞത്.ഉടനെ ഇയാളെ അറസ്റ്റ് ചെയ്യുകയായിരുന്നു. കരുനാഗപ്പള്ളി പൊലീസിന്റെ നേതൃത്വത്തിൽ ഫോറൻസിക് സംഘം വാഹനത്തിൽ പരിശോധന നടത്തി.

മലപ്പുറം തിരൂരങ്ങാടിയിൽ സ്‌റ്റേ വയറിൽ നിന്ന് ഷോക്കേറ്റ് 14 കാരന് ദാരുണാന്ത്യം; KSEBക്കെതിരെ പരാതി.

0

മലപ്പുറം: തിരൂരങ്ങാടി ചെറുമുക്കില്‍ വൈദ്യുതി ലൈനിന്റെ സ്റ്റേ വയറില്‍ നിന്നും ഷോക്കേറ്റ് 14 കാരന് ദാരുണാന്ത്യം. ശിഹാബിന്റെ മകന്‍ ജുനൈദ് ആണ് മരിച്ചത്. രാവിലെ പത്തരയോടെയായിരുന്നു സംഭവം. സുഹൃത്തുക്കളോടൊപ്പം വയലില്‍ നില്‍ക്കുന്നതിനിടയിലാണ് അപകടം ഉണ്ടായത്. സുഹൃത്തുക്കള്‍ നോക്കി നില്‍ക്കെയാണ് കുട്ടിക്ക് ഷോക്കേറ്റത്.സംഭവ സ്ഥലത്തുവെച്ച് തന്നെ കുട്ടി മരിച്ചു. മൃതദേഹം തിരൂരങ്ങാടി താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്. വെന്നിയൂര്‍ കെഎസ്ഇബി സെക്ഷന്‍ പരിധിയിലാണ് അപകടം ഉണ്ടായത്. പല തവണ വിവരം അറിയിച്ചിട്ടും പരിഹരിക്കാന്‍ കെഎസ്ഇബി തയ്യാറായില്ലെന്ന് നാട്ടുകാര്‍ ആരോപിക്കുന്നു.

നിർമലാ സീതാരാമന്റെ വ്യാജ എ.ഐ. വീഡിയോ കാണിച്ച് വൻ തട്ടിപ്പ്: നടുവണ്ണൂർ സ്വദേശിക്ക് നഷ്ടമായത് 1.45 കോടി.

0

കോഴിക്കോട്: കേന്ദ്ര ധനമന്ത്രി നിർമല സീതാരാമന്റെ പേരിലുള്ള വ്യാജ എ.ഐ. വീഡിയോ സോഷ്യൽ മീഡിയ വഴി പ്രചരിപ്പിച്ച് വൻ ഓൺലൈൻ തട്ടിപ്പ്. നടുവണ്ണൂർ സ്വദേശിക്ക് ഒരു കോടി 45 ലക്ഷം രൂപയാണ് തട്ടിപ്പിലൂടെ നഷ്ടമായത്. ഒരാഴ്ചയ്ക്കിടെ സമാനമായ രീതിയിൽ കോഴിക്കോട് ജില്ലയിൽ റിപ്പോർട്ട് ചെയ്യപ്പെടുന്ന മൂന്നാമത്തെ തട്ടിപ്പാണിത്. സംഭവത്തിൽ കോഴിക്കോട് റൂറൽ സൈബർ പോലീസ് അന്വേഷണം ആരംഭിച്ചു.ട്രേഡിങ്ങിലൂടെ വൻ ലാഭം നേടാമെന്ന് കേന്ദ്രമന്ത്രി നിർമല സീതാരാമൻ വാഗ്ദാനം ചെയ്യുന്ന തരത്തിലുള്ള വ്യാജ എ.ഐ. വീഡിയോയാണ് തട്ടിപ്പുകാർ സോഷ്യൽ മീഡിയയിലൂടെ പ്രചരിപ്പിച്ചത്. ഇത് വിശ്വസിച്ച് വീഡിയോയ്ക്കൊപ്പമുള്ള ലിങ്കിൽ ക്ലിക്ക് ചെയ്‌തതോടെയാണ് നടുവണ്ണൂർ സ്വദേശി തട്ടിപ്പുകാരുടെ വലയിലായത്.ലിങ്കിൽ ക്ലിക്ക് ചെയ്‌ത ഉടൻ തന്നെ മലയാളത്തിൽ സംസാരിച്ച ഒരാൾ ഫോണിൽ വിളിക്കുകയും ട്രേഡിങ്ങിൽ പണം നിക്ഷേപിച്ചാൽ വലിയ ലാഭം ലഭിക്കുമെന്ന് വിശ്വസിപ്പിക്കുകയും ചെയ്തു. തുടർന്ന് ബാങ്ക് അക്കൗണ്ട് വിവരങ്ങൾ ഉൾപ്പെടെ കൈക്കലാക്കിയ സംഘം, ജൂൺ മുതൽ നവംബർ വരെയുള്ള അഞ്ച് മാസത്തിനിടെ 30 തവണകളായാണ് 1.45 കോടി രൂപ തട്ടിയെടുത്തത്.ഓരോ ഘട്ടത്തിലും മികച്ച ലാഭം വാഗ്ദാനം ചെയ്താണ് പണം നിക്ഷേപിക്കാൻ പ്രേരിപ്പിച്ചത്. എന്നാൽ, നിക്ഷേപിച്ച പണമോ വാഗ്ദാനം ചെയ ലാഭമോ തിരികെ ലഭിക്കാതെ വന്നതോടെയാണ് വഞ്ചിക്കപ്പെട്ട വിവരം പരാതിക്കാരൻ തിരിച്ചറിഞ്ഞത്.ഒരാഴ്ചയ്ക്കിടെ കോഴിക്കോട് ജില്ലയിൽ സമാന രീതിയിൽ നടക്കുന്ന മൂന്നാമത്തെ തട്ടിപ്പാണിത്. വടകരയിലെ വൃദ്ധ ദമ്പതികൾക്ക് സമാനമായ എ.ഐ. വീഡിയോ വിശ്വസിച്ച് ലിങ്കിൽ ക്ലിക്ക് ചെയ്ത‌തിനെ തുടർന്ന് 3 ലക്ഷം രൂപ നഷ്ടമായിരുന്നു. പെൻഷൻ തുകയും മറ്റുമായി ബാങ്കിൽ സൂക്ഷിച്ചിരുന്ന പണമാണ് ഇവർക്ക് നഷ്‌ടമായത്. ദിവസങ്ങൾക്ക് മുമ്പ് തിരുവമ്പാടിയിലും, കോടഞ്ചേരിയിലും സമാനമായ രീതിയിൽ വ്യാജ വീഡിയോ വഴിയുള്ള തട്ടിപ്പ് റിപ്പോർട്ട് ചെയ്തിരുന്നു. പരാതിയുടെ അടിസ്ഥാനത്തിൽ ബാങ്ക് അക്കൗണ്ടുകളും ഫോൺ കോളുകളും കേന്ദ്രീകരിച്ച് റൂറൽ സൈബർ പോലീസ് ഊർജിതമായ അന്വേഷണം നടത്തിവരികയാണ്.

സ്ത്രീകളുടെ ഫോട്ടോകള്‍ മോര്‍ഫ് ചെയ്ത് പ്രചരിപ്പിച്ച കേസ്; കോഴിക്കോട് സ്വദേശി അറസ്റ്റില്‍*

0

കോഴിക്കോട്:സ്ത്രീകളുടെ ഫോട്ടോകള്‍ മോർഫ് ചെയ്ത് പ്രചരിപ്പിച്ച കേസില്‍ യുവാവ് അറസ്റ്റില്‍. കോഴിക്കോട് വെള്ളിപ്പറമ്പ് സ്വദേശി ആറാംകണ്ടത്തില്‍ അശ്വിനെയാണ് പൊലീസ് അറസ്റ്റ് ചെയ്തത്.സ്ത്രീകളുടെ ചിത്രങ്ങള്‍ മോർഫ് ചെയ്ത് ഇവരുടെ ബന്ധുക്കള്‍ക്ക് അയച്ചുനല്‍കുകയായിരുന്നു പ്രതിയെന്നാണ് പരാതി. സംഭവത്തില്‍ ലഭിച്ച പരാതിയുടെ അടിസ്ഥാനത്തില്‍ നടത്തിയ അന്വേഷണത്തിനൊടുവിലാണ് അശ്വിനെ പിടികൂടിയത്. കേസില്‍ പൊലീസ് തുടർനടപടികള്‍ സ്വീകരിച്ചുവരികയാണ്

കോഴിക്കോട്-വയനാട് ജില്ലകളെ ബന്ധിപ്പിക്കുന്ന ബദൽ റോഡിന് മന്ത്രിയുടെ ഉറപ്പ്.

0

കോഴിക്കോട്: കോഴിക്കോട്-വയനാട് ജില്ലകളെ തമ്മിൽ ബന്ധിപ്പിക്കുന്ന മലയോര മേഖലയുടെ ചിരകാലാഭിലാഷമായ പൂഴിത്തോട്-പടിഞ്ഞാറത്തറ ബദൽ റോഡ് പദ്ധതിക്ക് വീണ്ടും ജീവൻ വയ്ക്കുന്നു. വനഭൂമി പരമാവധി കുറയുന്ന രീതിയിൽ പുതിയ അലൈൻമെന്റ് തയാറാക്കാൻ ഇടപെടൽ നടത്തുമെന്നും പദ്ധതിയുടെ തുടർനടപടികൾ ചർച്ച ചെയ്യുന്നതിനായി ഈ മാസം തന്നെ ഉന്നതതല യോഗം വിളിച്ചുചേർക്കുമെന്നും മന്ത്രി പി.കെ. ബഷീർ വ്യക്തമാക്കി. ​പദ്ധതി വേഗത്തിലാക്കണമെന്നാവശ്യപ്പെട്ട് ചക്കിട്ടപാറ പഞ്ചായത്ത് പ്രസിഡന്റ് മോളി തോമസ്, കൂരാച്ചുണ്ട് പഞ്ചായത്ത് പ്രസിഡന്റ് സിനി ജിനോ, കോൺഗ്രസ് ബ്ലോക്ക് സെക്രട്ടറി ബാബു കൂനംതടത്തിൽ എന്നിവരുടെ നേതൃത്വത്തിലുള്ള ജനപ്രതിനിധി സംഘം തിരുവനന്തപുരത്തെത്തി മന്ത്രിക്ക് നേരിട്ട് നിവേദനം നൽകിയപ്പോഴാണ് ഇക്കാര്യം വ്യക്തമാക്കിയത്. വർഷങ്ങളായി മുടങ്ങിക്കിടക്കുന്ന ഈ പാതയ്ക്ക് പ്രധാന തടസമായി നിൽക്കുന്നത് വനംവകുപ്പിന്റെ അനുമതിയാണ്. ഇത് മറികടക്കാൻ വനഭൂമി ഏറ്റവും കുറഞ്ഞ അളവിൽ മാത്രം ഏറ്റെടുക്കേണ്ടി വരുന്ന തരത്തിൽ പുതിയ അലൈൻമെന്റ് തയാറാക്കണമെന്ന് സംഘം ആവശ്യപ്പെട്ടു. ​വയനാട്ടിലേക്കുള്ള യാത്രയിൽ താമരശേരി ചുരത്തിലുണ്ടാകുന്ന രൂക്ഷമായ ഗതാഗതക്കുരുക്കിനും മണ്ണിടിച്ചിൽ ഭീഷണിക്കും ഏറ്റവും അനുയോജ്യമായ ബദൽ മാർഗമാണ് പൂഴിത്തോട് – പടിഞ്ഞാറത്തറ റോഡ്. റോഡ് യാഥാർഥ്യമാകുന്നതോടെ പെരുവണ്ണാമൂഴി, ചക്കിട്ടപാറ, കൂരാച്ചുണ്ട്, പടിഞ്ഞാറത്തറ പ്രദേശങ്ങളിലെ കാർഷിക-ടൂറിസം മേഖലകൾക്ക് വലിയ ഉണർവുണ്ടാകുമെന്നാണ് പ്രതീക്ഷ. കർഷകർക്ക് തങ്ങളുടെ ഉൽപന്നങ്ങൾ വേഗത്തിൽ വിപണിയിലെത്തിക്കാനും ഇതിലൂടെ സാധിക്കും. പൊതുമരാമത്ത്-വനം വകുപ്പ് ഉദ്യോഗസ്ഥരെയും ജനപ്രതിനിധികളെയും പങ്കെടുപ്പിച്ചുകൊണ്ട് ഈ മാസം തന്നെ പ്രത്യേക യോഗം ചേർന്ന് തുടർനടപടികൾക്ക് രൂപം നൽകുമെന്ന് സംഘത്തെ അറിയിച്ചു.