spot_img
Friday, November 20, 2026
Home Blog Page 82

പാർട്ട് ടൈം ജൂനിയർ ലാംഗ്വേജ് ടീച്ചർ (അറബിക്): പി.എസ്.സി അഭിമുഖം സെപ്റ്റംബർ 3-ന്.

0

കോഴിക്കോട് : ​കോഴിക്കോട് ജില്ലയിലെ വിദ്യാഭ്യാസ വകുപ്പിൽ പാർട്ട് ടൈം ജൂനിയർ ലാംഗ്വേജ് ടീച്ചർ (അറബിക്) (കാറ്റഗറി നം. 679/2025 – 1 NCA-SC) തസ്തികയുടെ ചുരുക്കപ്പട്ടികയിൽ ഉൾപ്പെടുകയും വൺ ടൈം വേരിഫിക്കേഷൻ പൂർത്തിയാക്കുകയും ചെയ്ത ഉദ്യോഗാർത്ഥികൾക്കുള്ള അഭിമുഖം സെപ്റ്റംബർ 3-ന് തിരുവനന്തപുരത്തെ കേരള പബ്ലിക് സർവീസ് കമ്മീഷൻ ആസ്ഥാന ഓഫീസിൽ നടക്കും. വ്യക്തിഗത ഇന്റർവ്യൂ മെമ്മോ അയച്ചു നൽകില്ല എന്നതിനാൽ, ഉദ്യോഗാർത്ഥികൾ പ്രൊഫൈലിൽ നിന്ന് അഡ്മിഷൻ ടിക്കറ്റ് ഡൗൺലോഡ് ചെയ്ത് അതിൽ പറയുന്ന രേഖകളും, പി.എസ്.സി വെബ്‌സൈറ്റിൽ നിന്നും ഡൗൺലോഡ് ചെയ്ത് പൂരിപ്പിച്ച പരിഷ്കരിച്ച കെ-ഫോമും (അപ്പൻഡിക്സ്-28) സഹിതം കൃത്യസമയത്ത് ഹാജരാകേണ്ടതാണ്; കൂടുതൽ വിവരങ്ങൾക്ക് 0495 2371971 എന്ന ഫോൺ നമ്പറിൽ ബന്ധപ്പെടുക.

കോഴിക്കോട് മെഡിക്കൽ കോളേജിൽ താത്കാലിക നിയമനം.

0

കോഴിക്കോട് : കോഴിക്കോട് ഗവ. മെഡിക്കൽ കോളേജ് മാതൃശിശു സംരക്ഷണ കേന്ദ്രത്തിൽ എച്ച്.ഡി.എസിന് കീഴിൽ ദിവസേന 755 രൂപ വേതനാടിസ്ഥാനത്തിൽ സെക്യൂരിറ്റി, ബ്ലഡ് ബാങ്ക് കൗൺസിലർ, റെസ്പിറേറ്ററി ടെക്നീഷ്യൻ എന്നീ തസ്തികകളിലേക്ക് താത്കാലിക നിയമനം നടത്തുന്നു. ജെ.സി.ഒ റാങ്കിൽ താഴെയുള്ള വിമുക്ത ഭടന്മാർ, പാരാമിലിറ്ററി, പോലീസ്, ഫയർഫോഴ്സ് എന്നിവയിൽ നിന്ന് വിരമിച്ച 60 വയസ്സുവരെയുള്ളവർക്കുള്ള സെക്യൂരിറ്റി ഇന്റർവ്യൂ സെപ്റ്റംബർ ഒന്നിനും, സോഷ്യൽ വർക്ക്/സൈക്കോളജിയിൽ മാസ്റ്റേഴ്സ് ഡിഗ്രിയും കമ്പ്യൂട്ടർ പരിജ്ഞാനവുമുള്ളവർക്കുള്ള ബ്ലഡ് ബാങ്ക് കൗൺസിലർ ഇന്റർവ്യൂ സെപ്റ്റംബർ രണ്ടിനും, 20-40 പ്രായപരിധിയിൽ ഡിപ്ലോമ ഇൻ റെസ്പിറേറ്ററി ടെക്നോളജി യോഗ്യതയുള്ളവർക്കുള്ള റെസ്പിറേറ്ററി ടെക്നീഷ്യൻ ഇന്റർവ്യൂ സെപ്റ്റംബർ മൂന്നിനും രാവിലെ 11.30-ന് ഐ.എം.സി.എച്ച് സൂപ്രണ്ട് ഓഫീസിൽ നടക്കും; താല്പര്യമുള്ളവർ അസ്സൽ സർട്ടിഫിക്കറ്റുകൾ സഹിതം നേരിട്ട് ഹാജരാകേണ്ടതാണ്.

വിണ്ടുകീറി കിടക്കുന്ന 50 അടി ഉയരമുള്ള കുന്ന്, താഴെ ചരക്കു ലോറികളുടെ പാർക്കിങ്; ഇത് അപകടമാണ്.

0

വടകര : ദേശീയപാതയിൽ സോയിൽ നെയ്‌ലിങ് തകർന്ന ഭാഗത്ത് ചരക്കു ലോറികൾ പാർക്ക് ചെയ്യുന്നത് പതിവായി. ഇവിടെ അൻപത് അടി ഉയരമുള്ള കുന്ന് വിണ്ടുകീറി കിടക്കുകയാണ്. ഏതുസമയവും ഇടിയുമെന്ന അവസ്ഥയാണ് ഉള്ളത്. ഇവിടെ കോൺക്രീറ്റ് ബാരിക്കേഡ് വച്ച് വാഹന ഗതാഗതത്തിന് നിയന്ത്രണം ഏർപ്പെടുത്തിയിട്ടുണ്ട്. ദേശീയപാത വഴി എത്തുന്ന ടാങ്കർ ലോറികൾ ഉൾപ്പെടെ ഇവിടെയാണു നിർത്തുന്നത്. അപകടാവസ്ഥ അറിയാതെയാണ് ദൂരെനിന്നു എത്തുന്ന ലോറികൾ ഡ്രൈവർമാർ പാ‍ർക്ക് ചെയ്യുന്നത്. പകൽ സമയം ഓടാൻ നിയന്ത്രണമുള്ള വലിയ ചരക്കു വാഹനങ്ങൾ മൂരാട് പുതിയ പാതയിൽ ഇരുഭാഗത്തുമായി നിർത്തിയിട്ട് ഡ്രൈവർമാർ വിശ്രമിക്കുന്നതു പതിവാണ്. മൂരാട്–പാലോളിപ്പാലം പാത നേരത്തെ പൂർത്തിയാവുകയും ഗതാഗതത്തിനു തുറന്നു കൊടുക്കുകയും ചെയ്തതിനു ശേഷമാണ് ഉയരമുള്ള ഭാഗം ഇടിയാതിരിക്കാൻ ഏർപ്പെടുത്തിയ സോയിൽ നെയ്‌ലിങ് 2 വർഷം മുൻപ് തകർന്നു വീണത്.കോഴിക്കോട്ടേക്കുള്ള 3 ട്രാക്കിൽ ഈ ഭാഗത്ത് ഒരു ട്രാക്കിലൂടെ മാത്രമാണു വാഹനങ്ങൾ പോകുന്നത്. ഇവിടെ സോളറിൽ പ്രവർത്തിക്കുന്ന മഞ്ഞ ലൈറ്റും സ്ഥാപിക്കുക ഉണ്ടായി. സോയിൽ നെയ്‌ലിങ് ഇടിഞ്ഞ ഭാഗത്ത് മുകളിലുള്ള വീട്ടുകാരും അപകട ഭീതിയിലാണ്. ഇവിടെ സംരക്ഷണ ഭിത്തി നിർമിക്കുമെന്ന് പറഞ്ഞിരുന്നു എങ്കിലും ചെറിയ ഭാഗത്തു മാത്രമാണു ഭിത്തി പണിതത്.

ഏഷ്യൻ കൗൺസിൽ ഫോർ മെന്റൽ ഹെൽത്ത് ആൻഡ് ന്യൂറോസയൻസസ് ഉദ്ഘാടനം ചെയ്തു.

0

കോഴിക്കോട്: പുതിയ കാലത്തെ ജീവിതക്രമത്തിൽ കുട്ടികൾക്കിടയിലെ ക്രിമിനലിസവും വൈകാരിക പ്രശ്നങ്ങളും വ്യാപകമായ പശ്ചാത്തലത്തിൽ മാനസികാരോഗ്യ മേഖലയിൽ സർക്കാർ -എൻ.ജി.ഒ സംയുക്ത സംരംഭങ്ങൾ അനിവാര്യമാണെന്ന് എം.കെ. രാഘവൻ എം.പി പറഞ്ഞു. ഡൽഹി ആസ്ഥാനമായ സന്നദ്ധസംഘടനയായ ഏഷ്യൻ കൗൺസിൽ ഫോർ മെന്റൽ ഹെൽത്ത് ആൻഡ് ന്യൂറോസയൻസസ് (അക്മാൻസിന്റെ) കോഴിക്കോട് ഘടകം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

പുതിയ തലമുറയിൽ ദുർബലമാകുന്ന മാനസിക ആരോഗ്യം വീണ്ടെടുക്കാൻ ഇംഹാൻസു പോലെയുള്ള സർക്കാർ സംവിധാനങ്ങളുമായി കൈ കോർത്ത് പ്രവർത്തിക്കണമെന്ന് എം.പി പറഞ്ഞു. മാനസികാരോഗ്യ ചികിത്സ തേടാൻ പൊതുവെ കാണുന്ന വിമുഖത മാറേണ്ടതുണ്ടെന്ന് അഡ്വ. കെ. ജയന്ത് എം.എൽ.എ അഭിപ്രായപ്പെട്ടു. അക്മാൻസ് ചെയർമാൻ ഡോ. ഷറഫുദ്ദീൻ കടമ്പോട്ട് അധ്യക്ഷതവഹിച്ചു. പി.എം.എ. ഗഫൂർ, ഡോ. ശ്രീകുമാർ, ഡോ. ഫർസാന, സൂരജ് ജോൺ മംഗലം, ഹിബാ ഷെറിൻ, പി.ടി. ഹനീഫ ഹാജി, അഡ്വ. ഷബീബ്, മുഹമ്മദ് ആസിഫ്, ഗഫൂർ വാടാനപ്പള്ളി, ടി.പി. അജ്മൽ, ഫസൽ ഹഖ് എന്നിവർ സംസാരിച്ചു. ഡോ. ഷമീല സ്വാഗതവും അബ്ദുൽ ഷുക്കൂർ നന്ദിയും പറഞ്ഞു.

സംസ്ഥാനത്ത് റെക്കോര്‍ഡ് മദ്യവില്‍പന; ഓണ സീസണിൽ വിറ്റത് 512.11 കോടി രൂപയുടെ മദ്യം

0

തിരുവനന്തപുരം: സംസ്ഥാനത്ത് റെക്കോര്‍ഡ് മദ്യവില്‍പന. ഓണ സീസണില്‍ മൂന്ന് ദിവസത്തില്‍ വിറ്റത് 279.12 കോടി രൂപയുടെ മദ്യം. കഴിഞ്ഞ വര്‍ഷത്തെക്കാള്‍ 28.16 കോടി രൂപയുടെ അധിക വില്പനയാണ് ഇത്തവണ നടന്നത്. കഴിഞ്ഞ വര്‍ഷത്തെക്കാള്‍ റെക്കോര്‍ഡ് വില്പനയാണ് നടന്നത്.കഴിഞ്ഞ ഓണകാലത്തെ 3 ദിവസത്തെ വില്പന 250.96 കോടി രൂപയായിരുന്നു. ഇന്നലെ മാത്രം വിറ്റത് 88.98 കോടി രൂപയുടെ മദ്യമാണ്. ശനിയാഴ്ച 102.28 കോടി രൂപയുടെ മദ്യമാണ് വിറ്റത്. വരും ദിവസങ്ങളിലും വില്പന ഉയരനാണ് സാധ്യത. ഓണം സീസണ്‍ തുടങ്ങിയതിനു ശേഷം ഇതുവരെ വിറ്റത് 512.11 കോടി രൂപയുടെ മദ്യം. കഴിഞ്ഞ വര്‍ഷം ഇത് 460.80 കോടി ആയിരുന്നു.

ഓണ വിപണിയില്‍ പൊള്ളി നേന്ത്രക്കായ വില; കിലോഗ്രാമിന് 80ന് മുകളില്‍.

തിരുവനന്തപുരം: സംസ്ഥാനത്ത് ഓണക്കാലത്തോടനുബന്ധിച്ച് നേന്ത്രക്കായ വിലയില്‍ ഗണ്യമായ വര്‍ധന. കിലോഗ്രാമിന് 70 മുതല്‍ 75 രൂപ വരെയാണ് കൃഷിക്കാര്‍ക്ക് ഇപ്പോള്‍ ലഭിക്കുന്ന വില. ഒരു മാസം മുന്‍പു വരെ 45 രൂപ വരെയാണ് ലഭിച്ചിരുന്നത്. ഇതോടെ പൊതു വിപണിയില്‍ പഴത്തിന്റെ വില 80നു മുകളിലാണ്.ഉല്‍പ്പാദനം ഗണ്യമായി കുറഞ്ഞതാണ് ഇപ്പോഴത്തെ വില വര്‍ധനയ്ക്ക് കാരണമായി പറയുന്നത്. കാലാവസ്ഥ വ്യതിയാനത്തെ തുടര്‍ന്ന് വയനാട്ടില്‍ നിന്ന് വേണ്ടത്ര നേന്ത്രക്കുലകള്‍ ലഭിക്കുന്നില്ല. ഇതോടൊപ്പം തമിഴ്‌നാട്ടിലെ മേട്ടുപ്പാളയം ഉള്‍പ്പെടെയുള്ള സ്ഥലങ്ങളില്‍ നിന്ന് വരവ് കുറഞ്ഞതും വില വര്‍ധിക്കാന്‍ കാരണമായി. സീസണില്‍ കര്‍ഷകര്‍ക്ക് വേണ്ടത്ര വില ലഭിക്കാതെ വന്നതോടെ വലിയൊരു വിഭാഗം കര്‍ഷകര്‍ നേന്ത്രവാഴ കൃഷി ഉപേക്ഷിച്ചതും തിരിച്ചടിയായി.ഓണ സീസണ്‍ അടുത്തെത്തി നില്‍ക്കുമ്പോള്‍ ഞാലി ഉള്‍പ്പെടെയുള്ള ചെറുകായ്ക്കും ഭേദപ്പെട്ട വിലയാണ് ലഭിക്കുന്നത്. ഞാലിക്ക് കിലോഗ്രാമിന് 80 രൂപയ്ക്കു മുകളിലാണ് വില. എന്നാല്‍ ഇവയുടെ ഉല്‍പ്പാദനത്തിലും വലിയ തോതിലുള്ള ഇടിവുണ്ട്. ഓണ സദ്യയില്‍ ഒഴിച്ചു കൂടാനാകാത്തതാണ് ചെറുപഴം.

സംസ്ഥാനത്ത് മഴ കനക്കുന്നു; ഇന്ന് എട്ട് ജില്ലകളില്‍ യെല്ലോ അലേര്‍ട്ട്

0

തിരുവനന്തപുരം: സംസ്ഥാനത്ത് വരും ദിവസങ്ങളിലും മഴ ശക്തമാകാന്‍ സാധ്യത. വ്യാഴാഴ്ച വരെ ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. ഇന്ന് എട്ട് ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, കണ്ണൂര്‍, കാസര്‍കോട് ജില്ലകളിലാണ് മുന്നറിയിപ്പ്. നാളെ കോട്ടയം, എറണാകുളം, ഇടുക്കി ജില്ലകളില്‍ മഴ മുന്നറിയിപ്പുണ്ട്.ബംഗാള്‍ ഉള്‍ക്കടലില്‍ പുതുതായി രൂപപ്പെട്ട ന്യൂനമര്‍ദ്ദത്തിന്റെ സ്വാധീന ഫലമായാണ് മഴ ശക്തി പ്രാപിക്കുന്നത്. വടക്ക്-പടിഞ്ഞാറന്‍ ബംഗാള്‍ ഉള്‍ക്കടലിലാണ് വീണ്ടും ന്യൂനമര്‍ദ്ദം രൂപപ്പെട്ടത്. ഇതിന്റെ ഫലമായി ആഗസ്റ്റ് 27 വരെയുള്ള ദിവസങ്ങളില്‍ മഴയ്ക്ക് സാധ്യതയുണ്ടെന്നാണ് മുന്നറിയിപ്പുള്ളത്. മലയോര മേഖലകളില്‍ മഴ കൂടുതല്‍ ശക്തമായേക്കുമെന്നും കാലാവസ്ഥാ വകുപ്പ് മുന്നറിയിപ്പ് നല്‍കുന്നു.കേരള, കര്‍ണാടക, ലക്ഷദ്വീപ് തീരങ്ങളില്‍ മത്സ്യബന്ധനത്തിനും വിലക്കേര്‍പ്പെടുത്തിയിട്ടുണ്ട്. മണിക്കൂറില്‍ 40 കിലോമീറ്റര്‍ മുതല്‍ 50 കിലോമീറ്റര്‍ വരെയും പരമാവധി 60 കിലോമീറ്റര്‍ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. കള്ളക്കടല്‍ പ്രതിഭാസത്തിന്റെ ഭാഗമായി കേരള തീരത്ത് ഇന്ന് രാത്രി 11.30 വരെ 0.9 മുതല്‍ 1.3 മീറ്റര്‍ വരെ ഉയര്‍ന്ന തിരമാലകള്‍ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രവും അറിയിച്ചു.

റേഷൻ കടകൾ നാളെയും പ്രവർത്തിക്കും, ബാങ്കുകൾക്ക് മൂന്നുദിവസം അവധി.

0

പെരിന്തൽമണ്ണ: ആഗസ്റ്റ് 25ന് ചൊവ്വാഴ്ച നബിദിന അവധിയാണെങ്കിലും സംസ്ഥാനത്ത് റേഷൻ കടകൾ തുറന്ന് പ്രവർത്തിക്കും. പകരം ആഗസ്റ്റ് 27ന് വ്യാഴാഴ്ച അവധിയായിരിക്കും. ഞായറാഴ്ച തുറന്നതിന്റെ അവധി സെപ്റ്റംബര്‍ രണ്ടിന് ലഭിക്കും. ഓണത്തോട് അനുബന്ധിച്ച് റേഷൻ കടകൾക്കു പുറമോ ഓണം ഫെയറുകളും സപ്ലൈകോയും ഞായറാഴ്ച തുറന്നു പ്രവർത്തിച്ചിരുന്നു.അതേസമയം, ബാങ്കുകൾ ഈയാഴ്ച മൂന്നു ദിവസം മാത്രമാണ് ബാങ്കുകള്‍ തുറന്ന് പ്രവര്‍ത്തിക്കുക. ആഗസ്റ്റ് 24 തിങ്കൾ, 27 വ്യാഴം, 29 ശനി എന്നിങ്ങനെയാണ് ബാങ്കുകളുടെ പ്രവൃത്തി ദിവസങ്ങൾ. ബാങ്കുകൾക്ക് ചൊവ്വ, ബുധന്‍ ദിവസങ്ങളില്‍ നബിദിനം (ഉത്രാടം), തിരുവോണം അവധിയും വെള്ളിയാഴ്ച ശ്രീനാരായണ ഗുരു ജയന്തി അവധിയുമാണ്. അതേസമയം ഓണ്‍ലൈന്‍ ഇടപാടുകള്‍ക്ക് അവധി തടസ്സമില്ല.ആഗസ്റ്റ് മാസത്തെ റേഷൻ വിതരണം ആഗസ്റ്റ് 31 തിങ്കളാഴ്ച വരെയായിരിക്കുമെന്ന് പൊതുവിതരണ ഉപഭോക്തൃകാര്യ കമീഷണര്‍ അറിയിച്ചു. സെപ്റ്റംബറിലെ റേഷൻ വിതരണം സെപ്റ്റംബർ രണ്ട് മുതൽ ആരംഭിക്കും.https://chat.whatsapp.com/KcE0aC2ONxj2TdPbEXsPnO?s=cl&p=a&ilr=1ജൂലൈ -ആഗസ്റ്റ് -സെപ്റ്റംബർ ക്വാർട്ടറിലെ മണ്ണെണ്ണ വിതരണം തുടരുന്നു. ഓരോ റേഷൻ കാർഡിനും അനുവദിച്ചിട്ടുള്ള റേഷൻ സാധനങ്ങളുടെ ഇനം തിരിച്ചുള്ള അളവ് അറിയുന്നതിനായി https://epos.kerala.gov.in/SRC_Trans_Int.jsp എന്ന ലിങ്ക് ഉപയോഗിക്കാവുന്നതാണെന്ന് അധികൃതർ അറിയിച്ചു.സംസ്ഥാന ഭക്ഷ്യ വകുപ്പിന്റെ സൗജന്യ ഓണക്കിറ്റ് വിതരണം ഏകദേശം നൂറ് ശതമാനം പൂര്‍ത്തിയായിട്ടുണ്ട്. ലക്ഷ്യമിട്ട 5,93,408 കിറ്റുകളാണ് സപ്ലൈകോ വഴി തയാറാക്കി റേഷന്‍ കടകളില്‍ എത്തിച്ചത്. ഇതിനു പുറമേ ക്ഷേമ സ്ഥാപനങ്ങള്‍ക്കായി 8,902 സൗജന്യ കിറ്റുകള്‍ കൂടി നല്‍കി. ശനിയാഴ്ച വരെയുള്ള റിപ്പോർട്ട് പ്രകാരം 4,30,254 റേഷന്‍ കാര്‍ഡ് ഉടമകള്‍ ഓണക്കിറ്റ് കൈപ്പറ്റിയതായി മന്ത്രി അനൂപ് ജേക്കബ് അറിയിച്ചു.

സുരക്ഷിതമായി ആഘോഷിക്കാം ഈ ഓണം: ജാഗ്രതാ നിർദേശങ്ങളുമായി കേരള പോലീസ്

0

ഓണക്കാലത്തെ യാത്രകളും ആഘോഷങ്ങളും സുരക്ഷിതവും സമാധാനപൂർണവുമാക്കാൻ പൊതുജനങ്ങൾക്ക് ജാഗ്രതാ നിർദേശങ്ങളുമായി കേരള പോലീസ്. വീടുകളുടെ സുരക്ഷ, യാത്രാ ജാഗ്രത, ആഘോഷങ്ങളിലെ മുൻകരുതലുകൾ എന്നിവ മുൻനിർത്തി പോലീസ് പുറപ്പെടുവിച്ച പ്രധാന നിർദേശങ്ങൾ താഴെ പറയുന്നവയാണ്

വീടുകളുടെ സുരക്ഷ ഉറപ്പാക്കാം അവധിക്കാലത്ത് വീട് പൂട്ടി ദൂരയാത്ര പോകുന്നവർ വിവരം പ്രാദേശിക പോലീസ് സ്റ്റേഷനിൽ മുൻകൂട്ടി അറിയിക്കുക.യാത്ര പോകുമ്പോൾ വീടുകളിൽ സ്വർണമോ പണമോ സൂക്ഷിക്കരുത്.സിസിടിവി ക്യാമറകൾ പ്രവർത്തനക്ഷമമാണെന്ന് ഉറപ്പുവരുത്തുക ഇവ ഓഫാക്കരുത്.വീടുപരിപാലനത്തിനായി ജോലിക്കാരെ ഏൽപ്പിക്കുന്നുണ്ടെങ്കിൽ അവരുടെ പൂർണമായ വിലാസവും വിവരങ്ങളും കൈവശം വെക്കുക.

റോഡ് സുരക്ഷയും യാത്രകളുംഅമിതവേഗവും മദ്യപിച്ചുള്ള വാഹനമോടിക്കലും പൂർണമായും ഒഴിവാക്കുക. സീറ്റ് ബെൽറ്റും ഹെൽമറ്റും നിർബന്ധമായും ധരിക്കുക.രാത്രി വൈകിയും പുലർച്ചെയുമുള്ള യാത്രകളിൽ ഉറക്കക്ഷീണം അനുഭവപ്പെട്ടാൽ വാഹനം നിർത്തി വിശ്രമിച്ച ശേഷം മാത്രം യാത്ര തുടരുക.വിനോദയാത്രകൾ മുൻകൂട്ടി കൃത്യമായി പ്ലാൻ ചെയ്യുക. ജലാശയങ്ങളിൽ അപരിചിതമായ സ്ഥലങ്ങളിലും അപകടമേഖലകളിലും ഇറങ്ങരുത്.കുഞ്ഞുങ്ങൾക്കും മുതിർന്നവർക്കും അപകടസാധ്യതകളെക്കുറിച്ച് ബോധവൽക്കരണം നൽകുക.

ആഘോഷങ്ങളിലെ പൊതുജാഗ്രത ജനത്തിരക്കുള്ള സ്ഥലങ്ങളിൽ പോകുമ്പോൾ കുട്ടികളും മുതിർന്നവരും കൂട്ടംതെറ്റിപ്പോകാതെ ശ്രദ്ധിക്കുക.ആഭരണങ്ങളുടെയും വിലപിടിപ്പുള്ള വസ്തുക്കളുടെയും ഉപയോഗം പരമാവധി കുറയ്ക്കുക.നഗരങ്ങളിൽ ഷോപ്പിങ്ങിനായി പോകുമ്പോൾ പരമാവധി പൊതുഗതാഗത സംവിധാനങ്ങൾ പ്രയോജനപ്പെടുത്തുക. സ്വകാര്യ വാഹനങ്ങൾ ഗതാഗതതടസ്സമില്ലാത്ത രീതിയിൽ സുരക്ഷിതമായി പാർക്ക് ചെയ്യുക.പടക്കങ്ങളും പൂത്തിരികളും അശ്രദ്ധമായി കൈകാര്യം ചെയ്യരുത്.പൊതുസ്ഥലങ്ങളിലെ മദ്യപാനം ഒഴിവാക്കുക. വ്യാജമദ്യ വില്പനയോ ലഹരിവസ്തുക്കളുടെ ഉപയോഗമോ ശ്രദ്ധയിൽപ്പെട്ടാൽ എക്സൈസിനെയോ പോലീസിനെയോ അറിയിക്കുക.

ഏത് അടിയന്തിര സാഹചര്യത്തിലും സഹായത്തിനായി 24 മണിക്കൂറും ലഭ്യമായ 112 എന്ന സൗജന്യ നമ്പറിൽ പോലീസിനെ ബന്ധപ്പെടാവുന്നതാണ്. സുരക്ഷിതമായ ഒരു ഓണക്കാലം ആശംസിക്കുന്നതായി കേരള പോലീസ് അറിയിച്ചു.

കാർഷിക ചന്തകളിൽ ഡിജിറ്റൽ പേയ്‌മെന്റിനൊപ്പം നേരിട്ട് പണം നൽകിയും ഉത്പന്നങ്ങൾ വാങ്ങാം: മന്ത്രി ടി സിദ്ദിഖ്.

0

വയനാട്: സംസ്ഥാനത്ത് കൃഷിവകുപ്പ് സംഘടിപ്പിക്കുന്ന കാർഷിക ചന്തകളില്‍ നേരിട്ട് പണം നൽകിയും ഉത്പന്നങ്ങൾ വാങ്ങാമെന്ന് കൃഷിമന്ത്രി ടി സിദ്ദിഖ് വ്യക്തമാക്കി. ചന്തകളിൽ പണമിടപാടിനായി ഡിജിറ്റൽ സംവിധാനങ്ങൾ മാത്രമേ ഉപയോഗിക്കാൻ സാധിക്കുവെന്ന പ്രചാരണം ശക്തമായതിനെ തുടർന്നാണ് മന്ത്രി നേരിട്ട് ഇക്കാര്യത്തിൽ വ്യക്തത വരുത്തിയത്.ഡിജിറ്റല്‍ പേയ്മെന്റിന് പുറമെ നേരിട്ട് പണം നല്‍കിയും ഉത്പന്നങ്ങള്‍ ഉപഭോക്താക്കള്‍ക്ക് വാങ്ങുന്നതില്‍ ഒരു തടസവുമില്ലെന്ന് മന്ത്രി പറഞ്ഞു. കാർഷിക ചന്തകളില്‍ പണമിടപാട് ഡിജിറ്റില്‍ സംവിധാനത്തില്‍ മാത്രമായി പരിമിതപ്പെടുത്തിയെന്നും യുപിഐ വഴി മാത്രമേ പണം നല്‍കാനാകൂയെന്ന തരത്തിലുള്ള പ്രചരണം തികച്ചും അടിസ്ഥാനരഹിതവും അവാസ്തവവുമാണെന്നും അദ്ദേഹം അറിയിച്ചു

കൃഷിവകുപ്പിന്റെ ഓണച്ചന്തകളില്‍ എത്തുന്ന ഉപഭോക്താക്കള്‍ക്ക് ഇടപാടുകള്‍ കൂടുതല്‍ വേഗത്തിലും സൗകര്യപ്രദവുമായും നടത്തുന്നതിനാണ് ഡിജിറ്റല്‍ പേയ്മെന്റ് സംവിധാനം കൂടി അധികമായി ഏര്‍പ്പെടുത്തിയിട്ടുള്ളത്. ഈ ആശയത്തിന് പൊതുജനങ്ങളില്‍ നിന്ന് വലിയ സ്വീകാര്യതയാണ് ലഭിക്കുന്നതെന്നും മന്ത്രി പറഞ്ഞു.

സ്മാര്‍ട്ട്ഫോണ്‍ ഉപഭോക്താക്കള്‍ക്ക് യുപിഐ സംവിധാനത്തിന്റെ സേവനം പ്രയോജനപ്പെടുത്താം എന്നതിന് അപ്പുറം മറ്റൊരു നിബന്ധനയും നിലവില്‍ കൃഷിവകുപ്പിന്റെ കീഴില്‍ പ്രവര്‍ത്തിക്കുന്ന സംസ്ഥാനത്തെ 2000ത്തോളം കാർഷിക ചന്തകളില്‍ ഒന്നിലും ഏര്‍പ്പെടുത്തിയിട്ടില്ല. മാത്രവുമല്ല, പൊതുവിപണിയെ അപേക്ഷിച്ച് 30 ശതമാനം വരെ കുറഞ്ഞ വിലയില്‍ പച്ചക്കറികള്‍ ലഭ്യമാക്കുന്നതിനാണ് കൃഷിവകുപ്പിന്റെ ഓണച്ചന്തകള്‍ ഒരുക്കിയിരിക്കുന്നത്. അതിനാല്‍ തെറ്റായ പ്രചാരണങ്ങളില്‍ വിശ്വസിക്കാതെ കര്‍ഷകച്ചന്തകളുടെ സേവനം പരമാവധി പ്രയോജനപ്പെടുത്തണമെന്നും മന്ത്രി പറഞ്ഞു.