spot_img
Friday, November 20, 2026
Home Blog Page 20

കേരള സ്‌കൂൾ കായിക മേള:’ ജെൻസി കുതിപ്പ് ‘ സപ്ലിമെൻ്റ് മുഖ്യമന്ത്രി പ്രകാശനം ചെയ്തു.

0

കോഴിക്കോട് : എൻ ഐ ടി ഗ്രൗണ്ടിൽ നടക്കുന്ന കേരള സ്‌കൂൾ കായിക മേളയോടനുബന്ധിച്ച് മീഡിയ കമ്മറ്റി പ്രസിദ്ധീകരിച്ച ‘ജെൻസി കുതിപ്പ് ‘ സപ്ലിമെൻ്റ് മുഖ്യമന്ത്രി വിഡി സതീശൻ പ്രകാശനം ചെയ്തു. കമ്മറ്റി ചെയർമാൻ അഡ്വ.ഫൈസൽ ബാബു എം എൽ എ ഏറ്റുവാങ്ങി.കൃഷിമന്ത്രി അഡ്വ. ടി സിദ്ദീഖ്, സംഘാടക സമിതി ചെയർമാൻ റസാഖ് മാസ്റ്റർ എം എൽ എ , പാറക്കൽ അബ്‌ദുല്ല എം എൽ എ ,പി കെ ഫിറോസ് എം എൽ എ, മീഡിയ കമ്മറ്റി കൺവീനർ പി കെ അബ്‌ദു സത്താർ, ജോയിൻ്റ് കൺവീനർമാരായ എം പി ഫാസിൽ, പി കെ എം ഹിബത്തുല്ല, സപ്ലിമെൻ്റ് ചീഫ് എഡിറ്റർ എൻ പി എ കബീർ, കമ്മറ്റിയംഗങ്ങളായ കെ കെ സുബൈർ മടവൂർ, ടി കെ ജുമാൻ , അബ്ദുല്ല മാനൊടുകയിൽ,ഇ സി നൗഷാദ്,ശിവപ്രസാദ് എലാശ്ശേരി, കെ പി മുജീബുറഹ്മാൻ, പി ജിമേഷ്, ടി കെ നൗഷാദ്, ലത്തീഫ് മലോറം, പി എം മുഹമ്മദലി, പി പി അബ്ദുൽ ഖയ്യൂം,എ ഷജീർ എന്നിവർ സംബന്ധിച്ചു.ഫോട്ടാ :കേരള സ്‌കൂൾ കായിക മേളയോടനുബന്ധിച്ച് മീഡിയ കമ്മറ്റി പ്രസിദ്ധീകരിച്ച ‘ ജെൻസി കുതിപ്പ് ‘ സപ്ലിമെൻ്റ് മുഖ്യമന്ത്രി വി ഡി സതീശൻ പ്രകാശനം ചെയ്യുന്നു.

ഹൈ സ്പീഡ് ട്രെയിനുകള്‍ കൂട്ടിയിടിച്ചു; സ്‌പെയിനില്‍ മുപ്പത് പേര്‍ക്ക് ദാരുണാന്ത്യം.

0

മാഡ്രിഡ്: രണ്ട് ഹൈ സ്പീഡ് ട്രെയിനുകള്‍ കൂട്ടിയിടിച്ച് സ്‌പെയിനില്‍ മുപ്പത് പേര്‍ക്ക് ദാരുണാന്ത്യം. ബുധനാഴ്ച രാവിലെ ടൊലേഡോ പ്രവിശ്യയിലെ ഉര്‍ദയ്ക്ക് സമീപമാണ് അപകടമുണ്ടായതെന്ന് അല്‍ ജസീറ റിപ്പോര്‍ട്ട് ചെയ്യുന്നു. മരണസംഖ്യ ഇനിയും ഉയരാനാണ് സാധ്യതയെന്നാണ് പ്രാദേശിക ഭരണകൂടത്തിന്റെ വിലയിരുത്തല്‍. തലസ്ഥാനമായി മാഡ്രിഡിനെ തെക്കന്‍ നഗരമായ സെവില്ലുമായി ബന്ധിപ്പിക്കുന്ന അതിവേഗ റെയില്‍വേ ലൈനിലാണ് അപകടമുണ്ടായത്.മാഡ്രിഡില്‍ നിന്നും സെവിലേക്ക് പോകുകയായിരുന്ന സ്‌പെയിന്‍ സ്റ്റേറ്റ് റെയില്‍വേ കമ്പനിയായ റെൻഫേയുടെ AVE ഹൈ സ്പീഡ് ട്രെയിനും സ്വകാര്യ റെയില്‍ കമ്പനിയായ ഇരിയോയുടെ ട്രെയിനുമാണ് അപകടത്തില്‍പ്പെട്ടത്. സ്വകാര്യ കമ്പനിയുടെ ട്രെയിനിലേക്ക് സ്റ്റേറ്റ് റെയില്‍വേയുടെ ട്രെയിന്‍ വന്നിടിക്കുകയായിരുന്നു. Renfeയുടെ ട്രെയിനില്‍ 397യാത്രക്കാരും സ്വകാര്യ ട്രെയിനില്‍ 147പേരുമാണ് ഉണ്ടായിരുന്നത്.അപകടത്തിന് പിന്നാലെ അഗ്നിശമനാ സേനയടക്കം സംഭവസ്ഥലത്തെത്തി രക്ഷാപ്രവര്‍ത്തനം ആരംഭിച്ചു. മൂന്ന് മെഡിക്കല്‍ ഹെലിക്കോപ്റ്ററുകള്‍, രണ്ട് മൊബൈല്‍ ഐസിയു യൂണിറ്റുകള്‍ എന്നിവ പ്രദേശത്ത് വിന്യസിച്ചിട്ടുണ്ടെന്ന് സ്പാനിഷ് ദിനപത്രമായി എല്‍ മുണ്ടോ റിപ്പോര്‍ട്ട് ചെയ്യുന്നു. അതേസമയം അപകടത്തിന് പിന്നിലെ കാരണം എന്താണെന്ന് വ്യക്തമായിട്ടില്ലെന്ന് അധികൃതര്‍ അറിയിച്ചിട്ടുണ്ട്.

തുരങ്കപാത ഉപേക്ഷിക്കില്ല.മുഖ്യമന്ത്രിയുടെ പ്രഖ്യാപനത്തിൽ പ്രതീക്ഷയുമായി നാട്

0

കൽപ്പറ്റ: വയനാട് തുരങ്കപാത ഉപേക്ഷിക്കില്ലെന്നും സുരക്ഷ ഉറപ്പുവരുത്തി നിർമാണം പുനരാരംഭിക്കുമെന്നും മുഖ്യമന്ത്രി വി.ഡി. സതീശൻ. കള്ളാടി -ആനക്കാംപൊയിൽ തുരങ്കപാത നിർമാണ വിദഗ്ധ സമിതി റിപ്പോർട്ടിന്റെ അടിസ്ഥാനത്തിൽ ആവശ്യമായ സുരക്ഷാ മാനദണ്ഡങ്ങൾ ഉറപ്പാക്കി പുനരാരംഭിക്കുന്നതിന് നടപടി സ്വീകരിക്കുമെന്നാണ് മുഖ്യമന്ത്രി നിയമസഭയിൽ പറഞ്ഞത്. ഇതോടെ തുരങ്കപാതയായി ബന്ധപ്പെട്ട പ്രതീക്ഷകൾ വീണ്ടും ഉയരുകയാണ്.2026 ജൂലൈ ഏഴിനാണ് വയനാട് ജില്ലയിലെ മേപ്പാടി പഞ്ചായത്തിൽ തുരങ്കപാത നിർമാണ പദ്ധതി പ്രദേശത്തുണ്ടായ വലിയ മണ്ണിടിച്ചിൽ ദുരന്തത്തിൽ എട്ടുപേർ മരണപ്പെട്ടത്. മീനാക്ഷി മലയുടെ ഭാഗം ഇടിഞ്ഞ് തുരങ്കപാത നിർമാണത്തിനായി കുഴിച്ചിട്ട മൺകൂനമാര താഴത്തേക്ക് ഇരച്ചെത്തിയാണ് വൻദുരന്തം ഉണ്ടായത്. ഇതോടെയാണ് തുരങ്കപാതയുടെ നിർമാണം സർക്കാർ നിർത്തിവെച്ച്, ദുരന്തമുണ്ടായതോടെ പദ്ധതി തന്നെ പാടെ ഉപേക്ഷിക്കണമെന്ന ആവശ്യവും ചില കോണുകളിൽ നിന്നുയർന്നു. എന്നാൽ, ചുരത്തിൽ അപകടം ദിനേനയുണ്ടാകുന്ന ഗതാഗതക്കുരുക്കും കാരണം വയനാടിന്റെ നിലനിൽപ്പിനു തന്നെ തുരങ്ക പാത നിർണായകമാണെന്നും ഇതിനാൽ സുരക്ഷ ഉറപ്പുവരുത്തി നിർമാണം പുനരാരംഭിക്കണമെന്നുമായിരുന്നു പൊതുവായ ആവശ്യം. കോഴിക്കോട്-വയനാട് ജില്ലകളെ ബന്ധിപ്പിക്കുന്നതാണ് തുരങ്കപാത.നിർമാണോത്ഘാടനം 2025 ആഗസ്റ്റ് 31ന് മുൻ മുഖ്യമന്ത്രി പിണറായി വിജയനാണ് നടത്തിയത്. കൊങ്കൺ റെയിൽവേ കോർപറേഷൻ ലിമിറ്റഡിന്റെ മേൽനോട്ടത്തിൽ ദിലീപ് ബിൽഡ്കോൺ കമ്പനിക്കാണ് നിർമാണചുമതല. 298 പേർ മരിച്ച ചൂരൽമല ഉരുൾപൊട്ടൽ മേഖലയിലൂടെയാണ് ഭൂമി തുരന്നുള്ള പാത വരുന്നത്. ഷൊർണൂർ-നിലമ്പൂർ റോഡിൽ ആറ് കി.മീറ്റർ അപ്പുറത്തുള്ള നീലാക്കൽ പാലത്തിനടുത്തുനിന്ന് പാതയുടെ വയനാട് ജില്ലയിലെ തുടക്കം. കോഴിക്കോട് ആനക്കാംപൊയിലിൽനിന്ന് മേപ്പാടി കളമാടി വരെയാണ് 8.73 കി.മീറ്ററുള്ള തുരങ്കപാത. കോഴിക്കോട് ജില്ലയിൽ 3.15 കി. മീറ്ററും വയനാട് ജില്ലയിൽ 5.58 കി. മീറ്ററുമാണുള്ളത്. പാത വന്നാൽ ആനക്കാംപൊയിലിൽനിന്ന് 16 കി.മീറ്ററിൽ മേപ്പാടിയിലെത്താം. കോഴിക്കോട്ട്, വയനാട്, മലപ്പുറം ജില്ലകളുടെ വികസനത്തിന് കുതിച്ചുചാട്ടമുണ്ടാകും. കർണാടകയിലേക്കുള്ള ദൂരവും ഗണ്യമായി കുറയും. റോഡ് നിർമാണത്തിന് ഉണ്ടാകുന്ന പാരിസ്ഥിതിക പ്രശ്നങ്ങൾപോലും തുരങ്ക പാതക്കുണ്ടാകില്ലെന്നും പദ്ധതിയെ അനുകൂലിക്കുന്നവർ പറയുന്നു.എന്നാൽ, ജിയോളജിക്കൽ സർവേ ഓഫ് ഇന്ത്യയുടെ പഠനങ്ങളിൽ പ്രകൃതിദുരന്തങ്ങളുടെ സാധ്യതാപഠിക്കാനുള്ള പ്രദേശത്തുകൂടിയാണ് തുരങ്കപാതയെന്നും മതിയായ പഠനങ്ങളില്ലാതെയാണ് പദ്ധതി നടപ്പാക്കുന്നതെന്നുമാണ് പ്രധാന വിമർശനം. 2024 മേയ് 25ന് പദ്ധതിപ്രദേശം സന്ദർശിച്ച സംസ്ഥാനതല വിദഗ്ധ സമിതിയുടെ റിപ്പോർട്ട് നിരവധി ആശങ്കകൾ പങ്കുവെക്കുന്നുണ്ട്. ഭൂചലന സാധ്യത, തുരക്കത്തിനായി നടത്തുന്ന പാറപ്പൊട്ടിക്കലിന്റെ ഫലമായി ഭൂമി അസ്ഥിരമാകൽ എന്നിവ നേരിടുമെന്നും റിപ്പോർട്ടിലുണ്ട്. ഏതായാലും മുഖ്യമന്ത്രി നിയമസഭയിൽ പ്രഖ്യാപനം നടത്തിയതോടെ സുരക്ഷ ഉറപ്പാക്കി തുരങ്കപാതയുടെ നിർമാണം പുനരാരംഭിക്കുമെന്നാണ് പ്രതീക്ഷ. താൻ ഒരിക്കലും തുരങ്കപാതക്ക് എതിരല്ലെന്നും ഈ പാത വികസനവഴിയിൽ നാടിന് ഒരു നാഴികക്കല്ലാണെന്നും അദ്ദേഹം പറഞ്ഞു.

ട്രെയിനുകളിൽ ഇനി രാത്രി ചാർജിംഗ് ഇല്ല, റെയിൽവേ ബോർഡി ന്റെ കർശന നിർദേശം.

0

ന്യൂഡൽഹി: ട്രെയിനുകളിലെ സുരക്ഷ ഉറപ്പാക്കുന്നതിൻ്റെ ഭാഗമായി രാത്രി 11 മണിക്കും പുലർച്ചെ അഞ്ച് മണിക്കും ഇടയിൽ മൊബൈൽ ഒരുകാരണവ ശാലും ചാർജ് ചെയ്യാൻ അനുവദിക്ക രുതെന്ന് റെയിൽവേ ബോർഡ് എല്ലാ സോണുകൾക്കും കർശന നിർദേശം നൽകി. ഈ സമയങ്ങളിൽ ചാർജിംഗ് പോയിന്റുകളിലേക്കുള്ള വൈദ്യുതി ബ ന്ധം നിർബന്ധമായും വിച്ഛേദിക്കണമെ ന്നാണ് ഉത്തരവ്.സൗത്ത് ഈസ്റ്റേൺ റെയിൽവേയിലെ മുംബൈ ലോക്കൽ ട്രെയിനിൽ ചാർജ് ചെയ്യുന്നതിനിടെ യാത്രക്കാരൻന്റെ പവർ ബാങ്ക് പൊട്ടിത്തെറിച്ച് കോച്ചിൽ കറു ത്ത പുക പടർന്ന സംഭവത്തെ തുടർ ന്നാണ് ഈ നീക്കം. ഒക്ടോബർ 26-ന് റെയിൽവേ ബോർഡ് അയച്ച കത്തി ൽ, ഈ നിയമത്തിൽ യാതൊരുവിധ ഇ ളവുകളും അനുവദിക്കില്ലെന്ന് വ്യക്ത മാക്കിയിട്ടുണ്ട്. പല ട്രെയിനുകളിലും ജീ വനക്കാർ നിർദിഷ്ട സമയത്ത് ചാർജിം ഗ് സംവിധാനം ഓഫ് ചെയ്യുന്നതിൽ വീ ഴ്ച വരുത്തുന്നതായി കത്തിൽ ചൂണ്ടി ക്കാട്ടുന്നു.ആറ് മണിക്കൂർ സമയപരിധിയിൽ എ ല്ലാ കോച്ചുകളിലെയും ചാർജിംഗ് പോ യിന്റുകൾ ഓഫ് ചെയ്‌തിട്ടുണ്ടെന്ന് ഉറ പ്പാക്കാൻ ജീവനക്കാർക്ക് പരിശീലനം നൽകും. ഉദ്യോഗസ്ഥരും സൂപ്പർവൈ സർമാരും ട്രെയിനുകളിൽ മിന്നൽ പരി ശോധന നടത്തും. സുരക്ഷാ മാനദണ്ഡ ങ്ങൾ നടപ്പിലാക്കുന്നതിൽ എന്തെങ്കി ലും വീഴ്ച വരുത്തിയാൽ കർശന നടപ ടിയുണ്ടാകും.2014 ജൂൺ 19-നാണ് ഈ നിയമം ആദ്യ മായി റെയിൽവേ കൊണ്ടുവന്നത്.ബെംഗളൂരു-ഹുസൂർ സാഹിബ് നന്ദേദ് എക്സ്പ്രസിലുണ്ടായ തീപിടുത്തത്തെ തുടർന്ന് കമ്മീഷണർ ഓഫ് റെയിൽവേ സേഫ്റ്റിയാണ് ഈ നിർദേശം മുന്നോട്ടു വെച്ചത്. 2021 മാർച്ച് 16 മുതൽ വെസ്റ്റേ ൺ റെയിൽവേ ഇത് നടപ്പിലാക്കിത്തുട ങ്ങിയിരുന്നു.രാത്രികാല യാത്ര ആരംഭിക്കുന്നതിന് മുൻപ് തന്നെ മൊബൈൽ ഫോണുക ളും മറ്റ് ഇലക്ട്രോണിക് ഉപകരണങ്ങ ളും ചാർജ് ചെയ്ത‌്‌ സൂക്ഷിക്കാൻ യാ ത്രക്കാർക്ക് റെയിൽവേ നിർദേശം നൽകിയിട്ടുണ്ട്.

വിജിലന്‍സിലെ വിവരാവകാശ വിലക്ക്; സർക്കാരിന് ഹൈക്കോടതി നോട്ടീസ്, അടിയന്തര സ്റ്റേയില്ല

0

തിരുവനന്തപുരം: വിജിലന്‍സിലെ ടി സെക്ഷനെ വിവരാവകാശ പരിധിയില്‍ നിന്ന് ഒഴിവാക്കിയ സര്‍ക്കാര്‍ നടപടിയില്‍ അടിയന്തര സ്റ്റേയില്ല. പൊതുതാല്‍പ്പര്യ ഹര്‍ജിയിലാണ് സര്‍ക്കാരിന് നോട്ടീസ്. മൂന്നാഴ്ച്ചക്കകം മറുപടി നല്‍കാന്‍ ഹൈക്കോടതി നിര്‍ദേശം നല്‍കി. ഏതൊക്കെ വിവരങ്ങള്‍ ടി സെക്ഷന്‍ പരിധിയില്‍ വരുമെന്ന് വ്യക്തമാക്കാനും കോടതി നിര്‍ദേശിച്ചു.ഉന്നത വ്യക്തികളുടെ ഫയലുകള്‍, രഹസ്യാന്വേഷണ വിവരങ്ങള്‍ എന്നിവ ഉള്‍പ്പെടുന്നതാണ് T1,T2 സെഷനുകള്‍. രാഷ്ട്രീയക്കാര്‍ക്കെതിരായ അന്വേഷണങ്ങളും T1, T2 സെക്ഷനുകളിലേക്ക് മാറ്റാന്‍ കഴിയും. രാഷ്ട്രീയ നേതാക്കള്‍ ഉള്‍പ്പെടുന്ന കേസുകള്‍ ടി സെഷനിലേക്ക് മാറ്റിയാല്‍ ആര്‍ടിഐ പ്രകാരം ഇത് പുറത്തുവരില്ല. രാഷ്ട്രീയ നേതാക്കള്‍ ഉള്‍പ്പെടുന്ന കേസുകള്‍ അടക്കം ആര്‍ടിഐയില്‍ മറയ്ക്കാനുള്ള നീക്കമാണിതെന്ന് നേരത്തെ ആക്ഷേപമുയര്‍ന്നിരുന്നുനേരത്തെ ആദ്യഘട്ടത്തില്‍ വിവരാവകാശ നിയമത്തില്‍ നിന്ന് രഹസ്യ സെക്ഷനായ ടി സെക്ഷനെ ഒഴിവാക്കിയിരുന്നു. എന്നാല്‍ 2022 ല്‍ ഈ സെഷന്‍ വീണ്ടും വിവരാവകാശ പരിധിയില്‍പ്പെടുത്തി. ഇപ്പോള്‍ വീണ്ടും വിവരാവകാശത്തില്‍ നിന്നും ഒഴിവാക്കി വിജ്ഞാപനമിറക്കി. പൊലീസ് ആസ്ഥാനത്തെയും ക്രൈംബ്രാഞ്ചിലെയും ടി സെക്ഷനെ ആര്‍ടിഐയില്‍ നിന്നും നേരത്തെ ഒഴിവാക്കിയിരുന്നു.

ക്ഷീരകർഷകർക്ക് കേരളപ്പിറവി സമ്മാനവുമായി മിൽമ.

0

കോഴിക്കോട്: മലബാർ മിൽമക്ഷീരകർഷകർക്ക് കേരളപ്പിറവി സമ്മാനമായി 3.75 കോടി രൂപ അധിക പാൽവിലയായും കാലിതിറ്റ സബ്‌സിഡിയായും നൽകും.മലബാർ മേഖലാ യൂണിയൻ അഡ്മിനിസ്ട്രേറ്ററുടെ യോഗമാണ് തീരുമാനം കൈക്കൊണ്ടത്. ഇതു പ്രകാരം നവംബർ ഒന്ന് മുതൽ 30 വരെയുള്ള കാലയളവിൽ സംഭരിക്കുന്ന നിശ്ചി ത ഗുണനിലവാരമുള്ള പാലിന് ഒരു രൂപ അധികപാൽ വിലയാ യി ലഭിക്കും.നവംബർ മാസത്തിൽ മേഖലാ യൂണിയൻ പ്രതീക്ഷിക്കുന്ന സംഭരണം 200 ലക്ഷം ലിറ്റർ പാലാണ്. ഇതു പ്രകാരം രണ്ട് കോടി രൂപ മലബാറിലെ ക്ഷീരകർ ഷകരിലേക്ക് എത്തിച്ചേരും. നവംബർ ഒന്ന് മുതൽ 30 വരെ ഡയറിയിൽ ലഭിച്ച പാലിൻ്റെ അള വു കണക്കാക്കി അധിക പാൽ വില ക്ഷീര സംഘങ്ങളുടെ ബാങ്ക് അക്കൗണ്ടുകളിലേക്ക് ഡിസംബർ മാസത്തെ പാൽവില യോടൊപ്പം നൽകും. ക്രിസ്‌തുമസിന് മുമ്പായി സംഘങ്ങൾ തുക ക്ഷീര കർഷകർക്ക് കൈ മാറും. അധിക പാൽവിലയ്ക്കു പുറമെ കാലിത്തീറ്റക്കും സബ് സിഡി പ്രഖ്യാപിച്ചിട്ടുണ്ട്. മിൽമ ഗോമതി ഗോൾഡ് കാലിത്തീറ്റ 50 കിലോ ചാക്കൊന്നിന് 200 രൂപ വീതവും മിൽമ ബൈപ്രോ കാലിത്തീറ്റക്ക് 50 കിലോ ചാക്കൊന്നിന് 100 രൂപ വീതവും, എംആർഡിഎഫ് ക്ഷീര സംഘ ങ്ങളിലൂടെ വിതരണം ചെയ്യുന്ന ടിഎംആർ കാലിത്തീറ്റക്ക് കിലോയ്ക്ക് ഒരു രൂപവീതവും നവംബർ മാസത്തിൽ സബ്‌സി ഡി ലഭിക്കും. ഇതുപ്രകാരം കാലിത്തീറ്റ സബ്‌സിഡിയായി നവംബർ മാസത്തിൽ ക്ഷീര കർഷകരിലേക്ക് 175 ലക്ഷം രൂപ എത്തിച്ചേരും. ഇതുൾപ്പെടെ 2026-27 സാമ്പത്തിക വർഷത്തിൽ മലബാറിലെ ക്ഷീരകർഷകർക്ക് 12 കോടി രൂപ മേഖലാ യൂണിയൻ സബ്സിഡിയായി അനുവദിച്ചിട്ടുണ്ടെന്ന് അഡ്‌മിനിസ്ട്രേറ്റർ വർക്കി ജോർജ് അറിയിച്ചു.

മരുന്നുകളുടെ അമിതവിലയ്ക്കെതിരേ സുപ്രീംകോടതി.

0

ന്യൂഡൽഹി: ആശുപത്രികളു)ടെ നിലനിൽപ്പിന്റെ പേരിൽ രോഗികളിൽനിന്ന് മരുന്നുകൾക്കും മറ്റു മെഡിക്കൽ സേവനങ്ങൾക്കും അമിതവില ഈടാക്കുന്ന രീതി ന്യായീക രിക്കാനാകില്ലെന്ന് സുപ്രീം കോടതി. രാജ്യത്തെ മരുന്നു വില നിയന്ത്രണവുമായി ബന്ധപ്പെട്ട ഹർജികൾ പരിഗ ണിക്കവെയാണു കേന്ദ്രസർ ക്കാരിനെയും സ്വകാര്യ ആശുപത്രികളെയും സുപ്രീം കോടതി രൂക്ഷമായി വിമർ ശിച്ചത്. കൺമുന്നിൽ നടക്കുന്ന ഇത്തരം കൊള്ള അനുവ ദിക്കുന്നത് സർക്കാരാണന്നും അതു തുടരാൻ അനു വദിക്കാനാകുമോയെന്നും ജസ്റ്റീസുമാരായ വിക്രം നാഥ്, സന്ദീപ് മേത്ത എന്നിവര ടങ്ങിയ ബെഞ്ച് ചോദിച്ചു.11,000 രൂപ വിലയുള്ള, അർബുദ ചികിത്സയ്ക്കുള്ള കീമോതെറാപ്പി കുത്തിവയ്പ്‌പ് മരുന്ന് സ്വകാര്യ ആശുപത്രികൾ 1,30,000 രൂപയ്ക്കും 15 രൂപ വിലയുള്ള ഡ്രിപ്പ് ലൈനുകൾ 250 രൂപയ്ക്കുമാണ് ബിൽ ചെയ്യുന്നതെന്നും ചൂണ്ടിക്കാട്ടിയ കോടതി, ഇത്തരംരീതിയെ ‘കൊള്ള’ എന്നും ‘പകൽക്കൊള്ള’ എന്നുമാണ് വിശേഷിപ്പിച്ചത്. രോഗികളുടെ ജീവൻ വച്ചുള്ള ഇത്തരം മുതലാളിത്ത ചിന്തക ൾ അംഗീകരിക്കാനാകില്ലെന്നും വിപണിയിലെ 90 ശത മാനത്തോളം മരുന്നുകളും ഡ്രഗ് പ്രൈസ് കൺട്രോൾ ഓർഡറിന്റെ (ഡിപിസിഒ) പരിധിക്കു പുറത്താണെന്നും സുപ്രീംകോടതി കുറ്റപ്പെടുത്തി. അർബുദ മരുന്നുകളുടെ വ്യാപാര ലാഭപരിധി 30 ശതമാനമായി പരിമിതപ്പെടു ത്താനുള്ള സർക്കാരിന്റെ തീരുമാനത്തിൽ തങ്ങളെ സന്തുഷ്ടരാക്കാൻ ഒന്നുമില്ലെന്നും മറ്റു മരുന്നുകളുടെ കാര്യത്തിലും ഇത്തരം തീരുമാനം എന്തുകൊണ്ട് എടുത്തു കൂടായെന്നും കോടതി നേരത്തെ നിരീക്ഷിച്ചിരുന്നു.മരുന്നു നിർമാതാക്കളെ സഹായിക്കുന്ന തരത്തിൽ എന്തുകൊണ്ടാണു സംവിധാനങ്ങൾ മുഴുവൻ പ്രവർ ത്തിക്കുന്നതെന്നും കേന്ദ്രസ ർക്കാരിനോട് സുപ്രീംകോടതി ചോദിച്ചു. എൻപിപിഎ പൂർണമായും പ്രവർത്തനര ഹിതമായ ഒരു സംവിധാന മാണെന്നും ബെഞ്ച് നിരീക്ഷിച്ചു.

NOCAPന്റെ ഫേസ്ബുക്ക് നീക്കം ചെയ്ത നടപടി:കേന്ദ്ര-സംസ്ഥാന സർക്കാരുകൾക്കും മെറ്റയ്ക്കും നോട്ടീസ് അയച്ച് ഹൈക്കോടതി

0

കൊച്ചി: സ്വതന്ത്ര ഓണ്‍ലൈന്‍ മാധ്യമ പോര്‍ട്ടലായ നോക്യാപിന്റെ ഫേസ്ബുക്ക് പേജിന് ഇന്ത്യയില്‍ ഏര്‍പ്പെടുത്തിയ വിലക്ക് ചോദ്യം ചെയ്തുള്ള ഹര്‍ജിയില്‍ അനുകൂല ഇടപെടല്‍. പത്ത് ദിവസത്തിനകം വിഷയത്തില്‍ മറുപടി നല്‍കണമെന്നാവശ്യപ്പെട്ട് കേന്ദ്ര-സംസ്ഥാന സര്‍ക്കാരുകള്‍ക്കും, കേരള പൊലീസിനും മെറ്റയ്ക്കും ഹൈക്കോടതി നോട്ടീസ് അയച്ചു.നോക്യാപിന്റെ പേജ് നീക്കം ചെയ്യുന്നതുമായി ബന്ധപ്പെട്ട് ഫേസ്ബുക്ക് എന്തെങ്കിലും നിര്‍ദേശം നല്‍കിയോ എന്നതടക്കമുള്ള കാര്യങ്ങളില്‍ മറുപടി നല്‍കാന്‍ ഹൈക്കോടതി ആവശ്യപ്പെട്ടിട്ടുണ്ട്. നോ ക്യാപിന്റെ ചീഫ് എഡിറ്റര്‍ ഹൈദര്‍ അലി നല്‍കിയ ഹര്‍ജിയില്‍ ജസ്റ്റിസ് സിയാദ് റഹ്‌മാന്‍ കെ കെയുടേതാണ് ഇടപെടല്‍. ഹര്‍ജി നവംബര്‍ അഞ്ചിന് വീണ്ടും പരിഗണിക്കും.കഴിഞ്ഞ മാസം സെപ്റ്റംബര്‍ 28നാണ് നോക്യാപിന്റെ ഫേസ്ബുക്കിന് ഇന്ത്യയില്‍ വിലക്കേര്‍പ്പെടുത്തിയത്. ഫേസ്ബുക്ക് പേജ് നീക്കം ചെയ്തതില്‍ കൃത്യമായ കാരണമോ നീക്കം ചെയ്യാനുള്ള ഉത്തരവിന്റെ പകര്‍പ്പോ തങ്ങള്‍ക്ക് ലഭിച്ചില്ലെന്ന് ഹര്‍ജിക്കാരന്‍ ഹര്‍ജിയില്‍ ചൂണ്ടിക്കാട്ടി. ‘ഐ ടി നിയമത്തിലെ വകുപ്പ് 79(3)(b) പ്രകാരം നിരോധിച്ചെന്ന അറിയിപ്പാണ് പ്ലാറ്റ്‌ഫോമിന് ലഭിച്ചത്. നോട്ടീസ് നല്‍കിയ നിയമപരമായ അധികാരി ആരെന്നോ, ഏത് വാര്‍ത്തയാണ് പ്രശ്‌നമെന്ന് കണ്ടെത്തിയതെന്നോ, ബ്ലോക്ക് ചെയ്തതിന്റെ കാരണമോ വ്യക്തമാക്കിയിട്ടില്ല’, ഹര്‍ജിയില്‍ പറയുന്നു.നിയമവിരുദ്ധമായ ഉള്ളടക്കം ഏതെന്ന് വ്യക്തമാക്കാതെ ഫേസ്ബുക്ക് പേജ് നിരോധിക്കുന്നത് അഭിപ്രായ സ്വാതന്ത്ര്യത്തിന്റെയും തൊഴില്‍ ചെയ്യാനുള്ള അവകാശത്തിന്റെയും ലംഘനമാണെന്ന് ഹര്‍ജിയില്‍ ചൂണ്ടിക്കാട്ടുന്നു. ഫേസ്ബുക്ക് പേജ് നീക്കം ചെയ്യുന്നതിന് മുമ്പ് നോക്യാപിന് 1.62 ലക്ഷം ഫോളോവേഴ്‌സ് ഫേസ്ബുക്കില്‍ ഉണ്ടായിരുന്നുവെന്നും പേജ് നീക്കം ചെയ്തതിന് പിന്നാലെ പ്ലാറ്റ്‌ഫോമിന്റെ റീച്ചിനും വരുമാനത്തിനും ഇടിവ് സംഭവിച്ചെന്നും ഹര്‍ജിക്കാരന്‍ അറിയിച്ചു. തങ്ങളുടെ ഭാഗം കേള്‍ക്കാതെയാണ് നിരോധനം ഏര്‍പ്പെടുത്തിയതെന്നും അത് സ്വാഭാവിക നീതിയുടെ ലംഘനമാണെന്നും നോക്യാപ് കോടതിയില്‍ വ്യക്തമാക്കി.ഫേസ്ബുക്കിന് നിരോധനമേര്‍പ്പെടുത്തിയതിന്റെ ഉത്തരവ് ഹാജരാക്കാന്‍ അധികാരികള്‍ക്ക് നിര്‍ദേശം നല്‍കണമെന്നും ഇന്ത്യയില്‍ ഫേസ്ബുക്ക് പേജ് തിരികെ കൊണ്ടുവരണമെന്നും ഹര്‍ജിയില്‍ ആവശ്യപ്പെട്ടു. പിന്നാലെ ഹൈക്കോടതി കേന്ദ്ര-സംസ്ഥാന സര്‍ക്കാരുകള്‍ക്ക് നോട്ടീസ് അയക്കുകയായിരുന്നു. നോക്യാപിന് വേണ്ടി അഭിഭാഷകരായ പ്രശാന്ത് സുഗതന്‍, വര്‍ഷ ഭാസ്‌കര്‍, മാളവിക കെ എന്നിവരാണ് ഹാജരായത്.

കായികമേളയില്‍ നാളെ (ഒക്ടോബര്‍ 28)വേദി: മേജര്‍ ധ്യാന്‍ചന്ദ്് സ്പോര്‍ട്സ് കോംപ്ലക്സ്, എന്‍ഐടി

0

രാവിലെ*- 7.10AM: 600 മീറ്റര്‍ സബ് ജൂനിയര്‍ ആണ്‍ അണ്ടര്‍-14 (ഒന്നാം റൗണ്ട്)- 7.20: ജാവലിന്‍ ത്രോ (500 ഗ്രാം) സീനിയര്‍ പെണ്‍ അണ്ടര്‍-19 (യോഗ്യതാ റൗണ്ട്, ഗ്രൂപ്പ് എ)- 7.40: 600 മീറ്റര്‍ സബ് ജൂനിയര്‍ പെണ്‍ അണ്ടര്‍-14 (ഒന്നാം റൗണ്ട്)- 8.15: ലോങ് ജമ്പ് ജൂനിയര്‍ പെണ്‍ അണ്ടര്‍-17 (ഫൈനല്‍)- 8.20: 100 മീറ്റര്‍ സബ് ജൂനിയര്‍ പെണ്‍ അണ്ടര്‍-14 (ഒന്നാം റൗണ്ട്)- 8.45: ജാവലിന്‍ ത്രോ (500 ഗ്രാം) സീനിയര്‍ പെണ്‍ അണ്ടര്‍-19 (യോഗ്യതാ റൗണ്ട്, ഗ്രൂപ്പ് ബി)- 8.50: ഷോട്ട്പുട്ട് (5 കിലോ) ജൂനിയര്‍ ആണ്‍ അണ്ടര്‍-17 (ഫൈനല്‍)- 8.50: 100 മീറ്റര്‍ സബ് ജൂനിയര്‍ ആണ്‍ അണ്ടര്‍-14 (ഒന്നാം റൗണ്ട്)- 9.20: 100 മീറ്റര്‍ സീനിയര്‍ പെണ്‍ അണ്ടര്‍-19 (ഒന്നാം റൗണ്ട്)- 9.45: ലോങ് ജമ്പ് ജൂനിയര്‍ ആണ്‍ അണ്ടര്‍-17 (ഫൈനല്‍)- 9.50: 100 മീറ്റര്‍ സീനിയര്‍ ആണ്‍ അണ്ടര്‍-19 (ഒന്നാം റൗണ്ട്)- 10.10: ഹൈജമ്പ് സീനിയര്‍ പെണ്‍ അണ്ടര്‍-19 (യോഗ്യതാ റൗണ്ട്, ഗ്രൂപ്പ് എ, ബി)- 10.20: ഡിസ്‌കസ് ത്രോ (1 കിലോ) ജൂനിയര്‍ പെണ്‍ അണ്ടര്‍-17 (ഫൈനല്‍)- 10.20: 100 മീറ്റര്‍ ജൂനിയര്‍ പെണ്‍ അണ്ടര്‍-17 (ഒന്നാം റൗണ്ട്)- 10.50: 100 മീറ്റര്‍ ജൂനിയര്‍ ആണ്‍ അണ്ടര്‍-17 (ഒന്നാം റൗണ്ട്)- 11.15: ലോങ് ജമ്പ് സബ് ജൂനിയര്‍ ആണ്‍ അണ്ടര്‍-14 (യോഗ്യതാ റൗണ്ട്, ഗ്രൂപ്പ് എ, ബി)*ഉച്ചയ്ക്കുശേഷം*- 2.30PM: ഡിസ്‌കസ് ത്രോ (1.5 കിലോ) സീനിയര്‍ ആണ്‍ അണ്ടര്‍-19 (ഫൈനല്‍)- 3.00: പോള്‍വോള്‍ട്ട് സീനിയര്‍ ആണ്‍ അണ്ടര്‍-19 (ഫൈനല്‍)- 3.00: ട്രിപ്പിള്‍ ജമ്പ് സീനിയര്‍ പെണ്‍ അണ്ടര്‍-19 (യോഗ്യതാ റൗണ്ട്, ഗ്രൂപ്പ് എ, ബി)- 3.15: ഹൈജമ്പ് സീനിയര്‍ ആണ്‍ അണ്ടര്‍-19 (യോഗ്യതാ റൗണ്ട്, ഗ്രൂപ്പ് എ, ബി)- 3.50: 400 മീറ്റര്‍ ഹര്‍ഡില്‍സ് ജൂനിയര്‍ ആണ്‍ അണ്ടര്‍-17 (ഒന്നാം റൗണ്ട്)- 4.20: 400 മീറ്റര്‍ ഹര്‍ഡില്‍സ് സീനിയര്‍ ആണ്‍ അണ്ടര്‍-19 (ഒന്നാം റൗണ്ട്)- 4.30: ട്രിപ്പിള്‍ ജമ്പ് ജൂനിയര്‍ പെണ്‍ അണ്ടര്‍-17 (യോഗ്യതാ റൗണ്ട്, ഗ്രൂപ്പ് എ, ബി)- 4.40: ഹൈജമ്പ് സബ് ജൂനിയര്‍ പെണ്‍ അണ്ടര്‍-14 (ഫൈനല്‍)- 5.00: 400 മീറ്റര്‍ ഹര്‍ഡില്‍സ് ജൂനിയര്‍ പെണ്‍ അണ്ടര്‍-17 (ഒന്നാം റൗണ്ട്)- 5.10: ജാവലിന്‍ ത്രോ (500 ഗ്രാം) ജൂനിയര്‍ പെണ്‍ അണ്ടര്‍-17 (ഫൈനല്‍)- 5.30: 400 മീറ്റര്‍ ഹര്‍ഡില്‍സ് സീനിയര്‍ പെണ്‍ അണ്ടര്‍-19 (ഒന്നാം റൗണ്ട്)- 5.40: ഷോട്ട്പുട്ട് (4 കിലോ) സബ് ജൂനിയര്‍ ആണ്‍ അണ്ടര്‍-14 (ഫൈനല്‍)- 6.00: ട്രിപ്പിള്‍ ജമ്പ് ജൂനിയര്‍ ആണ്‍ അണ്ടര്‍-17 (യോഗ്യതാ റൗണ്ട്, ഗ്രൂപ്പ് എ, ബി)- 6.10: 1500 മീറ്റര്‍ ജൂനിയര്‍ പെണ്‍ അണ്ടര്‍-17 (ഫൈനല്‍)- 6.20: 1500 മീറ്റര്‍ ജൂനിയര്‍ ആണ്‍ അണ്ടര്‍-17 (ഫൈനല്‍)- 6.30: 1500 മീറ്റര്‍ സീനിയര്‍ പെണ്‍ അണ്ടര്‍-19 (ഫൈനല്‍)- 6.40: 1500 മീറ്റര്‍ സീനിയര്‍ ആണ്‍ അണ്ടര്‍-19 (ഫൈനല്‍)- 7.00: 100 മീറ്റര്‍ സബ് ജൂനിയര്‍ പെണ്‍ അണ്ടര്‍-14 (ഫൈനല്‍)- 7.10: 100 മീറ്റര്‍ സബ് ജൂനിയര്‍ ആണ്‍ അണ്ടര്‍-14 (ഫൈനല്‍)- 7.20: 100 മീറ്റര്‍ ജൂനിയര്‍ പെണ്‍ അണ്ടര്‍-17 (ഫൈനല്‍)- 7.30: 100 മീറ്റര്‍ ജൂനിയര്‍ ആണ്‍ അണ്ടര്‍-17 (ഫൈനല്‍)- 7.40: 100 മീറ്റര്‍ സീനിയര്‍ പെണ്‍ അണ്ടര്‍-19 (ഫൈനല്‍)- 7.50: 100 മീറ്റര്‍ സീനിയര്‍ ആണ്‍ അണ്ടര്‍-19 (ഫൈനല്‍*മറ്റ് വേദികളില്‍* *പി.ടി.എം.എച്ച്.എസ്.എസ് കൊടിയത്തൂര്‍ (വാദി റഹ്മ ഇംഗ്ലീഷ് സ്‌കൂള്‍ സ്റ്റേഡിയം)* – സോഫ്റ്റ്‌ബോള്‍ (സീനിയര്‍ ആണ്‍)- ബേസ്‌ബോള്‍ (സീനിയര്‍ പെണ്‍)- ബോള്‍ ബാഡ്മിന്റണ്‍ (ജൂനിയര്‍ ആണ്‍/പെണ്‍)*പെരുവയല്‍ സെന്റ് സേവ്യേഴ്‌സ് യു.പി. സ്‌കൂള്‍* – നെറ്റ്‌ബോള്‍ (സീനിയര്‍ ആണ്‍)*കുന്ദമംഗലം ഹയര്‍ സെക്കന്ററി സ്‌കൂള്‍*- വടംവലി (സീനിയര്‍ ആണ്‍/പെണ്‍)*ആര്‍.ഇ.സി.ജി. വി.എച്ച്.എസ് സ്‌കൂള്‍, ചാത്തമംഗലം* – യോഗ (ജൂനിയര്‍ ആണ്‍/പെണ്‍)*സില്‍വര്‍ ഹില്‍സ് പബ്ലിക് സ്‌കൂള്‍ പാറോപ്പടി, മേരിക്കുന്ന്* – ബാസ്‌കറ്റ് ബോള്‍ (ജൂനിയര്‍ ആണ്‍) *പ്രസന്റേഷന്‍ എച്ച്.എസ്. എസ്, ചേവായൂര്‍*- ബാസ്‌കറ്റ് ബോള്‍ (ജൂനിയര്‍ പെണ്‍) *സെന്റ് ജോസഫ് കോളേജ് ഇന്‍ഡോര്‍ സ്റ്റേഡിയം, ദേവഗിരി* – ബാഡ്മിന്റണ്‍ (സബ് ജൂനിയര്‍ ആണ്‍/പെണ്‍)

നവംബർ മൂന്നുമുതൽ സംസ്ഥാനത്ത് സ്വകാര്യ ബസ്സുകളുടെ അനിശ്ചിതകാല സമരം.

0

പാലക്കാട്: സംസ്ഥാനത്തെ സ്വകാര്യ ബസ്സുകൾ സമരത്തിലേക്ക്. നവംബർ മൂന്നിനകം അനുകൂല തീരുമാനം കൈക്കൊണ്ടില്ലെങ്കിൽ ബസ് സർവീസുകൾ നിർത്തിവെച്ച് അനിശ്ചിതകാല സമരത്തിലേക്ക് നീങ്ങുമെന്ന് വിവിധ ബസ്സുടമ സംഘടനകൾ അറിയിച്ചു. ആറ് സ്വകാര്യ ബസ്സുടമ സംഘടനകളുടെ സംയുക്ത സമിതിയാണ് സമരത്തിന് ആഹ്വാനംചെയ്‌തത്‌. നവംബർ മൂന്നുമുതലാണ് സമരം പ്രഖ്യാപിച്ചത്.സ്ത്രീകൾക്ക് സൗജന്യയാത്ര നൽകുന്ന പ്രിയദർശിനി അടക്കമുള്ള പദ്ധതികൾ സ്വകാര്യ ബസ്സുകളെ സാരമായി ബാധിച്ചിട്ടുണ്ട്. ഇതുകാരണം സ്വകാര്യ ബസ് ജീവനക്കാരുടെ കുടുംബങ്ങൾ ദുരിതത്തിലായത് അടക്കമുള്ള കാര്യങ്ങൾ ചൂണ്ടിക്കാണിച്ചാണ് സമരം. ഇതിനുപുറമേ നിരക്കു വർധന, കുട്ടികളുടെ കൺസഷൻ ചാർജിൽ കാലാനുസൃതമായ മാറ്റം എന്നീ ആവശ്യങ്ങളും ബസ്സുടമകൾ ഉയർത്തുന്നു.സമരം ഒഴിവാക്കാൻ ലക്ഷ്യമിട്ടാണ് ഇത്രയും ദിവസം കാത്തുനിന്നതെന്നും ചർച്ചയില്ലെങ്കിൽ ഇനി സമരമല്ലാതെ മുന്നിൽ വേറെ മാർഗമില്ലെന്നും സംഘടനകൾ അറിയിച്ചു.