spot_img
Friday, November 20, 2026
Home Blog Page 794

ശരീരത്തില്‍ ഇരുപതിലേറെ വെട്ടുകള്‍; ഇടതുകാല്‍ വെട്ടി മാറ്റി: 7 പേര്‍ പിടിയില്‍

0

കണ്ണൂർ∙ സിപിഎം പ്രവർത്തകൻ പുന്നോൽ ഹരിദാസ് വധക്കേസിൽ ഏഴു പേർ കസ്റ്റഡിയിലെന്ന് പൊലീസ്. കേസ് പ്രത്യേക സംഘം അന്വേഷിക്കുമെന്ന് കമ്മിഷണർ ആർ. ഇളങ്കോ. ആറു സംഘങ്ങളായി തിരിഞ്ഞ് അന്വേഷണം നടത്തുമെന്നും അദ്ദേഹം അറിയിച്ചു.

വീട്ടുമുറ്റത്തുവച്ചാണ് കൊലപാതകം നടന്നത്. ഹരിദാസിന്റെ ശരീരത്തിൽ ഇരുപതിലധികം വെട്ടുകളുണ്ടെന്ന് ഇൻക്വസ്റ്റ് റിപ്പോർട്ട്.

ഇടതുകാൽ മുറിച്ചുമാറ്റിയ നിലയിലാണ്. കൂടുതൽ മുറിവുകളും അരയ്ക്കു താഴേയ്ക്കാണെന്നും റിപ്പോർട്ടിൽ പറയുന്നു.

തലശേരി ന്യൂമാഹിക്കടുത്ത് ഇന്നു പുലർച്ചെ ഒന്നരയോടെയാണ് സിപിഎം പ്രവർത്തകൻ പുന്നോൽ സ്വദേശി ഹരിദാസിനെ വെട്ടിക്കൊലപ്പെടുത്തിയത്. മത്സ്യത്തൊഴിലാളിയായ ഹരിദാസ് ജോലി കഴിഞ്ഞു മടങ്ങവെ വീടിനു സമീപത്തുവച്ചായിരുന്നു കൊലപാതകം.

രണ്ടു ബൈക്കുകളിലായെത്തിയ സംഘമാണ് കൊലയ്ക്കു പിന്നിലെന്ന് റിപ്പോർട്ട്.

ഇന്ന് മുതൽ സ്കൂളുകൾ പൂർണ്ണമായും തുറക്കുന്നു , 23 മാസത്തെ ഇടവേളയ്ക്ക് ശേഷം

0

കൊവിഡ് വ്യാപനത്തെ തുടർന്നുള്ള 23 മാസത്തെ ഇടവേളക്ക് ശേഷം സംസ്ഥാനത്തെ സ്കൂളുകളിൽ ഇന്ന് മുതൽ പൂർണ്ണതോതിൽ ക്ലാസ് തുടങ്ങും. 47 ലക്ഷം വിദ്യാർത്ഥികളാണ് ഇന്ന് സ്കൂളുകളിലേക്കെത്തുന്നത്.

യൂണിഫോമും ഹാജറും നിർബന്ധമല്ല. സിബിഎസ്ഇ സ്കൂളുകളും തുറന്ന് പ്രവർത്തിക്കണമെന്നാണ് നിർദ്ദേശം. സ്കൂളുകളിലേക്ക് എത്താൻ ബുദ്ധിമുട്ടുള്ള കുട്ടികൾക്കായി ഓൺലൈൻ പഠനം തുടരും.

ഒന്ന് മുതൽ 9ആം ക്ലാസ് വരെയുള്ള വിദ്യാർത്ഥികൾക്ക് മാർച്ച് വരെ ക്ലാസുകളുണ്ടാകും. ഏപ്രിലിലായിരിക്കും വാർഷിക പരീക്ഷ. 10,12 ക്ലാസുകൾ ഈ മാസം അവസാനത്തോടെ തീർക്കും. പിന്നീട് റിവിഷനുള്ള സമയം നൽകി മോഡൽ പരീക്ഷ നടത്തും. സ്‌കൂള്‍ തുറക്കുമ്പോള്‍ ഉയരുന്ന ആശങ്ക; കൊവിഡ് പശ്ചാത്തലത്തില്‍

മാതാപിതാക്കള്‍ അറിയേണ്ടത്…

കൊവിഡ് 19മായുള്ള നമ്മുടെ പോരാട്ടം രണ്ട് വര്‍ഷം പിന്നിട്ടിരിക്കുകയാണ്. ഇതിനിടെ ജനിതകവ്യതിയാനങ്ങള്‍ സംഭവിച്ച വൈറസുകളെത്തി, വാക്‌സിനെത്തി, അതിശക്തമായ രണ്ടാം തരംഗവും അതില്‍ നിന്ന് അല്‍പം ആശ്വസം പകരുന്ന മൂന്നാം തരംഗവുമെത്തി.

എന്നാലിപ്പോഴും കുട്ടികളെയോ പ്രായമായവരെയോ ഗര്‍ഭിണികളെയോ ഒക്കെ കൊവിഡ് ബാധിക്കുന്നതുമായി ബന്ധപ്പെട്ട് നമുക്കുള്ള ആശങ്ക ചെറുതല്ല. കുട്ടികള്‍ വാക്‌സിന്‍ സ്വീകരിക്കാത്തവര്‍ കൂടിയാകുമ്പോള്‍ ആ ആശങ്ക ഏറെ ആഴത്തിലുള്ളതാകുന്നു. നിലവില്‍ സ്‌കൂള്‍ തുറന്ന സാഹചര്യത്തില്‍ കുട്ടികളുടെ ആരോഗ്യവുമായി ബന്ധപ്പെട്ട് വളരെയധികം സമ്മര്‍ദ്ദപ്പെടുന്ന മാതാപിതാക്കളെയാണ് നാം കാണുന്നത്. കുട്ടികളെ രോഗം ബാധിക്കുമോ?

ബാധിച്ചാല്‍ തന്നെ അത് ദൗര്‍ഭാഗ്യവശാല്‍ അപകടകരമാംവിധം തീവ്രമാകുമോ? എന്നെല്ലാമുള്ള ഭയം മാതാപിതാക്കളുടെ മനസില്‍ തീര്‍ച്ചയായും കാണും. ഈ ഘട്ടത്തില്‍ നിര്‍ബന്ധമായും സ്‌കൂളില്‍ പഠിക്കുന്ന കുട്ടികളുള്ള മാതാപിതാക്കള്‍ അറിയേണ്ട ചില കാര്യങ്ങളാണിനി പങ്കുവയ്ക്കുന്നത്.

കെഎസ്ആർടിസി ബസുകൾക്ക് ഇനി ജില്ല തിരിച്ച് നമ്പർ

0

സംസ്ഥാനത്തെ കെഎസ്ആർടിസി ബസുകൾക്ക് ജില്ല അടിസ്ഥാനത്തിൽ സീരിയൽ നമ്പർ നൽകാൻ തീരുമാനമായി എന്ന് റിപ്പോര്‍ട്ട്. നിലവിലെ ബോണറ്റ് നമ്പർ ഒഴിവാക്കാതെ അതിനൊപ്പം ബസിന്‍റെ ഇടത് ഭാ​ഗത്തായി ഓരോ ജില്ലയ്ക്കും രണ്ട് ഇംഗ്ലീഷ് അക്ഷരങ്ങൾകൂടെ ഉൾപ്പെടുത്തിയാണ് നമ്പർ അനുവദിക്കുക എന്നാണ് റിപ്പോര്‍ട്ടുകള്‍.

ഇനി മുതല്‍ നിലവില്‍ രേഖപ്പെടുത്തിയിരുന്ന ഡിപ്പോ കോഡ് രേഖപ്പെടുത്തില്ല. ജൻറം ബസുകളില്‍ ജെഎൻ സീരിയലില്‍ ഉള്ള ബോണറ്റ് നമ്പരുകള്‍ വലത് വശത്തും സിറ്റി സര്‍ക്കുലര്‍ (CC), സിറ്റി ഷട്ടില്‍ (CS) എന്നീ അക്ഷരങ്ങള്‍ ഇടത് വശത്തും പതിക്കും.

ഓരോ ജില്ലയുടെയും കോഡ്:

തിരുവനന്തപുരം-TV , കൊല്ലം- KL , പത്തനംതിട്ട- PT, ആലപ്പുഴ-AL, കോട്ടയം- KT, ഇടുക്കി-ID, എറണാകുളം-EK, തൃശ്ശൂര്‍-TR , പാലക്കാട്- PL , മലപ്പുറം- ML, കോഴിക്കോട്- KK, വയനാട്- WN, കണ്ണൂര്‍- KN, കാസര്‍ഗോഡ് – KG. ഈ ഇംഗ്ലീഷ് അക്ഷരങ്ങള്‍ക്കൊപ്പം ബസുകളുടെ കാലപ്പഴക്കത്തിന് അനുസരിച്ച് ഒന്ന് മുതലുള്ള നമ്പരുകളും നല്‍കും.

കെ.എസ്.ആർ.ടി.സി ജില്ലാ പൂളിലേക്ക് ബസ് കൊണ്ടുവരുകയും, മൂന്ന് മാസം മുതൽ ആറ് മാസം വരെ പ്രിവന്റീവ് മെയിന്റിനൻസ് ( കൃത്യമായ ഇടവേളകളിൽ പരിശോധനകൾ നടത്തി സർവിസിന് വേണ്ടി സജ്ജമാക്കൽ) ചെയ്യുന്നതിന്റെ ഭാ​ഗമായി ഓരോ ഡിപ്പോയിൽനിന്നും ബസുകൾ ജില്ലാ പൂളിലേക്ക് പിൻവലിക്കുകയും, സർവിസിന് വേണ്ടി പകരം ബസുകൾ ജില്ലാ പൂളിൽനിന്നും കൊടുക്കുകയും ചെയ്യും. ഏതെങ്കിലും ഡിപ്പോയിൽ ഡ്രൈവർമാർക്കോ യാത്രക്കാർക്കോ താൽപര്യമുള്ള ബസുകൾ, മറ്റുള്ള സ്ഥാപനങ്ങൾ സ്പോൺസർ ചെയ്‍തിട്ടുള്ള ബസുകൾ, ബസ് ഓൺ ഡിമാൻഡ്, ടൂറിസം എന്നിവയ്ക്ക് ഉപയോ​ഗിക്കുന്ന ബസുകൾ എന്നിവ അതാത് ഡിപ്പോകളിൽ തന്നെ നിലനിർത്തും.

അല്ലാതെയുള്ള ബസുകളുടെ സാധാരണ നമ്പറുകൾ ഒഴിവാക്കി ജില്ലാ പൂളിന്റെ ഭാ​ഗമാക്കും. ഈ ബസുകളുടെ മെയിന്റിനൻസ് കഴിഞ്ഞാൽ തിരികെ ഡിപ്പോകൾക്ക് നൽകുകയും ചെയ്യും. ബ്രേക്ക് ഡൗൺ സമയത്തും തിരക്കുള്ള സമയങ്ങളിലും ജില്ലാ പൂളിൽനിന്നും ഈ ബസുകൾ സർവിസിനായി നൽകും എന്നുമാണ് റിപ്പോര്‍ട്ടുകള്‍

തലശ്ശേരി ന്യൂമാഹിക്കടുത്ത് സിപിഎം പ്രവർത്തകനെ വെട്ടിക്കൊലപ്പെടുത്തി

0

തലശ്ശേരി ന്യൂമാഹിക്കടുത്ത് സിപിഎം പ്രവർത്തകനെ വെട്ടിക്കൊലപ്പെടുത്തി. മത്സ്യത്തൊഴിലാളിയായ പുന്നോൽ സ്വദേശി ഹരിദാസ്(54)ആണ് കൊല്ലപ്പെട്ടത്.

ജോലി കഴിഞ്ഞു മടങ്ങ വരുന്ന വഴിക്ക് പുലർച്ചെയാണ്‌ സംഭവം. രണ്ട് ബൈക്കുകളിലായെത്തിയ സംഘമാണ് കൊല നടത്തിയത്.

അതി ക്രൂരമായ നിലയിലാണ് കൊലപാതകം നടത്തിയത്. വെട്ടേറ്റ ഹരിദാസന്റെ കാൽ പൂർണമായും അറ്റുപോയ നിലയിലായിരുന്നു. വീടിനു സമീപത്ത് വച്ച് നടന്ന ആക്രമണമായതിനാൽ ബഹളൺ കേട്ട് ബന്ധുക്കളും സംഭവ സ്ഥലത്ത് എത്തി. ഇവരുടെ കൺമുന്നിലായിരുന്നു പിന്നീട് ക്രൂരമായ അക്രമം നടന്നത്. മൃതദേഹം പരിയാരം മെഡിക്കൽ കോളജിലേക്ക്മാറ്റി

കൊലപാതകത്തിൽ പ്രതിഷേധിച്ച് തലശേരി നഗരസഭയിലും ന്യൂമാഹി പഞ്ചായത്തിലും സിപിഎം ഹർത്താൽ പ്രഖ്യാപിച്ചു.

രാവിലെ ആറ് മണിക്ക് തുടങ്ങിയ ഹർത്താൽ വൈകിട്ട് ആറ് മണി വരെയാണ്

ഗൾഫ് വാർത്തകൾ: ഒമാൻ

0

ഒമാനിൽ തൊ​ഴി​ലാ​ളി​ക​ളു​ടെ ​ഐ​സൊ​ലേ​ഷ​ൻ; മ​ന്ത്രാ​ല​യം മാ​ർഗ നി​ർ​ദേ​ശ​ങ്ങ​ൾ പു​റ​ത്തി​റ​ക്കി

മ​സ്ക​ത്ത്​: തൊ​ഴി​ലാ​ളി​ക​ളു​ടെ കോ​വി​ഡ്​ ഐ​സൊ​ലേ​ഷ​നു​മാ​യി ബ​ന്ധ​പ്പെ​ട്ട്​ തൊഴിൽ മ​​​ന്ത്രാ​ല​യം പു​തി​യ മാ​ർ​ഗ​നി​ർ​ദേ​ശ​ങ്ങ​ൾ പു​റ​ത്തി​റ​ക്കി. പൊ​തു-​സ്വ​കാ​ര്യ​മേ​ഖ​ല​യി​ലു​ള്ള എ​ല്ലാ തൊ​ഴി​ലാ​ളി​ക​ൾ​ക്കും മാ​ർ​ഗ​നി​ദേ​ശ​ങ്ങ​ൾ ബാ​ധ​ക​മാ​ണെ​ന്ന്​ മ​​​ന്ത്രാ​ല​യം പ​റ​ഞ്ഞു. വാ​ക്സി​നെ​ടു​ക്കാ​ത്ത വ്യ​ക്തി​ക​ൾ ​കോ​വി​ഡ്​ രോ​ഗി​ക​ളു​മാ​യി സ​മ്പ​ർ​ക്കം പു​ല​ർ​ത്തി​യി​ട്ടു​ണ്ടെ​ങ്കി​ൽ ഏ​ഴ്​ ദി​വ​സ​ത്തെ ക്വാ​റ​ന്‍റീ​നി​ൽ പോ​ക​ണം. എ​ട്ടാം ദി​വ​സം കോ​വി​ഡ്​ പ​രി​ശോ​ധ​ന​ക്ക്​ വി​ധേ​യ​മാ​ക​ണം. ഫ​ലം ​നെ​ഗ​റ്റി​വാ​ണെ​ങ്കി​ൽ ഐ​സൊ​ലേ​ഷ​ൻ അ​വ​സാ​നി​പ്പി​ക്കാം. എ​ന്നാ​ൽ, പോ​സി​റ്റി​വാ​കു​ക​യാ​ണെ​ങ്കി​ൽ 10 ദി​വ​സ​ത്തെ ഐ​സൊ​ലേ​ഷ​ൻ പൂ​ർ​ത്തി​യാ​ക്ക​ണം. ​കോ​വി​ഡ്​ രോ​ഗി​ക​ളു​മാ​യി ​ സ​മ്പ​ർ​ക്കം പു​ല​ർ​ത്തി​യ​വ​ർ വാ​ക്സി​ൻ സ്വീ​ക​രി​ച്ച​വ​രാ​ണെ​ങ്കി​ൽ പ്ര​ക​ട​മാ​യ ല​ക്ഷ​ണ​മി​ല്ലെ​ങ്കി​ൽ ​ഐ​സൊ​ലേ​ഷ​ൻ ആ​വ​ശ്യ​മി​ല്ല.എ​ന്നാ​ൽ, കോ​വി​ഡ്​ പ​രി​ശോ​ധ​ന​ക്ക്​ ഹാ​ജ​രാ​ക​ണം. ഫ​ലം പോ​സി​റ്റി​വാ​ണെ​​ങ്കി​ൽ ഏ​ഴു​ ദി​വ​​സ​ത്തെ ഐ​സൊ​ഷേ​നി​ൽ ക​ഴി​യു​ക​യും എ​ട്ടാം ദി​വ​സം ആ​ന്‍റി​ജ​ൻ പ​രി​ശോ​ധ​ന ന​ട​ത്തു​ക​യും വേ​ണം. ഇ​തി​ൽ പോ​സി​റ്റി​വാ​ണെ​ങ്കി​ൽ 10​ ദി​വ​സ​ത്തെ ഐ​സൊ​ലേ​ഷ​ൻ പൂ​ർ​ത്തി​യാ​ക്ക​ണം. ​രോ​ഗ ല​ക്ഷ​ണ​മു​ള്ള എ​ല്ലാ തൊ​ഴി​ലാ​ളി​ക​ളും പ​രി​ശോ​ധ​ന ന​ട​ത്തേ​ണ്ട​താ​ണെ​ന്ന്​ മ​​ന്ത്രാ​ല​യം അ​റി​യി​ച്ചു. ഫ​ലം പോ​സി​റ്റാ​വാ​​ണെ​ങ്കി​ൽ ഏ​ഴ്​ ദി​വ​സ​ത്തെ ഐ​സൊ​ലേ​ഷ​നി​ൽ ക​ഴി​യു​ക​യും എ​ട്ടാം ദി​വ​സം ആ​ന്‍റി​ജ​ൻ പ​രി​ശോ​ധ​ന​ക്ക്​ വി​ധേ​യ​മാ​കു​ക​യും വേ​ണം. ഇ​തി​ൽ ഫ​ലം നെ​ഗ​റ്റി​വാ​ണെ​ങ്കി​ൽ ഐ​സൊ​ലേ​ഷ​ൻ അ​വ​സാ​നി​പ്പി​ക്കാം. പോ​സി​റ്റി​വാ​ണെ​ങ്കി​ൽ 10​ ദി​വ​സ​ത്തെ ഐ​സൊ​ലേ​ഷ​ൻ പൂ​ർ​ത്തി​യാ​ക്ക​ണം. യാ​​ത്ര​യ​ട​ക്കു​മു​ള്ള മ​റ്റ്​ പി.​സി.​ആ​ർ ടെ​സ്റ്റി​ൽ പോ​സി​റ്റി​വാ​കു​ക​യാ​ണെ​ങ്കി​ൽ 72 മ​ണി​ക്കൂ​ർ ​ഐ​സൊ​ലേ​ഷ​നി​ൽ ക​ഴി​ഞ്ഞാ​ൽ മ​തി. ഇ​തി​ന്​ ​ശേ​ഷ​മു​ള്ള ആ​ന്‍റി​ജ​ൻ പ​രി​ശോ​ധ​ന​യി​ൽ ഫ​ലം നെ​ഗ​റ്റി​വാ​ണെ​ങ്കി​ൽ ഐ​സൊ​ല​ഷ​ൻ അ​വ​സാ​നി​പ്പി​ക്കാം. രാ​ജ്യ​ത്തെ പൊ​തു-​സ്വ​കാ​ര്യ​മേ​ഖ​ല​ക​ളി​ലെ എ​ല്ലാ സ്ഥാ​പ​ന​ങ്ങ​ളും കോ​വി​ഡ്​ മാ​ന​ദ​ണ്ഡ​ങ്ങ​ൾ പാ​ലി​ക്ക​ണ​മെ​ന്നും മ​ന്ത്രാ​ല​യം നി​ർ​​ദേ​ശി​ച്ചു.

ഒമാനിൽ പിസിആർ സർട്ടിഫിക്കറ്റ് അറ്റസ്റ്റേഷൻ ആവശ്യമില്ല

മസ്‌കത്ത്∙ ഒമാനില്‍ നിന്നു പുറത്തേക്കു യാത്ര ചെയ്യുന്നവര്‍ക്ക് ഇനി അറ്റസ്റ്റ് ചെയ്ത പിസിആര്‍ നെഗറ്റീവ് സര്‍ട്ടിഫിക്കറ്റ് ആവശ്യമില്ല. ഇതിന് ഈടാക്കിയിരുന്ന അഞ്ചു റിയാല്‍ നിരക്കും റദ്ധാക്കിയതായും ആരോഗ്യ മന്ത്രാലയം അറിയിച്ചു. പിസിആര്‍ പരിശോധന ഫലം തറസ്സുദ് പ്ലസ് ആരോഗ്യ മന്ത്രാലയം പുറത്തിറക്കിയ സര്‍ക്കുലറില്‍ അറിയിച്ചു. യാത്രക്കാര്‍ക്ക് ഏറെ ആശ്വാസകരമാകുന്നതാണ് ഈ തീരുമാനം.

ചർച്ചകളിൽ നിറഞ്ഞ് ഒമാൻ റെയിൽ പദ്ധതി, വൈകാതെ തുടക്കമിടുമെന്ന് റിപ്പോർട്ട്

മസ്കത്ത് ∙ റെയിൽ പദ്ധതിക്ക് ഒമാൻ വൈകാതെ തുടക്കമിടുമെന്ന് റിപ്പോർട്ട്. 2,144 കിലോമീറ്റർ പാത യുഎഇ, കുവൈത്ത്, ബഹ്‌റൈൻ, സൗദി അറേബ്യ, ഖത്തർ എന്നീ രാജ്യങ്ങളെ ഒമാനുമായി നേരിട്ടു ബന്ധിപ്പിക്കുന്നതോടെ കാർഷിക, വ്യവസായ മേഖലകളിലടക്കം വൻമാറ്റത്തിനു തുടക്കമാകും. റൂവി, മത്ര, രാജ്യാന്തര വിമാനത്താവളം, സീബ് മേഖലകളെ ബന്ധിപ്പിച്ചുള്ള മെട്രോ, മസ്കത്ത്-സൊഹാർ ലൈറ്റ് റെയിൽ എന്നിവയും പരിഗണനയിലാണ്. എണ്ണവിലയിടിഞ്ഞ സാഹചര്യങ്ങൾ മൂലമാണ് ഒമാൻ റെയിൽ പദ്ധതി മുന്നോട്ടു പോകാതിരുന്നത്.സലാല, സൊഹാർ, ദുഖം തുറമുഖ മേഖലകളെ ബന്ധിപ്പിക്കുമെന്നതാണ് ഒമാൻ റെയിൽ പദ്ധതിയുടെ ഏറ്റവും വലിയ പ്രത്യേകത. ലോകരാജ്യങ്ങളിലേക്കുള്ള ചരക്കുനീക്കത്തിന്റെ പ്രധാന കേന്ദ്രങ്ങളാണിവ. ഒമാനെ മേഖലയിലെ ലോജിസ്റ്റിക് ഹബ് ആക്കി മാറ്റാനും ഇന്ത്യ ഉൾപ്പെടെയുള്ള രാജ്യങ്ങളുമായുള്ള വ്യാപാര-വാണിജ്യ ബന്ധത്തിൽ വലിയൊരു മാറ്റത്തിനു തുടക്കമിടാനും കഴിയും.ദുഖം-തുംറൈത്-സലാല, സോഹാർ തുറമുഖം-മസ്‌കത്ത്, അൽ മിസ്ഫ-സിനാ, തുംറൈത്-അൽ മേസൂന, പാതകളാണ് ഒമാൻ റെയിലിൽ ഉൾപ്പെടുന്നത്.പദ്ധതി യാഥാർഥ്യമാകുന്നതോടെ രാജ്യത്തിന്റെ മൊത്തം ആഭ്യന്തര ഉൽപാദനം 2040 ആകുമ്പോഴേക്കും 1,400 കോടിയിലേറെ റിയാലാകുമെന്നാണ് വിലയിരുത്തൽ. ലോജിസ്റ്റിക് മേഖലയിൽ മാത്രം 35,000 ലേറെ തൊഴിലവസരങ്ങളുണ്ടാകും

റമദാന് മുമ്പ്​ കോവിഡ്​ താഴ്​ന്ന നിലയി​ലെത്തും – ആരോഗ്യ വിദഗ്​ധൻ

മ​സ്ക​ത്ത്​: രാ​ജ്യ​ത്തെ കോ​വി​ഡ്​ കേ​സു​ക​ളു​ടെ മൂ​ർ​ധ​ന്യാ​വ​സ്ഥ ക​ഴി​ഞ്ഞു​വെ​ന്നും വ​രും ആ​ഴ്ച​ക​ളി​ൽ അ​ണു​ബാ​ധ​ക​രു​ടെ കാ​ര്യ​ത്തി​ൽ ക്ര​മാ​നു​ഗ​ത​മാ​യ മാ​റ്റം ഉ​ണ്ടാ​കു​മെ​ന്നും സു​ൽ​ത്താ​ൻ ഖാ​ബൂ​സ് യൂ​നി​വേ​ഴ്‌​സി​റ്റി​യി​ലെ (എ​സ്‌.​ക്യൂ) കോ​ള​ജ് ഓ​ഫ് മെ​ഡി​സി​നി​ലെ അ​സി​സ്റ്റ​ന്‍റ്​ പ്ര​ഫ​സ​റും എ​സ്‌​ക്യൂ ഹോ​സ്പി​റ്റ​ലി​ലെ പ​ക​ർ​ച്ച​വ്യാ​ധി ക​ൺ​സ​ൽ​ട്ട​ന്‍റു​മാ​യ ഡോ. ​സാ​യി​ദ് അ​ൽ ഖ​ത്താ​ബ് അ​ൽ ഹി​നാ​യ് പ്രാ​ദേ​ശി​ക പ​ത്ര​ത്തി​ന്​ ന​ൽ​കി​യ അ​ഭി​മു​ഖ​ത്തി​ൽ അ​റി​യി​ച്ചു. റ​മ​മ​ദാ​നി​ന് ഏ​ക​ദേ​ശം നാ​ലോ ആ​റോ ആ​ഴ്‌​ച മു​മ്പ് അ​ണു​ബാ​ധ താ​ഴ്ന്ന​നി​ല​യി​ലെ​ത്തും. പ​ക്ഷേ, മു​ൻ​ക​രു​ത​ൽ കു​റ​ഞ്ഞാ​ൽ വീ​ണ്ടും ഉ​യ​ർ​ന്നേ​ക്കാ​മെ​ന്ന്​ അ​​ദ്ദേ​ഹം പ​റ​ഞ്ഞു. നി​യ​ന്ത്ര​ണം കു​റ​ച്ച​തി​ന്​ ശേ​ഷം ഡെ​ൻ​മാ​ർ​ക്ക്​​പോ​ലു​ള്ള രാ​ജ്യ​ങ്ങ​ളി​ൽ കേ​സു​ക​ൾ ഉ​യ​ർ​ന്നി​രു​ന്നു.കു​ത്തി​വെ​പ്പി​ലൂ​ടെ​യും മു​ൻ​കാ​ല അ​ണു​ബാ​ധ​ക​ളി​ലൂ​ടെ​യും ആ​ളു​ക​ൾ നേ​ടി​യെ​ടു​ത്ത പ്ര​തി​രോ​ധ​ശേ​ഷി കാ​ര​ണം കോ​വി​ഡി​ന്‍റെ തീ​വ്ര​ത കു​റ​ച്ചി​ട്ടു​ണ്ട്. കോ​വി​ഡ്​ ബാ​ധി​ച്ച​വ​രി​ൽ 99 ശ​ത​മാ​നം ആ​ളു​ക​ളി​ലും ഒ​മി​ക്രോ​ൺ വ​ക​ഭേ​ദം ക​ണ്ടെ​ത്തി​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.മാ​സ്ക് ധ​രി​ക്കു​ക, കൈ ​ക​ഴു​കു​ക, പ്ര​ത​ല​ങ്ങ​ൾ അ​ണു​മു​ക്ത​മാ​ക്കു​ക, സാ​നി​റ്റൈ​സ​ർ ഉ​പ​യോ​ഗി​ക്കു​ക, വാ​യു​സ​ഞ്ചാ​രം വ​ർ​ധി​പ്പി​ക്കു​ന്ന​തി​ന് സാ​ധ്യ​മാ​യ ഇ​ട​ങ്ങ​ളി​ൽ ജ​ന​ലു​ക​ൾ തു​റ​ന്നി​ടു​ക, കോ​വി​ഡ്​ ബാ​ധി​ത​രു​മാ​യു​ള്ള സ​മ്പ​ർ​ക്കം ഒ​ഴി​വാ​ക്കു​ക തു​ട​ങ്ങി​യ മു​ൻ​ക​രു​ത​ലു​ക​ൾ എ​ല്ലാ​വ​രും പാ​ലി​ക്ക​ണ​മെ​ന്നും ഡോ​ക്ട​ർ ഓ​ർ​മി​പ്പി​ച്ചു. കോ​വി​ഡ്​ പ്ര​തി​രോ​ധ​ത്തി​ന്‍റെ ഭാ​ഗ​മാ​യി സാ​ധ്യ​മാ​കു​ന്ന എ​ല്ലാ​വ​രും ബൂ​സ്റ്റ​ർ ഡോ​സ​ട​ക്ക​മു​ള്ള വാ​ക്സി​ൻ സ്വീ​ക​രി​ക്ക​ണ​മെ​ന്നും ഡോ​ക്ട​ർ നി​ർ​ദേ​ശി​ച്ചു.

ഗൾഫ് വാർത്തകൾ:കു​വൈ​ത്ത്

0

അ​ഞ്ചു​ ദി​വ​സ​ത്തി​ന​കം ഉ​ൽ​പ​ന്നം തി​രി​കെ ന​ൽ​കാം

കു​വൈ​ത്ത്​ സി​റ്റി: ഇ​ൻ​വോ​യ്​​സി​ൽ മ​റ്റു നി​ബ​ന്ധ​ന​ക​ൾ വ്യ​ക്​​ത​മാ​ക്കി​യി​ട്ടി​ല്ലെ​ങ്കി​ൽ സാ​ധ​ന​ങ്ങ​ൾ അ​ഞ്ചു ദി​വ​സ​ത്തി​ന​കം തി​രി​കെ​ന​ൽ​കാ​ൻ ഉ​പ​ഭോ​ക്​​താ​വി​ന്​ അ​വ​കാ​ശ​മു​ണ്ടാ​കു​മെ​ന്ന്​ വാ​ണി​ജ്യ​മ​ന്ത്രാ​ല​യ​ത്തി​ലെ ഉ​പ​ഭോ​ക്​​തൃ സം​ര​ക്ഷ​ണ​വി​ഭാ​ഗം അ​റി​യി​ച്ചു.ആ​ഭ​ര​ണ​ങ്ങ​ൾ, വാ​ച്ചു​ക​ൾ, സാ​യാ​ഹ്ന, വി​വാ​ഹ വ​സ്ത്ര​ങ്ങ​ൾ, ഗ്ലാ​സു​ക​ൾ, പെ​ർ​ഫ്യൂ​മു​ക​ൾ തു​ട​ങ്ങി​യ സാ​ധ​ന​ങ്ങ​ൾ സം​ബ​ന്ധി​ച്ചാ​ണ്​ അ​ധി​കൃ​ത​ർ വ്യ​ക്​​ത​മാ​ക്കി​യ​ത്. പെെ​ട്ട​ന്ന്​ ന​ശി​ക്കു​ന്ന​ത​രം വ​സ്​​തു​ക്ക​ൾ​ക്ക്​ തി​രി​ച്ചെ​ടു​ക്കു​ന്ന​ത്​ സം​ബ​ന്ധി​ച്ച്​ വ്യ​വ​സ്ഥ​ക​ൾ വെ​ക്കാ​ൻ വി​ൽ​പ​ന​ക്കാ​ർ​ക്ക്​ അ​വ​കാ​ശ​മു​ണ്ടാ​കും. ഇ​ത്​ ഇ​ൻ​വോ​യ്​​സി​ൽ വ്യ​ക്​​ത​മാ​യി രേ​ഖ​പ്പെ​ടു​ത്ത​ണ​മെ​ന്നും ഉ​പ​ഭോ​ക്​​തൃ സം​ര​ക്ഷ​ണ​വി​ഭാ​ഗം ചൂ​ണ്ടി​ക്കാ​ട്ടി.

വാക്സിനേഷൻ എടുക്കാത്ത പ്രവാസികൾക്കും കുവൈത്തിൽ പ്രവേശിക്കാം; മുൻ സർക്കുലറിൽ ഭേദഗതി വരുത്തി ഡിജിസിഎ

കുവൈറ്റിൽ ഇന്ന് പുറത്തിറക്കിയ പുതിയ സർക്കുലർ അനുസരിച്ച്, കുത്തിവയ്പ്പ് എടുക്കാത്ത എല്ലാ യാത്രക്കാർക്കും പിസിആർ പരിശോധന നടത്തി കുവൈറ്റിലേക്ക് പ്രവേശിക്കാൻ അനുവദിക്കുമെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ ഡിജിസിഎ അറിയിച്ചു. വ്യാഴാഴ്ച ഡിജിസിഎ ഇറക്കിയ സർക്കുലർ അനുസരിച്ച് കുത്തിവയ്പ് എടുക്കാത്ത യാത്രക്കാർക്കുള്ള പ്രവേശനം കുവൈറ്റ് പൗരന്മാർക്ക് മാത്രമായിരുന്നു. എന്നാൽ പുതിയ സർക്കുലർ പ്രകാരം, കുവൈറ്റ് പൗരന്മാർക്ക് പകരം ‘എല്ലാ യാത്രക്കാർക്കും’ പ്രവേശനം നൽകുന്ന മുൻ സർക്കുലർ ഭേദഗതി ചെയ്തിരിക്കുന്നു.ഈ ഭേദഗതിയോടെ, എല്ലാ പ്രവാസികൾക്കും, കുവൈറ്റ് അംഗീകൃത വാക്സിൻ എടുക്കാത്തവർക്കും ഫെബ്രുവരി 20 മുതൽ കുവൈറ്റിൽ പ്രവേശിക്കാം. യാത്രക്ക് 72 മണിക്കൂർ മുമ്പ് എടുത്ത പിസിആർ ടെസ്റ്റ് നെഗറ്റീവ് ഫലം സമർപ്പിച്ചാൽ മതി.ക്യാബിനറ്റ് തീരുമാനമനുസരിച്ച്, വാക്സിനേഷൻ എടുക്കാത്ത യാത്രക്കാർക്ക്, അതായത് കുവൈറ്റ് അംഗീകൃത കോവിഡ് വാക്സിൻ സ്വീകരിക്കാത്ത അല്ലെങ്കിൽ ഒരു ഡോസ് വാക്സിൻ എടുത്ത യാത്രക്കാർക്ക് – ഫ്ലൈറ്റിന് 72 മണിക്കൂർ മുമ്പ് പിസിആർ പരിശോധന നടത്തിയ ശേഷം കുവൈറ്റിൽ പ്രവേശിക്കാൻ അനുവാദമുണ്ട്.ഇവർ 7 ദിവസത്തേക്ക് ഹോം ക്വാറന്റൈനിൽ പോകേണ്ടിവരും. പൂർണ്ണമായും വാക്സിനേഷൻ എടുക്കാത്ത യാത്രക്കാർ – അതായത് രണ്ടാമത്തെ ഡോസ് കഴിഞ്ഞ് ഒമ്പത് മാസം പൂർത്തിയാക്കിയവരും ബൂസ്റ്റർ ഡോസ് എടുക്കാത്തവരും – രാജ്യത്ത് പ്രവേശിക്കുന്നതിന് മുമ്പ് പിസിആർ ടെസ്റ്റ് നടത്തേണ്ടതില്ല. എന്നിരുന്നാലും, അവർ എത്തിയതിന് ശേഷം 7 ദിവസത്തേക്ക് ഹോം ക്വാറന്റൈനിൽ പോകണം. പൂർണ്ണമായും വാക്സിനേഷൻ എടുത്തവർ – അതായത് (i) അംഗീകൃത വാക്സിൻ ബൂസ്റ്റർ ഡോസ് സ്വീകരിച്ചവർ, (ii) രണ്ട് ഡോസ് വാക്സിൻ പൂർത്തിയാക്കി ഒമ്പത് മാസം തികയാത്തവർ, (iii) കഴിഞ്ഞ മൂന്ന് മാസത്തിനുള്ളിൽ കോവിഡ് അണുബാധയിൽ നിന്ന് സുഖം പ്രാപിച്ചവർ എന്നിവർക്ക് രാജ്യത്ത് പ്രവേശിക്കുന്നതിന് PCR പരിശോധന ആവശ്യമില്ല. ഇവർക്ക് ഹോം ക്വാറന്റൈനും ആവശ്യമില്ല

ആഭിചാരക്രിയകൾ നടത്തി സ്പോൺസറുടെ പണം തട്ടാൻ ശ്രമിച്ച ഇന്ത്യക്കാരനായ ഡ്രൈവറും, മന്ത്രവാദിയും അറസ്റ്റിൽ

കുവൈറ്റിൽ ആഭിചാര ക്രിയകൾ നടത്തിയതിന് ഇന്ത്യക്കാരനായ വീട്ടു ഡ്രൈവറേയും ഇന്ത്യയിൽ നിന്ന് എത്തിയ മന്ത്രവാദിയേയും അറസ്റ്റ് ചെയ്തു. മന്ത്രവാദിയുടെ സഹായത്തോടെ ധനികനും വ്യവസായിയുമായ തന്റെ സ്പോൺസറുടെ പണം തട്ടാനുള്ള പ്രവർത്തനങ്ങൾ നടത്തിയതിനാണ് ഇന്ത്യക്കാരനായ രാജു എന്ന വീട്ടു ഡ്രൈവറെയും, മന്ത്രവാദിയെയും രഹസ്യാന്വേഷണ സംഘം അറസ്റ്റ് ചെയ്തത്. സ്പോൺസറുടെ സഹോദരങ്ങൾ നൽകിയ പരാതിയെ തുടർന്ന് നടത്തിയ അന്വേഷണത്തിലാണ് ഇരുവരേയും അറസ്റ്റ് ചെയ്തത്. ഡ്രൈവറായ രാജു മന്ത്രവാദിയുടെ സഹായത്തോടെ ആഭിചാര ക്രിയകൾ ചെയ്ത് തങ്ങളുടെ സഹോദരനെ വശീകരിച്ച് ഇവരുടെ നിയന്ത്രണത്തിലാക്കി പണം തട്ടാനുള്ള പ്രവർത്തനങ്ങളിൽ ഏർപ്പെട്ടിരുന്നുവെന്നായിരുന്നു സഹോദരങ്ങളുടെ പരാതി. നൂറ്റി അമ്പത് ദിനാർ മാത്രം ശമ്പളമുള്ള ഡ്രൈവർ വിലകൂടിയ ആഡംബര വസ്തുക്കളാണ് ഉപയോഗിച്ചിരുന്നതെന്നും, ഈയടുത്ത് ഇയാൾ ഫസ്റ്റ്ക്ലാസ് ടിക്കറ്റിലാണ് നാട്ടിലേക്ക് യാത്ര ചെയ്തതെന്നും, ഡ്രൈവറുടെ ജീവിതരീതിയിലും പെരുമാറ്റത്തിലും സംശയം തോന്നിയതിനാലാണ് പരാതി നൽകിയതെന്നും സഹോദരങ്ങൾ പറഞ്ഞു. കൂടാതെ തങ്ങളുടെ സഹോദരന്റെ വീട്ടിലെ എല്ലാ കാര്യങ്ങളും നിയന്ത്രിച്ചിരുന്നത് ഈ ഡ്രൈവർ ആണെന്നും ഇവർ പറഞ്ഞു.പരാതിയെ തുടർന്ന് ഉദ്യോഗസ്ഥർ നടത്തിയ രഹസ്യ അന്വേഷണത്തിൽ ഇയാൾ ഇടയ്ക്കിടെ ഒരു ആഡംബര ഫ്ലാറ്റ് സന്ദർശിക്കുന്നതായും, ഇവിടെ മറ്റൊരാളെ താമസിപ്പിച്ചിരിക്കുന്നതായും കണ്ടെത്തി. തുടർന്ന് ഡ്രൈവറെ ചോദ്യം ചെയ്തതിൽ നിന്ന് ആഡംബര ഫ്ലാറ്റിൽ താമസിക്കുന്നത് ഇന്ത്യയിൽനിന്ന് എത്തിച്ച പ്രമുഖ മന്ത്രവാദി ആണെന്നും, ഇയാളുടെ സഹായത്തോടെ ആഭിചാരക്രിയകൾ നടത്തി സ്പോൺസറുടെ വീട്ടുവളപ്പിൽ മന്ത്രിച്ച തകിട് നിക്ഷേപിച്ചതായും, നേരത്തെയും താൻ സ്പോൺസറുടെ കയ്യിൽ നിന്ന് ധാരാളം പണം തട്ടിയെടുത്തതായുമുള്ള വിവരങ്ങൾ ഡ്രൈവർ സമ്മതിച്ചത്. ഇതോടെ ഇരുവരെയും അന്വേഷണസംഘം അറസ്റ്റ് ചെയ്യുകയായിരുന്നു. കൂടുതൽ തെളിവെടുപ്പിനായി സ്പോൺസറെ അന്വേഷണ സംഘം സ്റ്റേഷനിലേക്ക് വിളിപ്പിച്ചപ്പോൾ തന്റെ ഡ്രൈവറെ കണ്ട് സ്പോൺസർ ബോധരഹിതനാവുകയും, ഇയാളെ വർഷങ്ങളായി തന്റെ മകനെപ്പോലെ സ്നേഹിക്കുകയാണെന്നും, ഡ്രൈവറെ വെറുതെ വിടണമെന്ന് ഉദ്യോഗസ്ഥർക്ക് മുൻപിൽ സ്പോൺസർ കേണപേക്ഷിക്കുകയുമായിരുന്നു.

ഗൾഫ് വാർത്തകൾ: ഖത്തർ

0

ട്രാഫിക് പിഴകൾ 50 ശതമാനം ഇളവോടെ തീർപ്പാക്കാം; ഒരു മാസം കൂടി മാത്രം കാലാവധി ദോഹ: ഖത്തറിൽ ട്രാഫിക് പിഴകൾ 50 ശതമാനം ഇളവോടെ തീർപ്പാക്കാനുള്ള അനുമതി ഇനി ഒരു മാസം കൂടി മാത്രം. ഡിസംബര്‍ 18 ന് ദേശീയ ദിനാചരണത്തോടനുബന്ധിച്ച് പ്രാബല്യത്തില്‍ വന്ന ട്രാഫിക് വയലേഷന്‍ സെറ്റില്‍മെന്റ് ഇനീഷ്യേറ്റീവ് മാര്‍ച്ച് 17 ന് അവസാനിക്കും. അതിനാൽ നിയമ ലംഘനങ്ങളുള്ള എല്ലാ വാഹന ഉടമകളും ഈ അവസരം ഉപയോഗിക്കണമെന്ന് ആഭ്യന്തര മന്ത്രാലയം വ്യക്തമാക്കി. മാര്‍ച്ച് 17 ന് ശേഷം ട്രാഫിക് നിയമലംഘനങ്ങള്‍ക്കെതിരെ കര്‍ശനമായ നിയമനടപടികള്‍ ഉണ്ടാകുമെന്നും മന്ത്രാലയം മുന്നറിയിപ്പ് നൽകുന്നു. മെട്രാഷ് 2 വഴിയും ആഭ്യന്തര മന്ത്രാലയത്തിന്റെ വെബ്സൈറ്റ് വഴിയും പേയ്മെന്റ്നടത്താൻ കഴിയും.

ഹമദ് വിമാനത്താവളത്തിലേക്കുള്ള സബാഹ് അല്‍-അഹമ്മദ് കോറിഡോറില്‍ ഗതാഗത നിയന്ത്രണം പ്രഖ്യാപിച്ച് ട്രാഫിക് വകുപ്പ്

ദോഹ: ഖത്തറിലെ അബു ഹമൂറില്‍ നിന്നു ഹമദ് അന്താരാഷ്ട്ര വിമാനത്താവളത്തിലേക്കുള്ള സബാഹ് അല്‍-അഹമ്മദ് കോറിഡോര്‍ നാളെ അടച്ചിടുമെന്ന് ജനറല്‍ ഡയറക്ടറേറ്റ് ഓഫ് ട്രാഫിക് അറിയിച്ചു. ഫെബ്രുവരി 18 വെള്ളിയാഴ്ച പുലര്‍ച്ചെ രണ്ട് മുതല്‍ രാവിലെ എട്ട് വരെയാണ് അടച്ചിടുന്നത്.അധികൃതര്‍ അവരുടെ ഒദ്യോഗിക ട്വിറ്റര്‍ അക്കൗണ്ടിലൂടെയാണ് ഇക്കാര്യം പറഞ്ഞത്. വാഹനമോടിക്കുന്നവര്‍ വേഗപരിധി പാലിക്കണമെന്നും അധികൃതര്‍ നിര്‍ദേശം നല്‍കി.

ഖത്തറിലെ പ്രാദേശിക ബാങ്കുകളിൽ നിന്ന് പഴയ നോട്ട് മാറി വാങ്ങാം

ദോഹ∙രാജ്യത്തെ പ്രാദേശിക ബാങ്കുകളിൽ നിന്ന് പഴയ ബാങ്ക് നോട്ടുകൾ (നാലാം സീരീസ്) മാറ്റി പുതിയവ വാങ്ങാം. ഇനി ഒരു അറിയിപ്പുണ്ടാകുന്നത് വരെ ബാങ്കുകളിൽ നിന്നു തന്നെ പഴയവ മാറ്റിയെടുക്കാമെന്ന് ഖത്തർ സെൻട്രൽ ബാങ്ക് അറിയിച്ചു.50,000 റിയാലിനു മുകളിലാണെങ്കിൽ ഉറവിടം വെളിപ്പെടുത്തണം. അക്കൗണ്ടുള്ള ബാങ്കുകളിൽ നിന്നു തന്നെ പഴയ നോട്ട് മാറ്റിയെടുക്കാം. ബാങ്കുകളിൽ അക്കൗണ്ട് ഇല്ലാത്തവർ പ്രാദേശിക ബാങ്കുകളെ സമീപിക്കണം. ബാങ്കുകളിൽ നോട്ട് മാറ്റാൻ കഴിയാത്തവർ ഖത്തർ സെൻട്രൽ ബാങ്കിനെ സമീപിക്കണം. വിദേശങ്ങളിൽ നിന്നെത്തിയ സന്ദർശകർക്കും പഴയ നോട്ടു മാറ്റാൻ പ്രാദേശിക ബാങ്കുകളെ അല്ലെങ്കിൽ ഖത്തർ സെൻട്രൽ ബാങ്കിനെ സമീപിക്കാം. എന്നാൽ ഇവരുടെ കൈവശം രാജ്യത്തിന്റെ പ്രവേശന കവാടത്തിലെ കസ്റ്റംസ് ജനറൽ അതോറിറ്റിയിൽ നിന്നുള്ള ഡിസ്‌ക്ലോഷർ രേഖയുണ്ടാകണം. സെൻട്രൽ ബാങ്കിന്റെ നിർദേശപ്രകാരം പഴയ ബാങ്ക് നോട്ടുകൾ ബാങ്ക് ശാഖകളിൽ നിന്ന് ഇനിയും മാറ്റിയെടുക്കാമെന്ന് പ്രാദേശിക ബാങ്കുകൾ ഉപഭോക്താക്കളെ അറിയിച്ചു തുടങ്ങിയിട്ടുണ്ട്.

ഫേസ് ഷീൽഡ് നിർബന്ധമില്ല; യാത്രക്കാർക്ക് ഇളവുകൾ അനുവദിച്ച് ഖത്തർ എയർവെയ്‌സ്

ദോഹ: ഖത്തര്‍ എയര്‍വെയ്സിന്റെ വിമാനങ്ങളിലെ യാത്രക്കാര്‍ക്ക് ഇനി മുതല്‍ ഫേസ് ഷീല്‍ഡ് നിര്‍ബന്ധമില്ലെന്ന് അധികൃതര്‍ അറിയിച്ചു. ഫേസ് ഷീല്‍ഡ് ഒഴിവാക്കിയിട്ടുണ്ടെങ്കിലും വിമാനത്തില്‍ യാത്ര ചെയ്യുന്നവര്‍ ഫേസ് മാസ്‌ക് നിര്‍ബന്ധമായും ധരിക്കണമെന്നും എയര്‍വെയ്സ് അധികൃതര്‍ പറഞ്ഞു. യാത്രക്കാരുടെയും വിമാനജീവനക്കാരുടെയും സുരക്ഷ മുന്‍നിര്‍ത്തിയാണ് മാസ്‌ക് നിര്‍ബന്ധമാക്കിയത്. കൊവിഡ് പ്രതിസന്ധി രൂക്ഷമായ സമയത്ത് താല്‍കാലികമായി ഏര്‍പ്പെടുത്തിയ സംവിധാനമായിരുന്നു ഫേസ് ഷീല്‍ഡ്. ടൂറിസം മേഖലയ്ക്ക് പുതുജീവനേകുന്നതിന്റെ ഭാഗമായ പല യൂറോപ്യന്‍ രാജ്യങ്ങളും വിമാനയാത്രയിലെ നിബന്ധനകള്‍ തീര്‍ത്തും ഒഴിവാക്കുന്നതായി പ്രഖ്യാപിച്ച സാഹചര്യത്തിലാണ് ഖത്തര്‍ എയര്‍വെയ്സ് സുരക്ഷ സംബന്ധിച്ച നിലപാട് വ്യക്തമാക്കിയത്.

ഗൾഫ് വാർത്തകൾ:യു.എ.ഇ

0

ദുബൈയിൽ ഡ്രൈവറില്ലാ വാഹനത്തിൽ സൗജന്യ യാത്ര ചെയ്യാൻ അവസരം

ദുബൈ: ദുബൈയില്‍ ഡ്രൈവറില്ലാ വാഹനത്തില്‍ സൗജന്യമായി യാത്ര ചെയ്യാന്‍ അവസരം. ഇലക്ട്രിസിറ്റി ആന്‍ഡ് വാട്ടര്‍ അതോറിറ്റിയുടെ മുഹമ്മദ് ബിന്‍ റാഷിദ് അല്‍ മക്തൂം സോളാര്‍ പാര്‍ക്കിലെ ഇന്നൊവേഷന്‍ സെന്ററാണ് സൗജന്യ യാത്രയ്ക്ക് അവസരമൊരുക്കുന്നത്. പാര്‍ക്കിലെ സന്ദര്‍ശകര്‍ക്ക് ഡ്രൈവറില്ലാ വാഹനങ്ങള്‍ (സ്മാര്‍ട്ട് നൂതന ഓട്ടോണമസ് ബസുകള്‍) സൗജന്യമായി ഉപയോഗിക്കാന്‍ സാധിക്കും. ഇന്നൊവേഷന്‍ സെന്ററിലും സോളാര്‍ പാര്‍ക്കിലെ ഇന്നൊവേഷന്‍ ട്രാക്കിലുമാണ് ബസ് സന്ദര്‍ശകരെ കൊണ്ടുപോവുക.ഇന്‍ഡിപെന്‍ഡന്റ് പവര്‍ പ്രൊഡ്യൂസര്‍ (ഐ.പി.പി.) കജജ മോഡല്‍ ഉപയോഗിച്ചുള്ള ആഗോളതലത്തിലെ ഏറ്റവും വലിയ സിംഗിള്‍ സൈറ്റ് സോളാര്‍ പാര്‍ക്കാണ മുഹമ്മദ് ബിന്‍ റാഷിദ് അല്‍ മക്തൂം സോളാര്‍ പാര്‍ക്ക്. 5000 മെഗാവാട്ട് ശുദ്ധ വൈദ്യുതിയുണ്ടാക്കുക എന്ന ലക്ഷ്യത്തോടെയാണ് പാര്‍ക്കിന്റെ നിര്‍മാണം. പദ്ധതിയുടെ ആകെ ചെലവ് 50 ബില്യന്‍ ദിര്‍ഹമാണ്.

യു.എ.ഇയിൽ നിന്ന്​ ഇന്ത്യയിലേക്ക്​​ പി.സി.ആർ പരിശോധന ഒഴിവാക്കി എയർ ഇന്ത്യയും

ദുബൈ: യു.എ.ഇയിൽനിന്ന്​ ഇന്ത്യയിലേക്ക്​ യാത്ര ചെയ്യുന്നവരുടെ​ പി.സി.ആർ പരിശോധന ഒഴിവാക്കി എയർ ഇന്ത്യയും എയർ ഇന്ത്യ എക്സ്പ്രസും. ഇന്ത്യയിൽനിന്ന്​ വാക്​സിനെടുത്തവർക്കാണ്​ ഇളവ്​ നൽകിയിരിക്കുന്നത്​. ഗോ എയറിന്​ പിന്നാലെയാണ്​ എയർ ഇന്ത്യയും സമാന തീരുമാനമെടുത്തത്​.ഇന്ത്യയിൽ രണ്ട്​ ഡോസ്​ വാക്​സിനേഷനും പൂർത്തീകരിച്ചിരിക്കണം. യാത്രക്ക്​ മുമ്പ്​​ എയർസുവിധ പോർട്ടലിൽ വാക്സിനേഷൻ സർട്ടിഫിക്കറ്റ്​ അപ്​ലോഡ്​ ചെയ്യണം.ഇന്ത്യയിലെ വാക്സിനെടുക്കാത്തവർ 72 മണിക്കൂറിനുള്ളിലെടുത്ത പി.സി.ആർ നെഗറ്റീവ്​ ഫലം അപ്​ലോഡ്​ ചെയ്യണമെന്നും എയർ ഇന്ത്യയുടെ സർക്കുലറിൽ പറയുന്നു. അതേസമയം, ദുബൈ, ഷാർജ വിമാനത്താവളങ്ങളിൽ ഇൻഡിഗോ എയർലൈനും ഇത്തരത്തിൽ​ യാത്ര അനുവദിക്കുന്നുണ്ട്​.

യാത്രക്കാരുടെ ശ്രദ്ധയ്ക്ക്; ഇൻഷുറൻസ് മറക്കരുതേ

ദുബായ് ∙ യുഎഇയിലേക്കു യാത്രാ ഇൻഷുറൻസ് പരിരക്ഷ ഇല്ലാതെ എത്തി രോഗബാധിതരായി വൻ കടക്കെണിയിൽ കഴിയുന്നവരുടെ എണ്ണം വർധിക്കുന്നു. മലയാളികൾ അടക്കമുള്ളവർ ഇങ്ങനെ ആശുപത്രിയിൽ കഴിയുന്നുണ്ട്. ഇവരെ എങ്ങനെ നാട്ടിലെത്തിക്കുമെന്ന് അറിയാതെ വലയുകയാണ് അധികൃതരും. എക്സ്പോയിലേക്ക് എത്തുന്ന ഇന്ത്യക്കാരുടെ എണ്ണം കൂടിയതോടെ ഇങ്ങനെ ആശുപത്രിയിലാകുന്നവരുടെ എണ്ണവും വർധിച്ചിട്ടുണ്ട്. അടുത്ത സമയത്തു വിസിറ്റ് വീസയിലെത്തി ദുബായിലെ ആശുപത്രികളിൽ 60 ലക്ഷം രൂപയ്ക്കു മേൽ കടക്കെണിയിലായി മലയാളി ഉൾപ്പെടെ 3 പേർ കഴിയുന്നുണ്ട്. മറ്റ് എമിറേറ്റുകളിലെ ആശുപത്രികളിലും ഇങ്ങനെയുള്ളവരുണ്ട്. കോവിഡിന്റെ ചികിത്സയ്ക്കുള്ള പരിരക്ഷയ്ക്കുള്ള ഇൻഷുറൻസ് മാത്രമെടുത്ത് വരുന്നവരുടെ എണ്ണം വർധിച്ചിട്ടുണ്ടെന്നും എന്നാൽ സ്ട്രോക്ക് ഉൾപ്പടെയുള്ളവ പിടിപെട്ടാണു പലരും ആശുപത്രികളിൽ കഴിയുന്നതെന്നും ദുബായ് ഇന്ത്യൻ കോൺസുലേറ്റിലെ മെഡിക്കൽ വിങിലെ സന്നദ്ധ പ്രവർത്തകൻ പ്രവീൺ ചൂണ്ടിക്കാട്ടി. 20 മുതൽ 25 ദിർഹം മാത്രം ചെലവാക്കിയാണ് ഇങ്ങനെ കോവിഡ് പരിരക്ഷ നേടുന്നത്. ഇതു പോലും ഇല്ലാതെ എത്തുന്നവരുമുണ്ട്. അതേ സമയം ചില ഏജൻസികൾ വ്യാജ ഇൻഷുറൻസ് രേഖകൾ നൽകിയും യാത്രക്കാരെ കൊണ്ടു വരുന്നുണ്ടെന്ന് ഈ മേഖലയിലുള്ളവർ ചൂണ്ടിക്കാട്ടുന്നു. മുൻപും യാത്രാ ഇൻഷുറൻസ് ഇല്ലാതെയെത്തി രോഗ ബാധിതരായി മാസങ്ങൾ ആശുപത്രിയിൽ കഴിഞ്ഞ് കോടികളുടെ കടക്കെണിയിലായവരുടെ ധാരാളം അനുഭവങ്ങൾ മനസ്സിലാക്കിയിട്ടും വീണ്ടും ആളുകൾ ഇങ്ങനെ എത്തുന്നത് കഷ്ടമാണെന്ന് പ്രവീൺ പറയുന്നു. കോൺസുലേറ്റും ഇവിടുത്തെ സുമനസ്സുകളായ പ്രവാസികളും ഒരുമിച്ച് പ്രവർത്തിച്ചാണ് പലപ്പോഴും ഇങ്ങനെയുള്ളവരെ നാട്ടിൽ എത്തിക്കുന്നത്. നാട്ടിൽ നിന്ന് ടിക്കറ്റെടുക്കുമ്പോൾ തന്നെ ഇൻഷുറൻസ് കാര്യവും ശ്രദ്ധിക്കണമെന്നു പ്രവീൺ ചൂണ്ടിക്കാട്ടുന്നു..

ചോദിച്ചു വാങ്ങാൻ മടിക്കേണ്ട…

ടൂറിസ്റ്റ് വീസയിൽ ഏതു സ്ഥലത്തേക്കു പോകുന്നവരും ടിക്കറ്റിനൊപ്പം യാത്രാ ഇൻഷുറൻസ് ചോദിച്ചു വാങ്ങിയിരിക്കണമെന്ന് അൽ സൂറ ട്രാവൽസ് ജനറൽ മാനേജർ ജോയ് തോമസ് പറഞ്ഞു. വെറും 50 ദിർഹത്തിന് പോലും നല്ല യാത്രാ ഇൻഷുറൻസ് ലഭിക്കും. കഴിഞ്ഞ മാസം ശ്രീലങ്കയിൽ നിന്നെത്തിയ വനിത ഇവിടെ എത്തി ഗുരുതര രോഗബാധിതയായി. എന്നാൽ ഇൻഷുറൻസ് പരിരക്ഷ ഉണ്ടായിരുന്നത് തുണയായി. 33,000 ദിർഹം ചികിത്സയ്ക്കായി ഇൻഷുറൻസ് വഴി നേടാൻ കഴിഞ്ഞെന്നും അദ്ദേഹം പറഞ്ഞു. ഇൻഷുറൻസ് ഏതു തരമാണെന്ന് ചോദിച്ചു മനസ്സിലാക്കി കൃത്യമാക്കണം. രേഖകളും കൃത്യമാണോ എന്ന് പരിശോധിച്ച് ഉറപ്പാക്കണമെന്നും ജോയ് തോമസ് ചൂണ്ടിക്കാട്ടി

ട്രാഫിക് സിഗ്നലുകളിൽ പെട്ടെന്ന് വരി മാറുന്നവരെ പിടികൂടാൻ റഡാറുകൾ

അബുദാബി ∙ ട്രാഫിക് സിഗ്നലുകളിൽ പെട്ടെന്ന് വരി മാറുന്നവരെ പിടികൂടാൻ അബുദാബി പാതകളിലെ റഡാറുകൾ കൂടുതൽ സജീവമാക്കി. ട്രാഫിക് സിഗ്നലുകൾ ഉണ്ടെങ്കിലും ഇല്ലെങ്കിലും കവലകളിൽ നിർബന്ധിത ലെയ്ൻ പാലിക്കണമെന്ന് അബുദാബി പൊലീസ് പുറത്തിറക്കിയ പ്രസ്താവനയിൽ ഡ്രൈവർമാരോട് അഭ്യർഥിച്ചു, പെട്ടെന്നുള്ള വ്യതിയാനമാണ് ട്രാഫിക് അപകടങ്ങളുടെ പ്രധാന കാരണങ്ങളിലൊന്നെന്ന് വ്യക്തമാക്കി. കവലകളിൽ നിർബന്ധിത പാത പാലിക്കാത്ത ഡ്രൈവർമാരെ പിടികൂടാൻ ഓട്ടോമാറ്റിക് കൺട്രോൾ പ്രവർത്തനക്ഷമമാക്കിയതായി സേന അറിയിച്ചു. പെട്ടെന്ന് വാഹനങ്ങൾ വളയ്ക്കുന്നത് ഗുരുതരമായ ഗതാഗത ലംഘനമാണെന്നും അത് വലിയ ട്രാഫിക് അപകടങ്ങൾക്ക് കാരണമാകുമെന്നും പൊലീസ് പറഞ്ഞു. പെട്ടെന്ന് പാത മാറ്റുകയോ ഇൻഡിക്കേറ്ററുകൾ ഉപയോഗിക്കാതിരിക്കുകയോ ചെയ്താൽ 400 ദിർഹമാണ് പിഴ. അബുദാബിയിൽ വരികൾ മാറുമ്പോൾ ഇൻഡിക്കേറ്ററുകളോ ടേൺ സിഗ്നലുകളോ ഉപയോഗിക്കാത്തതിന് 16,378 വാഹനയാത്രക്കാർക്ക് കഴിഞ്ഞ വർഷം പിഴ ചുമത്തിയതായി പൊലീസ് നേരത്തെ റിപ്പോർട്ട് ചെയ്തിരുന്നു. ട്രാഫിക് ലൈറ്റുകളുടെ അടുത്തെത്തുമ്പോൾ പെട്ടെന്നുള്ള ലെയ്ൻ മാറ്റം അപകടകരമായ ഒരു പെരുമാറ്റമാണ്. ഇത് ഡ്രൈവറുടെയും മറ്റ് വാഹനയാത്രക്കാരുടെയും ജീവൻ അപകടത്തിലാക്കുന്നു. യാത്രക്കാരെ ബോധവത്കരിക്കുന്നതിനായി പൊലീസ് സമൂഹമാധ്യമങ്ങളിൽ വിഡിയോ ക്ലിപ്പും പങ്കുവച്ചു. റോഡിലിറങ്ങുമ്പോൾ ഡ്രൈവർമാർ ശ്രദ്ധാലുക്കളായിരിക്കണമെന്നും അവരുടെ ശ്രദ്ധ തിരിക്കുന്നതോ വാഹനങ്ങളുടെ നിയന്ത്രണം നഷ്ടപ്പെടുന്നതോ ആയ കാര്യങ്ങൾ ഒഴിവാക്കണമെന്നും അധികൃതർ ആവശ്യപ്പെട്ടു

ഗൾഫ് വാർത്തകൾ:സൗദി അറേബ്യ

0

ബിനാമി ബിസിനസുകളുടെ സമയ പരിധി: സൗദിയിലുടനീളം കര്‍ശന പരിശോധന

ബിനാമി ബിസിനസുകള്‍ക്ക് പദവി ശരിയാക്കാനുള്ള സമയ പരിധി അവസാനിച്ചതോടെ സൗദിയിലുടനീളം സ്ഥാപനങ്ങളില്‍ കര്‍ശന പരിശോധന ആരംഭിച്ചു. പരിശോധനയില്‍ നിയമ ലംഘനം കണ്ടെത്തിയ നിരവധി സ്ഥാപനങ്ങള്‍ അടച്ച് പൂട്ടിയതായി വാണിജ്യ മന്ത്രാലയം അറിയിച്ചു. ഫെബ്രുവരി 16നാണ് സമയപരിധി അവസാനിച്ചത്. അടച്ച് പൂട്ടിയ സ്ഥാപനങ്ങളെ കുറിച്ച് മന്ത്രാലയം പരിശോധിച്ച് വരികയാണ്. പ്രത്യേക സംഘങ്ങളായാണ് പരിശോധന നടത്തുന്നത്. റിയാദ്, അല്‍ ഖസീം, ബല്‍ ജുറാഷി, മദീന, ജിദ്ദ, ഷറൂറ, അല്‍ ഖര്‍ജ്, താരിഫ്, തബൂക്ക്, തബര്‍ജാല്‍, ഖത്തീഫ്, ഉനൈസ തുടങ്ങിയ സ്ഥലങ്ങളില്‍ നിയമ ലംഘനം കണ്ടെത്തിയ നിരവധി സ്ഥപാനങ്ങള്‍ അടച്ച് പൂട്ടി. റെഡിമെയ്ഡ് വസ്ത്ര സ്ഥാപനങ്ങള്‍, അത്തര്‍ വില്‍പ്പന ശാലകള്‍, തയ്യല്‍ ഉല്‍പ്പന്ന കടകള്‍, ബാര്‍ബര്‍ ഷോപ്പുകള്‍, ആശാരിപ്പണി നടത്തുന്ന കേന്ദ്രങ്ങള്‍, വാഹന വര്‍ക് ഷോപ്പുകള്‍, ഇലക്ട്രിക്കല്‍ ഉപകരണ സ്ഥാപനങ്ങള്‍ എന്നിവിടങ്ങളിലാണ് നിയമ ലംഘനം കണ്ടെത്തിയത്. പരിശോധനയില്‍ തൊഴില്‍ നിയമ ലംഘനങ്ങളും, ഗുണനിലവാരം കുറഞ്ഞ ഉല്‍പ്പന്നങ്ങള്‍ വില്‍പ്പന നടത്തിയതായും കണ്ടെത്തിയിട്ടുണ്ട്

സൗദിയിൽ നിയമ രംഗത്തെ വിദേശ സ്ഥാപനങ്ങൾക്ക്‌ പുതിയ വ്യവസ്ഥകൾ

റിയാദ് : സൗദിയിൽ നിയമ രംഗത്ത്‌ പ്രവർത്തിക്കുന്ന വിദേശ സ്ഥാപനങ്ങൾക്ക് നിർദേശിക്കപ്പെട്ട‌ പുതിയ വ്യവസ്ഥകൾ ഭരണസമിതി അംഗീകരിച്ചതായി നിയമകാര്യ മന്ത്രി വലീദ്‌ അൽ സമാനി അറിയിച്ചു. ഇത്‌ സംബന്ധിച്ച നിർദിഷ്‌ട ഭേദഗതികൾക്ക്‌ മന്ത്രിസഭാ കൗൺസിലും അംഗീകാരം നൽകി‌. രാജ്യത്തിനകത്ത് നിയമ രംഗവുമായി ബന്ധപ്പെട്ട തൊഴിൽ വികസിപ്പിക്കാനും പുതിയ മുന്നേറ്റം സാധ്യമാക്കാനുമാണ്‌ ഭേദഗതികൾ ആത്യന്തികമായി ലക്ഷ്യമിടുന്നത്. നിയമ രംഗത്ത്‌ പ്രവർത്തിക്കുന്ന വിദേശ നിയമ സ്ഥാപനങ്ങൾക്കായി ഒരു നിയന്ത്രണ ചട്ടക്കൂട് നിലവിൽ വരുത്തുകയും രാജ്യത്ത് നിയമതൊഴിൽ ചെയ്യുന്നതിനുള്ള ലൈസൻസ് ലഭിക്കുന്നതിന് വിദേശ ഓഫീസുകൾ പാലിക്കേണ്ട നിബന്ധനകൾ പുറത്തിറക്കുകയുമാണ്‌ ചെയ്തിട്ടുള്ളതെന്ന് മന്ത്രി വ്യക്തമാക്കി. നിയമ രംഗത്തെ തൊഴിലിന്റെ ആകർഷണീയത വർധിപ്പിക്കാനും നീതിന്യായ വ്യവസ്ഥയുടെ കാര്യക്ഷമത ഉയർത്താനും ഭേദഗതികൾ ലക്ഷ്യമിടുന്നു.തൊഴിലിന്റെ കാര്യക്ഷമത വർധിപ്പിക്കുന്നതിന് സഹായിക്കുന്ന നിരവധി വ്യവസ്ഥകളും പുതിയ ഭേദഗതികളിൽ ഉൾപ്പെടുത്തിയിട്ടുണ്ടെന്ന് അദ്ദേഹം സൂചിപ്പിച്ചു. രാജ്യത്ത് വക്കീൽ ലൈസൻസ് നേടുന്നതിന് ആവശ്യമായ പരിചയ കാലയളവ് മൂന്ന് വർഷത്തിൽ നിന്ന് രണ്ട‌ു വർഷമായി കുറച്ചു എന്നതാണ്‌ ഇതിൽ പ്രധാനം. നിയമ രംഗത്ത്‌ തൊഴിൽ സംരക്ഷണം ഉറപ്പ്‌വരുത്തുന്നതിനും നിലവാരം ഉയർത്തുന്നതിനും ഇത്‌ ഉപകരിക്കും. കൂടാതെ നിയന്ത്രണങ്ങൾ വർധിപ്പിക്കുന്നതിലൂടെ പ്രൊഫഷണൽ ഉത്തരവാദിത്തങ്ങൾ നിലനിർത്തുകയും ലൈസൻസില്ലാത്ത ഏജന്റുമാർ കേസ്‌ വാദിക്കാൻ അനുവദിക്കുന്ന വ്യവസ്ഥ എടുത്തുകളയുകയും ചെയ്യുന്നു.പുതിയ ഭേദഗതികളിൽ ഉൾപ്പെട്ട ഭരണസമിതിയിൽ നീതിന്യായ, വാണിജ്യ മന്ത്രാലയങ്ങളും സൗദി ബാർ അസോസിയേഷനും ഉൾപ്പെടുന്നു.

ജിദ്ദയില്‍ പൊളിച്ചുനീക്കുന്ന ചേരികളിലെ ചരിത്രപ്രാധാന്യമുള്ള കെട്ടിടങ്ങള്‍ സംരക്ഷിക്കും നവീകരണത്തിനായി ജിദ്ദയിലെ ചേരികള്‍ പൊളിച്ചുനീക്കുമ്പോള്‍ ചരിത്രപ്രാധാന്യമുള്ള കെട്ടിടങ്ങള്‍ സംരക്ഷിച്ച് നിലനിറുത്തുമെന്ന് അധികാരികള്‍ വ്യക്തമാക്കി. ജിദ്ദ മുനിസിപ്പാലിറ്റിയുടെ നേതൃത്വത്തില്‍ പൊളിച്ചുനീക്കല്‍ നടപടികള്‍ സജീവമായി നടന്നുകൊണ്ടിരിക്കുകയാണ്. ഈ ചേരികളുടെ പല ഭാഗങ്ങളിലുമായി നിരവധ ചരിത്രപ്രാധാന്യമുള്ള വീടുകളും കെട്ടിടങ്ങളും സ്ഥിതി ചെയ്യുന്നുണ്ട്. നീക്കം ചെയ്യപ്പെടുന്ന 7 ലധികം ചേരികളില്‍, ഓരോ പ്രദേശത്തുമായി ഏകദേശം 10 വീടുകളെങ്കിലുമുണ്ടെന്നാണ് സാംസ്‌കാരിക മന്ത്രാലയം വ്യക്തമാക്കുന്നത്. ചരിത്രപ്രാധാന്യമുള്ള കെട്ടിടങ്ങളോട് ചേര്‍ന്നുള്ള ക്രമരഹിതമായ കെട്ടിടങ്ങള്‍ രണ്ട് ഘട്ടങ്ങളിലായാണ് നീക്കം ചെയ്യുക. വലിയ യന്ത്രങ്ങളുടേയും ഉപകരണങ്ങളുടേയും സഹായത്തോടെയാണ് ആദ്യഘട്ട പൊളിക്കല്‍ പ്രവര്‍ത്തനങ്ങള്‍ നടത്തുക. രണ്ടാം ഘട്ടത്തില്‍ തൊഴിലാളികളുടെ നേരിട്ടുള്ള സഹായത്തോടെയായിയിരിക്കും പ്രവൃത്തികള്‍ മുന്നോട്ടു കൊണ്ടു പോവുക. ഇത്തരത്തില്‍ കൃത്യമായ മാനദണ്ഡങ്ങളോടെയുള്ള പ്രവര്‍ത്തനങ്ങളായതിനാല്‍ ചരിത്രപ്രാധാന്യമുള്ള കെട്ടിടങ്ങള്‍ സംരക്ഷിക്കാന്‍ സാധിക്കുമെന്നാണ് മന്ത്രാലയത്തിന്റെ പ്രതീക്ഷ.

സൗദിക്കും ബഹ്‌റൈനുമിടയിൽ യാത്രക്ക്​ ഹെൽത്ത് ഇ-പാസ്‌പോർട്ട്

ജു​ബൈ​ൽ: സൗ​ദി അ​റേ​ബ്യ​ക്കും ബ​ഹ്‌​റൈ​നും ഇ​ട​യി​ൽ യാ​ത്ര സു​ഗ​മ​മാ​ക്കു​ന്ന​തി​ന് ഹെ​ൽ​ത്ത്​ ഇ-​പാ​സ്‌​പോ​ർ​ട്ട് പു​റ​ത്തി​റ​ക്കി. ഇ​ല​ക്ട്രോ​ണി​ക് ഡോ​ക്യു​മെ​ന്‍റ്​ സ​ജീ​വ​മാ​ക്കു​ന്ന​തി​ന് സൗ​ദി അ​തോ​റി​റ്റി ഫോ​ർ ഡേ​റ്റ ആ​ൻ​ഡ് ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സും ബ​ഹ്‌​റൈ​നി​ലെ ഇ​ൻ​ഫ​ർ​മേ​ഷ​ൻ ആ​ൻ​ഡ് ഇ-​ഗ​വ​ൺ​മെ​ന്‍റ്​ അ​തോ​റി​റ്റി​യും ത​മ്മി​ലു​ള്ള ധാ​ര​ണ​പ​ത്ര​ത്തി​ന്‍റെ അ​ടി​സ്ഥാ​ന​ത്തി​ലാ​ണ് ന​ട​പ​ടി.കോ​വി​ഡ് പ​ശ്ചാ​ത്ത​ല​ത്തി​ൽ ഇ​രു​രാ​ജ്യ​ങ്ങ​ളി​ലെ​യും പൗ​ര​ന്മാ​ർ​ക്കും വി​ദേ​ശി​ക​ളാ​യ താ​മ​സ​ക്കാ​ർ​ക്കും കി​ങ്​ ഫ​ഹ​ദ് കോ​സ്‌​വേ​യി​ലു​ട​നീ​ള​മു​ള്ള യാ​ത്ര​യി​ൽ ആ​രോ​ഗ്യ വി​വ​ര​ങ്ങ​ൾ പ​രി​ശോ​ധി​ച്ചു​റ​പ്പി​ക്കാ​ൻ ഇ​ത് സ​ഹാ​യി​ക്കും. ക​ഴി​ഞ്ഞ​വ​ർ​ഷം ജ​നു​വ​രി​യി​ലാ​ണ്​ സൗ​ദി​യി​ൽ ഹെ​ൽ​ത്ത് പാ​സ്‌​പോ​ർ​ട്ട് സം​വി​ധാ​നം കൊ​ണ്ടു​വ​ന്ന​ത്. ത​വ​ക്ക​ൽ​ന ആ​പ്പി​ലാ​ണ്​ ഈ ​സം​വി​ധാ​ന​മു​ള്ള​ത്. അ​തി​നു​ശേ​ഷം പി.​സി.​ആ​ർ ഫ​ല​വും യാ​ത്ര ഇ​ൻ​ഷു​റ​ൻ​സ് പോ​ളി​സി​യും ഉ​ൾ​പ്പെ​ടു​ത്തി സം​വി​ധാ​നം വി​പു​ലീ​ക​രി​ച്ചു. പി​ന്നീ​ട് ഹെ​ൽ​ത്ത് പാ​സ്‌​പോ​ർ​ട്ടി​നെ അ​തി​ർ​ത്തി സം​വി​ധാ​ന​ങ്ങ​ളു​മാ​യി ബ​ന്ധി​പ്പി​ക്കു​ക​യാ​യി​രു​ന്നു. ബോ​ർ​ഡി​ങ്​ പാ​സ് ന​ൽ​കു​മ്പോ​ൾ യാ​ത്ര​ക്കാ​രു​ടെ ആ​രോ​ഗ്യ​നി​ല പ​രി​ശോ​ധി​ക്കും. യാ​ത്ര ആ​വ​ശ്യ​ക​ത​ക​ൾ പ്ര​ദ​ർ​ശി​പ്പി​ക്കു​ന്ന​തി​ന് ഗ​താ​ഗ​ത സം​വി​ധാ​ന​ങ്ങ​ളു​മാ​യി സം​യോ​ജി​പ്പി​ച്ചി​ട്ടു​ണ്ട്.ലോ​ക​മെ​മ്പാ​ടു​മു​ള്ള ഔ​ദ്യോ​ഗി​ക രേ​ഖ​യാ​യി അം​ഗീ​ക​രി​ക്കാ​ൻ ക​ഴി​യു​ന്ന ത​ര​ത്തി​ൽ ഹെ​ൽ​ത്ത്​ ഇ-​പാ​സ്‌​പോ​ർ​ട്ട് മെ​ച്ച​പ്പെ​ടു​ത്തു​ക​യാ​ണ്​ അ​ധി​കൃ​ത​രു​ടെ ല​ക്ഷ്യം. സൗ​ദി സെ​ൻ​ട്ര​ൽ ബാ​ങ്കും ഹെ​ൽ​ത്ത് ഇ​ൻ​ഷു​റ​ൻ​സ്​ കൗ​ൺ​സി​ലും അം​ഗീ​ക​രി​ച്ച ഇ​ൻ​ഷു​റ​ൻ​സ് പോ​ളി​സി ഡേ​റ്റ അ​വ​ലോ​ക​നം ചെ​യ്യു​ന്ന​തി​നാ​യി ഹെ​ൽ​ത്ത് ഇ-​പാ​സ്‌​പോ​ർ​ട്ടി​ൽ ക​ഴി​ഞ്ഞ ജൂ​ലൈ​യി​ൽ ഒ​രു ഫീ​ച്ച​ർ ഉ​ൾ​പ്പെ​ടു​ത്തി​യി​രു​ന്നു. ഇ​ത് സൗ​ദി​ക്ക്​ പു​റ​ത്തു​ള്ള യാ​ത്ര ന​ട​പ​ടി​ക​ൾ സു​ഗ​മ​മാ​ക്കു​ന്ന​തി​നാ​യി​രു​ന്നു.ന​വം​ബ​റി​ൽ സൗ​ദി​യും ബ​ഹ്‌​റൈ​നും ഹെ​ൽ​ത്ത് പാ​സ്‌​പോ​ർ​ട്ട് സ​ജീ​വ​മാ​ക്കു​ന്ന​തി​നും ത​വ​ക്ക​ൽ​ന​ക്കും ബ​ഹ്‌​റൈ​ന്‍റെ ‘ബി ​അ​വെ​യ​ർ’ ആ​പ്പി​നു​മി​ട​യി​ൽ സാ​ങ്കേ​തി​ക സം​യോ​ജ​നം സാ​ധ്യ​മാ​ക്കു​ന്ന​തി​നു​മു​ള്ള ക​രാ​റി​ൽ ഒ​പ്പു​വെ​ച്ചി​രു​ന്നു. കി​ങ്​ ഫ​ഹ​ദ് കോ​സ്‌​വേ​യി​ലൂ​ടെ ഇ​രു രാ​ജ്യ​ങ്ങ​ൾ​ക്കു​മി​ട​യി​ൽ യാ​ത്ര​ക്കാ​രു​ടെ സ​ഞ്ചാ​രം സു​ഗ​മ​മാ​ക്കു​ക​യാ​ണ് ഹെ​ൽ​ത്ത് ഇ-​പാ​സ്‌​പോ​ർ​ട്ടി​ന്‍റെ പ്ര​ധാ​ന ല​ക്ഷ്യം.

യുഎഇ ​ഗോൾഡൻ വിസ സ്വീകരിച്ച് ഉണ്ണി മുകുന്ദൻ, അഭിമാനമെന്ന് താരം

0

യുഎഇ ഗോള്‍ഡന്‍ വിസ സ്വീകരിച്ച് നടന്‍ ഉണ്ണി മകുന്ദൻ.

താരം തന്നെയാണ് ഇക്കാര്യം സമൂഹമാധ്യമങ്ങളിലൂടെ പങ്കുവച്ചത്. വിസ ലഭിച്ചതിൽ അഭിമാനമെന്നും ഉണ്ണി മുകുന്ദൻ സോഷ്യൽ മീഡിയയിൽ കുറിച്ചു. “ഞാൻ നിരുപാധികമായി സ്നേഹിക്കുന്ന ഒരു രാജ്യത്ത് നിന്ന് ഗോൾഡൻ വിസ ലഭിച്ചതിൽ ഞാൻ അഭിമാനിക്കുന്നു! ഈ മനോഹരമായ രാജ്യവും അത് നൽകുന്ന എല്ലാ അവസരങ്ങളും എന്നെ അത്ഭുതപ്പെടുത്തുന്നു.

ഭാവി ഇവിടെയുണ്ട്, ഇതിന്റെയെല്ലാം ഭാഗമാകാൻ കഴിഞ്ഞതിൽ അതിയായ സന്തോഷം!”, ഉണ്ണി മുകുന്ദൻ കുറിച്ചു. പിന്നാലെ നിരവധി പേരാണ് താരത്തിന് ആശംസയുമായി രം​ഗത്തെത്തിയത്. അതേസമയം, ഏതാനും ദിവസങ്ങൾക്ക് മുമ്പ് നസ്രിയയ്ക്കും ഫഹദിനും ​ഗോൾഡൻ വിസ ലഭിച്ചിരുന്നു. ഇതാദ്യമായാണ് ഇന്ത്യൻ സിനിമ മേഖലയിൽ നിന്നും താര ദമ്പതികൾക്ക് ഗോൾഡൻ വിസ ലഭിക്കുന്നത്. ദുബായ് നൽകിയ അംഗീകാരത്തിന് ദുബായ് ഭരണാധികാരി ഷെയ്ഖ് മുഹമ്മദിന് ഇരുവരും നന്ദി അറിയിക്കുകയും ചെയ്തിരുന്നു

മലയാള സിനിമയില്‍ നിന്ന് നിരവധി അഭിനേതാക്കള്‍ക്ക് ഗോള്‍ഡന്‍ വിസ നേരത്തെ ലഭിച്ചിരുന്നു. പ്രണവ് മോഹൻലാൽ, മമ്മൂട്ടി, മോഹന്‍ലാല്‍, പൃഥ്വിരാജ്, ദുല്‍ഖര്‍ സല്‍മാന്‍, നൈല ഉഷ, ടൊവിനോ തോമസ്, ആശാ ശരത്, ആസിഫ് അലി, മിഥുന്‍ രമേശ്, ലാല്‍ ജോസ്, മീര ജാസ്മിന്‍, സംവിധായകന്‍ സലീം അഹമ്മദ്, സിദ്ദിഖ്, ഗായിക കെ എസ് ചിത്ര, സുരാജ് വെഞ്ഞാറമൂട്, നിര്‍മ്മാതാവ് ആന്‍റോ ജോസഫ് എന്നിവര്‍ ഗോള്‍ഡന്‍ വിസ സ്വീകരിച്ചിരുന്നു.

വിവിധ തൊഴില്‍ രംഗങ്ങളില്‍ മികവ് തെളിയിച്ചവര്‍ക്കും മികച്ച പ്രകടനം കാഴ്‍ചവെച്ച വിദ്യാര്‍ത്ഥികള്‍ക്കും യുഎഇ ഭരണകൂടം പത്ത് വര്‍ഷത്തേക്കുള്ള ഗോള്‍ഡന്‍ വിസകള്‍ അനുവദിക്കുന്നുണ്ട്. അബുദാബിയില്‍ അഞ്ഞൂറിലേറെ ഡോക്ടര്‍മാര്‍ക്ക് ദീര്‍ഘകാല താമസത്തിനുള്ള ഗോള്‍ഡന്‍ വിസ അനുവദിച്ചിരുന്നു. 10 വർഷത്തേക്കുള്ള വിസ അനുവദിക്കുന്ന ഗോൾഡൻ വിസ പദ്ധതി 2018-ലാണ് യുഎഇ സർക്കാർ ആരംഭിച്ചത്.