spot_img
Friday, November 20, 2026
Home Blog Page 9

കോഴിക്കോട് ലൈറ്റ് മെട്രോ: റിപ്പോർട്ടുകൾ സർക്കാർ പരിശോധനയിലെന്ന് മുഖ്യമന്ത്രി; അംഗീകാരം ലഭിച്ചാൽ മാത്രം വിശദ പദ്ധതിരേഖ.

0

കോഴിക്കോട് : നഗരത്തിലെ രൂക്ഷമായ ഗതാഗതക്കുരുക്കിന് പരിഹാരമാകുമെന്ന് പ്രതീക്ഷിക്കുന്ന ലൈറ്റ് മെട്രോ പദ്ധതി പ്രാരംഭഘട്ടത്തിൽ തന്നെ. ഒന്നര പതിറ്റാണ്ടിലേറെയായി പല തരത്തിൽ ചർച്ച ചെയ്യുന്ന പദ്ധതിയാണ് യാഥാർത്ഥ്യമാവാത്തത്.2026-27 സാമ്പത്തിക വർഷത്തെ പുതുക്കിയ ബഡ്ജറ്റിൽ തിരുവനന്തപുരം, കോഴിക്കോട് ലൈറ്റ് മെട്രോ പദ്ധതികൾക്കായി 20 കോടി രൂപ വകയിരുത്തിയെങ്കിലും കോഴിക്കോടിന്റെ കാര്യത്തിൽ വിശദമായ പദ്ധതിരേഖ (ഡി.പി.ആർ) തയ്യാറാക്കൽ ഇനിയും ആരംഭിച്ചിട്ടില്ല. കേന്ദ്ര ഭവന നഗരകാര്യ മന്ത്രാലത്തിന്റെ മാർഗനിർദേശങ്ങൾ അനുസരിച്ച് കൊച്ചി മെട്രോ റെയിൽ കോർപ്പറേഷൻ ( കെ.എം.ആർ.എൽ) തയ്യാറാക്കിയ സമഗ്ര മൊബിലിറ്റി പദ്ധതി റിപ്പോർട്ടും ആൾട്ടർനേറ്റീവ് അനാലിസിസ് റിപ്പോർട്ടും പൂർത്തിയാക്കി സമർപ്പിച്ചിട്ടുണ്ട്. റിപ്പോര്‍ട്ടുകൾ 2017-ലെ മെട്രോ റെയിൽ നയത്തിനും കേന്ദ്ര സർക്കാരിന്റെ മാർഗനിർദ്ദേശങ്ങൾക്കും അനുസൃതമായി സർക്കാർ പരിശോധിച്ച് വരുന്നതിനാൽ സർക്കാർ അംഗീകാരം ലഭ്യമായിട്ടില്ല. അംഗീകാരം ലഭിക്കുന്ന മുറയ്ക്ക് പദ്ധതിയുടെ വിശദ പദ്ധതി രേഖ തയ്യാറാക്കുന്നതുൾപ്പെടെയുള്ള തുടര്‍നടപടികള്‍ സ്വീകരിക്കുമെന്നുമാണ് മുഖ്യമന്ത്രി വി.ഡി സതീശൻ നിയമസഭയിൽ നൽകിയ മറുപടി. നടപ്പാക്കുന്നതിനുള്ള സമയക്രമം സംബന്ധിച്ചും വ്യക്തമായ വിശദീകരണമില്ല.2011-12 ലാണ് നഗരത്തിൽ മോണോറെയിൽ പദ്ധതി ആശയം സജീവമായത്. ഡൽഹി മെട്രോ റെയിൽ കോർപ്പറേഷൻ തയ്യാറാക്കിയ ആദ്യഘട്ട വിശദ പദ്ധതിരേഖയിൽ മെഡിക്കൽ കോളേജ് മുതൽ മീഞ്ചന്ത വരെ 14.2 കിലോമീറ്റർ ദൂരത്തിൽ 15 സ്റ്റേഷനുകളാണ് നിർദേശിച്ചിരുന്നത്. 2012ൽ പദ്ധതിക്ക് മന്ത്രിസഭയുടെ അംഗീകാരവും ലഭിച്ചു. എന്നാൽ മോണോറെയിൽ പദ്ധതിക്കായി ടെൻഡർ ക്ഷണിച്ചപ്പോൾ ലഭിച്ച ഏക കമ്പനിയുടെ ഉയർന്ന നിരക്ക് തിരിച്ചടിയായി. സർക്കാരിന്റെ കണക്കുകൂട്ടലിനേക്കാൾ വലിയ ചെലവ് വരുമെന്ന സാഹചര്യമുണ്ടായതോടെ 2014 ൽ മോണോറെയിൽ ഉപേക്ഷിച്ച് ലൈറ്റ് മെട്രോയിലേക്ക് മാറി. തുടർന്ന് ഡൽഹി മെട്രോ റെയിൽ കോർപ്പറേഷൻ ലൈറ്റ് മെട്രോയുടെ ഡി.പി.ആർ തയ്യാറാക്കി. 2014 ഒക്ടോബറിൽ കേരള മോണോറെയിൽ കോർപ്പറേഷന്റെ യോഗം റിപ്പോർട്ടിന് അംഗീകാരം നൽകി. എന്നാൽ പദ്ധതി വീണ്ടും പ്രതിസന്ധിയിലായി. 2017ൽ കേന്ദ്രസർക്കാർ പുതിയ മെട്രോ റെയിൽ നയം കൊണ്ടുവന്നതോടെ നിലവിലുള്ള പദ്ധതികൾ പുതിയ മാനദണ്ഡങ്ങൾക്കനുസരിച്ച് പുതുക്കേണ്ടിവന്നു. ഇതോടെ കോഴിക്കോട് ലൈറ്റ് മെട്രോയുടെ തുടർനടപടികളും നീണ്ടു. പിന്നീട് പുതുക്കിയ ഡി.പി.ആറും തയ്യാറാക്കിയെങ്കിലും പദ്ധതി നടപ്പാക്കുന്നതിലേക്ക് കടക്കാനായില്ല. 2022ലാണ് പദ്ധതിയുടെ നിർവഹണ ചുമതല കൊച്ചി മെട്രോ റെയിൽ ലിമിറ്റഡിന് കൈമാറിയത്. 2011​-12​ ​ൽ​ മോ​ണോ​റെ​യി​ൽ​ ​പ​ദ്ധ​തി​ ​ 2014 ​ൽ​ മോ​ണോ​റെ​യി​ൽ​ ​ഉ​പേ​ക്ഷി​ച്ച് ​ലൈ​റ്റ് ​മെ​ട്രോ​2022 ​ൽ​ പ​ദ്ധ​തി​യു​ടെ​ ​നി​ർ​വ​ഹ​ണ​ ​ചു​മ​ത​ല​ ​കൊ​ച്ചി​ ​മെ​ട്രോ​ ​റെ​യി​ൽ​ ​ലി​മി.​ ന് കൈ​മാ​റി.

പുലിമുരുകന്‍, തുടരും..പ്രശസ്ത ഛായാഗ്രാഹകന്‍ ഷാജി കുമാര്‍ അന്തരിച്ചു.

0

കൊച്ചി: പ്രശസ്ത ഛായാഗ്രാഹകന്‍ ഷാജി കുമാര്‍ അന്തരിച്ചു. കൊച്ചിയിലെ സിനിമ സെറ്റില്‍ കുഴഞ്ഞുവീഴുകയായിരുന്നു. പുലി മുരുകന്‍, തുടരും ഉള്‍പ്പെടെ 50 ഓളം സിനിമകള്‍ക്ക് ക്യാമറ ചെയ്തിട്ടുണ്ട്. അതിമനോഹരം, ഒറ്റകൊമ്പന്‍ എന്നിവയാണ് പുറത്ത് ഇറങ്ങാനുള്ള ചിത്രങ്ങള്‍.ഇന്നലെ രാത്രിയോടെയാണ് ഷാജികുമാര്‍ ഷൂട്ടിംഗ് സെറ്റില്‍ കുഴഞ്ഞു വീണത്. ശ്വസതടസം നേരിട്ടിരുന്നു. തുടര്‍ന്ന് എറണാകുളത്തേക്ക് എത്തിച്ചെങ്കിലും ജീവന്‍രക്ഷിക്കാനായില്ല. മൃതദേഹം ലക്ഷ്മി ആശുപത്രിയില്‍ സൂക്ഷിച്ചിരിക്കുകയാണ്. കാക്കനാട്ടെ ഫ്ളാറ്റില്‍ പൊതുദര്‍ശനം നടക്കും.ആക്ഷന്‍ രംഗങ്ങള്‍ മികച്ച രീതിയില്‍ പകര്‍ത്താനുള്ള കഴിവ് ഇദ്ദേഹത്തെ കൂടുതല്‍ ശ്രദ്ധേയനാക്കി. 2016 ല്‍ റിലീസ് ചെയ്ത പുലിമുരുകന്‍ എന്ന ചിത്രത്തിന്റ്‌റെ ഛായാഗ്രഹണം വളരെയധികം ശ്രദ്ധിക്കപ്പെട്ടു. വിപിന്‍ മോഹന്‍ എന്ന ഛായാഗ്രാഹകന്റെ ശിഷ്യനായാണ് അദ്ദേഹം ചലച്ചിത്രമേഖലയിലേക്ക് എത്തുന്നത്. 2001ല്‍ അനില്‍ ബാബു സംവിധാനം ചെയ്ത ഉത്തമന്‍ എന്ന സിനിമയ്ക്ക് വേണ്ടിയാണ് ആദ്യമായി ക്യാമറ ചെയ്യുന്നത്. പിന്നീടിങ്ങോട്ട് അദ്ദേഹം ചെയ്ത ചിത്രങ്ങളെല്ലാം സൂപ്പര്‍ഹിറ്റുകളായിരുന്നു.

GNA വൈദ്യുതി കരാർ തത്കാലമില്ല; നവംബർ, ഡിസംബർ മാസങ്ങളിൽ വൈദ്യുതി മുടങ്ങില്ലെന്ന്

0

തിരുവനന്തപുരം: GNA വൈദ്യുതി കരാർ തത്കാലമില്ല.നവംബർ, ഡിസംബർ മാസങ്ങളിൽ വൈദ്യുതി ദൗർലഭ്യം വരില്ലെന്ന് കെഎസ്ഇബി. മുഖ്യമന്ത്രിയെ കണ്ട് KSEB ചെയർമാൻ. വൈദ്യുതി ബോർഡ് ചെയർമാനും ഊർജ സെക്രട്ടറിയും മുഖ്യമന്ത്രിയെ കണ്ടു.നവംബറിൽ പവർകട്ട് വേണ്ടിവരുമെന്ന് മുൻ ചെയർമാൻ മുഖ്യമന്ത്രിയെ അറിയിച്ചിരുന്നു. മുഖ്യമന്ത്രിയെ തെറ്റിദ്ധരിപ്പിക്കാനിടയായ സാഹചര്യം പരിശോധിക്കാൻ നിർദ്ദേശം. എം.ജി രാജമാണിക്യത്തിൻെറ കത്തിലാണ് പരിശോധനക്ക് നിർദ്ദേശിച്ചിരിക്കുന്നത്.

നവംബറില്‍ പ്രതിസന്ധിയുണ്ടെന്ന റിപ്പോര്‍ട്ട് വന്നതെങ്ങനെയെന്ന് പരിശോധിക്കാന്‍ മുഖ്യമന്ത്രി നിര്‍ദേശം നല്‍കി. പുതിയ ഊര്‍ജ സെക്രട്ടറിക്കും കെഎസ്ഇബി ചെയര്‍മാനുമാണ് നിര്‍ദേശം നല്‍കിയത്. മുഖ്യമന്ത്രിയില്‍ സമ്മര്‍ദം ചെലുത്തി ഹിമാചല്‍ വൈദ്യുതി വാങ്ങാന്‍ ശ്രമം നടന്നോ എന്ന സംശയവും നിഴലിക്കുന്നുണ്ട്. അതേസമയം, നവംബര്‍-ഡിസംബര്‍ മാസങ്ങളിൽ വൈദ്യുതി പ്രതിസന്ധിയില്ലെന്ന് പുതിയ കെഎസ്ഇബി ചെയര്‍മാന്‍ അറിയിച്ചു. ഇതിന്റെ അടിസ്ഥാനത്തിൽ മറ്റ് മാസങ്ങളിലേക്കുള്ള തയ്യാറെടുപ്പുമായി മുന്നോട്ടുപോകാനും മുഖ്യമന്ത്രി നിര്‍ദേശം നല്‍കി.എന്‍ടിപിസി സിന്നാറുമായി കരാര്‍ ഒപ്പിടാനും കെഎസ്ഇബിക്ക് നിര്‍ദേശമുണ്ട്. എന്‍ടിപിസി സിന്നാര്‍ കരാര്‍ ഒപ്പിടാതെ കെഎസ്ഇബി മുന്നോട്ടുപോകുന്നത് മീഡിയവണ്‍ റിപ്പോര്‍ട്ട് ചെയ്തിരുന്നു. കുറഞ്ഞ ചെലവില്‍ വൈദ്യുതി ലഭിക്കുന്ന കരാര്‍ ഒപ്പിടുന്നതില്‍ അമാന്തം കാണിച്ചതില്‍ മുഖ്യമന്ത്രി അതൃപ്തി അറിയിക്കുകയായിരുന്നു.മുഖ്യമന്ത്രി വി.ഡി സതീശനും വൈദ്യുതിമന്ത്രി സണ്ണി ജോസഫും ഡല്‍ഹിയിലെത്തി എന്‍ടിപിസി ചെയര്‍മാനുായി സംസാരിച്ചതിനെ തുടര്‍ന്നായിരുന്നു കുറഞ്ഞ ചെലവില്‍ വൈദ്യുതിയെന്ന വാഗ്ദാനം ലഭിച്ചത്.

മലപ്പുറത്ത് 2 പേർക്ക് കൂടി ഷിഗെല്ല; 100 ലേറെ പേർക്ക് രോഗ ലക്ഷണം.

0

മലപ്പുറത്ത് വീണ്ടും രണ്ട് പേർക്ക് കൂടി ഷിഗെല്ല സ്ഥിരീകരിച്ചു. ഇതോടെ ജില്ലയിൽ രോഗം സ്ഥിരീകരിച്ചവരുടെ എണ്ണം ഒമ്പതായി. ഏലംകുളം, ചുങ്കത്തറ, അമരമ്പലം പഞ്ചായത്തുകളിലാണ് രോഗം സ്ഥിരീകരിച്ചത്. കഴിഞ്ഞ ദിവസമാണ് ഏലംകുളം കോരക്കുത്ത് നടന്ന വിവാഹ ചടങ്ങിൽ ഭക്ഷണം കഴിച്ച രണ്ട് കുട്ടികൾക്കും രണ്ട് മുതിർന്നവർക്കും രോഗം സ്ഥിരീകരിച്ചത്. കല്യാണ വീടും വൈകുന്നേരം തുറന്ന് പ്രവർത്തിക്കുന്ന തട്ടുകടയും പ്രഭവ കേന്ദ്രമെന്ന് കണ്ടെത്തിയിരുന്നു. ഇവിടെ നിന്നും ഭക്ഷണം കഴിച്ച 114 പേർക്ക് രോഗ ലക്ഷണവും കണ്ടെത്തുന്ന സാഹചര്യമുണ്ടായി.

കോഴിക്കോട്ട് കുട്ടി ഡ്രൈവർമാർ പെരുകുന്നു.നാലുവാഹനങ്ങൾ പിടികൂടി പൊലിസ്.

0

കോഴിക്കോട്: കോഴിക്കോട്ട് കുട്ടിഡ്രൈവർമാർ പെരുകുന്നു കഴിഞ്ഞദിവസം പ്രായപൂർത്തിയാ കാത്തവർ ഓടിച്ച നാലു വാഹനങ്ങൾ പൊലിസ് പിടികൂടി. കുട്ടികൾക്ക് വാഹനം നൽകിയ രണ്ടു രക്ഷിതാക്കൾക്കും കാർ ഉടമകളായ മറ്റു രണ്ടുപേർക്കും എതിരേ പൊലിസ് കേസെടുത്തു. മൂന്ന് വാഹനങ്ങൾ കസ്റ്റ ഡിയിലെടുത്തു.പുലർച്ചെ പൊലിസിന്റെ കണ്ണുവെട്ടിച്ച് കോഴിക്കോട് നഗര ത്തിൽ കുട്ടികൾ വാഹനം ഓടി ക്കുന്നത് ശ്രദ്ധയിൽപെട്ടതോടെ യായിരുന്നു ടൗൺ പൊലിസിന്റെ പരിശോധന. സ്‌കൂട്ടറിൽ അപകടകരമായി യാത്ര ചെയ്ത രണ്ടു കുട്ടികളും മാവൂരിൽ കാറുമായി സഞ്ചരിച്ച കുട്ടിയു മാണ് ടൗൺ പൊലിസിൻ്റെ പരിശോധനയിൽ കുടുങ്ങിയത്. ശനിയാഴ്ച‌ പുലർച്ചെ 1.40ന് മാനാഞ്ചിറ ടൗൺഹാൾ റോഡിലൂടെ അമിത വേഗത്തിലെത്തിയ സ്കൂട്ടർ പരിശോധിച്ചപ്പോഴാണ് ലൈസൻസില്ലാത്ത കുട്ടികെളാണ് വാഹനം ഓടിച്ചതെന്ന് വ്യക്തമായത്. വാഹന ഉടമ കണ്ണി പറമ്പ് സ്വദേശി അബ്ദുൾ നൈഫലിനെതിരേ പൊലിസ് കേസെടുത്തു. പുലർച്ചെ തന്നെ 3.40ന് മറ്റൊരു സ്‌കൂട്ടർ ഓടിച്ചെത്തിയതും കുട്ടിയായിരുന്നു. കുട്ടിക്ക് വാഹനം നൽകിയ വാഹ ന ഉടമ പാവണ്ടൂർ സ്വദേശി ബിജുലക്കെതിരേയും പൊലിസ് കേസെടുത്തു.മാവൂരിൽ പുലർച്ചെ നാലോടെ കാർ ഓടിച്ചു വന്നത് കുട്ടി യോട് പൊലീസ് വിവരം തിരക്കിയപ്പോൾ സുഹൃത്താണ് കാർ നൽകിയതെന്നായിരുന്നു മറുപടി. ഇതുമായി ബന്ധപ്പെട്ട് ഉള്ളൂർ പുത്തൻപുരയിൽ സ്വദേശി അബ്ദുൾ സമദിനെതിരേ മാവൂർ പൊലിസ് കേസെടുത്തു. ചക്കുംകടവിൽ കുട്ടി സ്‌കൂട്ടർ ഓടിച്ച സംഭവത്തിൽ വാഹന ഉടമയായ കുട്ടിയുടെ മാതാവ് പന്നിയങ്കര സ്വദേശി നസ്രിയ യ്ക്കെതിരേയും കേസെടുത്തു. രണ്ടാഴ്ച‌ മുമ്പ് കണ്ണൂർ റേഞ്ചി നു കീഴിൽ പൊലിസ് നടത്തിയ വാഹന പരിശോധനയിൽ ഏറ്റവും കൂടുതൽ കുട്ടി ഡ്രൈവർമാർ പിടിയിലായത് കോഴി ക്കോട് സിറ്റിയിലായിരുന്നു. പ്രായ പൂർത്തിയാകാത്ത വർ വാഹനവുമായി നിരത്തിലിറ ങ്ങിയാൽ കർശന നടപടി സ്വീ കരിക്കുമെന്ന് പൊലിസ് അറിയിച്ചു.കുട്ടികൾ വാഹനം ഓടിക്കുകയോ നിയമലംഘനം നടത്തുകയോ ചെയ്‌താൽ വാഹനം നൽകിയ രക്ഷിതാവിന്/വാഹന ഉടമക്ക് 25,000 രൂപ പിഴയും മുന്നുവർഷം തടവും ലഭിക്കും. വാഹനത്തിന്റെ രജിസ്ട്രേഷൻ സർട്ടിഫിക്കറ്റ് ഒരുവർഷത്തേക്ക് ദ്ദാക്കും. വാഹനം ഓടിച്ച കുട്ടിക്ക് ഏഴുവർഷം കഴിഞ്ഞ് മാത്രമേ ലൈസൻസിന് അപേക്ഷിക്കാൻ സാധിക്കുകയുള്ളൂ.

എംഎൽഎ ഫണ്ടിൽ നിന്ന് കെഎസ്ആർടിസിക്ക് പുതിയ ബസുകൾ: പച്ചക്കൊടി വീശി 79 ഭരണപക്ഷ എംഎൽഎമാർ, വിട്ടുനിന്ന് പ്രതിപക്ഷം.

0

തിരുവനന്തപുരം: സാമ്പത്തിക ബാധ്യതയില്ലാതെ കെഎസ്ആർടിസിക്ക് പുതിയ ബസുകൾ ലഭ്യമാക്കുന്നതിനായി എംഎൽഎമാരുടെ ആസ്‌തി വികസന ഫണ്ട് വിനിയോഗിക്കുന്ന പദ്ധതിക്ക് ഭരണപക്ഷത്ത് മികച്ച പിന്തുണ. ആകെ 102 ഭരണപക്ഷ എംഎൽഎമാരിൽ 79 പേരും പദ്ധതിക്കായി സമ്മതപത്രം കൈമാറിക്കഴിഞ്ഞു.കടുത്ത സാമ്പത്തിക പ്രതിസന്ധി നേരിടുന്ന കെഎസ്ആർടിസി കഴിഞ്ഞ 10 വർഷത്തിനിടെ ആയിരത്തിൽപ്പരം പുതിയ ബസുകൾ മാത്രമാണ് നിരത്തിലിറക്കിയിട്ടുള്ളത്. പഴക്കമേറിയ ബസുകൾ സർവീസ് നടത്തുന്ന സാഹചര്യത്തിൽ സർക്കാരിന് അധിക സാമ്പത്തിക ബാധ്യത വരുത്താതെ പുതിയ ബസുകൾ വാങ്ങാനാണ് എംഎൽഎ ഫണ്ട് വിനിയോഗിക്കാൻ തീരുമാനിച്ചത്. സ്വന്തം മണ്ഡലത്തിലെ ബസ് ആവശ്യം കൂടി മുൻനിർത്തിയാണ് എംഎൽഎമാരുടെ അനുകൂല നടപടി.അതേസമയം പ്രതിപക്ഷ എംഎൽഎമാർ ഈ പദ്ധതിയിൽ നിന്ന് പൂർണ്ണമായും വിട്ടുനിൽക്കുകയാണ്. ഭരണപക്ഷത്തെ 23 എംഎൽഎമാരും നിലവിൽ സമ്മതപത്രം നൽകിയിട്ടില്ല. ഈ വർഷത്തെ എംഎൽഎ ഫണ്ട് പൂർണ്ണമായും തീർന്നുപോയതിനാൽ അടുത്ത വർഷത്തെ ഫണ്ടിൽ നിന്ന് തുക മാറ്റിവയ്ക്കാമെന്ന് ചില എംഎൽഎമാർ നിർദ്ദേശിച്ചിട്ടുണ്ട്. ചിലർ പദ്ധതിയുടെ ഭാഗമാവില്ലെന്ന് തന്നെ അറിയിച്ചിട്ടുണ്ട്.ജനപ്രതിനിധികളിൽ നിന്ന് ആകെ 120-ഓളം ബസുകൾ വാങ്ങുന്നതിനുള്ള സമ്മതപത്രം കെഎസ്ആർടിസിക്ക് ലഭിച്ചിട്ടുണ്ട്. ഉമാ തോമസ് എംഎൽഎ, സിറിയക് തോമസ് എംഎൽഎ തുടങ്ങിയവർ മൂന്ന് ബസുകൾ വീതം നൽകാൻ സമ്മതപത്രം നൽകിയപ്പോൾ, മലപ്പുറത്ത് നിന്ന് തിരുവനന്തപുരത്തേക്ക് ഒരു സൂപ്പർഫാസ്റ്റ് ബസ് അനുവദിക്കാമെന്ന് പി.കെ. കുഞ്ഞാലിക്കുട്ടി നിർദ്ദേശിച്ചിട്ടുണ്ട്.

വിനോദയാത്ര പോയ ബസിന്റെ ടയർ പൊട്ടിത്തെറിച്ച് തീപ്പിടിത്തം; വിദ്യാർഥികൾ തലനാരിഴയ്ക്ക് രക്ഷപ്പെട്ടു.

0

പാലക്കാട്: ഒറ്റപ്പാലം വരോട് ഹയർസെക്കൻഡറി സ്കൂളിൽനിന്ന് വിനോദയാത്ര പോയ ബസ് കൊടൈക്കനാലിന് സമീപം കത്തിനശിച്ചു. ആർക്കും പരിക്കില്ല. ബസിൻ്റെ ടയർ പൊട്ടിയത് പരിശോധിക്കാൻ പുറത്തിറങ്ങിയതിനാൽ ബസിലെ 45 വിദ്യാർഥികളും മൂന്ന് അധ്യാപകരും ഒരു രക്ഷിതാവും ഉൾപ്പെടെയുള്ളവർ പരിക്കേൽക്കാതെ രക്ഷപ്പെട്ടു.വരോട് കെപിഎസ്എംഎം വിഎച്ച്എസ്ഇ സ്കൂളിൽനിന്ന് ശനിയാഴ്ച പുലർച്ചയ്ക്കാണ് സംഘം വിനോദയാത്രക്കായി പുറപ്പെട്ടത്. കൊടൈക്കനാൽ സന്ദർശിച്ച ശേഷം മൂന്നാറിലേക്ക് പോകവെ തേനി ജില്ലയിലെ ദേവധാനപ്പെട്ടി എന്ന സ്ഥലത്തുവെച്ചായിരുന്നു സംഭവം.പ്രഭാത ഭക്ഷണം കഴിച്ച് രാവിലെ പതിനൊന്നു മണിയോടെ ബസിലേക്ക് തിരിച്ചു കയറുന്നതിനിടെ ബസിന്റെ പിൻവശത്തെ ചക്രം പൊട്ടി. തുടർന്ന് എല്ലാവരും പുറത്തിറങ്ങി പരിശോധിക്കുന്നതിനിടെ ടയർ പൊട്ടിയ ഭാഗത്തുനിന്ന് തീ ഉയരുകയായിരുന്നു. ഉടൻ തീ ആളിപ്പടർന്നു.തുടർന്ന് അടുത്തുള്ള പോലീസ് സ്റ്റേഷനിലും അഗ്‌നിരക്ഷാസേനയേയും വിവരം അറിയിച്ചു. അഗ്‌നിരക്ഷാസേന എത്തി തീ അണച്ചെങ്കിലും ബസിന്റെ പകുതിയിലധികം ഭാഗവും കത്തിനശിച്ചു. വിനോദയാത്രാ സംഘത്തിലുള്ളവരുടെ വസ്ത്രങ്ങൾ ഉൾപ്പെടെയുള്ള എല്ലാ വസ്തുക്കളും കത്തിനശിച്ചിട്ടുണ്ട്.

സംസ്ഥാനത്ത് മുട്ടവില കുതിച്ചുയരുന്നു.

0

തിരുവനന്തപുരം : സംസ്ഥാനത്ത് കോഴിമുട്ടയുടെ വില കുതിച്ചുയരുന്നു. ഒരാഴ്ചയ്ക്കിടെ ഒരു മുട്ടയ്ക്ക് രണ്ട് രൂപയോളമാണ് വർധിച്ചത്. നിലവിൽ ഒരു കോഴിമുട്ടയ്ക്ക് എട്ട് രൂപയാണ് വില. വരും ദിവസങ്ങളിലും വില ഉയരാനാണ് സാധ്യതയെന്ന് കച്ചവടക്കാർ പറയുന്നു.ക്രിസ്മസ്, പുതുവത്സര ആഘോഷങ്ങൾ മുന്നിൽക്കണ്ട് കേക്ക് നിർമ്മാണത്തിനായി വ്യാപകമായി മുട്ട വാങ്ങി സംഭരിക്കുന്നത് വില വർധനവിന് കാരണമായിട്ടുണ്ട്. ഉത്സവ സീസണിൽ മുട്ടയുടെ ആവശ്യകത ഇനിയും ഉയരാൻ സാധ്യതയുള്ളതിനാൽ വില കുറയാനുള്ള സാധ്യതയില്ലെന്നാണ് വ്യാപാരികൾ വ്യക്തമാക്കുന്നത്.കോഴിത്തീറ്റയുടെ വില വർധിച്ചതും മുട്ടവില ഉയരാൻ കാരണമായിട്ടുണ്ട്. നേരത്തെ 1800 മുതൽ 2000 രൂപ വരെ വിലയുണ്ടായിരുന്ന കോഴിത്തീറ്റയ്ക്ക് ഇപ്പോൾ 2760 രൂപ വരെ എത്തിയിട്ടുണ്ട്.കോഴിത്തീറ്റയുടെ പ്രധാന ഘടകമായ ചോളത്തിന്റെ ലഭ്യതക്കുറവും വിലക്കയറ്റത്തിന് കാരണമായി. എത്തനോൾ നിർമ്മാണത്തിനായി ചോളം വ്യാപകമായി ഉപയോഗിക്കാൻ തുടങ്ങിയതോടെ കോഴിത്തീറ്റ നിർമ്മാണത്തിനുള്ള ചോളത്തിന്റെ ലഭ്യത കുറഞ്ഞതായാണ് വിലയിരുത്തൽ. ഇതോടെ തീറ്റവില വർധിക്കുകയും ഉൽപാദനച്ചെലവ് ഉയരുകയും ചെയ്തു. ഉൽപാദനച്ചെലവിലെ വർധനയും വിപണിയിലെ ആവശ്യകതയുമാണ് മുട്ടവില ഉയരാൻ പ്രധാന കാരണങ്ങളെന്നാണ് വ്യാപാരികൾ പറയുന്നത്.

മദ്യനയം വരുന്നതുവരെ ബാർ ലൈസൻസ് അനുവദിക്കരുത്-സർക്കുലർ പുറത്തിറക്കി എക്സൈസ് അഡീഷണൽ കമ്മിഷണർ.

0

തിരുവനന്തപുരം: യുഡിഎഫിന്റെ മദ്യനയം വരുന്നതുവരെ പുതിയ ബാർ ലൈസൻസ് നൽകരുതെന്ന നിർദേശം പുറപ്പെടുവിച്ച് എക്സൈസ് അഡീഷണൽ കമ്മിഷണർ. ഡെപ്യൂട്ടി കമ്മിഷണർമാർ വരെയുള്ള ഉദ്യോഗസ്ഥർക്കായാണ് നിർദേശം പുറപ്പെടുവിച്ചിട്ടുള്ളത്.മദ്യനയം വരുന്നതിന് മുൻപേ, ബാർ ലൈസൻസ് അനുവദിച്ച നടപടിയെത്തുടർന്നാണ് സീറാം സാംബശിവ റാവുവിനെ എക്സൈസ് കമ്മിഷണർ സ്ഥാനത്തുനിന്ന് മാറ്റിയത്. സീറാമിനെ മാറ്റിയതിന് പിന്നാലെ അഡീഷണൽ കമ്മിഷണർ ആർ. ജയശങ്കറിന് എക്സൈസ് കമ്മിഷണറുടെ അധികച്ചുമതല കൂടി നൽകുകയും ചെയ്തിരുന്നു.ഈ സംഭവവികാസങ്ങൾക്ക് പിന്നാലെയാണ് ബാർ ലൈസൻസ് വിഷയത്തിൽ എക്സൈസ് അഡീഷണൽ കമ്മിഷണറുടെ സർക്കുലർ പുറത്തെത്തിയിരിക്കുന്നത്.

എസ്.എം.എ രോഗികൾക്ക് ആശ്വാസം; റിസ്ഡിപ്ലാം സൗജന്യ മരുന്ന് എല്ലാ ജില്ലകളിലും.

0

തിരുവനന്തപുരം : എസ്.എം.എ ബാധിതർക്കുള്ള റിസ്ഡിപ്ലാം സൗജന്യ മരുന്ന് എല്ലാ ജില്ലകളിലെയും മെഡിക്കൽ കോളജുകൾ വഴി ലഭ്യമാക്കാൻ സർക്കാർ തീരുമാനം. ഇതിനുള്ള നടപടികൾ ഏകോപിപ്പിക്കാൻ ആരോഗ്യ വകുപ്പ് അഡീഷനൽ ചീഫ് സെക്രട്ടറിയെ ചുമതലപ്പെടുത്തിയതായി മന്ത്രി കെ. മുരളീധരൻ അറിയിച്ചു. റിസ്ഡിപ്ലാം മരുന്നിന്റെ വികേന്ദ്രീകൃത വിതരണത്തിലൂടെ ചികിത്സയുടെ ലഭ്യതയും തുടർച്ചയും ഉറപ്പാക്കുന്നതിനൊപ്പം രോഗികൾക്കും കുടുംബങ്ങൾക്കും ആശ്വാസം പകരുന്ന പുതിയ ആരോഗ്യപരിചരണ മാതൃകയാണ് സർക്കാർ ലക്ഷ്യമിടുന്നതെന്ന് മുരളീധരൻ പറഞ്ഞു.നിലവിൽ തിരുവനന്തപുരം, കോഴിക്കോട് മെഡിക്കൽ കോളജുകളിലെ എസ്.എം.എ ക്ലിനിക്കുകൾ വഴി മാത്രമാണ് സൗജന്യ മരുന്ന് വിതരണം ചെയ്യുന്നത്. ഇതിനായി ദൂരയാത്ര ചെയ്യേണ്ടിവരുന്നത് രക്ഷിതാക്കൾക്ക് വലിയ ബുദ്ധിമുട്ടും സാമ്പത്തികബാധ്യതയും സൃഷ്ടിക്കുന്നു. ഈ സാഹചര്യം പരിഗണിച്ചാണ് എല്ലാ മെഡിക്കൽ കോളജുകളിലെയും പീഡിയാട്രിക് വിഭാഗം വഴി മരുന്ന് ലഭ്യമാക്കാൻ തീരുമാനിച്ചത്. നിലവിൽ 12 വയസ്സുവരെയുള്ളവർക്കാണ് സൗജന്യ മരുന്ന് ലഭിക്കുന്നത്.