spot_img
Friday, November 20, 2026
Home Blog Page 98

വിദ്യാര്‍ഥികളെ അധിക്ഷേപിച്ച കേസ്; ടിജി മോഹന്‍ദാസ് പൊലീസ് കസ്റ്റഡിയിൽ

0

കൊച്ചി: ജന്തര്‍മന്തറില്‍ സമരം ചെയ്ത വിദ്യാര്‍ഥികളെ അധിക്ഷേപിച്ച സംഭവത്തില്‍ ആര്‍എസ്എസ് നേതാവ് ടിജി മോഹന്‍ദാസ് പൊലീസ് കസ്റ്റഡിയിൽ. മട്ടാഞ്ചേരി ചെറളായിയിലെ വീട്ടിലെത്തിയാണ് തിരുവനന്തപുരം സൈബർ പൊലീസ് മോഹൻദാസിനെ കസ്റ്റഡിയിലെടുത്തത്. നിയമനടപടികളും വൈദ്യപരിശോധനയും പൂർത്തിയാക്കി രാത്രിയിൽ തിരുവനന്തപുരത്തേക്ക് കൊണ്ടുപോകും.

ഡല്‍ഹി ജന്തര്‍മന്തറിലെ പ്രക്ഷോഭകരെ വെടിവെച്ചുകൊല്ലണമെന്നായിരുന്നു ടിജി മോഹന്‍ദാസിന്റെ വിവാദ പരാമര്‍ശം. സംഭവത്തില്‍ എഐവൈഎഫ് സംസ്ഥാന സെക്രട്ടറി ടിടി ജിസ്‌മോനാണ് ആദ്യം പരാതി നല്‍കിയത്. പിന്നാലെ നിരവധി പേര്‍ പരാതി നല്‍കിയിരുന്നു. എന്നാല്‍ കേസില്‍ പൊലീസ് ടിജി മോഹന്‍ദാസിനെ ചോദ്യം ചെയ്യാന്‍ വിളിപ്പിക്കുകയോ അറസ്റ്റ് ചെയ്യുകയോ ചെയ്തിട്ടില്ലെന്നും തുടര്‍നടപടികള്‍ ഉണ്ടായില്ലെന്നും വിമര്‍ശനങ്ങള്‍ ഉയര്‍ന്നിരുന്നു. ഒടുവില്‍ പരാതികളെത്തി മൂന്നാം ദിവസമാണ് കേസെടുത്തത്.

ജൂലൈ 29നാണ് കലാപാഹ്വനത്തിന് കേസെടുത്തത്. ജന്തര്‍ മന്തറില്‍ പ്രതിഷേധിച്ച വിദ്യാര്‍ത്ഥികള്‍ക്കെതിരെ ടി ജി മോഹന്‍ ദാസ് നടത്തിയത് ഹീനമായ പരാമര്‍ശങ്ങളാണ്. അശ്ലീലവും അധിക്ഷേപവും നിറച്ച വിഡിയോകള്‍ക്കെതിരെ വ്യാപക പ്രതിഷേധമുയര്‍ന്നിരുന്നു. ലഹള ഉണ്ടാക്കണമെന്ന ഉദ്ദേശത്തോടെ യൂട്യൂബ് ചാനല്‍ വഴി വിഡിയോകള്‍ പ്രചരിപ്പിച്ചെന്നായിരുന്നു എഫ്‌ഐആര്‍.

കൊണ്ടോട്ടി വഴി ഹെവി വാഹനങ്ങൾക്ക് ഗതാഗത നിയന്ത്രണം

0

കൊണ്ടോട്ടി പോലീസിന്റെ അറിയിപ്പ്കൊണ്ടോട്ടി ടൗണിൽ റോഡ് പ്രവൃത്തി നടക്കുന്നതിനാൽ കോഴിക്കോട് ഭാഗത്തു നിന്നും പാലക്കാട് ഭാഗത്തേക്ക് പോകുന്ന നാഷണൽ പെർമിറ്റ് ലോറികൾ, കണ്ടെയ്നർ ലോറികൾ, ഗ്യാസ് ടാങ്കർ ലോറികൾ അടക്കമുള്ള ഹെവി വാഹനങ്ങൾ രാമനാട്ടുകരയിൽ നിന്നും ദേശീയപാത 66 വഴി വേങ്ങര/ കോട്ടക്കൽ വഴി പാലക്കാട് ഭാഗത്തേക്കും പാലക്കാട് ഭാഗത്തു നിന്നും കോഴിക്കോട് ഭാഗത്തേക്ക് പോകുന്ന ഹെവി വാഹനങ്ങൾ മലപ്പുറം, കോട്ടക്കൽ/ വേങ്ങര വഴി രാമനാട്ടുകര ഭാഗത്തേക്കും പോകേണ്ടതാണ്.എയർപോർട്ടിലേക്ക് പോകുന്ന യാത്രക്കാർ സമയക്രമം പാലിക്കണമെന്നും പോലീസ് അധികൃതർ അറിയിച്ചു

തോട്ടിൽ കുളിക്കാനിറങ്ങിയ യുവാവ് മുങ്ങി മരിച്ചു

0

താമരശ്ശേരി:കൂടത്തായി തോട്ടിൽ കുളിക്കാനിറങ്ങിയ യുവാവ് മുങ്ങി മരിച്ചു . കാട്ടുമുണ്ട ആനപ്പാറ കാവളത്തിങ്ങൽ ജോബി ജോസഫ് (42) ആണ് മരിച്ചത്.സഹോദരിയുടെ മകനൊപ്പം വീടിനു സമീപത്തെ തോട്ടിൽ കുളിക്കുന്നതിനിടെ ഒഴുക്കിൽപ്പെട്ടാണ് മരിച്ചത്, വീണ സ്ഥലത്തു നിന്നും ഒരു കിലോമീറ്റർ അകലെ ചാമോറ ബണ്ടിന് സമീപം വെച്ച് നാട്ടുകാരുടെ തിരച്ചിലിന് ഒടുവിലാണ് മൃതദേഹം കണ്ടെത്തിയത്. ഉച്ചക്ക് രണ്ടരയോടെയാണ് മൃതദേഹം കണ്ടെത്തിയത്.

കുംടുബസമേതം ബാംഗ്ലൂരിൽ താമച്ചു വരുന്ന ജോബി വെള്ളിയാഴ്ചയാണ് നാട്ടിലെത്തിയത്.മൃതദേഹം കോഴിക്കോട് മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.

കാർ ഗ്ലാസിലെ മഞ്ഞ്: ആ രഹസ്യ ബട്ടന്‍റെ ഉപയോഗം അറിയാമോ?

0

മഴക്കാലത്ത് വാഹനം ഓടിക്കുമ്പോൾ പല ഡ്രൈവർമാരും നേരിടുന്ന പ്രധാന പ്രശ്നങ്ങളിലൊന്നാണ് കാറിന്റെ മുൻവശത്തെയോ പിൻവശത്തെയോ ഗ്ലാസുകളിൽ മൂടൽമഞ്ഞ് രൂപപ്പെടുന്നത്. എസി പ്രവർത്തിപ്പിച്ചതിന് പിന്നാലെ ഗ്ലാസ് മങ്ങുന്നത് റോഡിന്റെ കാഴ്ച തടസ്സപ്പെടുത്തുകയും അപകടസാധ്യത വർധിപ്പിക്കുകയും ചെയ്യാം. എന്നാൽ മിക്ക ആധുനിക കാറുകളിലും ഇതിനുള്ള പരിഹാരമായി ഡി-ഫോഗർ (Defogger) അല്ലെങ്കിൽ ഡിഫ്രോസ്റ്റർ (Defroster) എന്ന സൗകര്യം ലഭ്യമാണ്.

ഗ്ലാസിൽ മൂടൽമഞ്ഞ് രൂപപ്പെടാൻ കാരണം എന്താണ്?

കാറിനുള്ളിലെ തണുത്ത വായുവും പുറത്തുള്ള ചൂടും ഈർപ്പവും കലർന്ന വായുവും തമ്മിലുള്ള താപനില വ്യത്യാസമാണ് ഗ്ലാസിൽ ഈർപ്പം അടിഞ്ഞുകൂടാൻ കാരണം. ഇതോടെ വിൻഡ്ഷീൽഡിലും സൈഡ് ഗ്ലാസുകളിലും മൂടൽമഞ്ഞ് രൂപപ്പെടുന്നു. മഴക്കാലത്തും ശൈത്യകാലത്തുമാണ് ഈ പ്രശ്നം കൂടുതലായി അനുഭവപ്പെടുന്നത്.

ഡി-ഫോഗർ എങ്ങനെ പ്രവർത്തിക്കുന്നു?

ഗ്ലാസ് മങ്ങുമ്പോൾ കാറിലെ ഡി-ഫോഗർ അല്ലെങ്കിൽ ഡിഫ്രോസ്റ്റർ ഓണാക്കിയാൽ, മുൻവശത്തെയും പിൻവശത്തെയും ഗ്ലാസിലേക്ക് ചൂടുള്ള വായു എത്തിക്കും. ഇതിലൂടെ ഗ്ലാസിൽ രൂപപ്പെട്ട ഈർപ്പം വളരെ വേഗത്തിൽ നീങ്ങി കാഴ്ച വീണ്ടും വ്യക്തമാകും. സുരക്ഷിതമായ ഡ്രൈവിംഗിന് ഈ സംവിധാനം ഏറെ സഹായകരമാണ്.

പിൻവശത്തെ ഗ്ലാസിലെ വരകളുടെ ഉപയോഗം ഇതാണ്

പല കാറുകളുടെയും പിൻവശത്തെ ഗ്ലാസിൽ നേർത്ത വരകൾ കാണാറുണ്ട്. ഇവ അലങ്കാരത്തിനല്ല. റിയർ ഡി-ഫോഗർ സംവിധാനത്തിന്റെ ഭാഗമായ ഹീറ്റിംഗ് എലമെന്റുകളാണവ. ഡി-ഫോഗർ പ്രവർത്തിപ്പിക്കുമ്പോൾ ഈ വരകൾ ചൂടാകുകയും ഗ്ലാസിലെ ഈർപ്പം വേഗത്തിൽ നീക്കം ചെയ്യുകയും ചെയ്യുന്നു. മഴക്കാലത്ത് പിന്നിലേക്കുള്ള കാഴ്ച വ്യക്തമാക്കുന്നതിൽ ഇവ നിർണായക പങ്ക് വഹിക്കുന്നു.

ഡി-ഫോഗർ ഇല്ലാത്ത കാറാണെങ്കിൽ?

നിങ്ങളുടെ കാറിൽ ഡി-ഫോഗർ സൗകര്യമില്ലെങ്കിൽ ചില ലളിതമായ മാർഗങ്ങൾ പരീക്ഷിക്കാം. എസിയുടെ താപനില അൽപം ഉയർത്തുക, ഫ്രഷ് എയർ മോഡ് ഓണാക്കുക, ആവശ്യമെങ്കിൽ ഒരു ജനൽ ചെറുതായി തുറക്കുക. ഇതിലൂടെ കാറിനകത്തെയും പുറത്തെയും താപനില ക്രമേണ തുല്യമാകുകയും ഗ്ലാസിലെ മൂടൽമഞ്ഞ് മാറുകയും ചെയ്യും.

മഴക്കാല ഡ്രൈവിങ്ങിൽ ശ്രദ്ധിക്കേണ്ട കാര്യങ്ങൾ

യാത്ര തുടങ്ങുന്നതിന് മുമ്പ് എല്ലാ ഗ്ലാസുകളും വൃത്തിയാക്കിയിട്ടുണ്ടെന്ന് ഉറപ്പാക്കുക. എസി അമിതമായി തണുപ്പിക്കാതെ ആവശ്യാനുസരണം ഫ്രഷ് എയർ മോഡ് ഉപയോഗിക്കുന്നത് നല്ലതാണ്. ഡി-ഫോഗർ ശരിയായി പ്രവർത്തിക്കുന്നുണ്ടോയെന്ന് ഇടയ്ക്കിടെ പരിശോധിക്കണം. യാത്രയ്ക്കിടെ ഗ്ലാസ് മങ്ങുകയാണെങ്കിൽ, വ്യക്തമായ കാഴ്ച ലഭിച്ച ശേഷം മാത്രമേ വാഹനം മുന്നോട്ടെടുക്കാവൂ. കാരണം, മഴക്കാലത്ത് സുരക്ഷിതമായ ഡ്രൈവിങ്ങിന്റെ ഏറ്റവും പ്രധാന ഘടകം വ്യക്തമായ ദൃശ്യപരതയാണ്.

​ഗൂഡല്ലൂരിൽ തൊഴിലാളിയെ കടുവ കൊലപ്പെടുത്തി

0

ഗൂഡല്ലൂരിൽ കടുവയുടെ ആക്രമണത്തിൽ തോട്ടം തൊഴിലാളി കൊല്ലപ്പെട്ടു. ബാലകൃഷ്ണൻ (54) ആണ് മരിച്ചത്. ഇന്നലെ ഇയാൾ തോട്ടത്തിൽ ജലസേചന ആവശ്യത്തിനായി പോയതായിരുന്നു. ഇദ്ദേഹത്തെ കാണാതായതിനെ തുടർന്ന് നടത്തിയ അന്വേഷണത്തിലാണ് മൃതദേഹം സമീപപ്രദേശങ്ങളിൽ നിന്നും ഇന്ന് രാവിലെ കണ്ടെത്തിയത്. പാതി ഭക്ഷിച്ച നിലയിൽ ആയിരുന്നു മൃതദേഹം. പ്രദേശത്ത് വന്യമൃഗ ശല്യം രൂക്ഷമാണ്, വന്യജീവികൾ മനുഷ്യജീവനുകൾ കാർന്നെടുക്കുന്നത് ഇവിടുത്തെ നിത്യസംഭവമാണ്. വയനാടിനോട് അതിർത്തി പങ്കിടുന്ന പ്രദേശമാണ് ഗൂഡല്ലൂർ.

അർജുൻ ആയങ്കിയ റിമാൻഡിൽ; തലശേരി സബ് ജയിലിലേക്ക് മാറ്റി

0

പൊലീസിനെ വെല്ലുവിളിച്ച് ഒളിവിൽ കഴിയുകയായിരുന്ന ക്രിമിനൽ കേസ് പ്രതി അർജുൻ ആയങ്കിയെ റിമാൻഡ് ചെയ്തു. കൂത്തുപറമ്പ് മജിസ്ട്രേറ്റ് കോടതി 14 ദിവസത്തേക്കാണ് റിമാൻഡ് ചെയ്തത്. അർജുൻ ആയങ്കിയെ തലശേരി സബ് ജയിലിലേക്ക് മാറ്റും. പ്രതി ഭാഗം ജാമ്യപേക്ഷ നൽകിയിരുന്നില്ല. കണ്ണൂരിലെ വനിതാ അഭിഭാഷകയുടെ ഫ്ലാറ്റിൽ നിന്നുമാണ് അർജുൻ ആയങ്കിയെ പിടികൂടിയത്. അർജുൻ ആയങ്കിയ്ക്കെതിരെ കാപ്പാ ചുമത്താനാണ് പൊലീസ് നീക്കം.

സുഹൃത്തായ മറ്റൊരാളും അർജുനൊപ്പം ഫ്ലാറ്റിൽ ഉണ്ടായിരുന്നു. കണ്ണൂർ സൈബർക്രൈം പൊലീസ് സ്റ്റേഷനിലെത്തിച്ച് അറസ്റ്റ് നടപടിക്രമങ്ങൾ പൂർത്തിയാക്കി. വൈദ്യപരിശോധനയ്ക്ക് ശേഷം കൂത്തുപറമ്പ് കോടതിയിൽ അർജുനെ ഹാജരാക്കി. തുടരെ പൊലീസിനെ വെല്ലുവിളിച്ച അർജുനെ പിടികൂടിയത് പൊലീസിന് വലിയ ആശ്വാസമായി. കേരളം ഗുണ്ടകളുടെ പറുദീസയല്ലെന്ന് ആഭ്യന്തരമന്ത്രി രമേശ് ചെന്നിത്തല. സിസ്റ്റത്തെ വെല്ലുവിളിക്കുന്ന ഗുണ്ടകൾക്ക് ഇതാണ് അവസ്ഥയെന്നും മന്ത്രി.

അർജുൻ ആയങ്കിയുടെ ഇളയ സഹോദരൻ അജയ് കോഴിക്കോട് പൊലീസിന്റെ കസ്റ്റഡിയിലായി. അർജുൻ ആയങ്കിയുമായി ബന്ധമുള്ള പലരും പൊലീസ് കസ്റ്റഡിയിലായി. പ്രധാന കൂട്ടാളി പ്രണവ് ഇപ്പോഴും ഒളിവിലാണ്. അർജുനെ തേടി സംസ്ഥാനത്തെ വിവിധയിടങ്ങളിൽ പൊലീസ് തിരച്ചിൽ നടത്തിയിരുന്നു. ഒളിവിൽ കഴിഞ്ഞശേഷം തളിപ്പറമ്പിൽനിന്ന് അർജുൻ കയറിയ ഓട്ടോറിക്ഷയുടെ ഡ്രൈവറുടെ മൊഴിയാണ് അറസ്റ്റിൽ നിർണായകമായത്.

ബംഗളൂരു കെ.എസ്.ആര്‍.ടി.സി. അപകടം: ഡ്രൈവര്‍ മിഥിലേഷിന്റെ മൃതദേഹം നാട്ടിലെത്തിച്ചു; കണ്ണീരണിഞ്ഞ് വെള്ളയിലെ നാട്

0

കോഴിക്കോട്: ബെംഗളൂരുവില്‍ കെ.എസ്.ആര്‍.ടി.സി. ബസ് മറിഞ്ഞുണ്ടായ ദാരുണാപകടത്തില്‍ മരിച്ച ഡ്രൈവര്‍ മിഥിലേഷിന്റെ മൃതദേഹം നാട്ടിലെത്തിച്ചു. ഞായറാഴ്ച പുലര്‍ച്ചെ അഞ്ചു മണിയോടെയാണ് മൃതദേഹം കോഴിക്കോട് വെള്ളയിലെ വസതിയില്‍ എത്തിച്ചത്. പ്രിയപ്പെട്ടവനെ അവസാനമായി ഒരുനോക്ക് കാണാന്‍ പുലര്‍ച്ചെ തന്നെ വന്‍ ജനവലിയാണ് വീട്ടിലേക്ക് ഒഴുകിയെത്തിയത്.കര്‍ണാടകയിലെ ബിഡതിക്ക് സമീപം മൈസൂരു-ബെംഗളൂരു അതിവേഗ ഹൈവേയിലാണ് അപകടമുണ്ടായത്. കോഴിക്കോട്ട് നിന്ന് ബെംഗളൂരുവിലേക്ക് യാത്രക്കാരുമായി പോവുകയായിരുന്ന സ്വിഫ്റ്റ് ബസ് നിയന്ത്രണം വിട്ട് റോഡരികിലെ കൂറ്റന്‍ സൂചനാ ബോര്‍ഡില്‍ ഇടിച്ചുകയറി തലകീഴായി മറിയുകയായിരുന്നു. അപകടത്തില്‍ ബസ് ഡ്രൈവര്‍ മിഥിലേഷും കണ്ടക്ടര്‍ അരുണും സംഭവസ്ഥലത്തുതന്നെ മരണപ്പെട്ടു. ബസ്സിലുണ്ടായിരുന്ന നിരവധിയേറെ യാത്രക്കാര്‍ക്ക് ഗുരുതരമായി പരിക്കേറ്റിരുന്നു.

അതേസമയം, കെ.എസ്.ആര്‍.ടി.സി. ജീവനക്കാരുടെ വിശ്രമമില്ലാത്ത കഠിനമായ ജോലിയാണ് അപകടത്തിന് വഴിവെച്ചതെന്ന കടുത്ത പ്രതിഷേധം ഉയരുന്നുണ്ട്. അപകടം നടക്കുന്നതിന്റെ തലേദിവസം മാത്രമാണ് മൈസൂരു-കോഴിക്കോട് ഡ്യൂട്ടി കഴിഞ്ഞ് മിഥിലേഷ് തിരികെയെത്തിയത്. എന്നാല്‍ ആവശ്യത്തിന് വിശ്രമം ലഭിക്കും മുന്‍പേ തന്നെ അന്നു രാത്രി അടുത്ത ട്രിപ്പിനായി ഇയാളെ നിയോഗിക്കുകയായിരുന്നുവെന്നാണ് വിവരങ്ങള്‍.കെ.എസ്.ആര്‍.ടി.സി. മാനേജ്മെന്റിന്റെ ഈ അശാസ്ത്രീയമായ ഷെഡ്യൂളിംഗിനെതിരെ ജീവനക്കാര്‍ക്കിടയില്‍ വലിയ അമര്‍ഷമാണ് പുകയുന്നത്.

ഗര്‍ഭിണി ചികിത്സയിലിരിക്കെ മരിച്ചു; ദുരൂഹത ആരോപിച്ച് കുടുംബം

0

കൊയിലാണ്ടി: വാടകവീട്ടില്‍ അബോധാവസ്ഥയില്‍ കണ്ടെത്തുകയും തുടര്‍ന്ന് ചികിത്സയിലുമായിരുന്ന യുവതി മരിച്ചു. ആറു മാസം ഗര്‍ഭിണിയായിരുന്ന പയ്യോളി താരയില്‍ വിരുന്നുകണ്ടി ഷമീമ (28) ആണ് മരിച്ചത്. കോഴിക്കോട് മെഡിക്കല്‍ കോളേജില്‍ ചികിത്സയിലിരിക്കെ ഇന്നലെ പുലര്‍ച്ചെ നാലുമണിയോടെയാണ് മരണം സംഭവിച്ചത്.ആറു മാസം ഗര്‍ഭിണിയായ ഷമീമയെ കൊയിലാണ്ടി അരിക്കുളത്തെ വാടകവീട്ടിലാണ് അബോധാവസ്ഥയില്‍ കണ്ടെത്തിയത്. ഒന്നരമാസം മുമ്പായിരുന്നു സംഭവം. യുവതി ഭര്‍ത്താവിനൊപ്പം വാടകവീട്ടില്‍ താമസിച്ചു വരികയായിരുന്നു. ഫോണില്‍ വിളിച്ചിട്ട് എടുക്കാതിരുന്നതിനിടെ തുടർന്ന് മാതാവ് വാടകവീട്ടില്‍ നേരിട്ടെത്തി അന്വേഷിച്ചപ്പോഴാണ് ഷമീമയെ അബോധാവസ്ഥയില്‍ കണ്ടെത്തിയത്. തുടര്‍ന്ന് ആശുപത്രിയിലേക്ക് മാറ്റുകയായിരുന്നു.ഒന്നരമാസമായി വെന്റിലേറ്ററില്‍ അബോധാവസ്ഥയില്‍ കഴിയുകയായിരുന്നു. മരണത്തില്‍ സംശയമുണ്ടെന്നും അന്വേഷണം വേണമെന്നും ആവശ്യപ്പെട്ട് ബന്ധുക്കള്‍ കൊയിലാണ്ടി പോലീസില്‍ പരാതി നല്‍കി. അസ്വാഭാവിക മരണത്തിന് പോലീസ് കേസെടുത്തിട്ടുണ്ട്.പോലീസ് ഇന്‍ക്വസ്റ്റ് നടപടികള്‍ക്കുശേഷം നാളെ പോസ്റ്റുമോര്‍ട്ടം നടക്കും. ശേഷം മൃതദേഹം ബന്ധുക്കള്‍ക്ക് വിട്ടുനല്‍കും. പരേതനായ സമീറിന്റെയും അസ്മയുടെയും മകളാണ്. മകന്‍: മിന്നൂസ്.

വിരട്ടലിനൊടുവിൽ പൊലീസിൻ്റെ പൂട്ട്; അര്‍ജുന്‍ ആയങ്കി പിടിയിൽ

0

കൊച്ചി: നീണ്ട തിരച്ചിലിനൊടുവിൽ ഒളിവില്‍ കഴിയുകയായിരുന്ന ക്രിമിനല്‍ കേസ് പ്രതി അര്‍ജുന്‍ ആയങ്കി പൊലീസ് പിടിയിൽ. കണ്ണൂരിൽ നിന്നാണ് പൊലീസ് ആയങ്കിയെ കസ്റ്റഡിയിലെടുത്തത്. പുലർച്ചെ രണ്ടരയോടെ ഡിഐജിയുടെ നേതൃത്വത്തിലുള്ള സംഘമാണ് അ‍ർജുൻ ആയങ്കിയെ കസ്റ്റ‍ഡിയിലെടുത്തത്. അർജുൻ ആയങ്കിയെ ഓടിച്ചിട്ട് പിടികൂടിയെന്നാണ് പൊലീസ് വ്യക്തമാക്കുന്നത്.അർജുൻ ആയങ്കിയെ അറസ്റ്റ് ചെയ്തത് പൊലീസിൻ്റെ കൂട്ടായ പരിശ്രമം കൊണ്ടാണെന്ന് കമ്മീഷണർ ബി വി വിജയ് ഭരത് റെഡ്ഡി വ്യക്തമാക്കി. കണ്ണൂർ താളിക്കാവിലെ അഭിഭാഷക ദമ്പതികളുടെ അപ്പാർട്ട്മെൻ്റിലേക്ക് എത്തിയതായിരുന്നു അർജുൻ ആയങ്കി. വാറണ്ടില്ലാതെ അർജുൻ ആയങ്കിയെ അറസ്റ്റ് ചെയ്യാനാവില്ലെന്ന നിലപാടായിരുന്നു അഭിഭാഷക ദമ്പതികൾ സ്വീകരിച്ചത്. ഇതിനിടയിൽ അപ്പാർട്ട്മെൻ്റിൽ നിന്ന് പുറത്തേക്കിറങ്ങി രക്ഷപ്പെടാൻ ശ്രമിച്ച അർജുൻ ആയങ്കിയെ പൊലീസ് പിടികൂടുകയായിരുന്നു.കടലിൽ കാണാതായവരെ കിട്ടിയോ എന്നായിരുന്നു കസ്റ്റഡിയിൽ എടുത്ത പൊലീസുകാരോടുള്ള അർജുൻ ആയങ്കിയുടെ ചോദ്യം. അർജുൻ ആയങ്കിയുടെ വൈദ്യപരിശോധന പൂർത്തിയായി. കണ്ണൂർ ഡിസിസി പ്രസിഡൻ്റ് മാർട്ടിൻ ജോർജ് നൽകിയ പരാതിയിൽ കണ്ണൂർ പൊലീസ് രജിസ്റ്റർ ചെയ്ത കേസിൽ അറസ്റ്റ് രേഖപ്പെടുത്തിയ ശേഷം അർജുൻ ആയങ്കിയെ കോടതിയിൽ ഹാജരാക്കും. ആഭ്യന്തരമന്ത്രിയെ വെല്ലുവിളിച്ചെന്ന പരാതിയിലാണ് കണ്ണൂർ സൈബർ പൊലീസ് അർജുൻ ആയങ്കിക്കെതിരെ പൊലീസ് കേസെടുത്തത്. ഇതിനിടെ സ്റ്റേഷനിൽ നിന്ന് പുറത്തേക്കിറക്കിയ അർജുൻ ആയങ്കി മാധ്യമങ്ങളോട് പ്രതികരിച്ചു.’ജീവിതം നശിപ്പിച്ച ആളായതുകൊണ്ടാണ് വീഡിയോ ഇട്ടതെന്നാ’യിരുന്നു കോതമംഗലം സി ഐക്കെതിരായ സോഷ്യൽ മീഡിയ പോസ്റ്റിൽ അർജുൻ ആയങ്കിയുടെ പ്രതികരണം.

വിദ്യാർഥിനികളെ ലഹരി നൽകി ലോഡ്ജിലെത്തിച്ച് പീഡിപ്പിക്കും; സ്വയം ‘റോളക്സായി’ ചമഞ്ഞ സാഗേഷ് പിടിയിൽ

0

കോഴിക്കോട് : കോഴിക്കോട് ജില്ല കേന്ദ്രീകരിച്ചു പ്രവർത്തിക്കുന്ന അന്തർ സംസ്ഥാന ലഹരി ശൃംഖലയിലെ പ്രധാന കണ്ണിയും 17 വയസ്സുകാരിയെ പീഡിപ്പിച്ച കേസിലെ പ്രതിയുമായ എരഞ്ഞിക്കൽ തടങ്ങാട്ടുവയൽ സാഗേഷ് കുമ്പാളിയെ (31) സാഹസിക നീക്കത്തിലൂടെ എലത്തൂർ പൊലീസ് പിടികൂടി. ഒന്നര മാസത്തോളമായി പൊലീസിനെ വെട്ടിച്ച് ഒളിവിൽ കഴിഞ്ഞ പ്രതിയെ വയനാട് ബത്തേരിയിൽ വനമേഖലയ്ക്കു സമീപമുള്ള റിസോർട്ട് വളഞ്ഞാണ് ശനിയാഴ്ച പുലർച്ചെ രണ്ടു മണിയോടെ പൊലീസ് കസ്റ്റഡിയിൽ എടുത്തത്. എലത്തൂർ പൊലീസ് സ്റ്റേഷനിലെ റൗഡി ലിസ്റ്റിൽ ഉൾപ്പെട്ട ആളും കാപ്പ നിയമപ്രകാരം ശിക്ഷ അനുഭവിച്ച ആളുമാണ് സാഗേഷ്. അറസ്റ്റ് രേഖപ്പെടുത്തിയ ശേഷം പ്രതിയെ കോടതിയിൽ ഹാജരാക്കി.

ഇയാള്‍ സ്‌കൂള്‍ വിദ്യാര്‍ത്ഥിനികളുമായി സൗഹൃദം സ്ഥാപിച്ച് ഇവരെ ലൈംഗികമായി പീഡിപ്പിക്കുകയും നഗ്‌നദൃശ്യങ്ങള്‍ പകര്‍ത്തുകയും ചെയ്തതായി പൊലീസ് പറയുന്നു. ലഹരിക്ക് അടിമകളാക്കിയ പെണ്‍കുട്ടികളെ ലഹരി ഇടപാടുകള്‍ക്കും മറ്റുള്ളവര്‍ക്ക് കൈമാറുന്നതിനും ഉപയോഗിച്ചു എന്നും വിവരമുണ്ട്. വിക്രം സിനിമയിലെ സൂര്യ അവതരിപ്പിച്ച റോളക്സ് എന്ന കഥാപാത്രത്തെ അനുകരിച്ച് ലഹരി ഇടപാടുകൾ നടത്തിവരികയായിരുന്നു സാഗേഷ് കുമ്പാളി. ഇയാളെ പിടികൂടാൻ ‘ഓപ്പറേഷന്‍ റോളക്‌സ്’ എന്ന പേരില്‍ അന്വേഷണം നടത്തിവരികയായിരുന്നു.