spot_img
Saturday, November 21, 2026
Home Blog Page 183

ഇ ചലാന്‍ തട്ടിപ്പ്; പിഴ അടയ്ക്കും മുമ്പ് ഉറപ്പുവരുത്തണമെന്ന് പൊലിസ്.

0

കൊച്ചി: ഗതാഗത കുരുക്കും മെട്രോ റെയില്‍ നിര്‍മാണവും ചൂഷണം ചെയ്ത് ചെയ്യാത്ത നിയമ ലംഘനങ്ങള്‍ക്ക് പിഴയടപ്പിക്കുന്ന വ്യാജ ഇ ചലാന്‍ തട്ടിപ്പുകള്‍ വ്യാപകമായി നടക്കുന്നതായി പൊലിസ് മുന്നറിയിപ്പ് നല്‍കി. കുറ്റം ചെയ്യാത്ത ഗതാഗത നിയമലംഘനങ്ങളുടെ പേരില്‍ പിഴ അടയ്ക്കാന്‍ ആവശ്യപ്പെട്ടുള്ള സന്ദേശങ്ങളാണ് നിരവധി പേര്‍ക്ക് ലഭിക്കുന്നത്..വാഹനത്തിന്റെ രജിസ്‌ട്രേഷന്‍ നമ്പര്‍ ഉള്‍പ്പെടുത്തി അയക്കുന്ന എസ്.എം.എസ്, വാട്‌സ്ആപ്പ് സന്ദേശങ്ങളിലൂടെയാണ് തട്ടിപ്പുകാര്‍ ആളുകളെ കുടുക്കുന്നത്. സര്‍ക്കാര്‍ വെബ്‌സൈറ്റിനോട് സാമ്യമുള്ള വ്യാജ പേയ്‌മെന്റ് പോര്‍ട്ടലുകളിലേക്ക് ഉപയോക്താക്കളെ നയിച്ച് പണം തട്ടുന്നതാണ് ഇവരുടെ രീതി..

തിരക്കേറിയ റോഡുകളിലൂടെ സഞ്ചരിക്കുമ്പോള്‍ അറിയാതെ ഗതാഗത നിയമം ലംഘിച്ചിട്ടുണ്ടാകാമെന്ന ആശങ്ക പലര്‍ക്കുമുണ്ട്. ഈ ഭയം മുതലെടുത്താണ് തട്ടിപ്പുകാര്‍ പ്രവര്‍ത്തിക്കുന്നത്. പിഴത്തുക സാധാരണയായി 500 രൂപ മുതല്‍ ആരംഭിക്കുന്നതിനാല്‍ പലരും സംശയിക്കാതെ പണം അടയ്ക്കാറുണ്ടെന്നും പരാതിപ്പെടാന്‍ പോലും തയ്യാറാകാറില്ലെന്നും പൊലിസ് പറയുന്നു..’ഉടന്‍ പിഴ അടച്ചില്ലെങ്കില്‍ കൂടുതല്‍ തുക ഈടാക്കും’, ‘വാഹന രേഖകള്‍ റദ്ദാക്കും’, ‘നിയമനടപടി സ്വീകരിക്കും’ തുടങ്ങിയ ഭീഷണി സന്ദേശങ്ങളോടെയാണ് തട്ടിപ്പുകാര്‍ ആളുകളെ സമ്മര്‍ദത്തിലാക്കുന്നത്.

ഇത്തരം സന്ദേശങ്ങള്‍ ലഭിച്ചാല്‍ അതിലുള്ള ലിങ്കുകള്‍ തുറക്കുകയോ പണം അടയ്ക്കുകയോ ചെയ്യരുതെന്ന് പൊലിസ് നിര്‍ദേശിച്ചു..പൊതു സ്ഥലങ്ങളില്‍ പാര്‍ക്ക് ചെയ്ത വാഹനങ്ങളില്‍ നിന്ന്, സാമൂഹിക മാധ്യമങ്ങളില്‍ പങ്കുവെച്ച ചിത്രങ്ങളില്‍ നിന്ന്, അല്ലെങ്കില്‍ മറ്റ് അനധികൃത മാര്‍ഗങ്ങളിലൂടെ വാഹനങ്ങളുടെ രജിസ്‌ട്രേഷന്‍ നമ്പറുകള്‍ ശേഖരിച്ചാണ് തട്ടിപ്പ് നടത്തുന്നതെന്നാണ് കണ്ടെത്തല്‍..ഗതാഗത നിയമലംഘനവുമായി ബന്ധപ്പെട്ട സന്ദേശം ലഭിച്ചാല്‍ ആദ്യം അത് ഔദ്യോഗിക സംവിധാനത്തിലൂടെയാണോ വന്നതെന്ന് പരിശോധിക്കണം.

ഔദ്യോഗിക സര്‍ക്കാര്‍ പ്ലാറ്റ്‌ഫോമല്ലാത്ത വെബ്‌സൈറ്റുകളിലേക്ക് നയിക്കുന്ന ലിങ്കുകള്‍ പൂര്‍ണമായും അവഗണിക്കണമെന്നും അധികൃതര്‍ മുന്നറിയിപ്പ് നല്‍കുന്നു..ഗതാഗത നിയമലംഘന നോട്ടീസുകള്‍ ലഭിക്കുമ്പോള്‍ പണം അടയ്ക്കുന്നതിന് മുമ്പ് ഔദ്യോഗിക പരിവാഹന്‍ പോര്‍ട്ടലില്‍ പരിശോധിച്ച് പിഴ യഥാര്‍ത്ഥമാണോ എന്ന് ഉറപ്പുവരുത്തണമെന്നും പൊലിസ് വ്യക്തമാക്കി. ജാഗ്രത പാലിച്ചാല്‍ ഇത്തരം ഓണ്‍ലൈന്‍ തട്ടിപ്പുകളില്‍ നിന്ന് രക്ഷപ്പെടാനാകുമെന്നും അധികൃതര്‍ കൂട്ടിച്ചേര്‍ത്തു.

പൂക്കികളെ പിഴയിട്ട് പൂട്ടി സര്‍ക്കാര്‍; വാഹന മോഡിഫിക്കേഷനെതിരെ നടപടി കടുപ്പിച്ച്‌ എംവിഡി.

0

തിരുവനന്തപുരം: വാഹന മോഡിഫേക്കഷനില്‍ നടപടി കടുപ്പിച്ച്‌ സര്‍ക്കാര്‍. വാഹനങ്ങളുടെ രൂപമാറ്റത്തില്‍ 44 ദിവസത്തിനിടെ പിഴയിട്ടത് ഒരു കോടി രൂപയാണ്.മെയ് മാസം മാത്രം 1,528 വാഹനങ്ങള്‍ക്ക് പിടിവീണു. 86,35,000 രൂപയാണ് മെയ് മാസത്തെ മാത്രം പിഴ തുക.14,85,000 രൂപ പിഴ തുകയായി സര്‍ക്കാരിന് ഇതിനകം ലഭിച്ചു. 71,50,000 രൂപ മെയ് മാസം പിഴ കിട്ടിയവരില്‍ നിന്ന് ഈടാക്കാനുണ്ട്. ജൂണ്‍ മാസം ഇതുവരെ 480 കേസുകളിലായി 14 ലക്ഷം രൂപ പിഴ നല്‍കി. വാഹനങ്ങളില്‍ മോഡിഫിക്കേഷന്‍ വരുത്തിയാല്‍ പിടി വീഴില്ലെന്ന് കരുതി രൂപമാറ്റം വരുത്തുന്നത് കൂടിയിരുന്നു.

അതേസമയം പ്രതിപക്ഷ നേതാവായിരിക്കെ വി.ഡി. സതീശൻ നല്‍കിയ വാഗ്ദാനത്തില്‍ വെള്ളം ചേർത്തു എന്ന രീതിയില്‍ ട്രോള്‍ മഴകള്‍ പെയ്യുന്നുണ്ടെങ്കിലും സങ്കീർണമായ ഈ വിഷയത്തില്‍ അദ്ദേഹം സുരക്ഷയെ മുൻനിർത്തിയുള്ള മോഡിഫിക്കേഷനെ കുറിച്ച്‌ മാത്രമാണ് പറഞ്ഞത്. ”അപകടകരമായ രീതിയില്‍ വയ്ക്കാൻ സമ്മതിക്കില്ല. അല്ലാതെ നടത്തുന്ന മോഡിഫിക്കേഷൻ നടത്തട്ടെ, ചെറുപ്പക്കാർക്കൊക്കെ അത് വലിയ ആഗ്രഹങ്ങളല്ലേ” എന്നായിരുന്നു അദ്ദേഹത്തിന്റെ ആദ്യ വാക്കുകള്‍ .

മുന്‍കൂര്‍ അനുമതി ആവശ്യമുള്ള മാറ്റങ്ങള്‍ (CMVRലെ റൂള്‍ 112 പ്രകാരം RCയില്‍ രേഖപ്പെടുത്തേണ്ടവ) ഇങ്ങനെ*

നിറം മാറ്റുന്നതിന് പണമടച്ച്‌ പ്രത്യേക അനുമതി വാങ്ങേണ്ടതാണ്.

പുതിയ എഞ്ചിന്‍ മാറ്റിവെക്കുന്നതിന് അനുമതി ആവശ്യമാണ്.

എല്‍പിജി/സിഎന്‍ജി (LPG/CNG) തുടങ്ങിയ റെട്രോഫിറ്റ്‌മെന്റ് കിറ്റുകള്‍ ഘടിപ്പിക്കുന്നതിന് അനുമതി വേണം.

സാധാരണ വാഹനത്തെ EV ആയി മാറ്റുന്നതിനും അനുമതി വേണം.

വാഹനത്തിന്റെ ചേസിസ് ഫ്രെയിം (Chassis frame) മാറ്റുന്നതിനും സര്‍ക്കാരിന്റെ മുന്‍കൂര്‍ അനുമതി ആവശ്യമാണ്.

കഞ്ചാവ് ലഹരിയിൽ യുവാവിന്റെ പരാക്രമം; വീടിനുള്ളിൽ ഗ്യാസുകുറ്റി തുറന്നു വെച്ച് ഭീകരാന്തരീക്ഷം സൃഷ്ടിച്ചു.

0

കോട്ടയം: കഞ്ചാവ് ലഹരിയിൽ വീടിനുള്ളിൽ ഗ്യാസുകുറ്റി തുറന്നു വെച്ച് യുവാവിന്റെ പരാക്രമം. കോട്ടയം കൂട്ടിക്കൽ കരിപ്പായിൽ ഇബ്രാഹിം ആണ് വീടിനുള്ളിൽ ഗ്യാസുകുറ്റി തുറന്നു വെച്ച് ഭീതി സൃഷ്ടിച്ചത്. ഇയാളെ മുണ്ടക്കയം പൊലീസ് പിടികൂടി. പൊലീസും ഫയർഫോഴ്സും എത്തി ഏറെ നേരം നടത്തിയ പരിശ്രമത്തിന് ഒടുവിലാണ് യുവാവിനെ കീഴ്പ്പെടുത്തിയത്. പൊലീസ് സ്റ്റേഷനിലേക്ക് കൊണ്ടുവരും വഴി വാഹനത്തിൽ നിന്ന് ചാടി രക്ഷപ്പെടാനും ശ്രമിച്ചു.

രാവിലെ മുതൽ വീട്ടിൽ ബഹളമായിരുന്നെന്ന് അയൽവാസികൾ പറയുന്നു. ബഹളം സഹിക്കാൻ കഴിയാതെ വന്നതോടെ ഇബ്രാഹിമിന്റെ മാതാവും ഇളയ സഹോദരിയും വീടുവിട്ട് ഇറങ്ങി. ഇതോടെയാണ് യുവാവ് വീടിനുള്ളിൽ ഉണ്ടായിരുന്ന രണ്ട് ഗ്യാസ് കുറ്റിയും തുറന്നുവച്ച ഭീകരാന്തരീക്ഷം സൃഷ്ടിച്ചത്. പൊലീസ് വാഹനത്തിൽ നിന്നും ചാടിയതിനെ തുടർന്ന് യുവാവിന് പരുക്കും ഏറ്റിട്ടുണ്ട് .

ഇവിടെ ആർക്കും ലോകകപ്പ് ഉയർത്താം! അരീക്കോട്ടെ അബ്ദുസ്സലാമിന്റെ ‘അത്ഭുത’ കപ്പ്

0

അരീക്കോട്: ലോകകപ്പ് കിരീടം ഉയർത്തുന്ന ടീം ഏതാണെന്ന് അറിയാൻ അടുത്തമാസം 20 വരെ കാത്തിരിക്കണം എന്നാൽ അരീക്കോട് മുണ്ടമ്പ്ര വലിയ കല്ലുങ്ങലിലെത്തിയാൽ നിങ്ങൾക്കും സ്വന്തമായി ലോകകപ്പ് ഉയർത്താം റിയൽ ലോകകപ്പിന്റെ അതേ വലിപ്പവും ഗാംഭീര്യവുമുള്ള ലോകകപ്പ്.

കൊത്തുപണികളിൽ വിദഗ്ധനായ വിളഞ്ഞോത്ത് അബ്ദുസ്സലാമാണ് മരവും പ്ലാസ്റ്റർ ഓഫ് പാരീസും ഉപയോഗിച്ച് ലോകകപ്പിന്റെ മാതൃക തീർത്തത് ലോകകപ്പ് ജേതാക്കൾക്ക് നൽകുന്ന ട്രോഫിയെ കുറിച്ച് കൃത്യമായി പഠിച്ചാണ് സലാം അതിൻറെ മാതൃക തീർത്തത് യഥാർത്ഥ ലോകകപ്പിന് 6.5 കിലോഗ്രാം ആണ് ഭാരം സലാം ഒരുക്കിയ ട്രോഫിക്ക് 4.5 കിലോഗ്രാം ഭാരമുണ്ട് രണ്ടു ലോകകപ്പിനും 36.8 സെൻറീമീറ്റർ ആണ് ഉയരം യഥാർത്ഥ ലോകകപ്പ് 5.92 കിലോഗ്രാം സ്വർണം കൊണ്ടാണ് നിർമ്മിച്ചത് പക്ഷേ സ്വർണ്ണ നിറവും ഗാംഭീര്യവുമൊക്കെ യഥാർത്ഥ കപ്പിനോട് കടപിടിക്കുന്നത് തന്നെ.

ഒഴിവു കിട്ടുന്ന സമയങ്ങളിലാണ് കപ്പിന്റെ നിർമ്മാണം പൂർത്തിയാക്കിയത്ഇതാദ്യമല്ല അബ്ദുസ്സലാം കപ്പിന്റെ രൂപം നിർമ്മിക്കുന്നത് ഏഷ്യ ആദ്യമായി ലോകകപ്പ് ആദിത്യമരുളിയ 2002 ലോകകപ്പ് സമയത്തും ലോകകപ്പിന്റെ മാതൃക ഒരുക്കിയിരുന്നു ഇത് അരീക്കോട് പഞ്ചായത്ത് സ്റ്റേഡിയത്തിൽ ഐ എം വിജയൻ ഉൾപ്പെടെ പങ്കെടുത്ത പ്രദർശന മത്സര വേദിയിൽ പ്രദർശിപ്പിക്കുകയും ചെയ്തു.

അന്നു കൃത്യമായ അളവോ മറ്റു വിശദാംശങ്ങളോ പരിശോധിക്കാതെ ഏകദേശരൂപത്തിലായിരുന്നു കപ്പ് നിർമ്മിച്ചിരുന്നത്ഇത്തവണ കപ്പിനെ കുറിച്ച് കൃത്യമായി പഠിച്ചതിനുശേഷമാണ് മാതൃകയൊരുക്കിയത് അർജൻറീന വീണ്ടും കപ്പുയർത്തണമെന്നാണ് സലാമിന്റെ ആഗ്രഹം.ആവശ്യക്കാർക്ക് കപ്പ് നിർമ്മിച്ചു കൊടുക്കാനും സലാം തയ്യാറാണ്.

എംഎൽഎ സന്ദീപ് വാരിയരുടെ പിതാവ് അന്തരിച്ചു.

0

കോഴിക്കോട് : തൃക്കരിപ്പൂർ എംഎൽഎ സന്ദീപ് വാരിയരുടെ പിതാവ് ചെത്തല്ലൂർ മഹാദേവ പന്തൽ വാര്യത്ത് ഗോവിന്ദ വാരിയർ (83) നിര്യാതനായി. വർധക്യ സഹജമായ അസുഖങ്ങളെ തുടർന്ന് കോഴിക്കോട് മിംസ് ആശുപത്രിയിൽ ചികിത്സയിലിരിക്കെ ഇന്നു രാവിലെയാണ് മരണം. മിലിട്ടറി സർവീസിന് ശേഷം ഇന്ത്യൻ റെയിൽവേയിലും ജോലി ചെയ്തിരുന്നു . വാണിയമ്പലം സ്റ്റേഷനിൽ നിന്നാണ് റിട്ടയർ ചെയ്തത്.ഭാര്യ: പരേതയായ രുഗ്മിണി (റിട്ട. പ്രധാനാധ്യാപിക, ചെത്തല്ലൂർ യുപി സ്കൂൾ). മക്കൾ :സന്ദീപ് വാരിയർ, പരേതയായ ദീപ്തി. സംസ്കാര ചടങ്ങുകൾ വൈകിട്ട് 6ന് വീട്ടുവളപ്പിൽ നടക്കും.

ഓഫാക്കാൻ മറന്നു, തേപ്പുപെട്ടി പൊട്ടിത്തെറിച്ച് വീട്ടിലെ രണ്ട് മുറികൾ തകർന്നു.

0

ഏറ്റുമാനൂർ: തേപ്പുപെട്ടി പൊട്ടിത്തെറിച്ച് വീട്ടിലെ രണ്ട് മുറികൾ തകർന്നു. സ്വിച്ച് ബോർഡിൽനിന്ന് ഓഫ് ചെയ്യാതെ വീട്ടുകാർ യാത്ര പോയതിനെ തുടർന്ന്, പെട്ടി ചൂടായി പൊട്ടിത്തെറിക്കുകയായിരുന്നു. അതിരമ്പുഴ പഞ്ചായത്തിൽ അനമല ഭാഗത്ത് താമസിക്കുന്ന രാജീവ് മാത്യുവിന്റെ വീടിനാണ് തീ പിടിച്ചത്. ശനിയാഴ്ച പുലർച്ചെ വീട്ടുകാർ എല്ലാവരും തിരുവനന്തപുരത്തേക്ക് പോയിരുന്നു. എന്നാൽ, ഉപയോഗശേഷം തേപ്പുപെട്ടി ഓഫാക്കാൻ മറന്നു പോയതാണ് അപകടത്തിന് കാരണമായത്.

ഒൻപത് മണിയോടെ വീട്ടിൽനിന്ന് പുക ഉയരുന്നതായി കണ്ട് നാട്ടുകാർ അറിയിച്ചതിനെ തുടർന്ന് കോട്ടയത്തുനിന്ന് അഗ്‌നിരക്ഷാസേന എത്തിയാണ് തീ കെടുത്തിയത്. വലിയ രീതിയിലുള്ള പുക ഉണ്ടായിരുന്നതിനാൽ ഏറെ ശ്രമകരമായി വീടിനകത്ത് കയറിയാണ് തീ പൂർണമായി കെടുത്തിയത്. സീനിയർ ഫയർ ആൻഡ് റെസ്‌ക്യൂ ഓഫീസർ നിഷാദിന്റെ നേതൃത്വത്തിൽ പ്രവർത്തനങ്ങൾ നടത്തി. മുറിയിൽ ഉണ്ടായിരുന്ന രണ്ട് കട്ടിൽ, മെത്ത, തുണികൾ എന്നിവ പൂർണമായി കത്തിനശിച്ചു. ഫയർ ആൻഡ് റെസ്‌ക്യൂ ഓഫീസർമാരായ രഞ്ജിത്, അബ്ബാസി, അരുൺ, അനീഷ് ജി. നായർ, ഷഫീക്, ഹോം ഗാർഡ് ദിലീപ് എന്നിവർ പങ്കെടുത്തു.

പ്രാണനായ ബ്രസീൽ അന്ന് തോറ്റതോടെ കുഴഞ്ഞുവീണു; ലോകകപ്പ് തോൽവിയുടെ ആഘാതത്തിൽ 4 വർഷമായി കിടപ്പിൽ; ബ്രസീൽ ആരാധകൻ അക്ഷയിനെ വീണ്ടും ജഴ്സിയണിയിച്ച് സുഹൃത്തുക്കൾ.

0

കാക്കനാട്: ഫുട്ബോൾ ലോകകപ്പിലെ പ്രിയ ടീമിന്റെ പരാജയം ഏൽപ്പിച്ച മാനസിക ആഘാതത്തിൽ തളർന്നുവീണ്, നാല് വർഷമായി അബോധാവസ്ഥയിൽ കഴിയുന്ന കാക്കനാട് സ്വദേശി അക്ഷയിന്റെ (അച്ചു – 26) കഥ കായികലോകത്തിന് നോവാകുന്നു.

പാറയ്ക്കാമുകൾ കളപ്പുരയ്ക്കൽ സ്വദേശിയായ അക്ഷയ് പ്രാദേശിക ക്ലബുകളിലെ സജീവ ഫുട്ബോൾ താരം കൂടിയായിരുന്നു. എന്നാൽ 2022-ലെ ഖത്തർ ലോകകപ്പ് ക്വാർട്ടർ ഫൈനലിൽ ക്രൊയേഷ്യയോട് ബ്രസീൽ തോറ്റതോടെ അക്ഷയിന്റെ ജീവിതം മാറിമറിഞ്ഞു. നാട്ടിൽ സുഹൃത്തുക്കൾക്കൊപ്പം ബിഗ് സ്ക്രീനിൽ കളി കാണുകയായിരുന്ന അക്ഷയ്, കളി അവസാനിച്ച നിമിഷം കനത്ത ആഘാതത്തിൽ കുഴഞ്ഞുവീഴുകയായിരുന്നു.മെഡിക്കൽ അവസ്ഥയും പ്രതികരണവുംഅമിത രക്തസമ്മർദ്ദത്തെ തുടർന്ന് പന്തലിൽ ബോധരഹിതനായി വീണ അക്ഷയിനെ ഉടൻ തന്നെ ആശുപത്രിയിൽ എത്തിച്ചെങ്കിലും തലച്ചോറിൽ രക്തം കട്ടപിടിച്ചതായി (Brain Hemorrhage) ഡോക്ടർമാർ കണ്ടെത്തുകയായിരുന്നു. അന്നുതൊട്ട് ഇന്നുവരെ ഈ ഇരുപത്തിയാറുകാരൻ എഴുന്നേറ്റിട്ടില്ല.

ഇന്ന് പുലർച്ചെ നടന്ന ബ്രസീൽ – മൊറോക്കോ മത്സരത്തിന്റെ വിവരം അറിയിക്കാൻ സുഹൃത്തുക്കളും ‘കനിവ്’ ഹോം കെയർ പ്രവർത്തകരും അക്ഷയിന്റെ വീട്ടിലെത്തിയിരുന്നു. കാര്യങ്ങൾ പൂർണ്ണമായി മനസ്സിലാക്കാൻ കഴിയുന്നില്ലെങ്കിലും, കളിയുടെ കാര്യം പറഞ്ഞപ്പോൾ സാധാരണയിൽ കവിഞ്ഞ ചില പ്രതികരണങ്ങൾ അക്ഷയിന്റെ ഭാഗത്തുനിന്നുണ്ടായത് കുടുംബാംഗങ്ങൾക്കും സുഹൃത്തുക്കൾക്കും നേരിയ പ്രതീക്ഷയും സന്തോഷവും നൽകി.ഒപ്പമുണ്ട് നാടും സുഹൃത്തുക്കളുംചുമട്ടുതൊഴിലാളിയായ കെ.ടി. പുരുഷോത്തമൻ, അമ്മ ജയ, ഇളയ സഹോദരി എന്നിവരടങ്ങുന്നതാണ് അക്ഷയിന്റെ കുടുംബം. സാമ്പത്തികമായി ഏറെ പിന്നാക്കം നിൽക്കുന്ന ഈ കുടുംബത്തിന് തുണയായത് നാട്ടുകാരും സുഹൃത്തുക്കളുമാണ്.

ലക്ഷക്കണക്കിന് രൂപ ചെലവ് വരുന്ന ചികിത്സയ്ക്കുള്ള പണം ഇപ്പോഴും കണ്ടെത്തുന്നത് ഇവരുടെ നേതൃത്വത്തിലാണ്.ഇന്നലെ വീട്ടിലെത്തിയ സുഹൃത്തുക്കളും കനിവ് പ്രവർത്തകരും അമ്മ ജയയും ചേർന്ന് അക്ഷയിനെ വീണ്ടും ബ്രസീലിന്റെ മഞ്ഞ ജഴ്സി അണിയിച്ചു. നഗരസഭ കൗൺസിലർ സി.എ. നിഷാദ്, കനിവ് വില്ലേജ് സെക്രട്ടറി എൻ.കെ. പ്രദീപ്, ടി.എ. സുഗതൻ, എം.എ. മോഹനൻ, ബഷീർ മരയ്ക്കാർ, കെ.ആർ. മഞ്ജു തുടങ്ങിയവർ അക്ഷയിനെ സന്ദർശിച്ച സംഘത്തിലുണ്ടായിരുന്നു. ഒരു നാടിന്റെ പ്രാർത്ഥനയും കരുതലും ഈ യുവതാരത്തിന് ചുറ്റുമുണ്ട്.

സ്ത്രീകൾക്കായി അരീക്കോട് വഴിയുള്ള പ്രിയദർശിനി കെ.എസ്.ആർ.ടി.സി സർവീസുകളുടെ സമയവിവരങ്ങൾ പുറത്തുവിട്ടു .

0

അരീക്കോട്: സ്ത്രീകൾക്ക് പൂർണ്ണ സുരക്ഷിതത്വവും സൗജന്യ യാത്രാസൗകര്യവും ഉറപ്പുനൽകുന്ന അരീക്കോട് വഴിയുള്ള പ്രിയദർശിനി കെ.എസ്.ആർ.ടി.സി ബസുകളുടെ വിശദമായ സമയവിവരങ്ങൾ പുറത്തുവിട്ടു. യാത്രക്കാർക്ക് വിവരങ്ങൾ എളുപ്പത്തിൽ പങ്കുവെക്കുന്നതിനായി വിവിധ റൂട്ടുകളിലെ സമയക്രമം അടങ്ങിയ പ്രത്യേക പോസ്റ്റ്‌ ഇതോടൊപ്പം ലഭ്യമാക്കിയിട്ടുണ്ട്. അരീക്കോട്ടുനിന്നും മലബാറിലെയും മറ്റ് പ്രധാന ജില്ലകളിലെയും വിവിധ കേന്ദ്രങ്ങളിലേക്ക് പോകുന്ന സ്ത്രീകൾക്ക് ഈ സർവീസുകൾ ഏറെ പ്രയോജനകരമാണ്.

ട്രോളിംഗ് നിരോധനം.കുതിച്ചുയർന്ന് മത്സ്യവില.

0

കൊച്ചി: ട്രോളിംഗ് നിരോധനം ആരംഭിച്ചതിനു പിന്നാലെ മത്സ്യത്തിനു പൊന്നുംവില. ലഭ്യതക്കുറവ് മൂലം കഴിഞ്ഞ ഏതാനും മാസങ്ങളായി മത്സ്യത്തിന് വില ഉയർന്നുനിൽക്കുകയായിരുന്നു. നിരോധനംകൂടി വന്ന തോടെ വില കുതിച്ചുയരുകയാണ്.ട്രോളിംഗ് നിരോധനത്തിനു മുമ്പ് കിലോയ്ക്ക് 300 രൂപ വില യുണ്ടായിരുന്ന ചാളയ്ക്ക് 360 രൂ പയായും അയിലയ്ക്ക് 120ൽ നിന്ന് 170 രൂപയായും വില ഉയർ ന്നു. കിളിമീനിന് 250 രൂപയി ൽനിന്ന് 300 രൂപയായി വർധിച്ചു. കരിമീനിന് കിലോ 650 രൂപ മുതലാണു വില.

ചില്ലറവില്‌ന മാർക്കറ്റുകളിലെത്തുമ്പോൾ വില ഇതിലും ഉയരും. ചെമ്മീന് 450 മുതൽ 500 വരെയാണു വില. മത്സ്യത്തിന്റെ വലിപ്പത്തിനനുസരിച്ച് വിലയിലും മാറ്റം വന്നിട്ടുണ്ട്. ചെറുമീനുകൾക്കും വില വർധിച്ചതോടെ കച്ചവടത്തിൽ ഇടിവ് സംഭവിച്ചതായി വ്യാപാരികൾ പറയുന്നു. കാലാ വസ്ഥ പ്രതിസന്ധി തീർക്കുന്നതിനാൽ പരമ്പരാഗത മീൻപിടിത്ത തൊഴിലാളികൾക്കും മത്സ്യ ബന്ധനത്തിനു പോകാൻ പറ്റാത്ത സ്ഥിതിയാണ്.

ഇത് ചെറുകിട കച്ചവടക്കാ രെയും പ്രതിസ ന്ധിയിലാക്കുന്നു.അതേസമയം മത്സ്യവില വർധിച്ചത് ഹോട്ടൽ മേഖലയ്ക്കു തിരിച്ചടിയായി. പാചകവാതക വില വർധനവിനെ ത്തുടർന്ന് ഭക്ഷ്യവിഭവങ്ങൾക്ക്വില വർധിപ്പിച്ചതിനു പിന്നാലെ മത്സ്യത്തിനു വില ഉയർന്നതോടെ വീണ്ടും വില വർധിപ്പിക്കേണ്ട അവസ്ഥയിലാണ് ഇവർ. ഇതു കച്ചവടത്തെ സാരമായി ബാധിക്കുമെന്നതിനാൽ പലരും വില വർധനവ് ഇനിയും നടപ്പിലാക്കിയിട്ടില്ല.

ഇനി കളി മാറും! മോട്ടോർ വാഹന ചെക്പോസ്റ്റുകൾ പൂട്ടുന്നു; പകരം 24 മണിക്കൂറും പരിശോധന.

0

തിരുവനന്തപുരം: സംസ്ഥാനത്ത് എല്ലാ മോട്ടോർ വാഹന ചെക്പോസ്റ്റുകളും നിർത്തലാക്കി പകരം എൻഫോഴ്സ്മെന്റ് സ്ക്വാഡുകളുടെ 24 മണിക്കൂർ പരിശോധന നടപ്പാക്കണമെന്ന് സർക്കാർ നിയോഗിച്ച ഉദ്യോഗസ്ഥ ഭരണപരിഷ്കാര സംഘത്തിന്റെ പഠന റിപ്പോർട്ടിൽ ശിപാർശ. ചെക്പോസ്റ്റുകളെക്കാൾ കാര്യക്ഷമമായി പ്രവർത്തിക്കാൻ എൻഫോഴ്സ്മെന്റ് സ്ക്വാഡുകൾക്കു കഴിയും. മോട്ടോർവാഹന സേവനങ്ങൾക്ക് രാജ്യത്താകെ ഓൺലൈൻ സൗകര്യം നിലവിലായതോടെ, മിക്ക സംസ്ഥാനങ്ങളും ചെക്പോസ്റ്റുകളുടെ പ്രവർത്തനം നിർത്തിയിട്ടുണ്ട്. ജി.എസ്.ടി ചെക്പോസ്റ്റുകൾ ഇപ്പോഴില്ല.എന്നാൽ, കേരളത്തിൽ മാത്രം മോട്ടോർ വാഹന വകുപ്പിന്റെ 19 ചെക്പോസ്റ്റുകളാണ് ഇപ്പോൾ പ്രവർത്തിക്കുന്നത്.

ഇതിൽ ഒരിടത്തും പെർമിറ്റ് ഉൾപ്പെടെയുള്ള നികുതികളോ ഫീസുകളോ പിരിക്കുന്നില്ല. ആർ.ടി.ഓഫിസുകളിൽ നിന്നുള്ള ജീവനക്കാരെയാണ് ചെക്പോസ്റ്റുകളിൽ നിയോഗിക്കുന്നത്. മുമ്പ് 24 മണിക്കൂർ പ്രവർത്തിച്ചിരുന്ന ചെക്പോസ്റ്റുകൾ ഇപ്പോൾ എട്ടു മണിക്കൂറാക്കി കുറച്ചിട്ടുണ്ട്. എന്നിട്ടും ആകെ 46 തസ്തികകൾ ചെക്പോസ്റ്റുകളിലേക്ക് മാത്രം വേണം.വാഹനപരിശോധന നടത്തുകയാണ് ചെക്പോസ്റ്റുകളുടെ ലക്ഷ്യമെങ്കിൽ ഇപ്പോഴുള്ള രീതി മാറ്റണം.

നിയമലംഘനം നടത്തി കടന്നുപോകുന്ന വാഹനങ്ങളെ പിന്തുടരാനുള്ള സൗകര്യവും ചെക്പോസ്റ്റുകളിലില്ല. അതിനാൽ ചെക്പോസ്റ്റുകൾ പൂട്ടി പകരം എൻഫോഴ്സ്മെന്റ് സംവിധാനം ശക്തിപ്പെടുത്തുന്നതിന് 12 പുതിയ സ്ക്വാഡുകൾ രൂപീകരിക്കണമെന്നും റിപ്പോർട്ടിൽ പറയുന്നു.റിപ്പോർട്ടിലെ മറ്റു ശിപാർശകൾനിയമലംഘനം കണ്ടെത്താൻ എ.ഐ ക്യാമറകളുള്ളപ്പോൾ ഉദ്യോഗസ്ഥർ മൊബൈൽ ഫോണിൽ ദൃശ്യം പകർത്തി പിഴ ഈടാക്കുന്നത് യുക്തിസഹമല്ല. പകരം റോഡ് സുരക്ഷ ബോധവത്കരണം നടത്തണം.

മുകൾനിലകളിൽ പ്രവർത്തിക്കുന്ന ആർ.ടി. ഓഫിസുകൾ കെട്ടിടത്തിന്റെ താഴത്തെ നിലയിലേക്കു മാറ്റണം.ട്രാൻസ്പോർട്ട് കമീഷണർ എന്ന തസ്തിക നാമം മാറ്റി മോട്ടർ വെഹിക്കിൾ കമീഷണർ എന്നാക്കണം.ആർ.ടി. ഓഫിസുകളിൽ ഓൺലൈനനായി സമർപ്പിക്കുന്ന രേഖകളുടെ കടലാസ് പകർപ്പ് നേരിട്ട് എത്തിക്കണമെന്ന നിബന്ധന ഒഴിവാക്കണം.വകുപ്പിൽ 211 പുതിയ തസ്തികകൾ സൃഷ്ടിക്കണം. 10 കോടിയോളം രൂപയാണ് ഇതിന് വാർഷിക അധിക ബാധ്യത.പകരം 198 തസ്തികകൾ നിർത്തലാക്കി 6.14 കോടി ലാഭിക്കാൻ കഴിയും.